رواية من أعماق أحضان مجنونة -38
احمد جلس جنبهم وظل ساكت وهو يناظر بفطوم ويبتسم....
فاطمة صحيح..
لفوا لها اثنينهم بنفس الوقت..
فاطمة تكلم هالة سويتي ورق العنب؟غسان قال انك اليوم بتسوين؟
هالة وكاْنها تذكرت ووقفت بسرعة وقالت يو نسيته بقوم اشوفه؟
زينة راجع بدري اليوم
قالتها ووقفت يوم يجي مشاري البيت...
جلس على الكنبة وهو متضايق وماعلق بشي,,,
زينة جلست قباله وقالت خير...فيك شي..
مشاري بضيق لا سلامتك...
زينة قول الصدق يامشاري...
مشاري تنهد بقوة...
زينة مريم....
مشاري زينة...
زينة امرني ياتاج راسي....
مشاري تتوقعين اني بقدر اكمل معها واغيرها بعد الزواج؟
زينة لا
مشاري بصدمة ليه...
تنهدت وقالت لانكم مو متفقين ولان مريم ماتبي تتغير...والاهم من هذا كله...............ان القلب متعلق بغيرها؟
قالتها بحسرة....
مشاري بغصة زينة انا كلمت ابوي.
زينة بانفعال لاتقولي انه رفض انك تتركها؟مشاري بذمتك ليه ماقلت له انك مو قادر تعيش معها؟لاتخليه يجبرك عليها وعلى حياة انت ماتبيها؟جيب التلفون انا بكلمه ابوي مالازم يغصبك يامشاري...
قاطعها وقال زينة ابوي يبيني اتركها...
سكتت وقالت وهي تناظره بحب علامك اجل؟مو قال لك اتركها...وش اللي مضيق خلقك؟
مشاري سالفتك انتي واحمد؟
زينة بذهول شنو؟
مشاري مثل ماقلت لك...
تنهدت زينة وقالت بهدوء اولا مريم واحمد ماهم متفقين علشان يربطون العلاقة في بعض؟وبعدين اذا ابوهم موافق لااحمد ولامريم بيعترضون..وبعدين ياولد الناس في شي اسمه قسمة ونصيب...انت مدام مريم ماهي نصيبك لاوجودي انا ولاوجود ابوي ولااي انسان ممكن يوقف بوجهك وبطريقك حبيبي...
وبعدين انا واحمد..............
قالتها وسكتت ونزلت راسها بالارض وبانت منها دمعتين...
مشاري باهتمام انتي واحمد شنو؟
زينة بتنهيدة عميقة حارة قالت وهي تمسح دمعتها انا ادري ان اليوم اللي باخذ احمد فيه ماراح يجي يامشاري واني بموت قبل لااخذ احمد..؟
لف راسه يوم شاف يد لامست كتفه ويوم لف شاف شيخة وراه ومعها عايشة....
جراح ابتسم لهم بمرارة...
شيخة عمي جراح...
جراح هلا وغلا...
شيخة بتميلح مدت يدها كل عام وانتي بخير؟
جراح مد يده وسلم عليها وقال وهو يضحك الله يسلمك وانتي بخير بعد....
عايشة قامت تضحك....
شيخة بتفشل عمي مابي سلامك ابي فلوس؟
جراح بشهادة ميلادك منو مكتوب ولي امرك جراح ولامطلق؟
شيخة اممممم مكتوب مطلق واخوه الحبيب جراح,,
جراح وهو يضحك قولي قسم...
شيخة ضحكت...
جراح طيب جيبيها ها الشهادة اللي مكتوب فيها ها الحكي وانا اعطيك قيمتها..
شيخة انت ليش تكبرها...وتطولها وتعرضها عطني وانت ساكت؟
عايشة بعدي انت دوري اللحين؟
ابتعدت شيخة وجت عايشة ووقفت قبال جراح اللي كان يبتسم وينتظر وش بتسوي..
شوي شوي شوي..وقامت عايشة تبكي كذا من الله لله بدون محد يقول لها شي...
جراح فتح عيونه على وسعها وقال يساْل شيخة شفيها اختك؟
شيخة مدري....انا ماقلت لها شي...
جراح وهو يمسح على شعرها عواش شفيك حبيبتي؟
عايشة ابي فلوس؟
جراح وهو يضحك الله ياخذكم ان شاءالله انتي وابوك وخواتك ..
عايشة وشيخة بنفس الوقت لوين عمي؟
جراح بخوف على بيت الله ...يارب تروحون ..
عايشة بتهديد ولاكانها تبكي على بالي بعد عمي...
جراح طلع محفظته كم تبون؟
شيخة عمي قوم اطلع معنا؟
جراح بهدوء لاانا مو طالع من البيت؟
عايشة ليه؟
جراح بس كذا ابي اجلس بالبيت..
شيخة عمي انت ليه حزين؟
تنهد جراح وقال مضيع لي شي غالي؟
شيخة كم عمي ضيعت...مليون..
جراح وهو يناظرها ويتنهد اكثر شي مايتقدر بثمن يابنت اخوي؟
عايشة اكثر من المليون؟شنو؟
جراح وهو يناظر في باب قسم بيت العراقية ويتنهد مضيع راحة بالي ,,,,!!
نسايم وش تسوين؟
بشاير رفعت راسها ولاشي جالسة احل المسابقة اللي بالمجلة,,,,
جلست نسايم وقامت تناظر باختها وبعد فترة قالت مطلق بيرد مرته؟
بشاير رفعت راسها وقالت هو قال؟
نسايم انا اسئلك؟
بشاير بنرفزة وانا من وين بعرف؟
نسايم باحتقار مو انتي دايم الدوم جالسة مع اخوانك الشباب وتعرفين سوالفهم وطريق البنات ماتدلينه؟
بشاير بحدة ماحب ادخل بسوالف البنات وافرق وحدة عن خطيبها مثل غيري؟
ولا يذبحني الفضول واعرف وش يصير في بيت العراقية من سوالف؟
نسايم والله على الاقل اكون بالصورة وكل الاخبار عندي..
بشاير بلا ها الحركات يانسايم ترى انتي قاعدة تكرهين نفسك اكثر بها اللي تسوينه؟
نسايم بحدة تاْدبي وانتي تكلميني؟ولاتنسي اني لسه ماتكلمت عن اللي اعرفه؟
بشاير بنرفزة وش تعرفين بالله انتي كل يوم ومهددتني؟
نسايم رفعت جوالها وقالت ترى انا شلت رقمه من جوالك وخزنته عندي....حابة نتصل فيه نعرف منه السالفة...
كانت بشاير ماسكة نفسها على اخر نفس...
نسايم أي صدق وش اخبار جراح؟ماقلتيلي وش عنده ذاك الثاني...
بشاير .......
نسايم بتتكلمين ولا.....
بشاير ............................................
نسايم اخذت التلفون ودقت على الرقم اللي مخزنته من جوالها,,,
وجاها الصوت.....
هلا والله بالكل وخصوصا ريم الحلوة اللي فكرتنا مافقدناها لاوالله فقدناك ووحشتينا بعد بس والله ماصار في مجال اني اكتب ها الشي...
عموما انا بترك يوم الخميس تعليق ومساحة حرة بيني وبينكم اعلق فيها على تعليقاتكم الحلوة واقولكم شكثر مشتاقة انا لكم وشكثر توحشوني ههههه
البارت الثامن والاربعين,,,,
نسايم اخذت التلفون ودقت على الرقم اللي مخزنته بجوالها وجاها الصوت الرجولي اللي خلى الثنتين يناظرون في بعض ويسكتون,,,
جراح الو....منو معي....يمه...الو...
سدت نسايم التلفون بسرعة بوجهه وقالت باستفهام هذا مو صوت جراح؟
جراح اللي توه دخل البيت قال أي صوتي...بس منو داق علي وسده بوجهي؟
بشاير بغضب نسايم....
جراح بتاْنيب وش ها الحركات بالله؟
نسايم بتساؤل هذا رقمك؟
جراح وهو لسه واقف انتي شتشوفين بالله؟
نسايم طيب وليه ماعطيتنا هذا الرقم وعطيته لبشاير بس؟
جراح والله عاد كيفي رقمي وانا حر...عندكم اثنين غيره تدقون علي منهم ليه الثالث بعد تعرفينه اخت نسايم...
سكتت نسايم مرة وحدة وبعدها قامت وطلعت من قسمهم...
وتقربت بشاير من جراح اللي كان يناظرها وسكتت وهي عيونها بالارض...
جراح بهمس دق لك اليوم؟
بشاير لا..
جراح أي بس دق لي قبل شوي..
رفعت بشاير راسها وناظرت فيه...
جراح بجدية كلم ابوه اليوم عن مريم وانه بينهي اللي بينهم خلاص...فتوقعي باي لحظة تسمعين الخبر...
غمضت بشاير عيونها وتنهدت...
جراح اذا لكم نصيب في بعض صدقيني انا واقف معكم يابشاير..
بشاير بالم شكرا جراح ماراح انساها لك....
مد لها بالجوال واخذته وقفلته وردته له وقالت يوم قلت لك عن سالفتي مع نسايم انت كلمت مشاري واخذت منه الرقم وهو تفهم موقفك وقال لك عن علاقتنا وعن انه يبي يرتبط فيني....
ماابي الجوال اتركه معك ولاابي اسمع حتى صوت مشاري لين نرسي على حل لنا مع بعض....
حط يده على كتفها بس ماقال شي ولف بيطلع..
بشاير وين رايح اجلس معي!!!
جراح البنات ينتظروني بالخيمة قلت لهم اني بشوف من اللي متصل وبرد لايقلبون الدنيا,,,,,
طلع لهم الخيمة وهم بعدهم ينتظرونه ومن وصل رجعوا جلسوا بحضنه ثنتينهم....
شيخة أي عمي خل نكمل سوالفنا...
جراح كملوا سوالفكم.....
عايشة شنو يعني مضيع راحة البال؟
جراح تنهد وقال وعيونه ترجع لباب قسم بيت العراقية يعني اني مو سعيد ولااني مرتاح...قالها بحسرة والم,,,,
شيخة ليه؟
جراح لاني تعبان...
عايشة طيب روح المستشفى تعالج....
جراح تنهد وقال ياليت المستشفى يعرفون يعالجوني من ها المرض اللي فيني؟
شيخة بتاْثر يعني عمي جراح انت بتموت لانك مريض؟
جراح ابتسم بمرارة وقال ليه من قال اني عايش بها الدنيا اصلا؟؟؟انا من فارقنا ها البيت من سبع ثمان سنين وانا روحي طلعت مني وكل يوم اموت موتة اكبر من اللي قبله؟
عايشة شلون عمي تموت وانت جالس معنا؟؟استغفر الله....انت شتقول احنا مانفهم لك؟
شيخة صحيح عمي اللي يموت يدفنونه مايرجع يعيش مرة ثانية ليه انت تقول ها الحكي؟
وصل مطلق بها اللحظة وبان عليه التعب سلم وشال شماغه وتسند ومدد رجلينه...
جراح يالله قوموا فزوا ابوكم وصل وروحوا استلموا بدالي!!
مطلق بتعب لاواللي يعافيك هلكان وماابي أي احد ابي اريح لي شوي...
جراح طيب حطهم عليك ترى جلستهم مساج طبيعي...
ماعلق مطلق وغمض عيونه وبس سمع صوت شيخة تقول شوفوا فطوم من وين جاية فتح عيونه يمكن لانه توقع يشوف دارين,,,,
بس فطوم كانت طالعة من قسم بيت العراقية اللي خلى جراح قلبه يوقف لاسيما انها طلعت مع احمد وهالة,,,,,,
جت لهم وهي حاملة صحن فيه ورق عنب....
والتقت النظرات الثلاث بس جلست فطوم بالخيمة وقالت مو بعاطية احد لي بروحي؟؟؟
ثلاثتهم ناظروا في بعض...
شي مشترك بينعم خلاهم يناظرن بها الشي...
ورق العنب اللي كانت هالة تجيبه لهم بالخش وهم صغار...
ها الموقف مر في بالهم وفي بالها بعد...
تنحنح احمد وسلم عليهم وهو طالع ولزموا عليه يدخل يتقهوى بس انه مارضى وكانت هالة جنبه بس صادة بنظراتها بعيد عن عيون جراح....
هالة عند الباب انتظر مني مكالمة؟
احمد الى ساعة وبنظم اموري..
هالة بحدة خفيفة لاتتهور...
احمد مو جالس هنا مكتف يديني؟
هالة بشوية عصبية طيب روح هناك....وش راح تسوي بالله؟وانت لاتدري وين ساكنين ولا وين مكانهم؟بتدور على فنادق المدينة كلهم؟احمد خلك واقعي انت ماعندك خيط قوي تمسكه خل نسايس ابوي ونشوف وش يطلع معنا وانا وعدتك اني اسئله وهذا انا انتظره ...
احمد باصرار هالة لاتنسين ضروري.....
هالة طيب....بحفظ الله...
طلع احمد ورجعت هي تمشي بالهون وهي متاْكدة ان في عيون وراها تاْكلها بس ماحبت تلتفت له وتعطيه أي مجال دخلت وسكرت الباب وراها وتسندت عليه وتنهدت....
اما مطلق عدل روحه وشاف فطوم وهي تاكل...ريحة الورق اصلا رجعته لزمان وناظر بجراح اللي كان بعد يناظر بللي عند فطوم.....
جراح فطوم تعالي هنا...
فاطمة بعناد مو جاية قلت لكم لي بروحي مابعطي احد؟
جراح مانبي شي بس بنشوفه...
فاطمة لا
شيخة عمي قول لها تعطيني؟
فاطمة مو عاطية احد...
شيخة بتهديد بروح اقول لجدتي انك تروحين بيت العراقية وتقعدين معهم وتاكلين بعد؟
فاطمة بصراخ بس وحدة بعطيك...
جراح برجا فطوم تعالي بس بشوف ماباكل صدقيني...
فاطمة وقفت وشالت الصحن وتاْففت اووووف من يشوفون الواحد عنده شي يصيرون محسرين مدري ليه؟
جلست جنبه وشال هو الصحن يناظر فيه وقال بدون انتباه تذكره يامطلق.....نفس الريحة والشكل..
مطلق ابتسم وقال أي اذكر..واذكر كيف كنا نتهاوش عليه بعد...
تنهد جراح وقال واذكر بعد أي ضرب اللي تنضرب بعده اذا جابت لنا وهم مايدرون عنها لاراح احمد وفتن عليها.....
ياه...مر وقت طويل...كبرنا وانتهت ذيك الايام...
فاطمة بنرفزة اول مرة اشوف ناس تاخذ الصحن وتقعد تهذر؟جيبه بس باخذه اكله قبل لايقولون يبون؟
مشاري وقف عند غرفة زينة ودق الباب..
من تكلمت معه دخلت غرفتها وحبست نفسها فيها وكل ماحاول يكلمها ماترد عليه....
تنهد بقوة...
ياخذها من زينة...ولا من مريم ولامن بشاير ولامن الشركة ولامن شنو بها الدنيا بس!!
مشاري زوانة فتحي حبيبتي ابي اكلمك...
زينة بصوت ضعيف وتعبان مشاري روح انا مااحس اني بخير؟
مشاري بخوف شنو يعني منتي بخير؟
ماجاه رد على تساؤله....
مشاري بخوف اكبر زينة...زينة تكفين فتحي الباب..
زينة بصوت ضعيف ابي اظل بروحي....
مشاري مو تاركك بروحك انا حاسك تعبانة...
زينة اذا ريحت بكون بخير؟
مشاري بعصبية زينة لو مافتحتي الباب بكسره ها فلاتخليني اضطر؟قلت لك فتحي الباب لاتعاندين...
توه بيكمل كلامه الا وبالباب ينفتح..
قبل حتى مايشوفها قال انتي ليه تعاندين بالله؟قايل لك الف مرة لاتظلين بروحك وانتي مزعلة نفسك...يبى مافي شي يسوى...
ناظرته بتعب وشحوب وماقالت شي لانها طاحت على الارض....
على سفرة العشى في قسم بيت ابو احمد....
كانوا جالسين اربعتهم على السفرة...
ابو احمد وهو ياكل الله يرحمك ياام احمد نفس الطعم والشكل
بالضبط نفس اللي تسويه امك...
دارين انا اقول خل نسوي حركة استغلال ومانساْل ها لة عن الطريقة علشان تتعذب وهي اللي تسويه كل مرة...
غسان لاعاد انا ماارضى على دكتورتنا ترى ماتشتغل عندكم,,,
ابو احمد هالة...
كانت الوحيدة الساكتة وتسمع تعليقاتهم....
هالة نعم يبى...
ابو احمد انتي كم ماخذة اجازة من المستشفى؟
هالة انا ماخذة اجازة استثنائية....
ابو احمد واذا طلعتي من العدة بترجعين المستشفى...
نزلت راسها وسكتت..
ابو احمد اقصد يعني نفس المستشفى بترجعين له ولا بتطلبين نقل لمكان ثاني...
هالة لايبى انا مرتاحة هنا....
دارين انت لمتى قاعد معنا؟
غسان لبكرة بس.....
ابو احمد افا؟
ضحك غسان...
ابو احمد وانا اقول الشركة منورة تقولي بكرة بس؟
غسان أي يبى خلاص عندي محاضرات مقدر مااحضرها...
هالة خل في بالك دراستك اهم من أي شي....
غسان طبعا....
هالة الكلام لك وللي جنبك..
ابتسمت دارين وضحكوا ابوها واخوها...
هالة ماشفنا نتايجك حق الفترة اللي راحت؟
دارين لسه باقي انا مااختبرت؟بس الوضع ككل ممتاز صدق الدراسة صعبة بس الحمدلله...
ابو احمد انا شكلي بالنهاية يادارين بعلمك انتي الشغل وبمسكك الشركة؟
دارين حلو علشان اسرقكك واهاجر...
غسان ههههه
هالة ابتسمت وبس...
ابو احمد شوف الملعونة تقولها عيني عينك ماتستحي؟
دارين هههههه
ابو احمد وهو يناظرها احب ها القعدة اللي بينكم..وابي توعدوني حتى بعد عيني تظلون مع بعض وماتتفارقون؟
هالة ابو احمد...
لف لها وقال وهو عارف انها تبي شي لانها ماتسميه ابو احمد الا اذا بخاطرها شي بتقوله خير يبى...
هالة وهي تركز نظراتها عليه عاجبتك لمتنا كذا؟
ابو احمد طبعا عاجبتني....الله يرحمها امكم جمعتكم وجمعت قلوبكم على بعض....مو مثل ام وليد كل واحد فيهم مايواطن الثاني وكل ماجيت اجمع فرقت هي ومابالت بشي.....
هالة بصراحة بس احنا مو عاجبتنا.......
ناظروا فيها اخوانها وسكتوا وقال ابوها بتردد مو عاجبتك قعدتكم كذا ياهالة؟
هالة بصراحة اكبر لا...
ابو احمد ليه؟
هالة بعد تنهيدة عميقة قالت ناقصها كبيرنا احمد....
تنهد ابوها وفهموا اخوانها قصدها...
هالة جاني اليوم واذا تبي احلف لك اني ماعرفته من الهم اللي بوجهه بحلف لك؟مو هذا احمد يابو احمد؟مو هذا ذراعك اليمين؟مو هذا اللي يوقف معنا بشدايدنا؟مو هذا سندنا وعونا؟الهم كسره يايبى...
ابو احمد شقال لك؟
هالة مايبي شي يبى وبيكمل معك ها العرس بس قوله وين مرته؟
تنهد ابو احمد وماعلق...
هالة يمكن احنا مانحبها ومااتفقنا معها بس يبى هو مايستغني عنها...عايش حالة جنون لانه مايدري هي وين فيه؟
ابو احمد أي بس اللي اعررفه انه زينة ماقصرت خلتها تكلمه؟
هالة يبى انت مو من صدقك؟ها الدقيقتين اللي كلمته فيهم وابوها على راسها بتشبعه؟
ابو احمد الحريم مو كل شي بالدنيا ياهالة؟
هالة بمرارة ولده عندها يايبى وهذا كافي انه ينهار من فراقها؟
ناظرها ابوها ولقى دمعة بعيونها بتنزل ماحب يجادل اكثر علشان لايشوف ضعفها... وقام من السفرة وقال انا رايح اكلمه...واتفاهم معه...
يوم يقومون من سفرة العشى جلسوا مع بعض يسولفون عن احداث اليوم اللي صارت...
غسان تصدقون اليوم ابوي قال كلام غريب...
ناظروا فيه ثنتينهم....
غسان سئلني كيف ممكن اسعد عيالي....
هالة وانت شقلت له؟
تنهد غسان قلت له اتركهم يختارون الحياة اللي يبونها....
ناظروا فيه ثنتينهم وافهموا عليه.....
غسان حسيت ابوي مسكين يبي يسعدنا وماهو عارف؟
دارين أي بس اللي سواه لااحمد....شي كبير ياغسان....
تنهد غسان وماعلق...
هالة ابوي من البداية مو عاجبته ريم وعاجلا ام اجلا بيزوجه غيرها بس طريقته في انه يبعدها كانت مش حلوة...
دارين تتوقعون اللحين بيقوله وينها فيه وبيخلي ريم ترد؟
غسان أي...ابوي كان مهموم اليوم بشكل مو طبيعي ويحاتي احمد وكل شوي يرفع سماعة التلفون بيدق عليه ويرجع يسكرها...اتوقع كلام هالة له قبل شوي يخليه يلين...
هالة القضية مو برجعة ريم ؟
دارين اجل بشنو؟
هالة تنهدت بالحاجز اللي بنته ر يم بينها وبين احمد من اللي صار؟
دارين بتاْثر بس احمد ماله شغل.....
عم السكون مرة ثانية وقطعته هالة.....
هالة اليوم جت زوجتك تساْل عنك ياغسان؟
غسان زوجتي انا!!!!هالة شفيك انا مو متزوج؟
هالة حطت رجل فوق الثانية وقالت بحدة والله عاد هذا اللي قالته لنا انا واحمد وماحبيت افتح السيرة قدام ابوي لين اتفاهم معك بالاول؟
غسان بدفاع هالة تكذب والله انا مااعرف احد غير سالفة ناريمان اللي قلت لك عنها اناما اعرف أي بنت صدقيني؟
دارين وهي تناظرهم هالة .....
هالة وانا جايبة السالفة من راسي؟دق على احمد هو اللي فتح لها الباب ودخلها؟
سكت غسان وجمد ماعرف شيقول...
ودارين قلبها وقف من المصيبة اللي جتهم وماتوقعوها...
هالة بعد سكون قالت بجدية حتى قالت اسمها فطوم؟
ناظروا دارين وغسان في بعض وابتسموا بعد تنهيدة قوية طلعت من غسان ولفوا لهالة لقوها تبتسم ...
هالة قالت أي...غسان باشا...ماقلت لنا متى تزوجتوا ومتى عرفتها اصلا!!!
غسان مات ضحك وضحكت معه هالة....
دارين طيب انتي شرايك فيها؟
هالة تغمز لغسان بتضيع اخوك...
ضحكت دارين...
غسان لالالا انا رجال وماتمشيني حرمة وراها..
هالة صح...مبين اصلا انها راكبتك وممشيتك وراها؟
دارين افا طلعت خرطي يعني؟
كان جراح واقف عند عمود الخيمة وعيونه لفوق...
لعند القمر ونجومه....
كان يناظر بالسواد اللي فوق وكيف انه غريب....
واروى كانت تناظره من شباك نافذتهم وكلام امها في بالها...
حطت شيلتها فوق راسها وسكرت العباية وطلعت..
كانت تقدم خطوة وترجع الثانية وهي تتاءمل بجراح.....
وقطع عليها تاءملها يوم ينزل راسه ويشوفها جاية صوبه....
جراح يوم شافها وقفت وتناظر فيه قال خير ان شاءالله في شي؟
اروى ها...
جراح بشماتة مضيعة لك شي بوجهي؟؟ ابتسمت وسكتت...
لف عنها للجهة الثانية...
مروا عليه من شكل اروى كثير بالاستعراض ورمي النفس بس ماعمرهم خلوه يلتفت لهم لان القلب والعقل متفقين على هالة وبس!!!!
اروى بهمس بتتعب من الوقفة؟
جراح وهو مغمض عيونه ماشكيت لااحد؟
اروى بتميلح أي بس احنا يهمنا...تهمنا صحتك ؟
تنهد جراح ومارد عليها...
اروى تعشيت؟
ظل مغمض عيونه وماعلق بشي.....
اروى ادز لك العشى لهنا...
جراح بدون مايفتح عيونه شتبين؟
اروى جاية اتطمن عليك....
قالتها بهمس وفتح هو عيونه ولقاها واقفة قباله...
كان يناظرها ومايناظرها....
يناظرها لانها قباله علطول بس نظراته مو لها نظراته اصلا شاردة بصورة متعلقة بخياله؟؟؟
اروى بنفس الهمس ولا خاطرك بشي معين ترى مايردك الا لسانك....
تنهد جراح بعمق وابتسمت له اروى......
جراح بقوة روحي دخلي بيتكم ؟
اروى ماابي....
جراح خافي على نفسك يابنت وروحي دخلي بيتكم!!
قالها ودق جواله فااضطر يبتعد عنها ويكلم...
وهي بعد حست بالضيق من كلمته..وراحت تمشي لبيتهم ولقت نسايم قبالها واقفة وتبتسم لها...
اروى بدفاع انا...
نسايم انا قايلة اشكالكم فيها شي ضابط على بعض؟
اروى بخجل شنو؟
نسايم ودايم لاجت سيرتك يسكت....اتاريكم مو سهلين؟
اروى ...........
نسايم سحبتها من يدها وقالت تعالي بنشوف وش اللي قلتوه وشنو بتقولون بعد لبعض؟
بغرفتها بعد الساعة عشر ونص جاها منه مسج(اشتقت لصوتك)
ردت عليه(اشتاقت لك العافية)
مطلق(بتظل معاقبني وتاركني محروم من صوتك)
دارين(؟؟؟؟؟؟؟؟؟)
مطلق(حبي خلنا نكلم بعض ترى انا اتعب اذا ماسمعت صوتك ياقمر)
دارين(مطلق احنا من سالفة مو قادرين نتفق)
مطلق(بكلمك وبقولك على شنو بنتفق)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك