رواية من أعماق أحضان مجنونة -37
يالغالي….بظل خدامة تحت رجلك بس ابقى معك؟
قالتها لان ابوها موصيها قبل لاتكلم احمد تقوله ها الكلام بعد ماعطاها محاضرة طويلة عريضة عن ان احمد يبي يتزوج وهاذي رغبته مو بس رغبة ابوه لان ها الشي عندهم عادة بالعيلة,,,
وهي مالازم تزعل وتضايقه,,
احمد بهمس لاتقولين ها الكلام….انا احبك وابيع عمري بس اشوفك مرتاحة واذا على سالفة العرس ابوي الله يسامحه حطني بها الموقف وانا ماعرفت شلون اتصرف ولا شقول ياريم بس اوعدك مو صاير الا كل خير…انا بس ابي اشوفك علشان اتطمن عليك..
ريم انا بخير يااحمد تطمن……قالها لسانها بس اللي مارضى يطلعه له ويسمعه اياه كان شي ثاني,,,,
شنو ذنب الا جنيته وياك يافلان…
لاذنب الا بدى مني ولاانا بعشرتك غلطان,,,
ا لكل شي انا حسبت حساب وبس فرقاك ابد ماكان,,
لا يلافلان لو داسك عطش اسقيك من عيني وانا العطشان,,
ولو مر الشتا بليلك اضمك بين ذراعني وانا البردان,,
احزن قبل ماتحزن اذا اشوف الدمع بعيونك وحزنان,,
واعيد قبل ماتضحك لو شفتك حبيب تضحك وفرحان,,,
تنهدت بعد ماسكرت وهي تقول بس ابي اعرف ليه بعتني يااحمد ليه؟
ابو احمد شلونك زينة...
زينة بخير عمي الله يسلمك....انت بشرنا عنك؟
ابو احمد وهو يضحك بخير انا اذا عندك بنت صغيرة وحلوة زوجيني اياها؟
زينة لا…وماتزعل ام وليد؟
ابو احمد ههههه واحنا وش علينا منها عاد؟يبى انا شباب !!
ولعلمك بعد ماتتزوجين انتي ومشاري بنتزوج انا وابوك بليلة وحدة؟
زينة اي عسى ربي يوفقكم…
ابو احمد ههههههههه تراني اتكلم جد مااسخر؟
ظلت ساكتة على الخط وماهي عارفة شتقول لانه هو اللي متصل لها…
ابو احمد بجدية زينة…انا زعلان منك يبى علشان كذا قلت اكلمك واقولك؟
زينة خير عمي وش عندك؟
ابو احمد ليه امس قلتي ها الكلام؟
زينة عمي انا اللي زعلانة منك…معقولة يجيك نوم وانت مزعل احمد؟ انت تدري حياته بريم كيف تبعدها عنه بس؟
زفر ابو احمد وقال بضيق احمد بيكون لك يازينة فلاتقولين ها الكلام وتدافعين وتوقفين معها ومعه…
زينة بحسرة مشكلتي عارفة انه يحبها وادري اني بخرب بينهم بس انت ماتدري الايام اللي جاية وش بيصير بينهم وشنو انا بسوي…
عمي صدقني انا ماابي اخرب بينهم وبتركهم يعيشون حياتهم مثل مايبون وبظل مجرد شي يتنفس وجود احمد من بعيد لبعيد….
ابي اعيش باقي عمري بس له وعلشانه بس بشرط واحد يكون مع مرته اللي يحبها واخدمهم انا بعيوني؟
جراح ليش قاعد بروحك هنا وكنك من الشحاتين اللي على باب الله؟
رفع غسان راسه وشاف جراح قدامه....
ماقال شي بس تنهد....
جراح تنتظر شلة الانس تجي تونسك؟
غسان لا
جراح اجل...
قالها وجلس جنبه على عتبة قسمهم...
غسان بشرود متضايق؟
جراح بتنهيدة وانا اكثر...
لف له غسان وناظر فيه..
جراح بدون مايناظره قاصرك شي؟
غسان لا الحمدلله الخير موجود…
جراح وهو يناظر بالسما تحب ومتفارقين انت وياها؟
غسان بسرعة وارتباك لا طبعا…
جراح اجل ضايق صدرك ليش بالله؟
هالة اختي…
قالها بسرعة وهو يناظر بالارض….
وماانتبه على جراح اللي زفر بالقوة وناظر فيه ولاكان بيقراء عذاب هالة بعيونه هو,,,,
غسان كمل وكانه مو منتبه على نفسه هالة…تعبانة…متضايقة…مخنوقة…وانا مو قادر اسليها وابعد عنها الكدر؟
جراح في باله خلاص ياغسان لاتتكلم واللي يعافيك انا مو قاصر احد يشكيلي همها وانا اللي ماانام الليل افكر فيها وفي تعبها؟
رفعوا راسهم ثنينهم يوم سمعوا صوتها تنادي غسان من باب الصالة اللي كان مفتوح…..
قام جراح بسرعة وبعد عن الباب علشان لايحط عيونه بعيونها ويقراْ فيها اي تعب….
وقفت عند الباب المفتوح ولف لها غسان ..
ماكانت لابسة عبايتها …
كانت لابسة بنطلون اسود وبلوزة سودة…
يعني سواد بسواد ياجراح يعني زعل وضيقة خلق وكدر وهموم,,,
هذا اللي قدر يشوفه وهو لاف عند العمود اللي قريب من بوابتهم…
هالة وش تسوي هنا بس؟
غسان مليت بروحي وكلكم نايمين؟
هالة انا مو نايمة انا كنت اجهز اغراض ورق العنب..
غسان لا بتسوينه مثل ماوعدتيني البارح…الله خوش بنية انتي ياهالة؟
هالة قوم بس قوم علشان تلفه انت!!خوب انت اللي طالبه؟
كانت عيون جراح تاكلها…تاكل صوتها..تاكل حتى انفاسها.؟…
تاكل التعب اللي فيها وقاعدة تخبيه,,,
في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !
إسمك حبيبي ويا كثِرها أساميك
وقلبي يفز .. لا جابوا الناس إسمك
ليتك تحس في ضيقتي يوم أحاتيك
أحرق لك أعصابي .. وما [حَس دمِّك
امنتـك اللّـهـ لا يطـول غيابـك
وش تنفـع الدنيـا بليـا وجودك
يمكـن غيابـي مايسبب عذابـك
لكن عذابي ياعذابـي صدودك
غالـي وتبقـى غالي في غيابـك
لكن يزيـدك من غلاتك وجـودك
ليت الحزن دمع وابكيه
احمد صباح الخير والحب والورد...
هالة اكيد رجعت ريم..
احمد بصدق الله يسمع منك....
هالة اجل وش اللي غير النفسية اليوم؟
احمد بارتياح سمعت صوتها..الحمدلله..
هالة طيب حلو...
احمد بلهفة صدق اني ماشبعت...بس ولا العدم...
هالة الجنين بخير..
احمد تقول بخير...
هالة وينها فيه؟
احمد عند النبي....
هالة اوووف....لهناك وصلت؟
احمد هالة ابوي بالبيت؟
هالة والله راح الشركة بدري اليوم..ليه؟
احمد انا مااخذت وعطيت معها كثير وهي قالت رحلتهم ابوي منظمها وابي اسئله هم هناك بيضلون احجز واروح لها ولا كيف بيكون وضعهم...
هالة اممم..مو مشكلة انا اسئله بس تعال هو يدري انك كلمتها؟
احمد اتوقع أي...
هالة ليش تتوقع؟
احمد لان اللي خلاها تكلمني شخص ماممكن تتوقعينه..هو اللي توسط لي علشان اكلمها ماكانها مرتي؟
هالة منو؟
احمد اخر شخص ممكن تتوقعينه يخدمني بها الشي؟
هالة طبيعي مابيكون ابوي لانه هو اللي مباعدها عن طريقك ....بس لاتقولي زينة؟
احمد تنهد وقال أي..
هالة احمد شسالفة؟
مطلق بعتب يصير عاد ماتصبحيني بصوتك الحلو؟
دارين ادري ان صوتي ماهو حلو فما له داعي تقول ها الديباجة كل يوم؟
مطلق والله عاد يكفيني انا انه حلو وان اذني تحبه..
دارين أي بس انا ادري فيه مو حلو؟
مطلق يبى انا مو داخل فيه مسابقة اجمل صوت؟؟انا ابي اسمعه علشان اروق....
دارين أي وبعدين....
مطلق سلامة قلبك...
دارين يالله مع السلامة؟
مطلق اوووف يامسرع ماتمللتي مني!!
دارين وهي تضحك توك تقولي سلامتك..يعني اسكر ماعندك شي تقوله؟
مطلق لا عندي وعندي ونص بعد!!
دارين يالله احكي انا اسمعك...
مطلق كم باقي لك وتخلصين الجامعة؟
دارين وليه تساْل؟
مطلق بهمس علشان اسئلك متى تبيني اخطبك؟
دارين بصدمة بها السرعة..
مطلق بتنهيدة ليش نطولها اكثر انا ودي فيك الليلة قبل بكرة...
دارين بارتباك أي بس احنا مابعد عرفنا بعض كثير...
مطلق لك شهر واحد تعرفين فيه اللي تبيه وبعده بجي اخطبك وبدون أي حجج ثانية سامعتني..ترى مو قادر اشوف ها العيون الذباحة ومااتغزل فيها بلحالي!!
كان يقدم رجل وياخر الثانية...
يطلع ويرجع يدخل....
يقدم وياخر...
لين انتبه له ابوه....
ابو مشاري مشاري...
لف لاابوه بسرعة....
ابو مشاري علامك يبى....في شي؟
تنهد مشاري وسكت..
ابو مشاري قام من مكتبه وتقدم من مشاري وقال بحنان يبى..تاعبك شي؟
مشاري بضيق لايبى سلامتك…
ابو مشاري بنفس الحنان اجل مضايقك شي؟شوف كيف تدخل وتطلع..تكلم يبى انا اسمعك؟
زفر مشاري بقوة وقال بضيق يبى انا مخنوق…
مسكه ابوه من يده وجلسه على الكرسي وجلس قباله..
ابو مشاري انا اسمعك يبى تكلم..ماعاش الضيق وانا ابوك…بسوي اي شي ممكن يريحك؟
مشاري بتنهيدة حتى لو طلبت منك طلب ثقيل وكبير يبى..
ابو مشاري انا حاضر يامشاري..سعادتكم بالدنيا عندي…انت بس تكلم؟
مشاري بتنهيدة وخجل حتى لو قلت لك اني ابي اطلق مريم لاني مو مرتاح معها؟
فتح ابو مشاري عيونه على وسعها وفي باله يقوله(اللحين وبها الوقت يامشاري)
طبعا كانوا البارتين مدموجين حق اليوم وبكرة وادري انكم تعبتوا وانتم تقرون بس يالله معليش الله يسامحني وان شاء الله مااعيدها مرة ثانية واطول في البارتات الجاية هههههه
اشوفكم على خير يوم السبت ان شاء الله…
اي وقبل لاانسى يسلم عليكم مطلق ويقولكم بناته كلهم واحد ولاتفرقون بينهم ترى فطوم مو اغلى عنده من شيخة وعايشة وكلهم سوى,,,ولابيزعل عليكم,,
تجميع
زهور حسين & اســــ(DANIA)ـــــطورة !
منتديات غرام | أقلام لا تتوقف عن الإبداع
رواية من أعماق أحضان مجنونة
الكاتبه المبدعه والمتألقه : ملح الحياة وسكرها
منتديات غرام | أقلام لا تتوقف عن الإبداع
((2))
مرحبا وياهلا وغلا في احلى بنات....
شلونكم...
افتقدتكم والله...احس اني اعرفكم وتعرفوني وبينا سوالف وحركات كله من تعليقاتكم الحلوة...
المهم انا عندي تنويه على نقطة انتوا تتطرقتوا لها كثير وحبيت ابينها لكم رغم انها بتبان بالبارتات الجاية,,,
سالفة زينة ومرضها...
من قال ان المريضة بالقلب ماتتزوج؟؟؟
عبارة غير صحيحة...انا اخت صاحبتي عندها القلب الشر برى وبعيد عنكم وعن حبايبكم...وكاهي تزوجت وعايشة حياتها بخير الحمد الله..
تكون ممنوعة من العيال أي صح وتبتعد عن الانفعالات انا معكم بس انها ماتتزوج لا...
يعني اصلا يوم يسئلون اهلها الدكتور عصب وتنرفز عليهم واعتبر تفكيرهم رجعي لان الحياة لازم تستمر عند المرضى والزواج ممكن يحسن الحالة ويقلل من الانفعالات صحيح ممكن يزيده بس الخطوة السليمة ان البنت تتزوج طبيعي ماابي اسرد لكم كل الفكرة لانها بتجي بعدين بس الفكرة ان اللي عندها القلب ماتتزوج ترى انا مو جايبتها من جيبي انا جايبتها من دكتور وموثقة وبحالة انا اشوفها قدامي
,,,,
البارت السابع والاربعين ,,,,
مشاري بخجل يبى انا...
تنهد ابو مشاري بقوة خلت مشاري يسكت ومايعلق بشي....
ضل الصمت لافهم اثنينهم وبعد مدة قال مشاري بالم يبى اذا انت رافض الفكرة انا ماراح اسوي ها الشي؟
ابو مشاري بعصبية شنو؟
سكت مشاري لان ابوه ماله بالعادة يعصب كذا بوجهه...
ابو مشاري بانفعال شقلت؟ماسمعتك؟
مشاري بتردد يبى...
ابو مشاري بنفس عصبيته تضغط على نفسك؟تعيش مع انسانة ماتبيها؟ليه؟وش علشانها؟
سكت مشاري وهو مو عارف شيقول....
ابو مشاري هداء شوي وقال بحنان يبى مشاري اذا انت حاس نفسك مو قادر تكمل مع مريم لاتضغط على نفسك وتكمل وتعيش حياة سودة تكره فيها حتى نفسك؟الحياة بعدها قدامك والمستقبل قدامك وكل شي بختيارك انت؟
تنهد مشاري وقال بصراحة وعمي بواحمد؟
ابو مشاري انت مفكر ان انا وياه بنتزاعل على سوالف عيال وعرس؟لاوالله مانسويها...
مشاري باعتراض أي بس..
ابو مشاري بحزم كل شي قسمة ونصيب ياولدي...ومحد في الدنيا ياخذ الا نصيبه...
تنهد مشاري براحة وقال طيب وسالفة احمد وزينة...
نزل راسه بالارض وقال لولده بغصة اذا في لهم فيها نصيب وربك كاتبهم لبعض فبياخذون بعض...ماهم نصيب بعض مافي شي فوق ارادة ربك يامشاري...
لان البني ادم بها الدنيا ماياخذ الا نصيبه....
مشاري يبى....هي تبيه.....بيزعلها اني اترك مريم بها الوقت؟
تنهد ابو مشاري وقال لاتبنون سعادتكم على حساب بعض..كل واحد يشوف اللي يناسبه ويسويه يامشاري...انت ماتقدر تعيش مع مريم فما لازم تضغط على نفسك علشان اختك...
اختك صحيح وسعادتها عندك بالدنيا بس حتى حياتك يامشاري لازم تمشي بالشي اللي يريحك...
ويالله روح البيت ارتاح اللحين اليوم لاتداوم واقعد فكر بالموضوع على راحتك واذا تبي تمهد الموضوع لزينة افتحه معها رغم انها ملمحة لي من قبل فترة انكم مو سعيدين مع بعض وانا كنت انتظرك انت تتكلم؟
دارين يالله عاد ..شنو عندك شهر بس!!
مطلق وكم تبين ياعمري؟
دارين مطلق....
مطلق بهمس يالبيه...
دارين بجدية انا مااكلمك علشان تقولي ها الكلمتين اللي يذوبوني ووقت اللي نجي للجد مانرسي على بر ونكون ماعرفنا بعض؟..انا ابي افهمك وتفهمني يامطلق...
مطلق تنهد وقال افهميني وش تبين تفهمين فيني!
دارين لاتجارينيي...انت مقتنع ولالا؟
مطلق انا اللي اعرفه اني خلال ها الايام بكلم ابو احمد عنك؟
دارين باعتراض لا...
مطلق ليه..
دارين تنهدت ابوي اعرفه بتكلمه من هنا وبيوافق من هنا ووبيعرسنا وبتنتهي القضية؟
مطلق وانتي وش مانعك؟
دارين تنهدت مطلق انا ماابي اعيش معك واكتشفك بنفس الوقت...ابي اعرفك قبل لااعيش معك واكون زوجتك...لازم نتفق على كل شي....
مطلق طيب اللي تقولين فيه حاضر ومابنختلف فيه...
دارين ياسلاااام...وشو ذي بعد؟
مطلق يعني طلباتك اوامر.....
دارين انت اذا كلمت ابوي اللحين بتضيع علي السنة والامتحانات جاية...
مطلق احم احم احم..
دارين خير ان شاءالله...
مطلق الدراسة وجع راس لاتنسين انك ماراح تشتغلين؟
دارين تفضل خذ هاذي اول الاتفاقات يااستاذ مطلق؟
مطلق ابي تفرغين نفسك لي بروحي ماابي لادراسة ولاشغل ولااي شي بالعالم يشغلك عني!!
هالة احمد عن العناد قوم ادخل داخل؟
احمد لا بظل جالس هنا...
هالة بحدة خفيفة وهي مقهورة من جراح اللي يناظرها وهو بخيمته قوم ادخل عندنا سوالف خاصة ومو معقولة مين ماكان بها البيت يسمعها...
احمد تنهد ...
هالة احمد شفيك ابوي لارجع بيمر عند ام وليد اول وبعدين ماهو وقته اللحين ابوك مايرد الا العصر باقي له ساعتين ونص....
قام معها احمد وعيون جراح تاكلها ويوم دخلوا تنهد....
بتعب أي بتعب لك وعلشانك ياهالة بس صدقيني انا راضي....
من زمان وانا حلمي اتعب علشانك يالغالية,,,,
***في الصالة...
هالة شصار قول؟
احمد تنهد وقال السالفة ياطويلة العمر كانت من البارح يوم .................................
سكت وسكتت هالة بسكوته وهي تفكر معه....
احمد بلهفة انتي شرايك؟
هالة والله مدري شقولك يااحمد....ابوي موقفه غريب؟وش له يبعد ريم؟من متى هو بياخذ رايها اصلا بالموضوع؟ولابتاءثر بقرارها على قرار هو يبيها؟
احمد بتنهيدة تعبان ياهالة من فراقها...انتوا تدرون اني احبها....
هالة طب زينة شنو؟
احمد ناظرها وسكت...
هالة ماتلاحظ ان موقفها بعد غريب؟
تنهد احمد وماعلق....
هالة بتشكيك يعني وحدة يفترض تتزوج رجال متزوج...ليش بتسعى ورى انه يكون متصالح مع زوجته الاولية وانها ترضى عن الزواج من اساسه؟وتركض ورى راحتك وتحاول بقد مافيها تخليك تتطمن على زوجتك؟
احمد بانكسار تحبني ياهالة؟
قالها وتنهد وتنهدت هالة وقالت بشرود وطبعا القلب مايشيل اثنين؟
احمد مقدر احب احد غير ريم؟
هالة وكيف عرفت انها تحبك؟
احمد من فترة مو طويلة....قالت لي انها تحبني...صار بينا كم موقف واعتبرت موقفها سخيف بس ماتوقعت انه يتطور لها الشي ولها المرحلة...المشكلة انها فعلا تحبني ومتعلقة فيني ياهالة وانا اكرهها واكره تصرفاتها وعايش بحيرة؟
هالة مدري شقولك يااحمد....سالفتكم غريبة...
احمد المهم لاياخذنا الوقت دقي على ابوي سئليه وين بتكون ريم علشان اعرف انظم وضعي!!
في الشركة...
غسان يبى....
كان ابو احمد شارد وسرحان من سكر من عند زينة...
غسان يبى...يبى...رفع صوته شوي وقال يبى...
رفع راسه لولده وناظر فيه بدون مايتكلم...
غسان خير يبى وش فيك؟
ابو احمد ولاشي...
غسان وش ها المكالمة اللي غيرت لك مزاجك بس يالغالي؟
تنهد ابو احمد وسكت...
واحترم غسان سكوت ابوه ومرت فترة صمت وهم ساكتين....
ابو احمد غسان....
غسان خير يبى....
ابو احمد بتنهيدة وش تسوي علشان توفر حياة كريمة لعيالك بالمستقبل...
سكت غسان وبعد تفكير قال اتركهم يختارون حياتهم مثل ماهم يقررون...
قالها متعمد لاابوه....
ابو احمد تنهد واذا شفت ان بعض الاشياء اللي يسوونها ماتناسبهم والافضل انهم يختارون اشياء ثانية افضل....
غسان واذا مالهم رغبة يبى...
ابو احمد طيب اذا عرفت ان في وحدة تحبك ياغسان وتبيك واهلك يزوجونك لها وش تسوي؟
سكت غسان وانحرج من ابوه...
ابو احمد يالله تكلم انا اسئلك؟انسى اني ابوك ياغسان انا بها اللحظات صديق وابي شورك؟
غسان بتردد كيف الوضع يعني؟ليه اهلها يزوجني لها؟وين اهلي؟
ابو احمد اهلك موافقين ويبونها بعد...
غسان طيب انا ابيها...
كان السؤال صريح وواضح بس ابو احمد مارد عليه....
غسان فكر ان ابوه ماسمع السؤال لانه كان بعده يناظر فيه ورجع عاد السؤال طيب انا احبها يبى؟
ابو احمد بهدوء انت عندك وحدة ثانية؟.
ام وليد ليه قاعدة بروحك؟
اروى لفت لها ووين تبيني اروح؟
ام وليد قومي طلعي تمشي برى...
قالتها متعمدة......لان جراح من جت هالة وهو مو مفارق ها الخيمة,,,,
اروى بدون نفس وهي تناظر من النافذة ماكو غير جراح برى...
ام وليد قعدت وقالت احسن بعد!!
لفت لها اروى وقالت شنو يعني احسن؟
ام وليد لو انتي ذكية فهمتي؟؟
سكتت اروى وماعلقت.....
ام وليد جراح....منهو جراح؟كم عمره؟وش مميزاته؟
اروى ظلت تناظر بامها وهي ساكتة....
ام وليد كملت بتشجيع جراح ولد اخوي...فديته عمره ثمانية وعشرين سنة...العمر كله له ان شاءالله...
وارث من جدك اللي هو جده كل الخير ...ملايين عنده...ياهي عمارات ياهي عقارات ياهي معارض...
فلوس على قلبه...بس مايبين عليه...اصلا مدري وش قاعد يسوي بالفلوس...يبيه له حرمة سنعة تصرفهم هي والعيال اللي بتجيبهم له....
البنات من تجي سيرته ترززوا من كل جهة يمكن يناظرهم واللي عنده وقباله مااقول الا مالت مايطلعون اذا هو جالس بروحه ويضيعون على نفسهم فرصة التعرف عليه...
اروى بتردد أي بس يمه....
ام وليد اذا انتي تبين حياة حلوة ومع واحد ماعنده خرابيط ترى جراح قبالك خطفيه قبل لاتخطفه بنت حرام غيرك وتخسرين ونخسر كلنا معك؟
تنهدت اروى وسكتت.....
اندق الباب وتنرفز احمد..
هالة شفيك؟
احمد بضيق ولاشي...
هالة اكيد مو ابوي....
ابوي مايدق الباب عنده المفتاح.....
احمد وقف بقوم اشوف بس يليلت مايكون وليد لان بجد مالي خلق اشوف رقعة وجهه ها التعبان؟
راح يفتح الباب..ودخلت فطوم...
احمد سكت يوم شافها...
فطوم مبين انها كانت تركض وقالت وهي تتنفس بسرعة وينه؟
احمد وهو يناظر بهالة اللي كانت تناظر بفطوم منو؟
فطوم غسان.....
احمد غسان؟وش تبين فيه؟
فطوم ليه حرام اني اقوله شي سر انت ماتعرفه؟
احمد وهو يبتسم شي سر؟كيف ركبت معك ذي؟
كانت هالة تناظرها بهدوء وهي عيونها غايرة وتبي تدمع قالت بالم احمد..خليها تجلس وعطيها مويه مبين انها كانت تركض...
احمد حس بالمها وقال علشان ينهي وجود فاطمة غسان راح مع ابوه الشركة لاوصل بقوله انك سئلتي عنه طيب ياحلوة؟
فاطمة جت وجلست جنب هالة وحقرت احمد وقالت بعناد بنتظره هنا اذا ماعندك مانع...
تسند احمد عند الباب بعد ماسكره وظل يناظر فيها وفي هالة اللي نزلت راسها لاتشوفها...
فاطمة وهي تهز كتف هالة انتي الدكتورة؟
رفعت راسها لها بدون ماتقول شي...
فاطمة دايم يقول غسان اختي دكتورة واختي دكتورة...طيب وين البالطو حقك ؟ووين السماعات؟كيف تصيرين دكتورة وانتي ماعندك شي؟
تنهدت هالة وقالت بكبرياء وهي صادة بعيونها انتي بنت مطلق...
فاطمة أي بس غيرت رايي بعدين وقلت بصير بنت جراح..
ناظرت فيها هالة بسرعة..
كملت فطوم بثقة واللحين غيرت رايي لاني بصير زوجة غسان؟مايصير يكون عندي زوج واابو بنفس الوقت؟
احمد جلس جنبهم وظل ساكت وهو يناظر بفطوم ويبتسم....
فاطمة صحيح..
لفوا لها اثنينهم بنفس الوقت..
فاطمة تكلم هالة سويتي ورق العنب؟غسان قال انك اليوم بتسوين؟
هالة وكاْنها تذكرت ووقفت بسرعة وقالت يو نسيته بقوم اشوفه؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك