رواية من أعماق أحضان مجنونة -31
جاها صوته بلهفة يسالها وينك...انتي مو كنتي واقفة...انا متاْكد لمحتك؟
بشاير بلهفة وصوت متسارع اضطريت امشي لان بنت عمتي طلعت وخفت تعرفني...على كلا كان المكان خطير جدا مدري كيف كنا اغبياء وفكرنا فيه...
مشاري بزعل طيب وينك اللحين؟
بشاير بروح على السوبر ماركت اللي باول الشارع وبشوفك هناك اضمن...
مشاري وبتجين معي ولا بس بنلتقي هناك...
بشاير مشاري انت وعدتني....
مشاري خايفة مني؟
بشاير لا...
مشاري يبى المكان اللي انتي تختارينه بنقعد فيه.....
بشاير طيب...
مشاري يالله جايك.....
لف بيركب الا وليد جاي...
وليد هلا بالنسيب ..
مشاري بضيق هلا والله....
وليد حياك ادخل تضيف....
مشاري مشكور ماتقصر دخلت وضيفتني اختك عدل ماقصرت...
يالله سلم على الوالد انا ماشي,,,,,,,
ام وليد بصراخ زلزل البيت,,,,
انتي غبية انتي!!!جنيتي ياحظي؟شلون تقولين لولد الناس ها الكلام؟
مريم اوووف يمه...
ام وليد ولاكلمة ياحظي...
مريم هو ليش راح بدون مايقول لي؟
ام وليد ماهي اول ولااخر مرة مشاري يروح دبي ويرجع كل شهرين ثلاثة لهم روحة هو وابوك...ابوك اذا ماراح يخلي احمد بداله يروح وين المشكلة؟ابي افهم انتي ليه صرتي كذا غبية وتكلمتي معه بها الطريقة
مريم وعلشان تنتهي من تاءنيب امها المستمر قالت بصراخ وانا شدخلني عاد هي قالت لي اقول كذا؟
دق قلب نسايم اللي كانت واقفة ورى الباب تتسمع لهم...
ام وليد منهي؟
مريم بغباء نسايم هي قالت لي هاوشيه وعاتبيه خل يعرف قيمتك مو يروح يلعب بذيله....
ام وليد لاوالله!!!وشنوقالت بالله نسايم هانم بعد سمعيني؟
نسايم بعد ها الكلمة اخذت رجلها بشويش وطلعت من الباب الخارجي حق المطبخ وهي تتوعد بمريم الغبية اللي فضحت كل شي؟
مريم سكتت...
ام وليد بتوعد قولي شقالت ها العلة وانتي رحتي ركضتي سويتي اللي تبيه؟سمعيني المصايب اللي بتجيني من ورى راسها ها الحية القشرة؟
دخل وليد بها اللحظة....
وناظروا فيه وسكتوا..
وليد هيه انتي....مسوية شي لولد الراهي؟
مريم لا...
ام وليد بحذر ليش تساْل؟
وليد مدري لقيته على الباب ويوم قلت له ادخل تضيف قال اختك ضيفتني وماقصرت؟لهجته كان فيها شي مو طبيعي؟
ام وليد غمضت عيونها تحسبا لرادت الفعل اللي بتجي اللحين من مشاري وابو احمد لو عرف؟
كانت واقفة بالسوبر ماركت اللي باخر الشارع واللي اتفقت مع مشاري تدخل فيه,,,,
صارت تقلب بالاغراض بدون هدف...
وقفت عند جهة الشيبسات ودق جوالها وتوها شالته قالت الو..هلا... الا بعايشة تصرخ عمتي بشاير...
لفت بسرعة ولقت مطلق ومعه عايشة وشيخة..
ارتبكت وماعرفت شتسوي بس لوتنزل التلفون بها اللحظة اكيد بتثير شكوك مطلق اللي يناظرها...
قالت بسرعة أي غلاتي انا مو بالبيت رايحة السوبر ماركت بعدين لارجعت بدق لك....الله يسلمك...
سكرت بسرعة بوجه مشاري اللي كان بالسوبر ماركت ومافهم منها شي بس حس ان السالفة فيها ان وماحب يدق عليها علطول قام يلف بالسوبر ماركت....
عايشة شتسوين عمتي؟
بشاير ابد...زهقت من قعدت البيت قلت اجي اخذ لي تسالي...
مطلق وليه ماقلتيلي انا كنت جايبهم كنت شلتك معهم مرة وحدة؟
بشاير مسوية طبيعية لا ماكان الشي بخاطري....يوم لفيت بالبيت ومالقيت احد قلت اقوم اروح اتمشى شوي....
عايشة عمتي وين سلتك مامعك شي؟
بشاير توني داخلة يابنت...وبعدين مدام عندكم اغراض خلاص بحط لي معكم..
شيخة تخصرت ياسلااااام علشان ابوي اللي يدفع عنك؟
بشاير يمه منك...ابوك اخوي وين المشكلة؟
شيخة لا ابوي ماعنده فلوس....
بشاير ماعنده فلوس علي وعليكم لو بس علي!!!
مطلق هههههه كفو ها البنات اللي يدافعون عن ابوهم والله...
عايشة أي يبى لاتنسى ان احنا اللحين بنروح جرير...
مطلق مسوي نفسه متخرع وين؟؟؟؟انا قلت بوديكم؟
بشاير خل ينفعونك ها الكفو؟
مطلق قصدك خل يفلسونك؟
بشاير غمزت له والله اللي انا اعرفه انهم صايرين عسل على قلبك لو شنو سوووا؟
عايشة اقول شيخة اختي....عين الحسود شنو فيها؟
قالتها وهي تناظر في بشاير..
شيخة فيها عود يااختي...
بشاير تناظر بمطلق مو من صدقهم بناتك؟
مطلق انتي ليه مغيرة لبستك...مالك بالعادة كذا؟
دق قلبها بقوة خصوصا ان مشاري مر من جنبهم وسلم ....
مطلق وعليكم السلام...هلا والله ..مشاري صح.
مشاري أي....ماعرفتك مطلق ولاجراح؟
انا شفتك مرة بس ماحفظت اسمك....
شيخة بلقافة هذا ابو البنات.....
مطلق هز كتوفه خلاص راحت علي؟
مشاري وش فيهم البنات مو حلوين؟
عايشة الا يجنونو فديتهم...
قالتها وهي تتميلح...
ضحكوا مشاري ومطلق عليها...
مشاري ناقصتكم وحدة ولاانا غلطان؟
مطلق ياولد الحلال لاتطريها ان طريتها مابتشوفها الا بالنص اللحين؟
مشاري لا ههههه يالله اجل سلم على الاهل....
هالة ماتدرين وين راح ابوي بها الوقت؟
دارين اللي كانت توها صاحية من النوم لاوالله...
هالة له بالعادة يطلع...
دارين يمكن رايح لخالتي ام وليد؟
هالة لالا...طلع من الفيلا بكبرها....
دارين أي يعني وين بيروح؟
هالة لو ادري ماسئلتك؟
دارين يمكن رايح لعمي بو مشاري...
هالة وش يسوي عنده بها الوقت؟
دارين هالة شفيك...الساعة ماجت حتى عشر ونص....
هالة أي انا ابوي اعرفه مايحب يطلع؟
دارين ضحكت...
هالة شفيك..
دارين مايحب يطلع هذا ايامكم انتي واحمد...بعد ماطلعتوا صار مايقعد الا على الوجبات بس...
هالة وين يروح؟
دارين عند عمي بو مشاري...
هالة شيسوون اثنينهم...
دارين الشغل اللي مايخلص....
هالة اممممم...يالله ارجعي نامي لاتخربين نومتك تصبحين على خير...
دارين اعتدلت بقعدتها وقالت برجاء هالة...
لفت لها اللي توها قايمة من سرير اختها شنو؟
دارين سولفي معي......
هالة تنهدت ورجعت قعدت قبال اختها وتربعت وقالت شتبين نسولف فيه؟
قالتها وبان الانكسار بعيونها...
وتمنت دارين لحظتها انها ماتركتها ترجع وخلتها تروح لغرفتها...
كانت جالسة ببساطة وهي متربعة على سرير اختها وشعرها كله مرفوع..
كانت ملامح هالة واضحة جدا وماتحتاج أي ترجمة...
عيون سود واسعة تحاوطها رموش كثيفة...
بس ها العيون غامضة جدا ونظراتها خالية من الحب واللحين زاد عليها الانكسار...
شعرها بعد كان اسود فاحم ومتناسب جدا مع بشرتها البيضاء
واللي كانت ابيض بشرة بين اخوانها وبعدها دارين ولااحمد وغسان كانوا مايلين لسمارة امهم,,,
كانت مهمومة ومتضايقة وحزينة....
لا اكبر من كذا...كلمات ماتوصف حالتها ابدا,,,
دارين بخوف هالة...
مارفعت راسها بس قالت بهدوء والغصة مبينة بصوتها ماراح اكون ام بحياتي يادارين؟حلم بيبقى ملازمني لااخر يوم....كلمة بظل منتظرتها لين اموت ولاراح اسمعها...
تنهدت بقوة وبانت دمعتين بعيون دارين وقالت بحنان هالة....لا
رفعت راسها اللي كان غرقان دموع وقالت ببحة وهي تقوم تصبحين على خير....
دارين وهي ماسكة يدها قالت برجا وهي تمسح بدموعها اللي شوشوا الجو عليها هالة انتي ماكنتي ضعيفة بحياتك فلاتنهزمين وتضعفين؟تكفين ظلي مثل منتي ياهالة...انتي قوتنا كلنا لاضعفتي شبيصير في حالنا....
وبعدين يااختي العيال مو كل شي بالدنيا...
هزت راسها بدون اقتناع وقالت وهي تجاري دارين أي صح...العيال مو اهم شي بالدنيا....مسحت دمعتها وقالت وهي تمشي ها الكلمة دايم يقولها ويرددها اللي مو محروم من العيال بس اللي محروم منها مايقدر ينطقها يادارين,,,,
نسايم طافك يمه..
ام مطلق خير ان شاءالله...
نسايم بشماتة مريم الغبية لعبت في حسبة ولد الراهي....
ام مطلق ليه؟
نسايم ليش انه راح دبي امس علشان اجتماع بالشركة ويوم رجع اليوم ماخلت ولابقت والاعظم شككت باخلاقيته؟
ام مطلق استغفر الله العظيم.....شدعوه عاد كل هذا؟
نسايم بس لانه ماقال لها بيروح؟
ام مطلق باحتقار وخير يعني وماقال لها وش بيصير بالدنيا؟
نسايم بثقة ماتعرفين مريم وغباءها وتقديرها للامور كيف؟
ام مطلق استغفر الله......نسايم..
نسايم هلا يمه...
ام مطلق انتي قلتي لها شي...
نسايم وانا مالي ومالها.....هي وزوجها يصطفلون؟
ام مطلق بخوف أي احسن خلك بعيدة عنهم يمه....
نسايم يمه اذا انا صرت دايم اروح عندهم مو معناته اني بحشر روحي بمشاكلهم...بنات عمتي مافي اغبى منهم ولا بمثل تفكيرهم صراحة وانا ان قعدت قعدت اجاريهم واعرف سواليفهم تعرفيني بعد اموت على السوالف بس هذا مايعني اني بتدخل بينهم....
ام مطلق أي زين سويتي....
نسايم الا بشاير وينها....
ام مطلق طلعت مع مطلق وبناته...
نسايم شسالفته مطلق على بناته اشوف كنه تغير ها اليومين وكثرانة طلعاته ودخلاته معهم؟
ام مطلق بحرقة الله يهديه عليهم ويريح باله ...
نسايم بتفكير تهقين بيرد امهم من جديد؟
هو داري انه مافيه شي....
بس اصرار ابوه انه يتاْكد ويسوي كل الفحوصات....
صحيح جت الضربة خفيفة برجله بس انها ماهي بذيك العظمة اصلا حاس انه يمشي ومافيها أي شي...
كل همه كان ريم والتاْكد من اللي في بطنها وهل هم بخير ولالا؟
ابوه وعده خير وقال له اصلا ان عمه ابو ريم هنا لانه اتصل فيه يجي مهما كان بنته ولازم يتطمن عليها.....
ارتاح جدا...
يعني ريم في ايادي امينة ابوه وابوها....وبيطمنونا عنها.....
ارخى عضلاته وغمض عيونه....وحس بخمول عجيب يسري فيه...من كثر ماسوى فحوصات تعب وتخدر وقرر يستسلم للراحة شوي لين يشوف وش يقولون له,,,,,,
*****هناك بالجانب الثاني من المستشفى واللي كانت فيه ريم وتوها طلعت الدكتورة وطمنت ريم على مسامع ابو احمد ان ريم والجنين بخير مافيهم شي وطلعت...تلاقت العيون....
عيونها بعيون ابو زوجها اللي هي عارفة انه مايحبها ولااختارها ولارضاها بعد زوجة لولده الكبير,,,,
ابو احمد بلهجة خالية من أي حب الحمدلله على سلامتك ياريم...
ريم الله يسلمك ياعمي.....عمي احمد شقالوا ...يعني شفيه؟
ابو احمد مافيه الا العافية يايمه...تطمني؟
ريم طيب وينه...
ابو احمد كاهو هنا بس يخلص الاجراءات وبيطلع.....
دخل ابو ريم بها اللحظات....
ريم بذهول يبى...
ابو ريم الحمدلله على سلامتك...يالله الشر برى وبعيد عنكم ..واخر السوء..
ريم الله يسلمك يبى...
ابو ريم يالله قومي لبسي عبايتك يبى خل نمشي؟
وقف قلب ريم بها اللحظة وناظرت باابو احمد باستفهام؟
ابو احمد اجل ترضى انت يابو ريم ها الكلام؟تزعل ريم من زوجها علشان بيتزوج وكاْن ها الشي عيب لو حرام؟؟؟
هذا انا تزوجت ثنتين وانت تزوجت ثلاث ؟شنو صار فينا بالله؟
يعني اذا الرجال تزوج على مرته يكون اجرم يابو ريم ولا ينعاب بها الشي؟
ابو ريم بتاءييد لاافا عليك يابو احمد وش ها الكلام...الرجال مايعيبه الا جيبه واذا جيبه مليان وقادر على الثنتين والثلاث والاربع وش يمنعه عاد؟
خلاص هنا وضحت الصورة عند ريم...
وليش ابوها موجود ومنو قال لها؟
يعني ماعرفت يابو احمد تقنع احمد بالعرس الا بوجود ابوي؟؟؟
ليش بس ليش؟؟؟
ابو ريم بصرامة يالله يبى لاتعطليني بمشي خلصينا العيال بالسيارة...
ريم بتردد احمد....
ابو احمد بسرعة احمد بخير ياريم...بتشوفينه يعني وين بيروح.....
لبست عبايتها وهي مو قادرة تقول كلمة...
ابوها وعارفته زين وعارفة ان ماعنده قلب يرحم ..اصلا عمرها ماكانت قريبة منه لكثرة عياله....
وابواحمد اكيد شاريه بالمادة....
ابو احمد وهو يشيل من ريم الجوال اللي كانت توها مطلعته....
ابو احمد جوالك الجديد حق السلامة كاهو بالسيارة عند ابوك هذا خلاص ماينفع...
ناظرته باستفهام ومد ظرف لاابو ريم هذا مصرف الرحلة وحط ريم بعيونك تراها زوجة الغالي ومانرضى عليها...
ابو ريم وهو يدخل الظرف بجيبه لاافا عليك بنتي وبتكون بعيوني اكيد..
ريم عمي انا حامل واحمد يدري اني حامل...
قالتها على امل ان اللي في باله يطيح بس صعقها يوم قال ببرود أي ادري انك حامل...ولدك ولد الغالي.....بس احمد بعد بيشوف حياته وها الولد مابيمنعه عن اللي بيسويه؟
وهذا الظرف لك ياريم روحي وانبسطي وانا قايل لاابوك أي شي يقصرك لايستحي انا بدز لك...حاجز لك رحلة تدورين فيها المملكة كلها الشمال والجنوب والغرب ووين ماتبين ...روحي وانبسطي ياريم....
طاحت منها دمعة وثنتين وثلاث....
كذا ياظالم ..تبي تبعدني عن احمد...بها البساطة؟
قالت ببحة ابي اشوف احمد...
ابو احمد بصرامة احمد بخير....
قات بتشفق أي بس انا ابي اتطمن عليه؟
قال بصرامة لاابوها وانا بكذب عليها اذا قلت لها انه بخير عاد؟
القصد من الكلام ان عجل بتطليعة بنتك من المستشفى.....
ابو ريم بصرامة ريم...يبى يالله ترى ماباقي على الرحلة شي....
ريم بتحجج أي بس انا حامل والطيران بيكون خطير علي بها المرحلة؟
ابو احمد ضحك يعني بتكونين احرص مني على ولدك؟لاياريم بتطلعون اللحين للرياض بقطار وبعدين بتتنقلون بحافلة من منطقة لمنطقة لاتخافين يبى...
الباب الاخير والامل الاخير تسكر.....
يعني هذي اخر اللحظات لك هنا بالشرقية وبشوفة احمد بعد ياريم؟؟؟
زينة مشاري...
لف لها بصمت قاتل كان ذابحه...
جلست جنبه وقالت بخوف شفيك؟
مشاري بتعب بموت....
زينة اسم الله عليك لاتقول ها الشي ياخوي؟
مشاري مريم زودتها يازينة..
زينة ليه شسوت؟
مشاري بانفعال تصوري...تتهمني باخلاقياتي واني رايح دبي العب بذيلي !!!
نست ولاتناست اني كل شهر اروح دبي...؟؟
بغيت اذبحها والله بس لولا امها موجودة....
زينة طيب وانت بتقعد مزعل نفسك عليها...
مشاري بتنهيدة كانت السالفة بتهون لاني كنت بشوفها بس الظروف ماانكتبت,,,
زينة بشاير؟
مشاري كنت بشوفها ومابغت توافق بس شقولك عاد؟
رفع جواله وقراْ رسالتها(انا اسفة بس شوفة عيونك اخوي هنا وكانت صدفة غير متوقعة...الايام بينا ان شاءالله...انا من جد اسفة يامشاري)
تنهد وهو يذكر شكلها كيف كانت واقفة جنب اخوها بالسوبر ماركت,,,,,
اليوم الثاني,,,,
كانت هالة جالسة عند مطبخهم الخارجي,,,,
ووليد واقف قبالها وهو يتحرش فيها,,,,
وليد أي وبعد اخبارك دكتوره هالة.....
كانت تشرب قهوتها ببرود وعيونها رايحة لبعيد,,,,
وليد بشماتة اكبر اقول دكتوره ترى ماعندنا مانع ابدا نفتح لك عيادة بالبيت...
غرفتين وتكونين دكتوره...ونجيب عيال مطلق تعالجيهم....وش رايك؟
رفعت راسها وناظرته بحدة وقالت بقهر وليد...اذا مالزمت حدودك معي ترى بتصرف معك تصرف ثاني,,,
وليد بشماتة وش بتسوين يامطلقة,,,,
كانت عارفة ان نرفزتها وقهرها وضيقها مخليه ينتصر عليها...
كان جراح بروحه مقهور وهو يسمع كلام وليد لها وتجريحه ...
وهو مو قاوي يسوي شي ولا يقتحم بينهم ويدافع عنها ويذبح وليد....بس وين بيروح وليد منه عاد ناويه على الشر يعني ناويه,,,
كل شي كان بعيونه ووده بس ان عيونها تشوف وتقراْ اللي بداخلها...
لاتحرق اعصابك علشان يرضون
حرام تذبل نظرتك وانت يانع
شف كيف كنت وصرت وشلون بتكون
وماظن يمنع مر الايام مانع
اخاف تجهد خافق يوسع الكون
ومن طيبته يضحك وصعب يسانع
الا ليا منه بغا كيف وشلون
تمشى معه قانع ولو منت قانع
علمني ان الحكي له سمع وعيون
واثبت لي ان ماكل شانع بشانع
هذاك يجمع طعم في شكل في لون
حتى النحل منها بني له مصانع
هذاك يسوى في المخاليق مليون
الله لو يدري بنا ويش صانع
هذاك فيه اضداد وجناس ولحون
هذاك يعني شوك في ورد يانع
اول مافتح عيونه لمس رجله حس ان لالم خف وانعدم تقريبا,,
مايدري ليش تبسم فجاءة وهو يتمنى تكون فيها عوار...
راحت افكاره لقبل اسبوعين ثلاثة...
يوم كان جالس قبال التلفزيون وريم تكنس الصالة...
كان كل شوي يرمي مكسرات هنا وهنا وهي ترفع وجهها تناظر فيه وهو مسوي وجهه ثابت على التلفزيون على انه مو هو اللي نثر المكسرات هنا وهناك,,,,,
رجع سوى الحركة مرة ومرتين وفي كل مرة تناظره يرجع يناظر بالتلفزيون ويجمد ملامحه...
وترجع تكنس وهي تتحلطم...
احمد شتقولين انتي؟
ريم بقهر اقول شكلنا مابنخلص من التكنيس اليوم؟
احمد وانا شكو تناظريني؟
ريم بقهر أي مو لان عندنا ثلاثة عيال قاعدين يرمون بالمكسرات اللي انت تاكلهم...
احمد .............
شوي شوي ورمى من جديد وشافته وقربت المكنسة من تحت رجله وهي تكنس وهي تناظر فيه وضربته بالمكنسة على اصابع رجله بالعمد وتعور...
ريم تستاهل
احمد حرام عليك رجلي عورتيني والله...
ريم وانا ماعورت بقلبك وانا اكنس صار لي ساعة؟
احمد باستعطاف انا كنت امزح معك ياريم....
ريم بحنية وهي تنزل لمستوى رجله تشوفه حبيبي اسفة بس قهرتني وانا كل ماجيت اخلص قمت ترمي من جديد...
حقك علي...قوم تمدد على الفراش وبسوي لك مساج وبدهنها لك اللحين...
قام احمد بسرعة وطاح صحن المكسرات بللي فيه على ارضية الصالة وحطت يدها على خدها تناظر فيه...
احمد مسوي خايف والله مو قصدي...بس من الفرحة انك بتمسجيني وبتدلعيني؟
ريم بتهديد اذا ماتقوم تكنس الارضية كلها اللحين بكسر لك رجولك الليلة؟
ضحك احمد وهو يتذكرها وتنهد بارتياح الحمدلله انها بخير والجنين بخير ,,,
الحمدلله ان الحادث كان خيفي والضربة جت بجهته وماكانت قوية....
ريم حامل...خبر ماصدقه ومو قاوي يصدقه للحين....
الله يااحمد بتصير ابو...وبتكون ريم ام عيالك...
ياربي مو قادر اتخيل الايام الحلوة اللي بنعيشها...
ايام حمل ريم ...شنو بتقول نفسها فيه ياترى؟
ان شاءالله بس ماتكرهني؟
ابيها تجيب دانة...لا محمد...لالالا دانة...
ياربي ابي اشوفها وينها للحين ماجت تساْل عني!!!
مطلق وحشني ها الصوت والله؟
دارين عارفة..
مطلق بحماس يالبيه على اللي يدرون......
دارين تحمد لي بالسلامة احمد البارحة كان بيروح فيها؟
مطلق لا سلامات ماسمعنا والله...
دارين مو لان ام وليد مو فاضية لااحمد مكفيتها سالفة هالة؟
قالتها بقهر؟
مطلق وانتي ليه متضايقة....ماعرفتوا عمتي طول ها السنين....
دارين بلى عرفناها ....بس هالة بروحها متضايقة؟
مطلق بتردد شفيها...
تنهدت دارين واحترم هو صمتها وماقال شي....
دارين شخبار البنات...
مطلق مطلعين عيوني..
دارين تستاهل....
مطلق افا...
دارين هههههه
مطلق برومنسية فديت الضحكة انا ياعالم.....ضحكي بعد خل امتع اذني بها الضحكة...
دارين بهمس مطلق....
مطلق بنفس الهمس لبيه...
دارين لاتعلقني فيك اكثر تكفى...
مطلق بعناد بعلقك وبعلقك وبعلقك...
دارين ليه...
مطلق لاني تعلقت فيك خلاص......
مو قادر اعيش يوم بدون مااسمع صوتك فيه؟
تنهدت واعتذرت انها تكمل لان وحدة من البنات جايتها ومارضى يسكر الا بعد ماوعدته ترد عليه الليل اذا دق عليها...
بس سكر منها دق جواله والمتصلة كانت يمنى اللي كان تاركها انتظار من زمان....
مطلق بنرفزة نعم...
يمنى برواق شو مطلق بايعني مابدك تسمع صوتي؟
مطلق أي..
يمنى شو يعني أي....
مطلق انتي فهمتي اني بايعك وماابي اسمع صوتك؟
يمنى شو بتئصد؟
مطلق بختصار وبدون تطويل وتعريض انتي طالق وبتوصلك ورقتك الليلة ولاعاد اسمع صوتك بحياتي مرة ثانية....
وصلوا الشقة واحمد ماهو مقتنع كان يبي يشوف ريم بالاول...
بس ماحب انه يكسر كلمة ابوه اللي كان معه طول الوقت....
ابو احمد انا بنتظرك على ماتتحمم...
احمد يبى ماله داعي تعطل امورك علشاني انا بتحمم وبروح بيت عمي ..
ابو احمد لا انا بنتظرك......
احمد يبى ماله داعي والله...
ابو احمد جلس على الكنبة وقال بلى...بروح معك مشوار يااحمد يالله لاتتبيرد عاد؟
احمد طيب يبى...بس ليش ريم مارجعت هنا علطول؟
ابو احمد واذا راحت مع ابوها وين المشكلة؟
تقرب من ابوه وقال بلهفة وخوف واضحين يبى انت متاْكد ان ريم مافيها شي؟
ابو احمد والله مافيها الا العافية يااحمد وانا بكذب عليك عاد...بس انا علشان الواجب دقيت على ابوها يشوفها واصر تروح معه اقوله لا اترك بنتك لين يطلع ولدي ويشوفها؟مايصير يبى هذا بعد ابوها...
احمد اممم...يالله انا قايم لانتاْخر.....
قام احمد وراح ابوه يتجول بالشقة....
كان واقف عند باب المجلس اللي كانت هالة فيه وابتعد عنه بسرعة وهو يتنهد ويتذكر بنته.....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك