رواية من أعماق أحضان مجنونة -30
ابو احمد قولي لها تدير بالها عليه زين ترى مشاري مامنه اثنين...
ام وليد قلت لها وهي عارفة ها الشي.....الا قول لي يابو احمد هالة ليه تطلقت؟
ابو احمد هي طلبت الطلاق من علي؟
ام وليد أي زين ليه عاد؟
تردد يقول لها ولا يظل ساكت.....
اخذته رجله برى قسمهم علشان يمشي ويتنفس هوى اللي دخلت اليوم البيت وبتقعد فيه وبيصبح وبيمسي بشوفتها؟
تنهد وهو يذكرها...
شتسوي اللحين ياهالة؟
كانت عيونه تدور حوالين فيلتهم على نور مشغل علشان يدله قلبه عليها ويوقف يحرسها...
بس ماشاف شي وخاب ظنه..كل الانوار كانت مطفية وكانها تعانده انه يشوفها....
ياترى وش تسوين اللحين ياهالة...نمتي ولا ماهو جايك نوم وهذا الشي الاكيد؟
تعبانة ومتضايقة ومخنوقة بعبرتك ومامعك احد تشكين له حالك؟انا جنبك ياهالة وبظل جنبك لااخر نفس صدقيني..
قولي..سولفي...ترى انا اسمعك يالغالية...
وش اللي متعبك...وش اللي محزنك...علي وش سوى لك؟
ليه تطلقتوا؟ماقدرك وقدر قيمتك.؟؟؟ماعرف انك غالية ومنتي عادية؟ماعرف انك لازم تنصانين لانك جوهرة؟
اه ياهالة اه.....
انا بظل هنا...واقف عند ها العمود اللي جمعنا من الصغر وبظل انتظرك وانتظرك وانتظرك لااخر محطات العمر يالغالية...
ماراح اتحرك من ها المكان اللي جمعنا سوى....
بظل انتظر انك تمرين لو بالغلط وتناظرين بمكاننا,,,
البارت التاسع والثلاثين
احمد صباح الخير...والورد والحب...
ريم هذا كله لي ولا لااحد ثاني؟
احمد انا وانتي مقابلين بعض منو بالله بيكون الثاني؟؟
ريم وهي تضحك والله مدري....
احمد وهو واقف وراها وهي جالسة تفطر كان يلعب بشعرها..
ريم رايق...
احمد دامك معي وجنبي اكيد بكون رايق...
ريم حبيبي والله...
احمد تحبيني؟
ريم ابتسمت له بدون ماتلف عليه...
همس اكثر وهو يشد شعرها بقوة اكبر سئلتك تحبيني؟
ريم بحب ولايمكن اعيش حياتي بدونك....
احمد ماابي شي يفرقنا؟
ريم وهي تبتسم الايام اللي بتجي بتقربنا اكثر من بعض؟
احمد وعد...
ريم وهي تتنهد بارتياح طبعا يالغالي....
احمد صايرة تاْخريني عن الدوام ؟
ريم تلاشت ابتسامتها ولفت له بذهول انا!!
ضحك احمد عليها...
ريم عيدها عيدها ماسمعت؟
احمد وهو يشيل اغراضه لاانا بمشي كفاية تاْخير...
ريم بتوعد طيب حسابك لارديت يابو......
احمد ابو محمد..
ريم نعم...
احمد أي الشباب دايم يسموني ابو محمد ولزقت فيني من زمان..
ريم باعتراض لاعيوني...ابو عبدالله.....
احمد روحي زين قالت عبدالله...على راسي من فوق ها الاسم بس انا ابو محمد؟
ريم فهمني بالله كيف تصير احمد ابو محمد؟
احمد وش المانع انها تصير بالله؟
ريم لا مافي ابو عبدالله يعني ابو عبدالله...
احمد اششش...الرجال قوامون على النساء...
ريم وهي تضحك باختيار الاسماء عاد يااحمد؟
ضحك وطلع عنها..
ريم طيب بنشوف بالنهاية وش يتسمى يابو عبدالله؟
احمد رجع وقال لها خلاص غيرت رايي..
ريم ها..تنازلت وبتخليني انا اسمي عبدالله...يابعد قلبي ادري قلبك مايطاوعك ماتلبي طلبي..
احمد لاياقلبي..انا راجع اقولك اني ابيها تجيني بنت مو ولد وبسميها دانة...يالله باي..
يوم لفت بتعلق على كلامه لقته طلع...
هزت راسها وهي تضحك عليه....
طلعت من فلتهم بتركب سيارة السايق ولقت بوكيه ورد على السيارة...
لفت الا مطلق واقف جنب سيارته ومتسند عليها....
رفع جواله ودق عليها وردت قبل تدخل السيارة وهي تناظره...
مطلق صباح النور...
دارين في شي من الصباح...
مطلق برجا بليز بليز ماتردين وردي....خذيه حتى لو ترمينه بعدين...
تنهدت وقفلت ودخلت السيارة....
ظلت تناظر بمطلق اللي بعده ماغير وضعه....
اليوم صاير غير...ليش ياترى...
أي لانه ماهو لابس ثوب وشماغ لابس بنطلون وقميص..بس صاير وسيم...صدق انه رزة بالثوب بس كذا صاير اوسم بعد...
ياترى كم عمره مطلق....
اذا هو اصغر من احمد...واحمد اللحين بالثلاثين...يعني تسعة وعشرين ولاثمانية وعشرين.....اممم....
لفت يوم سمعت صوت احد يضرب على النافذة...
نزلتها وهي تشوف مطلق واقف جنبها..
دارين بحدة هامسة ماتستحي انت!!لو شافك احد واقف جنب السيارة شبيقول بالله؟
مطلق بتنهيدة مايهمني احد؟
قالت بعصبية بس انا يهمني!!!ماابي احد يتكلم عني بسبتك؟
نزل لها بوكيه الورد وحطه بحضنها وقال عسى يومك ان شاءالله سعيد....
تنهدت بعمق وويوم رفعت راسها تواجهه كان من زمان ركب سيارته ومشى قبلها...
شيبي هذا...
ليه يتصرف معي كذا ليه؟
لوين برسي معه وبيرسيني...
المشكلة ان مشاعري صارت تهيج اذا شافته...
ماابي اوقع بحبه ماابي...
هذا ولد اخو ام وليد.....
هذولا مايحبونا....
اصلا مافي طاريه غير عيال العراقية,,,,,؟
كانت جالسة تشرب حليبها الدافي اللي ماتستغني عنه من الصباح وشردها رايح لبعيد,,
حست بهمهمة فوق راسها ويوم رفعت راسها لقت وليد واقف وهو مكتف يدينه وقال باستهزاء لوين شارد بالك يادكتورة هالة صار لي ساعة اكلمك...
قالت بدون نفس ولامبالاة منت انسان هام بحياتي علشان ارد عليك ولاانتبه لك لمى تناديني!
وليد بشماتة قلتيلي....
هالة..كملت تشرب بحليبها وهي ساكتة وحاقرته...
وليد بسخرية سرحانة بعلي ولا بالمستشفى؟
هالة شي ابدا مو من خصوصايتك...
وليد ياحرام على الدكتورة اللي قعدت اقل من سنة وبعدها رجعت بيت ابوها مطلقة واحتمال ماترجع للمستشفى من جديد؟؟
ياقلبي عليها...
هالة انت ماتبي تغير من حياتك؟
وليد ضحك ضحكة طويلة وقال بشماتة ماتبين تحكين بسيرتك وتنسينها على حسابي!!
هالة بحدة اعقل وانت تتكلم معي لاني مااحب الطياشة؟؟؟
وليد يا......مطلقة...
هالة بفخر مطلقة وبختياري.....وبنفس الوقت احمل شهادة عالية وعندي منصب واشتغل ..وعلاقتي مع العالم جيدة وسمعتي ماعليها كلام...مو مثل غيري....بيظل تافه ومايبي يعتدل؟
وليد بعصبية ماتافه غيرك يابنت العراقية؟
هالة بنفاذ صبر للمرة الاخيرة بقولك حسن الفاظك وانت تكلمني.....
وليد سخيفة...وغبية.,...وشايفة حالك...وزين ماسوى ولد الناس يوم يطلقك...ليته مسويها من زمان علشان نشمت فيك عدل...بس يالله لسه في وقت نكسر لك ها الراس اللي مبين ان الطلاق ماكسره...
قامت من مكانها وصارت قباله وهي رافعة يده بتضربه كف ودخلت ام وليد بها اللحظة وتوها بتشهق االا هالة نزلت يدها وتنهدت بقوة وقالت بانفعال خسارة ان احنا نحمل نفس اسم الابو ياوليد؟
انت انسان فاشل وبتظل طول عمرك فاشل...بدل ما تقعد لي وتدور لي الزلة...روح احسب عمرك كم صار وشوف انت بشنو قضيت حياتك وشنو قاعد تسوي اللحين في ها الدنيا تراك محاسب على عمرك....
ام وليد بحدة ماهو بحاجة نصايحك ياهالة..مو لانك تطلقتي بتحطين قهرك بعيالي!!
هالة بحدة وش يدخل طلاقي بفشل وليد بالحياة؟
ام وليد باحتقار تاْزم وصارت حالته النفسية ميح لان اخته من ابوه اللي تحمل معه نفس اسم الابو والعيلة تطلقت وفشلته.....
هالة بانفعال على فكرة ام وليد...ترى بيجيك يوم بتبكين على عيالك ندم لانك خربتي اللي ابوي كان يبنيه فيهم ويزرعه....
قالتها ومشت عنهم فوق وتركتهم يتشتمون فيها على راحتهم.....
مشاري اقدر اقولك صباح الخير ولابتقولين لي مشغولة ومدري منهو يناديك؟
تنهدت بشاير وهي تمشي بممرات المعهد,,,
مشاري بتعب يعني مافيني...
بشاير بهدوء شلونك...
مشاري بتنهيدة عالية ضيقة خلقها وزعلتها على حالهم اكثر مانا بخير....
بشاير بزعل هامس سلامتك...
مشاري بتسولفين معي ولابتسكرين وبتتحججين لي؟
بشاير بتنهيدة لاانا بالمعهد مو بالبيت...
مشاري بلهفة طمنيني عن اخبارك؟
بشاير انا بخير يامشاري...انت شلونك؟
مشاري برومنسية محتاج لك......
نزلت منها دمعة ودمعتين وثلاث وقامت تبكي...
مشاري بتعب احبك....اموت على صوتك...محتاج لحنانك ولهفتك وخوفك وحبك...محتاج لكل كلمة تقولينها لي يابشاير....
زاد بكيها وارتفع صوته ووصل له...تنهد..
قال بزعل بشاير لاتبكين ياعمري......
بشاير بتعب وهي تبكي وضعنا صعب يامشاري.....
مشاري اتركينا نعيش لحظتنا ونبعد عن كل الاوضاع يابشاير.....تكفين والله مافيني اتحمل اكثر...
بشاير كل ماشفتها قبالي ذكرتك حتى لو كنت بشيلك من بالي.....
مقدر....احس اني بنفجر......
مشاري بتنهيدة عميقة ليه سوا فينا الزمن كذا بس ليه...
بشاير بتعب انت اللي سويت فينا كذا يامشاري ماهو الزمن....
مشاري لاتعتبين يابشاير ماهو وقته...ادري اني غلطان واعترف لك بعد...فرطت فيك ولعبت ومااهتميت...وهذا انا قاعد ادفع الثمن براحتي....
التفكير ماهو صافي يابشاير..الراحة ابعد مايكون عني....
مانا قاوي على أي شي...ابي ارتاح...ابيك جنبي وماابي غيرك...ليش صاير قربك من المستحيلات بس يابشاير ليه؟
بشاير وهي بعدها تبكي لاتساْلني عن شي يامشاري...انا نفسي مدري ليه صاير فيني كذا....
ليتك من قطعت علاقتي فيك طلعت من بالي...ليت الوضع بينا كان غير...ليت ماكبرت بينا أي مشاعر وخلتنا نتعب يامشاري ليت.....
مشاري حبيبي تكفى لاتبكي...مااقوى على دموعك وانا بعيد عنك...اخاف عليك.....اهدئي شوي علشاني...
بشاير لاتخاف علي بكون بخير.....
مشاري بشوفك الليلة؟
بشاير انت مو بدبي...
مشاري انا بالمطار راجع...خلصت شغلي وانتهى الاجتماع وهذا انا برجع...الليلة بجي لعمي ابو احمد...ابي اشوفك يابشاير لاتقولين لا....
عيوني محتاجة شوفتك...تبي تروي ظماها فيك....
ابو احمد زارتنا البركة....نور البيت والله
احمد البيت منور بوجودك يالغالي...
ريم عمي شلونك....
ابو احمد هلا.....
احمد قلنا اليوم نجي نتغذى عندكم...
ابو احمد ان شاءالله دوم ماهو بس اليوم.....
احمد شلون هالة يبى....
تنهد ابو احمد...
ريم عمي وين البنات؟
ابو احمد داخل....يمكن انهم بغرفة غسان ولا بالصالة ..
ريم شالت شنطتها انا بصعد لهم يااحمد...
يوم ركبت لف احمد على ابوه.. بشر...شلون رقدت البارح.....
ابو احمد بتنهيدة شلون بيكون حالها يعني يااحمد...
احمد بلوم وعتب انت قلت لها شي...
ابو احمد بدفاع لا....
احمد بتشكيك اكيد..
ابو احمد بتنهيدة ماقلت لها ياولدي شي...انا بروحي تعبان ومو قادر اتكلم بشي لها....
الطلاق مو سهل لاعلى البنت ولا على اهلها....
احمد حط في بالك ان نفسيتها بالحضيض واي شي بتقوله لها بيتعبها اكثر يبى....
ابو احمد ماكلمته؟
احمد بلى...
ابو احمد شقال؟
احمد ماعطيته مجال يقول شي....
ابو احمد شلون يعني...
احمد يعني قلت له بنلتقي بالمحكمة اليوم علشان نخلص اجراءت الطلاق بسرعة...
ابو احمد بعتب طيب يمكن انه..
قاطعه احمد يبى....اللي يبيع اختي لااي سبب...انا ابيعه بالدنيا ومااشتريه ابدا!!
تنهد ابو احمد وسكت...
احمد خليها عندنا معززة مكرمة..
ابو احمد بضيق احمد انت مو فاهم يعني شنو تكون البنت مطلقة وترجع بيت اهلها...
احمد شنو غذاكم اليوم...ترى مطيرين نومة العصر علشان نتغذى معكم؟
ناظره ابوه وهو عارف انه قال ها الكلمة علشان يسكر موضوع طلاق هالة فقال بسرعة الليلة ابيك بموضوع ضروري لازم نخلصه,,,,
جراح يالله روحي قولي للبابا اسفة..
تخصرت فاطمة وسوت روحها زعلانة وماعطت مطلق وجه..
رفع راسه مطلق عن كمبيوتره وناظرهم..
جراح وهو يدفها يالله...
فطوم بزعل ماابي...
جراح بهمس شقلنا؟
فطوم بعناد ماابي....هو زعلني...
جراح هذا البابا يافطوم...وهو زعلان منك؟
فاطمة انا بعد زعلانة منه...ولازم هو يقولي اسف بالاول لان انا زعلت قبل...
مطلق كتم ضحكته ورجع يناظر بالشاشة لايضحك....
جراح فطوم..عيب البابا زعلان ...
فاطمة هو مايحبني..
مطلق رفع راسه وقال بكيفي...ابي احب عواشة وشيخة وبس؟لك عندي شي؟
جراح بلوم انت بعد لاتطولها وهي قصيرة؟
فاطمة شفت انه مايحبني؟
جراح اششش هذا البابا واي شي يقوله تقولين له حاضر وعلى امرك وتبوسين راسه؟
مطلق بحلطمة أي تبوس راسي انت بتكبرني؟صرت جدها مو ابوها اذا بتبوس راسي؟
جراح انت اسكت مالك شغل؟
فاطمة استحوا اثنينكم ..تتهاوشون وانتوا اخوان؟
مطلق احنا مانتهاوش احنا نتفاهم؟
فاطمة ناقصكم تطقون بعض علشان تكمل...
مطلق لاحووول على ها البنية....
فاطمة اصلا انا ماكلمتك انا اكلم جراحي حبيبي...
وقامت باست جراح على خده وهو يضحك ومطلق يغمز له...
مطلق اه يالملعون ماخذها لك مو...على بالك ببلاش...ادفع اول ولا لاتقرب صوبها...
فاطمة جلست جنب جراح اللي كان قبال مطلق وحطت رجل على الثانية وقالت وهي تلعب بشعرها اقول جراح...تبي تروح معي مجمع من ها المجمعات واقطك بالكافي وانا اروح الالعاب واذا خلصت امر اخذك؟
ناظروا في بعض وقاموا يضحكون بقوة...
فاطمة وهي تناظرهم انهبلوا اثنينهم...
مطلق وهويضحك ماخلتها في بالها..
جراح وهو يضحك انت شوف الحكاية وين؟.بتقطني بالكافي مو انا اللي بقطها بالالعاب؟
مطلق ههههه تستاهل هذا قدرك؟
جراح اخذها وشالها من مكانها وحضنها بالقوة وهو بعده يضحك وقال وهو يبوسها ويلوموني اذا حبيتك يافطوم....اموت فيك انا....حتى اذا جبت عيال مابحبهم كثرك والله,,,,,
فاطمة بعدت روحها عن حضنه وقالت ان شاءالله ماتجيب عيال اصلا؟
مطلق اه يابنت اللذينا....ليه تدعين على اخوي؟
فاطمة وهي متعلقة برقبة جراح اللي كان يضحك لها علشان لايحبهم حتى شوي ويظل يحبني انا وبس!!!!
بعد صلاة المغرب...
نسايم قومي اقولك قومي..
مريم وهي تشاهد وين اروح؟
نسايم بعجلة مشاري..
مريم بلامبالاة شفيه؟
نسايم بنفاذ صبر كاهو هنا
مريم وش اسوي له انا؟
نسايم شوف المجنونة تقولي شسويله؟
مريم بتكبر أي شسويله انا؟جاي يطلب السماح؟ولا جايب لي هدية يعوضني فيها؟
انتي مو قلتي لي ازعل عليه خلاص يعني مالازم اقوم له؟
نسايم يالخبلة...هاذي فرصتك مدام مااحد موجود بيني له زعلك من روحته وجيته وانتي ماتدرين....وسئليه عن البنات اللي شافهم هناك؟
مريم هو شاف بنات هناك؟
نسايم انتي لازم تقولين له كذا وتقولين له بعد انهم اكيد خذوا عقله ونسوه اسمك..ومن ها القبيل تعالي سمعي شتسوين وشتقولين....
قامت مريم وراها وهي تمشي وتحفظ اللي تقوله لها نسايم لين طلعت برى وكان مشاري جالس بصالتهم,,,
دفتها نسايم وتقربت منه,,,
مشاري يوم شافها وقف,,
مريم بتكبر هلا وغلا الحمدلله على السلامة ....مادرينا انك جاي كان انتظرناك بالمطار؟خوب انت تروح وترد ماحد يدري عنك؟
مشاري بضيق انا رايح اجتماع ورديت اليوم وين القضية؟
مريم ولاشي.....بس عسى تونست بعد الاجتماع؟
مشاري بحذر وش تقصدين بالله؟
مريم كتفت يدينها وتسندت على الكرسي اللي ببداية الصالة وقالت البنات اللي هناك ...كلهم حلوين يامشاري ولا في ناس ماراقوا لك....
مارد عليها بس ناظر وراها مباشرة للعيون اللي كانت تناظر فيها من اول مادخلت وماانتبهت عليها...
امها اللي جالسة وهي تغلي من تصرفات مريم الغبية واللي ماهي قادرة تصحح الوضع...
مشاري قال بلباقة بمر على عمي بفرصة ثانية ان شاءالله...شكله مع احمد باجتماع..وصلي له سلامي ياعمتي....
قالها وطلع وهو يناظر بمريم باحتقار.....
وهي ماعرفت شتسوي جمدت بمكانها لان نسايم ماحفظتها باقي الدور؟
يوم طلع مشاري كانت بشاير واقفة برى عند سيارته تنتظره يطلع بالشارع علشان يلتقون,,,,,
في مجلس ابو احمد..
وقف احمد بعصبية وقال يبى انت شتقول؟
ابو احمد اللي سمعته؟
احمد يبى..
ابو احمد انا امس قايل لك وماقلت لي شي...
احمد امس؟ماسمعتك؟
ابو احمد احمد...انت قبل لاتقولي عن سالفة هالة انا قلت لك؟
احمد باعتذار يبى انا ماسمعتك والله....يعني لو كنت سمعت كنت بوافق؟
جت ريم بتدخل المجلس لان احمد كان داق عليها لانهم بيطلعون ووقفت مكانها وهي تسمع كلمة ابوه انا مايخصني...انا خطبت لك؟شسوي يعني..اتفشل مع الجماعة؟
احمد برجاء يبى...انا ماابي غير مرتي وهاذي مافيها أي نقاش فالله يخليك لاتحرجني..
ابو احمد لا..احرجني انت مع الجماعة.....
دق تلفون احمد وكانوا المستشفى اعتذر من ابوه وطلع يكلم برى من باب المجلس الخارجي ودخلت ريم وهي حاطة يدها على بطنها........
شافها ابو احمد وظل ساكت...
ريم عمي...
ابو احمد خير في شي....
ريم عمي انا حامل...
سكت ابو احمد وماعلق بشي.......
اصلا ماعرف يفرح ولا يزعل ولا شنو بالضبط تكون مشاعره.....
ريم وهي بتبكي خلاص احمد مايدري اني حامل..وانا ماعرفت اقوله امس ووضع هالة كان بينا.....
اذا العيال اللي بيخلونك تزوجه فاانا حامل؟
ابو احمد بعزة وكبرياء ومن قال ان العيال هي السبب....
انا بزوجه يعني بزوجه كنتي حامل ولاماكنتي!!!
ماعرفت شتسوي حست ان الدنيا تدور فيها...خبر نزل عليها مثل الصاعقة...صحيح كان ابو احمد دايم يقول له بخطب لك وبزوجك بس اللحين جد...خطب له وانتهى الموضوع....
رفعت راسها ولقت احمد واقف يناديها..
احمد يالله ريم مشينا...
ابو احمد حياك الله...
احمد بمرك بكرة بنتفاهم على ها الموضوع.....
ابو احمد بظل منتظرك علشان نضبط الوضع بينا وبين الجماعة؟
احمد بحدة قصدك علشان تعتذر منهم!!
ريم مشت قدامه وهي تبي تنهي ها الالغاز اللي بينهم واللي احمد مفكرها ماتدري عن شي...
ركبوا السيارة....
ظلت شاردة معظم الوقت وهي تتمنى اللي جنبها يقول أي شي....
بس ظل ساكت وملامح وجهه كلها مقهورة...
تنهدت وابتدت هي بالكلام...
ريم بهمس متقطع احمد...
مارد عليها رغم انه يسمعها...
ريم احمد...بعد ثمانية شهور بتكون ابو....بعد ثمانية شهور بيجينا ضيف...يابيكون محمد ولابتكون دانة الله اعلم...
تمتم وقال بشرود أي....
يوم ركز بكلامها بعد ماعاده بذاكرته قال بصرخة شنو؟
لف لها بسرعة وشاف يدها على بطنها وهي تناظره,,,,,
داس بريك قوي رجعوا فيه اثنينهم لبعض وقال بحيرة وذهول ريم..
ريم بضعف انا حامل يااحمد,,
ماعاد سمع ورى ها الكلمة أي شي ثاني غير صوت صرخة ريم وهي تقول له احمد انتبه على الشارع انت واقف بالنص والاشارة انفتحت!!!
يوم لف وجهه....................
ايوا...
بدينا بلعب الاعصاب...
انا راقت نفسيتي الحمدلله و بكرة ماحنزل بارت بخليه ليوم السبت وبيكون بارت مدموج علشان نشوف توقعاتكم للاتي,,,
بشاير ومشاري وهل بيلتقون بدون مايشوفهم احد مع وضع مريم الزفت اللي سوته؟
واحمد وريم ؟؟؟؟؟؟؟؟؟؟؟
لاحد يتوقع لي ان ريم بتموت ترى خلاص ماعندي ابطال يموتون من بعد ريما ههههه
اشوفكم على خير يوم السبت ان شاءالله,,,,,
البارت الاربعين والواحد والاربعين,,,
كانت بشاير واقفة قريب من سيارة مشاري اللي كان طالع من الفيلا,,,
ماتدري أي احاسيس جتها وخلتها تغير رايها وتبي ترجع..
بس يوم لفت لمحت اروى بتطلع بعد مشاري...
اخذتها رجلها بسرعة ومشت بالرصيف المقابل وهي تمشي بسرعة مبتعدة عن المكان ومو مهم لوين؟
كان قلبها يدق بقوة....
حمدت ربها ان اروى مالمحتها وحتى لو انتبهت لطيف عند السيارة واقف فهو طيف من خارج اسوار البيت...
تنهدت...
كان مالازم تغامر ها المغامرة ابدا وتلتقي معه كذا بها البساطة..
رفعت جوالها
تدق عليه...
جاها صوته بلهفة يسالها وينك...انتي مو كنتي واقفة...انا متاْكد لمحتك؟
بشاير بلهفة وصوت متسارع اضطريت امشي لان بنت عمتي طلعت وخفت تعرفني...على كلا كان المكان خطير جدا مدري كيف كنا اغبياء وفكرنا فيه...
مشاري بزعل طيب وينك اللحين؟
بشاير بروح على السوبر ماركت اللي باول الشارع وبشوفك هناك اضمن...
مشاري وبتجين معي ولا بس بنلتقي هناك...
بشاير مشاري انت وعدتني....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك