رواية من أعماق أحضان مجنونة -29
هالة بشماتة وهي قاعدة تتوجع اصلا من قال؟في فرق ياام وليد؟
ام وليد بقهر من اسلوب هالة اللي للحين ماكسرها الطلاق على الاقل قدامها وش ها الحكي بعد!!
هالة جت وجلست قبال ام وليد وحطت رجل فوق الثانية وقالت بثقل يعني الناس اللي مثلي ماتعجبها أي حياة...
ام وليد ...........
هالة تقدرين تقولين ماجت حياتي مع علي مثل ماكنت ابي فقلت اغيرها...اشوف لي حياة ثانية وحتى لو ماكان فيها رجال؟
ام وليد ليش انتي مفكرة ان البنت كل يوم لها حياة ورجال؟
هالة بتاْكيد قلت لك مو مهم يكون فيها رجال؟
ام وليد في بالها(مسوية ان الدنيا مو هامتك ياهالة...طيب صبري علي...انا متاْكدة ماتطلقتوا من فراغ بس اعرف السبب بتشوفين ها القوة اللي فيك وين تروح)
ام وليد وهي قايمة طيب انا رايحة قسمي لو بغيتي شي حبيبتي لاتستحين..عديني اختك الكبيرة؟
ابتسمت هالة بشماتة ام وليد...انا تطلقت مامت؟وش ابي يعني!!!وصلت تعزيتك مدري مواساتك مدري وش اللي هي بنيتك...شكرا.....
ام وليد طيب....
هالة وهي واقفة بتمشي ليش مستعجلة قعدي بعدها وقت.....
ام وليد بروح اشوف ابوك....مدري شفيه ماراح الشركة اليوم؟شكله متفشل من طلاقك؟
قالتها وهي تناظر بهالة اللي كانت تناظر بالطاولة اللي قدامها وبس قالت ها الكلمة رفعت عينها لها بس ام وليد ضحكت ومشت وماعطتها مجال تقول شي,,,,,,
في الحديقة..
كانوا مريم ونسايم جالسين وجت لهم اروى تركض..
اروى صدق الخبر اللي سمعته؟
نسايم بشماتة أي صدق هالة تطلقت!!
لف جراح اللي كان يتمشى حول الحديقة وبغى يجي يذبحها لو مامسك حاله....
اروى اوووف مابغينا؟
جراح من وراها ليه عاد؟
اروى لفت له وابتسمت علشان ينكسر راسها بنت العراقية؟
مريم أي والله..لقينا شي نمسكه عليها بدل ها الغرور اللي مو مشوفها طريقها؟
جراح واللحين بس شغلكم الشاغل هالة وطلاق هالة..ماكو موضوع اهم منه يشغلكم!!
اروى بتفكير حاليا لا.....يكفي ان احنا بنستمتع بها الخبر كم يوم....
مريم بشماتة اجل الدكتورة بتقعد بالبيت ماكو مستشفى لين تطلع من العدة؟
جراح وهو ماسك نفسه أي وبعد وش عندكم؟
نسايم انت ليش شاغل بالك بها السالفة؟
جراح مسوي يجاريهم نمسك شي على واحد من عيال العراقية؟
اروى حياك اقعد معنا....
مريم ههههه
اروى اصلا زين منه تحملها ها السنتين ولا هالة تتعاشر؟استغفر الله؟
جراح ماتتعاشر؟قالها وهو يناظر باروى ووده يخنقها بس وجودهم مانعه...
طبعا اروى فهمت كلمته على انها سؤال...لفت له وقالت بتاءكيد ثقيلة دم...ومغرورة..وسخيفة..وماتنبلع...وشايفة حالها..وكل شي فيها يعل..وسوالفها كلها بايخة...وش اللي يخليه يتحملها ماتقولي؟
مريم بشماتة اصلا علي بيدخل الجنة لانه تحملها سنتين من عمره؟
نسايم هههههههههههه
بس ياجراح...امشي لاتوقف تسمع كلامهم اكثر لاترتكب فيهم كلهم جريمة وتدفنهم بمقبرة جماعية؟؟؟
لاتعطي العذال اذنك....اصلا لو ما هالة كاملة ماجت سيرتها وقهرتهم...
أي...هالة اللي قال عنها الشاعر..
واذا اتتك مذمتي من ناقص....فهي الشهادة لي باني كامل..
يكفي انك تدري ان مافيها عيوب...يكفي انك تشوف غرورها محليها..يكفي انك تشوف كل كلمة تنطق فيها عسل ولها الف معنى ومعنى عندك...
ماعليك من الحساد والغيرانين من شيخة البنات....
اتركهم يقولون اللي يبون..مصيرهم بيحترقون بنارهم!!!
دارين بنقل لك خبر مؤسف..
غسان خير طيحتي قلبي؟
دارين تنهدت..
غسان شصاير يابنت..
دارين هالة....تطلقت ياغسان...
سكت شوي وبعدها قال وينها اللحين؟
دارين معنا ومو معنا...جسدها معنا بس فكرها شارد وماهو عندنا وابوي ماكلمها كلمة وحدة من رجعوا البيت...
غسان مدري ليش كنت متوقع طلاقها هي وعلي؟
دارين ليش تقول ها الحكي...
غسان مبين على علاقتهم انها ماهي متكافئة والحمدلله انها انفكت قبل لايتورطنا بعيال..
دارين بحزن عيال؟؟؟اجل ماسمعت باقي الخبر الحزين...
غسان بصدمة لاتقولين انها حامل؟
دارين بتنهيدة ياليت.......
غسان شلون يعني؟
دارين مافيها تجيب عيال,,,هالة ماتجيب عيال؟
سكت وهي ماعلقت بشي...
دارين غسان...وينك؟
غسان الحمدلله...
دارين .......
غسان ها الشي اكيد جاي بحكمة من رب العالمين ليش انتوا متشائمين؟
تنهدت وكمل هو كلامه..
غسان يمكن لو جوها عيال يصير فيهم شي لاقدر الله ويظل قلبها محروق عليهم طول الوقت....بس ربك ماحرمه من ها الشي الا بحكمة منه سبحانه...وماتدرين وش اللي مخبى لها مع الايام....
دارين .........
غسان احاكيك معي انتي بعدك ولا....
دارين تنهدت معك...بس ياليتني اقدر انقل لها وجهة نظرك..
غسان أي...
دارين بتنهيدة احسها بتنفجر باي لحظة؟سكوتها يدل على ان وراها بركان بيثور باي لحظة؟
غسان طبيعي بتكون نفسيتها زفتة بس عاد انتي قعدي سليها...
دارين يالله انا بروح لها وبدق لك بعدين؟
زينة شمسوي هناك؟
مشاري ماكو جالس بالفندق؟
زينة بخبث وهي تضحك وش عندك بالفندق ها؟
مشاري بضيق مليت من الاجتماع اللي وجع لي راسي وقلت اريح..
زينة في بنات حلوين؟
مشاري والله انا مو شايف احد..
زينة ليه عاد؟كله وفا واخلاص لمريم؟
تنهد ومارد عليها...
زينة ابوي كلمني اليوم...
مشاري بتنهيدة اكبر اه
زينة بخوف شفيك؟
مشاري بتعب تعبان
زينة مريم السبب؟
مشاري هي نص الموضوع؟
زينة والنص الثاني؟
مشاري ,...........
زينة عند الحبيبة...
مشاري مو عارف شسوي؟
زينة منت مجبور تقعد مع مريم وانت ماتبيها؟
مشاري بانفعال وكيف اوصل لبشاير؟حتى لو تركت مريم بتظل السالفة صعبة يازينة؟
زينة ليش؟وش يدخل هاذي بهاذي؟
مشاري مقدر اقولك؟
زينة انا اختك يامشاري...صارحني يمكن اقدر اساعدك بشي....
مشاري يظل سر بينا ومايطلع لااحد؟
زينة افا عليك...انت قد جربتني ونكبت فيك؟
مشاري بس ها الشي فيه قطع ارقاب يازينة؟
زينة تطمن اذا تكلمت حتى زينة نفسها مابتدري انت شقلت؟وش تبي ...
مشاري بشاير يازينة.........بشاير حبيبتي هي نفسها بنت خال مريم؟
زينة بصدمة شنو؟
مشاري بتعب عرفتي ليش السالفة معقدة؟
بغرفة ابو احمد,,,,,
دقت الباب وانتظرت اجابة...
ويوم سمعت صوت ابوها دخلت....
طاحت عيونه عليها وهي واقفة عند الباب واخذ الجريدة وقام يقراْ فيها...
تنهدت بصوت مسموع من حركته وسكرت وراها الباب وتقربت منه,,,
صارت واقفة قباله يوم تناديه..يبى..ولارد عليها...
ركعت لمستواه وقالت بغصة ماتبي تكلمني؟
قالت بحدة بدون مايناظرها البنت العاقلة...
قاطعته بحسرة وهي تقول تحفظ بيتها وزوجها...
رفع راسه لها بغضب وكان بيرفع يده عليها بس يوم شاف وجهها غرقان دموع وقف وجمدت يده بمكانها...
بدموع قالت بتضربني!!!!لاني تطلقت!!!
تنهد بحسرة ونزل يده وقال بقهر انتي عارفة وش معنى البنت تطلق؟ياهالة البنت سمعة واذا تطلقت الكل يجيب فيها ويحط ويشيل ويزيد والناس ماتدري وش الحقيقة؟
صرخت بانفعال وهي تاْشر على نفسها وانا يبى...مو مهم اعيش؟؟؟مو لازم اتحرر من الجو اللي خانقني!!على بالك اني سعيدة لاني بحمل لقب مطلقة وبيلازمني طول عمري!!!على بالك بكون مرتاحة بوضعي الجديد يبى وانا اللي بسمع كلام كثير بالداخلة والطالعة؟
ابو احمد بنفاذ صبر وليه طلبتي الطلاق مدامك عارفة انك ماراح تكونين مرتاحة ليه؟
هالة طاحت على الارض من بعد ماكانت راكعة وقامت تبكي بصوت عالي يبى...انا مااجيب عيال؟مافيني عيال؟وهو يبي عيال وانا مااقدر اعطيه؟مااتفقنا؟
ابو احمد بانكسار كان فيكم تظلون مع بعض حتى بدون ماتجيبين عيال وهو من حقه يرتبط بثانية؟
هالة ببكي اكبر بس هو مايبيني ..اول ماجت الفرصة انه يتركني ماتردد؟
سكت ابوها ونزل راسه بالارض وهي بعدها تبكي وتشاهق...
ظل الجو بينهم سكون لين رفع راسه وقال هالة..
مارفعت راسها له بس قالت وهي تناظر بالارض ماراح اسمع كلمة ماما ابدا يبى...بحياتي ماراح اسمعها؟
كسره ضعفها وهي اللي طول عمرها شامخة وراسها عالي...
اشوفكم بكرة على خير يالغلا,,,
البارت الثامن والثلاثين,,
تنهد وهو يتقرب منها...
شي بداخله قاعد يثور ويتناقض.؟...
انه تكون بنته مطلقة حاسسها كبيرة وكاسرة ضهره...بس ان هالة اللي عمرها مابكت ولارضخت لااحد تنهار كذا قدامه وتقوله ها الحكي...عذبته...
دمعت عينه وهو واقف قبالها...
اصلا انربط لسانه وماقدر يقول لها شي...
حتى يوم قامت ولفت تمشي وطلعت من الغرفة انحبس صوته داخله وماقدر يناديها...
هالة مابتكون ام؟؟؟؟
ليش ياربي ليش,,,,ليش حرمت بنتي من ها النعمة اللي بتكسرها وبتكسرنا معها...
ليش حرمتها ها السعادة والمشاعر الصادقة,,,,,,
غمض عيونه علشان يزيح افكاره السودة ويروح يراضيها...
هاذي بنته الغالية...الكبيرة...الدكتورة هالة....لايمكن تنام الليلة وهي زعلانة وتبكي,,,,,,
هاذي ارادة الخالق يابو احمد محد يقدر يعترض عليها...ومحد يدري وش مخبية الايام لها؟
مشاري بانفعال يالله قوليلي شنو الحل برايك؟
زينة بذهول مشاري....انت صدمتني؟
مشاري بتعب وانا على بالك مرتاح؟قطعتني فترة طويلة علشان تاْدبني وانا اعترف اني كنت غلطان ساعتها...بس والله كنت ...كنت اتذكرها دايما...كانت على بالي وماتغيب عني.....اه ياربي..شقولك بس يازينة شقول....
يوم قالت لي مريم ان بيت خالها بيرجعون يسكنون من جديد ماتوقعت ابدا انها بتكون موجودة بنفس البيت اللي يضم مريم....
احس النار تحرقني ومو قادر ابعد نفسي عنها؟
زينة بس انت لازم تتخذ قرار وقرار عاقل يامشاري....
مشاري بتعب قوليلي شسوي...
زينة انت اول اساءل نفسك...هل انت تحب مريم؟
مشاري بلاتفكير لا
زينة مو لان بشاير معششة بافكارك تتسرع وتجاوب يامشاري,,,
مشاري بدفاع حتى لو ماطلعت بشاير بحياتي كنت برد عليك بنفس الرد يازينة؟
زينة ..........
مشاري بضيق ماتناسبني ...شخصيتها غير عن شخصيتي...كل شي فيها مختلف....عمرها مااهتمت فيني وبمشاعري ...حتى كلام مثل العالم مااسمع منها....
كل همها..وين بيكون الزواج؟متى بيكون؟شنو راح تسوي بذاك العرس؟منو بتجيب يغني؟شكل الكوشة شلون؟
زينة طيب وين المشكلة وحدة وفرحانة وتبي تعيش سعادة ليلتها اللي ماراح تعيدها مرة ثانية؟
مشاري لو هي تصفى لي شوي وتعطيني اذنها وتسئلني عن اخباري ومشاعري ...تتركني اسولف...كل شهر اسوي لها عرس اذا تبي وعرس ماتحلم فيه أي بنت؟بس مريم مدري شلون يازينة...انا مااهمها...اصلا كلمتين على بعض اذا جلسنا بروحنا ماتقول؟
اذا طلعت منها اخر الليل انا اذبح حالي عليها برسايل الوله والحب وهي بالعرس وتقولي لاتسولف بغير العرس خل نشوف وش لنا وش علينا!!
زينة انا تعبت...ماتحس فيني ولاراح تحس بعد!!
زينة وانت شايف ان فراقكم هو الحل الانسب...
مشاري أي...
زينة لاتتسرع بالاجابة لانك حتى اذا طلقت مريم ترى ارتباطك ببشاير ماهو مضمون؟
مشاري بانفعال حزين عارف ها الشي.....وحاطه في بالي بعد...بس طلاقي انا ومريم بيخفف شوي من حدة توتري ..بيخفف معاناتي ومعاناتها....
زينة بالعكس طلاقكم راح يتعب بشاير اكثر يامشاري....لان لو فرضنا انت خطبتها بعدين وانا اقول فرضا بتصير لها سالفة طويلة عريضة,,,,
وانت فاهمني...
تنهد مشاري وماعلق بشي,,,,
دخلوا مطلق ومعه بنته شيخة اللي كانت حاملة العاب اشكال والوان لزوميات انه يقهر فطوم اللي كانت جالسة مع عمها جراح بالخيمة وبس شافتهم قامت تبكي...
مطلق شال نظارته وسلم...
شيخة عمي جراح شلونك؟
جراح وهو يبتسم هلا وغلا....
شيخة عمي متى بيجي العيد؟
جراح وانتي كل ماشفتيني قلتيلي متى بيجي العيد؟
شيخة عمتي نسايم تقول انت عندك فلوس واااجد ماتخلص...يعني المفروض كل شهر تسوي لنا عيد وتعطينا فلوس علشان لاتتعب وانت تعد فلوسك؟
مطلق بناتي هذا اللي تشيطروا فيه....الفلوس وصرف الفلوس وبس؟؟
جراح وانتي ليه تبين فلوس؟
شيخة لان بالفلوس اسوي كل اللي خاطري فيه واشتري كل شي...
جراح تؤامك وين؟
شيخة ماجت معنا..انا والبابا طلعنا تمشينا ورحنا الالعاب بس هي ماجت معنا....
قامت فاطمة وهي تبكي..
ومسكها جراح من يدها وين بتروحين؟
فاطمة وهي ذابحة حالها اتركني...انا مااحبه...هو راح معها وماراح معي.....
جراح خلاص انا بوديك بعدين وش قلنا احنا...
فاطمة وهي تصارخ وتضرب برجلها على الارض ماابي...هو كذاب.....هو غبي....ليش يروح معها ومايوديني؟؟
سكتت يوم ضربها ابوها على يدها بالقوة وناظر فيه جراح بلوم بس ماقال شي....
مطلق بعصبية منهو الغبي ان شاءالله؟
فاطمة بعد ماسكتت لحظات من التعجب ان ابوها ضربها انفجرت تبكي بصوت اعلى وهي تصارخ انت....انت الغبي ...
وراحت تركض داخل ولحقتها اختها...
جراح لف له بسرعة وقال بتاءنيب ليه تضربها؟ماسوت شي المسكينة؟
مطلق بنرفزة وهو يشيل شماغه انت شايف انها ماسوت شي؟بس ماتشوف انها ماقاعدة تحترمني ابدا!!!
جراح بعدها صغيرة؟
مطلق بعدها صغيرة على انها تحترمني!!!
جراح شفيك؟متضايق من شي وحطيته فيها؟
مطلق بتنهيدة كلكم تدلعونها وتحبونها لانها خفيفة دم وكلامها حلو وانا ها الشي مايضايقني بالعكس انا احبها اكثر منكم..بس ياجراح أذا هي بعمر خمس سنين ماتحترمني وتعتبرني كذاب وتقولي غبي اذا كبرت على أي اساس بتكون لي كلمة عندها؟
جراح ..............
مطلق لاوتقولي اليوم بخلي جراح يصير ابوي ولاتسوي روحك ماتدري؟
جراح فقعها ضحكة وقال أي قول هذا اللي مضيق خلقك انها تحبني اكثر منك وتبي تصير بنتي؟
مطلق وهو يضحك معه يالله خذها وفكني منها ومن طوالة لسانها...
جراح بقوم اراضيها انا الا فطوم مقدر على زعلها..
مطلق بصرامة لا...
جراح حرام عليك...
مطلق جراح ارجوك لا...اتركها تعرف انها غلطانة وانها لازم تحترمني انا ابوها.....انا خايف على بناتي ياجراح وشايل همهم....
جراح وقف بقوم لها..لاتخاف مابراضيها بس بفهمها انك زعلان وانها غلطانة وبس...علشان لاتفكر ان دموعها مرت علي بالهين؟
مطلق بشماتة مقدر يالشاعري....
دخل الغرفة وكانت غارقة بظلامها..
عارف انها مانامت لانه اول مادخل سمع همهماتها وشهقاتها بس يوم يتقرب منها انكتم الصوت مرة وحدة ....
ناداها بهدوء وماردت...
ماكان يبي يناديها اكثر,,,,
تقرب من حافة السرير وجلس عليه...
كانت لافة وجهها بعيد عنه...
ظل يناظر الغرفة من حوله وكانه يبعد نظره عن دموعها اللي لسه باقين على خدودها مانشفوا...
تقربت اصابعه منها ومسحتهم...
كان ينتظر منها التفاتة بس ماالتفتت...
حط يده على شعرها وصار يمسح عليه...
قال بكل حنان ابوي طول عمرها عندي هالة غير...هالة العاقلة والكبيررة والفاهمة...
مايوازيها بالغلا والحب الا احمد....
لاتبكين يبى...مسحي دموعك..ترى ربك مو ناسيك....هو اللي خلقك وهو اللي قاسم لك الرزق....
احبك يابنيتي ياهالة ويكسرني تعبك..
سامحيني على موقفي معك..بس انا كنت ابي لك الشي الزين بدنيتك وماابي أي انسان يجيب بسمعتك وسيرتك ...
الله يوفقك يايبى بحياتك...
نامي ولاتفكرين بللي جاي...ربك اكرم من خلقه وهو اللي بيعطيك نصيبك...
تصبحين على خير...
قالها ووقف ومسح باقي الدموع اللي طاحت منها على كلامه,,,,,
ريم وهي متسندة جنب احمد اللي كان سرحان....
ريم احمد...
احمد .........
ماكان منه أي رد...
لفت وصارت قباله...
وانتبه لها...
ريم بتطول وانت بها الحالة؟
ابتسم لها بالم وقال شكنتي تقولين؟
ريم مو عايدة كلامي..
احمد سامحيني بس شردت شوي؟
ريم احمد...ريح حالك حبيبي..ترى والله مايصلح كذا تتعب نفسك ...خلاص اللي صار صار؟
تنهد وماعلق باي شي..
ريم مو قايلة لك الشي اللي بقوله؟
احمد مسك يدها لا..قولي...
ريم بدلع لامنت معي ليه اقول بالله؟
احمد بحنان سامحيني ياريم بس والله سالفة هالة وطلاقها شاغليني..
ريم طيب لاصفى فكرك قولي..
احمد تعالي وين رايحة؟
ريم وهي تحط راسها على المخدة لاتحاول مو قايلة لك منو يسلم عليك؟
احمد صفى فكري يالله تعالي؟
ريم لا...تلعب علي ؟
احمد هههههه
لفت له وقالت بحب مابغيت اشوف ضحكتك اليوم يااحمد..فديت ها الضحكة انا..
احمد يالله قولي منو يسلم علي؟
ريم ابتسمت وقالت ماراح اقولك..انه واحد بيحبك كثير كثير..تصبح على خير؟
احمد تتكلمين با الالغاز انتي!!
ريم هههههه
احمد تعالي قولي....
ريم لاتشغل بالك ماراح اتكلم يالله نام..
رفعت جوالها اللي كان جنبها صامت يوم شافت ان في رسالة وصلت لها...
تنهدت وهي تدري مسبقا انها بتكون من مطلق....
مطلق(شلونك)
ماردت عليه...وبعد ثواني رسل لها(وحشتيني)
تردتت وهي تكتب له(وش تبي؟)
بس انها كتبتها وارسلتها بعد..
جاها المسج بعد ثواني(ابي اتطمن عليك واشوف اخبارك....واشوف نفسيتك)
دارين (وش لك بنفسيتي بعد!)
مطلق(تهمني حييل فوق ماتتصورين)
دارين (ليه)
مطلق(لانك بكبرك تهميني)
دارين(مطلق انا متضايقة)
مطلق(علشان طلاق هالة...ترى كلنا تضايقنا مو بس انتي...بس ماتدرين يمكن ان فيه خيرة)
دارين(نفس كلام غسان....بس هي حييل متضايقة واحسها بتنفجر باي لحظة)
مطلق(اتركينا من هالة وخلينا بدارين...)
دارين(شفيني انا)
مطلق(كبرتي بسرعة)
دارين...........
مطلق(وحلويتي.....كل اللي اذكره انك صغيرة وكله تبكين...اللحين اللي انا شايفه قدامي...بنت مثل القمر ماشاءالله حولها وحواليها)
دارين(لمى تكون قلت لي ها الكلمتين على بالك اني بلين)
مطلق(انا ماابيك تلينين عاجبتني قوتك ياالحلوة)
دارين(مطلق قول الصراحة انت وش تبي)
مطلق(الصراحة الصراحة...انتي دخلتي مزاجي....ويوم عن يوم ولحظة عن لحظة قاعدةتتغلغلين فينين اكثر واكثر )
دارين(والمطلوب مني)
مطلق(ماودك تصيرين كريمة وتسمعيني صوتك)
دارين(لا)
رسلتها وقفلت جوالها بعدين وهي تلهث..
كلامه قاعد يحرك فيها مشاعر الانوثة...
قامت ووقفت قبال المرايا تستعرض شكلها بعد مافكت شعرها...
هي حلوة وتدري انها حلوة بس كلام مطلق خلاها تحس باحساس ثاني...
معقولة حبها؟؟؟؟
ام وليد وانت ليه مضايق عمرك عاد؟
ابو احمد بهدوء انا مو متضايق؟
ام وليد أي بنات ها اليومين قليلين اللي فيهم السنع ويحفظون بيتهم؟
ابو احمد بحزم بنتي سنعة ومحد مثلها؟
اصلا علي مايسواها ولايستاهلها,,,
ام وليد عشتوا...اللحين لانه طلق بنتك اللي ماقدر يتحملها بيكون مايستاهلها ولايستاهل ظفرها بعد!!!
والله الرجال ماشفنا منه شي ولااي عيب قول لمنو..
قاطعها بصرامة قلت لك بنتي يعديها العيب....
ام وليد سكتت وهي مو عاجبها...
ابو احمد روحي نادي بنتك مريم؟
ام وليد بخوف ليه؟
ابو احمد ناديها ابيها بموضوع؟
ام وليد بخوف اكبر وش يدخل مريم بطلاق هالة....
ابو احمد ابي اكلم بنتي واسولف معها وين الغلط؟
ام وليد كلمها بكرة الصباح ليه اللحين يعني؟
ابو احمد تنهد وماقال شي.....
ام وليد في شي يابو احمد؟
ابو احمد بنتك مرتاحة مع مشاري؟
ام وليد بفخر طبعا مرتاحة اصلا مشاري يموت فيها ومايعيش ساعة بدونها...
ابو احمد بتشكيك ويوم اشتكى لي منها وانها هاملته؟
ام وليد بدفاع مو لان مشاري الله يحفظه يبيها معه اربع وعشرين ساعة يايشوفها يايكلمها والبنت ثقيلة ماتبي ترمي حالها عليه..
ابو احمد قولي لها تدير بالها عليه زين ترى مشاري مامنه اثنين...
ام وليد قلت لها وهي عارفة ها الشي.....الا قول لي يابو احمد هالة ليه تطلقت؟
ابو احمد هي طلبت الطلاق من علي؟
ام وليد أي زين ليه عاد؟
تردد يقول لها ولا يظل ساكت.....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك