رواية من أعماق أحضان مجنونة -27
علي طيب.,....هالة..انتي طالق...طالق..طالق...
وورقتك بتوصلك...
قالها بكل برود وطلع....
تسندت على الجدار اللي وراها وانفجرت بالبكي....
طلقها بكل برود وماهمه اصلا يقول كلمة يجبر فيها خاطرها ولا يقول أي شي!!
اصلا هي مو متوقعة منه أي شي لانها عارفته....
ياالله ياهالة هذا انتي تطلقتي وهذي رغبتك يالله فرحي...ليه بعد ها الدموع؟؟؟؟
وش يعني انك مطلقة ياهالة؟ماراح تعني ابدا انك انكسرتي!!!
عندك اهل يحبونك ويخافون عليك.....علي مو مهم..اي شي ثاني بالدنيا مو مهم....
يالله قومي شوفي شلون بتخبري ابوك بطلاقك!!!
قومي شوفي شلون ام وليد اللحين بتكلمك وبتناظر فيك؟؟؟
قومي شوفي شلون المجتمع بيتقبلك وبيستقبلك؟؟؟
انتوا كنتوا مقهورين من البارت اللي قبل فماحبيت اطول بارت اليوم وانكدكم قلت احط لكم اشياء خفيفة ماتضيق خلقكم,,,,,
اشوفكم باذن الله بكرة ان شاءالله يالغلا,,,,
البارت الخامس والثلاثين,,,
كانت جالسة ترتب اغراضها حق بكرة وجاها مسج واستثقلت تفتحه لانها حاطة في بالها اكيد بيكون اعلان ولاها الخرابيط اللي مامنها فايدة,,,
يوم فتحته وقرت المسج اللي ماكانت مخزنة رقم المرسل رغم انها عارفته دق قلبها,,,كان كاتب لها(وش تتوقعين يكون تحت نافذة غرفتك بها الوقت)
رفعت راسها تناظر بالنافذة..وش ممكن يكون يعني؟
مافي شي هو بس يبي يستفزني بحركاته السخيفة اكيد؟؟؟
لا في يادارين ولا ليه قال لك...
راحت ركض طبعا تفتح النافذة والفضول ذابحها تعرف وش اللي موجود تحت؟؟اول مازاحت الستارة وفتحت النافذة غمضت عيونها وحست انها غبية بعد ماشافت ابتسامة مطلق اللي قاعد تحت غرفتها ومبسوط ومتونس....
هو كان يبيها تشوفه وهي شافته ؟؟؟
اوووف بس ياربي...ياليتني ماتعجلت وفتحت النافذة وش بيقول اللحين؟
سكرتها بسرعة وجاها مسج منه(كنت بقولك اني الليلة مابنام بظل احرسك )
بعصبية كتبت له(وش عرفك اصلا انها غرفتي)
رد عليها(قلبي قال لي...تقدرين تساْلينه)
بس يادارين لاتتمادين معه....اتركيه هو يبي يجرك علشان تسولفين معه اكثر واكثر بس لا...لاتسوينها....
جاها منه مسج(خلاص بلا سهر يالله طفي النور ونامي عندك الصباح جامعة لاتقومين متاْخرة)
اووووف منك يامطلق..وش تبي بس وش تبي,,,
ماانتظرت كثير لين رسل لها(صحيح متى تبيني اصحيك للجامعة بكرة)
ماردت عليه بس مسكت جوالها ودقت عليه....
بس شاله بكل عصبية قالت انت شتبي مني ماتقولي؟؟؟وش اللي مسلطك علي بس ياربي؟
رد بكل نعومة وذوق هلا وغلا بها الصوت الحلو...علامك معصب ياشيخ..مايصح كذا تنام وانت معصب...خل اروقك شوي قبل لاتنام...
سكتت يوم سمعت صوته الرايق وهي تتخيل شكله يكمل معها الصورة بعدها قالت بارتباك مطلق...
مطلق بهيام يالبيه..
بهمس قالت شتبي؟
مطلق وش فيك مستعجلة...خل نعيش المرحلة لحظة بلحظة ياعمري...
دارين بعصبية انا مو عمرك ولاتناديني كذا سامعني...
مطلق برواق خلاص منتي عمري انتي قلبي....بس روقي شوي علينا....
تنهدت وقالت شتبي؟
مطلق انتي اللي متصلة؟
دارين بارتباك ليش جالس عند غرفتي؟
مطلق بهيام اكثر احرسك من القمر..اخاف ينتبه انك احلى منه ويخطفك؟
لهنا وبس وسكرت الجوال بوجهه بدون كلمة زيادة...
كانت مشاعرها ثايرة...مطلق قاعد يخربطها ويهجج فيها مشاعر ماهي عارفة شلون تسكتها...
قفلت الجوال علشان لاتقرا حتى رسايله وتفكر فيه ..
طفت النور وقعدت على فراشها علشان تحاول تشيل صورة مطلق من راسها وتنام,,,,,,
كان معزم انه الليلة يتكلم معها ويعرف وش فيها..
هاذي اخته الغالية وبتظل هي ومشاكلها وهمومها على راسه لين تنحل كل امورها...
توه بيجي يدق الباب الفاصل بين الصالة وبين المجلس علشان يدخل سمع صوت بكيها..
مااحتاج وقت كثير علشان يقرر اذا كان لازم يدخل ولالا لانه دخل وانتهى الموضوع...
يوم شافها متسندة على الجدار وتبكي بحرارة ماعرف شيسوي...
رفعت راسها له وكملت بكيها وكانها عاجزة توقف عن ها البكي...
ركع لمستواها وقال بحنان زايد مصحوب بخوف هالة...شفيك؟
قالت وهي تمسح دمعة ويطيحون بدالها عشر وعيونها انكسرت بالارض احمد....
سكتت شوي وكملت بعدها بصوت متقطع انا تطلقت....
احمد بذهول شنو؟
رفعت راسها وناظرت بالباب اللي قبالها وقالت توه علي طلقني ومشى.....
احمد وهو يهزها من كتوفها انتي شقاعدة تقولين ياهالة؟
هالة ببكي اكثر اللي سمعته....
وقف وهو يسب ويلعن بعلي ومسكته من طرف ثوبه وقالت برجاء لايااحمد...وين بتروح...
احمد بعصبية وقهر مايتناسبون مع شخصيته اللي كانت هادية قبل شوي بروح اشوف شسالفته...بروح اعلمه..
قاطعته بانهيار انا ابي كذا يااحمد.....انا طلبت منه الطلاق!!
ناظرها وناظر دموع ورجع ركع لمستواها وقال بتشكيك هالة...علي طلقك لانك طلبتي منه ها الشي؟
هزت راسها بالايجاب وقالت أي...
احمد بتنهيدة هالة الزواج والطلاق..
قاطعته مقدر اكمل معه حياتي يااحمد مقدر.....صعب...
احمد هالة فهميني وش صاير...تكفين؟
قالت وهي تمد يدها لااخوها اللي مسكها بحنان احمد..انا ماراح اسمع كلمة ماما بحياتي يااحمد.....انا مااقدر اصير ام؟؟؟مافيني اجيب عيال؟؟؟بحياتي ماراح اسمع ها الكلمة يااحمد.....انهارت من جديد وبكت على صدر اخوها اللي جمد وماعرف شيسوي....
كانت تبكي وتشاهق وهي تعيد نفس الجملة..ماراح اكون ام بحياتي ولاراح اسمع ها الكلمة؟؟؟؟
احمد بحنان وهو يداري دموعه هالة...انتي طلبتي الطلاق علشان ها الشي...
هالة وهي تبكي هو عارف ومصر انه يتزوج وانا مقدر امنعه هذا حقه ..بس مقدر اعيش مع نص رجال ..مع انسان بتكون له حياة ثانية وعيال واكون انا على الهامش بحياته مقدر يااحمد مقدر.....
ضمها لصدره اكثر بدون مايتكلم..اصلا ماهو عارف شيقول ولاشنو المفروض يسوي؟
عاز عليه بكي هالة بها الطريقة...
هالة..اللي ماعمرها انهزت لشي تبكي بها الهستيريا؟؟؟
تبكي لقرار هي طلبته وهي صاحبته اصلا!!!
هالة ماراح تكون ام؟؟؟
افكاره كلها تلخبطت في بعض وماعرف شيسوي غير انه يبكي مع بكي اخته.....
جراح بانكسار ممكن ماتساْليني ولا سؤال لاني مابعرف شنو اجاوبك ؟
بشاير بصدمة انت تحبها ياجراح ولافي بالك شي ثاني؟
جراح بحزن ودموع كانت بتفضحه وتنزل انا مااحبها يابشاير....انا اتنفس اسمها كل يوم علشان اعيش؟
ناظرته بتعجب..بس ماعلقت...
كمل بغصة مخنوقة فيه من كنا صغار وانا احبها..اعشقها....يزعلني زعلها ويفرحني فرحها,,,
تصدقين للحين اكره عمتي لانها كانت تصارخ عليها وهي صغيرة وتهاوشها وشايل ها المواقف بقلبي ومو قادر ابلع عمتي!!!
هالة بنظري غير عن الكل....
ويوم اللي عرفت انها بتتزوج تعبت...مت...بس محد عرف شي....
بشاير وهي بعدها تناظره وهو يتكلم بلهفة عن هالة....
جراح يوم طلعنا من البيت هذا طلعت روحي يابشاير....ماكنت ابي افارقها...مو كفاية حرماني منها لانها كبرت وماعادت تقعد معنا ولاحتى تسلم علينا!!!
كان ودي ارجع هنا واقضي باقي عمري جنبها....وظليت متابع اخبارها.....
وخبر زواجها خلاني انهار يابشاير...
قالها وغمض عيونه...
بشاير بزعل وهي تدري انك تحبها؟
فتح عيونه اللي كان الزعل ماليها وقال بحزن بس بهمس لا...
بشاير بتقطع وليه ماقلت لها؟
جراح لانها ماراح تحبني!!!
بشاير وانت ليش واثق من انها ماراح تحبك؟هي تحب واحد ثاني يعني....يعني علي هو اللي كان شاغل افكارها...
جراح هالة مايهزها رجال ولاسوالف العشق تسهرها يابشاير....كان كل همها تكون دكتورة وصارت وتزوجت وانا بعيد مو قاوي اقرب.....اه يابشاير اه...راحت مني وتركتني بروحي....فهمتي اللحين ليش دايم اقولك انها راحت!!
بشاير بانكسار وطبعا للحين ماشلتها من بالك ياجراح؟
جراح بهمس ساعديني والله مو قادر؟هي تجي في بالي غصبا عني يابشاير مو بكيفي!!!عارف انها لغيري مو لي بس في شي طاغي علي منها...اشواق وذكريات من الصغر مو قادر ازحزهم لحظة من تفكيري,,,,,,
تنهدت بشاير وماقالت شي...
وظل الجوبينهم هدوء لين وقفت بشاير بتطلع من الغرفة...
ناداها بانكسار ياليت يكون ها الشي سر بينا يابشاير؟
هزت راسها بالايجاب وطلعت وهي شاردة بجراح وهالة...جراح اللي جاية تشكيه وتبيه يسمعها هو اللي شكاها وهي اللي سمعته؟؟؟
اكبر غلطة سويتيها يازينة اليوم..
موافقتك على شخص ماخطبك ولاطلبك من الاساس!!
وش ها المذلة بس يازينة ؟؟وش ها الاهانة اللي حطيتي نفسك فيها؟؟؟
شبيقول احمد اللحين عنك؟؟؟
اه ياربي شسوي انا....اتراجع واقول مو موافقة؟؟؟
لامستحيل انا ابي القرب من احمد مو البعد عنه؟؟؟
طب وين الحل؟
اذل نفسي بها الطريقة وانا عارفة ان احمد يحب ريم ومابيشوفني قدامه ابدا!!!
ياربي حاسة راسي بينفجر من كثر التفكير...
كل الناس تحسب حساب لكرامتها الا انا...من عرفت احمد صرت اذل نفسي واوطي نفسي برجولي علشانه ؟؟؟؟
الى متى ماادري؟؟؟؟
ياترى هو بيلتفت لي بيوم من الايام لو عمره مابيعرف شي عن هوى داري؟؟؟
ها الانسان اللي حبيته وجالسة احبه بكل مافيني...ياترى هو يستاهل مني ها المذلة ولالا؟؟
انا متشتتة..حايرة,,,ضايعة,,,مو عارفة شسوي....
اه ياقلبي اه...اه منك ومن عشقك اللي عشقته وفضلته وميزته عن باقي الناس,,,,
سكرت باب الغرفة وراها وبشاير تناظرها بتعجب..
بشاير خير في شي؟
نسايم وش عندك مستعجلة قعدي خل نسولف؟
بشاير بشماتة ليه مو رايحة عند بنات العمة وتمثلين دور الملاك الخايف عليهم واللي يبي مصلحتهم!!
نسايم بحدة قعدي وبلا ها الخرابيط؟
بشاير لاتكلمين بها الاسلوب لو سمحتي...
نسايم لانت شوي وقالت وش عنده جراح....
بشاير فهمت عليها وقالت ليه شفيه؟
نسايم انا اللي اسئلك اللحين؟
بشاير وانا شعرفني...بالعادة الاخبار عندك؟
نسايم بحدة انا شفتك طالعة من غرفته وكنتوا تتكلمون بس في شنو ياترى؟
بشاير بحدة وهي مكتفة يدينها سمعتي عن الاسرار الخاصة ولالا؟
نسايم بين الاخوان مافي اسرار خاصة....
بشاير طب اذا مافي اسرار خاصة روحي سئليه بنفسك؟
نسايم بحدة بتتكلمين ولاشلون؟
بشاير بسخرية لا شلون ابي اشوف وش يطلع فيها..
نسايم بتهديد احد يدري انك تكلمين واحد يابشاير؟
تلاشت ابتسامة بشاير من على وجهها وسكتت..
نسايم بضحكة انتصار كملت وانكم مختلفين وتبون تفترقون.....الا على فكرة شسمه هذا يابشاير؟
ظلت تناظر بوجه اختها وهي مو عارفة شتسوي..
نسايم بحدة بنتغاضى عنها اذا عرفنا شفيه جراح؟
بشاير بنفسها أي هين بتتغاضين..بتسكتين وبعد يومين بتجين تعرفين كل السالفة بعد ماتخلصين من جراح!!
نسايم انا اكلمك يابابا؟
بشاير تنهدت بعمق وقالت بصراحة شي خاص بيني وبينه ووعدته محد يعرفه وماابي اطلع موقد كلمتي!!
نسايم معناته ماعندك مانع ان موضوعنا بكرة على الغذى يكون انتي وسالفتك مع اللي تكلمينه!!!
قالتها وطلعت وتركت بشاير بروحها...
خليها تهدد بكيفها...وخلها تقول اذا تبي...انا مقدر انكب في جراح وااقول عن سره وهو امني عليه؟؟؟؟
اوووف منك يالعلة...مصيبة تموت على السوالف وياويله اللي مايقول لها؟؟؟
دخل الغرفة وتسند على فراشه وافكاره رايحة لبعيد...
لعند اللي تطلقت وكاهي بذمته اللحين ومو عارف يوصل الخبر لاابوها؟
شيقول لاابوها بس؟؟؟
بنتك ماتجيب عيال وهي وزوجها مو متفقين على حل وتطلقوا!!
المشكلة ابوه ردات فعله غير متوقعة بالعادة وها الشي تعبه كثير,,,,,
كيف بيبتدي معاه الموضوع مايدري.....
وهو واعدها بخير وانه هو يبلغ ابوها الخبر بنفسه...مايبي يطلع مو قدها...وخيرة ابوهم بيعرف....ولازم يعرف بكرة الصباح علشان لاتجيه كلمة من هنا ولامن هنا وهم مابعد قالوا له....
يالله سترك..مدري كيف بيتقبل ابو احمد الخبر...ولا شنو راح يجري على هالة اللحين؟؟؟
مو هو بروحه كانت افكاره رايحة لبعيد.....حتى ريم اللي كانت جنبه بعد كانت افكارها رايحة لبعيد...
كانت حاطة يدها على بطنها وهي تقول...مو وقت اقول لااحمد اني حامل لاني ادري انه الخبر مابياخذ حقه ومابينفرح فيه...وبيجرح هالة زيادة....
كانت سمعت صوت بكي هالة يوم يدخل احمد لها ويوم راحت تشوف وش اللي صاير سمعت صوت هالة تقول لااحمد انها مابتكون ام ولابتسمع ها الكلمة؟؟
تنهدت ومسحت دمعة طاحت منها...مسكينة هالة...حاسة انها متحطمة ومجروحة....
ضغطت بقوة على بطنها وهي خايفة على اللي داخله وماهي دارية وش مصيره بيكون؟؟؟
مشاري...
وقف بارتباك وقال هلا يبى..
ابو مشاري وش عندك مانمت للحين؟
مشاري تنهد بخجل وقال ولاشي...
ابو مشاري وش اللي مسهرك وانت وراك قومة من الصبح؟
مشاري....
ابو مشاري فيك شي يبى...قاصرك شي..
مشاري باس كتف ابوه بسرعة وقال يسلم راسك يابو مشاري مو ناقصني شي يالغالي...
ابو مشاري ابتسم اجل اكيد تفكر بالعرس؟
تلاشت ابتسامة مشاري بسرعة وتنهد...
ابو مشاري مشاري...يبى انت بخير...
مشاري أي...
ابو مشاري بتشكيك ومرتاح مع مريم؟
مشاري بغصة لا..
ابو مشاري بصدمة لا.....
وقف يناظر ابوه وعيونه تقول اللي ماهو قاوي يقوله بس انسحب بسرعة وقال تصبح على خير يبى....
قالها ومشى قبل لايناديه ابوه ويعرف منه أي شي لانه مو مستعد لااي شي يقوله بها اللحظات وتفكيره رايح لبشاير؟؟؟؟
احمد...
التضاد الغريب بينهم...
بصغرهم كانوا دايم يفتنون على بعض ويتهاوشون...
ويوم كبروا صار كل واحد يخاف على الثاني اكثر من روحه...
تحبه وتحترم قرارته وكانت تتمنى ان علي يكون ربع احمد بحبه لريم واحترامه لها..بس هيهات انه يكون ربع احمد...
علي كان غير بكل شي...
ماكان عاجبه شغلها لان اهله ماهم عاجبهم؟؟؟
ماكان عاجبه اسلوبها وستايلها علشانهم بعد...
فكرة انه يتزوج عليها ويكسر راسها علشانهم بعد كانت واردة من زمان وجت سالفة العيال وعشعشت اكثر واكثر,,,,
كانت تدري انه مايحبها....وانه يخونها...وانها مجرد ديكور بحياته...
ماتعبت نفسها وحبته ولاعطته حقوق اكثر من الازم,,,
كان بالنسبة لها محطة بحياتها وعارفة انها بتوقف بيوم من الايام وكاهي وقفت؟؟؟
طلقها بكل برود...وكانه ينتظر ها الشي من زمان!!
طيب ليه تزوجها اصلا!!!ها الشي كان يدور براسها كل ليلة وماقوت تسئله اياه لاتضيع هيبتها قدامه!!
غسلت وجهها وهي تذكر كلام احمد ووعده انه يسهل السالفة مع ابوها ويلملمها...
تنهدت وحست بالتشتت...
من طلعت من شقتها وهي عارفة انها مابترجع وعارفة ان علي مابيحاول يحافظ عليها ويرجعها وفعلا كاهي مابترجع لذاك المكان مرة ثانية,,,,
ارسلت مسج لصديقتها الجوهرة(علي طلقني )
وقفلت جوالها وراحت عن النافذة تناظر بوجوه المارة يمكن تبعد شوي عن تعبها...
كل انسان بها العالم يمشي شايل وراه اكيد قصة كبيرة محد يعرفها غيرها...
ياترى وش تتحمل قلوب البشر علشان تتحمل؟؟؟
اه ياربي....
تعبانة..حاسة اني مو قاوية اوقف على رجلي...
حاسة اني مو هالة واني ضعفت وان اللي جايني شي صعب....
يارب ساعدني.....الطف فيني,,,,
تنهدت وهي في بالها تقول...
رضيت بماقسم الله لي...وسلمت امري الى خالقي
لقد احسن الله فيما مضى,,,كذلك يحسن فيما بقي؟
اليوم الثاني طلع بطلوع روح احمد اللي كان يستنى الوقت يمر بسرعة واسرع من أي يوم مضى علشان يروح لاابوه...
ماجت الساعة سبع وربع الا وهو بنص البيت قاعد...
دخل وليد بعده بدقايق وشافه جالس بالحوش..
لف له احمد بدون مايقول شي...
وليد حش..دوام مدارس جاي لنا من الصباح؟
احمد انا اذا انت ملاحظ مااكلمك ولاانا حاط لساني بلسانك من بعد سواد وجهك فلو سمحت لاتحاول تقول شي قدامي لاني ماابي ارد عليك؟؟
وليد بنفخة عدال ياعيال العراقية...
ام وليد اللي توها طالعة وماانتبهت لااحمد لا..شرفت حضرتك؟وانا كل يوم بس شغلتي اداري عليك؟؟احد يرد الساعة سبع الصبح؟انت وين كنت؟
وليد بلامبالاة سهران مع الربع...فيها شي؟
ام وليد بقهر كاتمته انت مابتعقل؟افرض ابوك نزل وشافك قبل لااشوفك انا شبتقوله؟
وليد عادي بقوله توني بطلع اللحين؟
ام وليد أي شاطر....كاهو جاي وراي قوله ها الحكي...وقوله بروح معك الشركة بعد؟؟
احمد بصوت عالي خوش والله؟
ام وليد انتبهت له احمد!!!!شفيك؟
احمد ولاشي....
ام وليد غريبة...وش عندك من الصباح جاي؟
احمد شغل بيني وبين ابوي....فيها شي...
سكتت ام وليد وناظرت بولدها بقهر يعني شوف الناس وين وانت وين بس ماعلقت ومشت حتى بدون كلمة ادخل افطر ولااشرب لك شي.....
ظل منتظر ابوه يطلع من الفيلا يروح الشركة بس كان الوقت طويل وكئيب وممل,,,
اساسا هو بنفسه تلخبط وماهو عارف شيقول,,,,
يوم شاف ابوه طالع فز له وحب راسه,,
ابو احمد بتعجب احمد...شعندك يبى؟
احمد بتصنع افا؟ماتبيني ازورك ؟
ابو احمد جيتك بها الوقت ماتطمن اكيد وراك شي؟
احمدبغيتك بسالفة يالغالي..
ابو احمد انا بعد بغيتك بسالفة تخصك يااحمد...
احمد خير ان شاءالله..
ابو احمد ادخل استريح....
احمد يبى تعال الفيلا الثانية..الموضوع خاص شوي....
دخلوا الفيلا الثانية واللي ماكان فيها احد حتى دارين راحت جامعتها,,,
جلس ابو احمد وجلس وراه احمد اللي كان مرتبك...
احمد شبغيت يبى؟
قالها وهو حاط في باله يسترضي ابوه ولو شيقوله يقوله حاضر وعلى امرك لانه يبيه يلين,,
ابو احمد يبى الشرع حلل للبني ادم اربع اذا فيه يعدل ومايقصر صح ولالا؟
احمد وهو سرحان أي..كلامك عدل يبى..
ابتسم ابو احمد وفي باله يقول هاذي فرصتي مدام ان احمد راكد...
ابو احمد وعلشان كذا انا خطبت لك بنت اصل وفصل تشيل بكرة عيالك و..
قاطعه احمد اللي ماكان منتبه اقول يبى..
ابو احمد برواق سم يبى...
احمد انا جاي ابلغك بخبر بيضايقك اكيد؟
ابو احمد وهو مرتاح من ان الخطوة الاولى ابتدى فيها اقول يبى انا اسمعك..
احمد بجدية وهدوء هالة تطلقت يبى؟
مايدري هوماسمع كلام احمد ولا احمد قاعد يمازحه؟
رفع راسه يناظر بولده بغضب بس احمد بعد كان يناظره بجدية وقال يبى...ماقدروا يكملون مع بعض....وها الشي قسمة ونصيب....
ابو احمد بصدمة يعني انت جاي تقول لي ان هالة تطلقت!!!
احمد بهدوء اكبر وهو مو قادر يسمك نفسه أي يبى
ابو احمد بنفس الصدمة أي؟؟؟اختك تطلقت؟
اشوفكم بكرة على خير
هلا وغلا فيكم من جديد..
منوريني والله
البارت السادس والثلاثين,,,,
جمدت يده على الكرسي اللي قاعد عليه..
احمد وهو يحاول يركد الموضوع يبى..كل شي بالدنيا قسمة ونصيب...
ابو احمد بصدمة يعني اختك اللحين تطلقت.
احمد أي...
ابو احمد قوم نروح...
احمد لوين؟
ابو احمد لعلي...
احمد بحدة وليه نروح له يبى...
ابو احمد علشان نصلح اللي ممكن يتصلح؟
احمد بحدة يبى علي طلقها ...يعني ارخص فيها؟لو كان مغليها كان مافرط فيها؟تبينا نرمي بنتنا عليه يبى؟
ابو احمد انت تفهم وش يعني ان اختك تكون مطلقة؟
احمد وانت تفهم يعني شنو تكون بنتك ماتجيب عيال؟ويكون هو مصر على العيال ومايوصلون لحل؟عارف وش قد جارحها ها الموضوع وتاركها تعبانة وكلنا ماندري عنها؟
ناظر ابو احمد بولده وسكت...
كمل احمد بتعب نفسيتها زفت يبى...الموضوع متعبها حييل...
تبي وقفتنا معها يبى...مو تقول لي نروح نكلم علي؟
علي لو هو رجال تركها بعيونه ودارى عليها بدل مايتركها بكل برود؟
ابو احمد بعصبية البنت يااحمد مالها الا بيت زوجها..
احمد بثقة عندها بيت ابوها ياابو احمد؟
ابو احمد بحيرة انت تفهم شنو يعني البنت تكون مطلقة؟
احمد بحنان وانت تعرف شنو يعني تكون البنت مو مرتاحة؟مو سعيدة؟مهمومة؟متضايقة؟مخنوقة؟تموت ومحد حاس فيها؟ترضى ها العيشة عاد لبنتك يابو احمد؟وهاذي هالة...كبيرة البنات واقربهم لقلبك...
ابو احمد وهي ليش ماقالت لي؟
احمد استحت منك..
ابو احمد ومااستحت منك انت؟
احمد انا اخوها طلعت ولانزلت...بس انت ابوها ومقدارك غير عندها؟
ابو احمد هي من زمان عندك يااحمد؟
احمد يبى...لاتدخل وتطلع بالسوالف وتنسى الاهم...
ابو احمد قوم نروح لها ...لازم اجيبها هنا واتفاهم معها...
احمد بالهداوة يبى...ترى المعاشرة اذا ماكانت بطيب يبى مامنها فايدة..
قام ابو احمد وماكانه يسمعه...
الجوهرة متى صار ها الشي؟
هالة بتنهيدة البارح...
الجوهرة .........وشلون نفسيتك؟
هالة بعمق الوحدة تظل تركض ورى الطلاق واذا تطلقت تلاقينها ذبحت حالها بااول ساعات....غريب ها الاحساس...
الجوهرة طيب وينك اللحين؟
هالة حاليا بعدني بشقة احمد بس الاكيد اني ببات الليلة عند ابوي؟
الجوهرة عرف؟
هالة احمد راح يقول له؟
الجوهرة قلبي معك ياهالة...وبس تروحين هناك عطيني خبر وبجي ازورك..
هالة برجاء أي تكفين لاتقطعيني...تعرفين الاجواء اللي بعيش فيها هناك مع ام وليد وعيالها....
الجوهرة الله يسهل.....طيب والمستشفى...
هالة انا ماخذة اجازة بس مدري بعدين عن ابوي ...
الجوهرة واذا قال لك لا مافي مستشفى وش بتسوين...
هالة تنهدت وماعلقت بشي...
مجرد التفكير بها الشي يخوفها....وهي اللي عارفة ابوها زين....
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك