رواية من أعماق أحضان مجنونة -24
كبرنا عن طفولتنـا ووقـتٍ كـان يسعدهـا
خلاص اليوم ودّعنا زمان وباقـي التذكـار
تسلّينـا بوحدتنـا ونسلـى فـي مشاهدهـا
دخيلك لابكت عينك وهلّت دمعهـا مـدرار
ترى روحي مناديلك تكفكف دمـع يوقدهـا
مشاري بجي اشوف عمي؟
بشاير أي وبعدين
مشاري بشوفك
بشاير بحدة لا
مشاري بمسكنة ليه
بشاير حلاوة هي كل كلمتين وقلت لي ابي اشوفك؟
مشاري تقصدين مو من حقي؟
بشاير طبعا لا..واصلا لازم نفترق؟
مشاري بعصبية انتي علامك كل شوي وهددتيني بالفراق؟
بشاير لان هذا اللي لازم يصير..
مشاري بعصبية اكبر طيب خليه يصير..تبين فراق هذا فراق ولايهمك؟
سكرها وهو معصب وتنهدت هي بقوة ومسحت دموعها...
هذا طلبها وهاذي رغبتها اللي انطقتها بس مو اللي فعلا بقلبها واللي تبيها..
تحبه..تغليه..تموت فيه..بس بالنهاية تدري انه مو نصيبها...
كذا اريح يابشاير...صحيح فراقه تعب وموت..بس قربه هلاك؟؟وجحيم؟؟؟
ماراح تسامحين نفسك لو عرف احد عن اللي بينكم وهو خطيب مريم...
لاتلومين نفسك بعدين واقطعي ها الشي لاتكملينه وربك بيعوضوك..وحتى اذا ماقدرتي تنسين حبه تذكري دايما انه ماصانك وانتي بقربه وكان يدور يمين وشمال علشان تكرهينه؟
في خيمة جراح..
مطلق سلااااام قالها وشال شماغه ورماه باهمال جنبه وقرب دلال القهوة...
جت فطوم من حضن عمها لحضن ابوها..
مطلق هلا...
فاطمة بهمس لاتحاكيه تراه زعلان؟؟
مطلق بنفس الهمس شفيه؟
هزت كتوفها بمعنى مدري..
دق جوال مطلق ومسكت فاطمة تقراْ الاسم..
فاطمة ي...م..ن..ى...يمنى..بابا منو يعني؟
مطلق شال منها الجوال وقال يمني بابا مو يمنى؟هذا واحد يمني..
فاطمة تستهبل انت؟
مطلق خير ماسمعت؟
لف جراح لها وابتسم وشافه مطلق وكمل مع بنته علشان يتونس اخوه اللي يموت بحكي فاطمة..
فاطمة يمني بيكلمك شيبي؟وانت سعودي وهو يمني؟
مطلق بابا هذا يشتغل عندي بالمعرض ..
فاطمة طيب رد عليه بسمع صوته كيف يحكي؟
جراح بضحكة طويلة ياذا الليل؟
مطلق وهو يبتسم لجراح لابابا انا ماحرد عليه علشان يعرف ان وقت الشغل شغل ووقت البيت بيت ومايتصل بوقت مو وقته؟
فاطمة مافهمت!!
مطلق انا مو طلعت من المعرض خلاص ليه متصل؟المفروض مايتصل فيني لين انا اكلمه او يتصل بس باوقات الشغل؟
فاطمة طيب فهمت اللحين؟
مطلق حلو والله طيب ممكن اسئلك سؤال؟
فاطمة وقفت وتخصرت وقالت وهي تمد يدها اول ادفع؟
مطلق خير ان شاءالله؟
فاطمة وهي تلعب بشعرها انا بنت مطلق لازم اللي يحاكيني يدفع بالاول؟
مطلق طيب انا مطلق اللي انتي بنته!!يعني المفروض ماادفع ياقلبي...
فاطمة لاتحاول ترى كل الواسطات ماتمشي عندي...
جراح طيب بتسوط له انا ولا ماعندي لك خاطر؟
فاطمة طيرت له بوسة بالهواء وقالت علشانك انت بس وعلشان خاطرك؟
سحبها مطلق من يدها حضنها وقام يبوس فيها وهي تضحك..
مطلق اللحين انا ابوك ماانفع وجراحوه يمون اكثر مني!!
فاطمة هههه فكني خلاص فكني...بخليك تمون اذا فكيتني؟
مطلق لامو فاكك..
فاطمة طيب وش كنت بتساْل؟
مطلق انتي كل يوم هنا متى بتروحين عند امك؟
فاطمة بمسكنة قامت وراحت لجراح وقالت له ماابي اروح عند امي بقعد عندك عمي؟
جراح وهو يفتح ذراعه لها أي مو فاتح ملجاْ انا!!تعالي طيب....
مطلق وش العلوم اللي محزنتك؟
جراح بتنهيدة تعبان ومتضايق؟
مطلق حتى انا..
جراح شفيك؟
مطلق بتنهيدة بطلق اليمني على قولة فاطمة؟
جراح غريبة...هاذي اكثر وحدة طولت؟
مطلق صايرة ثقيلة على قلبي ومااتحمل منها كلمة....اللي قاعد اخطط له ابتسامته غير..خجله غير...قاعد يدخل هواجيسي بقوة بس مشكلتي مو قادر اطوله..صعب..وعنيد...
تنهد جراح وقال....
اسمعوني ياعُشَّاقٍ الْغَرَامِ ...
مِنْ مُجَرِّبٍ مايِقَـوَلَ الَا الْصَّحِيْحِ
الْمَحَبَّهْ دَرْبِ لَكِنَّهُ ظِلّامٌ ...
مِنْ مَشّا بِهِ يَاعَرَبِ لَازِمٌ يُطِيْحُ
وَاشْهَدْ انّ الْحُبَّ بَلْوَىَ لِلْهِيَامِ ...
وَانْ بَغِيْتُ الْعِلْمِ بِالْشّعْرِ الْفَصِيحِ
انَّمَا الْعَاشِقْ كَمَا الْبَيْتِ الْحَطُّــامّ ...
وَالْفِرَاقُ انْسَانِ ذُوْ وَجْهٍ قَـبِـيُــحَ
الْمَحَبَّهْ حَرْبٍ مَافِيْهَا سَلَامٌ ...
وَالْحَضِيضُ الْلِيْ نَجَا مِنْهَا جَرِيْحْ
وَالَّذِي قَالَ الْمَحَبَّهْ مَاتِسَامِ ...
تُحْرِقُهُ بُكْرَهْ وَمَنْ عَيَّنَهُ تِطَيّحْ
الْتَّجَارِبِ عَلَّمَتْنِيْ فَالخِتَامِ ...
مَا عَلَىَ الْدُّنْيَا حَبِيْبٍ مُسْتَرِيْحٌ
اشوفكم بكرة على خير يالغلا
هلا وغلا فيكم كلكم ياقلبي...
ادري انتظرتوني يوم الخميس وخيبتكم..
كانت عندنا جمعة بنات العيلة والزامي كل وحدة تسوي طبق واشتغلت صاحبتكم الشيف في المطبخ ونسيت السالفة ونسيت احط لكم حتى اعتذار بس ماعليه هذا انا اليوم دمجت لكم بارتين مع بعض كنوع من الاعتذار واسفة مرة ثانية,,,
بس طافكم شيز الشوكلاته اللي سويته شي عجيب صراحة....هههه(كني قلت قصة حياتي)
البارت الواحد والثلاثين والاثنين والثلاثين,,,
معقولة يازينة...
تتركين حب احمد يروح منك للنهاية!!!
هذا الانسان الوحيد اللي حبيتيه وماتبين غيره!!
غمضت عيونها وشكل احمد وطيفه في بالها...
معقولة يازينة معقولة...
لا...ارفضي..قولي لا...
لاتتركين أي رجال ياخذك من حلم احمد مهما كان؟؟؟
انتي لااحمد وبتعيشين طول عمرك لااحمد...
لأاحمد وبس!!!!
عمر قلبك ماحب احد الا هو...وعمر حياتك مابيسعدها غيره؟؟
اتركي فرضية انه يحبك ويتزوجك على جنب...بس انتي ظلي عايشة لحبه للنهاية؟
كيف يازينة كيف.....
بس تعالي....في شي واحد ممكن يسهل علي كل شي...
بس هاذي يبيلها شجاعة وقوة يازينة...
بتجيني الشجاعة...اذا كان حب احمد هو الدافع بكون قدها...لازم اتخذ ها الخطوة لازم,,,,,,
ابو احمد اللي مايتسمى رايح عند علي؟
هالة بلامبالاة يمكن شافها فرصة اني راقدة هنا البارح وراح,,
ابو احمد وزوجك قال لك ولا مااتصل قال لك؟
هالة لا يبى قال لي اليوم...وماحبيت اروح هناك...هو جاك قبل شوي صح؟
ابو احمد تنهد أي...ماحبيت ارد علي..وهو واصل لباب بيتي وداخل مجلسي بس ذاك الكلب بيشوف على باله انه بيحرجني اذا سوى كذا!!!
هالة وانت شبتسوي؟
ابو احمد مو حاط لساني بلسانه لين يرضى عنه اخوه؟
هالة وانت مصدق احمد بعد اليوم بيحط لسانه بلسان وليد يبى؟؟؟انت عارف احمد وعارف علاقته بريم...ووليد زودها؟
ابو احمد هذا بيذبحني وبيقصر عيشتي؟؟مو داري وش اسوي فيه؟
هالة كرفه بالشغل ليل نهار..لين يتاْدب ويصير رجال؟
ابو احمد هذا انا واحد مااْمنه على الحلال؟
هالة يخسي يمسك الحلال....
ابو احمد اجل شااخليه يمسك بالله....
هالة بشماتة خليه مراسل ولامندوب ولاشي يطلع له عينه ويكسر رجوله..واذا مشى سيده بعدين شوف لك صرفة معاه....
في شقة احمد وريم...
ريم انا ابي افهم انت وش له لازق وجهك بدولاب ثيابي!!شتدور؟
احمد بتلذذ وهو حاقرها ادور حاجة..
ريم أي وماتدورها الا هنا بدولاب ثيابي....
احمد أي وين تبيني ادورها بالله؟
ريم شي يخصك ولا يخصني؟
احمد ليش تبين تعرفين؟
ريم علشان اشوف هو موجود بدولابي ولابدولابك؟
احمد ببتسامة شي يخصنا احنا الاثنين؟
ريم يخصنا احنا الاثنين؟؟شنو بالله!!
احمد اقولك....ولا ماتبين تعرفين؟
ريم احمد....
احمد طيب بس بشرط؟
ريم شنو؟
احمد لمى تعرفين تنفذين اللي بقولك عنه؟
ريم بخضوع ان شاءالله حبيبي انت تاْمرني..
احمد لف لها وهو يبتسم وقال ثوب العرس؟
ريم بتفاجاْ ثوب العرس؟؟وش تبي فيه؟
احمد ابيك تلبسينه!!
ريم ليه؟؟؟
احمد يالله انتي قلتي بتلبسينه يالله روحي لبسيه؟
ريم وهي تضحك احمد وش الطاري؟
احمد جا في بالي تلبسينه ونعتبر الليلة ليلة زواجنا من جديد...فيها شي؟
ريم وهي تضحك ههههه لامافيها..
احمد خلاص يالله روحي لبسيه ابي اشوف كيف بنعيش ها الليلة لو انعادت؟
ريم مشت وهي تضحك الحمدلله...احمد ترى منت صاحي صدقني..
احمد يبى مجنون مجنون..فداك انا .....بس لبسيه ابي اشوفه عليك من زمان عنه..من ليلة العرس؟؟
ريم ههههه ليش ان شاءالله تبيني كل ليلة البسه؟
احمد انتي لبسيه اللحين وبعدين اقرر اذا تلبسينه كل ليلة ولالا؟
ام وليد بعصبية الحقيرة تلاسني وماعندها أي خاطر؟
مريم منهي؟
ام وليد في غيرها بنت العراقية اللي شايفة حالها...
مريم للحين ماذلفت بيت زوجها وقاعدة على قلوبنا؟
ام وليد بقهر وين تروح واخوك العلة رايح شقتها؟
اروى وليه رايح شقتها بعد!!
ام وليد علشان يشمتها فيني زيادة؟
مريم شلون يمه؟
لام وليد رايح لزوجها يتوسط له عند ابوه؟شفتوا شسوى فيني وليدوا؟خلاها تتحداني اكثر واكثر...
اروى صدق ماعنده سالفة ولدك ها الخبل؟شنو يعني رايح لزوج هالة يتوسط له؟
ام وليد شفتي شلون...ويوم كلمته يقول انتوا ماتفهمون؟
يكون هو اللي يفهم يعني!!
اروى الله ياخذه فشلنا...من قلة الناس اللي يعرفهم ابوي ويقربون لنا يروح عند زوج بنت العراقية؟
مريم يامعودة اشوى راح لعلي ولا راح لعمي بو مشاري ولا مشاري ويدرون هو ليش طرده واتفشل انا منهم!!
ام وليد سكتت يعني الاثنين مرين على قلبها مشاري وابوه ..وعلي...اثنينهم بيسببون لها احراج له اول ماله تالي بس فضلت تسكت وماتعلق اكثر المهم يرجع ويعتذر لاابوه وتنتهي ها القضية ...
كان واقف في فلتهم ويناظر من النافذة يمكن يشوفها مرت من هنا ولامن هنا..
هو عارف انها مابتطلع اللحين بس مايدري ليش ماقدر يقعد برى ويتنفس باقي هواها اللي تركته...
ام وليد من وراه جراح...بشنو تناظر ياماما؟
مارد عليها ولاحتى التفت صوبها وهذا الشي ضايقها...
ام مطلق وهي تداري تلاقينه سرحان!!ها الولد بيجنني من كثر ماهو شارد عنا؟؟يمه...جراح...
لف لاامه لانه ماكان يبي يحقرها...
جراح هلا بالغالية..
ام مطلق رجعت لها السرحان يايمه..
ابتسم لها شسوي يمه...هذا المكتوب..
ام مطلق عمتك تكلمك..
لف لعمته وماقال شي...
ام وليد على وش ها السرحان ياولد اخوي؟
جراح في باله مدامك رايقة خل نقهرك ونضيق خلقك ياام وليد...
جراح وهو يشرب قهوته تعرفين عمتي...شباب على شنو بيكون سرحانا وشرودنا..اكيد بنت بالسالفة؟
ام مطلق بتاْنيب جراح يمه وش ها الحكي؟
جراح عمتي هاذي يايمه مافيها أي اشكالية...
ام وليد ببتسامة وتوك تعرف اللحين طريق السرحان؟
جراح بشماتة لاياعمتي من زمان وانا افكر فيها البنية....من يوم حنا صغار؟
ام وليد امممممم طب وليه ماتوقف سرحانك وتحوله حقيقة وتتزوج...
قام جراح بدون مايرد عليها بكلمة وحدة وتفاْجات هي من موقفه بس ماحبت تبين شي وقالت بنفسها يمكن مستحي يتكلم خل نتركه للايام....
اما هو قام لايفضح نفسه بنفسه؟لو قال تزوجت وراحت عني شبيكون موقفهم؟؟بيفهمون انها هي المقصودة ولالا؟
مايدري حس بالكاْبة تسيطر عليه وتستحوذ باقي مشاعره....
اه منك يابنت العراقية..والله مو قادر اعيش حياتي...ارحميني شوي الله يخليك...
دق لها اكثر من عشر مرات من قالت له لازم نترك بعض ونفترق وماشالته!!
مايدري وش اللي جاه...
ضاقت فيه الدنيا على وسعها...
صدق ماالتقى فيها الا من اسبوعين وماتجاوبت معه الا من كم يوم ..بس حس انه ملك الدنيا ومافيها...
طلعتها اللحين من حياته وبها الوقت اللي زادت فيه اختلافاته هو ومريم ضيقوا صدره...
ليش بس يابشاير ليش....
معقولة صرتي ماتحبيني!!
صدق صار فراقي سهل عليك؟؟
ليش ماتبين نكمل حياتنا واحنا جنب بعض....
اه يابشاير اه...لو تدرين شكثر انا مخنوق ومتضايق كان رحمتي حالي!!
جاه مسج من مريم نرفزه زيادة وماكمل حتى يقراْه وصفع بالجوال بعيد عنه وهو يتنهد بقوة...
رجع اخذ الجوال وكتب لبشاير مسج ودزه لها,,,
شيخة بابا...بابا..
مطلق نعم..
شيخة بابا انت ليه راقد هنا...
مطلق فتح عيونه وانتبه انه منسدح بخيمة جراح وغفت عينه,,
شيخة بابا..
مطلق وتوه فاتح عيونه نعم...مو قلنا نعم...
شيخة ليه انت نايم هنا؟
مطلق غفت عيني!!
شيخة واذا غفت عينك باي مكان ثاني بتنام فيه؟
مطلق لاحووول...اللحين وش يسكتها هاذي؟
شيخة بابا..
مطلق بهدوء وهو بعده نعسان نعم..
شيخة ابي فلوس...
مطلق ليه؟
شيخة بروح المكتبة...
فتح مطلق محفظته وهو مايشوف شي..
وشيخة سحبتها منه بسرعة ,,
مطلق بنت...رديها اشوف؟
شالت لها اللي قدرت تشيله وردتها له هي كانت بتطيح وانا شلتها عن الارض...
مطلق انا صدق نعسان ومو شايف اللي قدامي بس ادري فيك شلتي لك هبرة...
شيخة ماشلت شي؟
مطلق اللي اخذتيه لك ولخواتك؟
قالها ودخل محفظته بجيبه ورجع انسدح..
شيخة وهي تشوف كم اخذت قالت باعتراض هيه..هذولا بس ميتين وخمسين...
مطلق قسميهم عليكم ثلاثكم شوفي كم المجموع لكل وحدة؟
شيخة لامايصير..
مطلق ها..ترى بقول ردوا الباقي؟
شيخة وهي تبكي مايصير..
مطلق محد قال لك مدي يدك قبل لااعطيك؟
شيخة ها..خذهم....
مطلق لالالا تحاولين...هذولا مصرفكم لين الاسبوع الجاي!!
شيخة شهقت بابا...
مطلق يعني بالله ماتقولين لي وش تبين من المكتبة؟
شيخة اغراض..
مطلق أي...ورق ملون..لاصق والثاني ماهو بلاصق...صمغ...مقص...طوابع...حتى راعي المكتبة من يشوفني جهز ها الطلبات اللي كل يومين تروحون تشترونها انتي واختك؟
شيخة بابا تكفى..
مطلق خليني اريح شوي وبعدين افكر..
شيخة انسدحت جنبه اجل بريح معك علشان اذا فكرت وقررت اكون جنبك وماتتعب وانت تدورني...
ابتسم لها وهو مغمض عيونه وباسته على خده...
شيخة بابا انا احبك..
ضمها لصدره وقال لها بحنان انا بعد احبكم يابابا,,,,
كانت عارفة ان المسج هذا جايها من مشاري لانه وصل لها بعد اتصالاته الطويلة اللي ماردت عليهم,,,,
فتحته بيد مرتجفة وهي تداري عيونها لاتنزل دموعها وتنهدت اول ماقرته,,,,
لو لقيت لك بعدي حب ثاني,,
الله يوفقك قلت لك راح اتحمل,,
حب من طرف واحد واعاني,,
لاتخاف ابقى احبك وماازعل,,
صحيح يمكن انه تزيد احزاني ..
وادري انه انت عني مابتساْل,,
خاني الوقت وخاني زماني,,
وضاع كل شي حتى الامل,,
مابقى فيني شي قادر يحتمل,,,
الحب مثل الانسان وبالنهاية هو فاني,,
حبيبتي بشاير,,,,انا احبك..واعشقك بكل مافيني..عارفة بتقولين لعاب وكذاب وغشاش وخاين!!
ابيك تفهمين شي واحد...اني حبيتك...وبموت على حبك ومابعشق غيرك...حتى لو تركتيني...مابيظل غير اسمك بقلبي....
صدقيني لاااحب مريم ولاغيرها...انتي وبس يابشاير انتي وبس!!
لاتظلميني بفراقنا..يمكن ينكتب لنا نكون مع بعض بيوم من الايام ياروحي,,,,,حبيبيك,,,
نزلوا دموعها وحدة ورى الثانية لين عموا عيونها عن الشوف...
كل اللي قدامها ضباب ودموع وبس!!
تحبه بس الوضع يخوف.....ياليتها لو ماشافته ولا تعرفت عليه بحياتها ياليت!!!
فاطمة بخوف عمتي بشاير ليه تبكين؟
التفت لها بشاير وقالت وهي تمسح دموعها بحزن ولاشي...
فاطمة متخانقة مع رفيقتك بالمدرسة؟
بشاير من بين دموعها أي...
فاطمة ماعليك منها خلها تولي!!ان شاءالله مافي الا هي بالمدرسة ياعمتي؟؟في كثير غيرها؟
بشاير بغصة أي في كثير غيرها...بس انا ماابيها الا هي...احبها....هي فهمتني ودللتني وعيشتني اميرة..واللحين راحت لغيري...ويوم ..شقولك بس يابنت اخوي..
فاطمة بتاْثر تعالي اطبطب عليك علشان تنسينها؟
بشاير وهي تلم فاطمة قامت تبكي وقالت تهقين اقدر انساها واشوف غيرها؟
فاطمة أي لازم....
بشاير تدرين فطوم انتي فيك حنان من ابوك كثير....عسى ربي مايحرمني منك؟
فاطمة عمتي ليه انا مابكيت مثلك؟
بشاير وليه تبين تبكين؟.
فاطمة علشان اصير مثلك...
ابتسمت لها بشاير ورجعت ضمتها وقامت فطوم تطبطب على ظهرها مثل الكبار...
بعد مالبست فستان العرس مثل ماطلب منها احمد وقفت قبال المرايا تبتسم..
صدق مجانين لاوماتبي تطلع له بعد ولاتبي تناديه على اساس توهم متزوجين صدق وعايشين الدور,,,
ابتسمت لنفسها قبال المرايا وحاوطها بيدينه من ورى كتوفها..
احمد بهمس ابتسامة رضى....
غمضت عيونها وقالت كيف دخلت؟
احمد لاني بطل...
ريم نعم!!!هههههه عيد ماسمعت...
احمد اقول حياتي.....
ريم لالالا تقول...
احمد اشش المفروض تكونين رومنسية بما ان الليلة زواجنا!!
ريم انفجرت بالضحك احمد لاتخليني اموت ضحك خلاص ههههههه مو لايق عليك الدور ياقلبي....
احمد وهو يبتسم حضنها بقوة وقال تبيني!!
ريم وهي تناظر بعيونه طبعا ابيك....
احمد انا مشتاق لك..
ريم وهي تتوسد صدره وانا اكثر..
احمد
قالت ابيك وقلت انا اللي على نار,,لكني اخفي مااندفع من حنيني
قالت تبيني...قلت متولع ومحتار,واخاف لو صرحت لك تحرجيني,,
قالت من اول وقلت تصريف الاقدار
,من يوم عينك شاغلت شوف عيني,,
قالت هويت وقلت هاويك ياجار,,
واهوى جروحي فيك لو تجرحيني,,
قالت انا قلت انتي العمر لو جار,,
وانتي الغرام اللي يطفي حنيني,,
قالت هو الحظ قلت دانة وبحار,,
اما ملكتك او معك تغرقيني,,
قالت تصدق قلت من غير مااختار...
اصدقك من غير ماتقنعيني,,
قالت ابوح وقلت يلهمني اشعار,,
بوحك بعيشتي غوالي سنيني,,
قالت اكيد وقلت لابد باصرار,,
خليني اعرف وين قلبي وويني..
قالت بعمري قلت تفداك الاعمار ,,
قالت بقلبي قلت كلي املكيني,,
قالت تعاهد قلت انا العاشق البار,,,
دامي ضنينك فانتي والله ضنيني,,,
قالت اجيك...وقلت يانور من زار,,,
مع جيتك كل السعادة تجيني,,,
قالت يدينك قلت خذيني اسوار,,
وحطت يديها رعشة في يديني...
وتنهدت وعيونها تنطق اسرار..
قربتها مابين روحي وبيني,,
حضنتها,, لميتها,,ماادري وش صار؟؟
ماادري عن اللي صار فيها وفيني!!
قلت الحكي خليه ياشمعة الدار,,
انا افهمك قبل الحكي صدقيني,,
دارين فيني اسولف معك؟
بعدت الجريدة عنها وقالت خير...
دارين وهي تسحب لها كرسي وتقعد قبال هالة هالة شفيك؟
هالة بهدوء ولاشي..
دارين أي بس انا حاستك متضايقة...
هالة لاابدا....
دارين بتظلين هنا...
هالة ماتبيني؟
دارين بانزعاج شلون ماابيك بس!!!الساعة المباركة اللي تجلسون معي فيها....
هالة طالما ولد ام وليد هناك انا مو طابة ذيك الشقة؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك