رواية سر الشوق - 23
راحت سمر تتخيل نفسها بمكان شوق.. وتتسأل بداخلها
اليس من الافضل لو تركت بدون ان تعلم حقيقتها
بدل ان يفرض عليها مجابهة انسان جشع مثل سالم
من الواضح انه لن يرجع لها حقها بسهوله
:
سمر لا يكون..بتتركين حقج
لان الساكت عن الحق شيطان أخرس
الأفضل تشوفين محامي ..يرجع لج حقج بالكامل
رفعت كتفيها بملل مآقدر اسوي شي ..بالآول ابي اتعرف عليهم آكثر
وبعدين اشوف الطريقه الي تصلح معهم
سمر بـ اشمئزاز مو متخيله ان في ناس يتمكن منهم الحقد والبغض
لدرجه استخدام السحر وتفرق بين الرجل وزوجته
شوق موجود..وهالشي ذكر بالقرآن
سمر لو يتركوني على هالسالم..ما اخليهم يعدمونه قبل
مآآآاراويه انواع التعذيب
شوق ياحليلج يااسمووره.. تحسبين العاصي او الظالم مرتاح بحياته؟؟
حتى لو ضميره ميت!! تلاقينه دائما بخوف وترقب..وعيشته ضنكا
سمر المهم ماتسكتين عن حقج عشان ماايضيع
شوق اذا قصدج القيمه الماديه !! ولااا فكرت فيها..
سمر الله عليج ياافروحه....اووبس!! اقصد شووق
شوق عاادي..عاادي..فرح او شوق مااتفرق
سمر هههههه..ذكرتيني بحموود ابو الفضايح..و حفلة تعارف بالصيدليه
بس صبري شوي..بروح انادي هند وبشرى..وارجع اقولكم شصاار
شوق وقولي لحمود..يجيب سيارة اجره..ماأبي اتاخر على مروان
قالت مآزحه قبل ان تستدير للخروج والله حاله..عندها ملاين وقصر يسد عين الشمس
وتبي سياره آجره
™`•.¸¸.•¤¦¤`••._.• ][ســ الـشـوقـ 21ـر][ `•.¸¸.•¤¦¤`••._.•`™
قبل دخوله ..حاول ان يرسم ابتسامه على شفتيه
مراعيا لمشاعر والدته
.. وجد ها تتحدث بالهاتف
سعد مساج الله بالخير يمه
ام سعد مسيت بالخير والسرور.. هاا بشر عساك مرتاح بالوظيفه
سعد تماام..من تكلمين
ام سعد جارتنا ام علوي.. تسلم عليك
سعد بداخله(الله لايسلمها هي والدها) بدخل غرفتي ارتاح..تبين شي
ام علوي سأليه شعنده واقف قبل شوي عند بيت ام خالد؟
( مركبه ردار..يرصد اي حركه بالحاره)
ام سعد مآآدري عنه..يمكن يبي عيالهم بشغل
ام علوي بدل هالترزز قدام البيوت..عرسيه آحسن
والبنات شكثرهم.. مثل الهم على القلب
(قصدها بناتها)
ام سعد عروسته موجووده.. لكنه يقول تو الناس
ام علوي اييييه..ماعليج منه..الحين تو الناس..ومن يحصلها قدامه
يتبريد..ويلزق فيها..وبينسى امه وابوه بعد.. لا تضيعين وقت.. زوجيه عشان تشوفين
عياله قبل ماااياخذ ربي امانته
ام سعد ام علووي...لا تفاولين علي
ام علووي بسم الله عليج.. بس الحق حق..لو بطاوعينه..مب متزوج طول عمره
ام سعد عيل الحين بلبس عبايتي واروح لآم خالد
ونتمم الموضوع
ام علوي بحقد عقب الي سواه فيج خلووود ولدهم.. بعدج تبين بنتهم؟؟
ام سعد أسود الويه خلود!! لكن سعاد تستاهل الي بيها منه
هي الي راحت له بريولها وطنشت كلامي..بلحريق هي ويااه
لكن هند مالها ذنب.. مسمينها لسعد من هم صغار
وانا اشوفها مرة سنعه وما عليها كلام
ام علوي بحقد دفين على راحتج.. وخلي ابو خالد عليناا
بنخليه يعطيكم البنت بعباتها.. ولا خساير ولا ويع قلب
ام سعد ويه . .. ابي افرح بولدي
ابي عرس وطقطه..بسوي عرس لا صار ولا استوى
ام علوي بروح معاج..اشوف عندهم ناس داخله وناس طالعه
وطالبين غدا من المطعم التركي..مآدري شعندهم اليوم
(خخخخ ..ماقلت لكم مركبه رادار)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مهمـآ تلونـت تلك الـ ح ـيـآهـ ]
سـ تبقىْ
اختـنآقـآتي بـآهتـهـ لآ حدوٍد
لِـ وٍصفــهـآ
[ســ الـشـوقـ 22ـر]
سمر تبين حمود بينتظرج لين تخلصين...والا شلون
هند شرايج تروحين مع عادل وبشرى..ترى قصر السالم بطريقهم
شوق بخجل لاا..خلاص بكلم نازك ترسلي سواقهم ومعه وحده من الشغالات
سمر خل نكلم عادل ونشوف شبيقول
شوق ..لاتحرجيني..مابي اضايق بشرى وهي توها عروس
وأكيد تبي تاخذ راحتها مع زوجها
سمر شدعوه .. كلها عشر دقايق..ترى كلامج يزعل فرووحه
لا تسوين فرق امبينا..احنا اخوان
ارتسمت على شفتي شوق ابتسامه..سرعان ما زالت امام فكره ماينتظرها بعد اقل من ساعه
التفتت سمر لبشرى ها بشور.. اتصل على عدول والاانتي تكلمينه
بشرى اذا هو داخل مع عمتي.. بروح اقوله
هند ههههه انصحج مااتدخلين.. لاني شفت عتيقه وام سعد عندها من شوي
سألت بشرى باهتمام واضح وعادل.. وياهم؟؟
هند بمزح لا يكون تغارين على اخوي
ومن منوو..عتيقه وام سعد...خخخخ..عيل شبتسوين لو عرفتي انه راح مع
نجود السوق علشان تشتري هديه لصديقتها
بشرى امممم.. لو انه اشقر وعيونه ملونه؟؟
رفعت سمر هاتفها بعدما لاحظت وميض الشاشه..فلمحت رقم غريب
ضغطت على زر الاجابه..وانتظرت
( ظلت ساكته .. تنتظر المتصل يعرف عن نفسه)
ارتخت هند بجلستها وقالت بحماس(على طاري اشقر وعيونه ملونه) شرايكم بالغدا اليوم
حلووو..ومرتب ..ويفتح النفس..وااو لو تشوفون الي جااابه
خووووقاق..يهبل هالتركي..لو هو بيوصل لنا الطلبات كل مرة
بصير ..كل يوم اطلب غدا وعشا منهم
جاها صوته هاديء مسا الخير ..انا سعد ولد جيرانكم
لكزتها سمر بكوعها..وعضت على شفتها السفلى محذره
سعد(من صج يبيلها تكفخ هالصايعه..تجاهر بسواد ويهه
وتتكلم وجنه شي عادي ..واذا بليتم فاستترو)
ابتسمت سمر براحه هلا.. مبروك التخرج ولو انها متأخرة..وبعد مبروك الوظيفه
رفعت احد حاجبيها لهند عقبال مانزفك على بنت الحلال
اخذ نفس عميق المهم ..متصل استفسر اذا امي عندك
سمر اييييه..تراها عندنا من نص ساعه تقريبا
سعد اذا ماعليج آمر..علميها تشغل جوالها..شكلها ناسيته
سمر ان شاء الله ... اي شي ثاني ..؟؟
سعد تسلمين..وسامحيني على الازعاج
سمر لا ازعاج ولا شي..تمنيت اعاونك بأشياء اكبر من جذي
انت ماقصرت لما احتجناك
ما ان آنهت المكالمه ..حتى قالت لهند بسخريه قطيييييعه تقطع حماااسج يااشيخه
مآحلا لج تسولفين عن هالتركي..الا الحيييين!!؟؟
هند وقد ابتسمت كـ البلهاء لييييه منو كان علـ الخط؟؟
سمر سعد ..يسأل عن آمه
\
انقلب الحماس ..كآبه
والأمل..آلم
يا للغرابه..وياللأسى الذي مآبعده اسى
اغمضت عيناي..وتنفست بعمق
مو مشكله..اذا هذي اولها..شك وسؤ ظن
واكتملت بسماعه لثرثره غبيه
فـ لله الحمد ان الذي بيننا ليس ارتباط شرعي
وإذا كان ( الله يسامحه ) هذا رأيه فيني فالحمدلله انه انكشف من أولها
™`•.¸¸.•¤¦¤`••._.• ][ســ الـشـوقـ 22ـر][ `•.¸¸.•¤¦¤`••._.•`™
اوقف عادل سيارته امام سور البوابه الكبير
البواب ياهلا ومرحبا بالدختور عادل..تفضل..تفضل
رفعت بشرى غطاء وجهها (الشفاف) وقالت باستغراب العم مجاهد يعرفك..!!انت قط دخلت القصر؟
ولوح البواب مجاهد بيده اليمين عمتي بشرى..من زمان عنج؟؟
فتح البوابه..ودخل بسيارته حتى المدخل الرئيسي
ترجلت شوق قائله بصوت يملأه الحياء جزاك الله خير اخوي
بشرى تحاول فتح الباب بنزل مع فرح..وانت تعالي بعد ساعتين
مسك معصمها بقوه انثبري بمكانج..لا يكون اشتغل سواق عندج
وشنو(انت) !! مو تارس عينج؟؟
بشرى اوو..نوو.. انت تعلمني شلون اتكلم..
ضرب المقود براحة كفه يالييييل..رجعت تقول(انت) لو ماني
متأخر على العياده..جان علمتج الآدب
بشرى هه....واحد مثلك ..يعلمني الآدب..ستيوبد مآن
(داس على الفرامل فجأه.. فأرتطم راسها بمقدمه السياره)
تحسست موضع الآلم على جبينها..وصرخت بهلع
دم..دم..وقف بسرعه ..احس بدووخه
ناولها علبة المناديل ورفع حاجبه بسخريه ..كل هالخوف من نقطتين دم
بشرى وقد بدا صوتها يضعف بموووت..بموووت.. آآي وانت دآآدي بلييز
تناول منديل نظيف..ومسح جبينها بلطف ههههه..بشرى..والله ماايسوى كل هالدلع
:
أصعب لحظات الأهانه
أن تكون حزيناً فتشتكي من شدة حزنك
والألم يعتصر بداخلك.. ودموعك بقلبك
وتتفاجىء.. بضحكة من تشكو اليــــــــــه
™`•.¸¸.•¤¦¤`••._.• ][ســ الـشـوقـ 22ـر][ `•.¸¸.•¤¦¤`••._.•`™
عندما نظرت للقصر..انتابتها قشعريره..واهتز كيانها
لم تتخيل يوما..ان تكون واحدة من سكانه
او تضطرللعيش بهذا القصر المخيف..والذي يفتقر لابسط
معاني الآمان والاستقرار
استقبلتها آحدى العاملات يااا..وت يو ونت؟
شوق اي ونت مروان..آي ام فرح ..أنيو تيشر
تفحصتها بنظرات من الاعلى للأسفل اوكي..جست امنت بليز
وتركت شوق خلفها..تردد ايآت وادعية
تبعث بروحها الطمئنينة
\
\
لا شي يخترق الصمت سوى صوت خطوات .. تبتعد اوتقترب
وحدي آنا..ابدو غريبة جدا
مئات الافكآر تزاحمني هذة اللحظه
ابتلع حروفي وأبقى انتظر..عند المدخل
وعلى الرخام البارد
تقدمت نحوي سيده آنيقه..بالعقد الخامس من عمرها
ملا محها..كالرماد العابس
وعيناها صدئه..تنزف رصاصا حاراً
او هكذا..تشكلت امام ناظري
وصرخت ..انجليكآآآآ..آنجليكآآآآ
ردت نفس العامله و التي ظهرت من احد الابواب يس مدام
السيده من سمح لهذي بالدخول
انجيلكا انها معلمة مروان..والسيد ياسر قد اعطى تعليمات مسبقه
لكل العاملين هنا..باستقبالها آحسن استقبال
السيده طيب ليه مخليتها واقفه هنا..دخليها لغرفه مروان على طول
وعطي ياسر خبر
انجليكا السيد ياسر غير موجود..فهو في مهمه طارئه منذ الامس
السيده ياااحبج للقرقه..تصرفي..اتصلي عليه ..المهم يدري انا نهتم بولده
حركت انجليكا راسها علامه الموافقه..واشرت لشوق بأن تتبعها
كانت افكارها مشوشه..لدرجه صعب عليها التركيز بما قرأت من سور
ومع ذلك..تخلصت من الاصوات التي تخيلتها في الزياره السابقه
سألت شوق انجليكا..هوآز ذيس ليدي؟
انجيلكا بنزق مدام سير سالم
ثلاث خطوات متردده اوصلتها لوسط الغرفه تماما
شعرت بالضيق..فنزعت غطائها..وراحت تواسي شعرها بقبضه يدها
سمعت طرقات خفيفه على الباب..وبذعر مفاجئ..وهدوء
كانت تنتظر رؤية احدى العاملات تدفع كرسي مروان
لكنها فوجئت..عندما انفتح الباب وظهرت...!!؟؟
سيده كبيره بالسن..ترتدي فستان اسود مخرم..
تلمع فصوص الماس من عقدها ومن خواتمها العديده
كانت تجسد الترف الذي يشعر شوق بالضيق..ويزيد من توتر اعصابها
لكن وللأسف...تجلس على كرسي متحرك
احمر وجه شوق..عندما قالت السيده بابتسامه انيقه
هلاا فيج ..ياا بنت فواز...الله يرحم ابوج كان خوش ريال
وشلون منيره ليش مو معاج
دفعتها الخادمه لتقترب آكثر ..فنظرت مباشرة لوجه شوق
وشعرت برعشه تخترق جسمها..وان عقلها وقف عن التفكير
وراحت تتأملها بصمت
واخيرا نطقت بهدوء..تعالي يابنتي... قعدي يمي
لازم نتكلم ..انتي وانا بس
خرجت الخادمه..فأشارت لشوق ان تقترب منها
جثت امامها ..فمسحت غاليه على راس شوق بحنان
ورفعت خصله من شعر شوق المنسدل على عنقها..لتتضح الشامه
كما توقعتها تماما...
رددت بصوت مرتجف الحمد لله..الف حمد وشكر لك ياارب
شووق..شووق ..ساامحيني ياآآبنتي
:
:
بينما أنت تعيش أصعب لحظات ضعفك
وعندما تحس بالأنهيار .. لعدم قدرتك على تحمل الألم
ولكن !!! تجبر نفسك على الوقوف
وتتظاهر بالقوة..
والآصعب من ذلك..عندما تبكي بلا دموع
او عندما تريد البكاء ولكنك لاتستطيع
\
\
لاآدري لماذا ..يجب الا ابكي؟؟
وكأن آحد يصرخ داخل أذني
(لا تبكي)
قد يكون هذا الصوت الذي اسمعه..صوت ابي( فواز)لهذا
اعتبره آمرا مقدس
فأحاول قدرالمستطاع تصنع الصلابة والقوة
فما ارخصها الدموع...بهذا المكان
لكنني..اعترف
بأنني
بأنني
استسلمت لسطوتها..وذرفتها..بتأثر وانهماك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
™`•.¸¸.•¤¦¤`••._.• ][ســ الـشـوقـ 22ـر][ `•.¸¸.•¤¦¤`••._.•`™
وضع رأسه على حجرها..وابتسم ..وهو يمسك يدها ويقبلها
ايمان !!تدرين معزتج غييييير عن كل البنات
ايمان بملل اوووف..علوي.. عطني من الآخر..شتبي ؟؟
لمعت عيناه بمكر افااا..هذا جزاتي ابيج تستانسين
ردت وهي تدفع راسه بعيدا فآآرق..مآوراك الا الغثا
لك كم يوم مااطلعت ولا رحت لمكان..مو من عوايدك
علوي مآآطلع ..لاني اكتشف ان فيج جمال مو طبيعي
ولا ودي تغيبين عن عيني
ايمان علووووووي..الكلام ذي مااايمشي علي
عااجنتك وخااابزتك..آكيد (عامل لك عمله)ومو بعيده الشرطه يدورون عليك
علوي عشان اثبت لج حسن نيتي..آطلبي اي شي
ولووو عيوني المركبه ..ماآغليها عليج
ايمان ..وهي تحرك اصبعها السبابه على طرف شفتيها اي شي!! اي شي؟؟
اقترب منها بشكل مريب..وقبل اصبعها الموضوع على شفتيها
آآآآآآي شي
ارتعدت آوصالها..فهبت واقفه نبي مدينة الالعاب ...الي على الكرنيش..عرفتهاا؟
آتسعت حدقتا عيناه ..وقال بصوت كأنه يخرج من اعماقه عآآآآرفها..ياله نروووح
ايمان عندك فلووس؟
قال وهو يضرب على جيب بنطاله الخلفي البوك عمران!! تدللي
ايمان ترفع ذراعها وتهتف يعيش علووي...ياااا
بروح اقول لرازان وبيان..واتصل بنجود يمكن تقدر تروح ويانا
لف ذراعه حول كتفها.. قربها منه وهمس باذنها لو تعزمين كل الحاره..مو مهم
اهم شي عندي رآآآحتج..ورضاج
آحست بالدماء الحاره تجري بعروقها
علووي..؟ انت شارب شي..والا متعاطي مخدر؟؟
ردت عتيقه التي ظهرت امامهما بغته
علووي..لو اشم خبر انك تضيع فلوسك على السم الهاري
ورب الكعبه..ماتشوف مني ولا قرش
تغيرت ملامحه بدون مقدمات تراني مو بحااجتج... ولا بحاجة فلوسج
واذا بغيت اي شي.. بحصله قدامي
وجه كلامه لايمان بسرعه..لا تخليني انتظر ياا قمر
عتيقه شعنده ..يتغزل بهالويه
رفعت كتفيها بعدم مبالاة شفتي نجووود.؟؟
عتيقه مااشفتها هالمقروده..شفت سمر وهند..ويليتني مآآشفتهم
ايمان لييييه؟؟ غاثينج بالكلام؟؟
عتيقه بثقه مآآآيقدرون..لكني تحسرت على حالكم
حظهم يكسر الصخر بنات ظبيه!! لكن معليه..دواهم عندي
استدارت ايمان ..لتبلغ رزان وبيان بخبر المدينه الترفيهيه
عتيقه ايماااانو...اذا ودكم تروحون حفله نمار الـ ــ
ماعندي مانع.. بس على شرط
ايمان بحماس شنووو؟؟
عتيقه تقوولون لبادي ونمار..انكم حضرتو الحفله بدون علمي
ايمان (علمي والا ادبي) مآعندي مانع..اهم شي نستانس
تصاعد رنين هاتف عتيقه...فعقدت حاجبيها بضيق
ايمانووو..تعالي ردي على نجود..مالي بارض عليها
اسرعت ايمان والتقطت الهاتف وهي تكمل تزرير عبائتها اهليييين نجود..وينج
نجود بانكسار تكفيييين ..تكفين ايمان..خلي علوي يرد علي..
شفيه انتكس مره وحده..يعني خلاص خذ الي يبيه ..ونسآآني
ايمان بسرعه دبري لج عذر مقنع..وتعالي ويانا الملاهي
ترى علوي قايل كلمي نجود وعزميها
نجود صحييح..هو قالج تكلميني.. زين ليش مايرد على اتصالاتي
ايمان مآدري..لكن احواله متغيره..موب علوي الي تخبرينه
صاااير حبووب..وما يرفض لي طلب
نجود زييين شقول لامي وخواتي.. مايطيعون يخلوني اطلع بروحي
ايمان بنخلي عتيقه ...تحلها..لا تشيلين هم
وخلج جاهزه
:
:
ايماان هههههههه..ماقلت لج..عتوق عندها الحل
بيان مايجيبها الا نسوانها
رازان اي نسواااانها ..الا قووولي سحارهااا
نجوود ههههه..ماتوقعت ابووي بيصير طيب لهاالدرجه
ويسمح لي اروح وياكم بهالسهوله..يارب امي واخواني مايوصل لهم خبر
ايمان شبيسون يعني.. اشتقتي لبوج ورحتي تزورينه
محد منهم يقدر يبطل حلجه بكلمه
™`•.¸¸.•¤¦¤`••._.• ][ســ الـشـوقـ 22ـر][ `•.¸¸.•¤¦¤`••._.•`™
دفعت الباب بقوه..ودخلت والغضب قد اعمى قلبها
نيراااان...انتي وحدة مااينفع معاج الطيييييب
هذا جزاتي ..ظفيتج ..ونظفتج
نيران بخوف عمتي..شفيج..مااتذكر اني سويت شي يضايقج
بالعكس قااعده اطبق تعليماتج بالحرف الواحد
نماار لا تحاولين ..شلون بشرى عرفت بالحفله؟؟
نيران تعقد حاجبيها بشرى!! صدقيني ولا قط شفتها او تكلمت وياها
تكذب ياااعمتي..تبي تخرب بيني وبينج
نمار بسخريه ليييه ..بيني وبينج علاقه عشان تخربهاااا
اصلا مستحملج علشان بادي وبس
نيران بحقد يمكن تحب عمي بادي وتبي تلفت الانتباه
مسكت بطنها من شدة الضحك هههههههههههههه
يخرب بيت امج على ها المخ..ههههه
وترى مافي احد غريب عن الجروب غيرج..لاني طلبت منهم
يكون الامر سيكرت من بينااا
نيران سكريت؟؟ يعني شنو سكرت؟؟
نمار هههههه.. مآآآقدر على هالغباء والجهل المعشعش بعتيقه وبناتها
مهما نظفت فيج وطورتج..بتظل افكارج بدائيه وقذره..ههههههه
دخل بادي ولف ذراعيه حول كتفي نمار ونيران من الجانبين
بادي يااارب ..دوووم هالضحكه
قبلته نمار بحراره هلااا بوودي..وينك يااعمري
بادي كم مرة قايل لج..دوري اسم دلع غير
انتبهت نيران للأكياس المتدليه من يده عمي..عسى ماشر.. شالادويه؟؟
بادي تسلمين ..مآشر..حسيت بصداع.فمريت الصيدليه و خذيت مسكن
نمار مسكن...كان لازم يشوفك دكتر
بادي مجرد صداع..من ضغط العمل..وراح بعد حبة المسكن
نيران بخبث شدعووه يا عمي..كل هالاكياس ..وبس مسكن
شكلك خميت كل آبو الصيدليه؟؟
بادي ( يصرف) مآحب استخدم معجون وشامبو اي كلام
لازم مرخص..وطبي وماركه عالميه
حاولت نيران فتح احد الاكياس والنظر لداخلها..فسحبها جميعا
وخرج لغرفته محرج
™`•.¸¸.•¤¦¤`••._.• ][ســ الـشـوقـ 22ـر][ `•.¸¸.•¤¦¤`••._.•`™
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سـو كنك مادريـت وبـوسني
وسوها ثاني على انـك تعتـذر !!
وقول أسـف مانتبهـت وضمنـي
والعذر مقبول ولـك منـي شكـر
وكـرر الغلطـه معـاي وخلنـي
أنتظر عذرك بكل فارغ صبـر!!
جيبنـي ثـم ودنـي ثـم جيبنـي
من حدود الشمس لحدود القمـر !!
ويـن ماتبغـى فديتـك ودنــي
خادمك ياسيدي تحـت الأمـر...
هد حيلي بالغرام وهدني
والله اني نذر حبك نذر !!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك