رواية من أعماق أحضان مجنونة -18
يوم ثاني الصباح,,,
في بيت بو مطلق كانوا متجمعين على سفرة الفطور واللي هي نادرا ماتصير انهم يتجمعون,,
اخر من وصل جراح اللي يوم شافهم ابتسم وسلم..
جراح السلام...
الكل وعليكم السلام والرحمة....
جلس معهم وقال ابو مطلق وهو يبتسم تدرون يبي لنا صورة على جمعتنا هاذي؟
ام مطلق دوووم مو يوم ان شاءالله..
بشاير ان شاءالله؟
جراح اوه ه ه فطوم عندنا اليوم على السفرة...والله اسفرت وانورت يالغلا...
فاطمة بحقد لاتكلمني يالكذاب!!
مطلق بعصبية ووجع ان شاءالله!!في وحدة تقول عن عمها كذاب؟
فاطمة ببكي هو قال لي تحت سرير ابوك الا هو انت في فلوس كثيرة ورحت ماشفت شي؟
مطلق اه يالملعونة؟وانا اقول منو عافس داري امس؟
بشاير هههههه حلوة والله حلوة ياجراح؟
جراح بتبرير اكيد ابوك غير مكانهم؟؟يعني معقولة انا بكذب عليك!!
فاطمة بتصديق يعني هم كانوا تحت السرير؟
بشاير أي صح انا شفتهم بعد!!
نسايم أي على الشر انتي واخوك اعوان؟
مطلق يالله عاد الا بشورة انا ماارضى عليها..
فاطمة وترضى علي انا وانا بنتك؟
مطلق انتي بلوة مو بنت؟
فاطمة بقول لاامي؟
مطلق خايف منك لو من امك؟
فاطمة طيب بقول لاابوك؟
ابو مطلق وهو يضحك متى بتقولين لي وانا اسمعه؟
فاطمة ابيه يخاف منك..
ابو مطلق وهو يضحك أي...
جراح عاد تدرين يافطوم ابوك مثل جده الله يرحمه فلوسه ياتلاقينها تحت المخدة ياتحت الفراش؟
بشاير ومطلق وام مطلق ههههه
بشاير اقول مطلق قفل غرفتك قبل لاتطلع!!
مطلق ههه
ابو مطلق بجدية اقول ام مطلق..
ام مطلق خير ان شاءالله..
ابو مطلق محمد العبدالله..اللي يشتغل عندي بالمكتب...اليتيم
ام مطلق أي شفيه..عرفته...الله يرحم امه وابوه..
ابو مطلق انا اقول شوفي له بنت حلال وبزوجه....الله يرحم ابوه كان خوش رجال..وماابي الدنيا تصفع فيه وهو خادمني وامين بشغله...قلت بزوجه وبستر عليه انتي بس شوفي له بنت حلال على قده وترضى فيه؟
نسايم بشماتة اعطوه دارين..بنت العراقية؟
مطلق لاوالله!اقول نسايم ورى ماتاخذينه وتكسبين فيه اجر وثواب؟
نسايم بانفعال نعم نعم نعم!!
فاطمة انتوا كله تتهاوشون؟
جراح وقف بعد مادق جواله وقال شفتي هذا حالهم كانهم بزارين...يالله انا ماشي سلمي على خواتك فرقة المجانين
فاطمة اليوم بيجون لان الاربعاء؟
مطلق ياويل حالي اجل؟
بشاير ههه حرام عليك والله احلى يوم اذا شرفونا اموت بسوالفهم...
كان قاعد بالصالة ينتظرهم يطلعون ولاوحدة منهم قامت!!
معقولة هالة متاْخرة عن دوامها اليوم..وش فيها ؟هي ماتتاْخر ابدا!!
قام بيروح لها وهو توه بيفتح الباب لقاها طالعة من الباب الثاني..
أي كذا طلعت بدون ماتفطر علشان لاتشوفني ولاتتواجه معي!!
اوووف ياربي..وش سالفتك بس ياهالة يااختي ريحيني...
لف راجع للصالة ينتظر ريم تطلع...
وش فيها اليوم متاْخرة؟
هو ماله عين يدخل يشوفها من البارحة ..من طلع وتركها بالغرفة بعد اللي صار بينهم؟؟
كان فيه ضغط رهيب امس ..شي من هالة وشي من السخيفة زينة بنت بو مشاري ومالقى الا ريم يحط فيها قهره ويستفزها ويهاوشها وينفس عن نفسه...
وهاذ ي النتيجة تهاوشوا بليلة كان المفروض يعيشونها بعالم الحب !!بليلة ملونة بالاحمر وبس!!!
تنهد وهو يناظر بالغرفة...
الاكيد انك مو مكبرة المخدة ونايمة ياريم بس ماتبين تشوفيني؟؟
عارف ها الشي وعارف اني غلطان بعد بس ابي منك اللون الابيض وارفع لك راية الاستسلام...
ترى والله ياريم من البارح مو نايم وحتى المستشفى اليوم مو برايح علشانك...
انتبه على الباب اللي انفتح وطلعت منه ريم..
تفاْجات يوم شافته قبالها وفهمت من شكله انه مو رايح الدوام..
قالت بهدوء وبدون ماتناظر فيه صباح الخير..
حتى ماانتظرت يرد عليها وراحت المطبخ بسرعة وتنهد بقوة..
وقف علشان يروح وراها المطبخ ويوم دخل كانت تمسح وجهها اللي توها غاسلته ومبين انها بكت شوي بعد ..
احمد انا مو رايح الدوام اليوم؟
قال كذا علشان تلتفت صوبه وفعلا رفعت راسها وقالت بهدوء سلامات...
تقرب منها وقال مانمت امس وحاس اني تعبان مووت وابي ارتاح....
رفعت راسها له وظلت تناظره وحست انها بتبكي فلفت وجهها عنه وقالت خير ان شاءالله...
احمد ريم...
وقفت وهي عاطيته ظهرها.....
قال وهو وراها مباشرة زعلانة مني مو؟
ريم بتقطع لا....
احمد بحنان طيب خليني اشوف وجهك ليه لافة وجهك عني!!
ريم بزعل وجهي مو حلو اذا صحيت من النوم؟
احمد بعتب ريم وش ها الحكي!!!انتي ماتبين اشوف عيونك لانك زعلانة؟
ريم بتغير للموضوع وش تبي تاكل اذا صحيت؟
احمد تنهد وقال بتعب ماابي اكل شي ابيك تفهمين اني احبك...واني كنت امس معصب من يومي كله وادري محد كان بيتحملني غيرك؟
قالت وكانها مو مهتمة للكلام اللي قاله توه طيب فيني اروح عند اهلي اتغذى مدامك ماتبي تاكل؟
تنهد بضيق وقال بحسرة من لامبالتها ريم انا اكلمك من جدي!!!لاتقعدين تلفين وتدورين؟
قالت وهي قباله احمد...بعد اللي صار البارحة انا قررت فعلا لاارد عليك لاانت ولااختك ولااحط لساني بلسانك ولاتقعد تدورلي حجة من هنا ومن هنا علشان تبرر موقفك؟ياما ايام مرت عليك ماكنت تقدر توقف من التعب اللي فيك بس انت السالفة عندك امس غير؟
احمد بدفاع ريم...
ريم قاطعته روح ارتاح؟؟؟مله داعي تتعب نفسك معي!!!
احمد لفها له بقوة وقال بتاْثر انتي شاكة بحبي لك ياريم؟
قالت بدون ماتناظره وبالم بعد البارحة أي..بديت اشك بمقداري بقلبك يااحمد؟
مشاري هلا مريم...
مريم هلا...
مشاري يعني لو اقعد ثلاثة ولاعشرة ايام ماتفرق عندك وتدقين انتي!
مريم مايحق لي اتغلى؟
مشاري وهو مو طايقها وش عليه نتغلى على بعض ومانسمع صوت بعض!!مو يقولون فترة الخطوبة فترة تعارف؟
مريم وانت وش تبي تعرف؟
مشاري انا مااعرف شي اصلا؟
مريم بعد الزواج بتعرف؟
مشاري بعصبية لا ماابي..ابي اعرفك اللحين؟
مريم وليه تصارخ علي؟
مشاري وهو محاول يمسك نفسه انا مااصارخ عليك؟؟انا احس ان احنا صايرين بعيدين عن بعض ومحنا عارفين بعض؟
مريم انت اصلا تدور وجع الراس؟وش تبي بعد نعرف بعض...بنصير مع بعض بنفس البيت وبنعرف بعض؟
مشاري بانفعال لا يابابا انا مابتزوج وحدة مااعرفها الا بالاسم والشكل بس!!
مريم طيب حدد موعد العرس واذا حددته تعال نتعرف على بعض؟
قالتها وسكرتها بوجهه وقام يسب ويلعن فيها
مشاري بانفعال طيب يامريم طيب..انا تسكرين التلفون بوجهي!!والله لااوريك وانا مشاري..مو كفاية قريبتك مو راضية تكلمني!!بس وين ماراح اسكت لك ها الحركة ابدا!!
شال تلفونه ودق على ابو احمد....
ابو احمد هلا وغلا بولدي مشاري..
مشاري وهو يمسك حاله هلا بعمي الغالي....
ابو احمد امرني..
مشاري بارتباك عمي....انا مستحي منك....وماابي اللي بقوله لك ياْثر على علاقتك مع الوالد ولامعي؟
ابو احمد خير يبى...اقلقتني؟ وش صاير؟
مشاري بتنهيدة عمي اسمعني ,,,,,,,,,,,
بمقهى اموري بالراشد,,
الجوهرة شفيك؟
هالة وهي تناظر الجوهرة بهدوء وش رايك انتي!
الجوهرة هالة...صاير شي....
هالة بتعب احمد..
الجوهرة فيه شي؟
هالة بتنهيدة شاف علي امس رايح الشقة؟
الجوهرة باهتمام أي..
هالة شنو أي...احمد عرف ان علي هنا ماهو بمسافر....وسئلني وماعرفت ارد عليه واليوم طلعت الصباح علشان لااتواجه معاه بس اذا رحت العصر اكيد مابيتركني وبيساْلني!!وانا مدري شقوله؟
الجوهرة بتفكير كان المفروض تحسبين حساب ان احمد بيشوف علي....
هالة صار وماحسبتها....شسوي اللحين؟
الجوهرة قولي له؟
هالة بحسرة احمد في بعض الامور تفكيره مثل تفكير ابوي ومايتفهم؟انا لو ابي ولو احس ان ابوي بيفهمني كنت رحت له مباشرة وشكيت له حالي وجلست عنده معززة مكرمة..بس ابوي واحمد لهم مثل التفكير في ها الامور.....
الجوهرة واحمد ماراح يقتنع باي شي تقولينه...لاتنسين انه احتمال يروح لعلي ويسئله مباشرة؟
هالة تنهدت وسكتت...
الجوهرة بحنان هالة...
نزلت منها دمعة وقالت بحسرة الايام اللي جاية بتتعبني يالجوهرة بتتعبني!!
قالتها ومسحت دموعها ووقفت بتطلع,,,
برى المقهى كان جراح واقف مقابل الباب علطول علشان ينتبه لها اذا طلعت...
وش ها العهد اللي عهدته نفسك وطلع مثل وجهك ياجراح؟
انت مو قايل بتعيش بعالم مافيه هالة ولاطوايفها؟
اشوف من دق لك السايق وقال لك انها رايحة الراشد ماهي رايحة المستشفى جيت ركض؟؟؟
ونسيت كل الوعود اللي قطعتها على نفسك بالنسيان!!
ابتسم لنفسه وقال..انساها!!
هل انا فعلا قادر انساها؟لو كنت قادر مافكرت فيها طول وقتي!!
ادري انها لغيري ولحياتها وانا بعدني بجنوني؟؟
لااقعد اكذب على نفسي هالة لابتغيب عن بالي ولاهم يحزنون....
بس ليش اليوم ماراحت الدوام؟هاذي اول مرة تسويها وماتروح؟
وش عندها مع صاحبتها؟
وهل السالفة لها علاقة بقعدتها عند احمد,,,,,
وقف قلبه يوم شافها طالعة هي وصاحبتها وافترقوا..
هي نزلت وصاحبتها كملت تمشي فوق....
اخذ نفسه طيران وراح وراها بالدرج المتحرك ومسوي انه يكلم بالتلفون...
جراح كان وراها مباشرة تمزح انت...انا ماقلت لك بجلس فوق انا نازل اصلا!!انا من جيت وانا ابي انزل؟
........بعد الجوال وقال بنعومة مساء النور....طب قولي مساءالانوار....ماعليه ماتبين تسمعيني صوتك؟ طيب سجلي عندك..صفر خمستين سبعتين ....
لفت له تناظره باحتقار وسوى روحه متفاجىء من شوفتها وقال بسرعة انتي!!
ماردت عليه ورجعت لفت عنه وقال بسرعة ردي رقمي بلاش تسجلينه عندك..منتي من اللي جمالها يتغزلون فيه بااخر الليل؟
وصلوا تحت وكملت تمشي وهي حاقرته وتنرفز..كان يبيها تقول أي شي بس المهم انهم يتكلمون مع بعض حتى لو كان بالهواش؟؟؟
اووف ليه طلعت!!ليه مشت!!وش فيها؟
ابو مشاري زينة؟
لفت له وقالت بدلع هلا بابا..
ابو مشاري ابتسم وقال لها تعالي ..
زينة انت مارحت الشركة اليوم؟
قالتها وهي تتقرب منه وتجلس جنبه...
ابو مشاري لا......لسه مارحت؟اقول عسى بس ماعليك امتحان ولامتواعدة مع ربعك وباْخرك بسوالفي!!
زينة تمون يالغالي...انت اهم شي بحياتي!!
ابو مشاري زينة...امس خطبوك مني يابنيتي!!!
زينة بدهشة متى خطبوني منك وانت امس بالبيت لاطلعت ولاقابلت احد غير عمي بو احمد؟
ابو مشاري عمك بو احمد..
مافهمت عليه وقالت شفيه؟؟
ابو مشاري عمك بو احمد هو اللي خطبك مني يازينة!!
زينة بصدمة خطبني!!!لمنو؟
ابو مشاري وهو يضحك زوانة شفيك يالغالية اكيد ماخطبك لنفسه هههه خطبك لولده طبعا؟؟
ولده...ولده..قالتها وهي مصدومة.....
ابو مشاري انا ماراح الاقي افضل من ولده يازينة بس انا بعد يهمني رايك والكلام بيني وبينه وحتى المعرس مايدري ان ابوه اختارك له زوجة يعني مابيقول لااحد الا اذا جت منك موافقة واذا ماصار نصيب محد بيدري يابنيتي وانا ابيك تفكرين براحتك يابنيتي؟
كانت بها اللحظات بعالم ثاني وماهي بالدنيا من الصدمة اللي عمرها ماتوقعتها بتصير ولاحتى فكرت فيها؟
اشوفكم بكرة على خير يالغلا..
البارت الرابع والعشرين والخامس والعشرين,,,
راحت الغرفة وراح وراها وقال بعصبية عيدي كلمتك اللي قلتيها يالريم؟
قالت له بهدوء انا بديت اشك بحبك؟
وقف يناظرها وقال بصدمة متاْكدة؟
ريم بثقة مهزوزة والله هذا اللي انا قاعدة اشوفه؟
ظل مكانه واقف وماتكلم....
ريم شالت عبايتها وجوالها ودقت على اخوها قدامه وهو بعده بمكانه ماتحرك....
قبل لاتطلع من الغرفة سئلته اروح ..مرخوصة؟ولا
بعصبية قال روحي....
تنهدت وهي تناظره ومشت بسرعة......
ظل جالس على سريرهم ويتاْمل كل ركن بغرفتهم...
كل ركن فيها عاشوا فيه قصة حب جميلة...
كل زاوية من ها الزوايا شايلة همساتهم وبوساتهم واحضانهم,,,
كل ركن يحمل اجمل ابيات شعر وغزل قالوها لبعض؟
وتجي تقول انها شاكة بحبه؟؟
اكيد بتشك يااحمد....يعني ظل شي ماقلته لها ولا ماسويته امس؟؟؟
كان بس ينقصك انك ترفع يدك وتضربها؟؟؟
اه يااحمد اه...وش تبي...تبي تزعلها وتهاوشها وتضايقها وتنتظر منها تقولك احبك؟
اكيد ماراح تقولها وبتحسسك انك مقصر معها ومشككها بحبك لها؟
ولايمكن تبي تحسسك بذنبك علشان تعتذر لها؟
حس نفسه هدا شوي يوم جاه التفكير هذا,.,,
أي ريم تبي تحسسه بها الشي علشان يججيها يعتذر على اللي سواه,,,,
ولايهمك يالغالية حقك علي...عارف اني غلطت وزودتها بس رضوتك عندي ...ياحبي,,,
قفلت على روحها باب غرفتها وهي انفاسها متلاحقة ودموعها تنزل بحرارة على وجهها,,,,
يمكن لو ماابوها كان جاي له اتصال انهارت قدامه من الصدمة اللي ماتوقعتها بحياتها؟
ابو احمد خاطبها لولده؟؟؟؟لغسان؟؟وحتى المعرس مايدري بعد!!
طب واحمد؟وحبي له؟وليه جاي مع ابوه اصلا!!!معقولة علشان سالفة الخطوبة...ابوي قال لي انه جاي يوقع اوراق تخص بو احمد وان محد يدري بسالفة الخطوبة؟بس معقولة احمد مايدري واحمد ذراع ابوه بكل شي؟معقولة بيخبي عنه سالفة مثل كذا!!!
اه يااحمد اه...انا برفض اخوك هاذي مافيها شك...
بس ياترى هل بيكون بينا حب بيوم من الايام واخوك كان خاطبني!!
احمد ليه ياربي ليه؟وش معنى من دون ها العالم كلهم احب احمد ويخطبني اخوه؟
حطت راسها على ركبتها وقامت تبكي بحرقة......
احمد...صاير لها مثل السراب ومابتطوله ابدا حتى لو رفضت غسان؟
يمنى بعد عني مابدي شوفك؟
مطلق افا...ليه عاد؟
يمنى هيك عم تعمل ياظالم؟صار لك كم يوم ماعم شوفك؟
مطلق شو بدي ساوي ياروحي...
يمنى ياسلاااام.
مطلق شغل يابنت الحلال شغل...شايفتني معلم فلافل وطعمية وانتظر احد يقرب يشتري؟
يبى انا رجل اعمال صاحب معارض سيارات وبيع وشراء وتاءجير ولازم اراكض ورى حلالي؟
يمنى لفت عنه للجهة الثانية وماردت عليه..
تقرب منها ودز كتفها وقال بس مانسيت حلاوتك؟
بدون نفس مابدي شي منك؟
مطلق أي بس انا حبيبيك....شو مابدك حبيبيك يعطيك هدية ويراضيك عن بعده؟
تقربت منه وقالت وهي تفك زراير ثيابه أي بس انا يامطلق مابدي هدايا...بدي اياك انت!!بدي المشاعر اللي جواتك وبس؟
مطلق يبى اخذيني انا بالمشاعر وانا قايل لك لا؟
يمنى ماتغيب عني مرة تانية هيك..
مطلق هيك هيك..مش حغيب عنك بعد امري...يبى عطينا وجه انا جاي ارتاح ولا جاي اتعب علشان ارضيك؟
يمنى مطلق اقول الصدق انت بتحبني!!
مطلق هز راسه وقال بسرعة اكيد احبك؟
يمنى وهي تتقرب منه وتهمس كزاب!!مابدي صدئك!!!كيف جاوبت بسرعة هيك؟
مطلق وهو يحضنها لان الاجابة ماتحتاج تفكير ياروحوا لمطلق؟
يمنى اكيد يامطلق؟
مطلق اكيد ياعيوني.....يالله قومي وريني شطارتك ...
يمنى شو بدك؟ماتئلي بدك تاْكل؟
مطلق لا مابدي..بدي تهزي لي شوي شو رايك؟
يمنى ارئص لك يعني...اي مو على عيني..شو حاب تسمع؟
مطلق تمدد على الكنبة وقال اللي بتحطيه حطيه مو فارق معي شي,,,
يمنى أي هلئ بدك تشوف شو بسمعك حبيبي...
دخل البيت وهو معصب ومبين انه ناوي على شر...
ام وليد خير اللهم اجعله خير..
مارد عليها وقال بعصبية بنتك المصونة وينها؟
ام وليد رمت المجلة ووقفت وقالت أي بنت؟وش صاير؟
ابو احمد مريم وينها؟
ام وليد شفيها بنتي يابو احمد؟
ابو احمد بعصبية سئلتك وينها؟
ام وليد في غرفتها...بس وش صاير؟
مارد عليها وركب فوق لغرف البنات وهي وراها دق باب غرفة مريم ودخل وسكر وراه الباب بوجه ام وليد اللي تغيرت ملامحها للقهر ووقفت تسمع,,
ابو احمد مريم..
مريم بهدوء هلا يبى...
اخذ نفس عميق وتقدم وجلس بهدوء...
ابو احمد تعالي ابي اكلمك...
جلست جنبه بدون أي كلمة...
ابو احمد شخبار مشاري؟
مريم بلامبالاة زين....
ابو احمد وشخبار الشركة...كلها قايمة على كتفه مو؟
مريم بدون نفس وبيظل الحال كذا حتى بعد الزواج يبى؟
طول وقته بالشركة وعاطيها كل وقته؟وياليت بعد اسمه مدير على هذا كله؟
ابو احمد يبى مريم.....مشاري اتصل فيني قبل شوي..واحرجني؟
مريم سكتت...
ابو احمد مريم يبى...الزواج مسؤلية لازم يتحملوها الطرفين اثنينهم مو مجرد طلعة سوق وثوب عرس وحفلة ووناسة لايبى؟
انتي بتعيشين معاه لازم تفهمينه ولازم يفهمك؟تعرفين شتبين منه وهو يعرف شيبي منك؟طلباتك شنو؟طلباته شنو؟كل واحد يعرف الثاني حدوده شنو والاشياءاللي مالازم يتجاوزاها شنو؟
الزواج يبى...يستلزم انك تعرفينه ويعرفك وتكون حياتكم كلها مبنية صح من البداية وعلى الصراحة؟
اما اذا جا يكلمك ويسولف معك تقولين له بعد العرس تعال اعرفني هذا مو حكي يبى؟
مريم بضيق وهذا هو اللي شاطر فيه اتصل فيك وعلمك؟
ابو احمد هاذي المرجلة يبى....هذا الرجال الصح؟ماعجبه تنبني علاقتكم بس علشاني وعلشان ابوه وانتي ماتدرين عنه وهو مايدري عنك؟مارضاها لك وله وكلمني...قال ياعمي انا مريم والله مااعرفها ولااعرف تفكيرها شنو؟وكل ماجيت نسولف تتركني بنص الوقت جالس معك ومع اخوانها ولا ساكتة ولاتكلم بتلفونها ولاتقولي حدد موعد العرس؟
مريم وهو متى ناوي يحدد يبى؟
ابو احمد اللحين اذا هو حدد موعد انا برفض يامريم؟
مريم باعتراض طب ليه يبى؟
ابو احمد مدام ان زوجك يجيك ويبي يتكلم معك تقعدين معه وتتكلمين معه وتعرفين هو وش يبي يعرف عنك وتجوبينه؟الولد داخل من الباب ويجلس معك بكل احترام يبي يعرفك وتعرفينه تقومين وتسوين ها الحركات لايبى مايصير...
انا علي ولامرة جاني اشتكى من هالة اختك؟ليش تصير هي اعقل منك وتكسب زوجها وانتي لا؟
يبى بارك الله فيك دقي عليه وقولي لي تعال تغذى معي اليوم وقعدي معاه وسولفي معاه شوفي شيبي يعرف عنك وشلون بتبنون حياتكم,,,زين يبى؟
مريم بخضوع زين....
وقف وقال بعد تنهيدة بارك الله فيك...
ابتعدت ام وليد عن الباب وطلع ابو احمد ونزل تحت وبعد ثواني دخلت ام وليد..
مريم بعصبية زين يامشاري..شفتي هذا اللي شاطر فيه يقوم يقول لاابوي ان انا مااسولف معه ولا اتكلم وهو حضرته موعد العرس مو راضي يحدده؟
ام وليد بقهر مالت عليك ثم مالت عليك!!كذا تفشلينا مع مشاري وتتركينه يوصل لمرحلة انه يتصل في ابوك ويعلمه!!شقول انا بس شقول؟لاوفوق هذا كله تخلين ابوك يعايرنا ببنت العراقية؟قال شنو..قال عمري ماسمعت علي يتشكى من شي..لانها كاسبته؟مالت عليها وعلى اخوانها عسى ربي لايوفقهم ولايوفقها؟
فاطمة عمتي..
رفعت بشاير راسها وقالت هلا...
فاطمة عمتي ابوي يحبنا ولا مايحبنا؟
بشاير ابتسمت انتي شنو رايك؟
فاطمة والله مدري انا محتارة؟
بشاير ليه محتارة عاد؟
فاطمة ساعات احسه يحبنا وساعات احسه مايحبنا؟
بشاير مافي أي ابو بالدنيا يافاطمة مايحب عياله...
فاطمة هو مايقول لنا انا احبكم؟
بشاير انتي تشوفين جدك اللي هو ابوي ماسكنا وطول الوقت يقول لنا انا احبكم؟
فاطمة لا
بشاير يابابا يافطوم الابو مايجي يقول لعياله انا احبكم..بس هو يحبهم ويسوي لهم كل اللي يحبونا ويجيب لهم اللي نفسهم فيه..هذا يسمونه حب؟
فاطمة يعني مو لازم انه يقول لهم انا احبكم؟
بشاير لا طبعا...لانه يمكن يقول لهم انا احبكم بس هو بالنهاية مايحبهم ولايعطيهم اللي يبونه صح ولالا؟
فاطمة أي بس عمي جراح يحبني ودايم يقولي انا احبك وينيمني معاه بفراشه ويطلعني معاه حتى مرة كنا بندورها انا معاه؟.
بشاير وش تدورون انتي وهو؟
فاطمة اللي كانت ضايعة منه؟
بشاير أي شنو هي عاد؟
فاطمة مدري...مرة هو اخذني معاه للبحر وقام يبكي ويقول انها ضاعت منه وانا وعدته ادورها له بس مالقيتها؟
ابتسمت بشاير بمرارة وانفتح الباب ودخلوا عايشة وشيخة؟
بشاير هلا وغلا..
شيخة انتي لاتكلمنيه؟كيف تجين هنا من قبل يومين وماتقولين لنا؟
فاطمة ...........
عايشة انتي ماتحبينا؟
بشاير لحظة لحظة..اول وين السلام الحار والحضن الكبير للعمة بشاير؟
تقربوا منها وحضنوها وسلموا عليها..
بشاير انا قلت لها تجي؟
شيخة وليه ماقلتي لنا؟
بشاير علشان كل اسبوع بخلي وحدة تجي عندي وتنام لين الاجازة وبعدين تروح؟
غمزت لفطوم اللي ابتسمت انها طلعت من ها الموقف بسلام...
نروح شوي للكويت..وتحديدا لكلية الحقوق...
مايدري وش اللي خلاه يروح عند طلاب سنة اولى !!
ليه جابته رجله هنا وقامت عيونه تدور عليها!!
اللي قدر يبرره لنفسه انه حاس بالاحراج منها ولازم يعتذر لها..
ظل يناظر بالرايح والجاي يمكن يشوفها....
راح عند قاعات المحاضرات بيدورها بعدين غير رايه وتراجع وهو يمشي بالممر كانت هي طالعة من غرفة شؤؤن الطلاب...
تلاقوا ووقفوا قبال بعض..
غسان بارتباك مرحبا..
ناريمان وهي تعدل حجابها وعبايتها هلا..
غسان فرصة سعيدة اني اشوفك مرة ثانية؟
برسمية وهدوء قالت وانا بعد.....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك