رواية سر الشوق - 17
(تستخدم للنفايات)
وآشرت لها على خزانه الملابس
كلوو ..ملابس مال بابا حامد
سوي داخل كيس أسود..مفهوم؟؟
رمقتها نآني بنظرات..
فهِمت وتريد التآكد مما سمِعت
ام خالد باصرار يالله بسرعه
واذا خلصتي..حطيهم عند باب الشارع
هاهو يصل للمنزل قبل موعد ذهابه للعمل بدقائق
وهذا حاله منذ فتره...حيث يبدل ملابسه ويخرج لعمله
غير مكترث بزوجته وابنائه
فتح باب خزانة الملابس...اصابته الدهشه
ابو خالد ظبيه ...وين ملابسي؟؟
ام خالد بثقه..وجراءه طلعتهم برى...مآبي اي شي لك في بيتي
ابو خالد ليييييييه ان شاءالله..؟؟؟
لا يكون سامعه عني شي...وصدقتيه
ام خالد بحدة المشكله انك عارفني ما أصدق اي شي ينقال
ذي عشرة عمر يابو خالد..عرفتك فيها أكثر من نفسي
إقترب منها ومسك جديلتها عشان صرت ابات ويا ربعي في
الاستراحه هاليومين ...تزعلين؟؟
مآتبين لي الوناسه!!؟؟
سحبت شعرها من بين يديه وصرخت بتغزز
كااافي...مووب انا الي
تنحط عليها شريكه..ناااسي انا بنت منوو
لااا يابو خالد...مو ظبيه الي تسكت عن حقها
رفع صوته آكثر منها جزاج الله آلف خيييير
كنت عامل حساب لمشاعرج...وشايل هم
شلون اقولج عن زواجي بدون ما ازعلج
لكنج طلعتي ناصحه..وعرفتي بروحج
ام خالد بحقد تصدق بالله...ريال مثلك ..مآآآيستاهل حرمه مثلي
رد عليها باحتقار صآدقه...الي مثلي يبيله وحده آحسن منج
روحي يبااا...جابلي مطبخج
وربي عيالج وعيال عيالج آبرك لج
وملابسي مآآبيهم..عندي احسن واغلى منهم
وعلى فكره...تراني شريت بيت فواز من المالك
ومثل مآسجلت لج هالبيت..سجلت
للثانيه ذاك البيت...روحي قولي
لجارتج تضف قشها..ابي ارمم البيت قبل أسكن فيه
ام خالد باصرار طلقني...ماعاد لك لزمه بحياتنا
دفعها عن طريقه شبيفرق عندج ..مطلقه ..ولا معلقه
وعشان ماا تخربين على بناتج..مارح اطلقج
ذرفت الدموع..وتعالى صياحها بعد خروجه
ترى نفسها كمن زرع زرعاً
وهبت عليه عاصفة ورياح قاتلة فذهب هباءً منثورا
تذروه الرياح ولم تستفيد من تعبها
وضعت هند يدها على كتف امها..فقد دخلت مرتعبه من صوت البكاء
هند يمااا..صحيح الكلام الي يقوله محمد..ابوي متزوج عليج
استطاعت الكلام بصعوبه كلمي اخوانج..يجون ياخذون عيالهم
™`•.¸¸.•¤¦¤`••._.• ][ســ الـشـوق ـر][ `•.¸¸.•¤¦¤`••._.•`™
تلك الأُم..... المليء قلبها حقداً وخبثاًوالتي لا يقف حقدها وخبثها
عند حدود معينة فهي التي تزرع الشوك بدلاً من الورود
وتنثر المسامير وقطع الزجاج بدلاً من الزهور في طريق ابنتها
تخوف ابنتها بدلاً من أن تعطيها الأمن والأمان
نعم!إن مثل هذه الأم لا تستحق
أن تنادى بهذا الاسم العظيم ولا تستحق أن تسمى أماً
روان بضيق اقوولج..خلاص مافيني اتحمل
حاسه اني بديت ازهق
عتيقه بعد تفكير عميق رورو...لا تكونين حامل ياغبيه
ديري بالج ... باجر لا فنقش هالشايب
تقدرين تزوجين بعده...لاعيال .. ولا مسؤليه
(شدعوه...بعد موت ابوي..هموج العيال.. وربي مااطقيتي خبر حق آحد)
غيرت روان الموضوع
روان افتحي لخواتي ..ابي اشوفهم قبل لاروح
عتيقه الله بسماه..مااايطلعون قبل ما تبرد حرتي
روان شسوو..عشان تحبسينهم بالغرفه من امس..لا أكل ولا شرب
عتيقه المينن..طالعين الحوش...ونابشين التراب
ولو اني مايييت بالوقت المناسب..وشلت العقرب
من على ايمانوه..جان هي في خبر كان
روان زيييين دخليني عندهم..ابي اسأل ايمان عن شي
عتيقه الحين رايحه عند ام خالد ابارك لها بزواج سمر
واذا رجعت فتحت لج
روان واذا يه ابو خالد قبل ما ترجعين
اروح وياه وانا ماتعلمت رقصة البرتقالة الي يبيها
أخرجت سلسلة المفاتيح من حقيبتها...واختارت مفتاح معين
عتيقه بفتح لج تدخلين ...بس ابيج تفهمينهم
انهم لا زم يطيعوني ..ويمشون تحت شوري
وانا اضمن لهم يعيشون مرتاحين زيج
فتحت عتيقه باب الغرفه..ادخلت روان
و اغلقته مرة آخرى
جالت ببصرها في انحاء الغرفه
وقالت شفيكم جذي ..محذفين جنكم جثث
ردت ايمان بوهن معذورين..عتيقه حابستنا من امس
بنموت ناقصين عمر
روان والجازي...شلون صارت معاكم
رازان أحسن..الفتانه خلها تذوق من العذاب شوي
الحازي بحزن روان ..قولي لامي تعطيني مااي بس
روان انقلي هناك انتي وامج
لو رايحه عند ابوج ابرك لج
شرعت الجازي بالبكاء..فصرخت بها ايمان
اوووص ووجع...سمعينااا سكاتج
لاأقوم اصطرج
من الخوف ..كتمت بكائها..واغمضت عينيها
إيمان روانو..شيايبج هالحزه؟؟
روان الشاايب..يبيني ارقص له البرتقاله
عااااد ما عرفت اظبطها زيج..فقلت له بروح اتعلمها من ايمان
ويابني على طول
إيمان هههههههه.. آآآآه يابطني
شاايفتني موب قادره اوقف من اليوع..وتبيني ارقص
بيان مو جنه متزوجج بس عشان ترقصين له
روان ذي عاااد ..لها سعر خاااص
عشان جذي ابي اتقنها..واتفنن فيهاا
ايمان تعالي بعد فك الحصار
قالت وهي تفتح حقيبتها ماابي اروح..بأتصل واطلب منه
يخليني ابات عندكم اليوم
إيمان يااادوبه عندج جوال وسااكته...اشوف اي موديل
جلست بقربها مااعرف..لكن سعره ثلاثه الاف وميتين ريال
الفااتوره عندي مع كرت الضمان
بيان والله مو سهل هالشايب..
رازان كل الي يمعه بحياته بيصرفه عليج
روان توكم ماشفتو شي...واعدني يشتري لي بيت بأقرب فرصه
انتبهت لايمان من بتكلمين بجوالي
ايمان بكلم نجوود..من عطلنا مااسمعت اخبار عن خالد
احس نفسي بموت من شوقي له
بسرعه تكلمت الووو...محمد..نااد لي نجوود بسرعه
محمد ميييين انتي؟؟
إيمان صديقتهاااا
(أشوووه الي رد حمود ..مو امه او هند)
ردت نجود الووو ميييين
إيمان اناااا ..نجووودو ..شخبارج
نجود هلااااا..اخبارج انتي..واخوانج
ايمان اهووو اخو واحد...سويته ..اخووووان
بس عرفت..أكيد احد يمج صح؟؟
نجود اييييه ..اقولج..فااتج حفله سمر..انبسطناااا وايد
إيمان هههههه..الخاتم طلع مقاسج
نجود واآآآل ..تعرفين كل شي
إيمان الا عن خالد...علميني شمسوي
نجود كلنا طيبين ..اخوي خالد عندنا مع زوجته وبنته
وعادل..خذ معوون وناني ورجع لبيته
يمكن يسوي حفله بسيطه بمناسبه ملكته على بشرى
انا الحين مشغوله...كلميني على الساعه وحده بالليل..اووكيه
انهت إيمان المكالمه..وقلبها يعتصر من الحقد
خااااالد..رجع لزووجته
علموني ...شلون اتصرف
كان عندي امل انه يطلقها,,ويخلى لي الجو
لكن هالسعاد طلعت ..ام سبعة ارواح
خلو عتيقه تسوي لهم سحر
التفتن لمصدر هذة الجمله
الجازي عتيقه ..تعرف تخلي خالد يحبج
ايمان جووويزي...تعااالي..يابنت امج
شلوون فاتتني ذي الفكره
روان لاا تتهورين ...السحر ما تعرفين آخرته
ايمان شنو آآخرته...بستولي على قلب خالد
وهذا هو المهم عندي
بيان لاا تدخلوني بالموضوع...تراني اخآآآف
رزان واناا بعد ...للحين مانسيت شكل العقرب
إيمان يالغبيه انتي وياهااا...احنا ماعلينا شي
بس بنقولها عل الفكره وهي بتقرر تساعدني
بيان عتيقه ممنونه حق الشر...اي شي فيه ضرر..تحصلينها فيه
سارت ايمان خطوتين وهي تترنح من الجوع..ناحيه خزانة ملابسهن
واخرجت عبائه طويله آكييييد عباية سعاد تصلح لـ هالمهمة
™`•.¸¸.•¤¦¤`••._.• ][ســ الـشـوق ـر][ `•.¸¸.•¤¦¤`••._.•`™
منذ شاهدت شعار مدارس السالم ..قد نُحت على جدران المعهد
غصت بحزن شاحب أعلن سيطرته على قلبهااا
تمنت ان تغادر هذا المعهد ..الى الابد
وتعود لمنزلها..لتبحث عن وظيفة أخرى
لكنها واصلت السير للداخل
وأرخت عينيها أرضاً..على امل ان تخمد بركان
التوتر والانفعاليه
الأسئله تضج في أعماقها بلا حدود
وثقتها بالله ايضاً ...تجاوزت الحدود
فهي اعادت صلاة الاستخاره مرتين ...ولم تشعر بشي
يمنعها من التقدم لهذة الوظيفه
وجدت اسمها بارزاًمع كثيرا من الاسماء في لوحة معلقه على إحدى الغرف
عند دخولها ..القت السلام وجلست..بين اكثر من عشرين متقدمه
صمت مطبق وحيره...بحق الله ماذا تفعل؟؟
اتنسحب..!!ام تُكمل؟؟
حتى جاءها صوت سيده..تنادي باسمها
تبعت السيده حتى مكتب مديرة المعهد...
بعد ان وضعت فرح ملفها امام المديره
قربت المديره الملف..وأخذت تتصفحه بتمعن
قالت اهلا استاذه فرح...مدرسه حاسب بمدارس السالم
تعرفين ان هذي رح تكون سبب اولي لقبولج بالوظيفه
وبدأت المقابله ...اجتازتها فرح بكل جداره
واخيرا وجهت لها سؤال عندج خبرة بالتعامل مع الطفل المعاق؟
فرح بصدق ووضوح ابله سلوى... بصراحه ماقط تعاملت مع طفل معاق
لكني قرأت واطلعت على كتب وابحاث ..عن طريقه التعامل مع الطفل العاجز
وقدرت اوصل لخلاصه..التعامل مع المعاق يجب ان تبنى على اسس
متينه تدفعه لنسيان إعاقته..ومنافسه اصدقائه العادين
سلوى وقد علت شفتيها ابتسامة رضا يعطيج العافيه حبيبتي
لو سمحتي انتظريني بالاستراحه دقايق
انتظرت حتى خرجت فرح...وأجرت مكالمتها الأولى
سلوى استاذ ياسر..تصدق.. في متقدمه منااسبه جدا
ادب..واخلاق..وعلم مع خبره
ياسر اذا تشوفينها مناسبه..عينيها..ووقعي معاها العقد
لمدة سنه.. خمسه ايام بالاسبوع..بمعدل ساعتين لكل يوم
بعدها قامت بالمكالمة الثانيه ..لـ السكرتيره
سلوى اعتذري لباقي المتقدمات...واصرفيهم بأدب
وقبل اي شي.. دخلي فرح عندي
استقبلت فرح بابتسامه رقيقه من شفتج..ارتحت لج وايد
مادري شنو الاسباب
اشرقت ملامحها بفرح ياليت اكون عند حسن ظنج
اخرجت ورقه العقد..وشرحت لفرح المطلوب منها
فرح يعني رح ادرس مروان في بيتهم..مو في المعهد يكون آفضل؟
سلوى لو انه طفل عادي..لكنه يواجه صعوبه بالتكيف مع الاخرين
فرح ماعندي اي مانع..متى نبدأ؟
سلوى وقعي هنا...وهنا..وتقدرين تباشرين عملك من بكره
خطت فرح بقلمها الاسود توقيها .
سلوى اليوم تروحين للأستاذ ياسر.. وتتفقين وياه على باقي التفاصيل
احدث الاسم صدى قوي بأذنيها عفواً !!منو الاستاذ ياسر..وشنو دخله بالموضوع؟
سلوى ياسر ..ابو مروان..وهو المحامي
المعتمد..لجميع مدارس ومعاهد الـ سالم
هنا..تعقدت الآمور
لتقتل الطموح والأمل...!!
ياسر..ذلك المتكبر الظالم
لم يمنع كونه متزوج...ان يرسل لها ورود منسقه
وكلمات منمقه...يدعوها لعالمه السرمدي
ولم يمنع كون ابنه معاق..ان يتغطرس على من هم اقل منه
اي رجل انت؟؟
مانوع ذلك القلب الذي يضخ مثل دمك
بنظرات ثاقبه..لاحظت سلوى ضيق فرح
سلوى بتفهم شوفي عزيزتي ...من اول مااشفتج
لفتي انتباهي....نادر ماتنوجد من تجمع بين
جمال المظهر والجوهر
ولان عائله السالم لها فضل علي بعد الله
فانا مخلصة لهم بقدر استطاعتي
لا تفوتين فرصه لمساعدة طفل مثل مروان
ماله ذنب بانه انولد معاق
صدرت منها تنهيدة ثقتي بالله دائما مالها حدود
الله يحفظج ابله سلوى مااقصرتي.... بكره ان شاء الله
رح اكون بالقصر على الموعد
وبترك لج مهمة الاتفاق مع ياسر على كل التفاصيل
بدل مني...اتفقنااا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
™`•.¸¸.•¤¦¤`••._.• ][ســ الـشـوق ـر][ `•.¸¸.•¤¦¤`••._.•`™
تقلبت مرات عديده على سريرها
وأخيراً...استقرت على ظهرها...
اوووف..آكيييييد حبة وحدة صارت ماتكفي
لازم آخذ ثانيه
بحثت عن دوائها ..فلم تجد له أثر
فأتصلت باخيها ...فهو من جلب لها الدواء هذا الصباح
ومؤكد انه وضعه بمكان لم تفكر به
سعاد الو سعد...وين حطيت المهديء..؟؟
سعد لييييه؟؟ الصبح خذيتي حبتج وخلاص
سعاد الحبه الي عطيتني اياها مايابت مفعول
سعد هههههههه...سوووسو
ماااتبين تشوفين بنتج...يالله هذي فرصتج
وبعدين حبيبتي على حسب علمي(البندول) ما ينوم
احتاجت لبضع دقائق حتى تستوعب ما قاله
سعاد الحييين الحبه الي عطيتني موب من دواي
سعد بتملل يااشينج لي قفل مخج
تحركي...اتصلي بهند تيب لج بنتج تكحلين عينج بشوفتها
وياويلج يا سواد ليلج لو رجعت وشفت دموعج
سعاد انت متأكد؟؟
سعد متأكد...يا قلبي
اتصلت بمنزل ام خالد...ليجاوبها محمد
سعاد السلام عليكم...شخبارك حمودي
محمد طييييب..منو انتي؟
سعاد حبيبي انا سعاد..
محمد سعاد..زوجة خالد
سعاد ايييه..ما عرفتني؟؟
محمد لااا..من زمان ماسمعت صوتج
سعاد يعني يا حمود...ماتقول بروح اسلم على زوجة اخوي الكبير
واطل عليها..اطمنها على بنتهاا
محمد كان ودي..لكن خالد محذرنا...مانروح عندج..ولا نكلمج
وقايل لخواتي..الي اشوفها موديه بنتي لسعاد
ياويلها مني..بذبحها
سعاد(لهدرجة وصل فيك الحقد والانانيه يا خالد)
سعاد وقد قررت على شيء خالد راح للعمل
محمد اووه ..من الصبح وحنا نايمين
سعاد وهند موجوده؟؟
محمد بغرفتها..وين بتروح يعني
سعاد حمودي مع السلامه الحيين
ارتدت عبايتها..وخرجت متوجه لبيت ابو خالد..بأقصى سرعتها
كانت تحس بوخز بسيط ...من آثر الجراحه
لكنها تجااهلته من لهفتها على صغيرتها
وقفت امام الباب..والتقطت انفاسها
ضغطت على زر الجرس... وأنتظرت
طرفت عينيها عدة مرات...لتتآكد ان من يقف امامها..خالد
كل منهما نطق بأسم الاخر..بنبرة تعبر عن إحساسه
في خضم شوق جارح
أشتقت إليك
ولعمر جديد بين يديك
أشتقت إليك
ولحب فاض من قلبك
وسال على قلبي يرويه أجمل الاحساس
أشتقت لروحك
لابتسامتك
لعطرك
لخطواتك
دع شوقنا يحملنا على جناح البوح
لنغترف من السحاب بياضا
ومن الشمس خيوطا ذهبية
تجدد الآمال
لنفرد جناحينا
ونحلق هناك
في سماء العشق
ونسجل أجمل لقاء
لروحان أثملهما جنون الشوق
ولوعة الإنتظار
خالد بمرارة يايه عشان بنتج...تفضلي..تراها عند هند بغرفتها
™`•.¸¸.•¤¦¤`••._.• ][ســ الـشـوق ـر][ `•.¸¸.•¤¦¤`••._.•`™
قامت بإجراء بعض الاتصالات...لعدد من مكاتب السفريات
حتى وجدت لها حجز ..على اول طائره متجه لبيروت
وجهزت حقيبتها استعدادا للمغادره
نزلت للأسفل...ونزار خلفها يجر حقيتها
وآول خادم قابلته..وجهت له السؤال دادي وين؟
الخادم مؤكد انه بالمكتب
بشرى وهي ترتدي نظارتها السوداء اذا سأل عني
خبره اني سافرت لبيروت...ومارح ارجع الا بعد شهرين
آمرت سائقها الخاص ان يتوجه مباشرة الى المطار
السائق ما تبين السوق زي كل مره
بشرى مااافي وقت..يادوب تكمل لي الاجرات والحق الطياره
عند وصولها للمطار....اعطت السائق اوراقها الرسميه
ليتم اجرأت السفر
وتوجهت للمقهي لتتناول كوب من القهوة
بعد حوالي ساعه...رجع السائق...ومعه الاوراق
السائق انسه بشرى,,,في خبر مو حلو
بشرى بحذر شنو الطياره فيها شي
تقدم ووضع الاوراق امامها على المنضده
تفحصت الاوراق بتمعن...وفجأة
مزقت الاوراق...والقتهم على الارض
ميييييين مفكر نفسه...يمنعني انا من السفر
زييييييين ياعادل...رح اعلمك من تكون بشرى
اشرت للسائق امين...تعرف وين احصل عادل الحين
سألتها بحده ويييييينه؟؟
ناني بلهجه مكسره منو تبين؟؟
قالت عااااادل..يعني منو غيره هنااا
ناني..وهي لاتزال تسد الباب بابا عادل روح مستشفى
انتي شنو تبين؟؟
تأملتها باحتقار انتي الي شعندج ساااده الباب
بعدي من قدااامي
دفعتها جانبا لتتمكن من الدخول...وقفت بمنتصف الصاله
وجالت ببصرها بهدوء
بكاء طفل ...سلب عقلهاا
فبكائه..تصحبه شهقات..مؤلمه
مآآآآآآمي...مآآآآمي
بخطوات عجله..اتجهت للغرفه التي
يصدر منها الصوت
بلا وعي منهااا..حملت الطفل الموضوع بسرير
ذي اسوار خشبيه مرتفعه
تنبعث منه رائحه غير مستحبه
وقد سال انفه...واختلط بدموعه
صرخت ياااا بنت الـــ ويييييينج عنه
لييش مخليته يبكي كل هالوقت
انتي مااافي قلبج رحمه
يااااعلج الموت قولي آآآآمين
منذ وقعت عيناها على ذلك الطفل المهمل
تذكرت نفسها بعد وفاة والدتها
فقد استقدم والدها العديد من المربيات
تاركا لهن حريه التصرف مع ابنته
وبدون رقابه مكثفه...بالعكس كان يجزل لهن العطاء
اذا وجد ابنته قد ازدادت كم كيلو
او تعلمت كلمة جديده
عانت بشرى من الاهمال..والتقصير على يد
الخادمات...حتى كبرت وبدأت تدافع عن نفسها
مشاعر الكره التي تحملها للخادمات
دفع والدها لاستقدام نزار...ليصبح رئيس الخدم
المفضل لديها
تدفقت مشاعرها تجاه معن
لانه يمر بظروف ..تشابه مامرت بها في طفولتها
وقفت وراء ناني تراقبها ...حممت معن
والبسته ...ثم حضرت له وجبه خفيفه
بشرى خلاااص روحي..انا بأكله
ناني اذا ماتبي شي..انا روح نوم
بشرى خييييييير تنامين من الساعه تسع
روحي شوفي لج شغله لين يجي المستر عادل
شوفي طلباته..وبعدين طسي ناااامي
™`•.¸¸.•¤¦¤`••._.• ][ســ الـشـوق 15ـر][ `•.¸¸.•¤¦¤`••._.•`™
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك