رواية الله يسامح اثنين جابوني للدنيا و راحو و خلوني -16
وفاء دخلت عرض:انااقولك وش نبي بس تكفين إمسكي اعصابك!!
دانا وهي تطالع بوفاء بصدمه :خييييير!
ام وفاء بسرعه قامت وحضنت دانا اللي كانت راح تطيح من طولهالأن ام وفاء حضنتها بقوه
ام وفاء وهي حاضنه دانا وتبكي:الحمدالله اني شفتج بعد كل هالسنين يابنتي
دانا !!!!!!!!!!!!!!!!!!ضحكت بصدمه وهي بتبكي:بنتك! مين بنتك!
ام وفاء:انتي
دانا وخرت ام وفاء عنها:انا!انتي وش قاعده تقولين باين عليك مخرفه
وفاء قامت وقربت من دانا:عيب عليك تقولين عن امك مخرفه
دانا بكت وقعدت تضحك بهستيريا :ههههههههههههههاا وبكت امي! امي مين انتي بعد!
ام وفاء مسكت دانا مع كتوفها وقالت لها بجديه:انا امج يابنيتي وراح اقولج السالفه كلها
وقالت لها كل السالفه
دانا حست انه راح يغمى عليها دموعها بدت تنزل بدون قيود على خدودها
وسرحت بأفكارها
يعني انا بحرينيه مو سعوديه
لا واسمي مها مو دانا
مستحيل اصدق مستحيل
بس وفاء تشبهني حيل
يعني وفاء تصير اختي من امي بس
مستحيل مستحيل
وبعدين هاذي اللي مسميه نفسها امي وينها عني كل هالسنين
السالفه اللي قالتها ماتشفع لها عندي
عمري ماراح اسامحها ابد
وماراح اصدقها بعد
ام وفاء كانت تكلمها وماترد عليها
وبشاير كانت تكلمها وماترد
وفاء تكلمها وماترد
ام وفاء خافت على دانا من الصدمه وعطتها كف
داناجلست على الكنب بقوه
وهي ماسكه خدهاوتتكلم بدون وعي :حتى انتي بعد تعطيني كف وانتي اول مره تشوفيني!
ام وفاء جلست جنبها:يابنيتي اناخفت عليج من الصدمه عشان جذي عطيتج كف
دانا صرخت عليها:لاتقولين بنتي وبكت لاتقولييييييييييييينهاا
ام وفاء مسكت يديها تترجاها:ماالومج يحق لج انا تخليت عنج 23سنه والحين بكل سهوله ييتج(جيتك)بس صدقيني غصب عني
بشاير كانت جالسه وماقدرت تبلع ريقها من الصدمه
ودانا كانت تبكي وتشاهق
سكتت ام وفاء تنتظر رد دانا
دانا طالعتها بنظرات مكسوره ومجروحه وكل الحزن فيها:خلصتي كلامك!
ام وفاء ساكته وتبكي
دانا قعدت تصرخ عليها:خلصتي كلامك خلصتيه خلصتيه وانهارت من البكي انتي كذابه كل اللي قلتيه كذب والله كذب مستحيل اصدق مستحيل
ام وفاء:حتى الشامه اللي فبطنج جذب
دانا طالعت فيها وهي تبكي
كملت ام وفاء~:حتى الشبه اللي بينج وبين اختج وفاء جذب
دانا وهي منهاره:لاتقولين اختي لاتقولينها اختي فاء على قولتك مو بنت حرام بنت جايبتها من الحلال عندها ام وعندها اب تربت بينهم طول عمرها
موب انا انا بنت حرام بنت جيت بسبة ان حبيبك خذاك معاه شقته
ليش طلعتي بحياتي ليش؟
انا قبل كنت مو عارفه اذا انا بنت حرام وإلا لا بس الحين عرفت وانكشفت الحقيقه انا لقيطه
انا قبل كنت اقول الله يسامح اللي جابوني لـ هالدنيا وراحو وإتركوني
بس الحين يوم عرفت الحقيقه
الله لايسامحكم
اكرهكم
اكرهكم
اكرهكم
اشرت على ام وفاء بإصبعها المرتجف:لاتفكرين اني بيوم من الأيام بقولك امي مستحيل لوتموتين ماراح اقولك امي تفهمين
انتي موامي ولااتشرف انك تكونين امي
وهاذي اللي جايبتها معاك مو اختي
عارفه ليش لانك امها
اكرهكم
بشاير كانت تبكي وتشاهق
وفاء تبكي وراحمه دانا
ام وفاء تبكي ومتقطع قلبها على دانا
قامت دانا وراحت عند الباب وفتحته
ووقفت عنده:يلا تفضلي انتي وبنتك من غير مطرود بسرعه
ام وفاء قامت وجات عند دانا تترجاها:يابنيتي تكفين سمعيني ترى حتى انا تعذبت مثلج واكثر والذنب مو ذنبي صدقيني و
دانا سدت اذانها بأصابعها:مابي اسمع ولاششششششي يكفي كذب
لاتقولين انك تعذبتي
اللي تعذبت انا مو انتي
اللي الخوف سكنها انا موانتي
اللي جسد بدون روح انا موانتي
جبتيني انتي وحبيبك
ورميتوني لـ الزمن والناس اللي ماترحم
جبتوني وقتلتوني واناحيه
صرت ضحية فعايلكم القذره
تعذبت
تعبت
تألمت
بكيت
وماكان فيه حضن يلمني
كل شي حلو إنحرمت منه
ولايوم حلو شفته بحياتي
كل ماافرح واضحك
لازم ادفع ثمن هالضحكه
كأن الدموع مخلوقه عشان عيوني
انصدمت عرفت حقيقتي من اخواني لماا كانو يتشاورون عـ الورث ومايبوني اشاركهم فيه
لماعرفت ماكنت ادري وين اروح
تعرضت للتحرش من اقرب الناس لي
بشاير بكت اكثر كانت عارفه انها تقصد عبدالعزيز
خسرت اغلى شخص بدنيتي
تطلقت بفترة ملكتي
وشفت كل انواع العذاب
يعني ماراح اسامحك لا انتي ولا الحيوان اللي كان حبيبك
لاتفكرين بيوم من الأيام اني راح اقول ابوي وامي
مستحيل
انا عمري ماحسيت بـ هالكلمتين ولاعرفت معناهم
انا لقيطه وانتم عمركم ماراح تحسون بإحساسي
حتى انتي ياللي تقولين انك مااقدر انطقها مااقدر اقول أمي مااقدر
لاني عمري ماراح اعترف فيك
يلا يلا براااااااااااااااااا
ام وفاء:بسـ
دانا قاطعتها:اقولك برااااااااااااااااااا انتي وياها براااااااااااااااااااااا
وفاء اخذت امها وطلعو
دانا شهقت شهقه طويله حست روحها بتطلع
وإنهارت وطاحت عند الباب
بشاير صرخت وهي تمسح دموعها قربت عندها وهزتها:دانا دانا وش فيك
ماعرفت وش تسوي بس ماكان قدامها إلا انها تدق على عساف
راحت بسرعه لغرفتهاوجابت الجوال ودقت على عساف
عساف:هلا
بشاير وهي تبكي:عساف انت وينك
عساف:توني جاي من النادي خير وش فيك
بشاير:بسرعه تعال الله يخليك دانا طاحت علي ومافيه احد بالبيت بسرعه تعال
عساف خاف عليها:بسم الله عليها وش فيها؟
بشاير:انت تعال وانااقولك كل شي
عساف:يله ثواني وانا عندك,, وسكر منها
بشاير راحت عند دانا وكانت جثه على الأرض وقعدت تنتظر عساف وهي تبكي
كلها دقايق وجاء عساف
راحت بشاير تركض وفتحت له الباب
دخل بسرعه
وشافها طايحه عند الباب
انهبل من شكلها
قعد يضربها على خدودهاويمسح الدموع اللي ماليه وجهها:دانا ,,دانا حبيبتي تسمعيني!
دانا فتحت عيونهاونزلت دموعهاوقالت بهمس:عساف تكفى بسرعه الحق علي ولدنا بيموت بيموت وسكرت عيونها وانينها يقطع القلب
عساف مومستوعب شي حس انه بيبكي:هاذي وش قاعده تقول
شالها بين يديه وراح يركض فيها للسياره
بشاير جابت عباية دانا وهي تبكي:عساف تكفى لاوصلت المستشفى طمني
عساف مارد عليها وكان مستعجل
ركب دانا ولحفها بالعبايه وركب سيارته:جاء بيسوق وطالع ثوبه كله دم
وإنجن ساق بأقوى ماعنده
وهو كل شوي يطالع ورى ويتكلم بصوت عالي لأنه خايف موت على دانا اللي صوت أنينها إختفى وصارت كأنها جثه حتى تنفسها ضعيف:دانا لاتخافين حبيبتي كلها شويات ونوصل للمستشفى ولدنا ماراح يموت وانتي راح تكونين بخير
ماراح تموتين وتخليني
ماراح تموتين
ماراح تموتين
سامعتني يادانا
ماراح تموتين
ونزلت دموعه
بليلة برد وبرق ورعد *** من خوفي بكت عيني
ولا أحد يحس فينــي *** أنا من لي أنا ويني
يايمه ليه تركتينــي *** بلا حس يدفينـــي
يايمه هانت دموعـي *** يايمه هانت سنيني
يادنيا وينهـا أمي؟؟ *** ليه يايمه تعافيـني؟؟
أنا بنتك أنا أنتي *** أنا ياكيف تنسيني ؟؟
أنا شسويت يايمه *** أنا شذنبي أنا شفيني
أنا غلطانه يايمه *** أنا ياكيف بعتيني ؟؟
ياليتك جاهله يمه *** وبإيدك وأدتيــني؟؟
ياليتك قبل ما أحيى *** أنابجوفك قتلتينــي
أنا شسويت يايمه *** أنا شذنبي أنا شفيني
يايمه أحلف بربـي *** دعاء منك يحمينـي
يايمه ياترى وحشتك *** مثل ماأنتي وحشتيني
يايمه وينها عيونك *** من دموعي تواسيني
يهون عليك يايمه *** بلا أسم تخلينـــــي
أنا مها أنا دانا؟؟ *** أنا كيف بتنادينـــي
أحس ببرد يايمه *** أبي صدرك يدفينــي
أحس بخوف يايمه *** أبي قلبك يغطينـــي
أنا شسويت يايمه *** أنا شذنبي أنا شفيني
حملتيني وسط جوفك *** وللوحدة رميتينــي
وكنت أسمع صدى نوحك *** يوم أنك ولدتيني
أبد ماهانت دموعك *** يوم أنك بكيتيـــني
يايمه أسألي سجودي *** بأعلى الصوت يدعيني
يايمه أسألي ركوعي *** من حالي بيرثينـــي
يايمه أسألك أنتــي *** الى يومك تحبينـــي
يهون عليك يايمــه
*** بثوب العار تكسينــي
يهون عليك هالعالم *** لقيطة عندالمسجد يسمونــي
يايمه سامحك ربـي *** يوم أنك شقيتينـــي
يايمه سامحك ربـي *** يوم أنك خذلتينـــي
يايمه سامحك ربـي *** على مر جرعتينــــي
يايمه أنتي مو أمي *** أنا أمي ما تخلينـــي
ياأنتي أيه ياأنتي *** أبي تنسين عناويــنـي
وأبي تنسين يــوم *** أسود يوم أنك ولدتيني
وكل يومي أنا بدعي *** لباس الصبر يكسينــي
وأنا مؤمنه برب الكون *** خلقني مايخلينــــي
وأنا مؤمنه برب الكون *** خلقني مايخلينــــي
وصل عساف للمستشفى بسرعه نزل من السياره
فتح الباب اللي ورى شال دانا
ودخل المستشفى وهو يمشي بسرعه
وينادي الممرضه اللي كانت واقفه عند قسم الإستعلامات
سستر
سستر وزفت
جات الممرضه وجابت سريرعساف حط دانا على السرير
إجو مجموعة ممرضات ودفوها وهم مستعجلين
وعساف متضايق وخايف عليها خايف انها تضيع من بين ايديه
دخلوها غرفة العمليات
وعساف كأنه قاعد على جمر مل وهو ينتظر
لهم أكثر من ساعتين داخل مدري وش يسوون
وأخيرا طلع الدكتور
عساف تنفس بإرتياح:ها ,,بشرني يادكتور
الدكتور:للأسف
عساف خاف وقعد يطالع الدكتور وكأنه يقول بسرعه تلكم دانا صار لها شي
كمل الدكتور:فقدنا الجنين لانو واضح انو المدام تعرضت لصدمه ئويه كتير وفقدت السيطره على التحمل وإنهارت نحنا عملنا لها تنضيف وهلأ راح نطالعها من غرفة العمليات لغرفه عاديه
عساف مصدوم مسح وجهه بيده وتنهد:طيب أقدر أشوفها
الدكتور:إيه ,,بس مش هلأ لأنو المدام تعبانه ومحتاجه وئت لتنام وترتاح
عساف:أوكي,, بس بدخل عندها واشوفها ثواني بس ,,
الدكتور:أوكي
وراح
طلعوها من غرفة العمليات
عساف ماشال نظراته عنها
دخلوها بغرفه عاديه
هو تنهد وقعد على الكراسي
وكلم بشاير يبي يفهم منها السالفه
وطمن بشاير انها بس تعرضت لصدمه قويه والحين هي بخير بس نايمه ومحتاجه لـ الراحه(وماقال لبشاير عن حملها والجنين اللي سقطته لأنه هو أساسا مو فاهم شي)
وقالت له بشاير السالفه كلها
كان مقهور من دانا ويبي يعاتبها بس لما عرف ان السالفه كذا
رحمها
وقرر انه مايعاتبها لأنهاموناقصه واللي فيها مكفيها
تنهد نتهيده طويله
ودخل عندها
جلس على طرف السرير
وقعد يمسح على شعرها
ويتأمل فيها
ياحبيبة قلبي يادانامسكينه ماتستاهلين اللي صار لك هذا كله
حياتك كلها عذاب الله يكون بعونك
كان قاعديحلق لحيته
ويتأمل شكله مو مصدق هالتغيرات اللي صارت له ابد
كل يوم تصير ملامحه رجوليه أكثر وأكثر
كمل حلاقه
ولما خلص
غسل وجهه وجففه
وطلع من الحمام وانتم بكرامه
وكان شكله طالع خقق >>>مره يجنن
لابس تي شيرت بدون اكمام اسود
وبنطلون بجامه زيتي فاتح
جعد شعره البوي بالجل
ونزل تحت
عند حنان وامه
عشان يتعشى معاهم
حنان قعدت::وه وه يمدينا يمه على هالوسامه
امها:هههههههههههه لا ابد
حنان:يالبيه
فهد سحب كرسي وجلس وقعد يلعب بشعره وهو مبتسم
حنان تطالع فيه:هههههههههه لايفوتك يمه فهود وهو مستحي يوم كنت بنت وانت ماتعرف الحياء ابد
فهد طالعها بنظرة تهديد:احترمي نفسك احسن لك
حنان:هههههههههههههههههههه احلى احلى
حسناا:حنانوه خلاص عاد
حنان:شفيك يمه حرام امزح
فهد:فكينا من مزحك
حنان:إن شاءالله طال عمرك ههههههههه
حسناا:يلا سمو بالله
فتحت عيونهاوطالعت السقف
ومرت الأحداث مثل الحلم قدامها
حطت يدها على بطنها
وبدت عيونها تمتلي دموع
طاحت عينها بعينه وهو توه داخل وكان معاه علبة مويا
بسرعه قرب منها وحط يده على يدها اللي على بطنها:الحمدالله على السلامه
دانا ماردت عليه وقعدت تبكي
عساف:والله مدري شقولك بس الله كريم ياقلبي
دانا:جنيني اللي بقى لي منك مات!
عساف:الله يعوض علينا ياقلبي
وبعدين وش هالكلام انا كلي لك
دانا:ماابيك ماابيك اكرهك اكره كل شي بحياتي
عساف إنصدم منها :ليش انتي قاسيه علي كذا ليش!
دانا شهقت:بس كيفي,,حسبي الله على وفاء وامها اللي فبطني مات بسبتهم
خلاص عساف اطلع برى انا مو طايقه احد مو طايقه حتى نفسي
عساف :حتى انا مو طايقتني؟
دانا بكت
عساف:دانا أناعجزت افهمك مره حنونه ومره قاسيه
وكل تصرفاتك تبين انك تحبيني وتبيني
ليش تسوين فيني كذا ليش؟؟
دانا انهارت وقعدت تبكي بصوت عالي:عساف الله يخليك خلاص اسكت
عساف مسك يديهابقوه بكل إيديه:لاماراح اسكت انتي كنتي بتروحين مني وتتزوجين واحد غيري وانتي حامل مني حرام عليك اللي سويتيه والله حرام
داناسحبت ايديها منه:لانك مو حاس بالعذاب اللي فيني
انا كابرت وقلت اني مابيك لانك اهنت كرامتي
واتهمتني بشرفي وماإرتحت إلا لين تأكدت
وتبيني انسى مستحيل حتى لوكنت احبك وابيك
كرامتي فوق كل شي
وكنت بتزوج اللي تقدم لي بس عشان افتك من المشاكل ويظنون اني حامل منه
عساف قاطعها~:طيب أنتي مومجبوره تتزوجينه لأن اللي فبطنك مات
مع انك كنتي غلطانه كنتي تبين تحرميني من طفلي
ولو انه مامات كان انا ماعرفت انه طفلي
وبعدين أناادري اني غلطان
ومستعد ابوس رجليك بس عشان ترضين علي
وترجعين لي ونتزوج واسوي لك احلى حفلة زواج
بعدين شلون طاوعك قلبك تتزوجين غيري
وإلايعني بس تبين تقهريني
انا احترق واموت الف مره
كل ماتذكرت
انك راح تنامين معاه
وتضمينه
وتبوسينه
وتسولفين معاه
وتاكلين معاه
وتجيبين منه عيال
وبتعيشين عمرك كله معاه
وانا اتعذب من فراقك
وانتي موحاسه
دانا:عساف تكفى بس خلاص يكفي(كان ودها تقوله انا بكون مع اللي بتزوجه جسد بدون روح بكون معاه بجسمي بس عقلي وقلبي معاك وكل شي فيني يقول اني أحبك)انا هذا اللي الله كاتبه لي وانت الله يسعدك مع غيري
عساف:انا سعادتي معاك وتعاستي مع غيرك
دانا:خلاص إطلع انا تعبانه وابي ارتاح
جاء بيطلع
وقفه صوتها الباكي:عساف
عساف وهو معطيها ظهره:ياعروق قلبه
دانا:الله يخليك مابي احد يدري عن موضوع حملي وإني أجهضت وكذآ
عساف إنقهر منهاتوقعها بتقول له لاتروح وتتركني بس حسافه ماكل مايتمناه المرء يدركه:افا عليك ولايهمك ياأقسى ماخلق ربي,, وطلع
دانا حطت ايديها على وجهها وهي تبكي
ودها انه ماراح
بكت حبها الي ضاع
بكت حقيقتها المره
بكت طفلها اللي مات بين احشائها وهو مابعد إكتملت خلقته
قعدت تتقلب على السريروهي تتهأوه من القهر والحسره
من طلع من عندها من المستشفى وهو متضايق حيل
من كلامها الجارح وقسوتها عليه
قعد يلفلف بالشوارع مايدري وين يروح
نزلت دموعه غصب عنه
مومصدق ان دانا كلها ايام وتكون على ذمة واحد غيره
ليش يادانا سويتي كذا ليش
طالع الدم اللي على ثوبه
رفع ثوبه وباس الدم
آه بس
يآرب ساعدني
مدري وش اسوي
اليوم خسرت طفلي
وخسرت حبيبتي للأبد
,,,,,,,,,,,
,,,,,,,,,,,,
تجمع كل شي فيني ردى حظي وشين ضروف
ولاادري وش اسوي باالزمان اللي تبلاني
إلامني بغيت اضحك دخلني وسط جوفي خوف
وذكرني ليال الهم وبعد الضحك بكاني
يجلس لين يسهرني ويغزل من همومي صوف
واذا البسني ثياب الهم راح هناك وخلاني
ولايبعد عن عيوني اشوفه قدام عيني شوف
يخاف اني ابي اضحك يرجع لي يتحداني
سبايب من خذت قلبي وراحت فيه وانا مكتوف
بعد ماكنت انا المحبوب خذاها واحدن ثاني
تلاقينا وهي تبكي تقول ابعد ولك معروف
تراني صرت موملكك وابعد عن ياالغالي
تعاشقنا انا وياها على الحب وغلظ حلوف
ولكن الظروف تحول في بعض الأحياني
انا ياكيف ابنساها وهي في وسط قلبي مسكنها
وانا لامن سهرت الليل بإسمها يردد لساني
اساهر باالسماء نجمن واسمي باسمها واطوف
واعيد ايامي وياها ودمعي جرح اوجاني
وهذي حالة اللي صار قلبه باالهوى مخطوف
سكنت به دانة (ن) تزوجت واحدن ثاني
أتمنى يكون هالبارت أعجبكم ~_^
حبايـبي لعيونكم نزلت البارت بدري قبل الساعه اللي حددتها لكم
وإن شاءالله يعجبكم
يلا تفضلوا وقراءه ممتعه
,,,,,,,,,,
البارت العشرون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك