رواية من أعماق أحضان مجنونة -16
فاضية لي عندها المستشفى والبيت وزوجها؟
واحمد بعد فوق دوامه بالمستشفى وزوجته وحياته صار يداوم اللحين عندك بالشركة يعني من كثر وقته يبى؟
اه..ياغسان....اشتقت لك......الله يوديك بالسلامة ويجيبك بالسلامة,,,
بشاير بحدة ممكن افهم وش اللي جايبك وراي؟
مشاري وهو يقولب بالاغراض اللي جنبها لازم تسمعيني؟
بشاير تركت القطعة اللي بيدها وقالت بعصبية خفيفة ماابي غصب؟
مشاري بنفس الحدة أي غصب؟
بشاير وهي تصد عن عيونه لاوالله؟
مشاري شوفي بشاير..
بشاير شوف انت يامشاري....حياتك مع مريم انا مالي شغل فيها؟علاقتكم وكيف ارتبطتوا مع بعض ماتعنيلي أي شي فاهمني!
مشاري بتنهيدة لامو فاهمك...ولاابي افهم بعد!!ابيك تسمعيني...
عطيني فرصة اكلمك فيها ونتكلم..
بشاير ماابي اكلمك....روح ..امشي....
مشاري بهمس بشاير..
غمضت عيونها وتنهدت...كانت حابسة دموعها ونفسها ...خافت تدمع قدامه ويشوف الحب بعيونها والفراق اللي ذابحها..وخافت تتنفس وتقوله احبك مع انفاسها وتنفضح!!!
مشاري بنفس الهمس انا احبك وانتي بعد تحبيني...انا عارف ها الشي..
قالت بدون ماتلف له لامو صحيح...انا مااحبك..
قالتها بتقطع..
قال بعد تنهيدة حرقتها هي من طلعت منه وريني عينك علشان اتاْكد؟
بشاير وهي تمسح دمعة نزلت وماصبرت تظل محبوسة مشاري...انت تصير زوج بنت عمتي....فاهم يعني شنو؟الله يوفقك معها؟
قالتها بغصة وحرقة..
تنهد وقال بس انا احبك...وانتي ...
لفت له بسرعة ورفعت كفها بوجهه وعيونها كلها دموع وقالت باعتراض لا...
مشاري بهمس خلينا نطلع برى ها المحل ونتكلم مو حلوة وقفتنا كذا!
بشاير مالازم نقول أي شي يامشاري ....لازم تروح وبس!!!
مشاري مستحيل...انتي تركتيني ومشيتي بدون مااعرف لك طريق....واللحين يوم شفتك ماراح اتركك تروحين مني من جديد ياقلبي...
انا عارف انك شاكة اني اخذت مريم عن طريق علاقة بس لا يابشاير لا..انا مااعرفها ولا احبها..وحتى يوم عرفتها ماحبيتها؟وحتى يوم حاولت احبها ماقدرت احبها؟
لاتفكرين ان انا اقولك ها الحكي علشان اجاملك واقولك اني من شفتك ردت لي اشواقي لا؟؟
انا فعلا احبك وادري انك تحبيني ,,
كل اللي ابيه منك...تسمعيني..وتخلينا ننسى الماضي لاني فعلا تغيرت يابشاير...
انا احبك...
تعال ننسى ماحصل ياهوى الروح..ونجدد الفرحة مع المقبلاتي
مافي الزعل بين المحبين مصلوح..حكم ضميرك والتفت ياغناتي
غلطان في حكمك على قلب مجروح.
لو انت في وضعي تسوي سواتي..
تستاهل الدمعة وتستاهل النوح..لاشك ماغيرك ملك ذكرياتي,,
فيني تسي الظن واقول مسموح..عندي امل في يوم تذكر وصالي,,
طول الليل كان سهران عند البوابة...
ليش مايدري بس الاكيد علشان يتنفس الهوى اللي هي تركته له اليوم هنا..
وعلشان يدوس الارض اللي داستها برجلها؟
تنهد بعمق وهو يفكر بحاله وبجنونه....
معقول لها المستوى ياجراح وصلت!!
بلى..اصلا من زمان انا وصلت له ومحد حاس فيني...
اه ثم اه ثم اه ياقلبي...
شسوي فيك وبعذابك اللي معذبني اياه...
شسوي بها النار اللي بصدري وكاويتني....
احبك يابعد كل البشر والناس....ليتك بس تدرين بحبي لك..
مو لازم تحبيني بس اعرفي ان في واحد يتنفس حروف اسمك,,,
معقولة هي عارفة اني احبها ومتجاهلتني؟
اكيد ماتدري ياجراح هي مرة وحدة اللي قلتها لها قبل سنتين وبس؟؟؟ويمكن ماعرفتك يومها؟؟
لا ياجراح حتى لو كانت هالة تدري عن حبك ماراح تبالي فيك ولاانت ناسي انها متزوجة وعلى ذمة رجال ثاني!!!
ياترى ياناس هي تدري بصوابي؟
ولاانا متعلق ومحد درابي؟
عايش بااحلام ليلي واتخيل؟
واطرد امالي مثل طرد السرابي..
وياترى ياناس هي تدري باني..
ماانام الليل والخفاق ذابي..
خبروها بحالتي ياللي تجونه,,
خبروها بنتظر منها جوابي
قولوا انه قال له ابيات شعر..
مطلعه ياسيد تلعات الرقابي..
ياعويد البان ياحبي الحقيقي,,
يادوا جرحي وياقمة عذابي..
لملم اللي هام في حبك وحلق,,
لين وصل في محبتك السحابي,,
ارحم اللي جاب فكره ثم ودا,,
ثم ودا فكره وعود وجابي,,
ومن كثر ماراح في فكره وعود,,
صابه بعقله كذا نوع التهابي,,
يعني لو عقلي وتفكيري ياروحي,,,
هو رصيدي والحساب اللي بقابي..
فاعرف انه مع مرور الوقت لازم..
ينتهي ويضيع ماكان بحسابي,,,
يعني ان شهار تستقبل جنابي,,,
ودامني انجنيت ياسبة جنوني,,
وش يفيد مقابلي والا شبابي!!!
ابو مطلق وش عندك ياحرمة؟
ام مطلق بغيت اكلمك بسالفة؟
ابو مطلق خير ان شاءالله؟
ام مطلق سكتت..
ابو مطلق باهتمام وش فيك ياشيخة؟
ام مطلق سلامتك يابو مطلق ولاشي..
ابو مطلق العيال فيهم شي...
ام مطلق لا
ابو مطلق اجل وش صاير؟
ام مطلق بتردد جراح؟
ابو مطلق شفيه؟
ام مطلق بعد تنهيدة كنت بقولك......ابو مطلق وش رايك نزوج جراح؟
ابو مطلق هو قايل لك؟
ام مطلق لا..
ابو مطلق وخير ان شاءالله ليه تبين تزوجينه؟
ام مطلق لمتى بعد اخليه....وش اللي قاصره اصلا علشان مايتزوج ويستقر؟
ابو مطلق بحدة لا بغى يتزوج بيتزوج؟
ام مطلق واذا عمره ماقال بتزوج اتركه على راحته؟
ابو مطلق اذا عمره مايبي يتزوج...فعمره ماراح يتزوج ولاعمري بغصبه على الزواج؟
ام مطلق وش ها الحكي عاد يابو مطلق...تتركه بكيفه؟
ابو مطلق تنهد وشال صورة بنات مطلق اللي جنب فراشه...
ام مطلق ......
ابو مطلق بحسرة اغصبه على الزواج مثل اخوه وهو مايبي؟وتكون هاذي النتيجة؟
مد لها بالصورة....
وسكتت..
ابو مطلق يكون هو بوادي وعياله بوادي ثاني؟؟
لاياام مطلق لا....الا الزواج اذا مابيجي برغبة منهم فماراح اجبرهم اصلا!!!
تنهدت ام مطلق وسكتت..
ام وليد طلعة مافي طلعة؟
وليد وليه ان شاءالله؟
ام وليد لان انا دمي محروق وماابي احد يزيد علي ؟
وليد انتي دمك محروق انا شكو؟
ام وليد شوف اللي مايستحي؟
وليد بلااهتمام وش تبين اسوي لك يعني؟
ام وليد اقعد بسولف معك؟
وليد قعد وهو يتاْفف شنو؟هذا احنا قعدنا ياام وليد...
ام وليد بكره احمدوا بيذبحني؟
وليد وش مسوي بعد الاخ الكريم؟
تنهدت ام وليد وسكتت..
وليد من يوم يومه وهو مسوي روحه شي وهو خرطي؟علشان شنو صيدلي شايف حاله علينا الاخ زوج القروية؟
تنهدت ام وليد وبعدها قالت بهدوء وليد...انا بزوجك؟
وليد باعتراض لا
ام وليد شنو اللي لا....
وليد انا مو قد مسكة وتربيطة؟
ام وليد شنو يعني؟
وليد يعني زواج مو وقته اللحين...
ام وليد أي بس انا ابي الغي وجود احمد من قائمة ابوك واحطك انت الامر الناهي عنده وكلمتك هي المسموعة؟
وليد بسخرية وش دعوة اذا تزوجت بتتغير نظرة ابوي لي ولاانا بتغير اصلا!!
ام وليد بخبث يعتمد على الحرمة اللي بتتزوجها؟
وليد ليش ان شاءالله بتزوجيني ملكة بريطانيا واورث عنها الحكم؟
ام وليد بهدوء لا..بزوجك زينة بنت بومشاري؟
سكت وليد وكملت هي وهي تتكلم بثقة وماعند ابو مشاري اغلى من زينة واذا حبتك عيني ماضامك الدهر؟
فهمتني..وفهمت كيف بتوصل انت العلالي وبيطيح احمد بالحضيض؟
اليوم الثاني الصباح,,,,,
كان بالمستشفى وتحديدا بالصيدلية مكان عمله,,,,
كان الجو بارد ومافي لحد اللحين أي مريض جاي يصرف له وصفته...
جلس يشرب له كوب شاي وهو متسند بارتياح,,,,
جاه مسج وكانت فيه نشوة مو طبيعية.علشان يفتحه,,,
يمكن لانه عارف اليوم شنو؟ولا لانه عارف بيكون من منو؟..
اليوم عيد ميلاده...
والمسج اكيد من ريم قلبه..ريم الجزيرة..الريم الغالية,,,
عسى ربه يحفظها له...لو شسوى يحس انه دايم مقصر معها,,,,
يالله الليلة ان شاءالله تكون حلوة مثل كل ليلة..لايااحمد الليلة فيها مناسبة يعني بتكون احلى من كل ليلة..
هذا اللي كان يشغل باله وهو يفتح المسج...
قراْ المسج وابتسم,,,
عيد ميلادك حبيبي واحد وعشرين سبعه
اه ياليت اني انولدت فيوم ميلادك حبيبي,,
اجمل اوقات العمر فرحه مع ضحكه ودمعه,,
واروع اللحظات عندي بسمتك قرب المغيبي..
ياللي تملك م الحلا كله ولا بقيت لمعه,,
لين ماادمنت شوفك والبعض سماه عيبي,,
والله انهم لو يشوفوا كفك الطاهر وصبعه,,
كانوا اتمنوا عيوبي واحسدوني في نصيبي,
وان رحلت استنزعوا ريحة مكانك حيل نزعه..
صابت سهومك مهجهم واستويت انته حسبي.
واستوى عيبي فخرهم سمعه وياعز سمعه,,
ياللي لامني ذكرتك هاتفي باسمك يجيبي,,
وابحر فعالم روائي من عقب جمعه لجمعه..
واختلج كل الحروف بمسمعي واروى قليبي,,
ياللي ذكرت الحنايا بعيد ميلادك بسبعه,,
مانسيت العيد والله والفكر صوبك لبيبي..
كنت انا اتمنى هدية عيدك ارض وسط درعه,,
بس انا ظروفي عنيده وابشر فباكر حبيبي..
لك ابارك ياحياتي عد ماللزير فزعه..
عد ماطير الكناري صوته النادر رهيبي..
قرب وقرب فديتك طفي يالله كل شمعه..
وامزج الفرحه وداد وضحك بفواد طريبي..
عيد ميلادك حبيبي واحد وعشرين سبعه,,
اه ياليت اني انولدت فيوم ميلادك حبيبي,,(حبيبي حمود....كل عام وانت بالف صحة وسلامة,,,
كل عام والحب بينا يارب يكبر اكبر واكبر...
مااقدر اوصف لك فرحتي بعيد ميلادك...احلى يوم بالدنيا...لانك جيت فيه لهالعالم وحبيتك....
بنتظارك الليلة على نار......ريمك)
اشوفكم يوم الاثنين على خير يالغلا,,
هلا وغلا فيكم من جديد..
الف الف الف مليون شكر لكم من اعماق قلبي والله يحفظكم يارب,,
البارت الثاني والعشرين,,,
نسايم يمه شسويتي مع سالفة جراح؟
ام مطلق بتنهيدة ولاشي..
نسايم شلون يعني ولاشي..
ام مطلق كلمت ابوكم ومارضى؟
نسايم اللحين أي الاهم يمه جراح ولا ابوي؟
ام مطلق ابوك اقنعني يانسايم يايمه؟
نسايم أي وبعدين...
ام مطلق ولاشي بس ابوك مايبي حياة جراح تصير كربون عن حالة مطلق اخوك مع بناته؟
نسايم يمه...انتي اللحين اخذي جراح ودخلي في راس عروس المستقبل وظلي مقابلتهم بعض لين يقتنع فيها...يمه ترى عيالك مابيجون ويقولون لك نبي نعرس لا؟انا اعرفهم؟؟
ام مطلق أي بس يانسايم انا اقتنعت بها الشي وحكي ابوك عين العقل؟
نسايم هذا لان يمه هو ماشاف زينة بعده؟
ام مطلق زينة؟بنت بو مشاري نسايب عمتك ام وليد؟
نسايم أي يمه زينة...لازم نخطب زينة لجراح....هذولا صدق يكملون بعض...عيال عز..وشباب وجمال ووسامة واناقة ودلع وحلاوة وش يبون بعد؟
ام مطلق بتفكير زينة؟بس احنا ماشفناها غير امس يانسايم؟
نسايم هم لو ماهم ثقل وسمعة وعيال ناس ماناسبتهم عمتي وانتي تعرفينها؟
بشاير لا...
رفعوا رؤسهم لها وهي اللي من بداية السالفة كانت بعيدة وساكتة..
نسايم بحدة وخير ان شاءالله؟وش عندك انتي...تسكتين تسكتين وبعدها تنطقين بمغثة؟
بشاير بارتباك الا جراح محد يفرض عليه شي...يمه اخواني انا اعرفهم وانتي شفتي مطلق يوم انفرضت عليه زوجته وش صار؟يمه اتركيه يختار بنفسه؟
نسايم بحدة عمره مااختار؟خل امي تزوجه حاله حال الاوادم انتي شكو؟
قامت ام مطلق عنهم وتركتهم بروحهم..
نسايم بحقد انا ابي افهم انتي ليه دايم تعاندين وتخربين الاجواء؟
بشاير وطاري ان مشاري بالسالفة مشربكها انا ابي مصلحة اخوي؟
نسايم وزينة هي مصلحته؟
بشاير بعناد لاتقعدين ترسمين وتخططين على كيفك؟شوفي ترى بقول لجراح انها ماتصلح وبكرهه فيها لين يقول لا ؟
نسايم بحدة لانك حقيرة؟
بشاير طالعة لك...
سكتوا ثنتينهم بعدها قالت نسايم وكانها تذكرت تعالي الصدق...انتي امس يوم تجي زينة تسلم علينا ماشفتك وين رحتي وليه رحتي اصلا!!
بشاير بارتباك انا يوم شفتها مقبلة شبهت عليها وحدة اعرفها قلت خل ابعد لااضطر اسلم عليها وبعدين يوم مشيت تاْكدت انها مو هي ف قلت مو حلوة ارجع خل اكمل ادخل المحلات..
نسايم باحتقار مااقنعني الكلام؟
بشاير بعصبية قصدك تقولين اني اكذب يعني!!
نسايم يعني!!
بشاير انا مااسمح لك تسمعين؟وبعدين ماهميتيني اذا صدقتي ولالا؟
دخلت دارين البيت مع دخول مطلق..كل اللي كان يفرق بينهم ثواني بس يوم تدخل سيارته الكراج وهي دخلت بعده..
كانوا فيلا ام وليد جنب فيلا اخوها ابو مطلق وبوابتهم على نفس الخط وفيلا عيال العراقية ابعد عنهم شوي....
كانت اروى واقفة برى تحوس بجوالها جنب الباب..
دارين تقدمت منها وكان مطلق طلع من سيارته وقام يمشي بالهون علشان يسمع سوالفهم...
دارين اووووف الجو لايطاق صراحة؟
اروى ناظرتها ورجعت تناظر بالجوال وتحوس فيه..
دارين بمرح وانتي مو حامدة ربك بنعمة التكيف اللي عندك داخل طالعة تنصهرين برى؟
اروى بحدة كيفي انصهر مثل ماابي انتي وش لك عندي!!
وقفت دارين ثواني وسكتت حست ان مزاج اروى قالب وفيها شي..
دارين فيك شي يااروى؟
اروى سلامتك يعني وش بيكون فيني!!
دارين وليه تكلميني كذا!!
اروى بس.....واذا تبين اذكرك...يقولون خاويني واخاويك واخذ زوجك واخليك؟
دارين مافهمت؟شنو يعني؟
اروى اقول...مو فوق شينه قواة عينه...
دارين بلااهتمام انا مو عارفة عن شنو انتي تتكلمين؟واذا عندك شي قوليه بلالف ودوران؟
قالتها ودخلت فيلتهم...
مطلق بسخري تهاشوا بنات ابو احمد,,
تنهدت اروى وسكتت..
مطلق هي غلبتك ولاانتي غلبتيها؟
اروى بحقد حقيرة...طول عمرها امي تقول عيال العراقية مثل امهم مالهم امان وانا مو مصدقة لين قرصتني بنت ال...
مطلق شال نظارته الشمسية وقال باهتمام مافهمت؟
اروى بقهر مو قهر انك يجيك حلم ويجيك شي لك انت وياخذه غيرك وهو يضحك بوجهك ويخرب عليك بس المهم ماتفرح انت!!
مطلق هي؟
اروى بحدة وفي غيرها بنت العراقية..لكن وين بتروح مني والله لااوريها نجوم الظهر وانا بنت امي؟
قالتها ودخلت..
مطلق وهو بمكانه الله يرحمك يادارين...والله قلت ببتدي معك قصة جديدة وحب جديد وننسي بعض هموم بعض بس ماصار نصيب!!!
عيال ام وليد ناويين لك على نية شينة؟
ممكن اجلس معك؟
تلفت غسان وشاف بنت واقفة قباله...
ناريمان ممكن؟
غسان بهدوء تفضلي..
سحبت لها كرسي وجلست وهو راحت عيونه الارض....
ناريمان بعد سكوت دام ثوني اذا مضايقتك بقوم اشوف مكان ثاني؟
غسان باعتذار لاابدا....مافي شي؟
ناريمان صار لي كم يوم هنا وهذا اول يوم اشوفك فيه؟
غسان توه بادي كلاسي...
ناريمان انت باي سنة؟
غسان الثالثة ان شاءالله..
ناريمان اممممم انا توي سنة اولى..طالبة جديدة...
قالتها وسكتت..
غسان الله يوفقك...وانتبهي زين ترى كلية الحقوق صعبة مو أي كلام؟
ناريمان بزعل انا كنت ابي هندسة ماابي حقوق؟
غسان وليه دخلتي اجل؟
ناريمان بنفس الزعل علشان امي وابوي..
غسان اللي انا اعرفه ان الدراسة رغبة مو اجبار؟
تنهدت وسكتت وسكت هو بعدها قالت انت داخل برغبتك؟
غسان الحمدلله....
ناريمان لهجتك ماهي كويتية انت مو كويتي صح؟
غسان لا انا سعودي ولي الفخر...
ناريمان والنعم والله بااحلى ناس...بس تراني انا بعد نصي سعودي؟
غسان ببتسامة جذابة والنص الثاني وين زاحف؟
ناريمان بهدوء قطري....
غسان ماشاءالله..
ناريمان بهدوء واهل امي اصلا كويتيين يعني انا لسه عندي هنا اهل ..
غسان بضحكة جامعة دول مجلس التعاون ماشاءالله هههه اقول ماعندك بعد من البحرين اهل ولا من دبي؟
بان عليها الاحباط وقالت بزعل لاتسخر؟
غسان باعتذار انا اسف مو قصدي شي والله..
تنهدت وشالت اغراضها وقالت فرصة سعيدة اني شفتك وتعرفت عليك....اتمنى لك التوفيق؟
قامت وهو يناظرها وماعرف حتى يقول كلمة زيادة..هو ماقصد شي...بس يمكن البنت حساسة ولاعندها شي لانه متاْكد انه مايعني أي شي...
بس فيه شي جذبه لها شنو ياترى؟
حجابها...معاه بنات كثير محجبات...يعني مو هذا السبب؟
سوالفها...ماقالت شي..
بس تدري ياغسان يمكن لهجة الحزن اللي بصوتها...يمكن حسيت انها زعلانة ومتضايقة من شي وهذا اللي خلاك تسولف معاها...
طلع من البيت وراح لسيارته علشان بيطلع...
اول ماطلع شاف وردة حمرة عند بابه..
شالها وهو يقولب فيها...
من منو بتكون ياترى والسيارة بالكراج؟
شالها ورماها على الارض بس بعد ثواني رفعها علطول وحطها على حوض الزرع اللي صادفه ورجع سيارته..
كانت شاغلته نص ونص..
وبس سمع ضحكة وراه ابتسم ولف يشوف اللي وراه..
فاطمة بنت اخوه يوم شافته ماتت ضحك..
جراح اه يالملعونة؟
فاطمة ههههههههه فكر اني وحدة احبه حاطة له وردة ههههه ضحكت عليك ياعمي!!
جراح وهو يتقرب منها والله ضحكتي على عمرك مو علي!!وبعدين انا ماصدقت فطوم ياقلبي!!
شالها وحملها وهي بعدها تضحك..
فاطمة لاتكذب لاتكذب..
جراح وهو يبوسها من جابك...
فاطمة السايق...
جراح ليه وش عندك؟
فاطمة عازمة نفسي اليوم عندكم على الغذى؟
جراح يجاريها لا...تمام والله...وعسى بس قلتي للطباخ وش تبين تاْكلين؟
فاطمة لا بعدين....قلت اول احط لك الوردة اشوفك وش تسوي اذا شفتها؟
جراح طيب يالملعونة بتظلين تنتظرين هنا لمتى يعني!!
فاطمة لين تطلع؟
جراح واذا ماطلعت لليل؟
فاطمة بتفكير بتذبل الوردة؟
جراح وانتي؟
فاطمة مافكرت لسه...خليني افكر وارد عليك..
نزلها وقال يالله روحي داخل عند ماما ام مطلق وفكري براحتك واذا جيت قولي وش اللي وصلتيله؟
فاطمة مدت يدها اول تعطيني قيمة الوردة؟
جراح اخ يالنصابة؟وليه اعطيك ان شاءالله؟
فاطمة لاني عطيتك الوردة؟
جراح وين عطيتيني اياها...كاهي الوردة على الحوض روحي اخذيها؟
فاطمة بعصبية لاماابيها خلاص ابي فلوسها؟
جراح ماشاءالله عليك...عيني عليك باردة على النصب اللي انتي فيه..انا شاك والله ان لك اصول مصرية على شامية على مدري وشو ؟لازم اعرف من ابوك الصدق اليوم مو طبيعية حدك نصابة يافطوم؟
فاطمة اقول اخلص بس اخلص؟
جراح وهو يفتح محفظته وخواتك المزايين ماجوا معك؟
فاطمة مزايين يعني شنو؟يعني مزيونة ومزيونة؟
جراح وهو يضحك لا..المزاييين حق الابل؟
فاطمة ابل بعينك يا..
جراح مسوي جدي وهو يناظرها بنص عين ياشنو؟
فاطمة بنفاذ صبر ياعمي جراح الله يهداك؟
جراح أي على بالي بعد...امسكي هاذي خمسة ريال؟
فاطمة نعم!!!وش اسوي فيها هاذي؟
جراح قيمة وردتك؟
فاطمة وردتي ماهي بخمسة؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك