رواية الله يسامح اثنين جابوني للدنيا و راحو و خلوني -14
لماوصلت عند امها امها كانت تبكي وبسرعه ضمتها
حنان كانت متبنجه موب مستوعبه شي
وخرت عن صدرامها:يمه شفيك؟
امها:فاتن وعجزت تكمل شهقت من البكي
حنان خافت:شفيها يمه؟
امها:مافيها إلا العافيه تطمني الحمدالله العمليه عدت على خير
حنان إبتسمت بفرح:الحمدالله يمه الحمدالله
وضمت إمها
كانت غرفتها ظلام والمكيف بارد
وكانت منسدحه على سريرها وضامها دبدوبها الأحمر هدية عيد ميلادها من سلمان وتناظر بفراغ ولاششششششي
تحس عقلها توقف عن التفكير
وعيونها جفت ماعادفيها دموع
وقلبها مات
ماتحس بدقاته
تحس انها عايشه بدون مشاعر
ماتحس بشي أبد ماتحس بشي
وماعاد يهمها شي
قامت وفتحت دولابها وطلعت منه اشرطة فيديو
اخذت شريط ملصق عليه إستكر ومكتوب فيه (ذكريات سفرةالكويت)
نزلت تحت
شافت اخوانها التوأم بدر ووليد يلعبون بلايستيشن
قالت لهم بملل وصوت كله نوم :بسرعه طفوا البلاي ابشغل الفديو
وليد:لابنلعب ماامدانا تونا مشغلينه
بيادر بقلة صبر:اقول طفه لآأحوسك هنا
وبصراخ طفه
وليد خاف منها طفاه وهو مبرطم بيـبكي
امهم جات على صراخ بيارد:خير خير شفيكم
بدر:ماما شوفي بيادر ماتخلينا نلعب
بيادر :اقول ضف وجهك انت بعد
امهم:بيادر ماما خليهم يلعبون حرام عليك
بيادر بصوت حزين:لا بشوف شريط ذكرياتي لما سافرنا للكويت وكان معانا سلمان
امها تنهدت:يابنتي اذكري ربك واطلعي من هالحاله اللي انتي فيها خلاص سلمان راح عند ربه
بيادربدت تنهار:طيب هو راح وانا وانا شلون اعيش بدونه
امها بحزن على حالها:لاحول ولاقوة إلا بالله مافيه فايده منك خليني بس اروح لإبوك ابرك لي,,
بيادر بصوت هامس:يكون احسن
امها ماسمعتها
طالعت اخوانها يلا انتم بعد طسو لأي مكان المهم مابي اشوفكم هنا
وإلا تدرون خذو البلايستيشن وروحوإلعبوا فيه بتلفزيون الصاله اللي فوق
بدر ووليد
اخذوا البلايستيشن وراحوا
حطت الشريط بالفديو
وشغلته
وطفت انوار الصاله وولعت انوا الأبجورات بس
وحطت يدها على خدها بحزن
اول مابدى الشريط وشافته
وقفت الشريط على صورته وقعدت تتأمل ملامحه
وحششششششها إشتاقت له مرررررره
لوانه مامات كان خطبها وتزوجو وعاشوا بسعاده
بس الموت اخذه منها
كملت الشريط
وهي تبكي
وتتذكر لما كانو بملاهي تشامبين بالكويت
وشافو الممثله اللي تحبها موت شجون الهاجري
وهي انهبلت قعدت تصرخ ومومصدقه انها اخذت توقيعها
وسلمان كان مسوي نفسه زعلان
لانه يغار عليها ويقولها شكلك تحبين شوجي اكثر مني
قعدت تبتسم بين دموعها
وقالت بصوت شبه مسموع:ياليتك ترجع والله مااحب احد اكثر منك وقعدت تبكي بحسره
تذكرت لما كانو بالمطعم
وكانت هي واختها ريم
وخوات سلمان بطاوله
وسلمان والشباب اللي معاه بطاوله
وهو كان يطالعهم وكل ماطاحت عينه بعينها إبتسم لها بحب
ولما شرقت بالبيبسي من الضحك هو لاشعوريا وقف كان بيجيهم
حست بخوفه عليها وحبه لها
ماقدرت تتحمل طفت الشريط
وطلعته من الفديو وضممممممته لصدرها آه ياسلمان لوتدري شكثر إشتقت لك حرام عليك ليش مت وتركتني ليش!
كل ما سهرت الرياض | تقول لـ اجفاني :
ناااامي, وكن صوتها |خانقته العبره
الليل ~ ضيفٍ وكاد انه | تقهواني :
والهم , لا دق باابي " وش هي الدبره " ؟!
وش حيلتي ؛ لا ذكرت ان سلمان," م ا ت "وخلاني !
وش حيلتي كل مابغيت انساه كأني من شوقي له | انتظره ؟!
م ا ت , وجرحي ( هنا ) فاتح له احضاني
و اغفا ودمعي, نفد من ضيقتي صبره !
ياسلمان ليتك تشوف شلون دمعي / خان وبلل | اوجاني
و أغرقني لين إقتنعت إن البُعد له ~ سكره !
حبيت و ادري :
حبـبيبـي مات ونساني
بس أنا عجزت, لـ انسى | بقايا صوته و عطره !
من مــــــات
و أنا أحس أني فاقده | اوطاني
و أبحث عن اوطان,لـِ المنفى ولـِ الهجره !
( الحلم وحده) بقى واااافي : على شآني
مثلي رماد - واماني جيته | جمره !
لو قلت : " رجع" اخاف ؛ يرجع | ويلقاني
بيني وبين
الوفاة( ارق ) من شعره !
بس الموت ما هو غياب انسان عن : ثاني
الموت يعني وفاة شعوووور يَاا
طهره
!
ياا ليتني لااا كتبت حروف
اقراني
قبل الامل مَاا يغيب : ووو يختفي | حبره !
كني طفل تايهٍ في وسط : وجداني
وكن الحزن ( قش ! ) وامآل اللقاء ‘ابره !
مني وعد يا الرياض ان الله احياني
لـ اعيش لكن بدون :
[ احب | او اكره ] !
ما عاد بي حيل, هذا الليل | اعماني
عذراً انا يا [ الرياض ] من بعد موت سلمان مطوّله بـ السهره !
أرجوك
خلي الحنين يعانق ~ اجفاني
والصوت هذا | ابد لا تخنقه, عبره !
فاتن خلوها تحت الملاحظه 24ساعه بعدين حطوها بجناح خاص,,
وكانت نايمه بهدوء وسلام
ياترى راح تقدر تتعايش مع وضعها الجديد خلاص هي الحين رجال
الرجل اللي كان عايش جوها سنين تحرر واخيرا وظهر للعالم الخارجي بدون قيود
والأثنى اللي كانت عايشه طول عمرها فيها خلاص ماتت
هي الحين فهــــــــد
هي من زمان مقرره انها راح تكون فهـــد بعـد ماتسوي العمليه
امها وحنان كانوا عندها
حنان كانت ساده راسها على الكرسي ونايمه من التعب من الصباح وهم بالمستشفى
وحسنا كانت تمسح على شعر فاتن البوي
وتنتظرها متى تصحى
وشايله همها
لأن الدكتوريقول لزم تكمل معالجتها النفسيه
لان الحين هرموناتها راح تتغير كل شي فيها راح يتغير
ريم من قالها ابوها ان ملكتها بتكون يوم الخميس وهي ماغصها بطنها ومحتاسه
باقي على ملكتها 4ايام بس
يالله يمديها تشتري فستان وتحجز لها موعد عند الكوافير
قررت تروح بكره لـ الشوبنق
بتشتري الفستان والصندل و(انتم بكرامه)والإكسسوارات
عبدالعزيز كان منسدح بغرفته ويفكرشلون يقول لدانا
رفع سماعة التلفون ودق على الشغاله تحت وقالها تخلي دانا تجيه
جولي من قالت لدانا ان عبدالعزيزيبيها فوق لا وبغرفة النوم حقته هو وبشاير
خافت وانقبض قلبها
راحت له وهي ماسكه قلبها
وتدعي الله انه يحميها من شر عبدالعزيز
طقت الباب
ارد عليها
زادخوفها:احم عزوز ممكن ادخل
جاها صوته:تفضلي
دخلت وخلت الباب مفتوح
مشت لين صار بينها وبين سرير عبدالعزيز خطوات بس
ووقفت/:آمر
وش بغيت!
عبدالعزيز بهدوء:مايامر عليك ظالم
حبيت اكلمك بموضوع!
دانا :لايكون موضوع بشاير
حرام عليك والـ،
عبدالعزيز:لا لا موب موضوع بشاير خليها تنطق هي وولدها ماني فاضي لها بس افضى لها يصير خير
دانا تحس عبدالعزيز يسمع دقات قلبها السريعه كنت مره خايفه منه:اجل!!!وسكتت
عبدالعزيز:فيه واحد تقدم لك
دانا طالعت فيه وهي كازالت مصدومه وساكته وكانها تحتريه يتكلم ويقول من اللي تقدم لها
عبدالعزيز حس بصدمتها وإستغرابهاكمل:طبعا عدتك باقي لها شهر وتنتهي والرجال اللي تقدم لك تراه خلوق ومحترم وماعليه كلام
دانا::طيب بفكر وارد لك
عبدالعزيزاستغرب منها توقعها ترفض بس صدمته بهدوئها :أوكي,,
دانا لفت بتطلع :عن اذنك
عبدالعزيز:اذنك معك
دخلت غرفتها ورمت نفسها وطاحت على سريرها وهي تتنهد وتفكر
"ياربي وش اسوي الفرصه وجات لين عندي لوتزوجت هاللي تقدم لي محد راح يعرف اني حامل من عساف بطني راح يكبر بعدماتزوج هالرجال اللي مدري منهو وماراح اقوله اني حامل بس بقوله يعني ان زوجي اللي قبل دخل علي بفترة الملكه بس إستغفرالله شلون الحامل عدتها ماتنتهي لين تولد يارب سامحني على اللي بسويه يارب بس ماعندي إلا هالحل ""
وقررت وش راح تقول لعبدالعزيز بس بتنتظر يومين على الأقل تخاف انه يشك فيها ومن ردها السريع
بشاير كانت عندها إمها
وقامت بتروح تجيب البراء عشان امها تسلم عليه
لما قربت من غرفة البراء
اللي هي مسويتها له بغرفه من الغرف اللي بالدورالتحتي
كان السيراميك ازرق غامق
والستاره سماويه
دولاب اطفال ارق
سريراطفال ازرق
العاب
تحف مناسبه لغرفة الأطفال
فرشه صغيره بوسط الغرفه عليها صورعصافير
وقفت وهي مصدومه
جولي(الشغاله)كانت تصرخ على البراء وهي يبكي وهي كانت تضربه مع خدوده تبيه يسكت
بشاير دخلت عليها وهي مقهوره منها:اخذت البراء وضمته لحضنها
وناظرت جولي :عمى إن شاءالله ليش تسوين فيه كذا!
جولي:ماما انا بس يسكت هوا انا مافيه سوي شي
بشاير ضربتها مع ظهرها على خفيف:زين
تقلعي للمطبخ جيبي لي كاس مويا نشفتي ريقي يامال العله
جولي:أوكي ماما
بشاير ضمت البراء اكثر وهي تتحلطم
هين ياجولي بشوف آخرتها معك
وراحت عند امها
دخلت الغرفه وهي شوي وتبكي
عطت امها البراء وهي بتبكي
جات بتتكلم بس جولي جابت لها المويا وراحت
شربت شوي من الموياوقالت لإمها:تخيلي يمه قبل شوي لما رحت اجيب البراء لقيت جولي عنده وهو كان يبكي وهي تضربه تبيه يسكت
امهاإنهبلت :من جدك انتي؟
بشاير:وربي يمه
امها:الله يستر لاعاد تخلينها تقرب منه اله يستر لاتسوي له شي
بشايرتنهدت:ماعليك يمه لاتوصين حريص
زمت شفايفهابقهر وكملت بشوف آخرتهامع هالجولي
أتمنى يكون هالبآرت أعجبكم
وإن شآءالله بكرآ إذآ كنت فآضيه بنزلكم البآرت الثآمن عشر
تحيآتي لكم\عطــــر
بــــــــآك
(راح يكون البارت طويل لعيون حنيــن فديت قلبها ولايهونون الباقين بس هي قالت لي تبي عيديتها بارت طويل بس ترى البارت موطويل مره إن شاءالله البارت اللي بعده يكون أطوووول )
أتمنى يعجبكمـ\وقراءه ممتعه حبايبـي
البـــآرت الثـــآمـــــــــــن عـشــــــر
فتحت عيونها بشويش
وقعدت تستوعب المكان
شافت حنان نايمه على الكرسي
وامها تصلي
بدت تستوعب هي وين تحركت بتنام على جنبها اليمين
بس صرخت من الألم آآآه
حنان فزت:فاتن انتي صحيتي!
فاتن بصوت مبحوح وبهبالها المعتاد:شرايك يعني
حنان باستهامع خدها :الحمدالله عـ السلامه ياقميل وغمزت لها
فاتن ضحكت على خبال اختها:الله يسلمك
امهم سلمت وقامت وحضنت فاتن:الحمدالله عـ السلامه ياماما
فاتن:الله يسلمك يمه
حنان:يلا انا بدخل الحمام بتوضا واصلي وانزل اجيب لنا شي من الكافتيريا ميته جوع
امها:لحظه جيبي لي التراب اللي محطوط على الرف ذاك بعطيه فاتن تتيمم فيه
حنان:طيب جابت التراب عطته امها ودخلت الحمام(والجميع بكرامه)
فاتن تيممت وقعدت تصلي
حنان لما توضت وصلت وخلصت نزلت هي وامها للكافتيريا
فاتن لما خلصت من الصلاة طبعا وهي جالسه على السرير حست بوجع وحطت يدها على مكان العمليه وقعدت تتحسس المكان وانهبلت انا ولــــــــــد الحين موب بنت خلاص
حست انها بتصيح وحست بخوف موب مستوعبه الوضع
هي الحين مثل كل الرجال ماهي بنت
واقنعت نفسها انه خلاص موب هذا اللي هي تبيه من زمان
وطبعا مع الوقت راح تتغير هرموناتها وراح يخشن صوتها مع انه خشن خلقه وضخم شوي
وراح تطلع لها لحيه وشوارب
وراح تكون فاتن موفاتن راح يكون فهـــــــــــــــــــــــد!
دانا بعد ماصلت صلاة الإستخاره
بكت بسجودها ودعت ربها انه يسامحها لأن مالها إلا هالحل
نزلت تحت شافته قاعد لحاله بالصاله وقاعد يلعب بشعره وعيونه على التلفزيون
بس عقله بمكان ثاني
وهالشي كان واضح من تفكيره الشارد
قعدت على الصوفا اللي قدامه
وقالت بتردد وهي تفرك ايدينها فبعض:ااااء عزوز
عبدالعزيزوهومازال سرحان::همممم
دانا:انا موافقه
هو مابعد إستوعب قام وجلس :موافقه على إيش؟
دانا:على اللي تقدم لي
عبدالعزيز من جد مستغرب منها:بجد؟
دانا:إيه
بس بشرط؟
عبدالعزيزمفهي:وش هو؟؟؟؟
دانا وعيونها بدت تغرق بالدموع اللي هي تحاول قد ماتقدر تخبيها:ماابي يكون الزواج بقاعه ولاابي خرابيط الزواجات هاذي كلها أبيه يكون حفله صغيره والملكه مع الزواج على طول يملك علي وياخذني لبيته!
عبدالعزيز مستغرب من الدموع اللي بعينهاوالحزن اللي بصوتها حس انه من جد رحمها لدرجة وده يلغي الزواج هذا بالمره:ليه كل هذا؟كأنك رايحه لقبرك بعيد الشر عنك موب كأنه زواجك!
دانانزلت راسهاومسحت بطرف إصبعها الدمعه اللي خانتها ونزلت على خدها وكانت تقول بينها وبين نفسها"ياليت اروح لقبري ارحم من اني آخذ واحد غير عساف عساف اللي حبيته اكثر من روحي وماغيره سكن قلبي وكل جوارحي طول الوقت افكر فيه بنومي وبأحلامي وانا صاحيه طيفه ولامره غاب عن بالي وللحين احبه وشايله قطعه منه بداخلي"
عبدالعزيز مااعجبه صمتها:دانا انتي متأكده انك موافقه!
دانا بسرعه تخاف انه يغير رأيه:ايه
عبدالعزيز متفاجىء من إصرارها على هالزواج:طيب وش هالشرط اللي قلتيه
وليش تبين زواجك يكون كذا!
دانا:لاني مطلقه ,,, وقامت بسرعه وراحت وهي كاتمه شهقاتها
عبدالعزيز مصدوم منها مايدري وش سالفتها
بس اهم شي انه سوا اللي براسه مع انه رحمها
دق على راكان يقوله ويعلمه بشرط دانا
يوم الخميس(ملكة ريم وخالد)
ريم كانت محتاسه ومرتبكه حيل
توها جايه من المشغل هي وبيادر اللي حالتها بدت تتحسن شوي
كانت مسويه تسريحه مره كيوت ولايقه عليها
وحاطه ميك اب ناعم وخفيف
بسرعه صعدت فوق لغرفتها عشان تلبس فستانها
وتستعد
دعت على المصممه بقلبها لأنو الفستان مره عاري خصوصا من عند الصدر والظهر
وطبعا اهلها ماعزمو احد بس اهل العريس واهل العروس
دانا لماقرت بالنت انه الحامل عدتها ماتنتهي إلا لين تولد
قرت بعد ان اللي يطلقها زوجها بفترة الملكه وهو مالمسها ولاجامعها ولاشي
مالها عده وانصدمت لان هي خبرتها قليله بالأمور هاذي
وحمدت ربها الف مره
ان عبدالعزيز ونايف وخالد كلهم ماإسئلوها ولاقالوا شي بالموضوع
سبحان الله ربي اعماهم عن هالشي حتى بشاير ماسئلتها عن شي
لأن محد يعرف إن عساف دخل على دانا إلا صديقتها ريم
ومحد يعرف انها حامل ابد حتى ريم ماقالت لها
راكان وافق على شرط دانا وحدد إن الزواج يكون أول ماتنتهي عدتها
وعدتها باقي لها إسبوعين وشك بالموضوع عبدالعزيز قايل له انها مطلقه بفترة الملكه شلون لها عده وليش طلقها اكيد السالفه فيها إن!
بيادر بدت تطلع من حالة الحزن والكئابه اللي هي فيها,,,
واهلها مره مبسوطين انو حالتها تحسنت
خالد ونايف وبشاير كلهم دروا عن خطبة دانا المفاجئه وعن شرطها الغريب
ومستغربين منها
وبشاير لأنها مازالت بفترة النفاس
اخذت رقم ريم من دانا وباركت لها واعتذرت انها ماتقدر تجي
خالد كان مرتبك مثل ريم واكثر بعد كأن اليوم زواجه موب ملكته
كان توه راجع من الحلاق
ومسوي ذيك السكسوكه اللي ياويل حالي بس~_^
دخل أخذ شاور عـ السريع
وطلع حط بشعره جل وتركه كله على ورى وشعره كان طويل
لبس ثوبه وساعته
وعدل شماغه
وخلاص خلص
بس بقى يحط عطره وياخذ الدبل(دبلته هو وريم) والشبكه
راح لدانا يشوف هي خلصت أولا
لقاها تحت تنتظره بالصاله
ونايف وعبدالعزيز قد راحو
راح فوق بسرعه لغرفته
رش عطر
رشه
ورشتين
وثلاث
حس انه غرقان بالعطر من كثر ما رش
واخذ الأغراض وطلع
فبيت أهل ريم
كانت متوتره عـ الآخر
قاعده تسمي وتقرأ المعوذات بغرفتها
دانا دخلت عند بيادر وامها
ونايف وعبدالعزيز وخالد دخلوا عند ابوريم وعياله وليد وبدر والشيخ اللي بيملك لـ خالد وريم
دانا إستأذنت من بيادر وامها
وراحت لريم
دخلت عليها ولقتها قاعده تطالع شكلها بالمرايه
داناوهي مازالت عند الباب:الله وش ذا الزين وش ذا الكشخه
ريم إبتسمت لها :أهلين
دانا قربت منها وضمتها:الف مبروك ياعمري
ريم:الله يبارك فيك يالبى قلبك
دانا بإبتسامه وهي تلعب بأطراف شعرها:حتى انا بعد غرت منك وزاجي بعد كم يوم قبل زواجك
ريم فتحت فمها وقعدت تطالعها وهي مستغربه ومو مصدقه!!!!!!!!!!!!!!!!!!!!!
دانا:شفيك تطالعيني كذا ترى والله جد قبل يومين إنخطبت
ريم للحين موب مستوعبه:طيب مبروك
دانا:شفيك؟كأنك تقولينها بعدم تصديق
ريم:لاتلوميني موب مصدقه ابد
دانا:ليشّ!
ريم بعفويه:وعساااااااف؟؟؟؟؟
دانا تحاول قد ماتقدر تكابر من احد يجيب طاريه ترتبك ويبان من عيونها حبها له:وش فيه عساف؟بسلامته خلاص طلقني وانتهينا!
ريم بشك :يعني ماتحبينه!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك