رواية من أعماق أحضان مجنونة -14
ابو احمد بلااهتمام ليه وش مسوي بعد؟
ام وليد تنهدت...
ابو احمد بجدية شيلي فكرة القرب منه وانتي بتعيشين بسلام؟
ام وليد واطير ملايينه وخيره واخلهم يروحون لغيرنا!!مستحيل؟
ابو احمد معناته ماراح تظلين مرتاحة وبيظل قالقك التفكير بجراح وملايينه؟
ام وليد وش عندي عاد!!خل افكر بجراح وملايينه؟
ابو احمد انتي قاصرك شي؟
ام وليد بدون نفس لا
ابو احمد باصرار وعيالك قاصرهم شي؟
ام وليد بتنهيدة لا...انا ماقلت لك قاصرنا شي يابو احمد بس..
ابو احمد بصرامة بس شنو؟
ام وليد هذا الخير بالاساس خيرنا انا واخي....ماراح ياخذه جراح بروحه ويتهنى فيه؟
ابو احمد والله عاد الخير راح له من زمان وهو اللي داره وكبره اكثر واكثر..
ام وليد باهتمام ليه انت تعرف مشاريعه واعماله وماقلت لي عنهم!!
ابو احمد وش لك فيهم انتي بعد!!
ام وليد ابي اعرف وش عنده و شنو اللي له بها السوق؟
ابو احمد الحمدلله خير كثير اذا مابيضايقك..وله اسم اكبر من اسمي ومن اسم ابوه بعد!!
ام وليد أي بس انا مااشوفه هالك نفسه ولامقيد روحه بعمل؟دايم قالب لي ها العود ويغني؟
ابو احمد كيفه حياته وكيفه!!انتي وش لك فيه؟
ام وليد كيف وش لي فيه؟
قلت لك ماراح اطيره من يديني!!
ابو احمد بحدة لاتطيرينه..بس يكون بعلمك عيالي ماتقربين صوبهم وتدخلينهم بللي تبين تسوينه؟فاهمة علي ياام وليد ولا مو فاهمة؟واذا على قولتك انتي ماعندك شي غير جراح وملايينه..انا اقول روحي شوفي عايلك وداريهم ابرك لك من جراح؟
نسايم يمه شفيك؟
ام مطلق بتنهيدة اخوك ضيق خلقي؟
نسايم بكرة ينسى يمه..
ام مطلق بتنهيدة من زمان وهذا حاله..
نسايم بحدة اذا زوجتيه بينسى..
ام مطلق كيف ازوجه...انتي شايفته بعيونك ماهو راضي ,,
نسايم وانتي تنتظرين رضاه زوجيه وحطيه قدام الامر الواقع,,,
سكتت ام مطلق وقالت بعد تفكير رايك كذا..
نسايم أي
ام مطلق خلاص بكلم ابوك اجل...
نسايم باصرار هذا عين العقل يمه...انك تزوجينه..مو تتركينه براحته؟بالله مارضى العمر كله انه يتزوج تتركينه على كيفه؟
ام مطلق ..........
نسايم وماتدرين يمه...يمكن بعده متواصل معها حتى بعد ماراحت وهي بنت حرام تبي تمص حلاله وهي على ذمة زوجها وتوهمه انها بتترك ذاك علشانه وهو مثل الخبل يصدقها....
انا اقول عجلي بموضوع الزواج؟
ام مطلق انا بكلم ابوك ويصير خير...
نسايم بس ها يمه...لاتفتحين معه موضوع العرس لانه مابيرضى؟
ام مطلق وش اسوي اجل؟
نسايم حطيه قدام الامر الواقع يمه...اخطبيله وبعدين قولي له؟
ام مطلق أي بس اخاف مايرضى ويسويلي سالفة؟
نسايم بحقد يمه..انتي اذا بتظلين تسمعين كلامه عمرك ماراح تاخذين منه حق ولاباطل...طيعيني وخطبي له وبعدها قولي له بالسالفة وبيكون قدام الامر الواقع؟
ام مطلق بتردد أي بس اخوك عنيد واللي براسه براسه مايمشي عليه أي كلام..
نسايم انتي مو خسرانة يمه....وبعدين مااتوقع لو حطيتي في باله انه بيحرجك وبيحرج ابوي اذا ماوافق على الخطوبة بعد ماتقدمون له وتخطبون له بنت الحلال ..بيوافق صدقيني؟
ام مطلق بتنهيدة وهي قايمة الله كريم...
قالتها ومشت وقالت نسايم في بالها أي حب أي خرابيط انت بعد!!!
اليوم الثاني,,,,,
عند سيارة احمد وبعد ماانتهى دوامه,,,,
توه بيرجع سيارته ألا بسيارة واقفة وراه مباشرة وسادة عنه الطريق,,
ظل يناظرها وهو مابعد فتح باب السيارة,,
نزل السايق وعطى احمد بوكيه ورد,,,
احمد وهو يناظر البوكيه الممدود له نعم؟
السايق هذا الى انت بابا..
احمد باستهجان من منو؟
السايق مدري شوف انت الكرت...
احمد لف بدون ماياخذه وقال بلهجة امر رده على صاحبه؟
جا صوتها الهادي الناعم وقالت بزعل ليه عاد؟
كان بيلف عليها بس ماحب يعطيها اكبر من حجمها...
قالت بانكسار يوم ماشافت لف لها احمد...
الصوت بس خلاه يربط صاحبة المكالمة البارحية بصوتها اللحين....
ولف لها بسرعة وعصبية وتوه بيتكلم قالت قبله بزعل احمد شفيك....انا ماطلبت منك شي علشان تعاملني كذا!!
احمد بعصبية وانا ماانتظر منك حضرتك تطلبين!!!انتي اصلا لو متربية وبنت ناس ماقعدتي بروحك مع السايق كذا وبها الشكل وتراكضين من مكان للثاني؟
قالت ببكي وصدمة انت ماتعرفني!!فلا تتكلم عن تربيتي لو سمحت!!
احمد بصوت عالي أي بايبن انك متربية؟؟اقول لايكثر بس ترى اشكالك اهلهم لايدرون عنهم ولا هم يدرون عن حالهم!!!
تنهدت بقوة ونزلت من سيارتها وقالت ببحة احمد انا احبك....
وقفت يده على باب السيارة ولف بيقول لها معلقة جديدة عن التربية لقاها ركبت وركب سايقها قبلها ومشت,,,
تنهد وهو متضايق وركب وهو يشتم فيها ويلعن...صدق بنات اخر زمن!!!لاحيا ولاادب ولاتربية!!
مطلق بعصبية روحي حطي لي شي اكله؟
يمنى بزعل مابدي...
مطلق لاوالله...خير يبى ماسمعتها؟
يمنى بدلع لا سمعتها وازا بدك بعيدها تاني كمان....
ظل يناظرها وهو بيبتدي معلقة الشتايم والعصبية وجته ركض لحضنه وقامت تبوس فيه..
يمنى باسترضاء مطلق...شو بك حبيبي...ليش عم بتعيط علي هيك..
مطلق بدون نفس قولي لنفسك بس تدورين وجع الراس؟
يمنى انا هيك؟؟؟انا يامطلق؟طب مابدي حاكيك خلاص...
مطلق ....تمتم بكم كلمة بينه وبين نفسه....
يمنى شو سمعني ماسمعت شي؟
مطلق لا واللي يسلمك ماكنت اقول شي....
يمنى بدلع بتحبني!!!
مطلق بتنهيدة انتي شرايك؟
يمنى اللي بشوفوه انك ماعم تدللني متل مايدلل الحبيب حبيبتوه...
قالتها وهي تلعب بثوبه..
كان يناظرها بها اللحظات وفكره رايح لبعيد.....
الى ان اللي جالسة بحضنه اللحين وحدة غير؟؟وحدة ثانية؟شلون بيكون الوضع؟وهل بيكون مرتاح راحة تامة من قلبه؟ولا بس يضيع وقته مثل ماقاعد يسوي اللحين؟؟؟
يمنى وهي تهزه مطلق شو بك؟عم حاكيك انا!!
رفع راسه وقال هلا...بس كنت افكر بشي يخصنا!!
يمنى بحماس وشو هو؟
مطلق بعدين بتعرفين مو باللحين؟
يمنى لاهلاّ هلاّ هلا ّبدي اعرف؟
مطلق بسخرية لكان احزري....
يمنى يالله حبيبي ائول الله يخليك...
مطلق برواق ببدل تيابي وبجي وبعدين بئولك...
اليوم غير ياجراح...
اليوم ماتروح ورى هالة ولاتدري عن هوى دارها بعد؟؟
خلاص يكفي عمرك اللي راح ووقفته علشان اسمها بس اذا طرى في بالك؟؟
من اليوم هذا ومن اللحظة هاذي حياة جديدة لازم تبتديها ,,,
لازم اسم هالة اذا انطرى لسمعك ماياْثر فيك ابدا!!
لازم اذا شفتها بمكان ولادريت انها بتكون موجودة تتجاهل ها الشي ولاتعطي الموضوع اهمية,,,
انت ياجراح خلاص....لازم تشوف نفسك وحياتك ومستقبلك,,,
لازم اسم هالة ينشال من قائمتك خلاص,,,,
ابتدي حياة جديدة هي مو فيها,,,,,
ولااسمها ولاطاريها ولاحتى طيفها,,,,,,
تنهد بعمق وهو يستجمع نفسه علشان يكون قوي وقد الكلمة اللي قالها لنفسه...
لازم هالة وطاريها ينشالون من باله,,,
وعلشان ها الشي لازم يسلي نفسه بشي ثاني....
يالله خل يبتدي بعمته ام وليد وحرق الاعصاب معها,,,,
وبعدها يفكر بالخطوات الجاية,,,,,
طلع من غرفته ومالقى احد بقسمهم سئل عنهم وقالت له الخدامة ان ابوه وامه طلعوا من الصبح والباقي ماتدري عنهم لانهم ماطلعوا من غرفهم,,,,
طلع للحديقة وابتسم يوم شاف عمته ام وليد جالسة وجنبها بنتها...
تقدم منهم وسلم برواق,,,,
ام وليد بحفاوة هلا والله بجراح,,,,
جراح بخبث هلا بعمتي الغالية,,,,,
ام وليد اقول جراح...اقعد تريق يمه..
جراح لااخاف بس اضايقكم انتي وبنتك....يمكن عندكم سوالف ولاشي..
اروى باادب لاابدا تفضل....
ام وليد اروى يمه ضيفي جراح...شوفيه شيبي...نسكافيه ولا شاي بالحليب ولا كابتشينو,,,,
جراح وهو يضحك بداخله على عمته اجل انتي اروى....اللي مو مرتبطة؟
نزلت اروى راسها..
ام وليد بفخر أي هاذي اروى...كبرت بها السبع سنين,,,,,
جراح يجاري عمته وهو بيموت من الضحك أي والله كبرت...هاذي اللي قلتيلي عنها تموت على العيال صح؟
ام وليد أي أي...
جراح اممممممم...حلو,,,
ام وليد انا بعد اذنك عندي اتصال ضروري وبجي لاتقوم...
قامت وهو يناظرها بذهول معقولة ذي صدق قاطة بنتها قطة والا تشربكني فيها!!!طيب ياام وليد طيب اذا ماركبتك فوق الجبال ورميتك من عاليه مااطلع انا جراح وبتشوفين؟
جراح انتي شتسوين بها الدنيا؟
اروى عايشة..
جراح ههههههه كلنا عايشين بها الدنيا يابنت عمتي..
تفشلت اروى وسكتت..
جراح اقصد يعني وين تدرسين؟
اروى انا مخلصة الثانوية وجالسة بالبيت....
جراح اووف ليه عاد وش اللي قاصر ماكملتي؟
اروى بلا اهتمام ماعندي رغبة بالدراسة ابدا...
جراح بحدة يعني ماودك تكونين دكتورة مثل هالة اختك؟
مايدري ليه طرت على باله اللحين؟وهو اللي معزم يبتدي حياة جديدة بدونها,,,,بس ماعليه ياجراح شوي شوي وبتتعود ...
اشوفكم بكرة على خير يالغلا,,,
هلا وغلا فيكم ياحلوين,,,,
طبعا البارتين بيكونون مدموجين مع بعض حق الاربعاء والخميس..
وبالنسبة للي سالوني عن الوقت ترى للحين ماعندي وقت ثابت انزله فيه بس ينتظم وقتي برتب معكم ان شاء الله..
وهبوش يالغلا يللي سئلتي عن المبالغة..صح انا معك مافي عيال يرضون ان خواتهم يتكلمون معهم بها السوالف بس في فئة من الناس لمى يكونون الاهل غافلين عنهم او بعيدين شوي يكون بينهم وبين اخوانهم تقرب واضح,,(انا اقول شوي مو كثير)
وتسلمي على التعليق...
البارت الثامن عشر والتاسع عشر,,,
دخل الشقة وهو حيل متضايق من اللي صار له اليوم,,,,
بنت قليلة ادب بكل مافيها..
معقولة توقفه بنص الطريق وتقوله احبك؟؟؟؟
هاذي مجنونة رسمي!!!!!
هاذي وين اهلها ؟؟وين دنيتها؟وين ناسها عنها؟
ابد لاحيا ولامستحى ولاهم يحزنون؟؟
شها البنت التافهة الغبية اللي اهلها ماربوها ولايدرون عنها؟
شم ريحة عطرها وراه مباشرة ولف الا هي حاضنته بقوة..
ريما بدلع اوووف ليه لفيت بها الحزة بالذات كنت بحضنك وبشوف تعرفني ولالا؟
احمد وهو يبتسم لها يالله عاد؟ترى قوية ياريم؟اعرفك ولالا؟
ريما وهي تحط راسها بحضنه أي...
احمد طيب ولو ماعرفتك؟
ريم اممممممم مدري بس كنت بزعل منك؟
احمد اجل يالله عيديها من جديد وماراح اعرفك بشوف ياحلوة وش بتسوين؟
ريم قلت لك بزعل منك....
احمد اوووف لالالا كل شي الا زعلك ياقمرنا..
ريم بجدية حبيبي...
احمد وهو يمشي معها لغرفتهم قول يالغالي....
ريم وقفت وقالت انت تحبني!!!
احمد وهو يتذكر شكل البنت اللي قبل شوي وقفت بنص الشارع قال لها بانفعال ريم...وش ها الحكي؟
انتي عارفة انتي شنو بالنسبة لااحمد....انتي عمره وحياته وكل دنيته؟
ريم كانت تناظره بدون ماتقول شي....
احمد بانفعال اكبر انتي حبيبتي...فاهمة وش تعني ها الكلمة؟يعني انتي وبس اللي ساكنة بها القلب ومالكته يالغالية,,,,
قالت وهي تضحك وش فيك عصبت!!!
كملت بدلع وهي تقول كنت ابيك تقولها لانك من البارح ماقلت لي كلام حلو وغازلتني والحمدلله اخذت نصيبي,,,,
احمد مسوي يشاهق اوووف من البارح ماقلت لك كلام حلو وغازلتك؟وليه ساكتة ماتكلمتي طول ها المدة عاد؟؟؟لالالا انا ماارضى بها الظلم تعالي يبى تعالي قربي...
ريم انفجرت تضحك وقالت له شكلك مابتنام اليوم يااحمد؟
رجعوا البيت مع بعض بنفس السيارة لان مطلق كان رايح لجراح يسولف معه بخصوص العمارة الجديدة..
دخلوا وكانت دارين شكلها توها رادة من جامعتها لان كتبها بيدها وهي واقفة مع غسان بالقرب من فلتهم...
وقفوا يناظرونهم ثنينهم بهدوء....
غسان حبيبتي وش فيك؟
دارين وهي تمسح دموعها بتروح عني وبتتركني بروحي؟
غسان يبى كل اهلك هنا؟؟الوالد الله يخليه واحمد وهالة..
دارين كلهم غير وانت غير ياغسان...انت اطيبهم واحلاهم,,,,
ابوي مامنه عارفة ها الشي بس والله اني مااشوفه كثير وانت عارف وهالة انت عارفها مثلي ماتاخذ بخاطري وتسليني ومااشوفها الا من يوم الخميس الى يوم الخميس...
واحمد صحيح مايقصر بس بعد له التزاماته واللحين بعد يداوم عند ابوي بالشركة...واروى ها اليومين مشغولة بسالفة الخطبة ومااشوفها؟
غسان وانا وين بروح يعني؟؟؟الكويت يبى مو كندا؟
دارين عارفة ها الشي...بس منت جنبي؟ماتنام معي بنفس البيت؟مااشوفك واسولف معك بااي وقت؟ماتسهر معي؟
غسان بحنان بخلص دراستي يادارين ولا ماتبيني اتخرج وارفع راس ابوي الغالي...
دارين تنهدت...
غسان وبعدين انا طول وقتي يابكلمك ولا بشبك معك....وين بروح عنك وبالويكند بنزل ماتغير شي...
دارين بعمق بفقدك...
غسان ضمها لصدره وقال بحنان وانا اكثر يااختي الغالية...
مطلق بهمس وشماتة لجراح وش رايك بالفلم؟
جراح بشماتة اكبر والله مو بطال تقدر تشاهده بس شنو مشكلته ان السينما مو مكيفة؟تتوقع عادي يكملونه لنا بالخيمة مايقولون لا؟
مطلق وهو يناظر بدارين لا هو وين القضية ان لميس مدري دارين يقال انهار ومنسية وحساسة ودلوعة...وهي ؟؟؟؟
جراح اقول اقلط بس اقلط تقهوى عندي وانا اخوك عن عيال العراقية وافلامهم اللي ماتخلص؟
مطلق أي اقلط انت الثاني بعد!!بروح ابدل واحط راسي وانام العصر بروح لاابوك الشركة
جراح لا....يالله مر علينا بوقت ثاني يابو البنات وتقهوى...
مطلق جراحوه....وبعدين معك..كل كلمتين وقلت لي ابو البنات؟
جراح يبى اذا ماتبيهم عطني وحدة منهم....
مطلق خذ وحدة وخذ الثنتين معها هدية وببلاش بعد!!!
تسندت على باب غرفتها وهي تمسح دموعها.. وشهقاتها بصدرها ذابحتها...
احبك ياحمد والله احبك...وموبيدي الشي اللي يصير ..
عارفة ان موقفي غلط؟
ووقفتي بالشارع وها الكلمة اللي قلتها مو وقتها؟بس شسوي يوم شفتك طلعت مني وانا مومجهزتها اصلا!!
حبيبي....
ادري احبك بروحي...
ومن طرف واحد...وراضية بها الشي...بس اظل اشوفك....
حتى لو من بعيد لبعيد...
ابي احس بانفاسك بجوي....
ابي احس اني كل مالفيت بمكان شفتك انت مو غيرك؟
احمد....انا مدري وش اللي صار لي وخلاني احبك وافكر فيك...
بس صدقني ها الشي قاعد يعذبني ويتعبني....
ليش بس طلعت بدربي وشفتك يااحمد ليش؟؟؟
شسوي اللحين ..قولي شسوي؟
قلبي هذا مو راضي يفهم انك مو له وعايش لوحدة ثانية وانك تحبها وهي تحبك؟
مو راضي يسمع ها الشي ويعيشه ويشيلك من باله؟
سكرت ام وليد باب غرفة اروى وقالت باهتمام قولي شصار بعد ماتركتكم؟
رفعت اروى راسها عن الاب توب وقالت شنو يعني مافهمت؟
ام وليد جلست على حافة السرير جراح؟
اروى شفيه؟
قالتها وهي تتذكر كلام دارين وكيف اقنعتها ان المعرس لامطلق ولاجراح اكيد مدام ا نام وليد تقول لها دايم روحي بيت خالك لانها مو معقولة بترميها ها الرمية كذا؟
ام وليد يوم تركتكم شسولفتوا فيه يمه؟
اروى عادي مافي أي شي..
ام وليد شلون يعني عادي...قولي كل شي قلتوه؟
اروى بس سالني عن دراستي وشنوا سوي وشنهي احلامي وطموحاتي وليه ماكملت دراستي؟
ام وليد وانتي شقلتي له؟
اروى قلت له اني مالي خاطر بالدراسة....
ام وليد بنفاذ صبر لاتجننيني ..تقولين كلمة وتسكتين..كملي كلامك بسرعة وبدون ماتقطعينه ابي افهم واعرف كل اللي صار بينكم؟
اروى بقهر تشمت فيني زين كذا ارتحتي؟
ام وليد ليه؟
اروى بدون نفس قال لي ليه ماصار طموحك تكونين دكتورة مثل هالة اختك ولا بنت العراقية احسن منك؟
ام وليد ولعت من القهر وقالت بعصبية اووووف منها ومنه بعد!!!وانا هذا حظي..دايم اتعاير فيكم....ليه ان شاءالله ماطلعتوا مثلهم وسكتوا العالم عني اللي من يشوفوني قال وا لي عيال العراقية وعيال الغراقية.,الدكتورة والصيدلي وعيالك حتى الجامعة مادخلوا؟
اروى بصراخ وانا شسويلك يعني هذي قدراتي وماعندي غيرها؟
ام وليد بنرفزة ياسلاااام.؟
اروى بوقاحة انتي شتبين اللحين؟
ام وليد بقهر ابيك تدرسين وتصيرين دكتورة احسن من هالوا بنت العراقية؟؟؟
العصر في شقة احمد..
هالة وينه احمد؟
ريم وهي تطالع بالمجلة في البيت راح يشوف غسان..
هالة تركت كوب القهوة من يدها وكانها تذكرت أي صدق اليوم بيمشي...
لفت عيونها تدور على جوالها وشالته ودقت على غسان....
غسان بحب هلا بالدكتورة..
هالة بجدية هلا غسان...
غسان راضي علينا ومسمعنا صوتك؟
هالة مشيت ولا لسه....
غسان لا باقي لي وقت...
هالة بدون مشاعر وبدون حب تبي شي؟ناقصك شي؟
تنهد وقال أي...
هالة وش تبي؟
غسان بتردد اطلب عادي مابترديني؟
هالة بجدية طبعا لا...
غسان عند كلمتك..
بنرفزة خلت ريما تناظرها قالت طبعا عند كلمتي وبلا ها الحركات!!
غسان ابي اشوفك قبل لاامشي....
هالة ...............
غسان شنو كثير علي ولامااستاهل شوفتك قبل لااروح؟
هالة طيب بدق على السايق وبجيك..
غسان امرك انا مو مشكلة؟
هالة لالالا انا بشوف وضعي واذا صكت عندي بدق لك..
غسان خلاص بظل منتظر شوفتك...
باي...قالتها وسكرت.....
وظل الهدوء سايد المكان.....
ريم هالة....
رفعت راسها وتكلمت...
ريم تعرفين دكتورة ....اللي تشتغل بالدمام المركزي مع احمد بنفس المستشفى؟
هالة بدون اهتمام اسمع عنها بس مالتقيت معها ولاشفتها بحياتي؟
ريم يعني ماتعرفين اذا كانت كويسة ولالا؟
هالة هي وش تخصصها...
ريم نساء.....
هالة امممم......عندك...دكتورة,,,,,,,حلوة كثير انا اروح لها...ودكتورة,,,,,,,بعد يمدحون فيها....
ريم يعني في رايك مااروح لها..احمد يقول ان مواعيدها ماتتحصل؟
هالة بجمود انتي ليه تبين تروحين؟
ريم عندي كم سالفة وابي اشوف لان انا واحمد مقررين نجيب لنا بيبي صغير فاابي اتاكد من كل شي قبل...
في البيت الكبير,,,,
احمد علامك انتي اليوم ؟
اروى ابي اسولف معك شوي ولامايصير؟
احمد بلى خذي راحتك,,,
احمد بغيت اسئلك عن شي؟
احمد اللي هو..
اروى عن المعرس اللي جاي؟
احمد المعرس اللي جاي؟منهو.؟ولمنو جاي؟
اروى اوووف تحطيم يااحمد بصراحة؟
احمد ليه؟
اروى لان اذا انت ماتدري عن شي فمعناته محد يدري ومابعرف شي؟
احمد والله فاْجاتيني بصراحة...توني ادري ان في معرس جاي محد قال لي..
اروى أي بس انا دريت من يومين....
احمد غريب ان ابوي ماكلمني...
اروى ولاكلمني بعد؟
احمد ولاكلمك؟اجل منو اللي قايل لك؟
اروى امي...
احمد خالتي؟وش قالت لك....
اروى اسمع السالفة من بدايتها..
......................................... .................................................. ..........................................
احمد سكت وماعلق..
اروى:هذا انت عرفت اسئل ابوي ورد لي خبر انا انتظر؟
احمد طب وليه ماسئلتي انتي خالتي؟
اروى سئلتها بس ماحكت لي أي شي...
احمد بتمتمة طب بشوف وش السالفة وبخبرك؟
دقي يابشاير دقي....
تكفين مو قاوي انتظر اكثر لاتعذبيني ؟؟؟
لاتحبيني مو وقت افكر بها الشي؟
ولاتسامحيني حتى؟؟
كل اللي ابيه منك اللحين انك تدقين يالغالية واسمع صوتك...
لو تقولين الو بس......راح ارتاح راحة مابعدها ولاقبلها يالغلا...
يااعز الناس انتي....
اه يابشاير اه....لو تدرين بغيابك وبالجفاف اللي كنت اعيشه من بعدك كان قلبك حن وتعطف علي!!!
ادري بتقولين لي انت ماوفت لي وبقيت على حبي!!
انا صدق كنت اروح من وحدة لوحدة بس صدقيني كلها علاقات فاشلة مافيها أي صدق ولامشاعر صافية..
كنت ابي اسلي نفسي بهاذي وذيك وابتعد عن فكرة انك تركتيني وماخليها تاْثر فيني بس الصدق واللي كنت اخشه حتى عن نفسي اني كنت احبك...
واني كنت اتاْلم لتركك لي بدون مقدمات!!
بس ماكنت حتى اقوى اقولها بيني وبين نفسي...
انتي عندي شي كبير ..كبير يابشاير ..
شي صعب اوصف مشاعري فيه لانها ماتنوصف لو شقول؟
بس لو الله يهداك وتدقين وتخليني اسمع صوتك وارتاح!!!
لايامشاري..بشاير ماراح تدق...
انت عارف ها الشي ومتاْكد منه عدل بعد....روح...لها هناك وشوفها وارجع اطلب منها ها الشي مرة ثانية...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك