رواية من أعماق أحضان مجنونة -13
ليه مو قاوي اشوف حياتي بعيد عن اسمك حتى!!!
والله مدري ليه ضايق ومخنوق,,,واحس بنبرة بكا في كلامي
لالاتهيضني على الدمع ياموق...ادنات والله مايمطر..غمامي
ياعين كانه دمع هليه ولفوق..ماودي اشعر بانكساري امامي,,
الليل كله لين صافحني شروق..وانا الليل ها الصباح ..بظلامي
كل السما رعد وبكاءات وبروق..حزن تزبر في سماي مترامي..
بشويش تكفه لامس الجرح برفوق,,كذبه تراها ضحكتي وابتسامي؟؟
ثوب الفرح ياسيد الهم مشقوق,,شفها تراجف من لبسته عظامي!!!
شفني نخل كلي عذابات وعذوق,,لالاتهز..ولاتطير حمامي!!!
على سفرة بيت ابو احمد وكعادته دايم الجو لمى يكونون عيال العراقية موجودة لازم يكون خانق ومتوتر,,,
ابو احمد جهزت اغراضك ياغسان يبى؟
غسان بهدوء وهو يتلاشى يناظر باام وليد اللي تناظر فيه وفي اخته أي يبى...
ابو احمد مو قاصرك شي؟
ام وليد وين بيروح يعني ياابو احمد؟كلها الكويت اربع ساعات وهو عندنا كنه رايح الرياض؟
سكت غسان وقال ابو احمد ولو اربع ساعات ماهي بسيطة لو هو محتاج شي....
غسان يلملم السيرة وينهي الموضوع كعادته لايبى تسلم....
دارين مدت يدها تغرف لها من صحن الارز وقالت لها ام وليد ماشبعتي؟شوفي نفسك ترى زايد وزنك كثير؟
جمدت يدها على الصحن وماتحركت..
ابو احمد وش ها الحكي الماصخ؟؟؟اكلي يبى اكلي..
ام وليد بعيارة انا ابي لها الزين..انت ماتشوفها كل مالها وامتلى جسمها...ماتشوف البنات شلون صايرين اللحين..
(كان جسم دارين ممتلي شوي...)
وليد خليها يمه....دارين ماعندها أي مشكلة...
مريم بعباطة مو تفشليني بعرسي وماتشوفين شي يناسبك من اللحين اقولك...بروحها زينة ماتنطاق بعد تشوف شكلك تحفة تقوم الدنيا علي؟
دارين بتمتمة لاحول ولاقوة ألا بالله....
غسان غمز لدارين تشوف اروى اللي كانت سرحانة ولفت لها وقالت بهمس وام وليد وابوها يتكلمون,,
دارين شفيك؟
اروى لاحياة لمن تنادي كانت رايحة مع السرحان؟
دزتها من جديد وانتبهت لها اروى....
اروى ها...
دارين شفيك؟
اروى بارتباك ولاشي..
دارين بلى...
اروى بتنهيدة بعد ماتاْكدت ان محد يناظرهم انا انخطبت؟
دارين بفرح صدق!!
اروى قصري حسك لااحد يسمعنا؟
دارين ومنو سعيد الحظ؟
اروى مدري..
دارين شلون يعني؟
اروى امي قالت لي بس ماقالت لي منو...
دارين .......
اروى خلينا نقوم ونكلم احمد اكيد ابوي عطاه خبر وقال له منهو اللي خاطبني...جايني فضول اعرف؟
دارين خلاص اجل نقوم وندق لااحمد لان اكيد عنده خبر بالسالفة...
مشاري بعد كانت حالته حالة....
كان ماسك الجوال بيده وهو ينتظر يدق...
يبي يسمع صوتها ويصارحها بحبه اللي كان..واللي من شافها تجدد فيه من جديد رغم انه كان يطري عليه كثير ومانساه,,,
مايبيها تقتنع بفكرة انه خاطب بنت عمتها عن حب ولايهمه وش يوصل لمريم حتى؟
كل همه بها اللحظات هي..ولانه عارفها زين يدري انها ماراح تدق؟
مو بشاير يامشاري اللي بتلين لك هذا اذا فكرت تلين من الاساس!!
ماراح تتصل وراح تحرمني من سماع صوتها...
بس انا ابيها ياقلبي ابيها,,,
ابي اشكيها وابيها تسمعني,,,ابي اقولها وحشتيني ..رديني لحياتك ولقلبك ياريم الجزيرة يابشاير ياعمري؟
ارجعي لحياتي ورجعيني لحياتك بعد ها الفراق هذا اللي صار تكفين,,,
بعد ماناحت احزان الليالي والغياب شهور,,
وبعد ماصارت الفرقا حدود الهم في داري,,
اجيك بكل مساحات المودة وخافقي المكسور,,
ابيع اغلى مسافاتي لجل عينك انا الشاري,,
انا مدري وش الداعي لدربك صرت انا مجبور..
ولاادري ليه بغيابك ارجح فيك اعذاري,,
اذا ناسي انا اذكر كلام الشاطي المهجور,,
بيومه قلت لي ماشي وريحك هز اسواري,,
انا لامن جفاني الناس ولامن عشت لك ماْسور,,
ابيك بكل غياباتك ..هواك بدنيتي ساري,,
اشوف الكون بعيونك امانة والزمان يدور..
اثاري الحزن في دربي لحن يعزف على اوتاري,,
انا وسط السهر ارقب خيالك لابداه حضور,,
اصبر مابقى فيني يحن الليل لااسراري..
غيابك زاد عن حده حبيبي لاتزيد شهور..
هالة السلام..
احمد اللي كان ينتظرها وعليكم السلام...
هالة كانت واقفة جنب باب المجلس اللي هي جالسة فيه وقالت تبي شي؟
احمد بنتكلم شوي لو ماعندك شي؟
تقربت منه وقعدت بشموخها..
ظل يناظرها وكان بيقول شي بس لمح دمعة بطرف عينها كانت تحارب علشان تنزل وتنهد وسكت...
ناظرت بوجهه وقالت خير ...فيك شي يااحمد؟
قال بحنان وهو حاس بانكسارها وانها قاعدة تداري العلوم عندك؟
هالة بشموخ بالنسبة للي صار اليوم...احمد انا لي طريقتي بالحياة..ومو معنات اني قاعدة عندك انك بتمنعني من حياتي وبتغير كل شي على كيفك؟
احمد لاطبعا حياتك انتي بيتيها مع علي وبرامجك انتوا متعودين عليها ومقدر اغيرها لك مثل ماانا وريما مابنغير حياتنا علشانك؟بس كنت اتمنى تعتبريني..
قاطعته وقالت بنبرة خالية من الاحساس انت زعلان لاني مااتصلت فيك مباشرة؟
احمد بتفهم مو زعلان..بس تقدرين تقولين تضايقت؟
هالة طيب....
احمد مو هذا موضوعنا..
هالة بحذر شنو؟
احمد هالة....انتي مرتاحة؟
وقفت وقالت ليش ريما قالت لك اني مو مرتاحة مثلا!!!
احمد بهدوء مرتاحة بحياتك مع علي؟
وقفت مكانها لحظات وعيونها بالارض وكان بيجزم انها بتبكي بس تداركت نفسها ولف هو وجهها للجهة الثانية علشان لايثير لها أي حساسية وقالت تصبح على خير؟
راحت بدون أي شي ثاني وهذا اللي قلقه...هالة مو مرتاحة مع علي والاكيد انهم متهاوشين وشكلها كبيرة بينهم وعلي ماهو مسافر بس هي تبي تبعد؟بس وش اللي صار؟الله اعلم؟
تنهد وراح للغرفة يشوف ريمه ومالقاها راح المطبخ وكانت قاعدة على طاولة الطعام والجريدة بيدها...
احمد من على الباب... ليه قاعدة هنا؟
ريما لفت له كنت بطلع لك بس شفتك تسولف مع هالة وقلت انتظركم تخلصوا سوالفكم!!
احمد وانتي غريبة يعني علشان ماتجين؟
ريما بتصريف لا بس يمكن بينكم سوالف خاصة...احمد بتنام ولا بتسهر؟
احمد بتعب لا مافيني نوم وعيني عاشقة السهر ياام ثوب ابيض انتي ياحلوة....الا ريما عندنا حلى يناكل؟
تقربت منه وقالت بدلع انا!!!
احمد ناظرها وابتسم..
وعفست هي ملامحها وقالت ولامو حلوة لذيك الدرجةاللي تملي عينك يعني!!!
مسك يدها وقال بشيطنة خل نجرب ونحكم؟
سوت روحها مستحية وشالت يدها من يده وبعدت عنه وقالت خلاص انا غيرت رايي ماني من الحلى اللي بيعجبك...قول وش نفسك فيه وانااسويه لك بيديني اللحين ؟
احمد اوووف الخطير انسحب.....ياجبان؟
ريما بضحكة جبانة جبانة..بس اسهر معك انت قايل مالك في النوم الليلة؟
احمد هههه
ريما أي صدق مسوية لك المهلبية اللي تحبها....
احمد مهلبية النشا..قولي والله...يالله بسرعة حطيهم كلهم وانا بشوف لنا فلم؟
ريما باستنكار كلهم بتاكلهم يااحمد؟انت عارف كم الساعة تبي تجيب لنفسك السكري؟
همس لها من وراها وهي تطلع المهلبية يعني يكون السكري ماجاني للحين منك ولا مستقلة بحلاوتك يابنت؟
قالت وهي تضحك جوالك يدق روح شوف من المغثة اللي متصل لك ها الحزة؟
احمد أي صرفيني صرفيني مااعرف سوالفك انا..
كانت زينة بعدها بحبسها الانفرادي اللي اختارته...
بغرفتها اللي مو قادرة تطلع منها لايغيب عنها اخر نفس باقي لااحمد فيها؟؟
ماتدري وش اللي مخليه يطري في بالها ويدخل قلبها بدون أي سابق انذار؟
مروا على حياتها كثيرين وبكل مكان..وماكانت تعبر أي احد منهم ولا بنظرة حتى؟
السعودي والخليجي وحتى العربي والاجنبي شافت منهم كثير وهي تلف العالم مع ابوها وهي دلوعته..الا بليلة ملكة مشاري ..يوم شافت ها الاحمد ماتدري وش طرى عليها؟
ليه هو بالذات من بين كل الناس ماتدري؟
معقولة هذا قدري وهذا اللي مكتوب لي في الدنيا...
احمد...
اه يازينك بس....تصدق عشقت اسمك وحروفه....
احس بهيبتك قدامي وانا اللي ماصادفتك كثير؟
رفعت جوالها وبااصبع مرتعشة دقت له بعد مااخذت الرقم من جوال ابوها بدون مايدري.....
حست ان قلبها بيهوي من كثر ماهو يدق....
رد عليها ذاك الصوت الواثق وخلاها تجمد بمكانها وتحبس انفاسها بداخلها....
احمد نعم...
زينة .......
احمد منو معي!!
زينة بارتباك ويالله تكلم انا...
احمد بصرامة منو؟
زينة احمد......
احمد .........
زينة مرتك جنبك؟ابي اكلمك....
ماتدري ليش سكر السماعة بوجهها...
تضايقت...اي تضايقت....اصلا هي غلطانة كان لازم ترتب كلامها قبل تقوله؟ليش قالت له مرتك جنبك؟ويمكن مرته صدق جنبه ومايبي يتكلم؟
ظلت تناظر بالسماعة ودموعها ينزلون على خدها بحرارة...
اول انسان يحطمها ويكسر قلبها ومايسمعها وش تبي تقول...
غير كلمة احبك ماكانت بتقول...غير كلمة عشقتك ماكانت بتنطق؟؟؟
بس ماعطاها مجال تتكلم وسكر بوجهها....
احبك يااحمد احبك...وحتى اذا صديتني بعد بحبك....
اشوفكم بكرة على خير يالغلا
هلا وغلا فيكم ياحلوين,,,
البارت السابع عشر,,,
ريما منو؟
احمد باحتقار وحدة غبية؟
ريما باهتمام ليه؟
احمد تقولي احمد مرتك جنبك؟
ريما وش عندها ان شاءالله؟
احمد وانا شعرفني عاد؟
ريما بضحكة انت بعد الله يهداك كان عطيتني التلفون احاكيها يمكن انها مستحية منك,,
احمد وهو يضحك هههههه أي يبيلي اذا دقت مرة ثانية....
ريما احمد خلاص بسك ماشبعت؟
احمد وانتي بتنظريني بلقمتي !!
ريما وهي تشيل المهلبية من قدامه هاذي مو لقمة هاذي حلى..
احمد بس وحدة....
ريما لا...
احمد طيب ماينفع أي واسطة بالموضوع...
ريما لا..
احمد يتميلح عليها بس انا زوجك وحبيبيك...
ريما جيب غيرها ترى مامشت...
احمد افا...اللحين زوجك وحبيبيك مامشت...وش بيمشي بعد!
ريما معناته خلاص سالفة الوساطة انساها...
احمد مسوي جدية طيب وين جوالي خل اشوف ذي اللي تبي تسولف وانتي مو جنبي شعندها يمكن تعرف تسوي ها المهلبية وتفكني من مذلة بعض الناس؟
ريما وهي تركض تشيل جواله قبل لايوصل له طاحت الصينية بللي عليها..
احمد يناظر فيها وهي تنهدت بارتياح..
احمد انتي عفستي المكان ومرتاحة بعد!!
ريما وهي رافعة جواله لحقت على الجوال قبلك؟؟
احمد وهو يضحك ههههه وانتي مصدقة اني بكلمها؟
ريما مايخصني اول امسح رقمها بعدين يصير خير....
احمد والعفسة هاذي اللي هنا من بيمسحها بالله؟
ريما انت حبيبي مو انت اللي اكلت خلاص قوم امسح العفسة اللي صارت..وانا بسبقك بغسل وبدخل الغرفة؟
قالتها ووقفت..
احمد حسبي الله على ابليسك من بنت!!اللحين لا من المهلبية اكلناها...وفوق هذا انا اللي انظف العفسة اللي سويتيها؟
امري لله بس لايجي احد يشوفني من المستشفى وتضيع هيبتي بينهم!!!
في بيت ابو مطلق...
ابو مطلق مطلق وينه؟
نسايم اخذ بناته وطلع؟
ابو مطلق بعصبية من الظهر وهو ماخذهم؟اللحين الساعة داخلة على الوحدة؟
ام مطلق يمكن انه بيسهر مع ربعه....
ابو مطلق بعصبية وبس...هاذي سالفته كل ليلة...سهر مع ها الربع؟بدل مايجيب البنات عنده ويستقر و
جراح من وراهم انتوا ماتتعبون من الحكي بها السالفة؟
لفوا له وسكتوا...
جلس وحط رجل فوق الثانية وقال بجدية مو قادر يحس بحياته...انتوا اصلا مكرهينه بالقعدة هنا من كثر ماتتكلمون بالسالفة هاذي؟
ابو مطلق انا ابي له الزين ياجراح؟
جراح عارف يبى....اصلا هو حتى بناته مو قادر يحس فيهم ويحس انه ابوهم من كثر الحاحكم عليه...اتركوه يقرر ويسوي الشي اللي بيريحه وبعدين عطوه رايكم!
سكتوا بعد كلامه وبعد فترة صمت...
ابو مطلق جراح يبى..
جراح نعم يبى....
ابو مطلق انت مو ناوي تتزوج وتستقر يبى؟
دق قلبه بقوة.وتغيرت ملامحه وبان عليه..ليه دايم يجيبون ها السيرة.بس!!..
ابو مطلق ها...اشوف مارديت؟
جراح بتصريفة بيجيني يوم وبتزوج يعني وين بروح عن العرس يبى؟
ابو مطلق فكر زين ترى انا ابي افرح فيك يايبى واشوف عيالك....يالله تصبحون على خير..
قالها وقام...وبعد ثواني..
ام مطلق بحنان يمه..
جراح هلا بالغالية...
ام مطلق وهي تناظره قالت بهمس يمه انت تحب وحدة وافترقتوا؟
رفعت بشاير راسها بحسرة وماعلقت بس بان الحزن بعيونها من ها الكلمة...
حاول يبتسم لها بس كانت ابتسامته مرة وماقدر يخفيها وقال ليه تقولين كذا يمه!!
ام مطلق لان مبين عليك...سكوتك...شرودك...ضيقتك...طول وقتك وانت بروحك وماسك لي ها العود وتغني على الاطلال؟؟وطاري الزواج دايم تتهرب منه؟ولاعمري شفتك ماسك تلفون وتحاكي فيه احد؟ادري ما المفروض الام تفتح ها السوالف مع عيالها وتدخلها في بالهم لو هم مايفكرون بس وضعك هو اللي جابرني اقولك؟
جراح ومسوي انه يضحك ماشاءالله هذا كله دليل على اني احب وحدة وافترقنا!!بعد وش عندك ياام مطلق؟
ام مطلق بزفرة اذا هي تركتك ترى ماعندها نظر...وبتلاقي اللي تسواها يايمه؟
طعنته ها الكلمة وقال بعذاب وهو ناسي نفسه واذا ماتدري عن حبي؟؟ويوم درت راحت لحياة ثانية ولشخص ثاني؟؟؟
انتبه انهم كلهم يناظرونه وتنهد وقام....
بشاير لحقته بسرعة وحطت يدها بيده وقالت بهمس وهي حاسة بعذابه ابي اسولف معك بروحنا تكفى؟
طلعوا اثنينهم لخيمته برى وظلوا ام مطلق ونسايم....
دارين منو تتوقعين؟
اروى مدري
دارين بحماس اوووف لو ماكان الوقت متاْخر دقينا لااحمد عرفنا السالفة منه,,,
اروى انا حاسة انه واحد من عيال خالي,,,مدري ليش بس احس..لان امي قالت لي ليه مااروح انا عندهم كثر ماهم يجون عندنا؟
دق قلبها بقوة معقولة يكون مطلق؟لاحرام شكله عيونه زايغة وبتروح فيها اروى معه,,
قالت بتعجب من تفكير ام وليد وش ها المنطق اذا واحد من عيال خالك مالازم ترمين حالك عليهم لازم تثقلين!!!
اروى وانا هذا اللي كنت افكر فيه بعد,,,,
دارين الله كريم ولد خالك لو غيره اللي بتكونين من نصيبه بتاْخذينه لان البني ادم ماياخذ غير المكتوب له بها الدنيا لو يلف الدنيا ويدورها؟
اروى على قولتك...
وقلبت لهجتها للسخرية وهي تقول ولا من يصدق ان اخوي احمد الهيبة والاسم والثقل تكون ريما ها القروية من نصيبه!!!
دارين بتنهيدة صدق ماتوقعها احد....بس الحمدلله كاهم متفاهمين مع بعض؟
اروى بشوية احتقار بس ماهي عاجبة ابوي...ولو يحصل له زوجه غيرها...اصلا كل يومين وقايل له بزوجك؟
دارين بس احمد مايبي...عيونه ماتشوف غير ريما وبس...
قالتها وتنهدت...
اروى علامك؟
دارين ماودك؟
اروى بشنو؟
دارين بخيال انك تتزوجين مثل احمد....
اروى كمواصفات يعني؟
دارين لالالا يعني يحبك...يبيك بكل مافيك...ويخلص لك ..ومايهمه أي بني ادم من اللي حوالينه...هذا حب مو طبيعي يااروى...تحسين انك تعيشين فوق السحاب صدق!!
اروى أي الله يعطيك...ترى من ها الاشكال مافيه كثير؟
دارين بصدمة وليه مافي كثير كاهو احمد واحد من ها الناس؟
اروى وهي قايمة أي بس انقرضوا بعده خلاص مافي مثله الا بالاحلام اذا تبين رقدي الليلة وحلمي بكيف كيفك؟
مشاري دخل غرفتها وكانت سرحانة..
مشاري شفيك؟
زيمة ولاشي..
مشاري مو مبين ولاشي؟
بصوت ضعيف قالت تعبانة... وقامت تبكي...
مشاري بخوف احد مزعلك؟
رمت نفسها على صدره وقالت بدون مقدمات عمرك حبيت يامشاري من قلبك وحسيت ان فكرك مشغول بها الانسان؟
تنهد بقوة وكانه متقصدة تساْله بها الوقت بالذات عن ها الشي...
كملت وهي تبكي وتشاهق انا مدري كيف دخل قلبي؟ولاادري كيف تعلق فيه؟اصلا انا ماقد شفته غير مرتين بحياتي!!بس احس انه مسيطر على كل مشاعري!!
مو قادرة انام ولاقادرة اصحى؟مو قادرة افكر ولا قادرة استقر؟
حبه شاغلني!!
سالفتي معه بتكون سالفة طويلة عريضة....
مدري شقولك؟وضعه صعب ووضعي انا بعد صعب؟
مشاري زينة...عيب ها الكلام!!!
زينة مو بيدي يامشاري مو بيدي....مو قادرة..ابي أي انسان اشكيله تعبي وضيقة خلقي...
ابي أي احد بها الوقت افضفض له وادري انه بيسمعني...
ومالقيت غيرك ياخوي....
مشاري ضمها بقوة وهو يتنهد بتعب وقال وانا بعد تعبان يازينة.....
شفتها...بعد ها الغيبة الطويلة شفتها؟وبااخر مكان توقعت اشوفها فيه!!
اه يازينة اه...لو تدرين بللي صاير لي ومتعبني كان رحمتي حالي!!
مو عارف شسوي....وضعي صعب...اي خطوة بخطيها بتنحسب علي ويمكن ...اه...شقولك بس!!
زينة وهي تمسح دموعها شفيك يامشاري...قول ياخوي انا اسمعك؟
مارد عليها بس تنهد...
زينة بخوف البنت اللي كنت تحبها واللي سولفت لي قبل عنها؟
هز راسه بالايجاب بدون مايتكلم...
زينة بصدمة ومريم؟
غمض عيونه وماقال شي...
وهي غمضت عيونها من الخوف......
في الخيمة ظلوا قبال بعض...
قالت له وهي تحاول تكون طبيعية غني...
جراح باهتمام انتي مو جاية علشان اغني لك؟
تنهدت وقالت انا تعبانة....
جراح ليه...
قالت بعد تنهيدة طويلة وعميقة تتخيل نفسك تحب شخص ومايقدر حبك له؟
باهتمام قال وبعدين؟
بألم وحسرة قالت تفترقون...
ظل يناظرها بصمت...
كملت وبعدها تلتقون من جديد...
قالتها وغمضت عيونها ونزلوا دموعها...
تقرب منها وضمها لصدره وسمحت لنفسها تبكي على صدر اخوها...اللي هي عارفة انه مجروح حالها من حاله..
بهمس قال تحبينه؟
ببكي قالت موت والله
جراح طيب وش اللي واقف بطريقكم؟
بشاير بانفعال مستحيل مانقدر نتفق....صعب...صعب ياخوي صعب....
جراح بألم ليه..اذا تبينه وهو يبيك..لايهمك شي...انا بوقف معك بساعدك بكل ماتبين بس لاتخسرون بعض يابشاير؟
انفجرت بالبكي وقالت الا بوضعنا محد يقدر يساعدنا ياجراح محد..
جراح ليه تسكرينها يابشاير...ترى الفراق اكثر شي يعذب يااختي؟؟
بشاير بحسرة وهي تمسح دموعها انت تكلمني عن الفراق!!!ليش ماعشته ولاجربته!! ياجراح انا مت من فراقه وشوفته من جديد ذبحتني اكثر واكثر!!
وش سويت بدنيتي علشان يصير فيني كذا بس!!
جراح طيب قوليلي وش السالفة يمكن اقدر اساعدك؟
بشايربياْس ماتقدر ياجراح ماتقدر؟
جراح بحنان طب محنا خسرانين شي..قولي وبنشوف...
فضلت انها تلتزم الصمت وماتتكلم واحترم قرارها وسكت هو بعد,,,
كانت جالسة بغرفتها او بالمكان اللي صار غرفتهاوتنهيداتها مالية صدرها...
دموعها نزلوا من عيونها بدون ماتحس.....
كانت ماسكة الجوال بيدها وحاطة على اسمه...
تبي تدق ومو قاوية...
رمت الجوال بعيد وانفجرت بالبكي....
ماهي سعيدة...ابدا ماهي سعيدة معه؟
شهرين وحياتها مقلوبة فوق تحت.....
شهرين والدموع والتفكير مالين حياتها ومعوفينها النوم والراحة!!!
محد حاس فيها وبللي قاعدة تداريه,,,,
ياليته كان يفكر فيها وفي مشاعر الانوثة اللي عندها ومايكون بها القساوة,,,,
ماهي عارفة لوين بتوصل...
حياتها كلها ماشية تحت قناع بارد من المشاعر...
حتى اقرب الناس لها مي قادرة تكون معهم صريحة وواضحة وعاطفية...
وينك يمه....انا محتاجتك جنبي بها اللحظات الصعبة...
ابيك تشورين علي يالغالية...
هالة ماهي هالة القوية اللي الكل متصورها...هالة قاعدة تنهار يايمه ومحد حاس فيها....
هالة بتنفجر...هالة متحطمة يايمه وتعبانة,,,
حطت راسها على المخدة وهي تحاول تمسح دموعها اللي كل مامسحت فيهم زادوا اكثر...
وين الهيبة ياهالة...وين الثقل اللي بالمستشفى وبرى المستشفى؟؟وش اللي ضعفك كذا وخلاك تموتين من تفكيرك؟
ام وليد انا حاسة اني مو قادرة اتحمل تصرفات جراح؟
ابو احمد بلااهتمام ليه وش مسوي بعد؟
ام وليد تنهدت...
ابو احمد بجدية شيلي فكرة القرب منه وانتي بتعيشين بسلام؟
ام وليد واطير ملايينه وخيره واخلهم يروحون لغيرنا!!مستحيل؟
ابو احمد معناته ماراح تظلين مرتاحة وبيظل قالقك التفكير بجراح وملايينه؟
ام وليد وش عندي عاد!!خل افكر بجراح وملايينه؟
ابو احمد انتي قاصرك شي؟
ام وليد بدون نفس لا
ابو احمد باصرار وعيالك قاصرهم شي؟
ام وليد بتنهيدة لا...انا ماقلت لك قاصرنا شي يابو احمد بس..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك