رواية الله يسامح اثنين جابوني للدنيا و راحو و خلوني -12
سكرت من دانا وهي موب مصدقه انها بتنخطب جلست تمسح على شعر بيادر وتقرا عليها
مسكينه بيادر من صغرها وهي محيره لولد عمتها سلمان وكانوا يعشقون بعض صح انه كان اكبر منها بكم سنه بس تحبه وتموت فيه وكان واعدها انه يخطبها اول مايجي من البعثه بس ربي ماكتب وبيادر من سمعت بخبر وفاته انصدمت حتى لها كم يوم ماتتكلم ولاتاكل ولاتشرب ورافضه تجلس بالمستشفى والدكتور طمن اهلها ان الحاله اللي تمر فيها طبيعيه وماراح تأثر عليها بس كل هاللي هي فيه من قوة الصدمه اللي اثرت عليها حييييييييييييييل
طبعا جاء عبدالعزيز لإبووليد اللي هو إبو ريم وبحكم ان عبدالعزيز اخو خالد الكبير خطب له ريم من ابوها وابوها قال انه موافق بس بيشاور البنت وكذا
ولما ابو ريم سئل ريم استحت وماردت وامها قالت لإبوها ان دانا اخت خالد قايله لريم قبل لايجي خالد يخطبها وفهم ابوها من هالكلام ان ريم موافقه
وحددوا يوم الملكه
والكل فرحان لريم بس زعلانين على بيادر اللي للحين على حالتها
وريم أرسلت لدانا مسج
ودانا لما قرته ماتت من الضحك
ريم كانت مرسله"دنو تكفين ارسلي لي صورة خالد ودي اشوفه واستحيت ادق عليك واقولك فقلت ارسلك مسج احسن"
داناارسلت لها"ههههههههههههه يابنت اثقلي كلها كم يوم وتشوفينه بالملكه
بشاير كانت جالسه بنص الدرج وتصااااااااااااااااااارخ آآآآآآآآآآه يمه آآآآآآآآآه شكلي بولد آآآآآآآآآآه لحقووووووووووووووو علي
دانا نزلت من الدرج منهبله ومتلخبطه ماتدري شتسوي:بشاير شفيك
بشايرتبكي:آآآآآآآآآه يادانا شكلي بولد آآآآآآآآآه وادق على عزوز مايرد تكفين روحي بسرعه لإمي خليها تجي هي وعساف ياخذوني للمستشفى بسرعه
داناارتبكت من طاريه:طيب يمكن خالدفيه بوديك انا وياه
بشايرمازالت تبكي وتصارخ:آآآآآآآآآه لا محد فيه تكفين بسرعه والله خلاص وصلت حدي
دانا:طيب انا والسواق نوديك
بشاير:اقولك روحي قولي لإمي تجي مقدر اقوم لازم احد يشيلني ابيها تجي هي وعساف عشان عساف يشيلني بسرعه آآآآآآآآآآآآآآه يمه بولد بولد تكفين روحي بسرعه
دانا محتاسه:طيب طيب و راحت فوق بسرعه ولبست عباتها وتلثمت وجابت عباة بشاير نزلت بسرعه حطت عباية بشاير على الكنب وطلعت
بسرعه تركض حتى نست انها حامل
والمفروض ماتركض
كانت تطق الباب
وتدق الجرس
ام عساف طلعت مخترعه وتقول:خير اللهم جعله خير
عساف كان يتفرج
طلع بسرعه وفتح الباب
وتجمدوهي تجمدت وقعدوا ساعه يطالعون بعض محد منهم قدر يفتح فمه بكلمه
ام عساف بخوف :خير وش فيه الللهم جعله خير
دانا كأنها كانت نايمه وصحت قالت وهي تناظر عساف بحب:ااء بشاير بشاير بتولد وقالت لي بسرعه اناديك ياام عجزت تنطق اسمه قلبها ينبض تنهدت واخذت نفس وقلبها ينبض بسرعه وانفاسها سرييعه يام عساف انتي وعساف تجون بسرعه
ام عساف انهبلت :يمه بنيتي يارب هون عليها يارب اصبري بروح اجيب عباتي واجيك
دانا:طيب
عساف طلع برى:وانا بشغل السياره يمه واجيبها لكم وانتم روحوا
امه قد راحت تجيب عباتها ودانا طنشته ماردت عليه
ركب سيارته وراح وام عساف لبست عباتها وجت وطلعت وراحت هي ودانا
بسرعه دخلوا البيت وبشاير كانت تصرررررخ وينكم خلاص بولد خلاص
امها:اذكري الله يمه وخذي نفس
عساف شالها وركبها السياره ورى دانا ركبت معاها ورى
وام عساف قدام وراحوا للمستشفى
بشايرراسها بحضن دانا:آآآآآآه يمه آآآآآآآآآه
ام عساف لفت وجهها على ورى:ياقلب امك انتي اصبري هذا حنا شوي ونوصل
عساف مرتبك موب قادر يركز ويسوق كل شوي يسرق نظره عليها من المرايه اللي عنده قدام
ندماااااااااااااااان انه طلقها وفرط فيها ندماااااااااااااان حيل
وصلو للمستشفى
وعساف نادى الممرضات اخذوها بسرعه ودخلوها غرفة الولاده وحطولها طلق صناعي
وام عساف تدعي انها تقوم بالسلامه لانها بتولدقبل موعدها
وعساف دق على عبدالعزيز يخبره مع انه ماكان طايقه ابد
قعدوا ينتظرون وينتظرون
جاء عبدالعزيز ودخل عند بشاير بغرفة الولاده بعد ماقال للـ الدكتوره انه زوجها
بشاير كانت منسدحه على سرير الولاده وتبكي وتصارخ وتتنفس بقوه
والممرضه تمسح عرقها اللي على جبينها وتمسح دموعها
قرب منها عبدالعزيز
ومسك يدها يهديها ويطمنها وهي عيونها متعلقه فيه اول مره تستحي منه تمنت انه مادخل
واستحت اكثر لما عبدالعزيز قرب منها ومسك يدها وباسها وقعديطالعها بنظرات يعني"تطمني انامعك"
بشاير للحين تصرخ ماقدرت ترد عليه بس ماتت من الفشيله مستحيه لانه داخل معاها بغرفة الولاده
اللي برى كانوا ميتين من الخوف عليها لانها طولت حيل وعبدالعزيز مكيف داخل يعنني زوجته مالت عليييييييييييه
ام عساف جالسه ولسانها ماوقف عن الدعاء لبنتها
وعساف رايح جاي وحاط يده على خده وكأنه يفكر بشي
دانا جالسه جنب ام عساف وتمسح على كتفها وتقولها هدي نفسك ياخالتي
طلعت عليهم الدكتوره فزت دانا ووراها ام عساف وعساف وقربو من الدكتوره
ام عساف بخوف:هاه بشري يابنيتي؟
بشرتهم الدكتوره بإبتسامه ان بشاير جابت ولد
ام عساف سجدت سجدة شكر من الفرحه
وعساف نسى نفسه ضم دانا وقالها::واخيرا صرت خال
دانا انصدمت من حركته وتفشلت من ام عساف
بعدت عنه وقالت مبروك
عساف توه حس بنفسه:الله يبارك فيك
دانا باست راس ام عساف:مبروك ياخاله صرتي جده من قدك وإبتسمت
ام عساف:الله يبارك فيك
دانا ناظرت عساف وقالت:يلا عن اذنكم بروح للبيت تعرفون انامطلقه وللحين بالعده مايصير اطلع من البيت من غير ظروره
وراحت
ام عساف :انشهد انها ونعم البنت حتى لوانها لقيطه وإلا اللي هي يكفي انها اصيله ومعدنها نظيف حسافه ياوليدي فرطت فيها
عساف مازالت عيونه على طيف دانا اللي تلاشى بين الممرات:ايييييييييي والله يمه
نقلوا بشاير لجناح ملكي خاص
واخذوا الولد للحظانه
وعبدالعزيز رجع لـ الشركه وكان موب مصدق اللي قالته الدكتوره له
حس انه كرررره ولده من اول يوم طلع فيه لـ الدنيا
ضرب الطاره(السكان-الدركسون)بأقوى ماعنده
وعض على إصبعه:آخ يالقهر آخ ولدي انا طلع
ام عساف جالسه على الكرسي عند راس بشايروتطالع فيها بصمت وبشاير مازالت تحت تأثير البنج
عساف طلع برى ودق عليها
دانا كانت للحين ضايعه بزحمة شوارع الرياض مع السواق
طلعت جوالها من شنطتها ورجع قلبها يدددددددددددددددق طبوووووووووووول
ليه ياعساف ليه كل مابي انساك تطلع بوجهي
ردت وسكتت
عساف:الو
دانا لوت فمها:نعم ؟
عساف انقهر من حركتها:معليش ادري ازعجتك بس كنت ابعتذرلك عن حركتي اللي سويتها قبل شوي و
قاطعته دانا:اعتذارك وصل وقطعته بوجهه وقعدت تصييييييييييييح
"أحبـــــــه أحبــــــــــــه حرام عليه عذبني عذبني"
وصلت للبيت ونزل السواق وفتح لها الباب نزلت ومسحت دموعها بيدها
وراحت فوق بسرعه
كانت نايمه وصحت على صوت جوالها هذا اللي ماحسبت حسابه حاتم يدق عليها
ردت بتردد:الو
حاتم بزعل باين:زين رديتي
حنان بدت تضعف اشتاقت له حيل:معليش حاتم انااحبك وابيك بس امي عرفت وقالت لي امسح رقمك واحذف ايميلك من المسن و احذف رقم البي بي
وخلاص لاعاد تدق ولاشي خلاص انساني انسااااااااني ماامداه يتكلم إلا هي قفلت الخط بوجهه وقفلت الجوال نهائيا وهي راضيه عن اللي سوته
فاتن كانت متوتره وخايفه
وامها مصدوووووووووووووومه لأن الدكتورقالهم ان فاتن هرمونات الذكر عندها اكثر من هرمونات الأنثى
وحددلها موعد عشان تسوي عملية تحسين جنس
لما رجعوا للبيت حنان كان الوضع عندها عادي لانها كانت متوقعه هالشي
بس امها طول الوقت تفكر وش بتقول لـ الناس وابوفاتن لودرى بعد وووووو
بس ماقالت لفاتن عشان ماتضايقها ولاتجرحها فاتن تحس انها ارتاحت لانها عرفت هي شنو جنسها بالظبط بس خايفه
ماودها تسوي العمليه ودها تظل انثى ,,,
دانا كانت توها جايه هي وخالد من نايف وصدورهم ضايقه عليه
متغيييييييييييييييييييييير حييييييييييييييييييييل
مرو البيت ووقالت دانا لجولي تسوي القهوه وهي سوت شاي كمون
اخذو سلةشوكولاه من باتشي وبوكيه ورد من محل
وراحو لبشاير
دخلت دانا ودعت ربها انها ماتلقى اللي عذب خفوقهاكانت منزله عيونهارفعت راسها وقالت:السلام عليـ وذابت الكلمه بفمها لماشافته يناظرها بوله وشوق وعيونه مدمعه كسر خاطرها
خالد نغزها:ادخلي دندون شفيك فهيتي؟ودخل يسلم على عساف
دانا:هاه ايه ايه وقربت من ام عساف وحبت راسها ونزلت بوكيه الورد والشوكولاه وسلة القهوه على الطاوله:ماصحت بشاير خالتي؟
ام عساف:تحبين الكعبه يمه
لا والله للحين إلا عبدالعزيز وينه ؟
دانامستغربه:ماجاكم؟
ام عساف:لا من طلع من غرفة الولاده ماعاد شفناه
دانا سكتت
خالد وعساف قعدوا يسولفون
وام عساف صبت لهم قهوه
دانا قعدت تتأمل بعساف وتفصل ملامح وجهه تفصيل
عساف كان مبتسم وسرق نظره لها ولقاها تقز فييييييييييييه
طاحت عينه بعينها
وقعدوا يطالعون بعض
ونسوا العالم كله
وعيونهم تحكي
وآه من حكي ولغةالعيون
مايفهمها إلا اللي يعرفها
عيون دانا "آه ياعساف أحبك ومشتاقه لك حيل ليش تحرمني منك ليش"
عيون عساف"ياليتني ماطلقتك انا ندمان حيل لأني أحبك مره بس انتي اللي طلبتي الطلاق وكنتي مصره عليه "
فجأه دانا نزلت عيونها وغمضت تخاف دموعها تفضحها
عساف حس بألمها
دانا تبي تطلع من هنا بأي طريقه تحس انها اختنقت:عن اذنكم بروح اشوف البيبي
ام عساف:طيب وكان وافقوا جيبيه هنا ودي اشوفه
دانا:من عيوني وراحت
اول ماطلعت سندت ظهرها على الجدار وحطت يدها على قلبها وتنفست بقوه:ااااااااوه
وراحت للحضانه
شافت الممرضه :لوسمحتي ستتر وين بيبي ماما بشاير الـ
الممرضه اشرت بإصبعها: هناك
راحت دانا وقربت من القزازه وانصدددددددددددمــــــــــــــــت
وعرفت ليش عبدالعزيز للحين ماجاء اكيد انه مصدووووووووم
ولد بشاير مغـــــــوووووووووولي
جلست دانا تتأمل فيه وعيونها مليانه دموع
يآحياتي يجنن ابيض وحلووووووو بس ماتوقعته مغولي ابد
وبدون ماتحس حطت يدها على بطنها وضمت بطنها بيدها بكل حنان
مستحيل اتخلى عنك مستحيل ماراح اسقطك راح اولدك بإذن الله واربيك واخليك احسن طفل بالدنيا
مسحت دموعهاوقالت للمرضه انها بتاخذ البيبي بس الممرضه رفضت لأن الطفل التنفس تعبان عنده شوي وتحت الأجهزه
راحت دانا بحزن واضح
ودخلت عليهم وهي تبكي
بسرعه حضنت ام عساف:خالتي وبكت بقووووووووه
ام عساف:بسم الله الرحمن الرحيم
علامك؟
دانا:البيبي اللي ولدته بشاير
ام عساف تحس قلبها بيوقف :شفيييه؟
دانا:مغولي
كلهم ثلاثتهم انصدموا ام عساف وعساف وخالد
وصحاهم من صدمتهم صوت بشاير اللي صحت من البنج وهم ماحسوا فيها واول ماصحت سمعت الحكي اللي قالته دانا
وقعدت تبكي بألم وصوت واطييييييي:هذي حوبتك يادانا حوبتك
دانا نزلت راسها
ام عساف وعساف وخالد موب فاهمين شي
"وبشاير كانت تقصد انو ربي عاقبهم لان عبدالعزيز تحرش بدانا وبشاير ظلمتهاواكثر من مره تدعي عليها ودانا المسكينه مالهاذنب"
خالد إستاذن وطلع وقال لدانا انه ينتظرها بالسياره
عساف ساكت ومصدوم وموب فاهم شي
ام عساف تمسح على شعربشاير:اذكري ربك يابنتي
بشاير بكت اكثر وتنهدت:آآآآآآآه لاإله إلا الله
دانا قربت منها ومسكت يدها:بشاير لاتقولين كذا مره ثانيه حوبتي ومدري ايش احمدي ربك على كل حال
بشاير ساكته وتبكي
استاذنت دانا وطلعت لأن خالد ينتظرها
مرت على دكتورة نساء وولاده ورتبت عندها جدول مواعيد لحملها
وقالت لها الدكتوره بعد ماكشفت عليها انها حامل لها شهرونص
بعد ماطلعوا من المستشفى خالد كان يسوق بصمت
ودانا تفكر فبطنها اللي راح يكبر وماتدري وش تسوي
وجاء فبالها شي لازم تبحث عنه بالنت او تسئل شيخ
واللي هو هل طلاق الحامل يقع أولا؟؟؟
هي جاهله بهالأمور وتبي تتأكد عشان ضميرها يرتاح
ام عساف راحت للبيت تجيب لبشاير شوية أغراض
وطبعا راحت مع عساف
بشاير كانت تبكي وكل حزن الدنيا فيها
دخل عليها وبدون نفس وهو تقل ميت له أحد فاتح ازارير ثوبه وعيونه ذبلانه وحاط يده بشعره وداه على ورى وتنحنح
هي لفت لجهته وبعيون مليانه دموع مدت يدها اللي فيها المغذي له
عبدالعزيز مسك يدها وباس خدها :الحمدالله على السلامه ومسح دموعها بطرف إصبعه
بشايربهمس وهي تتأمل بعيونه الذبلانه:الله يسلمك
عبدالعزيز سحب الكرسي وجلس:متى بتطلعين؟
بشاير:مدري بس ع مااظن بكره العصربيكتبون لي خروج
عبدالعزيززفربضيق:زين
بشاير:ماودك تشوف ولدك؟
عصب عليها:لاتقولين ولدك
ماهو ولدي
بشاير:عزوز حرام عليك والله حرام لاتقول كذا
عبدالعزيز بعصبيه اكثر:لاماهو حرام علي
وعلى فكره منتي آخذته من المستشفى شوفي له صرفه
بس مابي اشوفه
بشايربكت وانهارت:انت وش قاعد تخربط يامجنون هذا ولدي من لحمي ودمي ومستحيل اتخلى عنه يعني عشانه وسكتت
عبدالعزيز قام بسرعه ودف الكرسي وطاح الكرسي على ورى
بشاير فزت وخافت منه
أشر عليها بإصبعه:هه شفتي كيف حتى انتي منتي قادره تنطقينها وتقولين انه مغولي سكت شوي ياخذ نفس وكمل
كله منك كله منك ليش من البدايه ماكشفتي وشفتي هو طفل سليم وإلا لا
وبعدين قالها بإستهزاء ياقلبي انتي لاتعلقين فيه واجد لانه ماراح يعيش كثير وطلع وتركها
بشاير كانت منهاره وميته من البكي ودقت الجرس
جت لها الممرضه قالت لها وهي تبكي:متى بتجيبون لي ولدي برضع متى وحطت يديها على وجهها وقعدت تبكي
الممرضه رحمتها حطت يدها على كتفها:خلاص يامدام هدي حالك دي الوئتي حقيبهولك
وراحت عنها
دخلت ام عساف نزلت الأغراض على الطاوله وضمت بشاير وهي خايفه عليها وتسمي عليها وتهديها
بشاير ضمت امها:يمه لحقي علي يمه آه ياقلبي عبدالعزيز متبري من ولده
وسمعني كلام زي السسسم
امها وهي تمسح على شعرها:حسبي الله ونعم الوكيل فيه ياويله من الله ليه يعني هالطفل المسكين عشانه مغولي ماله رب يعني
وجلست تقرى على بشاير
وبشاير ضامه امها ومغمضه عيونها وتتهأوه وتبكي
دانا تكلم ريم
دانا:ايه واقولك تخيلي طلع مغولي ياقلبي عليه والله يوم شفته رحمممته شكله يجنن بسم الله عليه
ريم :ياااااااااااحياتي
دانا:ياربي شكل خالد راح يأجل الملكه
ريم:يكون احسن
دانا:افا ليه؟
ريم:بصراحه احس اني خايفه
داناضحكت:ههههههههههه وين اللي ذاك اليوم تقولي ارسلي لي صورته ومدري ايش
ريم ضحكت بعدهي الثانيه:هههههههههههه كلام ياوخيتي كلام هههههههه
دانا:طيب يلا ياقلبي تبين شي؟
ريم:وين بتسكرين؟
دانا:شرايك يعني؟
ريم:ههههههه طيب أوكي
دانا حست فيها:تعالي
كأنك كنتي بتقولين شي صح؟
ريم:يمه منك كفشتيني
دانا:ههههههههههه موعلي ياريموه يلابسرعه قولي وش عندك؟
ريم:لا
يعني بس بغيت أسئلك اخوك نايف وينه؟حتى ابوي مستغرب يقول انه يوم خالد يجي يخطبني ماجاء إلا هو واخوك عبدالعزيز ونايف ماجاء
دانا سكت شوي بعدين قالت:يوه ماقلت لك انا نايف تعبان وبالمستشفى بس إن شاءالله بيطلع قريب
(طبعا ماحبت تقول لريم ان نايف يتعالج عن الإدمان)
ريم:اها
سلامته والله مايشوف شر
دانا:الله يسلم عمرك حبيبتي
ريم:يلاباي
دانا:باي
وفاء بعد ماخلصوا من العشاء قاعده تغسل مواعين العشاء
وامها قاعده بالصاله تكمد تسنيم عليها حراره
لما خلصت وفاء اخذت لها كاس مويه وحبت بنادول اكلت الحبه وشربت المويه وطلعت من المطبخ تمددت على الكنب وهي تتحلطم
انها متكسره وتعبانه سئلت امها:ها يمه خفت حرارتها؟
امها :يعني نص ونص
وفاء:تبيني اوديها للمستشفى؟
امها:لا لا مايحتاج الحين تخف إن شاالله
بعدين وين بتروحين هالحزه مع التاكسي لايمه اخاف عليج
وفاء تقلد لهجة امها:إنزين يمه
وفاء قامت من الكنب وجلست بالأرض عند امها وقالت لها:يمه تكفين قولي لي القصه كامله
انتي ماقلتي لي إلا انه كان عندك بنت اسمها مها وام علي احرمتك منها وانا موب فاهمه شي
امها تنهدت تنهيده طويله تعبر عن معاناتها وألمها:شقولج شخلي يابنيتي
وفاء تحمست :قولي يمه انا اسمعك
امها تنهدت مره ثانيه:انزين بقولج انا يابنيتي قبل لآخذ ابوج كنت أحب واحد كان وياي ايام الجامعه طبعا اهلي كانوا اهني بالسعوديه وانا كنت ادرس الجامعه بالبحرين
وانا كنت فري لأنه امي اللي إهي يدتج (جدتك)كانت روسيه
وكنت وايد مدلعه ومترفه بس ابوي قاسي علي شوي
المهم هالواحد اللي حبيته كان بحريني
وعشنا اجمل قصة ماراح اقولج حب بقولج اجمل قصة عشق
بس لما خلصنا الجامعه انارجعت للسعوديه
وحبيبي ياء(جاء) للسعوديه عشان يخطبني من ابوي بس ابوي رفض لانه هالريال مومن مواخيذنا
انا ينيت
قررت اهرب وياه
بس خفت من ابوي
وبليله من الليالي
كان اهو ليما احين موجود بالسعوديه
على امل انه ابوي يوافق عليه
اناطلعت وياه و كنت ابجي بحضنه لانه انا ماراح اكون من نصيبه
وكنت اشكي له من ابوي لانه مايبيه ليش انه مومن مواخيذنا
اهو قعد يهديني وقبلني بحراره يبي ينسيني همي واللي انا فيه ويبي يحسسني بحبه لي وانه ماراح يتخلى عني ابد
عاد انا نمت واناابجي بحضنه لاني عارفه ابوي وانه مستحيل يوافق عليه لو مهما كان
وماحسيت بنفسي إلا وانا عاريه على سريره ونايمه على صدره
وفاءشهقت:يمه انتي من جدك؟
امها مسحت دموعها :ايه
وفاءضمت امها:ياقلبي عليك يممه طيب كملي
كملت امها بصوت باكي:قعدت ابجي واقوله انا شيابني هنيه بحجرته قالي انه قص عليه الشيطان وخذاني وياه لشقته وصار اللي صار
انا زعلت منه وعصبت عليه وماكان على لساني إلا ياويلي من الفضيحه وابوي ياويلي من الفضيحه وابوي
وبعد ايام قالي ابوي انه واحد من عيال عماني اللي بالبحرين اخطبوني انا مت من الخوف احين اكيد بنكشف رفضت وبشده وابوي قالي اكيد عشان اللي مايتسمى
وهددني انه لوماتزوجت واحد من عيال عماني راح يقتل حبيبي
الله يهداه ابوي كان وايد قاسي وانا مااقدر اتزوج وانكشف
وطبعا دعيت الله انه يحفظ حبيبي بس ليومج هذا من بعد ماقالي ابوي انه راح يقتله وانا مدري عنه اي شي مدري وينه فيه ولا شصار عليه
وطبعا المصيبه الأكبر انه انا اكتشفت اني كنت حامل
ومااكتشفت الا متأخر وماقدرت اسقط الجنين
وابوي درى وطقني طق ورفسني على بطني بس هالجنين الله موكاتب انه ينزل
ويوم ولادتي ابوي كان خايف من الفضيحه ياب لي وحده تولد بالبيوت ينقال لها ام علي
وامي المسكينه كان مابيدها شي تسويه لي وكان يتقطع قلبها علي بس مابيدها شي وكانت مووايد تعرف عربي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك