رواية من أعماق أحضان مجنونة -11
ماعمره ارتاح معها ولا شاف السعادة..كل حياتهم كانت نكد ونكد...كل شي بينهم تروح تقول لاابوه وامه...
كل شي تشوفه تعلم فيه وها الشي اللي كرهه فيها..
ماخلت حياتهم ستر وغطى..
همها تاخذ اخباره وتفتن عند اهله...
كرهت نفسها في قلبه وفشلت علاقتهم وهو اللي من اول اصلا ماكان قلبه مايل لها,,,
تنهد بقوة اكبر وتسند وغمض عيونه....
يبي يرتاح من ها الامور كلها...بس شلون؟
اليوم كان عندها حماس ماهو طبيعي ابدا...
لانها تبي تتاْكد من كلام جراح اللي قاله امس؟
هل فعلا هو قاعد يتابعها ويعرف امورها ولا قاعد يحط في بالها ها الشي علشان شي في باله؟؟؟
تنهدت وطلعت مثل العادة وهي عيونها تلف يمين وشمال وتدقق بالسيارات اللي تمشي معهم بنفس الخط؟
معقولة سيارة جراح بتكون وحدة من بينهم!!!
طيب واذا كان ياهالة...وش بتسوين يعني!!!
بتوقفينه وبتكلمينه وبتسئلينه!!!
لالالاوش اقوله؟هذا مجنون وغبي...وفاضي ماعنده شي؟؟
اوووف ياربي....وش ها المجنون اللي ربي بلاني فيه؟
سبحان الله من فصيلة ام وليد بالمغثة مافرق عنها بشي ابدا!!!
انتبهت ان في سيارة وقفت قريبة من سيارتهم يوم يوقف السايق بمواقف المستشفى...
بس ماهي نفس السيارة اللي كانت امس بالمحطة وراها...
اقوم ولالا...اي لازم اقوم ولااني معطلة اموري علشانه ..
ويمكن مايطلع هو ياهالة ؟؟
طيب انا نازلة بس اذا طلع هو بقلب الدنيا على راسه وبوريه نجوم الظهر وبكلم احمد علشان يوقفه عند حده السخيف التافه الفاضي!!
نزلت ويوم مرت من السيارة كانت مظللة وها الشي خلاها تتضايق لاسيما ان مافي احد نزل منها!!!
كملت طريقها وهي تتمنى انه يجي بعدها ويدخل المستشفى علشان تغسل شراعه بس ماصار...
لان مو بروحها ذكية...حتى جراح ذكي وعارف بلللي يدور براسها علشان كذا مانزل وراها وغير السيارة من اساسها علشان تظل مقهورة ومشتتة؟
ابتسم وقال بتشوفين ياهالة بتشوفين...اجل انا سخيف وتافه يا .....ياحبي انتي!!بتشوفين اذا مااعذبك واتعبك مثل منتي قاعدة تسوين فيني مااكون انا جراح ..
تنهد من قلب وهو يردد بينه وبين نفسه,,
. ودي اشوفك والامس اياديك ..واحكيلك عن قلب ماليه بغلاتك
ودي تنادي ياحبيبي والبيك.. ودي اجيلك وانت في منامك
واقولك ياحبيبي انا اللي يبيك..
انا اللي فضل جنتك وعشق نارك..
ياحبيبي والله ودي احاكيك.. واقولك اني اموت بترابك
وودي ياحبيبي اني اوصيك.. على قلبي اللي متابع اخبارك
ودي قبل لااموت ياحياتي واخليك.. متمتع مع اهلك واحبابك
على دفنتي ودي اني اوصيك..ودي تكون عند بابك
لااجل تمشي على تراب قبري برجليك.. واقوم انا واقبل ترابك
ودي اسمعك تقول احبك ابيك.. ابي اكون بدنيتك فارس احلامك
بس دامك بدنيتي رفضت اني اجيك
اسمع ها الكلام وخله في بالك..
ارجوك على دفنتي مااوصيك..ارجوك انها تكون عند بابك,,
وقبل الختام ودي اراضيك...بس المشكلة اجهل زعلك من رضاتك,,
خليتني تايه الله يجازيك..وخليتني شاعر يكتب ويرسل لااعماقك!!
اليوم عند زينة واخوها غير ...
ماطلعت عليهم الشمس الا وعيونهم اصلا ماغمضت ولاذاقت النوم...
كل واحد في باله الف تخطيط وتخطيط وشاغلته افكار طول بعرض....
زينة مقررة انها تروح وتشوفه اليوم...بس شلون..هني المشكلة بس تتدبر يازينة مو مشكلة انتي اخطي الخطوة الاولى وبعدها كل شي بيكون تمام...
ومشاري بعد كان مقرر انه يكلم بشاير باي طريقة..طلع حتى قبل الفطور وراح وقف عند بيت ابو احمد علشان يشوف أي حركة او أي خبر لو طلعت من البيت رغم انه حسها فكرة فاشلة لان سيارتهم بالكراج ولو طلعت مع واحد من اخوانها مابيعرفها اكيد!!!
يبي يكلمها...لازم يكلمها ويشرح لها ...وش تشرح يامشاري؟؟؟
أي شي...مو مهم وش بيقوله....
المهم انه يكلمها....
ويقولها انه يحبها فعلا وانها هي تركته بدون أي كلمه وان ارتباطه بمريم علشان الشراكة اللي بين ابوه وبين ابو احمد وبس!!
وانه مايكن لها أي مشاعر خاصة حتى يوم حاول يتقرب منها...
بس هل بتصدقه ولا بتعتبره جاي يحسن صورته علشان لاتفضحه عند مريم؟؟
لابشاير مو من ها النوع ولاتفكيرها كذا...
ام وليد اقول اروى...
اروى بنعس نعم يمه...
ام وليد انتي ليه ماتروحين لنسايم وبشاير؟
اروى نسايم دايم مطيحة هنا ليه بعد انا اروح هناك؟
ام وليد بتاْفف لازم انتي بعد تروحين هناك؟
اروى ليه علشان اسمع واجي انقل الحكي؟
ام وليد بحدة لا حبيبتي ماابي منك ها الخدمة...
اروى اجل وش له تبيني اروح؟
ام وليد وليه ماتروحين يعني!!
اروى مو شايفة أي سبب يتركني اروح هناك...
ام وليد في بالها غلطانة يااروى...جراح اكبر سبب ممكن يتركك تروحين هناك ياحظي!!
اروى شفتي ان مافي أي سبب...
ام وليد لا في...بس مو قايلة لك عنهم الا اذا شفتك تروحين هناك؟
اروى يمه صاير شي؟
ام وليد أي صاير؟
اروى شنو؟
ام وليد في واحد خاطبك بس مو قايلة لك منو؟
اروى أي...وبيت خالي وش لهم علاقة بالموضوع؟
ام وليد قامت عنها وقالت اذا كنتي ذكية بتعرفين؟
سكتت اروى بعد ماطلعت امها وقالت في نفسها معقولة واحد من عيال خالي هو اللي خاطبني!!
طيب اذا كان كذا المفروض امي تقولي ثقلي مو تقولي روحي؟؟
شا السالفة يااروى...
كان قاعد بالحوش بعد مارجع من شركة ابوه اللي لزم عليه يروح يرتاح....
يوم دخلت سيارة جراح البيت صارت شوية فوضى وهرج ومرج خلوه غصب يلف ويشوف وش صاير..
ابتسم يوم شاف بنات مطلق جايين مع عمهم جراح...
وكانه بيودعهم قبل لايروح ..لانه مايدري متى بيشوفهم مرة ثانية....
هم شافوه بس مسووين انهم ماشافوه لانهم جايين مع جراح عمهم...
شيخة خلاص عمي روح انت ادخل واحنا بنشيل الاغراض؟
جراح وهو ينزل الاغراض اللي جايبهم معهم لاوالله مااصدقكم عاد!!!
شيخة بتاءفف وهي تناظر بغسان اللي يبتسم لهم من بعيد روح زين قلنا لك احنا بننزل اغراضنا!!
جراح اقول..منهو اللي يروح زين؟؟؟شرايك اردكم بيت جدك علشان تعرفين منهو اللي جايبك ومتفضل عليك؟
عايشة وانت بتقعد تعايرنا كل شوي انك مريت علينا وجبتنا لبيت جدي اللي نحبهم؟
جراح أي لا...من ناحية الحب انتوا مغرقينا من كثره....
فاطمة بتاْفف اوووف ياثقل دمك؟
جراح وقف وتخصر اختصروا انتوا شتبون؟وين تبون تروحون وتبون تنحشوني؟
فاطمة بدلع بصراحة بصراحة احنا نبي نقولك عن سر ياعمو؟
جراح عمو بعينك قالت عمو...اخلصوا وش تبون؟
فاطمة بهمس نبي نروح نقعد عند غسان شوي....
لف جراح شوي وشاف غسان اللي قاعد على باب فلتهم وهو يناظرهم...
جراح وليه يعني تبون تروحون له؟
شيخة بس كذا بنسلم عليه وبنرجع؟
جراح بلا مبالاة روحوا وانا مالي...
ماانتظروا يقول لهم شي زيادة وراحوا ركيض لغسان اللي ابتسم لهم..
عايشة وانت كله قاعد بروحك؟
ضحك غسان ووقفت ضحكته يوم قال جراح وراهم بشماتة يعني وين تبونه يروح ولامع منو يقعد؟
شيخة شلون يعني عمي!!!
سكت غسان وقام يناظر بجراح اللي كان يناظر فيه...
جراح بشماتة اكبر اخته الدكتورة مو فاضية له واخوه الصيدلي مقابل مرته وين تبونه يروح...خلوه هذا مايرتاح الا وهو قاعد بروحه؟؟
غسان قام بدون مايعلق بشي ودخل بقسمهم بهدوء اكبر من اللي كان قاعد فيه..
فاطمة انت ليه تقول له كذا وتزعله؟؟
جراح بمسكنة انا زعلته؟؟؟
شيخة قلت له كلام ماعجبه؟
جراح ليه بنت هو علشان يزعل؟
اشوفكم يوم السبت باذن الله
هلا وغلا فيكم حبايبي من جديد...
شخباركم وعساكم بخير,,,
جورية حمد الله على سلامة جدتك ماتشوف شر وان شاءالله البارتين بيجون بالطريق,,هههه
البارت الرابع عشر,,,
جراح بمسكنة مبين فيها انه يتشمت انا اللحين زعلته؟؟يعني بالذمة قلت له شي بصوت عالي مثلا!!
فاطمة زين عمي عادي نروح بيتهم؟
جراح بلامبالاة والله مدري مو ولي امركم انا علشان تستشيروني في مواضيع مثل كذا!!
ام وليد من وراه أي مواضيع ياجراح؟
لف لها وقال باحتقار مواضيع خاصة بيني وبين بنات اخوي؟
عايشة نبي نروح عند عمي غسان؟
ام وليد عمى بعيونه يايمه..هذا مو كفو يصير عمكم يايمه...
جراح بكيفنا نختار اللي نبيهم يصيرونا اعمامنا وعماتنا بكيفنا محد له شغل فينا!!
ام وليد ظلت تناظره وماعلقت...
عايشة اللحين وش نسوي يابابا جراح نبي نروح..
جراح ابوكم جاي بالطريق وبياخذكم معه مشوار..
شيخة بنرفزة قول لنفسك ابوي بيجي ياخذنا وانت مو راضي نروح له؟
ام وليد اقول يمه روحوا لخالة اروى داخل تراها تحبكم ودايم تسال عنكم..فديتها انا تحب العيال ...
جراح بشماتة زوجيها خلها تصير ام ولازوجي الخيبة اخوها وخلها تقابل عياله...يا...ياعمتي ام وليد؟
ام وليد وهي ماسكة نفسها انت ملاحظ كيف تكلمني!!
جراح بثقة أي...بيتي..نصه بيتي والنص الثاني لاابو احمد...احد له عندنا شي,,,,
ام وليد بحدة وش تقصد؟
جراح بلامبالاة لحد اللحين ولاشي...بس اذا جت هنا...(وحط اصبعه على راسه وقال)وتمخمخت اللي مايدخلون بالي ماحيبقون هنا علطول؟
فاطمة بملل عمي..
ام وليد سمعوا الكلام...ذاك القسم مالكم شغل فيه ولا بللي ساكنين فيه...
جراح يبى روحوا لغسان والى طوايف غسان ...تراه يحبكم...
وكمل وهو يقلدها تراه يحب العيال ويموت فيهم...فديته انا...اصلا يحبكم ودايم يساْل عنكم!!!!
قالها وقام يضحك ومشى عن عمته اللي بقت بمكانها بعد مارحوا بنات مطلق لغسان وكسر جراح كلمتها,,,
زينة...
دخلت المستشفى بكل ثقة...
وبثقة اكبر دخلت تكشف عند اول طبيب فاضي صادفها بالاستقبال وماعنده زحمة ..دخلت تتعالج من اللاشي...!!
بس علشان توصل للصيدلية بعد ماتاخذ روشتة الادوية من الطبيب وهذا هو المطلوب,,,
انها توصل للصيدلية...
وتشوفه...وتملي عينها من شوفته....
راحدت تمشي للصيدلية باقل من مهلها وهي تتمنى الوقت يطول ويطول اكثر بعد...
حمدت ربها يوم شافت اكثر من شخص واقف قبال الصيدلية..
احسن هذا اللي تبيه...
انه الدور مايجيها بسرعة وتمشي..
بس تقربت علشان تسمع صوته....
ظلت بس تناظر بعيونها وهي ملهوفة تشوف كل شي فيه...
عيونه..
حركاته...روحته وجيته وهو ياخذ الادوية...كل شي....
اصغر التفاصيل واكبرها,,,
حتى اللي جا وراها سلمته دورها مو حبا وعطفا بس علشان تشوفه اكثر وقت ,,,
فضى المكان الا منها ومن ريحة عطرها وانفاسها,,,
مدت له الوصفة بهدوء وارتباكها ماكلها...
مو عارفة تتكلم ولا تقول أي شي....
اخذ منها الوصفة بهدوء هو بعد وبدون أي شي وراح يحضر لها ادويتها المزعومة,,
تقرب منها وهو ماسك الدواء بيدينه وقال هذا ثلاث مرات باليوم..وهذ..
قاطعته بسرعة احمد شلونك؟
رفع راسه يناظرها وكاْنه اول مرة يشوفها وماقال شي...
زينة بارتباك ادري ماعرفتني,,,
احمد وقف مكانه لاوالله ماعرفتك...
زينة بنت بو مشاري......
احمد أي.....هلا...سلامات ان شاءالله ماتشوفين شر,,,,
حط لها الادوية قدامها بعد ماكتب لها عليهم ومشى بعيد للجهة الثانية,,,
دارين شفيك؟
لف لها وهو كان واقف قبال النافذة ولاشي...
بعدها قال بسرعة انتي ليه مارحتي الجامعة اليوم؟
دارين لان ماعندي اليوم دوام؟
غسان أي...
دارين بعدك تعبان؟
غسان لا
دارين اجل شفيك...متضايق من شي...
جلس جنبها وقال بهدوء ليه علاقتنا بااهل ها البيت سيئة للغاية يادارين؟
سكتت وماقالت شي....
غسان وش سوينا يعني من جريمة؟انا مو شايف ان احنا مسويين شي يستاهل كره الكل لنا؟
دارين طالما ان ام وليد هي الرباط اللي بينا وبينهم اكيد مابتعطيهم فكرة حسنة عنا ابدا ؟؟
غسان وهم ليه يصدقونها طيب....
دارين لانها عمتهم ومابيجون يصدقونك انت يالغريب عليها...هذا شي طبيعي...
غسان تنهد.....
دارين بس ياغسان ترى كل شي وله شي....يعني مطلق امس ماقصر يوم شافك تعبان وقال لي الرجال بااوقات ينسون كل شي اذا السالفة فيها حياة وموت...
غسان أي بس مطلق مو مثل جراح يادارين؟
دق الباب واستغربوا من اللي بيجي وبيدق باب الصالة...
قام غسان وافتحه وابتسم يوم شاف بنات مطلق واقفين...
عايشة مابتقول لنا تفضلوا؟
نسايم شفيك؟
بشاير بدون نفس ولاشي...
نسايم بحدة والمطلوب مني اصدقك؟
بشاير بتاْفف ماطلبت منك تصدقيني!!
نسايم بتقولين شفيك ولا شلون؟
بشاير هددي مثل ماتحبين لاني مو رايقة لك ابدا ولا لتهديداتك بعد!!
نسايم انتي من امس مو عاجبتني!!قولي شفيك؟
بشاير تنهدت وسكتت...
نسايم صاير لك شي صح ولاانا غلطانة؟
بشاير لا
نسايم بحدة اكبر مريم ولاخطيبها لهم بالسالفة صح؟انا يوم شفتك تناظرين بصورهم لاحظت التغير اللي صار لك؟
بشاير بدفاع وهي مرتبكة اصلا من الداخل انتي شقاعدة تقولين؟وش ها الكلام بالله!!
نسايم قولي اللي عندك احسن من اني اخذه بطرقي الخاص...
بشاير بنرفزة تعرفين انك سخيفة حدك وماتنبلعين بعد!!بس ماعليه بقولك.....
هذا ولد عمتك الزفت امس كان يلاحقني ويقولي كلام سخيف مثله وعلى باله اني بستجيب له ولا لحركاته الطايشة؟؟؟
عرفتي شفيني اللحين ولا اعيد الكلام من جديد يانسايم؟؟؟
الجوهرة يالله مشينا...
هالة شالت اغراضها وطلعت ورى الحوهرة...
الجوهرة مرتاحة هنا؟
هالة بدون نفس عادي....ايام يكونون المراجعيين فيها كثار وايام عادي...
الجوهرة طب ورى ماتطلبين نقل على مركز صحي اريح لك..
هالة لاوالله هناك الشغل ازحم..
الجوهرة انا مرتاحة هناك كثير..
كانوا يتمشون وهم يتكلمون...
الجوهرة تكلمتوا انتي وعلي؟
هالة بتنهيدة حارة لا...
الجوهرة لاانتي اتصلتي فيه ولاهو اتصل؟
هالة بنفس التنهيدة لا....
الجوهرة تنهدت وسكتت..
هالة وش تتوقعين علي قاعد يخطط له؟
الجوهرة مدري...
هالة طيب وش بيصير بحياتنا انا وهو؟
الجوهرة انا زوجك مدري كيف يفكر بصراحة ياهالة؟
هالة بتعب انا مو قادرة ياالجوهرة تعبانة وواصلة للنهاية..حاسة اني مو قادرة اقاوم اكثر وبنهار بسرعة...
الجوهرة انتي مو تبين حل نهائي..خلاص لازم تفكرين عدل وبدون أي تهور علشان تعرفين لو ين بتوصلين مع علي بحياتكم!!
هالة تنهدت وماقالت شي...
الجوهرة يالله بسرعة علشان امر على سارة من مدرستها..
هالة وبناخذها معنا تتغذى؟
الجوهرة اوووف شكلك ماتبين بنتي!!
هالة أي والله ماابي وجع راس؟
شيخة انت شفيك؟
غسان ولاشي..
فاطمة زعلت من عمي جراح؟
غسان وليه ازعل منه؟
عايشة يمكن لانه زعلك بالحكي؟
كانت دارين واقفة تناظرهم وهم حول اخوها يكلمونه وكانهم يعرفونه من زمان ورفع غسان راسه وشافها..
قال لها بحنان تعالي قعدي ترى يونسون؟
فاطمة بتاْكيد اكيد نونس شنو على بالك يعني!!
ضحك غسان وابتسمت دارين وجلست قريب منهم..
شيخة انتي اخته؟
دارين أي...
فاطمة بس انتي احلى منه؟
غسان افا؟؟؟ليه كذا عاد تحطموني؟
عايشة هذا الصدق مفكر روحك مملوح يعني!!عيونك عذاب مثلا!!
غسان وانتي يالملعونة وش فهمك بها الحكي؟
ضحكت دارين عليهم...
شيخة اوووف منك ياغسان ساعات اذا تكلمت كذا وصرت ماتفهم تعل القلب..
دارين اقول..اذا اخوي يعل القلب قوموا تسهلوا لااهلكم ليه قاعدين مقابلينه؟
فاطمة بطوالة لسان وانتي شعليك بالله؟؟جايين نزوره هو لو انتي!!صدق لقافة؟
غسان بتاْنيب لا يابابا عيب ها الحكي؟كذا يكلمون الناس اللي اكبر منهم يافطوم؟
فاطمة بمسكنة هي ابتدت تناقزني,,,
دارين قامت..
غسان وين؟
شيخة بملل وين بعد اكيد بتسوي روحها زعلانة؟
كانوا قاعدين بالطاولة اللي عند المطبخ الخارجي لقسم ابو احمد اللي فيه دارين وغسان وابوهم..
وهذا يكون نهاية البيت كله يعني لاتشوف البوابة ولاالكراج ولااي احد الا اذا لفيت البيت كله ولا جيت من بيت ابو احمد من المطبخ,,,,
دارين لاوالله بقوم اجيب لك لزوميات الضيافة...خوب انتوا بضيافتنا مو معقولة تقولون ماضيفناكم ولاقمنا بواجبكم؟
شيخة أي..انا ابي بيبيسي..
عايشة وانا ابي ميراندا فراولة....
فاطمة وانا اهم شي الحلى لاني مثل عمي جراح وبابا مطلق لازم الحلى اول....
دارين وهي تكلم غسان سبحان الله مثل طوالة لسان ابوهم مطلق ومغثته مافرقوا عنه بشي,,,,
لفت وقامت بتدخل مطبخهم الا وتشوف مطلق متسند ومكتف يدينه وهو جاي من الجهة الثانية ومبين انه مو توه واقف وهو يبتسم ,,,
قال بهمس علشان لاينتبهون غسان والبنات انه واقف يكلمها وش فيه ابوهم؟كاْني ماسمعتك زين؟
مشاري كانت عنده حالة استنفار من شاف بشاير ذاك اليوم...
حس ان روحه قاعدة تختنق ببطء..
وطول وقته واقف قبال بيت ابو احمد يمكن ويمكن ويمكن يخدمه حظه ولو انه مستبعد ها الشي....
كيف يدخل اللحين وباي حجة؟؟
بشاير ها الوقت قاعدة ومريم نايمة ؟
بس لو دخل كيف بيشوف بشاير؟
وعلى أي اساس بيدخل اصلا!!!
اوووف والله تعبت ياقلبي تعبت...
بس لازم ادخل مو لازم اسئل عن احد ولا اشوف احد بدخل وبقول اني قلت لهم ينادون مريم وهم مانادوها مو ذنبي...
مريم تقول ان اكثر جلسات البنات برى....
تقدم بخطى مرتعشة....
ودق الجرس وفتحت له الخادمة ودخل.....
وهو قلبه بيوقع بين رجلينه....
مادخل داخل البيت وراح لعند الحديقة اللي كان يقعد فيها مع مريم او يوقف معها بااغلب الاحيان.....
تنهد بقوة يوم شاف بنتين جالسين..وغمض عيونه ظنه ماخاب بشاير ها الحزة قاعدة بس للاسف ماهي بروحها....
طيب لو ماهي بشاير يامشاري وش بتسوي؟؟؟
فتح عيونه بسرعة وخاف لايفهمون وقفته غلط لاسيما انهم عاطينه ظهورهم..
تحمحم بسرعة وهو نص منزل راسه ونص رافعه..
لفوا ثنتينهم له وكانوا بعبيهم وشيلاتهم لانهم بالحديقة ويمكن يمروا عيال ابو احمد ولاوليد..
كانت بشاير ونسايم...
وبشاير حست انها بتختنق...
مو معقول؟؟؟مشاري؟؟وش يبي؟؟
رفعت راسها ولقته يناظرها وتاْكدت انه جاي لها مو لمريم بس ليش؟؟
نسايم وهي تناظر بمشاري هلا....شكلك مشاري صح؟ماشفناك الا بالصور؟
مشاري بارتباك هلا...عفوا الظاهر الخادمة ماعطتكم خبر اني جاي..
مدري هي قالت لي اظل هنا لين تطلع مريم..
نسايم خدم ..طول عمرهم اغبياء ومايفكرون عدل ويجيبون الشي من راسهم!!
بالله توقفك هنا من قل المجالس يعني!!!
مشاري لاماعليه انا مو غريب...
نسايم وقفت تفضل داخل مايصير تظل هنا الشمس حارة...بس انا واختي متعودين كل يوم نجلس ها الحزة,,,تفضل داخل..
مشاري ماعليه مدري يمكن زحمة ولاشي....
نسايم لالالا هذا انا بشوف لك الطريق.....ولو انك مو غريب المفروض تدق الباب وتدخل..
راحت نسايم تشوف له الطريق وعين بشاير كانت تناظره بالم وقال بهمس وهو مرتبك بشاير....
ماردت عليه بس طاحت منها دمعة وكانت فيها كل اجاباتها..
مشاري بهمس احبك...والله احبك وماعمري حبيتها؟صدقيني!!!
بس لهنا وبس يامشاري...لاتقعد تلعب علي اكثر.....
وقفت وصارت قباله وهي تمشي كانت عيونها هي اللي تكلمه بدالها,,,
لعبة ادوار البطولة فزت فيها عن جدارة,,,
تستحق افضل هدية فايز بالاوسكار,,,
تلعب ادوار المحبة تلبس اثواب الحضارة,,,
بين قلبي وبين عقلي اشعر اني في انشطار..
نصفي يعشق كذبتك والنصف تقتله المرارة,,,
ضاع قلبي في جنوني كيف يخذلني القرار,,,
ادري اني شخص عابر وانت في صف الصدارة,,
ليه قلبي بك خذلني ولك جرفني الانحدار,,
في سطورك كم اسامي؟ذي مشاعل وذيك سارة؟؟
باقي نورة؟؟؟باقي هيفاء؟؟ونجود يحجبها الستار؟؟
رتب اوراق المحبة ..لعبتك ماهي شطارة...
كمل ادوارك وجمل في موكبك الانتصار...
بس تدري وانا ادري اني لك اكبر خسارة...
وان قلبي يوم قفى ضاق بك رحب المدار,,,
وان طرفي ذا..يساوي الف هند والف ياره,,,
وكل مشكلتي فهواك,,للاسف سوء اختيار,,
في عيوني..ذا جنوني وعزتي فالوقت شاره,,
والبها والحسن شامه..خدها شمس النهار,,
قم تسهل ياحبيبي والعب ادوار الاثارة..
واكتب اسمك بالخيانة...مهنتك والفن كار,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك