رواية عندما تضئ الشموع بيد الحزن -9
الجزء الثامن عشر
بالخبر صاحية في الفراش من عشر دقائق و جالسة تتأمله ملامحه تشبه أبوها كثير نفس العيون و الأنف لكن الفم يختلف شوي فم مشعل أكبر بس معجبها لون بشرته البرونزي مع شعرة الأسود معطيعه لوك خاص .. لف يده من وراء ظهرها و قربها ناحيته
مشعل ما شبعتي من النظر فيني ؟
أريج غمضة عيونها بخجل أشتقت له
مشعل بغرابه منو ؟
أريج أبوي تشبهه كثير
مشعل والله
أريج أي ملامحكم وحده حتى جدتي تقول
مشعل يعني حلو إذا أني زي عمي
أريج حد قالك قبلي أنك مغرور ؟
مشعل مرام
أريج أجل لا تصدقها
مشعل ههههههههههه ليش ؟
أريج امممم أقول عادي
مشعل عليك الأمان
أريج مرام أحسها ما تحب أحد ممكن حتى نفسها بس هي تخفي شخصيتها خلف قناع أحسها أطيب من كذا
مشعل عارفه أحس أنك فاهمه شخصية كل الي حولك
أريج ممكن ليش لا ......
****************
من ساعة و هي تتقلب و كل دقيقة تطالع الساعة بقهر 06:30 صباحا تغالب نفسها على الطلعه للحديقة أمس أجبرت نفسها و ما طلعت لكن اليوم ما هي قادرة رمة الفراش بغيض و هي تؤهم نفسها أنها بتطلع بس لجل تغير جوها ما هو عشان تشوفه للحظة وقفت قدام المرايا ولفت شيلتها بدون ما تطلع شعرها لإول مره تسويها بدون ما يكون مشعل معهم لأنه يعصب عليهم إذا ما تغطوا عدل بعكس أبوهم الي مخليهم على راحتهم نزلت للحديقة و مشت لنفس مكانها تتأمل الوجوه ماله أي أثر بينهم مرت ساعة و قررت ترجع للفندق نفضة التراب و قامت ( يبدوا أنه معاد هو موجود أحسن برتاح منه )
بالجهة المقابلة كان يتأملها من أول مادخلت للحديقة بس ما حب يقرب منها و لا يخليها تنتبه له أعجبته اليوم لإنها مغطيه شعرها بالكامل يبدوا أسلؤبه نفع معها من غير ما يدري ليش هو سوى كذا معها !!
*************
صابها الملل من الجلسة بالغرفه و كله بسبب فجر الي معاد تبي تطلع طول ما ماجد موجود
عاليه ترى بيجيني إكتئاب ماله علاج بسبتك
فجر وش دخلني ؟
عاليه قومي نطلع
فجر أمس طول الليل و إحنا بالسوق
عاليه و من رجعنا دخلنا الصومعه و لا عاد طلعنا
فجر عادي كم ساعة بس
عاليه طيب قومي نروح نطبخ
فجر شو نطبخ ؟
عاليه أي شئ
فجر أخوك فيه ما أطلع
عاليه ههههههه مخبل يا أختي أتزوجوا و فكونا بدل من كذا
فجر و هي تضربها بالمخده ما تستحين
عاليه طيب فكرة خرافيه نروح نشوي ذرة بالسطح
فجر أشك أنك بنت شمس تذبح
عاليه في ظل قومي بس عاد خايفه على البشرة يعني ؟
فجر أكيد وراي كلية
عاليه سحبتها من يدها أحلا عاد يا الروسية من بياضك تعالي بس....
***********
بعد ما رشف من كوب الشاهي الي بيده و تلذذ بطعمه المختلف طالع في أريج مستغرب
مشعل من سوى الشاهي ؟
أريج ليش فيه شئ ما أعجبك ؟
مشعل ما هو طعم شاهي ناني
أريج ما هي ناني الي سوته
مشعل في لحظه عصب أنا قلت الي تحط يدها في المطبخ ناني وبس الشغالة الثانية مالها شغل فيه عندها باقي البيت تشتغل بس أكلنا و شربنا لا تحط يدها فيه
أريج أستغربة منه قبل لحظة كان هادئ و يتكلم مع جدتها و الأن ثائر كذا طيب ماله داعي كل هـ العصبية الشاهي أنا الي سويته مو الشغاله .. مدت يدها و أخذة الكوب من يده الأن أخلي ناني تسوي لك بس بدون ما تعصب كذا
قالت كلامها و راحة عنه للمطبخ و بقى هو مذهول من الي سواه ( أريج الي سوته و أنا عصبة كذا بدون مادري اووف يا مشعل طول عمرك متسرع أكيد الأن زعلت بس ما هو منها من غبأي والله لو سألتها بهدوء وش بيصير )
قام من مكانه و لحقها للمطبخ و أتكلم لناني مشعل أطلعي برى شوي
ناني اوكيه مستر
مشعل أروجه
أريج نعم
مشعل زعلانه ؟
أريج كانت متنرفزة حدها لا عادي ممكن ما أعجبك مو مشكلة أعتذر ما أعرف كيف أنت متعود تشربه
مشعل من قال ما أعجبني بس أنتي ما قلتي أنك مسويته راح بالي على الشغاله الثانيه و أنا منبه عليها ما تدخل المطبخ و الله طعمه أحسن من حق ناني
أريج بضيق غصب عنها بس شكلك متعود على شاهي ناني لدرجة أنك تميز الطعم من أول رشفه
مشعل لإني ما أحب أكل و أشرب من يدين الشغالات لكن ناني كبيرة و تعودت عليها من قبل ما أتزوج و لمعلوميتك حتى غرفتي و ملابسي محد يمد يده عليها إلا هي
أريج مستغربة و أمك ما تطبخ أبد ؟
مشعل و لا تدخل المطبخ لا هي و لا أخواتي
أريج فضلت تسكت و كملت تقطيع الطماطم الي بيدها لكنه مسك يدها و جلس على ركبه قدامها مشعل أريج لا تتضايقين مني و الله فهمت غلط و عارف أني متسرع شوي
أريج كانت بترد لكن صوت المويه الي فارة غطئ عليها و خلى مشعل يلتفت ناحيته وش هـ الصوت ؟
أريج المويه فارة
مشعل أطفي عنها ؟
أريج بضحكة و بتسوي لنفسك كوب شاهي و قدامي
مشعل أنا ؟
أريج أيه
مشعل بس أنا ما أعرف وين شاهيك ؟
أريج كبيته بالمغسلة ما تعرف بتتعلم محد يولد من بطن أمه عالم.....
نزل من السيارة وشم رائحة شوي طالعه من بيتهم و دخل المجلس على أصوات أخوانه هناك
ماجد سلام وين أبوي و عمي ؟
ياسر و عليكم السلام طالعين البحر
ماجد غريب و أنتم صاحين ؟
خالد أسكت حدي رأسي مصدع و خاطري أنام
ماجد ومن ما سكك ؟
خالد ما فيه حرمة بالحي إلا داخل البيت شئ يجيب الصداع
ماجد وش المناسبه ؟
ياسر مدري عنهم جأيين من برى مواصلين إلا أمي تقول روحوا المجلس عندنا ضيوف جمعة حش في خلق الله أكيد
ماجد هههههه ما تشمون رائحة شوى برى ؟
خالد عاليه هذي تشوي ذرة بالسطح هالبنت بايعه الدنيا يا عالم
ياسر و الله فكرة نطلع من الدرج الخارجي و على غرفنا لا من شاف و لا من درى
ماجد اييييه أنت محارمنا فوق أكيد معها
خالد ههههههههههههههه اركد بس وش محارمك لسى مالك عليها كلمة
ماجد عاد خطيبتي نام أنت و هو هنا و بلا حركات....
*****************
تأفف و هو يدور في الغرفة عليه ماله وجود بين كل الأغراض و المشكلة كيف يسأل أريج عنه في داخله ما يدري ليش هو يدور عليه لكنه مل خلاص أصحابه كلهم مسافرين و هو جالس لوحده ظرب جبينه ( اووف المرسم أكيد الدفتر هناك ) طلع من الغرفة لكنه أنصدم بأريج في وجهه
أريج الغداء جهز
مشعل جدتي وين ؟
أريج تحت تنتظرنا
مشعل أنتي سويتي الغداء صح ؟
أريج أي
مشعل اوكيه يعني بنذوق طبخ مختلف اليوم
أريج ترى مو لين هناك بس بتتعود
مشعل نذوق و نحكم شو طابخه ؟
أريج و هي تدخل اللفت [ المصعد ] و مشعل معها مكرونه بالدجاج و بامية الفرن
مشعل امممم أحب المكرونه
أريج بالعافية بس أصبر تذوق و عقب قول اممم
مشعل ما تفرق أنتِ طابخته أكيد طعم.....
*******************
بمدريد طلعوا من الفندق مع بعض يمشون ناحية الحديقة راح تدخلها للمرة الثانيه اليوم بس عشان تشوفه لكن ماله أي أثر جلسوا مكان ما تعودت الفترة الأخيرة تجلس
ريم حلو المكان الظاهر أكتشفتِ الحديقة شبر شبر
مرام أيه هذا آحلى مكان
ريم حتى الجو خيال و المنظر ياليت أريج معنى كانت رسمته لنا
مرام صورية لها و أعطيها هو و ترسم مثله لما نرجع
ريم طلعت جوالها و جلسة تضبط التصوير و الله فكرة
مرام و هي تطالع الفراغ ريم
ريم هلا
مرام أريج سعيدة مع مشعل ؟
ريم مدري ليش تسألين ؟
مرام بس سؤال
ريم كلموني قبل كم يوم بمكة كانوا مبسوطين صراحة لما سمعت الأذان بالحرم تمنيت أني معهم تبين الصدق
مرام أيه
ريم مشعل غير أنتِ و أمي ما تفهمونه دائما الغلط تحطونه فيه و هو يستحمل و يسكت
مرام و هي تلعب بوردة في يدها أنا معاد أني فاهمه شئ حتى نفسي خلاص.....
*******************
بالمرسم دخل عليها و أتمدد على الكنبة المقابله لها هي بالأساس كانت مندمجه برسمها و متوقعه أنه دخل نأم بعد الغداء
أريج أنت ما نمت ؟
مشعل لا
أريج وراك شئ ؟
مشعل برضوا لا
أريج ببالها سؤال من وقت رجعوا للخبر أنت ما تروح شركة عمي ؟
مشعل الوالد لما يسافر يكون مخلص كل شغلة الضروري و عنده مدير ينوب عنه يعرف لشغل أكثر مني
أريج يعني أنت ما تشتغل ؟
مشعل أنا عندي عمارة أخذ إجار الشقق و المحلات حقتها ماله داعي أشتغل
أريج الشغل بعض الأوقات مو بس للحاجة لتعلم مخالطة الناس قتل شعور الملل
مشعل الملل يقتله السفر و بس
أريج ما أعجبها تفكيرة لكنها فهمت عليه و أنت محتاج تسافر الأن صح ؟
مشعل ممكن
أريج و ليش ما تسافر ؟
مشعل و أنتِ ؟
أريج خلاص أنا رحة مكه و بس سافر مع أصحابك مثلا
مشعل كلهم مسافرين ما تشوفيني من رجعنا ما طلعت
أريج طيب ألحقهم
مشعل و أنتِ تجلسي لوحدك ؟
أريج جدتي عندي و اليوم كلمت أمي تقول كم يوم و بيرجعون لا تشيل هم المهم أنت تغير جو أنت متعود تسافر كل صيفية
مشعل و هو يلعب بذقنه و كان أريج عطته المنقذ لحياته اوكيه نشوف الشباب وين .......
***************
ما بقى لهم إلا كم يوم و بيرجعون الخبر و هي لسى ما أشترت هدية لأريج و بالأساس محتارة شو تأخذ لها
فجر علوو
عاليه هلا
فجر شو رأيك شنو أشتري هدية لأريج ؟
عاليه لازم تشترين لها ؟
فجر شوفوا الدفاشه يا عالم أي لازم أشتري لها كيف يعني هي أتزوجة و ما أهديتها شئ
عاليه طيب أشتري لها خاتم ذهب فخم
فجر أريج ما تحب تلبس ذهب كثير تقول يطفشها لما ترسم
عاليه أجل أشتري لها مجموعة فرش و ألوان
فجر هذي هدية أنتِ و وجهك ما تكلف كم دينار ؟
عاليه طيب كم ميزانيتك أنتِ ؟
فجر 150 دينار بس
عاليه و تقول بس 150 دينار تشتري لك أحلى هدية
فجر طيب وش أحلى هدية .؟
عاليه أحسن حل ننزل السوق و تشوفين بنفسك أكيد شئ يعجبك
فجر اوكيه .......
***************
بإحدى شوارع مدريد كانت تمشي جمب مرام و خلف أمها و أبوها لما سمعت صوت جوالها و طلعته من الشنطة إنصدمة من المتصل [ عادل ] و ضغطة على السايلنت
مرام من ؟
ريم رقم ما أعرفه
مرام من السعودية ؟
ريم أي
مرام طيب ردي ممكن حد يباك
ريم عالم فاضي الي يباني يدق من جواله لجل أعرفه
مرام براحتك
أم مشعل وش فيكم أصواتكم عالية ؟
ريم لا يمه مافيه شئ
أبو مشعل وين تبون ترحون أنتم تراني هلكة من المشي ؟
أم مشعل أي مكان خلنى نجلس نرتاح تعبت والله حتى أنا
مرام تبون نأخذ تاكسي ؟
أم مشعل أن شفتي وقفي.......
****************
الجزء التاسع عشر
بعد ما رتبت له الشنطة و تأكدت أنها جهزت له كل شئ و ببالها ( الظاهر بتتعودين يا أريج على ترتيب شنط هـ المشعل ) قفلتها بعد ما بخة من نفس عطرها على الملابس و رجعت جلسة على السرير تنتظرة يخلص شاور و يطلع لجل يلحق موعد الطيارة الي ما بقى لها إلا ثلاث ساعات ( هو يبي كذا حريته له حق يسافر مثل ما يبى ما راح أقيده فيني و لا بتأثر ببعده أصلا هو منو في حياتي و إلا أنا من في حياته و لا شئ يا أريج و لا شئ )
مشعل و هو يلوح بيده قدام عيونها وين وصلتي ؟
أريج بهتت فيه كان لابس أسود في أسود و مجلجل شعرة الي كان طويل شوي معطيه ملامح غير و كأنها أول مرة تشوفه مدت يدها تلعب بشعره و نطقتها بدون شعور حلو الأسود عليك
مشعل جلس جمبها و لف يده من وراء ظهرها عيونك الثنتين الحلوة وين وصلتي بمخك هذا ؟
أريج و لا مكان اممم أنت منو بيوصلك المطار ؟
مشعل السواق أكيد اووه تذكرة لحظة
قام من مكانه و طلع ظرف من الدرج ورجع لمكانه مشعل خذي أريج هذي فلوس سحبتها لك مصاريف البيت لين أرجع و في بطاقة صراف إحتياط لو أحتجتي أسحبي منها زي ما تبين
أريج أنت بطول ؟
مشعل مدري والله بروح أسبانيا أشوف الوالد و فيه واحد من الشباب هناك يمكن نطلع أنا و هو من هناك المانيا يتعالج
أريج حلوه المانيا كثير
مشعل زرتيها ؟
أريج أي لما كنت أتعالج
مشعل كان بباله يبي يفتح هـ الموضوع معها من فترة لكن الأن مو قته لإنه بيحتاج نقاش و ما في وقت عنده اهااا أنا ....و سكت
أريج شو ؟
مشعل بلا تردد سمح لمشاعرة تتحكم فيه ذيك اللحظة و حضنها بحب عطرها بشعرها و رقبتها كان يخنقه أكثر بس مجبور يا عالم هو متأكد لو عرفة حقيقته بتكون أول شخص يكرهه و ما يسامحه أنتبهي لنفسك زين
أريج كانت ضايعه بحضنه مشاعرها مختلطة و قلبها ينبض تبي تصرخ و تقول كلمة ممكن تندم عليها تنفسة بعمق و طوقته بيدينها هالمرة ما تبيه يبعد و متأكدة من إحساسها و تكابر عليه و أنت بعد لا أوصيك بنفسك و أتصالك كل يوم تطمني.......
( حين نغلق الأبواب و نؤصدها حول قلوبنا لنوهمها بإنها في أمان من الحب نكون مخطون بحق لإنها أبواب وهمية خدعنا أنفسنا بها و ظلت القلوب من خلفها حرة طليقة تبحث عن جنة الحب من غير شعورنا بها حتى تسكنها و نعيش الفوارق بين حياتين )
********************
في مدريد و بالتحديد في مركز إيه بي سي سيرانو التجاري كانت مبتعده عن أمها و ريم و طالع الأزياء المعروضة أعجبها فستان كان هادئ و فخم حسة أنه يناسبها كثير لكن أول ما مدت يدها بتأخذه إختفى الفستان من قدامها
.... اوووه الحوله هنا
مرام كانت تطالع الفستان في يده و تحس بالقهر لو سمحت لا تتعدى حدودك محد أحول إلا أنت
.... ذكريني أنتِ شو أسمك ؟
مرام و هذا الي ناقصني بعد أبتعددت عنه خطوتين لكنه لحقها و وقفها في زاوية ما تقدر تتحرك
.... أي أتذكرت مرام أسم قديم و أي وحده أسمها كذا تكون مغرورة تعرفي ليش ؟
مرام كانت خايفه من قربه لكنها ما تبى تبين له لا
.... لإنها تظن أنها أفضل وحده بالعالم و هي أتفه وحده
مرام بغيض أنت التافه و إلا ما لحقتني من مكان لمكان
.... مسكها من يدها و سحبها ناحيته طالعي ذيك البنت تشوفين ؟
مرام كانت تهز رأسها بمعنى أيه و هي تحس بأنفاسه تخنقها و تغالب دموعها ما تنزل
.... تظنين لو أنك مثلها حد بيلحقك شوفي حجابها و ملابسها و قارني بنفسك بعدين منو الي يلحق الثاني هاااه مشاوير الحديقة كل صبح لمن .؟
مرام بهدوء عكس مشاعرها البركانية من الداخل أترك يدي
.... لا وش بتسوين مثلا بتصارخين ؟
مرام لو سمحت أهلي هنا الأن يشوفونك
.... أنا أبغى أشوف الأهل الي ما عرفوا يربون بنتهم
مرام هنا لا شعورياً دمعة عيونها و نزلت رأسها الأرض وينهم أهلي عمري ما سمعت منهم كلمة عدلي حجابك و إلا ملابسك ما تناسب الطلعة قدام الناس الوحيد الي يعلق مشعل بغضب و أنا أكرهه ليش أكرهه ما أعرف ؟
.... ترك يدها و كمل طريقة بداخله كان متأكد أنه قسى عليها لكنها كبيرة ولازم تفهم أن طريقة لبسها و مكياجها قدام الي يسوى و الي ما يسوى غلط
بمكابرة مسحة دموعها و مشت جهة أمها و ريم تبى تطلع من المكان بإي طريقة تحس بالإختناق
مرام خلصتوا ؟
أم مشعل و لنا ساعة ندورك وين رحتي أنتِ ؟
مرام هنا
ريم ليش وجهك كذا ؟
مرام ما في شئ تعالوا نحاسب و نطلع تعبت
تقدمتهم للكاشير الي كان لبناني و يتكلم العربية حطة أغراضها و دفعة الحساب و لما مدت يدها تأخذ الأكياس أنتبهت لكيس ثالث مرام هذا مو لي
البائع بإبتسامة إلك يا أنسة و مدفوع حسابه
مرام فتحته و طالعة الفستان و التفتت يمينها وين ما كان البائع يطالع شافته مبتسم و يلوح لها بيده باي....
****************
بالطيارة و بعد ما أخذ مكانه و ربط حزام الأمان سرح بخياله بلحظة الوداع لي أول مرة في حياته يحس حد يودعه بصدق يودعه بشوق أنه يشوفه مره ثانيه بعيد عن ألا مبالأة و عدم الإهتمام يتذكر كيف تبعته أريج إلى الباب الخارجي و هي توصية بنفسه بالإتصال فيها توصية بصلاته بأكله و شربه بكل شئ ما نست أبسط الأشياء ملامح البكاء الي سيطرة عليها
مشعل أريج ليش الدموع هذي الحين ؟
أريج وهي تغالب دموعها لا تنزل أكثر لا أنا عندي حساسية من الشمس
مشعل و هو ما هو مصدقها طيب أدخلي البيت خلاص
أريج طيب بس لا تنسى تتصل فيني أول ما توصل
مشعل أبشري ما راح أنسى
أريج الله معك
الله معك يا مشعل يا كبر معنى هالكلمة على قلبي طلع جواله و كتب لها رسالة إنه الأن بيطير من مطار الملك فهد و قفل جواله.....
**************
دخلت عليها الغرفه و هي مشغوله بترتيب شنطتها جلسة جمبها و أعطتها كيس أحمر و داخله هديه مغلفه بطريقة جداا راقية
عاليه تفضلي
فجر شو ذي ؟
عاليه هديه ما تشوفين ؟
فجر لي ؟
عاليه يس هدية التخرج من الثانوي
فجر حسة بنغزة بقلبها من منو ؟
عاليه من ولد جيرانا من منو يعني من الي ذايب في هواكم
فجر بعدت الكيس شكرا قولي له ماله داعي
عاليه يا بنت الحلال هي هدية مو ذنب بعدين شو تكسرين خاطرة أخذيها عادي
فجر لا لو عادي يعطينيها قدام أمي و أبوي ما هي فجر الي تأخذ شئ من وراء الي واثقين بتربيتها....
*************
جهزت العشاء لجدتها و جلسة معها مجاملة بس و إلا بالأساس هي مالها نفس تأكل و هي لسى ما تطمئنت على مشعل وصل و إلا لا
أم عبدالله ليش ما تأكلين يمه ؟
أريج أكل جدتي
أم عبدالله لا ما تأكلين صحنك زي ما هو
أريج مشعل ما أتصل جدتي تأخر معقول ما وصل إلا الأن ؟
أم عبدالله طيب أتصلي فيه ؟
أريج جواله مقفل
أم عبدالله أجل ما وصل لسى أكيد تأخر في المطار
أريج مدري
أم عبدالله أستهدي بالله يا يمه بإذن الله ما فيه إلا الخير
أريج يأرب
أم عبدالله حبة تغير معها السالفه أتصلتي في أمك اليوم ؟
أريج أي جدتي تقول بكره الصبح بيمشون
أم عبدالله أيه الحمدلله خل أرجع بمكاني
أريج افى يا جدتي و تخليني لوحدي ؟
أم عبدالله محد قالك خلي رجلك يسافر عنك أنا هناك تعودت بيتكم كأني ضايعه فيه
أريج هههههه هذا بيتك جدتي بعد و رجلي سافر كم يوم و بيرجع ما هو مهاجر.....
***************
في مدريد و بالتحديد بالفندق و بغرفه في الدور الخامس فتح شنطته يبي الشاحن جواله قفل من أول ما طلع الطيارة و لا قدر يدق على أريج يطمنها أنبعثت ريحة عطرها تغللت داخل صدره كأن يستنشقها و ما هو مكتفي كل شئ مرتب بتنسيق و كلامها يتردد في إذنه و هي تحدد له مكان كل شئ بالشنطه أخذ الشاحن و حطة بالكابس و على طول فتح جواله و حس كأنه ملك في السماء و هو يشوف خدمة موجود ثلاث مكالمات من جوال أريج إحساسه ما ينوصف صار حد يهتم فيه يسأل عنه يقلق عليه كل شئ فاقدة بدت أريج تعوضه فيه ضغط أرقامها و أستسلم كل ما فيه يسمع صوتها
أريج الوو
مشعل هلا أريج كيفك ؟
أريج الحمدلله وصلت ؟
مشعل إي وصلت ترى تأخرت عليك لإن الجوال فاضي توي بالفندق أحطه بالشاحن
أريج الحمدلله على سلامتك
مشعل الله يسلمك يا الغالية
أريج شفت أهلك ؟
مشعل لا لسى بس سكنت بنفس الفندق بس أرتاح شوي أنزلهم
أريج تعبت من الرحلة ؟
مشعل تعبت من البعد يا أريج لو تصدقين لا كانت ميسره
أريج أنا حطيت لك مسكن بالشنطه لو حسيت تعب خذ منه
مشعل من عيوني
أريج تسلم
مشعل كان يبي يقولها إشتقت لك ما يعرف ليش يحس بـهـ الشعور يتمنى ينطقها لها بس أريج وقت الهروب عندها جاهز
أريج طيب أنا ما أطول عليك أرتاح الأن وشوف أهلك سلم لي عليهم و طمني عليك كل ما قدرت
مشعل من عيوني أنتبهي لنفسك......
و تهدمة علاقعي و الحصون بسبب آنثى لا تعئ من فعلتها في قلبي شئ !َ
***************
يدور بالغرفه بدون هدف يحس إن هـ البنت بتقضي على بقايا العقل في رأسه بس أنا أوريها أخذ كيس الهدية و نزل مع الدرج و هو يضحك على نفسه ( إن تخبلت ما عجبتني و إن عقلة ما عجبتني صدق إنها هي الي مستحملتني ) وقف قدام غرفة عمته و هو يدعي ربه إنها تكون لوحدها لجل تسهل عليه المهمه دق الباب و سمع صوتها منو ؟
ماجد عمتي أنا ماجد أدخل ؟
أم أريج و هي تلف سجادتها بعد ما صلت العشاء إيه يمه حياك
ماجد تقبل الله
أم أريج منا و منك يمه
ماجد امم عمتي بدون مقدمات أنتِ تعرفين إن هذي أخر سنه لي و بعدها بإذن الله أتوظف و أملك على فجر
أم أريج بإذن الله
ماجد طيب يعني هي الأن خطيبتي و ....
أم أريج بضحكة ماجد ماهو ولد أخوها و خطيب بنتها وبس لا ماجد هذا ولدها و غلاته مثل فجر و أريج وش صاير بينكم بعد ؟
ماجد لا لا ما صار شئ بس أنا ....و مد يده بالكيس هذي الهديه لفجر بمناسبة تخرجها أنا أعطيتها لعاليه بس هي رفضة تقبلها تقول ما تأخذ شئ من وراكم
أم أريج كفو والله بنتي ههههههه عقلة هاااه ؟
ماجد هههههههههه إلا والله شعري بيقلب أبيض قبل أوصل الثلاثين منها
أم أريج هذي فجر عاد الي طول عمرك تدافع عنها هات الهديه هالمرة بنأخذها بس المرة الجاية ما نبي إلا يوم الملكة
ماجد و هو يتمنى هذا اليوم بكرة تأمرين عمتي متى يجي هذاك اليوم بس...
****************
بالفندق بعد ما أخذ كفايته من الراحة فتح الشنطه يبي يبدل و تذكر كلام أريج ( حلو الأسود عليك ) أبتسم و طلع له تي شيرت أسود مع بنطلون أبيض لبس و نزل لإهله تحت بالدور الثاني
أم مشعل حيالله ولدي والله
مشعل هلابك يمه
أبو مشعل ما قلت لنا أنك جأي نستقبلك متى وصلت ؟
مشعل قبل كم ساعة لا فيه واحد من الشباب أستقبلني و وصلني لين الفندق
ريم يعني أريج ما جأت معك ؟
مشعل لا
ريم ياربي ليش ؟
مشعل ما تبى و أنا بروح مع وأحد المانيا بعد بكره
أم مشعل يعني قول إنك منت جأي عشانى بس عشان صاحبك ؟
مشعل الصبر يارب العرش لو ما بغيت أشوفكم كان أخذة طيارة على المانيا و هو لحقني هناك
أبو مشعل وشو عندكم بالمانيا ؟
مشعل يبي يكشف عندهم صار له حادث قبل فترة و أنكسرت يده و صارت تتشنج بعد ما فتح عنها التجبير
أبو مشعل منو نعرفه ؟
مشعل إيه سلطان ولد خالد الي معي من أيام المدرسة
أبو مشعل إيه عرفته
مشعل كان مستغرب سكوت مرام الي ماهو طبيعي حتى لما سلمت عليه ما فتحت فمها بكلمة مرامووه وشفيك ساكته ؟
مرام و لا شئ عادي
ريم همسة له بهدوء من كم يوم وهي ما هي طبيعية نزل عليها عقل غريب
مشعل سبحان الله
أم مشعل وشفيكم تتصاصرون ؟
مشعل و هو يوقف أبد يالله أستأذنكم سلطان ينتظرني تحت...
**************
بالخبر أتمددت بالسرير و هي تطالع مكانه الفارغ حضنة المخده بكل شوق ريحة عطره مميزة و صارخه مخلوطة ببقايا رائحة الدخان عالقه في مكانه بشكل فضيع مشاعرها أصبحت كلها نحوه رغم كل شئ هي آنثى و بطبعها عاطفية و حساسة و مشعل الرجل الأول بحياتها تخاف من مشاعرها هذي تعذبها أكثر تحاول تسيطر عليها لكن خلاص كل شئ بدا ينفلت من يدينها تفقده , تشتاق له , و رغم كذا تكابر و تقتل أحاسيسها وهم يا أريج وهم أخذة دفترها و بدت تكتب
( هذيه أول ليلة أنام فيها بدونه بعيداً عنه لا طعم لراحة و لا لنوم مكانه الفارغ محد يملأه لا تلؤمني يا قلمي و لا تضحك مني يا قلبي بإنك أنتصرت و قدمت نبضي قربان لقلبه لا أريد منه أستلاطف لازال عقلي يدرك فصول الحكاية و متناقضات الأمور لازلت أفقه مصيري بين يديه الضياع بقربه أو البعد )
سكرت الدفتر و نامت مستسلمه لطيوف مشعل إلي شاركتها حتى الأحلام بالمنام.......
*********************
متمدده على الكنب و تلعب بشعرها هـ الفكرة في بالها من أتزوج مشعل لكن الأن صار وقتها و لازم تنفذها
مها يمه وش رأيك نزور أريج بكرة ؟
أم مها وشو جأبها في بالك ؟
مها مدري عادي نزورها ضيوف الأن هي لوحدها بعد ما سافر مشعل
أم مها أخاف خالتك تزعل ؟
مها وهي وش عرفها بنروح و نجي و هي و لا دريت
أم مها تعرفين رقمها زين ؟
مها ما هو لازم ندق هذا بيت ولد أختك و أنتي زي أمه
أم مها زين أجل نروح نشوف هـ الأريج في بيتها كيف
مها تمام يمه......
*****************
الجزء العشرون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك