رواية توأمي لكن انا غير ومالي مثيل وراسي عنيده -9
بانه وهي لحد الحين ما استوعبت:نعم وش قلتي
دانه بصوت مخنوق:انا ما ابغى أتزوج
بانه:بيزوجونك من
دانه :ما راح تصدقين بيزوجوني نادر انا اهئ اهئ ما ابغى اهئ ..وصارت تشاهق
بانه صارت ترمش تحاول تستوعب:دانه أنتي من وين متصله
دانه وهي تسحب نفس:من تلفون مقعد اللي يستخدمه في الاتصال بالعملاء الأجانب للشركه
بانه:طيب سكري وآنا بتصل عليك
دانه بضعف وخوف:لا لا تصكرين
بانه بحنيه:حبيبتي انا الحين بتصل عليك
دانه باستسلام:طيب
صكرت من أختها وهي تردد:الله يأخذك الله يأخذك يالشيبه
راحت الحمام (كرمكم الله)وغسلت وجهها وخذت دقائق تفكر وش تقول لأختها
أما عند دانه رجعت الجوال لأسير علشان تعطيه مقعد ونبهتها ما تقول لأحد ورجعت لغرفتها تنتظر أختها تتصل عليها وبعد ثواني اتصلت وردت دانه على طول والدموع رجعت تتجمع بعيونها:بانه
بانه:حبيبتي اهدي
دان:وش أسوي جدي حدد الملكه بعد أسبوعين
بانه:طيب اهدي يا دانه اهدي شوي
دانه خذت نفس
بانه بهدوء:مو أنتي تحبينه
دنه وهي مستغربه من سؤال أختها:وش قصدك من ذا السؤال
بانه:دانه تزوجي نادر
دانه عيونها طالعه وبهمس:ايش
بانه:اللي سمعتيه
دنه:بس هو...انا ظنيتك...
بانه:صدقيني هذا لمصلحتك
دانه بعصبيه:لمصلحتي انا ظنيتك راح توقفين معاي مو ضدي ليه انا مو أختك
بانه:دانه اسمعيني
دانه وهي تبكي:ما ابغى اسمع شي ولا عاد ابغى اسمه صوتك حتى أنتي ضدي
ليه وش سويت لكم
بانه توها بتتكلم بس دانه صكت الخط
بانه وهي تطالع جوالها:صكت الخط في وجهي
رجعت تتصل بس ما في احد يرد وحطت جوالها على الكومنديه
بانه:أسفه يا أختي بس كذا أحسن لك
أما عند دانه رمت الجوال بعد ما حطت صامت وضمت رجولها ورجعت تبكي بس هالمره بشكل أقوى ما توقعت ان الوحيده اللي ظنتها بتوقف وياها تتركها وتبغى الفكه منها
دانه:حسافه يا أختي حسافه
وسندت راسها على ركبها وظلت في بكاء متواصل
&&&&
في الاستراحه
مجتمعين الشباب
يزن – مازن – يوسف – سلطان – لافي – مقعد
اللي يلعب بلياردو واللي يشرب شاهي ويسولف
مقعد يكلم لافي:وش صار على اخوك
لافي:ما صار شي
مقعد:هو موافق
لافي:ليه في خيارات
مقعد:الله يهديه جدي
يوسف:انتم وش فيكم مكبرين الموضوع البنت مسيرها راح تتزوج نادر ولا غيره
مازن:يمكن لو كان غير نادر كان لها رأي بالموضوع
يوسف:لا تلعب على نفسك كان نفس الشي ما راح يأخذ رأيها المفروض تحمد ربها ان جدي غصبها على نادر مو على واحد ما تعرف يعني شي أهون من شي
يزن:وليه سالفة الإجبار هذي من الأساس
يوسف:عادي الحين مستنكرين الموضوع بعد فتره راح يتعودون على بعض وتصير الأمور عندهم أسهل
يزن:وأنت لو صار لك نفس الشي وغصبك جدي راح تتأقلم
يوسف طالع يزن وطرا على باله آلاء وتأفف
مازن:صدق يا شباب لو صار مع واحد منكم نفس اللي صار لنادر بتوافقون وترضون بالأمر الواقع
سلطان:انا طلعوني من روسكم
مازن:ههههه ههههههههه قل لجدي لا يحطك في رأسه
مقعد:انا عن نفسي كل البنات خواتي
لافي:والله جدي ما يعرف خواتي من إخواني ما يعرف غير ان أمره ينتفذ وبس
سلطان:ان شاء الله الدور مو على شكلي بهج من الديار
الكل:ههههههههه هههه
في بيت الجد
طقت الباب على جدتها تبغى تعرف هي ليه طالبتها وسمعت صوتها:ادخلي يا يمه
دخلت وشافت عمها صافي موجود
دانه:السلام عليكم
الجده وصافي:وعليكم السلام
الجده وهي تاشر على مكان جنبها:تعالي يا يمه اجلسي جمبي
راحت وجلست جنب جدتها
الجده:شوفي يا بنيتي انا جبتك وقدامك بسال عمك وأنتي تسمعين علشان يرتاح بالك
دانه مو فاهمه شي
الجده:حلفت بالله يا صافي نادر راضي عن هالزواج
صافي:ايه راضي وآنا سألته اليوم
دانه تطالع عمها صافي باستغراب وفي نفسها:كيف راضي وهو يحب له وحده أكيد بس يبغى يسكت جدي وعمي صافي
الجده:ها يا بنيتي سمعتي
دانه هزت راسها بأيه
الجده:يا صافي لو جاء لبنتك لولوه زوج مثل ولدك نادر تزوجه
صافي:والله أزوجه وحتى بدون مهر
والتفت صافي على دانه:لا تظنين انك رخيصه بعينا يا بنتي تراك بنت الغالي وأنتي دانتنا تسمعيني يا بنيتي
دانه وعينها تمتلي بالدموع هزت راسها بأيه
صافي:أنتي بتجين عندي بالبيت وبنحطك بعيونا والله انك بتنورين بيتنا وبعدين الكهرب طافي عندنا
دانه ابتسمت بخفه
الجده في نفسها وهي تنهد:الله يسعدك يا بنيتي
&&&
صحت الصباح
ولبست وراحت مع أماني ونهى الجامعه بدون ما تفطر كله شارده تفكر في دانه واللي سوته معاها هي ما سوت هذا إلا علشان مصلحتها الأفضل لها تعيش في بيت عمها صافي أفضل من بيت جدها
تنهدت وسمعت صوت قريب منها:أشوف اينشتاين سرحان
التفتت لسجيه وابتسمت بخفه:آهلين
سجيه:وش فينا سرحانين ولا ندري عن الدنيا
بانه:ولا شي ..وهي تدور بعيونها:وين أمجاد
سجيه:جايه بعد شوي
وجاتهم أمجاد وراحوا على المحاضرة علشان يلقون مكان قدام
لما وصلوا عند بابا القاعه
أمجاد:سجيه ادخلي احجزي لنا كراسي قدام انا وبانه بنروح دورة المياه
سجيه تخصرت:قولي والله أقول ولي زين
أمجاد:سجيه تراني مصدعه ومو رايقه لك
سجيه وهي تتأفف:طيب خلاص ..ودخلت وهم راحوا على دورت المياه
دخلوا دورة المياه ووقفوا عند المرايه
بانه بهدوء:ها جبتيه
أمجاد وهي تبتسم على جنب:ايه
بانه فتحت جوالها:أرسليه
أرسلته أمجاد و بانه ضحكت وهي تشوف المقطع:حلو
وطالعت أمجاد:خلي المقطع عندك في الجوال لا تمسحينه
أمجاد:ليه
بانه:احتياط
أمجاد:اوكي
طلعوا من دورة المياه رايحين للقاعه
عند سجيه محبوبة الكل دخلت وصارت تدور بعيونها على مكان
سجيه راحت قدام بس بعدين ذكرت الشنطه الكبريه اللي في يدها:لا لا ما ينفع اللي معاي يجي قدام
ورجعت وراي وجلست
جاو اثنين وكانوا بيجلسون
سجيه:خير وين مدرعم يالحبيب
الشاب الاول:نعم
سجيه:يله محجوز
الشاب الاول:ليه نقل جماعي تحجزين
سجيه:ايه نقل أبوي عندك مشكله انت ويا قذلتك
الشاب الثاني وهو فيه الضحكه:خلنا نجي قدام
الشاب الاول حقد على سجيه وجلسوا قدامها
وجاووها أمجاد وبانه
أمجاد:أنتي ليه حاجزه لنا هنا
سجيه:هنا أحسن
أمجاد:انا ما قلت قدام
سجيه:أوف اجلسي ولا تتشرطين
جلست أمجاد جنب سجيه وجنبها بانه
وامتلأت القاعه
سجيه تطلع من شنطتها مثل الكوب اللي يحفظ فيه القهوه اتمنى عرفتوه
وفتحته وبدت تشرب
أمجاد باستغراب:وش تسوين
سجيه:ما لحقت اشرب حليبي قلت أجيبه معاي
بانه مسكت ضحكتها وأمجاد طالعت عيونها وعصبت:أنتي مجنونه
سجيه:ليه وش سويت
شوي إلا دخل الدكتور اللي يدرس الماده حقتهم
سجيه طلعت عيونها وفتحت فمها:يا ارض حفظي ما عليك هذا دكتور مادتنا ولا وائل كفوري
أمجاد و بانه يطالعون سجيه ويطالعون الدكتور وكان توه شباب
سجيه:يا ويلي ما أحلاك يا حليوه
وتلتفت على بانه وأمجاد:شفتوه يا رلبيه على الشعر ولا شعور الفلبينيين
الشاب اللي قدام:أقول إذا في بالك مغازل اجلي بعدين خلينا نسمع وش يقول
سجيه:أقول يا ابو قذيله انطم
صديقه ماسك ضحكته
الشاب الاول:ناس ما تستحي
سجيه عصبت و بطولة لسان:مخليه الحياء لك انت ويا هالقذله
انتبه الدكتور على صوت سجيه
الدكتور:You
أمجاد بهمس:سجيه الدكتور يناديك
سجيه تلتفت:انا الحليوه يناديني
الدكتور قرب ووقف عندهم
الدكتور:yes, you
سجيه:معناة الكلمه هذي معناتها ايه عرفت معناتها نعم
أمجاد وبانه ماسكين ضحكتهم
الشاب اللي قدامها يضحك
سجيه:أقول سك حلقك جعل ضروسك تطيح وش عليه تضحك
الدكتور عصب:What is you name?
سجيه:وش يقول
أمجاد بهمس:اسمك
سجيه :اسمي انا يا ربي يا الحلو تبغى اسمي
الدكتور :yes
بانه انتبهت ان الدكتور يرد على سجيه مع انه المفروض ما يفهم وش تقول لأنها تتكلم عربي والتفتت على سجيه تاشر لها
سجيه:والله بقولك اسمي بس انت لا تنحاش
الدكتور:لا تخافين ما راح أنحاش قولي
سجيه انصدمت وعيونها طلعت وبلعت ريقها:عربي ..قصدي خليجي...قصدي سعودي
بانه وأمجاد عاضين على شفايفهم ومنزلين روسهم وميتين ضحك
الدكتور:ابغاك بعض المحاضرة تجيني فاهمه
سجيه وهي لحد الحين مصدومه:ها
مشى الدكتور وأمجاد سحبت سجيه وجلستها وهي ماسكه ضحكتها
سجيه وهي تطالعهم بحق:اضحكوا
بانه وأمجاد حطو يديهم على فمهم وماتوا ضحك
سجيه طالعت اللي قدامها:ابو قذيله اضحك انت بعد
الشاب تقطع من الضحك فرصته يبرد حرته
قاعد وراء مكتبه وهو يتأفف
يامن:اووف هذا وقت الشغل يوم جيت بسوي اللي في بالي وأقدم على أول خطوه تطلع لي هالمشكله في الشغل بس اخلص من هالشغل وأتفرغ لك عدل
وأعلمك الحساب ههههههههه
ورجع لشغله وهو يبغى يخلصه بأسرع وقت
&&&
في الجامعه
قابلها وعيونه تقدح شرار جاها ومسك يدها بقوه ومشاها لحد ما وقفوا عند البوابه حقت الجامعه
فواز بعصبيه وهمس:ما قلت لك لمي قشك وانقلعي على اقرب طياره
بانه وهي تنفض يدها:تو تو انا لو بروح على أول طياره راح احرص انك تكون معاي يا ولد عمي العزيز
فواز باستغراب:نعم
بانه:شلون كانت حفلة البارح ان شاء الله انبسطت
فواز تفاجأ:ايش قلتي
بانه وهي تبتسم على جنب:اسمعني من الأخر يا ولد العم إذا تفكر ترجعني للسعوديه انا رح احرص انك تكون جنبي في الكرسي واعتقد ان جدك ما يحب سالفة الحفلات ولا انا غلطانه
فواز مسكها من يدها بقوه وحست انها بتنكسر:تهدديني يا ح..
بانه:لا تغلط ولا والله ان يعرف جدك بسوالفك وتروح وراء الشمس
فواز سكت وهو يطالعها بحقد
بانه:انا ابغى منك طلب ولا راح يوصل لجدك سالفة خرابيطك
فواز:تخسين أسوي لك شي ما بعد عاش من يهدد فواز
بانه وهي تعطيه ظهرها:خلاص
فواز غمض عيونه وزفر بضيق:استني وش طلبك
بانه بابتسامه:ابغى طلب صغينون
فواز يطالع بحقد وينتظرها تكمل
بانه:كل اللي ابغاه انك تقنع بابا نويل اللي هو جدك يخليني هنا ادرس وأنت بتهتم فيني
فواز :في أحلامك
بانه:خلاص نرجع سوا على السعوديه وراح نستانس مع بعض في الرحله
فواز بعد تفكير:عطيني مهله
بانه:اوكي
ومشت وخلته وراها وهو مقهور ووده لو يذبحها وصار يسب فيها
&
لهنا وقف واترك لكم حرية االتعليق
&
ودي لكم
&&بارت طويـــــــــــــــــــل
&&&&
توأم لكن انا غير ومالي مثيل وراسي عنيده
&
البارت العاشر
قراءه ممتعه وان شاء الله ينال إعجابكم
وها البارت خاص (لأختي وحبيبتي رنو)وفديت المتحمسين انا
&&
في المملكه وتحديدا في غرفة دانه
تطالع من النافذه وسرحانه
دانه :ااااه ياربي الكل قالوا كلمتهم وآنا كأني مالي وجود وما عاد عندي خيارات
الكل موافق بس لو يدرون باللي ادري به لو يدرون ان نادر
وحست بألم يعصر قلبها من كلمة يحب اللي تنفيها بسرعه من عقلها علشان ما تفكر فيها لأنها تألم قلبها
اااااااااااااه يا دنيا عمرك ما انصفتيني
أبوي وراح مني وأمي ورمتني وباعتني وبانه تخلت عني ااااه يا بانه والله مشتاقه لك يا أختي حتى بعد ما تخليتي عني أظل احبك والله خايفه عليك يا أختي اللي يحفظك ...وتنهدت:اللهم لا اعتراض على حكمك
وصحت من أفكارها و سرحانها على صوت الباب ينطق:تفضل
دخلت جدتها
دانه راحت لها بسرعه:يمه الله يهديك وش مصعدك الدرج أنتي تدرين انك تعبانه وما تتحملين صعود ونزول الدرج
الجده وهي تجلس على السرير:وش أسوي اليوم كله ما جلستي معاي قلت انا اصعد لك
دانه وهي تبوس يد جدتها:يا عمري يا يمه كان خليتي الخدامه تناديني وآنا انزل لك برسم الخدمه
الجده:علشان شيخة البنات كل شي يهون
دانه باست رأس جدتها وعلى وجهها ابتسامه:الله لا يحرمني منك
الجده:ولا منك
سكتوا ثنتينهم
الجده حبت تقطع الصمت وما عجبها حال حفيدتها وحبت تطلعها من اللي هي فيه:يا بنيتي الجامعه ما راح تروحين لها
دانه:ما لي خلق والله
الجده:إلا بتروحين وبعد بتروحين السوق بكره
دانه باستغراب:السوق
الجده:ايه يا بنيتي علشان تشترين فستان لملكتك وشوية أغراض لك
دانه:والله ما لي خلق خلي وحده من البنات تروح وتشتري لي أي شي
الجده بإصرار:لا أنتي اللي بتروحين وبكره بتروحين بعد وإذا تبغين تزعليني لا تروحين
دانه وهي تبوس يدها:لا خلاص أروح وآنا اقدر أردك يالغاليه خلاص بكره بروح الجامعه وعلى العصر بروح السوق وش تبغين بعد يالغاليه
الجده وهي تمسح على رأس دانه:الله يرضى عليك ويسعدك
دانه ابتسمت بحزن وتنهدت
الجده:ما اتصلت عليك أختك
دانه والدموع بدت تتجمع بعيونها:لا يا يمه من بعد ما هزاتها و صكيت الخط بوجهها ما اتصلت
الجده اللي دانه قالت لها عن الكلام اللي دار بينها وبين بانه:ان شاء الله راح تتصل
دانه :يمه ممكن تنامين عندي اليوم ما ابغى أنام لحالي
الجده وهي تاشر على رجلها ودانه حطت راسها وبدت تمسح على شعرها:تدرين ان أختك تغليك أكثر من نفسها
دانه ساكته و الجده تكمل:تدرين انها وصتني عليك
دانه باستغراب:وصتك علي
الجده:ايه تذكرين يوم طلعتي معاها الحديقه يوم تجي خدامتهم بأغراض لها
دانه:ايه
الجده :جاتني وقالت لي ان دانه أمانه عندك تراني أمنتك على روحي
دانه ودموعها بدت تنزل:صدق يا يمه
الجده:ايه
دانه:يا قلبي يا بانه يا عمري عليك يا أختي
الجده:الله يخليكم لبعض
دانه اللي تنهدت:اميييييييييين
الجده تحاول تغير الجو:وش رايك أقول لك حزايه
دانه بضحكه:حزايه هههه ايه
الجده:كان يا ما كان
ودانه غمضت عيونها لان النوم بدا يداعب جفونها
في أميركا
جات لأمجاد اللي تنتظر سجيه اللي دخلت عند الدكتور ووقفت جنبها وهي سرحانه أمجاد تطالعها بطرف عينها وبانه سرحانه ومو بالدنيا
أمجاد وهي ترجع شعرها على وراء:اشوفك ساكته وما قلتي شي وسرحانه
بانه اللي انتبهت لها:وش أقول
أمجاد:فادك التسجيل
بانه:فادني وراح يفيدني أكثر بعدين
أمجاد بفضول:أنتي وش سالفتك مع اهلك
بانه:لما تقولين لي سالفتك راح أقول لك سالفتي
أمجاد وهي متفاجاه:أي سالفه
بانه وهي تقرب :سالفة شكلك وغيرها من السوالف
أمجاد بعصبيه:سجيه قال...
قاطعتها بانه:لا ما قالت لي شي
أمجاد طالعتها وسكتت وبعد ثواني طلعت لهم سجيه اللي كان وجهها احمر من العصبيه و ساكته ومبين انها مقهوره
أمجاد وهي تضحك على سجيه:وش صار
سجيه ساكته وتعض على اصابيعها
بانه:سجيه وش فيك
سجيه اللي كانت حابسه قهرها انفجرت بعصبيه:انا اعلمه الزفت الخايس المعفن الكلب الجيكر المصدق نفسه ال...
أمجاد تقاطعها وفيها الضحكه:الله شكله رفع ضغطك عدل
سجيه تكمل:يقول عني مستهتره ولا يهدد مع وجهه الفلبيني الأحول
أمجاد:سجيه هدي خلاص
سجيه بعصبيه:ولي زين
ومشت وأمجاد وبانه يطالعون بعض ما توقعوا انها معصبه لهالدرجه
بانه باستغراب:ما توقعت انها تعصب هالكثر بس شكل الدكتور غسل شراعها عدل
أمجاد رفعت كتوفها وراح يلحقون على سجيها علشان ما تضيع ويبتلشون فيها
قاعد في الكوفي مع صديقه وسرحان
تركي وهو يأشر بيده قدام فواز:وين رحت يالحبيب
فواز بضيق:ما رحت مكان بس أفكر في بنت عمي العله
تركي:راح تقول لجدك
فواز:ايه بس راح اقلب السالفه لصالحي
تركي باستغراب:كيف
فواز وهو يطلع الجوال :راح تشوف
اتصل وينتظر الرد وبعد ثواني:هلا والله جدي – ما سويت شي – ما قدرت أرجعها برضاها – بس انت يا جدي قلت لي برضاها لو غصب عنها كان أسهل الموضوع بس هي معنده ما تبغى ترجع – نعم
بلع ريقه:طيب تأمر أمر – ان شاء الله – مع السلامه
نزل جواله
تركي فضول:وش صار
فواز:قال لي راح يكلم حصين ويبغاني أروح له
تركي:حصين اخوك
فواز:ليه في غيره
تركي:الله يعينك أحسك تورطت مع بنت عمك هذي اللي طلعت مو هينه
فوزا تنهد:ايه والله ولا انا وين وعوار الرأس هذا وين وبنت عمي هذي جعلها الوجع والماحي صدعت راسي معاها
تركي هز رأسه بأسف على حال فواز
قام:انا رايح
تركي:الله معاك
راح وترك تركي يكمل قهوته
&
جالسين في الصاله الفوقيه ومطفين الأنوار ويتابعون فلم
رؤيه وهي خايفه:بنات الحين وش ينومنا بعد هالفلم الرعب
هبه الي مندمجه:اششششششش
رواء:بنات حالتي النفسيه مضطربه للغايه
رؤيه وهي عاضه المخده وترتجف :يا يمتي بيعض البطله
هبه التفتت:كأني سمعت صوت بنات ما سمعتوا شي
رؤيه وهي تنتفض :يمه وشو ما سمعت شي
رواء تعدل نظارتها ويدها ترجف وتبلع ريقها:ولا انا
سمعوا صوت مشي وحركه
رؤيه تضم رواء:يمه أختي بنموت مثل اللي بالفلم
هبه:اششششششش خلنا نسمع
رواء:التحليل الفسلوجي يقول ان الخوف يوقف القلب وآنا ابغى أعيش وأعمر بعد
رؤيه وهي تتلفت:يا ويلي أكيد بيطلع مصاص دماء وبيعضنا مثل ما صار في البطله بالفلم ونموت
لمحوا شي ابيض يمشي باتجاههم
رواء:ااااااااااااااااه يمه نحشه
رؤيه طبت ساكته وأغمى عليها
هبه راحت ركض لغرفتها ورواء هجمت على الجسم الأبيض بكتابها تضربه علشان تدافع عن رؤيه لأنها ما تقدر تروح وتخليها :يا حقير موت أختي خذ
طرااااااخ طرااااااااخ
هبه جات بمسطرة الرياضيات الطويله والمثلث حق الرسم على الصبوره وتضرب مع رواء:يا وحش ذبحت بنت خالتي
طرااااااااخ طرااااااخ
سمعوا :أي أي أي خلاص
وفقوا ضرب ومستعدين للهجوم مره ثانيه
سمعوا صوت عرفوه:مدى
مدى وهي توخر الشرشف الأبيض:أي الله يأخذكم حشى مو بنات عليكم ضرب كسرتوني
هبه بعصبيه:يا حماره
رواء:يا متخلفه كذا تسوين فينا
هبه وهي تدور:وين أسير المعفنه أكيد هي موجوده معاك
أسير وهي تطلع من وراء الكنب ورافعه يديها باستسلام:انا هنا والله مالي دخل
مدى وهي تمسك راسها:حسبي الله عليكم فتحتوا راسي وبطيتوا جمتي
رواء تلتفت لرؤيه:يا حسرتي البنت أغمى عليها
أسير:ههههههههههه والله ههههههههه شكلكم
هبه بعصبيه:شب انكتمي لأذبحك الحين
وراحت لرؤيه وجابو ماء ورشو على وجهها يمكن تصحى
في نفس البيت في الدور الاول
جالس في غرفته ومعصب
الجد:ما في منك فايده الشرهه على اللي يعتمد عليك ورفع جواله واتصل وبعد ثواني وصله صوته الثقيل :هلا بالغالي
الجد:هلا فيك يا ولدي اسمعني يا حصين
حصين:أمرني
الجد:فواز راح يجيك ويقول لك كل اللي صاير
حصين:ليه وش صاير
الجد:فواز بيجيك ويقول لك على كل شي وراح يقول لك انا وش ابغى منك وابغاك تنفذه
حصين:اللي تبغاه أسويه لو على قص رقبتي
الجد هز رأسه:لا تتصل إلا وأنت مسوي اللي راح يقوله لك فواز
حصين:ان شاء الله
الجد:فمان الله
حصين:فمان الكريم
سكر الخط وحط يده على لحيته ويفكر ورجع رفع جواله وجاه صوت ولده:أمرني يبه
الجد:صالح أبيك من الصبح تجيني
صالح:تم الفطور عندك
الجد:يله تصبح على خير
صالح:وأنت من أهله يالغالي
صك الخط وقام ينام ((جعله ما يقوم))
قاعدين في الكافتيريا
أمجاد وهي تطالع بانه السرحانه وسجيه المنقهره:اووووف والله إنكم مملين
سجيه:وش تبغين نسوي لك استعراضات بهلوانيه ولا كونغ فو
أمجاد:لا قولي وش صار لك مع الدكتور وائل كفوري
سجيه:طل يشبه وائل كفوري إلا يشبه الجرذي
بانه اللي صحت من سرحانها وفيها الضحكه:ههههه قولي وش صار معك
سجيه تنهدت :انا أقول لكم
ورجعت بذاكرتها لما طقت الباب على غرفة الدكتور ولما ما وصلها رد فتحت الباب وطلت برأسها
سجيه ما شافت احد على المكتب:اووووف أحسن فكه مو موجود ما لي خلق هذرته
وتوها بتطلع إلا جاها صوت من جنب المكتبه الكبيره حقت الكتب:لا ما راح تفتكين من هذرتي
سجيه جمدت ودارت ببط على مكان الصوت وتفاجات بالدكتور ماسك كتاب وواقف جنب المكتبه الموجوده بالزاويه بجانب الباب علشان كذا هي ما شافته وبلعت ريقها
الدكتور راح لمكتبه وجلس وفتح كشف الأسماء:اسمك
سجيه وهي تقرب من المكتب و بارتباك:اسمي سجيه عبد الرزاق العلي
الدكتور وهو يطالع كشف الأسماء: غياب في المحاضرة الأولى لك
سجيه باستغراب:شلون غياب وآنا...
قاطعها باشاره من يده:علشان لسانك الطويل ولو لمحتك بس مجرد لمح انك تهذرين في محاضرتي الجايه أو أي محاضره راح أحرمك من حضور ثلاث المحاضرات اللي بعدها وراح أطردك من المحاضرة واضح كلامي
سجيه:بس..
قاطعها وهو يطالع الكتاب اللي معاه:خلص الكلام ويا ليت تصكين الباب وراك وأنتي طالعه
سجيه انقهرت ولفت وطلعت
رجعت للحاضر:وهذا كل اللي صار
أمجاد وبانه متفاجأين من هالدكتور اللي ما يبين عليه انه شديد لهالدرجه
أمجاد بطنازه:ول ما عنده وقت ولا تفاهم ابو الشباب ابضاي وزقرت
بانه:وأنتي ما راح تتكلمين في محاضراته
سجيه:أكيد ما ابغى أنطرد من محاضراته ويحط لي غياب
بانه:اشك انك تقدرين تمسكين لسانك
أمجاد وهي تحط يديها وراء رأسها وتتسند بظهرها على الكرسي:لا تشكين إلا أكيد ما تقدر
سجيه:مالت عليكم هذا بدال ما تشجعوني
ولمحت احد وعفست وجهها:كليله ودمنه جاو
بانه تلتفت وشافت أماني ونهى يأشرون لها وقامت وراحت لهم وتكلمت معاهم شوي وبعدها رجعت وجلست
سجيه:وش عندهم ماروكو وسالي
بانه بضحكه:يقولون انهم بيرجعون الشقه بعد نص ساعه والمفروض أكون عند البوابه حقت الخروج
أمجاد:ما ادري أنتي كيف متحمله تعيشين مع هالثنتين
سجيه خطرت ببالها فكره:أقول بانه تعالي اسكني معانا بالشقه
بانه متفاجاه:ايش
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك