رواية هدمت حياتي بيديك وجاي تقول ندمت -99
عادل:وش عرفك انتي يعني لو عمل لها شي بتقول لك مثلا
اماني بقهر:اي بتقول وماسوا لها شي انتم يالرجال حقيرين
عادل:وش فيك وانا صادق
اماني:برا عادل
عادل:تطرديني
اماني:اي براااااااااااا
عادل وقف:طيب يااماني
وطلع واماني انسدحت ودموعها تنزل ع خدها انهار تتلو بعضها
ببيت ام تركي
تركي منسدح بالصاله لحاله ويفكر ببشاير
"يالله شقد وحشتيني واشتقت لها ياليت الزمن يرجع وماتقول اللي تقوله
بس خلاص كل شي بيننا انكسر وصرنا اغراب الحين وكل واحد نفسه اكبر من الثاني "
قطع تفكيره صوت رساله وصلته
فتحها وكان الرقم غريب
غ بت أنآ
لكًن (مانسيتك)دقيقه
للحين (اذكر ) كلّ أوقآتي معآك
مآني من اللي ينسى(حبيبه)تشغلني الدنيآ ولآ يوم أنسآك
من يصدق ؟
يمر الوقت مآ اشوفك
وآصير بلهفتي موجوووع
ويمر الوقت مآ ادري وأيآم الزمن تجري.!
سآعه بعدهآ سآعه//واسبوعٍ ورى أسبوع
بعد مآ كنت أنآ أشوفك
سبت
أحد
اثنين
ثلاثآء
وربوع
واجي طآآآير صبأح السبت
لأني فاقدك (يومين)!
ويسبقني وله عيني قبل أعرف مكآنك وين!
[واليوم]
يمر السبت..ويروح السبت
ولآ ادري عن أحوآلك ضآيق وإلآ حآلك زين!
ابتسم وهو يقول بخاطره"ياليتك تعتذرين وتعترفين بغلطك يابشاير
وتريحيني وترتاحين بدل هالعذاب اللي حنا فيه
ببريـــطـــانـــيا
بالمستشفى
الكل بحاله بكاء وصدمه ع احمد
ليان:الله يعين ع مها لصحت
غرور:والله اضطريت اضربها
جود:كلنا جنبها ومابنتخلى عنها
ام احمد وهي تمسح دموعها:مانبي نوصيكم ع مره الغالي يابنات
هيام:والله لا احرقها زي ماموتت اخوي
تولين:هي السبب الله لايوفقها
ليان:لا مو هي السبب
تولين:الا هي السبب وانتي اخرسي ماطلبنا رايك
ام احمد:بس يابنات
هيام:والله لانكرهها بالحياه هالحيوانه
تولين:تحسب موتت اخوي بتعدي ع خير
ابو احمد بحزن:أن لله وأن إليه لراجعون
جود:هذا كان يوم احمد
هيام بعصبيه:والله ماطلبنا دفاعاتكم وهي السبب لو ماقومته وخلته يفك الاجهزه كان مامات
غرور بعصبيه:اقول اسمعي انتي وهي اللي فيها خير منكم بس تقول لمها حرف واحد والله لا تشوف شي ماشافته بعمرها
تولين:تعرفين انك مره خوفتينا
غرور بحده وتهديد:ان كانك تقولين انا تولين تكلمي عليها وشوفي شيجيك
ليان:غرور خلاص بلا مشاكل اللي صار يكفي
غرور:ماتشوفينهم الوحده فيهم تفرد عضلاتها ع مها اللي طايحه بهالغرفه عشان احمد
هيام:عساها ماتقوم
غرور:عساك انتي اللي ماتقومين ياشيخه رحمه لاحمد موتته يفتك من اخت زيك
راشد وقف:غرور خلاص
غرور لفت عنه:انت ع تراب
راشد طنشها وناظر خوات احمد واهله اللي حالتهم حاله:احمد كان راح يموت سواء مها قومته والا خلته لانكم كنتم ع اطلاع تام بحالته
هيام ببكاء:بس هو اخونا الوحيد حرمتنا منه وحنا مالنا غيره
راشد بحنيه وحزن ع صاحبه:ادعي له ياهيام ترا احمد كان النظر لمها لاتتوقعين تشوفينها تضحك عقب اليوم او تكون مها اللي يعرفونها صاحباتها
تولين:حنا شذنبنا مانفرح باخونا لا بزواجه ولا شي ونجي هنا عشانه مريض ويموت وماشبعنا منه
راشد بصوت مخنوق:اذا تحبونه ادعو له ولاتدعون ع انسانه غمرته بالحب والسعاده من تزوجته لين فارقته اليوم
ام احمد:مستحيل احد يظلم مها وانا عايشه
راشد:انا بروح مخنوق
خالد:انا بجي معاك
ابو احمد:يالله ياام احمد انتي وبناتك امشو
ام احمد:يالله وهي تمسح دموعها
بالـــريــاض
بشقه فجر وضاري
فجر ضامه نفسها وتبكي بانكسار بسبب اللي سواه جون
دخل ضاري وهو مستغرب شكلها:شفيك
فجر:....
ضاري:هيه انتي مجنونه شفيك
فجر رفعت راسها ودموعها ع خدها:انتم المجانين وانتم اللي انا بخليكم تندمون
ضاري:صحيح وحده مريضه
فجر:شفتها وجيت مبسوط
ضاري رفع حاجبه:منهي
فجر بحقد:في
ضاري ابتسم:اكيد شفتها وتطمنت عنها حبيبة قلبي
فجر:اي لانك مخفه انبسطت مع حبيبها وجت تمثل أنها مخطوفه وانت مصدق يالغبي اللعبه
ضاري كان بيضربها بس مسك نفسه:مابي انجس نفسي بوحده مريضه زيك
ومشي
فجر بصراخ:اكرررررررررررررررررررررهك ياضاري اكررررررررررررررهك
بعد ثلاث اسابيع
ببيت ام منار
منار وهي نازله وعباتها بيدها:تاخرت عليكم
ام منار:والله يامنار روحتنا مالها داعي
منار:ماما ترا زواج ولد اختك
حنين:يعني انتي هذا سبب روحتك
منار:اي عشان خالتي
زهور:العبي ع هنود بس
منار:شتقصدين
زهور:قصدي راح تحرقين نفسك وعقب الزواج بتجلسين تبكين
منار:لا ماراح ابكي يالله امشو
ام منار مسكت يدها:يابنتي ماله داعي
منار:يمه خلينا نروح يالله ترانا حنا ووليد نسينا بعض يالله
ام منار بقل حيله:يالله
وطلعو وتوجهو لقاعة الزواج
>>لان اليوم زواج هديل وليد
ببيت ام وليد
بغرفه وليد
ام وليد تبخره:يالله حبيبي قوم البس بشتك
وليد بضيقه:يمه ماحس اني بكون سعيد معاها يمه
ام وليد:وليد ترا البنت مافي زيها بس انت لاتستعجل بالحكم
وليد بحزن:يمه انا احب منار ليه ابوي سوا كذا ليه يمه تكفين قوليلي ليه يوم جيت املك خرب علي فرحتي ليه خلاني اكسرها واحطم قلبها
ام وليد خنقتها عبرتها:وليد لاتسال كثير يالله قوم
وليد:يمه اقولك احبها يمه مابي هديل انا ابي منار تكون مكانها وبدالها هديل عمرها مابتاخذ ربع حب منار
عنود دخلت:خلـ.. سكتت من شافت وجه وليد:شفيك
وليد ببضيقه:مابي صاحبتك مابيها
ام وليد:وليد اعقل عاد وانت قلت ماتبي تحكم عليها قبل تعاشرها
وليد:بس يايمه هي ماعطتني فرصه حاولت اتقرب منها حاولت بس هي تصدني تبي تعرف ماضي يموتني من لهيبه
عنود خنقتها عبرتها:اسفه
وليد تنرفز:لاتتاسفين قلت لك تاخرتي ياعنود تاخرتي
نور دخلت:انتم ماخلصتو
ام وليد ترقع عشان نور ماتتكلم على هديل:يالله حبيبي
وليد يبتسم بتصنع:يالله
عنود طلعت وهي مخنوقه وراحت غرفتها ونزلت دموعها وجلست تمسحهم وهي تبلع بعبرتها "يارب انت عالم اني اخترتها عشان تسعده ماتوقعتهم مايتوالفون"
اندق الباب
ام وليد:افتحي عنود
عنود فتحت الباب ودموعها خربت مكياجها:يمه
ام وليد دخلت وتمسح دموعها:ليه تبكين خربتي مكياجك وانا قايله لك بيحبها بس يعرفها زين
عنود بطفوله وهي تمسح دموعها بكفوفها:بس يايمه ماتحمل كلامه وعتابه لي
ام وليد:خليك كبيره بس ويالله امشي
عنود وقفت عند المرايا تعدل مكياجها وعقب طلعت مع امها لوليد ونور
وراحو للقصر
ببريطانـــيا
بشقه البنات
بالصاله
ليان:وضع مها مو عاجبني
غرور:لها ثلاث اسابيع من وفاه احمد وهي لاتاكل لاتشرب وبس تبكي
جود:وام احمد تتكلم كل يوم ومها ترفض تكلمها
هدى:تعالو نشوفها
مشاعل:يعني شوفتنا لها بتغير شي
ليان وهي توقف:تغير او ماتغير صاحبتنا وبنظل جنبها
البنات وقفو معاها وراحو الغرفه دقو الباب ودخلو
ولقو مها كالعاده تشوف البوم صور احمد وتصيح
وقربو لها وحاوطوها
ليان:مهاوي
مها ناظرتهم ودموعها انهار ع خدها:ليه مايرجع
ليان تمسح دموع صاحبتها:مها ادعي له
مها جلست وهي تصيح:انا ابيه يرجع ماقدر اعيش من غيره
غرور:مها خليك قويه
جود:هو محتاج دعواتك
مها بصراخ وصياح:وانا محتااااااااااااااجته انا ابيه انا ماعيش من غيره اهئ
هدى:مها حبيبتي خلاص لك ثلاث أسابيع ع هالحال
مها بصياح:اقولكم ماقدر اعيش من دونه ماقدر اهئ ابي اموت ابي اروح له
ليان حضنتها:مها شهالكلام
مها بكاء حار:ليان مو قادره اعيش من غيره هو كل شي لي كيف تبوني اعيش كيف
ليان حطت يدها ع بطن مها:اللي ببطنك منه عيشي له
مها جلست تضرب ع بطنها:لا انا مابي اللي ببطني مابيه ابي احمد مابي الحمل اهئ اهئ
ليان مسكت يدينها:مها انتي انجنيتي
غرور:تبي تقتلي الروح اللي من احمد
مها بصراخ:اي مابيه ابي احمد مابي هاللي بطني مابيه
مشاعل:هذي انجنت رسمي
مها بصراخ وهي تطردهم:اطلعووووووووووو برااااااااااااااااااااااااااااااااااااا
مشاعل:قلت لكم انجنت خلونا نطلع
مها رمت نفسها ع السرير وتصيح:انتي خليك بماجد احسن روحي له يالحقيره خنتي صاحبتك روحي للي فرق بين صاحبتك وخطيبها روووووحي اطلعوووووووو برا
مشاعل بخوف:الله يشفيك وطلعت
والبنات عليهم اكبر علامه التعجب وطلعو وراء مشاعل
جود:كلام مها صحيح يامشاعل
ليان:ليكون حبيبك هو ماجد
مشاعل:انتوا صدقتوها هذي من مات احمد منهبله
غرور:والله يامشاعل شكينا فيك
مشاعل:مستحيل اسويها
هدى:بنات تاخرنا ع الجامعه
ليان:يالله خلونا نروح
وراحو للجامعه واول مادخلو توجهو للكلاس
وليان اخر وحده بتدخل
سحبها بندر ودخلها بزاويه بالجامعه
ليان وهي ع الجدار وبندر قدامها:وخر عني
بندر يبتسم ولهيب الشوق يكويه:وحشتيني ليان حيل
ليان ماسكه دمعتها:بندر ابعد روح للي فضلتها علي
بندر يبتسم برغم شكها بس هو متاكد انها لو ماتحبه ماغارت عليه ومو قادر يتحمل بعدها:لا انا مافضل احد عليك اصلا انتي مافي وحده تسواك
ليان نزلت دمعتها:بندر وخر عني
بندر حضنها بقوه يبي يهدي دقات قلبه يبي يطفي اللهيب المشتعل بداخله وهو يقولها احلى كلام ويتكلم عن شوقه عن حنينه ولهفته لها
::::
بــــشقه الشباب
خالد:راشد ترا لك مده تسحب ع الجامعه
راشد بحزن:وش ابي فيها عقب احمد
سعود:اذا هذا كلامك وش نقول عن مها
راشد:شخبارها
خالد:نسال صاحباتها ويقولون حالتها سيئه لا تاكل ولا شي
راشد:بس هي حامل
سعود:للاسف مها تحاول بهالشي تموت نفسها عشان تلحق احمد
راشد تنهد بضيقه:مالومها انا مو قادر اروح للجامعه واحمد اتذكره بكل مكان
خالد ماحب يخلي الجو نكد:يالله قوم بس تاخرنا عن الجامعه
راشد:ماني مداوم
سعود وقفه:مو بكيفك يالله ترا تاخرنا
خالد:وعندنا اول محاضره ماجد العله
راشد ابتسم ع خفيف
سعود:بسرعه ياولد لاتاخرنا
راشد دخل الغرفه وبدل وطلع
خالد:بتخق صاحبتك البريطانيه
راشد بحزن:للاسف مو قادر اتقبلها هي مجرد تسليه
سعود حس فيه:يالله تاخرنا
راشد:يالله
بالـــريــــاض
بفلــــه رامـــي
احساس جالسه لحالها وهي تفكر
"ياربي تعبت يارب لاني قادره اعرف من هو رامي ولا قادره اهرب من هالفله
والله تعبت وينك يامتعب تجي وتفكني منه >>من جدي انا شقاعده اقول من وين متعب بيعرف مكاني
اه بس"
وماحست الا باللي حط يدينه ع عيونها
وبسرعه هالحركه رجعتها لذكرى
احساس تبتسم:رامي
ابعد يدينه وهو يوقف قدامها:عيون رامي
احساس ببتسامه وصدق:وحشتني
رامي مسك يدينها:وانتي وحشتيني مره
احساس بدلع:شكثر
رامي يقرب منها:تبين تعرفين شكثر
احساس وقفت وهي تضحك:ايه
رامي:الحين اعلمك
احساس راحت تركض ورامي ركض وراها
ابعدت يدينه بسرعه وهي مو مستوعبه الذكرى اللي شافتها:ابعد عني
رامي مستغرب:شفيك
احساس ويدها ع راسها وتحس نفسها ضايعه:انت ايش كنت بحياتي زوجي والا حبيبي والا ايش
رامي:انا كنت دنيتك
احساس:انا كنت اقولك اشتاق لك انت كنت تسوي هالحركه لي
رامي ابتسم:انتي تذكرتي حركتي من اسكر عيونك
احساس:اي بس من انت مو قادره اعرفك هالشي فوق طاقتي يتعبني
رامي يقرب لها:انا حياتك كلها
احساس بصراخ:انت كذاااااااااااااااااااااااااب انا احب متعب ماحبك انت انت تبي تلعب بعقلي تخليني اهوجس
رامي :احساس انتي تذكرتي من نفسك ماجيت قلت لك انا سويت لك كذا وقلتي لي كذا
احساس وهي ترجع ع وراء:لا لعبت بعقلي قمت ارسم خيالات براسي واهوجس واصدق انك تعرفني
رامي عصب:يعني انا كذاب
احساس:اي كذاب مابخليك تلعب بعقلي اكثر من كذا
رامي قرب لها بعصبيه وسحبها من يدها
احساس مسكت بطنها اللي بارز وهي خايفه:رامي انت انجنيت
رامي وهو يسحبها:اي انجنيت وقفها عند المكتب وهو يطلع المفتاح ويفتح الباب ويدفها داخل
احساس مسكت بالطاوله لاتطيح من دفة رامي وهي تناظر المكتب ودموعها تنزل ولفت ع رامي وهي تناظر بالمكتب وصارت تصيح بصوت مسموع ويعور القلب
ورامي عوره قلبه من بكائها
ببيت ام تركي
منال:اي ادري
تركي:طيب عارفه وماجهزتي
منال:ماله داعي ياتركي تراني متزوجه قبل وعندي بنت بلاها هالحركات
تركي:يعني ماراح تجهزين شي
منال:لا ماله داعي
ام تركي:ماعليك منها انت عليك من حالك الحين منت مرجع زوجتك
تركي:طليقتك قصدك هي الحين طليقتي مو زوجتي
ام تركي:ياولدي رجع زوجتك والله مايصير هالشي
منال:اي تروك انتم تحبون بعض
تركي:لا مانحب بعض خلاص مابي هالموضوع ينفتح رجاء
ام تركي:بس يمه
تركي وقف:لا بس ولاشي انا طالع ومشي ودق جواله صوت مسج
فتحه
ماانساك لو صارت بيني وبينك مــسافات
كيف انسى حباً ارتسم وتطاير في هواك
اللي عطاني الحب والحنان والحيــاة
ياشــيــنهــا الــدنــيــا اذا صــارت بـلــيــاك
انا اقــضــي ليلي بالسهــر وبين الذكــريات
وادعــي عظيــم الشأن براحة دايمه بدنيـاك
يفــز قلبي اذا حكـــوا فيك احــلى الصفـــات
وانا بداخلي اقول ياعسى ربي يحفظك ويرعاك
ابتسم وهو يرسل لرقم اللي صار يراسله
تدري وش معنى وحشتــيــنــي ؟!
كلمه تشفي المجروح ،,
تضمك في حنايا الروح ..
تترجم صمتي وهمسي ,,
حكاية يومي وأمسي ..
رواية ليلي وشمسي ,,
قصــيده مالــها أخــر ..
كتبها في الهوى شاعر ,,
أولها وحشــتــيـــنـــي .. بس أخرها يفيض الشوق وتصير ..
وحشتيني مـــــــــــــــــــــووووووت ,,
أحبـــــك وأغلي كل من يغليك ..
ويهون لأجلك كل درب ميشيته ,,
بصبر عسى الأيام تسمح والاقيك ..
وترد لي قلبي مثل ماخذيته ,,
وإلا أموت ويدفنوني بأراضيك ..
واهنى بروحك لوهي الروح ميته ,,
وحط الجوال بجيبه وطلع
بـــــالقـــاعه
بقسم الرجال
ابو عبدالمجيد:ماوصيك ع هديل ياوليد
وليد يبتسم:بعيوني ياعمي
عبدالمجيد:مايحتاج اوصيك
وليد:اكيد
عادل:اي تراها قعدتنا حطها جوى عيونك
وليد:ابشر افا عليك
رائد قرب لوليد وسلم عليه:مبروك
وليد:الله يبارك فيك عقبالك
رائد ابتسم بحزن:امين وطلع برا وضاري حس فيه ولحقه
ضاري:خلاص يارائد هونها
رائد بحزن :صارت له اليوم بتصير بغرفه وحده معاه وسرير واحد
ضاري:انساها يارائد خلاص
رائد تنهد:ياليت اقدر والله ياليت
متعب وهو يقرب لهم:احلفو
ضاري ضحك:هاه يارائد انفتح متعب وش يسكته
رائد يضحك
متعب:قدامي داخل بسرعه
رائد وضاري ضحكو ودخلوو
::::
بقســم الحريم
ع احدى الطاوله
حنين:شوفي شلون ماحد عبرنا يايمه
عنود وهي تحط يدينها علي كتوف حنين:افا انا هنا وماحد معبرك
حنين لفت وابتسمت:هلا عنود
عنود جلست:منورين العرس
ام منار:وانتم مو مقصرين ما شاء الله القاعه جنان والترتيب والبنات ماهم مقصرين
عنود:تسلمين خالتي وناظرت منار:ياحلوه ليه ساكته
منار وهي تقلب بعيونها عشان تداري دموعها:ماشي شي عادي
زهور:نور ليه ماجت جالسه مع خالتو
عنود:مادري عنها يكفي انا جيت
حنين:اي اكيد انتي تكفين
عنود ابتسمت وهي تناظر بمنار اللي باين انها مقهوره وبتبكي
:::::
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك