رواية هدمت حياتي بيديك وجاي تقول ندمت -98
نور:اللي اعرفه انها شايفه نفسها ع وليد ليه مين تكون هي وليد البنات يتمنونه ياشر باصبعه لهم ويجونه
ام وليد:نور قومي لغرفتك
نور قامت بضيقه:والله ان هالبيت يجيب الهم وربي ماحد يتكلم ابد
عنود تناظر امها:ليه يحسسوني اني غلطت من عرضت صاحبتي ع وليد
ام وليد:ماعليك منهم وليد بيحب هديل بس يعرفها
عنود:والله اتمنى
ام وليد:بس هم لسه ببدايه الطريق
عنود:طيب يمه خالتي شخبارها
ام وليد:تمام انتي ليه ماتكلمين بنات خالتك
عنود:كلمت زهور بس ماسالتني عن العرس وقلت يمكن مايدرو يعني
ام وليد:لايدرون بس شكلها ماحبت تتكلم
عنود:اي كلهم زعلانين على سالفه وليد ومنار مع انه لها شهور وبتكمل السنه هالسالفه
ام وليد:مصيرهم ينسون والله يعوض منار
عنود:آمين يارب
ببيت ام منار
منار:يمه
ام منار:هلا يمه
منار:ودي اعرف ليه وليد تركني اسالي خالتي ليه
ام منار بضيقه:منار خلاص انسيه مايستاهلك
منار بحزن:يمه بس بعرف السبب بس
ام منار:ماله داعي يامنار
منار بضيقه:مابي اشيل بقلبي عليه وهو ممكن يكون في سبب مقنع للي سواه
ام منار:مهما كان مابتستفيدين شي
حنين وزهور:انتي ياحلوه تاخرنا
منار وهي تقوم:يالله ماما باي وباست خد امها
ام منار:الله يوفقكم
البنات طلعو ومنار شافت سياره وليد اللي تعرفها
وقفت تناظره وهي حيرانه معاه
حنين:اركبي شفيك
منار واقفه وتناظره
زهور:انتي هيه
منار انتبهت لنفسها:هلا وركبت:شفيكم
حنين:انتي شفيك
زهور:تنحتي وتقولين لنا شفينا
منار:مافي شي ولفت عشان تنهي الحوار معاهم وتفكر بوليد
ببيت ام تركي
تركي:منال محتاجه شي ياخوك
منال:سلامتك ياقلب منال
تركي:فديت قلبك وانتي يمه
ام تركي:سلامتك حبيبي
تركي قام:استاذن اجل لدوام
منال وام تركي:اذنك معاك
تركي طلع وركب سيارته وهو يفكر ببشاير واتصالها اللي لقاه منها امس وهو نايم
تردد يتصل بالاخير ارسل لها"بغيتي شي"
وحرك وهو يفكر وقطع فكره صوت المسج
بشاير"لا مابي شي اتصلت بالغلط"
تركي ضحك وهو يقول بخاطره"علي انا يابشاير
ورد عليها"اوكي امسحي الرقم عشان ماتغلطين مره ثانيه"
بشاير"اي مسحته وجتني رساله منك رقم بدون اسم لاني مسحته"
تركي قفل جواله وهو متضايق
وقفلت معاه منها وهو عارف انها ندمت بس للان ماتبي تعتذر
ببيت ابو ضاري
لين وهي تجلس:سلام
الكل:وعليكم السلام
مرام:يبه انا ودي اقولك شي
ابو ضاري:قولي يابابا
مرام:ابي عبدالمجيد يطلقني
الكل استغربو
ابو ضاري:ليه بابا وش صار
مرام:مو صاير شي مابيه يبه خلاص
ابو ضاري:وش هالكلام انتو ملكتو من جديد مرام شصاير
مرام:يبه تكفى مابيه خله يطلقني الله يخليك
لين:وش صاير
مرام:مابيه اناني يبه يحب نفسه والاناني عمره مايحب احد
ابو ضاري:قوليلي شسالفه انتي يمكن غلطانه
مرام نزلت دمعتها:يبه اذا تحبني خليه يطلقني مابيه خلاص
ابو ضاري:خلاص لاتبكين يصير خير
مرام قامت:بروح لغرفتي
لين قامت:معاك انا وراحت وراها
نوره:وش السالفه
ابو ضاري:مادري بس بكلم عبدالمجيد واشوف شسالفه
نوره:أن شاء الله خير
ابو ضاري:أن شاء الله
ببيت عادل واماني
عادل:امااااااااااااااااني
اماني وهي تطلع من المطبخ:هاه ياعادل
عادل لف عليها:هاه وش فيك تقولين لي هاه جديده علي هذي
اماني بضيقه:عادل نفسي واصله لبلاعيمي ايش تبي
عادل:ابيك وش فيك صاير شي
اماني:مالي خلقك شتبي
عادل رفع حاجبه:شهالنفسيه شفيك
اماني:انت انسان رايق صراحه
عادل وقف:اماني ايش فيك
اماني حست بدوخه وتمسكت بالجدار:عادل فكني مالي خلقك
عادل قرب لها بخوف ومسكها من خصرها:شفيك
اماني حست بلوعه ودفته وراحت تستفرغ
عادل دخل عندها:شفيج انتي تعبانه
اماني غسلت وجهها وطلعت انسدحت ع الكنبه:مادري تعبانه ونفسيتي تعبانه اتركني لحالي اتركني
عادل ماحب يضايقها وطلع:براحتج
واماني ضمت نفسها ودموعها تنزل وتناظر مشعل النايم وماتعرف شفيها
بشــــقه ضاري وفــجر
جون جالس يلبس ملابسه
فجر وهي مبتسمه:اعشق طاعتك لي
جون ضحك وهو يبتسم بخباثه:وانا اعشق غبائك
فجر ضحكت عقب ركزت ع كلامه:ماقصدك
جون سحب جواله:هل تعلمين انني لم افعل شي في الفتاه التي جعلتني اخطفها
فجر طارت عيونها:ماقصدك خدعتني
جون بضحكه انتصار:اجل فا انتي انسانه رخيصه اما هي فا رائعه
فجر قامت وهي معصبه وضربته كف:حقيرررررر
جون مسك يدها عقب ماضربته ولفاها ورائ ظهرها وهو يلويها حيل:لاتجعليني افضح امرك
فجر بكت بقهر وهي تتالم:دعني ايها الحقير
جون دفاها:الان انتهيت منك
ومشي
فجر جلست تصرخ:سووووووووووووووووووووووووووف اقتلللللللللللللللللللللللللللللللللللللللللللك
جون ضحك وهو يفتح باب الشقه ويطلع وفجر تصيح وهي مو مصدقه انه خدعها لعب عليها واخذ اللي يبي وهي يغفلين لكم الله
مصدقه انه نفذ كلامه
وجون ركب السياره وهو يتذكر شكل في ويبتسم"فتاه نظيفه جدا ياللهي لكن انفتنت بها ومافعلته بفجر كان من اجل ان انتقم لها
"وشغل سيارته وحرك للمطار لانه ناوي يرجع لندن
ببيت ابو عبدالمجيد
بغرفه هديل
لبست وتعطرت واخذت جوالها وطلعت من الغرفه وهي فيها استغراب ان وليد ماتصل ماجاء ماسال
فتحت جوالها وتناظر رقمه وفكرت تتصل فيه بس بالاخير حطت الجوال بجيبها ونزلت تحت
وشافت مجود وابوها جالسين
هديل:السلام
عبدالمجيد وابوها:وعليكم السلام
هديل:افطرت يالغالي
ابو عبدالمجيد:اي تبين فطور انتي
هديل:اي والله جوعانه بس ابي اروح لفي
عبدالمجيد:ماشفتيها امس
هديل طنشته:شقلت يبه
ابو عبدالمجيد:روحي حبيبتي
عبدالمجيد اغتاض منها وضغط ع يدها:لاتحاولين تحقريني
هديل قامت:اوكي يبه بفطر عقب بروح لها وراحت المطبخ
عبدالمجيد يناظر ابوه:يبه انت عاجبك هالشي
ابو عبدالمجيد:اترك اختك بحالها
عبدالمجيد قام بعصبيه:بترك لكم البيت كله زين وطلع
وهديل سمعته وماهتمت وسوت لها كوفي بالمطبخ وجلست تشرب وهي تفكر بوليد
"والله غريبه معقوله مايتصل يمكن مريض والا فيه شي والله عيب اللي اسويه
بس انا بعرف شسالفه منار طيب اتصل واقول غلطانه يعني اطمن مو معقوله يقطع فجاء ه
وهو متوعدني يالله بدق واشوف"
اتصلت وحست بطنها مغصها وجاها صوت وليد الرجولي
وليد:الو
هديل بلعت ريقها:الو
وليد:نعم شبغيتي
هديل:انا بس وماقدرت تتكلم
وليد بملل:انتي ايش خلصيني ماني فاضي لعوار الراس
هديل:غلطانه بالرقم
وليد بتريقه:لا ياشيخه
هديل بنفس التريقه:اي ياشيخ
وليد:ههههههههه بمشي هالحركه بس ثاني مره لاتغلطين فتحي عيونك زين
هديل تفشلت:اي خلاص فكنا بس سويت سالفه من لا شي
وليد:سلام وقفل بوجهها
هديل بقهر وهي تناظر الشاشه:حقيييييييييير طيب ياوليد انا اوريك
وقامت لغرفتها
ببيت ابو متعب
الكل بالصاله بستثناء في
متعب:في ماطلعت من غرفتها من امس يمه
ام متعب:اي والله من امس
رائد:ليه طيب
دخلت في:السلام
الكل:وعليكم السلام
في جلست وهي ماتناظر احد
ابو متعب:كيفك اليوم
في تحس بجفاف بابوها مو زي اول:تمام
رائد:وحشنا لسانك اللي وش طوله طلعيه لنا
في بضيقه:ابي اقول شي
متعب:امري ياعيونا انتي
ام متعب:قولي حبيبتي
في سكتت فتره عقب قالت:ابي ادخل مستشفى نفسي
الكل صابتهم حاله صدمه
متعب:نعم
رائد ضحك:تمزحين صح
ام متعب:وش قلتي
ابو متعب:....
في وهي منزله راسها:محتاجه اروح مستشفى نفسي انا تعبانه افهموني
ببريطـــانـــيا
بــــالمــستشفي
الكــــــــــــل
موجود البنات الشباب واهل احمد
اللي جو من جده وعرفو من خالد ان احمد بالمستشفى
ام احمد وهي تقوم:انا بدخل لولدي بشوف شصار له
الدكتور وهو يطلع:وين اهله
ام احمد:انا امه وهذولا خواته وابوه
الدكتور:تفضلو
مها وقفت وهي تصيح:انا زوجته بدخل
راشد:خليك اخر وحده تدخلي له
مها جلست ودموعها تنزل
ام احمد ناظرتها ودخلت هي وعيالها عند احمد
ام احمد تقرب له ودموعها تنزل وتشوف الاجهزه والاكسجين عليه:احمد
احمد ابتسم وهو يشوف اهله اللي اشتاق لهم وشال الاكسجين وبصوت تعبان:انتو جيتو
ابو احمد وقف يشوف ولده يبي يستوعب اللي ع السرير اللي جسمه نحفان اللي عيونه من تحتها سواد اللي ع السرير والاجهزه عليه
ولده احمد اللي يوقف معاه اللي يسانده اللي قال بيجيب اعلى الشهايد بيرفع راس ابوه
ام احمد باست راسه وهي تصيح:ماتشوف شر يايمه
احمد ناظر خواته:تعالو
تولين وهيام قربو له
تولين وهي تصيح:سلامتك
هيام:احمد قوم اجلس انت مافيك شي
احمد يكح وهو يرفع حاله شوي مو قادر:آآه يبه ليه ماتقرب
ابو احمد قرب وهو مخنوق:ليه ياحمد ليه تخبي عننا
احمد نزلت دموعه:يبه خفت يبه سامحوني انا ابي اتعالج الحين
ام احمد لفت لشباك وهي تصيح
تولين بعتب:عقب ايش يااحمد عقب ايش
هيام:تبي تروح وتخليني
احمد صار زي الطفل وهو يبكي ويمسح دموعه:مابي اموت يبه ابي اتعالج قولهم بتعالج بسوي اللي يقولونه
ابو احمد انحنى ع احمد وهو يمسك كتوفه ويبوس راسه:ماراح تموت انت توك باول عمرك شباب مابتموت وراح تتعالج
احمد يبتسم وهو يبكي:اي والله بسوي عمليه واللي يبون ماباخذ مسكنات بس مابموت
انفتح الباب ودخلت مها وليان تساندهاا
احمد ناظرها وهو يمسح دموعه يبي يكون قوي قدامها:تعالي
مها ابعدت ليان وهي تمشي بتعب له وتصيح:ليه سويت فيني كذا ليه
احمد ناظر اهله ونزل راسه
مها قربت له وجلست ع السرير ودموعها تسبقها:ليه احمد ليه ليه
احمد وهو يمسك يدها ويقربها لشفايفه ويبوسها:سامحيني
ابو احمد:بيتعالج يامها لاتخافين
مها بصيح:انت تدري الدكتور شقال تاخرت يااحمد تاخرت
احمد بكاء وهو يناظر اهله:يعني ايش يعني بموت انا مابي اخليك ارمله انا ابي اسعدك مها تكفين لاتقولين كذا
مها صرخت وهي تصيح:وانا مابي اعيش بدونك بس لو كنت اهمك كان تعالجت ماكان خبيت عني
ام احمد لفت ع مها:مها لاتزيدينه
احمد حس بكتمه ع قلبه وقام يكح:سامحيني مها والله ابي اسعدك
مها حضنته وهو يكح:مسامحتك بس قوم معاي
احمد قام وهو يكح ويشيل الاجهزه:طيب
ام احمد منفجعه:وين يقوم معاك
ابو احمد:انت انجنيت
احمد وهو يناظرها:لو تبيني اروح معاها للموت بروح
مها بصيح وهي تمسكه:لا لا مابيك تروح معاي للموت ابي نروح لشقتنا
تولين بصراخ:خليه يامجنونه احمد تعبان
هيام تدفها:وخري عنه ياحقيره
احمد وقف وهو دايخ ويصرخ بتعب ع خواته:وخرو عنها
وطاح بالارض
والكل التمو عليه
ومها واقفه تناظر
دخلو الدكاتره والنيرسات وطلعوهم برا
تولين بعصبيه:انتي السبب الله لا يوفقك
هيام:والله لو يصير له شي لا احرقك
ام احمد تصيح:يارب عافيه يارب
مها تصيح:مابيصير له شي هو يحبني مابيخليني
ابو احمد:الله يهديك يابنتي
مها حطت يدينها ع وجهها وهي تصيح
شوي طلع الدكتور
والكل وقفو
الدكتور بحزن:لاحول ولاقوه الا بالله ماني عارف شقول
ام احمد:قول انه بخير
ابو احمد:طمنا دكتور
الدكتور بحزن:والله ماني عارف شقول بس عظم الله اجركم مات فجاءه
الكل في حاله من الصدمه
مها صرخت:كذاااااااااااااااااااااب ودخلت للغرفه وهي ترفع الشرشف عن احمد:احممممممممممممممممممممممد قوم انت قلت بتقوم وتضربه ع صدره
:قووووووووووووووووم لاتخليني اهئ ليه تحبني ليه تخليني احبك وانت بتروح قوم قولهم انهم كذابين وانك عايش مامت قوم احمد قوم وتضرب فيه
دخلت النيرسه والبنات يحاولون يمسكونها
مها بصرخ:بيقوم مامات انا حاسه
وتسحبه
النيرسه تسحبها ماقدرت
غرور لفت مها وضربتها كف:احمد ماااااااااات خلاص
انتهى البارات
توقعاتكم
مها عقب كف غرور وش بتسوي؟؟
كيف تكون حياه مها بعد احمد؟؟
اهله كيف بيسون وخواته اللي يتوعدون بمها وش بيسون تتوقعون الغلط ع مها انها قومته؟؟
وفي وفكرتها انها تروح مستشفى نفسي تتوقعون اهلها يوافقون؟؟
وفجر وش بتسوي بجون معقوله تسكت له؟؟
مرام وش السبب اللي خلاها تبي تطلق من عبدالمجيد؟؟
هديل ووليد وش بتسوي هديل عقب ماقفل بوجهها؟
منار بتسكت وتقتنع بكلام امها او راح تسال وتعرف سبب ترك وليد لها؟؟
وليد معقوله بيضل بس يراقبها ويشوفها؟؟
واحساس تتوقعون تذكر رامي ومين رامي اصلا بحياتها قبل وش تتوقعون كان دوره بحياتها؟؟
تتوقعون رامي صادق معاها ؟
واماني وش سالفتها ليه قلبت على عادل؟؟
وابو في وش فيه عليه ليه جاف معاها؟؟
تركي وبشاير بيستمرون يجرحون بعض بالرسايل؟؟
البارات السادس والعشرون
::
::
::
::
بالــريــاض
ببيت ابو متعب
متعب:من جدك انتي
في دموعها تنزل ومنزله راسها:اي من جدي تعبانه ابي ارتاح ياناس افهمو اقولك انا نفسيتي تعبانه انا وصلت لمرحله الكره لكم
ام متعب:حبيبتي وش هالكلام
ابو متعب:......
رائد:في اشرحي لنا اكثر اللي فيك حنا نعالجك
في بصياح:ماحد بيعالجني الا المستشفى خلوني اروح
ام متعب تناظر ابو متعب:ليه ماتتكلم يابو متعب
ابو متعب وقف وهو يناظر في:دامها تبي تروح خلوها تروح
وطلع
متعب:وشوهالكلام وش فيه ابوي
في قامت لغرفتها وهي بحاله يرثي لهاا تبكي بكل الم وتعب
وهي حاسه ان ابوها شاك فيها
بالصاله
ام متعب:بروح اشوف ابوكم
رائد:والله ان هالبيت مادري كيف صاير
متعب وقف:اروح اشوف ايش آخر اخبار مرتي اللي مادري عنها
رائد:والله ماحس ان احساس بترجع
متعب:والله لاقلب الدنيا وطلعها
رائد:يالله الله يعين وقام وهو يطلع جواله ويتصل بأسيل
رائد:الو
أسيل بصوت ناعم:الو
رائد"صوت ناعم ع انسانه حقيره بس والله لا اكرهك بالدنيا":انا بجيب الملاك واجي جهزي نفسك
أسيل بخوف:ليش؟؟؟
رائد بصراخ:عشان اتزوج يعني عشان ايش غبيه انتي والا غيرتي رايك
أسيل:لا موافقه
رائد:يالله انقلعي جهزي نفسك بنملك واخذك
أسيل:طيب
رائد سكر بوجهها وراح جاب الملاك واتجه لبيت ام أسيل
بفــله رامي واحساس
احساس جالسه ع السرير وهي تذكر السلسله اللي رامي وراها اياه
وتحس بخيالات كثيره براسها ومو قادره تفتكر ولا شي منها ولا حتى تعرف وش هالسلسله بس
اللي تعرفه ان هالشي اللي تحاول تعرفه يتعبها كثير
وقفت وهي متردده تطلع بس بالاخير طلعت ونزلت تحت وهي تشوف رامي يلاعب ريماس
ريماس ابتسمت:ماما
رامي رفع نظره لها وابتسم:هلا والله
احساس بتعب من التفكير:هلا ومسكت يد ريماس وجلست وهي تناظر الارض:رامي ابي اعرف كل شي تكفى
رامي اختفت ابتسامته:احساس احيانا نتسرع ونقول نبي نعرف بس لعرفنا نندم ونقول ليتنا ماعرفنا
احساس برجى وضعف:لا انا مابندم بس بعرف الله يخليك
رامي ناظر نظرة الضعف بعينها وابتسم:نظراتك نفس ماهي ماتغيرت حتى ميلت راسك اللي لكنتي حيرانه تسوينها نفس ماهي
احساس زادت حيرتها:رامي مين انت
رامي ناظر ريماس:روحي العبي
ريماس:طيب ومشت لبرا الصاله
رامي لف ع احساس وقرب لها وهو يضم يدينها بكفه:احساسي
احساس رفعت راسها تناظره ومسكت يده وكلمه احساسي وصدى صوته تذكرها بشي بس مو قادره سحبت يدينها وهي تمسك راسها وتسكر عيونها
:آه راسي رامي مين انت قولي ريحني انت وش كنت بماضي
رامي حضنها من خصرها وباس راسها:اششششش انتي ماضي ومستقبلي وكل شي
احساس ابعدته وهي تناظره:انا فاقده ذاكرتي والا ايش
رامي ببتسامه:اممم لا مو فاقدتها
احساس بنرفزه من بروده:اجل كيف ماتذكرك كيف تصرفاتك والسلسله يذكروني بشي مو قادره اتذكره
رامي:لانك انتي تتهربين من هالشي انتي ماتبين تذكرين
احساس :انا
رامي:اي انتي خايفه من الشي اللي تبين تذكرينه تبين تذكرين وماتبين فيك رفض للاشياء اللي تجيك وبكذا مابتقدرين تتذكرين
احساس جلست ودموعها نزلت:مو بيدي مو بيدي هالشي احسه متعب لي متعب
رامي قرب ووقفها بيدينه وهو يرفع راسها:لا مو متعب انتي ارتاحي ولاتفكرين بشي وقلت لك بذكرك شوي شوي مو مره وحده
احساس بقل حيله:طيب
رامي باس راسها:انا ماراح اضرك صدقيني
احساس هزت راسها وهي تمسح دموعها وتمشي للغرفه الثانيه عند ريماس
بيت عادل واماني
عادل دخل عليها واماني لفت وجهها عنه
عادل:شفيك
اماني وهي تجلس:مافيني شي ابي اكون لحالي شفيك انت
عادل:طيب ليه هالانقلابه هذي
اماني:نفسيتي تعبانه ياخي فكني
عادل رفع حاجبه:افكك اماني انا لو ماحبك ماتضايقت انك تعبانه
اماني:اوف عاد خلاص ياخي قلت لك تعبانه حل عني
عادل:وش متعبك طيب
اماني بنرفزه:مادري بس تعبانه عشان اختي
عادل:شفيها اختك رجعت والحمدلله
اماني بضيقه:تقول تبي تبعد عنا
عادل استغرب:تبعد عنكم وين بتروح مثلا
اماني:مادري بس هي تقول تبي تبعد عنا
عادل:يمكن اللي خطفها سوا لها شي وماقالت
اماني عصبت:لا ماسوى لها شي
عادل:وش عرفك انتي يعني لو عمل لها شي بتقول لك مثلا
اماني بقهر:اي بتقول وماسوا لها شي انتم يالرجال حقيرين
عادل:وش فيك وانا صادق
اماني:برا عادل
عادل:تطرديني
اماني:اي براااااااااااا
عادل وقف:طيب يااماني
وطلع واماني انسدحت ودموعها تنزل ع خدها انهار تتلو بعضها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك