رواية هدمت حياتي بيديك وجاي تقول ندمت -96
عنود انصدمت من كلامه:شتقصد
وليد:عنود وربك ندمان اني وافقت وتزوجتها ليت امي اختارت لي وماخذت صاحبتك
عنود:ليه
وليد وهو معصب:حاولت بشتي الطرق اني اتقرب منها ابي انسي منار او بالاصح اتناساها جنبها ابيها تاخذ لو جزء بسيط من حبي لمنار
بس بكل اسف هي ماتبي هالشي وتبعدني وتخليني ارجع الف خطوه وراء وتخليني اتاكد ان من المستحيل انسي منار او اتناساها جنبها
عنود:.....
وليد:ليه سكتي ليه ماتتكلمين
عنود:مادري شقول انصدمت
نور:طلقها وبتراب بعيونها المنه عليها وربي الف بنت تبي منك نظره والله لي صاحبه تموت فيك ونفسيتها زفت من تزوجت
وليد ناظرها :قومي انقلعي لغرفتك
نور وهي تقوم:اروح لامي احسن لان انتم كلام الصحيح يزعلكم ومشت
وليد لف ع عنود:مجبور اتحمل يمكن لتزوجنا يتغير كل شي من يدري وانا مابغي استعجل ومابي اشوفها هالفتره ابد خليها تراجع نفسها
عنود:اسفه لو اخترت لك صاحبتي وهي ماتناسبك
وليد وهو يقوم:ماينفع الاسف لانها صارت زوجتي خلاص ومشي
عنود:وين بتروح
وليد:مادري ابي اطلع تعبان ابي اشم هواء
عنود:طيب
طلع وليد وركب سيارته وهو متضايق ويتذكر كيف لتضايق يتصل بمنار بدون شعور
جلس يتذكر لما كان متضايق ومنار اتصلت فيه وهو ع البحر بالشرقيه
وليد:الو
منار بخوف:وليد شفيك
وليد بضيقه:محتاجك منار والله تعبان
منار:شفيك حبيبي قولي شصاير
وليد:منار ابيك جنبي الحين والله تعبان حيل
منار:وينك انت
وليد:ع البحر بالشرقيه
منار:قولي شصاير طيب ياربي ليه رايح الشرقيه ليه ماجيتني
وليد:انتي شايفه الساعه كم
منار ببراءه:اي ثلاثه الفجر
وليد:هههههه وتقولينها ببراءه الوقت متاخر حبيبتي
منار:ماعليك من احد المهم اكون جنبك لكنت ضايق
وليد بصوت عذب:منار
منار:لبيه
وليد:انا احبك
منار:وانا اموت فيك ياكل دنيتي
وليد ابتسم وهو يمسك جواله ويتصل فيها بهاللحظه نسي كل شي
نسي اللي قاله ابوه وانه متزوج هديل الحين بس بكل اسف ان منار ماردت رمى جواله وهو يتنهد ويمسك خط الشرقيه
ببيت ابو متعب
بالصاله الكل مجتمعين مع عايله ابو ضاري بستثناء ضاري
لين:يعني ايش
متعب:يعني يدورنها وعرفو شكله للاسف مو سعودي
ابو ضاري:يعني نجلس مانسوي شي
مرام:كيف مو سعودي وايش يعرفه بفي
رائد:هذي المشكله اللي مو فاهمينها حنا
ابو متعب بضيقه:الله يرجع بنتي سالمه يارب
ام متعب وهي تحاول ماتبكي:والله حاسه اني ماعاد بشوفها والله ماسامحك ان صار لها شي
اماني تحضن امها وتهمس:ماما بترجع خلي ايمانك بالله قوي
ام متعب:....
نوره:الله يرجعها لكم سالمه يارب
ابو متعب:آمين يارب
رائد:اتصل بضاري مقفل ماشفتوه
لين:لا
مرام:انا اتصلت كمان مقفل
ابو ضاري:هو درى عن السالفه
رائد:اي وقوم الدنيا علينا وراح
ابو ضاري:الله يعين
ببيت ام منااار
بالصاله
زهور:منوره شفتي بالكليه شصار
منار:ايوا تقصدي نرجس وهنادي
حنين:اي بربي وقحات ياختي
منار:من زمان هذولا معروفين انهم حبايب
حنين:بس قله حياء
زهور:قولي وقاحه ياشيخه
ام منار وهي تدخل:وش السالفه
منار:تخيلي ماما بنت بويه وبنت كيوت في بينهم حب
زهور:والله مو حب سحاق يمه
حنين:وجع انتي انتقي عباراتك
زهور:وانا صادقه
ام منار:الله لايبلانا ويهديهم
البنات:آميين
منار وهي تقوم:شوي وراجعه
ام منار:طيب حبيبتي
راحت لغرفتها واخذت جوالها وشافت وليد متصل استغربت
وترددت تتصل خافت عليه وماتعرف ايش تعمل بس بالاخير اتصلت
وقلبها يدق بسرعه وتحس تنفسها يضيق مو عارفه ليه وجاها صوت الانسان اللي يملك كل شي فيها
وليد:الو
منار ماقدرت ترد:....
وليد:الو منار تكفين ردي سمعيني صوتك تكفين
منار:.....
وليد:منار محتاجك تكفين ردي بس قولي الو بس ريحي قلبي تكفين
منار دموعها نزلت هذا صوت وليد لصار تعبان وضايق مستحيل ماتميزه ضاق صدرها عليه بس ماتقدر تتكلم ماتعرف ليه
وليد تنهد بتعب:مو قادر احب غيرك حتى زوجتي مو قادر
منار بنفسها"دامك تحبني ليه تركتني يوم الملكه ليه وليد ليه "
وليد يسمع صوت انفاسها:وحشني كل شي فيك حتى صوت انفاسك
منار:.....
وليد:خلاص يكفيني سمعت صوت انفاسك تكفيني الدقايق اللي تسمعيني فيها والحين مابي اطول عليك بس ابيك تسامحيني
وابيك تعرفين اني بعيش واموت وانتي اللي بقلبي وانتي ملكتي وانتي كل شي حتى لو عشت وجبت عيال انتي ملكة القلب يامنار
انتي شي عايش عشانه ومصير الايام تبين لك كل شي يالله باي
قفلت وجلست ع سريرها تبكي بكل الم وجرح وكلامه اللي يحيرها وهي ودها تعرف السبب عشان الشي اللي شايلته بقلبها عليه
يروح بس هو مو راضي يقول لها ولا حتى بنات خالتها
ببريطــــانـــياا
بالجااامعه
بالساحه الخلفيه
ماجد وهو يضمها ويبوسها:والله احبك اموت فيك
نزلت راسها بعدها رفعته:مادري اللي نسويه صح والا غلط
مسك دقنها:لا صح حبيبتي لاتخافين والله عساني بالموت لو ماتزوجك وربك مااتزوج ولا وحده غيرك اقولك احبك
ضحكت بدلع:وحتى انا احبك
خق ماجد عليها وحاوط خصرها:جد
هزت راسها وخدودها متورده:اي احبك من قبل تحبني
ماجد:انا احبك من قبل لا اشوفك لانك انكتبتي لي
ابتسمت وهي تضمه:ماجد مادري كيف اتحمل ساعات بعيده عنك
ابتسم وهو ضامها:بكرا بتكونين معاي كل الساعات وقدامي دايم
ابعدت وهي تقول:بروح انا طيب
ماجد:ماشبعت منك
باست خده وهي تقول:اشوفك بعدين او اكلمك جوال
ماجد مسك يدها وهو ياشر ع شفايفه
فهمته ولفت وجهها
لف وجهها له وباس شفايفها بكل حب ورقه:انتي لي
استحت منه وخرته بسرعه ومشت بسرعه
ابتسم وهو يناظرها تمشي ناظر لسماء وهو يقول:يارب منها لاتحرمني يارب
ومشي وصادف بندر
ماجد وهو يضحك:هلا بندر
بندر ناظره وعيونه يتطاير منها الشرار:تدري اني ماراح اقول اي شي الا عساك تلاقيها باللي تحبها
ماجد لاول مره يرجف قلبه يهتز:الا اللي احبها لاتدعي عليها
بندر:نفس مافرقتني انا وليان عساك بحرقه القلب فيها عساك تفقدها وتموت بحسرتك
ماجد تغير وجهه اسود:لا بندر الا هي الا هي
بندر ضحك بسخريه:بدعي عليك كل وقتي انك تلاقيها فيها قريب ومشي
ماجد جلس وقلبه منقبض يهون كل شي عنده الا حبيبته خاف يصير لها شي وقام يركض زي اللي يبي يطمن نفسه
وشافها مع صاحباتها تضحك تنهد وهو يقول:عساني مانحرم من هالضحكه يارب
::::::
عند البنات
مها:من جدك انتي
مشاعل:ههههههههه يب والله
ليان:منهو طيب
مشاعل:سر مابقول بس بعدين بتعرفون
غرور:ياشينك
مها ناظرت احمد:دقيقه بنات
وراحت له
مها:احمد شفيك
احمد يتصنع الابتسامه:ولاشي بس اني بشتاق لك واصحابي يبوني اروح معاهم
مها:طيب عادي لاتضايق
احمد يبوس خدها:من عيوني
راشد بصوت عالي:احمد
احمد لف وناظر مها:روحي مع البنات بجي الشقه اخذك اوك
مها:طيب
راح احمد لاصحابه ومها للبنات
احمد وهو منقهر:راشد انا ماتهدد بس انت عرفت كيف تمسكني من يدي اللي تعورني
راشد يضحك وهو حاس انها منتصر انه بياخذه:اي امشي بس
احمد:لاتستخدم هالاسلوب المستفز معاي
خالد:يااحمد من خوفنا عليك ترا
احمد بعصبيه:ماحد له دخل فيني مانتم اهلي انتم عشان تتحكمون فيني
سعود:احمد هدي كل هالشي لصالحك
احمد:بالله نقطني بسكاتك ومشي
راشد:خلكم هنا بروح انا وهو بس وانا بتفاهم معاه
خالد:نشوفكم بالشقه يعني
راشد:اي
سعود:طمنا اوكي
راشد:ابشر ولحق احمد
راشد:احمد صبر
احمد وقف عند السياره:افتح الباب
راشد راح لبابه وفتح وركب واحمد ركب جنبه
راشد:وش فيك صاير كبريت يالله احد يقدر يكلمك
احمد:....
راشد عرف انه مابيرد عليه فا سكت وحرك للمستشفى
راشد وهو يوقف:انزل
احمد ناظره بعصبيه وفتح الباب ونزله وضربه بقوه
راشد نزل وبصراخ:هييييييه انت بلا خبال عاد وقسم بالله ان سويت حركات قدام الدكتور وربي لااتصل بغرور واقول لليان تقول لمها عن اللي تعرفه
احمد بخوف:ليان تعرف
راشد:اي تعرف
احمد:ماتوقعتك تطلع السر
راشد:ماطلعته سمعتني وانا اقول لخالد بنوديك المستشفى
احمد بضيقه:اكيد بتقول لمها الحين والله لخسرتها مابسامحك
راشد:لا مابتقولها واذا تبي مها ماتعرف تعال نشوف وضعك
احمد بقل حيله:طيب
راشد حط يده ع كتف احمد:امش
ودخلو المستشفى
::::
بالـــــريــــاض
بالمـــستودع
جون جالس يناظر في اللي مغمى عليها ويفكر
"ياإلهي مالسر بهذه الفتاه كلما اريد ان افعل ماطلبته فجر لااستطيع "
دق تلفونه وشاف فجر تتصل ورد عليها وهو يطلع من المستودع
جون:عزيزتي
فجر:هل فعلت مااريد
جون بكذب:اجل فا انا لا استطيع ان لا افعل شيئا انتي تريدينه
فجر بفرح:انا احبك جدا
جون بخبث:وانا ايضا متى سااراك
فجر:غدا
جون:حسنا الوداع
فجر:الوداع
قفل ورجع للمستودع وشاف في ترمش وتفتح عيونها ابتسم وهو واقف فوقها
في فتحت عيونها وبسرعه قامت وهي تسكر بلوزتها وتغطي نفسها:وش سويت فيني اهئ اهئ
جون وهو يبتسم:استمتعنا قليلاً
في جلست تصرخ وهي تقوم وتهجم عليه وتضربه:حقير حقير الله ينتقم منك الله ينتقم منك
جون مسك يدينها ويشوفها منهاره وكيف عكس فجر من اخذ شرفها:اهدئي لم افعل لك شي
في هدت من سمعت هالكلمه ودموعها تنزل:جد ماسويت لي شي
جون وهو حان عليها:اجل لم افعل شي
في طاحت بالارض وهي تضم نفسها وتصيح بتعب:خليني ارجع لاهلي الله يخليك
جون ضعف اول مره:حسنا سوف اعيدك الى اهلك
في ناظرته ومو مصدقه:جد بترجعني
جون يبتسم:اجل
في تتلفت:وين عباتي
جون مافهم:ماذا
في:عباتي
جون مافهمها بس اشر ع عباتها:تقصدين هذه
في تهز راسها:اجل
جون ابتسم وجاب العبايه:تفضلي
في لبستها ولفت غطاها وقفت وحست بدوخه
جون مسكها من خصرها:ماذا بك
في حاسه بدوخه مو قادره تسند نفسها:دايخه
جون:هل تشعرين بدوار
في تهز راسها
جون خلاها تجلس:ابقي هنا سأتي فورا
في:لالا وديني لاهلي
جون:لاتقلقي وراح بسرعه لسياره وطلع عصير وشبس وفطيره ورجع لها وحطاهم عندها
في تناظره
جون:فلتاكلي حتى يذهب الدوار
في اخذت الفطيره وجلست تاكل وتشرب العصير وجون يناظرها
وحست ان دوختها خفت بس تحس بتعب
جون:هل تريدين ايضا
في:لا شبعت
جون:حسنا هل نذهب
في تهز راسها وتقوم وتحط غطاها عليها وتطلع معاها وتركب وراء وجون يحرك وهو مايبي يضرها
اصلا ماقدر ماهو عارف ليه
وقف بنفس شارعهم:انزلي
في ناظرت شارعهم وفرحت فتحت الباب ونزلت بدون ماتشكره
وراحت تركض وهي تبكي
جون يناظرها وابتسم وحرك
في وصلت بيتهم ودقت الجرس
:في
لفت وغرقت عيونها بالدموع
انفتح الباب ولفت:....
ببيت ابو عبدالمجيد
هديل:يالله يبه
ابوعبدالمجيد:يابابا استني
هديل:يبه تكفى ترا مستعجله لازم نعرف ايش السالفه
ابو عبدالمجيد:طيب اختك وينها
هديل:كيفها اختي كيفها ماتبي تجي
عبدالمجيد:مسويه حزن ع الحبيب اللي مادرا عنها وطلقها بسرعه
هديل ناظرته بسرعه:انت السبب بطلاقها ولاهمك صدق اناني
عبدالمجيد عصب:حشمي كلامك احسن لك
هديل بتحدي:واذا ماحشمته
عبدالمجيد:بخلي العقال يلعب ع ظهرك
هديل بثقه:ماتقدر لاني متزوجه ولو مديت يدك اتصلت بزوجي
ابو عبدالمجيد:بس ياهديل
هديل وهي تمشي:واحد اناني
عبدالمجيد يضغط ع يده:يبه سكت بنتك ماودي امد يدي عليها
ابو عبدالمجيد:ماتمد يدك عليها وانا عايش
عبدالمجيد:عاجبك طولت لسانها
هديل:يبه امشي بالله هذا ماينفع معاه الكلام
عبدالمجيد عصب مره ماقدر يمسك اعصابه قرب لها والشرار يتطاير من عيونه ولفها بقوه
:اتركها ياعبدالمجيد
بفــــله رامـــي
احساس طلعت من الغرفه عقب مانومت ريماس ونزلت لتحت وهي تمشي بالفله
دخلت المطبخ وهي تناظره وتفتح دروجه
كانها تدور ع شي
طلعت وهي تناظر غرفه مكتب وتذكرت ريماس من رفعت السجاده
رفعتها ولقت مفتاح
اخذته وناظرت المكتب وقربت للباب وفتحته وقبل تدخل وقفها صوت رامي
رامي:احساس
لفت وخافت منه
رامي وهو يقرب لها:انتي ماتفهمين
احساس تبين عكس خوفها:لا ماافهم ابي اعرف من انت
رامي قرب لها وسحبها وقفل المكتب واخذ المفتاح:قلت لك مااعرفك ماعرفك حماره انتي
احساس بصراخ:انت كذاااب كذاااب
رامي وهو يحاول يمسك اعصابه:انقلعي لغرفتك
احساس بعناد:ماني منقلعه انا اليوم بعرف سالفتك
رامي سحب يدها بقوه:تبين تعرفين سالفتي
احساس ويدها تعورها من ضغطته:اه فك يدي اي بعرف
رامي سحبها بقوه وهو يسحبها معاه ع الدرج:الحين اعلمك
احساس وهي تصرخ:رامي انا حامل اتركني انت انجنيت
رامي سحبها لفوق وبغت تطيح ومسكها:اي انجنيت انتي تبين تعرفين الحين بعلمك السالفه
احساس سكتت لانها فعلا تبي تعرف
رامي سحبها لغرفته وفتح الباب ودفاها داخل
احساس خافت:ليش جايبني هنا
رامي دخل وسكر الباب:ابي اعلمك السالفه
ببيت ام تركي
تركي دخل البيت وهو ضايق
ماشاف احد بالصاله وحمد ربه لانه مايبي يشوف احد
وراح لغرفته رمي نفسه ع السرير
وهو يفكر ببشاير
"مادري انا غلطان والا انتي يابشاير اللي لتهاوشنا عايرتيني باللي سواه اهلك لي
الغلط مو منك مني اللي خليت لكم فضل علي اه منك يابشاير ليتني ماحبيتك بيوم ليتني ماتزوجتك
توقعتك بتسعديني بس سعادتني معاك كانت مجرد اشهر وطلعتي ع حقيقتك يارب نسيني اياه وعوضي باللي احسن منها
باللي تسواها وتنسيني اياها "
بالشرقيه
بالبحر
وليد منسدح ع ظهره ويفكر بهديل وبحركاتها
"كنت ابيك تنسيني اياها كنت ابيك بمكانها مابي اعيد الماضي لانه يعذبني
بس انتي ماتبين هالشي مصره تعرفين شي ممكن يخرب حياتنا قبل تبداء "
ابتسم عقبها وهو يتذكر انفاس منار بالجوال اللي حس فيها "لو تعرفين يامنار اني اموت فيك
واني حتى لتزوجت هديل ماراح انساك مستحيل احبها لانها ماتستاهل اني احبها
هي عكسك مافيها اي شي حلمت فيه معاك هي عنيده وانتي حنونه انتي غير يامنار مافي اي انسانه زيك
مافي وحده تقدر تطلعك من قلبي وانا مستحيل انساك"
جلس وهو يناظر البحر
دق جواله وكانت العنود
حط جواله صامت وقام ركب سيارته وحرك لرياض
ببريطانــــيا
بشقه البنات
غرور تفكر براشد والبنت اللي بس يبوسها ويحضنها ومقهوره منه
واما هدى فا تتذكر سعود اول مادخلت الكليه لما مسك يدها
هدى بخوف:سعود
سعود:عيونه
هدى:خوفتني
سعود يبتسم:ليه ترا بس مسكت يدك ماسويت شي
هدى سحبت يدها:....
سعود:وحشتيني
هدى:مايوحشك غالي
سعود:متى نتزوج بس
هدى استحت:يالله باي ومشت وسعود تسمع ضحكه
جود:بنت هدى
هدى:هلا هاه
ليان:لا البنت مو معانا ابد
هدى ضحكت:معاكم
مها:قصدك مع سعود
هدى باحراج:لا معاكم اشفيكم انتو
مها وهي تقوم:بتصل باحمد اشوف ايش عنده تاخر ماتصل
مشاعل:ياربي منك ماله ساعه وتقولين تاخر
مها:مادري قلبي قابضني
ليان:اي روحي كلميه وطمنينا
مها بخوف:اطمنك بايش
ليان حست انها بتوهق:يعني طمنينا عشان نفتك من حنتك
مها تضحك:طيب وراحت الغرفه واتصلت ومارد عليها
ورجعت للبنات
غرور:مارد
مها بضيقه:لا وناظرت ليان: كلمي راشد الله يخليك
ليان قلبها قابضها:غرور عندك رقمه
غرور بضيقه:ايه
ليان:غريبه مامسحتيه
غرور:حاطته للضرويات زي الحين
جود:الله عالم ليه حاطته للحين
غرور:جود مالي خلق سماجتك طيب
جود:اي لاتاكلينا
ليان:عطيني الرقم
غرور خوذيه:....
ليان قامت واتصلت براشد ومها وراها وليان رايحه جايه والجوال يدق ومها وراها رايحه جايه
مها:رد
ليان تهز راسها:لا
مها وشوي تبكي:كنت حاسه من يوم حظني وحتى بالمحاظره ماكان طبيعي
ليان:اهدي شفيك ورجعت دقت براشد ومارد
وجلست ع السرير:مها مارد
مها جلست تبكي :ليش مايرد اهئ اهئ اكيد في شي اكيد
ودق جوال ليان
ليان بفرح:هذا راشد
مها فرحت:ردي بسرعه
ليان وهي ترد:هلا راشد
راشد بضيق:هلا ليان
ليان:وينكم واحمد مها تدق عليه مايرد
راشد:خلي مها تروح لشقتهم احمد هناك ومحتاجها
ليان تغير وجهها ودخلت الحمام وتركت مها برا وهي خايفه:راشد ايش صار
راشد وهو وده يبكي:مافي امل ياليان حالته خالصه المسكنات جابت خبره
ليان خنقتها عبرتها:ايش تقصد
راشد:اكلمك بعدين باي ليان
ليان سكرت وهي ودها تبكي ع صاحبتها وفتحت الباب لمها اللي تدقه وطلعت
مها:ليه رحتى الحمام شفيه
ليان بضيقه:مافي شي احمد بالشقه حقتكم روحي له
مها بخوف:ايش فيه
ليان:ماعرف روحي خلاص
مها:اروح لحالي
ليان:تعالي كلنا نوصلك
مها:طيب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك