رواية على عتبات الماضي -90
تسمعين
وتتاكدين من الخيانه ؟؟
ياكبرها على قليبي يامنيره
منيره بصوت حنون,,
:ويالبى قليبج الابيض امشي نروح لعلوي ونشوف رايها
وفعلا دخلتا على معالي وهي تطعم صغيرها,,
لتاخذه منها منيره وتجلس معالي بقرب خلود’’’
وبصوت حنون,,
:تبين تسمعيني الحين هديتي ؟؟
خلود وضعت راسها على كتف اختها وهي تبكي بصمت,,
مسحت اختها على شعرها وقبلت راسها وبصوت رقيق,,
:ياقلبي لاتحسبين كل الرجاجيل مثل هادي ياما سمعنا من رجالنا
وياماشفنا وياماتعذبنا لاتحسبين ان كل وحده عايشه مثل ماتقول
كل وحده فينا يجيها يوم من كثر ماهي متضايقه ومضغوطه من هالرجل ودها تذبحه وتقطعه
خلود ضحكت بوسط دموعها ثم شددت على احتظان خصر معالي,,
لتكمل الاخرى بابتسامه,,
:يعني بمختصر العباره ماشفتي شي ياخلود ويامالج من الخير سواء لو رضيتي تكملين معه
او تاخذين غيره
بس باقولج شي ماراح اقولج سامحيه او اعفي عنه او لاتزعلين
لا لا لا هذا موب اسلوب محسوبة اختج العوبه لاازم تقرصين اذنه بعدين تحرقين اصابعه
وتشوين كبده وتاكلين قلبه وبعدين سامحيه
خلود بضحك وهي تمسح دموعها,,
:احس ريا وسكينه وانا ماادري
معالي بغمزه,,
:واعبر وانا اختج شوفي رجلج مبين انه ميال لج وهالصايعه الضايعه علاقه قديمه
والله العالم بنيته يكمل معها او لا بس لاتخلينه ولاتقولين له انا زعلانه عشان كلمة وحده بشقتي
خلود وهي متخصره,,
:اجل اسكت له ؟؟
معالي,,
:لاياروح ماما خليج عندي ولاتردين عليه واسفهيه خليه ياكل بعمره مايدري وش فيج بيروح يكلم هادي يسال عنج
وبيسفل فيه هادي انك ماتدري عن مرتك ويمكن يتدخل هادي باقول له انها عندي رجلي ماخذ دوره وبينكم زعل بسيط
ولايعلم احد غيرنا انا واياج ومنور واكيد ماراح يخليه هادي بيقول وش انت مزعل مرتي فيه
هنيي الله يسلمج بيحر ويبرك مايدري من وش زعلانه لاانتي اللي تردين على مكالماته وقد هادي عارف انج زعلانه
بيسال منيره وطبعا منور بتسوي نفسها ماتدري لاجاج هني لاتقابلينه وارسليله مسج يجننه يخليه يفر حول
نفسه مايدري وين الخلل
ومتى ماقلت لج الحين كلميه وصارحيه وخانقيه واطلبي اللي تبين منه حزتها عطيه ووطيه خليه يجرب فراقج
ويعرف انج ماانتيب سهله
***
**
جن منها ومن قرارها,,
كيف الآن بعد كل هذه السنين تستسلم ؟؟
كانت قويه تجابه تقلبات والدته,,
لما اليوم تجعلني بين عشقها اللذي تخلل اعماقي وبين بر والدتي المريضه ؟؟
اليوم ؟؟
الآن ؟؟
بعدما قررنا الاستقرار ؟؟
تتركين حياتنا بسهوله ؟؟
حاول الاتصال بها,,
لكن لامجيب’’’
زارها بمنزل اهلها,,
اخبر مشعل بضروره التدخل بينهم’’’
وفعلا" كلمها اخيها مرارا" لاكنها لاتنصت,,
فقد طفح بها الكيل,,
كانت ملاذه من همومه’’’
تكبل نفسها بقيود عمتها ولاتطلب عونه لفكها,,
الآن بعدما عشت الحريه يعيدني لتلك القيود ؟؟
حائر بامره فقد تركت المنزل وترتيبه,,
وعادت مع والدتها ولانقاش بالموضوع’’’
قرار التزمت به ولن تتركه !!
***
**
*
خرجت اليوم بصحبة وسميه مع خروج والدتهم,,
ليجهز لهم جابر عشاء فاخر لهذه المناسبه’’’
وهو من اصر على اصطحاب والدته,,
رغم رفضها بالبدايه’’’
لكن مع اصراره واستعاطفه لها,,
رحمت حالها المشتاقه لضمه ورحمت ضعفه وضمته على صدرها’’’
لتخر قواه باحظانها ويبكي اسفا" وندما" وحبا" وشوقا",,
ام تركي بصوت متعب,,
:ياامك قلبي ماعاد هو بحمل مرض لاعاد تعصاني ولاتوجعني وكلامي هو اللي يمشي
ماقلت لك طلق خلها على ذمتك بصرك بس لااشوفها ولاتجيب لي سيرتها
جابر مقبلا يديها وراسها,,
:ابشري ياعصابه راسي ابشري يااغلى من نور عيني
بس انتي ارضي علي وخليج جنبي والله اني من غيرج مااسوا
ام تركي وهي تقف لتجلس على الكرسي المتحرك,,
لترافقه لسيارته,,
:اسمعني ياامك ابي اروح لبيتي وقل لتركي مانيب مخاويته
بيتي اريح لي وبيتهم اريح لهم
جابر وهو يدفع الكرسي بها وينزل قليلا لمستواها وهو يخاطبها,,
:ابشري كم مزيونه عندنا هي منيره وحده
ام تركي بامر,,
:وماابيك تمسي عندك ومرتك ماعندها والي عبور بتطلع معي اليوم ووسوم بترافقنا
جابر بابتسامه,,
:افاااا ماتبين الحشاشه ؟؟
حشاشة الجوف ؟؟
ازين عيالج ؟؟
ام تركي بدعابه,,
:منهو مبيريك الا فديته ابيه وابيه وابيه
جابر وهو يحرك كرسيها قليلا لليمين لتخويفها,,
:لاتحديني افحط فيج وادوخج
ام تركي بهدوء,,
:من عرف هم العيال لابد يدوخ منهم
جابر بحب وهو يقبل راسها,,
:ابشري بطيبة الخاطر والله يبعد الهم ان شالله
وخرجا بروح جديده,,
مليئه بالعهود والوعود’’’
فهل هنالك منافس للام ؟؟
***
**
*
اتاها بامل وحب وراحه,,
اتاها ليخبرها بان الهم زاح والامل باقي ومرافق لايامه’’’
دخل ليجد ابنتيه يشغلن وقتها وتفكيرها,,
وله النصيب الاسد من قلبها’’’
يكفيه القلب لو انشغل العقل قليلا بسواي,,
تقدم لينام بجانبها على بطنه وهي تراقب الصغيرتان,,
التفتت عليه براسها ومازالت على وضعيتها’’’
نظرت لراسه ومازال الشماغ عليه رفعت يدها لتنزعه منه,,
وبصوت ناعس,,
:حبيبي ؟؟
متى جيت ؟؟
مشاري جلس وهو يضحك بقوه,,
:لا لا يعني تناحه اكثر من كذا ماشفت
حسنا بنعاس والنوم يغالبها,,
:شسوي الخدامه تنظف المخزن تحت وانا اراقب هالعوب
ثم انتبهت لابتسامته وسعادته,,
وجلست بقوه وهي تتذكر اليوم الموعود’’’
اقتربت لتصبح اقرب لحظنه,,
:بشرني ؟؟
نظر اليها بسعاده,,
وعينيه تزفان لها الخبر’’’
لتضمه بقوه,,
:الحمدلله الحمدلله خلاص الحين بارتاح يالله يامشاري والله اني اتحلم بهاليوسف ليل ونهار
مشاري وهو يعيدها لتنام على بطنها وهو بجانبها لمراقبة الصغيرتين,,
والتفت عليها فقط براسه ويديه اسفل ذقنه’’’
:شوفي ياقلب قلب قلب مشاري الحين الصيف جاي وانا رجال فقدتج ولااستحمل
وبما ان هاليوسف الله يقلعه لقا جزاه وهالعسولتين كبرن وامج وهادي بيسافرون يسون فحوصات لعمتي
وش رايج نخاويهم منها تكونين مع امج ومنها تكونين معي ونغير جو
حسنا هزت راسها وهي تراقب عينيه,,
ليردف مشاري بحماس,,
:ومهيب شينه لو جات امي وغلاوي وبتال ومحيميد
حسنا تجلس وهي تخصر,,
:لا والخدامه والبنيات والسايق وراعي البقاله
الحيييين تبي نعيش جو ومشتاقلي تجمع لي اهل الكويت كلهم
ماابيهم زهقت منهم
مشاري بغمزه,,
:اجل من تبين ؟؟
حسنا وهي تقترب,,
:ابيك
مشاري ينظر اليها وهو يراقب ملامحها,,
:الحين قبل شوي موب نعسانه ؟؟
حسنا بحماس,,
:لااا اليوم بنحتفل
مشاري جلس بحزن,,
:اسكتي ياحسون على فرحتي والله اني ضقت من شفة مرته وولده حمد
حسنا وهي تستشف منه حزنه,,
:ليه وش فيهم ؟؟
مشاري يتنهد,,
:حسبي الله عليه جاب لهم الهم والنكد والفضيحه
ولده مغير منزل راسه طول المحكمه ومرته تبكي
حتى يوم خذاهم بتال يقول قطع قلبي من البكي
حسنا بضيق,,
:سواياه وفعل يمناه لاتنكد على عمرك وعلينا يكفي ان ابوك حسين ارتاح من همه
ويمكنها خيره لهم لايجيب فيهم العيد بعدين
مشاري التفت على شوق اذا بها تنظر اليه وتحرك شفتيها بصوت عشقه,,
اقترب منها لتقبيلها,,
:لبى الانغيه وراعية الانغيه هااا ياشوقه ياابوي انتي
ابتسمت بوجهه وهي ترفع يدها لتمسك بفمه,,
قبل يديها الصغيرتين ثم التفت على حسنا,,
:ياعوب البنيه وياغليها
حسنا وهي تحمل جميله,,
:امسك امسك
ثم اعادت جملته,,
:لو انك معرس على ثنتين عز الله ماعدلت بينهن
ضحك وامسك الصغيرتين لتقبيلهما,,
***
**
*
ارسل لها عدة رسائل,,
ولاتجيب’’’
رسائل عشق وعزل قد تذيب الجليد المستوطن قلبها,,
لكنها لاترد عليه ولم تطفئ نار اشواقه’’’
اعتم النهار عليه !!
واصبح يرا وضح النهار ظلاما" من دونها’’’
تبددت ظلمات روحه حين رأى اتصال يشع بهاتفه منها
رد بلهفه ,,
:يالبا المتصل
دلال بجديه,,
:روح للبيت جايين المفروشات بالاثاث حق الصاله مع السلامه
واغلقت الهاتف,,
صعق منها ومن تصرفها’’’
اي جرم جنيته عليها حتى تقابلني بهذه القسوه ؟؟
كانت مستقر لروحي الضاله,,
تبدد اوجاعي بهمسة حب’’’
شاركتني اوجاعي وشاركتها الامها,,
كنا جسدين بروح’’’
ان شعرت بسعاده ابتسمت عنها,,
وان لامست شعور الرضا بقلبي عانقت السماء سعاده معي’’’
تلك هي روحي وقلبي لاهذه,,
هذه قاسيه لااعرفها’’’
ولن اتعب نفسي للتعرف عليها,,
اغلقت منه الهاتف لتمسك بطنها وتبكي بحرقه,,
تمنت سماع صوته فوجدت هذا العذر’’’
لكنها لم تستطع اكمال المسرحيه على قلبها قبل قلبه,,
كادت ان تصرخ باعلى صوتها اشتقت لك’’’
لكنها اغلقت الهاتف
تفكر بطلبه,,
ولاااتستطيع تقبله ابدا"’’’
مهما كانت والدته لن انسى لحظات فضلته ووالدته على كرامتي,,
لكن اليوم لن اجرب الحريه لحظه ثم يسحبها مني ويعيدني لاسرها’’’
سمعت صوت رساله قادمه,,
منه
((سقا الله يوم كان اكبر همومك خاطري المكسور
وكنت الضي في عينك وكنت السقم في ثيابك))
***
**
*
تجلس تراقب الماره,,
تشيح بانظارها عنهم وتريح راسها على كتفه,,
:جعلهن الشلل ذاالكلاب لبسهم هذا لبس ؟؟
انتبهت له ينظر ويبتسم,,
فوضعت يدها على عينيه لاشعوريا’’’
امسك يدها وضربها بخفه,,
:وش ذاالخبال هيفا ؟؟
هيفا بغيض,,
:اجل تشوف المصاليخ وتبوسم وانا اسكت ؟؟
طلال التفت على الماره وهو يشير بيديه,,
:ذا السامجات ؟؟
تغارين منهن ؟؟
هيفا بضيق,,
:اغار ؟؟
لاطال عمرك مااحس ولاعندي شعور
طلال التفت بنصفه العلوي ليقابلها,,
:هيفا انا لو عرضوا علي ملكات جمال العالم باحلى شكل ماملوا عيني
هيفا تنظر الى الشارع ثم التفت عليه,,
:يعني بتقنعني انه لامرت مزيونه من قدامك ماتلفت انتباهك ؟؟
طلال يهز كتفيه بعدم اهتمام,,
:ولامرت الزينه وشفتها وعجبتني بتلقى مكان بقلبي ؟؟
هيفا بتافف,,
:ماحبيت هالمكان قوم خلنا نتحرك
طلال وقف وامسكها,,
:امشي انتي من جينا مرتفع عندج عداد الغيره الغبيه
هيفا وهي تمسك يده بقوه,,
:تخيل اني كرهت السفره بسبة غيرتي لاتلومني
طلال باستنكار,,
:الحين تحنين على استراليا واخرتها كرهتيها ؟؟
هيفا بابتسامه,,
:يالبى عينك موب القصد خوتك انا معك اسعد مخلوقه ولو حطوا العالم
واهلي وخلاني بكفه وانت بكفه رجحت انت
بس مااحبك تشوف غيري والله اسوي البلاوي ولاتلومني
طلال نظر الى فتاه جميله وابتسم لها,,
ثم التفت على هيفا وبغمزه,,
:وريني وش بتسوين ؟؟
هيفا نظرت اليه بضيق وتركته ومشت,,
متاكده بانها وحدها معشوقته’’’
لكنها ومن شدة عشقها له تغار عليه وتقتلها هذه الغيره,,
صدمت منه يمسك وجهها بيده اليمنى وعينيه بعينيه وبهمس,,
:((انت من جدك من العالم تغار ؟؟
0ياحبيبي العين غيرك ماتبي))
ابتسم بوجهها واكملا طريقهما,,
***
**
*
كانت تمسح ساقها بكريم,,
وتجلس امام التسريحه’’’
جلس على السرير يراقبها بصمت,,
نظرت اليه من مرآه التسريحه’’’
وبهمس,,
:حبيبي شفيك ؟؟
مترك بهمس مشابه وهو يدنو منها,,
:ولاشي
اوقفها ليجلس مكانها ويجلسهاوعلى حجره,,
:منور ؟؟
منيره بهمس,,
:ياعيونها
مترك بضيق,,
:خلود زعلانه ؟؟
منيره هزت راسها بموافقه,,
ليردف مترك بحزن,,
:ماامداهم يامنيره توني اقول انهم اخير واحسن مناوالله ماامداهم يتهنون
منيره بحزن مشابه,,
:ااه يامترك الله يعين بس صدقني اختي معها حق خلود اعرفها ماتزعل الا من شي كايد
مترك بتساؤل,,
:يعني الحيوان مضايقها ؟؟
ضاربها ؟؟
علميني والله لااسود عيشته ان كانه مااد ايده
منيره بحلفان,,
:لاوالله العظيم مامد ايده بس صدقني هو غلط وهي بتعرف شلون تجازيه على غلطته
مترك بحيره,,
:اي وش سوى يستدعي كل ذا ؟؟
منيره وقفت وهي تلتفت على التسريحه,,
:لاتحكرني بزاويه يامترك وتجبرني اتكلم وانا واعده خلود
مترك وقف بعصبيه,,
:لا احكرج ولاحاجه تخششين كانج تسترين على اخوي ؟؟
انا اعرف شلون اخذ العلم ومن راسه
منيره امسكته بسرعه,,
:فديتك انت لاتتدخل وتخرب السالفه فديتك
مترك بعصبيه وصوت عالي,,
:ماابي اخوي يعيش اللي عشته يبي نصيحه بانصحه ماابيه بتخبط بلحاله
منيره ضمته بقوه ,,
:لاتذكرني الله يخليك
كل مانسيت ذيك الايام ذكرتني فيها ؟؟
انا احبك وانت تحبني واللي صار غصب عنا
لاتربط مشاكل غيرنا فينا صدقني مشكلتهم موب نفسنا ابد وانت تعرف اخوك لعاب
هذا اقصى مابقوله وخلهم تكفى لاتجبرني اقولك السالفه وانا واعده خلود
مترك هدأ قليلا" ثم مسح على شعرها وبهمس,,
:بس ياقلبي كلهم يروحون ملح المهم انتي ارتاحي الله يقلع هالفارس لاهو بمريحنا ولابيخلي خرابيطه
***
**
*
ذهبت من ذون علمه,,
مع ريمه من خرجت للتو من النفاس بروح جديده وراضيه ومرضيه من حولها’’’
وتوجهتا للمراه اللتي قد اخبرتهم عنها ام راشد,,
اعترضت ام مشاري لعدم دراية ابنها’’’
لكنها اقتعنت بالنهايه ان رغبة عليا بالاطفال اشد من رغبته,,
ودموعها المتواصله وخوفها من خلل ومشكله بها’’’
جعل ام مشاري تساعدهم بالذهاب دون علم رائد,,
دخلت على المراه المعالجه,,
تداوي بالاعشاب والطب الشعبي’’’
كبيره وواعيه ومن يتحدث معها يكتشف سيده مثقفه تفقه بالكثير,,
وذلك مازاد اطمئنان عليا وازاح بضعا" من توترها’’’
ريمه بصوت هامس,,
:لارجعتي لااازم تعلمين رائد كلها مرخ وتشوف ارحامج وبس يعني ماكفرتي
عليا بضيق,,
:هو معيي يقول فحصنا وخلاص وبيوديني لمكه اريح هناك بس ياريوم ابي اتطمن واتاكد ان مافيني شي
تعرفين مستشفيات الكويت تشخيصهم زفت ولاابي اظلمه معي
ريمه بحب,,
:ياقلبي لاتحاتين انتي شي ومادام رجلج مقتنع فيج صدقيني بيصبر معج العمر كله المهم انتي قربه
وبعدين يابنت الحلال تو مابعد تميتوا السنه
عليا تتنهد,,
:وش عاد بقى ؟؟
وانا ملهوفه ابي بزر لاتقولين مشفوحه بس والله على كثر حبي لرائد ابي اجيبله عزوه ابي عيااال منه
درازن ودي افرحه
قاطعت حديثهم صوت المراه,,
:تعالي يابنتي اقربي
واقتربت عليا منها,,
اخذت تتلمس بطنها وتسالها وهي تجيب’’’
ثم طلبت منها النوم على ظهرها,,
والاسترخاء’’’
سالتها,,
:عليتس الدوره ؟؟
عليا,,
:اي علي الدوره
المراه,,
:كم قد لتس ؟؟
عليا,,
:ثلاث ايام
المراه وهي تقترب,,
:زيييين زييين بمرخ بطنتس بشويش شكل الارحام نازله شوي
وبالفعل بدات بتدليك منطقة البطن من الاسفل الى الاعلى,,
مع تالم عليا وصرخاتها الخفيفه’’’
لكن ماجعل المراه تتوقف,,
:يابنتي ؟؟
عليا بالم,,
:هلا ياخاله
المراه بصدمه وهي تتلمس بطن عليا,,
:انتي متاكده ان عليتس الدوره ؟؟
عليا بخوف,,
:اي تنزل لي كل شهر والحين لها ثلاث ايام
المراه تهز راسها برفض,,
:ياامتس روحي افحصي سوي تحليل دم رحمتس مهوب خالي
عليا بصدمه وهي تمسك بطنها بالم,,
:مافهمت شلوون ؟؟
المراه بعصبيه,,
:اقولتس بطنتس مهوب خالي جايتني امرختس ؟؟
الظاهر فيه ياكيس يابزر
عليا وقفت برعب وصدمه,,
اولا من الخوف لو صدق حدس المراه وكانت حامل’’’
اي جرم قمت به لو فعلا يسكن ارحامي طفل ؟؟
ثانيا" لان الموضوع بحد ذاته ولهفتها له ترعبها,,
لبست عباءتها بسرعه وخرجت مع ريمه للتاكد’’’
والام بطنها تزداد اكثر,,
ودموعها تغالبها’’’
ااخسرك بيدي بعدما كنت اتوق اليك ؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك