رواية على عتبات الماضي -8
أسكت عني قسم بالله ماني طايق منك كلمه
:وأنا على كيفي تعرف أبوي اذا لزم على شي يصير ,حاولت أقنعه بس عيا
:أسكت حتى أمي حاولت فيه,وهو اللي مايرد لها طلب تعذر منها أنه مايقدر يجبر سارا تاخذ مطلق,,
ألعن أم التصريفه ليه أنا دخلت على عليا عشان يقول هالكلام
فهد وأقد أشتعل غيضا من جابر ورائد وأبيه وحتى عليا ,,
وذاكرته تتصارع مع الجهاز المسؤول عن النسيان في عقله الباطن,,
منذ وقت ليس بقريب
رآها تخرج من بيتهم بعد ملكتها من جابر وهي تحمل أغراض أختها حسنا بعد طلاق الأخيره من مشعل مرافقه والدتها
كانت مكتفيه بفستان ناعم من الشيفون التايقر وترفع شعرها بفوضويه وقد نزعت غطاءها كامل لعلمها بأنه لاوجود لأحد
من أبناء عمها بالمنزل ,,هذا ماتلقته من دلال 0
تمنى لو كان شاعرا حتى لايبخسها حقها عند وصف تقاطيع جمالها الأخاذ
لم تكن هكذا بيوم من الايام؟؟
كيف تحولت لرسمه خطها فنان مبدع بصوره عذبه رائعه؟؟
لم تنصفها سارا عندما اكتفت بوصفها بالجميله بل رائعه مذهله
ماهي بس قصة حسن 0رغم أن الحسن فيهابحد ذاته مشكله
مذهله
كل شي فيها طبيعي وموطبيعي
أجمل من الأخيله
كلمات أجزم بأن الشاعر خيل له حسنها عندما أبدع هذه القصيده
أخذ يدندن هذه الأغنيه ولم يعلم بأنها انتبهت لنظرته الجريئه اللتي أحرقتها خجلا وضيقا"
أي وقاحه يتطبع بها هذا الانسان هربت من أمام ناظريه محاوله الفرار منه و الابتعاد عن نظراته الوقحه
لكنه كان أسرع من هذه المهره الهاربه أمسكها بجراءه وشده وهو يدفعها الى زاويه بعيده عن الماره من الصاله
الرئيسيه للمنزل
لتفاجأه ببصقها بوجهه ودفعه بقوه وكأنها أقوى وأشد رجل جابهه في حياته وهربت
:قسم بالله ماتخلين يابنت 0, ,, معليه أنا تتفلين بوجهي
أرادها,, أراد الانتقام منها,,وبنفس الوقت أراد تمتيع ناظريه بحسنها لكنها الآن حلال لغيره ليست ملكه
عاد من دوامة الماضي على صوت جابر المودع
آه ياجابر ليتني ماأرخصت أختي لك ولأمثالك ,, وش لون كنت بزوجها واحد مثلك كله عشان تطلق عليا,,
وهذي عليا ماحصلتلي وأنا ولد عمها ماقدرت أحير عليها ,,
والله محد طلع منها الا مبارك وسارا
شكله بياخذها صحيح وحتى جويبر مهوب قادر يقهره بها
أنا أشهد اني كنت مريض وألحين شفيت
الله ياخذك ياجويبر كن صحبتك مامنها الا الردى والنقاصه
*******
*****
***
**
*
يجتمعون على السفره مع أطفالهن ,, ازعاج وضجه لكنها لذيذه وذو نكهه خاصه لديه
يحب اسعادهن ,, يريد أن يرى كل واحده منهن تنعم بأفضل حياه
لاتهمه نفسه المهم هن بالمرتبه الأولى والثانيه والثالثه أيضا" وهو يأتي بالأخير
:أكرمكم الله
:ياويلي ياأمك ماكملت لك لقمتين على بعضها وش قومك
نظر الى أخواته بمكر وقال ضاحكا":لاعة كبدي من ذا الكشش اللي قدامي مافيهن اللي تفتح النفس
:لاوالله بنشوف اللي بتهدفها لا جات المره لكان كشتها تسابقها عندك حرير وماأحدا" بأزين منها
:وأنتي صادقه ياهيوفه أجل أنتي والا خواتج اللي كل وحده تقول الشين عندي
:لااااااا والله اي معليه أن زوجناك مانيب بنت أبوي
:منور أنتي أكرمينا بسكوتج قالت لج أمي دوري لهادي مره مزيونه وجيده جبتيلي رفلتا" بزر لا ووجها ودر وأمحق
منيره تضرب صدرها وتردف:هدوي حط عينك بعيني السوري بنت عمك بزر لاااا ورفله ؟؟ الا أجيد وأزين منها ماشاهدة عيني
هيفا:شوفي السوري تهبل بس ماتناسب هدوي
عليا:صادقه هيوفه هي بزر عنده وبعدين رجفة ايدها زايده يعني لو طلب منها كاس ماي ماراح تقدر تجيبه
أم هادي:يابري حالي برياه اي بالله اللي زايده ليت النوري تطيعني وتوديها معنا أنا ومعالي للمطوع يقرا
عليها الوكاد أنها عيون
حسنا:فديتها سارا تجوز عليها العيون حبوبه وهاديه
خلود:أصلا" مبارك بياخذها دور لك وحده غيرها
يجلس مستمعا لنقاشهن بحب حتى فاجأته أمه بطلبها الغير متوقع
أم هادي:أخطبها يمك والله أنها جايزتلي
*******
*****
***
**
:لاااااااااا ياوالله اللي مانيب موافقه هذا الناقص
:أسمعيني بتموتين اذا أخترتي لأمي وللبنات هدايا من هالبضاعه
:كيفي بضاعتي والا بضاعتك
:بدفع لج ثمنها بس عطيهم منها النوري البزر ناقده عليج تقول عطت جدتي وخالاتي أماعماتي لا
هدى:محد بمخرب بنتك الا سويره أكيد هي اللي مشيشتها
ناصر:تكفييييين الله يخليج بنتي لاتدخلينها بينكم ولعلمج هي تقول أمي دايم تسب عماتي وأنا أتضايق لأني أحبهم
لاتدخلين البزر بسوالف الغيره اللي ذابحتج
هدى:ليش ان شالله أغار ماشفت خير يعني أنا ماقد تكلمت في قفاهم
ناصر:أي يسير خير مدمغ أنا أو ماأسمع زين 0مهوب كل يوم جايتني تشكين سووا وفعلوا وتركوا ماكنج تتكلمين
عن أمي وخواتي حتى أبوي وأخواني ماسلموا
هدى:ياسلام ومن أسولف معاه بهالبيت غيرك اذا تضايقت مالي غيرك
لتذرف بعدها الدموع وقد بدأت أصطوانتها الممله واللتي كرهها جدا"
لايعلم هل الذنب ذنبه الذي لم ينهرها من البدايه ويضع لها حد لاتتعداه بالنسبه لأهله
أم هي وتركيبتها المعقده اللتي لاتتبدل وتكره تصرفات من حولها لو كانت صحيحه
*******
*****
***
**
*
تجلسان بالسطح مكان اعتادتا الابتعاد فيه عن ضجة المنزل لتتسامرا بمايجول في خاطر كل منهما
مقربتان منذ الصغر لكن ماأن تزوجت الأولى حتى بدأت بالانسحاب عن عالم أختها رويدا" والأخرى لم تفقه
السبب الا مؤخرا" بل وبوقت متأخر جدا"
حسنا تسند ظهرها لجدار السطح ورأسها أيضا" : منيره تكلميلي عن مترك قولي الشين فيه والزين بصراحه
منيره تقترب من مكان جلوس حسنا لتضع رأسها على كتف أختها وترد بضيق: وش له تفتيح الجروح ياحسنا
حسنا تمد يدها وتمسح بها على رأس أختها : قولي اللي يريحج أبدي باللي تحبينه فيه واللي يعجبج بشخصيته
ومعاملته معاج لازم يكون فيه حسنات لو بسيطه هالمترك
منيره بحب وهي تتذكر ملامح مترك القريبه لقلبها : شكله -- عيونه -- صوته كل شي ياحسنا فيه حلو
حسنا تنظر الى وجه اختها وتبتسم ثم تردف:وغير حسن يوسف اللي مغطي رجلج أبي مزايا بشخصيته
منيره تضحك : أهم ميزه فيه ياحسنا أنه مكشر على طول ومعي أنا بالذات لا شاف أخوانه خصوصا" محمد وبناته
ينقلب لواحد ثاني تطلع صفة أسنانه كلها لدرجة أني لو بغيتيني أعدها عديتها لج من هالكشره اللي شاقها
وعندي الله وكيلج يرجع أبو طبيع لطبعه الأمحق
:معقوله منور ؟؟ ,, أكيد أنتي اللي فاهمته غلط أو مضايقته بشي من بداية زواجكم خلاه يكشر لاشافج ,,يعني مثلا"
أنتي تحنين عليه ,, أو تعصينه بشي
منيره بجزع:لا حسون ورب البيت عمري ماحنيت ولا ضيقت عليه بشي وأنتي تعرفيني مرات أنحرم حتى شوفتكم كل خميس وجمعه
عشان مهوب بخاطره أغيب عنه سي السيد
:أجل لازم فيه شي صار خلاه يتعامل معاج كذا منيره تراني خبره ,,رجليييين مهوب واحد وكل واحد فيهم شخصيه
تذكرين مشعل شلون كان جلف وقاسي مرات بالتعامل , وألحين مشاري أكثر انسان حساس بالكون والحمدلله لاقصرت مع الأول
ولانيب انشالله بمقصره مع مشاري
منيره تبعد رأسها عن كتف أختها وهي تسرح بصوره لم تغب عن بالها 0
بعد عامان من ارتباطهما::
وتحديدا" يوم زواجهما كانت ترى هيفا كيف بأنها لاتفوت فرصه للأحتفال مع زوجها بأي مناسبه عيد زواج--ميلاد--
وهي حياتها تكتسي باللون الرمادي فقط ,,
هل أنا كئيبه لهذه الدرجه ؟؟
حتى لاأستطيع تلوين حياتي ؟؟
وأندس تحت اللون الرمادي القاتم ؟؟
لاحياه , ولا ألوان ,
أرادت التغيير هل هي غيره من أختها؟؟
لاأعلم المهم بأني سأغير من نمط حياتنا عل وعسى أرضي هذا المغرور ,,
ذهبت هي وهيفا واشترت أدوات الزينه المطلوبه ,, مفرش -- شموع -- ورود الجوري الحمراء -- وزينت الغرفه كامله
بالورود والشموع واستعدت للاحتفال بشراء قالب كعك وتحظرت هي ايضا" بلباس يظهر حسنها ومفاتنها
وجلست تنتظره 0
صحت على صوته يرتدي الزي الرسمي لعمله وهو ينظر لها وللتجهيزات اللتي قامت بها بأسى
أرادت لومه لكنها لم تستطع كعادتها التزمت الصمت
أما هو فجلس أمامها بأمر:منيره لمعي جواتيي مستعجل بروح للدوام
نهضت تنزل أطراف ردائها على رجليها فماعاد له نفع وكأنها تحاول ستر جسدها مما عليه تمتيع ناظريه به
وهو ماكان شعوره؟؟
ألم أعد أفتنه كما السابق؟؟
أليس من المفترض بأن يعتذر؟؟
أو على الأقل بان يتغيب اليوم من أجلي عن عمله,,
ينظر لها وقد أسرت ناظريه بفستانها العاري الاحمر كشعله ملتهبه ,,
أخاذه ومبهره ولكنني لا أريد الاقتراب ,,
لاأحب نفورها القاسي مني ,,
أتعتقد بأن الحياه الزوجيه مجرد شموع وورود ؟؟
الا تعلم بأن علاقتنا الفاتره تجعلني أكره حتى النظر أليها ؟؟
أبدلت ثيابها وقامت بماأمرها به واقتربت منه وبصوت باكي : سم يامترك
رفع ناظريه لمدى عينيها وهو يلمح دمعتا" هاربه من فيض الدموع المتجمعه داخل عينيها
ليقف ويمسك وجهها باهتمام:منيره؟؟
رفعت عينها وبابتسامه مكسوره مجروحه : مترك روح للدوام أنا تعبانه وجع براسي وبيروح
مترك وبتأنيب ضمير : منيره لاتنامين أنا أصلا" طاريلي أستأذن وأجي أجل من بياكل الكيك ختمها بغمزه
منيره وهي تلتفت على الغرفه:مترك ماله داعي داوم أصلا" الشي حلاته طراته غير كذا ماله طعم وذهبت الى الفراش
لتندس فيه وتنام
وفعلا" ذهب وأستأذن من عمله على عجل وعاد بسرعه جنونيه
فلتنم لا يهم المهم لاأتركها هكذا تتعذب بسببي
عاد ولم يجد أي أثر لورود أو شموع كلها أختفت وأختفى معها وهج منيره من الغرفه
اتصل بها مرارا" لترد عليه :أنا عند أمك تحت تبي شي؟؟
خيبه لكن أنا أستاهل
حسنا تنهض لسماعها صوت البنات قادمات من الأسفل وهي تهز منيره:مناير قومي خلينا ننخش البنات يدورون علينا
تكفين بخاطري أروعهم
منيره استحسنت الفكره فجل ماعليها القيام به الآن ركن مترك بأرشيفها الخاص لو دفن بالغبار لايهم
المهم أنا وأطفالي فقط,,,
*******
*****
***
**
*
: أخوك مخه عبقري تدري أنه رجع برمج جهازي من جديد وأنا موديه لمحلات مايعرفون يسنعونه
:قلت لك ناصر ذكي ومادرس هندسة كمبيوتر الا أنه عبقري فيه بس المشكله هالناس عندهم أنه طايح سوالف واخبال بالنت
مايدرون أنه يشتغل عن طريقه لا وأزيدك من الشعر بيت مهكر مواقع اسرائيليه وأجنبيه اباحيه
أبو غانم:الله يجزاه خير أنزين ليش مكتفي بوظيفته بالشركه ليش مايفتح له محل لبرمجة الكمبيوتر
مشعل:وده بس العين بصيره والايد قصيره أنا قلت له اللي جمعته لك عيا يقول اللي جمعته أعرس به راحت عليك الأربع
ألاف اللي من الحكومه وأناياخوك مالي شف على العرس ذاالحين
أبوغانم:ليش وأنا أخوك أعرس وأفلح واذا تبيني أذكرلك رجاجيل تناسبهم ويكون نسبهم يشرف أنا بالخدمه
مشعل:والله مالي بال للعرس أبي أرتب أموري على الراحه وعقبها يسير خير
أف وش عليك أعرس والا ماأعرس ؟؟ ,, أنا أبي أفهم هم وشدخلهم بعرسي ؟؟
أمي من جهه ,, وناصر من شمالي أمي ,, والبنات ,,,تعبت الله يقطع سيرة العرس وسنينه
أبو غانم:مشعل مشعــــــــل
مشعل بعدما أنتبه لصوت أبا غانم اللحوح:هلا آمر
أبو غانم:مايامر عليك ظالم ,, وش قومك وأنا أخوك سرحان ومهموم ؟؟
:ولاحاجه ياأخوي مابه الا كل خير
:أنت صحيح بتسافر؟؟
:لأ بروح لشاليه خويي وبقعد فيه من أسبوع لأسبوعين أنا وبعض أخوياي
:اي بس أنت قايل لأبو عيسى بسافر؟!
:أدري مابغيت أقول له عطني اجازه بروح للشاليه وش بيقول عني؟
:وش عندك يامشعل؟
:أبد أنا حتى أهلي قلت لهم أني بسافر وأنت تعرفني ماأحب السفر فبقعد بالشاليه فتره أريح
وأراجع حساباتي ومتى ماأرتحت رجعت
:مهوب حل وأنا أخوك لاتفكر تتباعد عني وعن سالفة العرس تراني وراك وراك
أعدنا الى فتح الجروح ياهذا ؟؟
الا يكفيني فشلي في تعدي مرحلة الماضي القريب 0
والعوده بالانغماس به وبشكل موجع 0
*******
*****
***
**
*
:حاركب الحنطور ترقن ترقن وأتحنطر
:يعيني على الطرب عزمه على عزمه ياست
:تتمسخر هذا وأنا صوتي ولا صوت فيروز
:أخلصي علي خلينا نسرح ونمرح بشوارع مصر
:حموووووووود ؟ أنا ماقلت لك أن صاحب السمو تحرك أمس؟؟
محمد وقف بفرحه عارمه ليمسك بطنها بهدوء ثم ينقل أذنه مكان يده ليفاجأ بحركه رائعه صدرت من بطنها
بسرعه وقف كما الأطفال ليخبرها بما أحس به,,
بما أصدره بطنها الصغير وكأنها لم تشعر به!!
محمد:مهوي تحرك يافدييييييييته تحرك
مها تمسك يد محمد بعدما جلست على الكرسي بوضع مريح:خل ايدك ألحين لأني ريحت بيتحرك بقوه
وماأن أتمت كلمتها حتى شعر بحركه قويه صادره منه فهم لتقبيل بطنها وكأنه يقبل ذاك المختبئ داخلها
محمد:فديت الولد وأمه
:هههههههه طيب خلصت مشاعر الأبوه؟؟ خلنا نروح نغير جو ,,
: يلا أجل أمشي خلينا نتمشى بس ترى بنعود بدري أبي أسولف أنا وولدي عندي له حكي واااااجد
قريبا من ضفاف النيل يجلسان بهدوء لا يشبههما,,!!
فقط ينظران الى هذا النهر ,, بروعته وغموضه ,,
ليقطع الهدوء الغريب طفل يبيع الفل والياسمين ,, اشترى منه محمد وقدم لها الورد بادلته الابتسامه وعادت لهدوئها
محمد:مهوي عسى ماشر فيج شي ؟؟
مهابتصريح مباشر لما يجول في نفسها:اشتقت لمشعل
اشتقت ؟
بل سيقتلني الشوق لسماع صوته
أناني لماذا لايشعر بروحي المغتربه من دونه؟
لماذا لايشعر بمرارة فراقه؟
محمد وكأنه يقرأ أفكارها بل وكأنها تفكر بصوت عالي
:لاتحسبين أنه ماأشتاق لج ؟ ,, هو بعد أشتاق لصوتج بس هو تعبان لاتلومينه ياقلبي
بكت بصمت ,, بحزن ,, بأسى ,لاتريد أن تعكر صفوه ,,,
فمحمد صوت الفرح الذي يصدر من أعماقي,,
لماذا أبتر سعادتنا بيوم مميز كهذا ؟؟
فليذهب ذلك الأناني بدربه مصيره الرجوع لرشده لامحاله
:حمود وش رايك نتحنطر؟
محمد المندهش من انقلاب مزاجها 180 درجه وهذا مايحبه بها تلون حياته بروحها المرحه
:يلا نتحنطر هههههههههه
*******
*****
***
**
*
:خلوده انتي متأكده ان العوب رقن فوق قبل شوي؟؟
خلود وهي تسبق أختاها هيفا وعليا: الحمدلله ,الا متأكده ونص ماتعرفين خواتج لااندسوا في محل مايبون أحد يلحقهم
بس ماعليج أنا ذيبه عرفت وين مخبأهم السري
هيفا تمسك خلود وعليا :أسمعوني بنتسحب بشويش أربنا نروعهم وتنمرج عقولهم ويستخفون هالثنتين عشان يعرفون أن الله حق
عليا :طيب عادي نجيهم ونسولف ليش مسوينها أزمه وخشاشه
هيفا تضرب عليا على مؤخرة رأسها:يامعتوهه هم تسحبوا يوم شافونا مشغولات أكيد عندهم سر خلونا ننكد عليهم
أربنا نسمع طراطيش كلام من سرهم الخطير
دخلت هيفا تتبعها خلود وعليا بصمت لتظهر لهن منيره فجأه:بووووووووووو
:يممممممممممممممممممممممه
هيفا بغضب:يابقـــــــره ليش خريش أنتي؟؟
منيره بضحكه:انا الخريش وأنتوا ماتخافون ربكم باختكم المسكينه اللي توها منفصله عن الأطخم الأفدع المزيون
ويكفيها صدمات بحياتها تروعونها بعد
عليا بمرح فهي تحب خفة ظل منيره وقت ضيقتها يزداد عيار المرح كثيرا": هههههههههه منور لايسمعج أبو عيون خضر
والله أن يعود مايشوف الدرب
هيفا مكتفيه يديها:يخسي مدير الأحوال المدنيه أجل يعرس عشان يجنس هالمنى ليش مهبل أحنا؟؟
حسنا:منى مالها ذنب هو خطب محد ظربه على ايده ومنيره وسعت لهم الدرب ,,على العموم خلونا نغير هالموضوع
هيفا تجلس مكان جلوس البنات: حركاااااات حب وشاهي وأسرار
منيره تقترب هي والاخريات:أسرار؟؟ وش أسراره ياحظي انا كلي كتاب مفتوح لكم ياخواتي
عليا تغير الحديث:بطلوها سيره بنات ,,حسون كلميني عن رائد خلونا نتكلم عن عرسي
هيفا بانتقاد:عليا ليش مرات أحسج مرجوجه؟؟
حسنا :علوي خلي هالمعقده منج ,,رائد وش أقولج وه بس جنتل مان وشوي عليه هالكلمه
خلود بمرح:وأنا ماعندكم لي مثله؟؟
منيره :فيه خويه الانتيم فارس يالييييييت والله يصير اللي ببالي وتاخذينه خلوده تراه جنني يقول
انا بأخذ منكم يامنور وأنا بصراحه أبديت له دواعي سروري
خلود:ياسلاااااام مالقيتي الا هالصايع المغازلجي؟؟
منيره:الله و أكبر وش فيه فارس الزين كله جمال ومال وخفة دم وأنا أكثر وحده أعرفه وأعتمد عليه حتى أكثر من مترك
خلود:خليه لج ماأبي أنا الا واحد نسخة اخوي هادي غير كذا ماأبي
هيفا بسخريه:أجل أنطر ياحمار لين يجيك الربيع
حسنا:أبوك ياالأمثله العدم ياأختي أرتقي شوي بالألفاظ ,, الله يعين طلال عليج
هيفا :طلال خليه هالشايب منج قوليلي وش سالفة عمتج مع أمي ؟؟
حسنا بضيق:مكلمتها عن مره تعالج العقم اللي يشوفني انا ومشاري يقول خلاص هالاثنين ماعاد فيهم رجا للخلفه
هيفا بغضب:وش دخلها بافهم؟؟
حسنا :أم وتبي تفرح بظنى لوليدها ماني بلايمتها هي مجتهده بس المره اللي ذكرتها يقولون من تدخلين عليها
تعرف علتج يعني ياهيوفه أكيد أنها تتعامل مع الجن ,,وين الله يرزقني وأنا أتعامل مع مره كذا؟؟
هيفا:ماعليج منها وش راي رجلج بالموضوع؟؟
حسنا:عيا والا فيها,,
أتاهم بخفه يتسحب وهو مغطي وجهه بشماغه,,
التفت عليه خلود برعب ليغطي فمها بيده ويتقدم ناحية البنات,,
*******
*****
***
**
*
:جعل أمحق فرقه يارائد والله أن النوم جاني
رائد بضحكه :أحسن عشان ماتترقصون وتفضحوني بعدين الرجال يبيها عرضه مايبي طبول وطق وشكشكه
:أفااااا وش له أجل الفرقه ان غابت الشكشكه والتنكس
:الله يخرجنا وأنا أخوك أنت قاضي وخالص مره وحده
فارس يتقدم للسياره بعد احضار أكواب القهوه الحاره لهم من الكوفي شوب:يلا من طلبه كافيه لاتيه بالكراميل
وهو بصراحه كل طلباتنا كذا ههههههههههه
عبدالمحسن:ياخاااايس انا ماقلت لك جيب لي كابتشينو ؟؟ ماأبي ذاالبلا اللي تزرطونه
عامر يحرك السياره فهو من أستلم القياده اليوم:شباب وش رايكم نروح لاستراحة الشباب
رائد:لا ياعامر مهوب كل من قالك تعال رحت له ,, معليه انا اعرفهم بس مهوب ذيك المعرفه
عبدالمحسن:لاتعقدها يارائد خلنا نفلها ونستانس
رائد :أنت مالك دخل أتكلم أنا وأخوك الكبير أسكت
عامر بعد اشتداد الحوار:خلاص بلاها الروحه للاستراحه أحنا مارح نستانس أصلا" مافيه ذيك الميانه ها وين ودكم نروح
تو الساعه 12
فارس:شباب خلونا نرجع للديره بصراحه ماأدل هني واجد وحنيت لفويرس الصغير
عامر:ولد مترك ؟؟
فارس بحنين: اي ولده الصغير الخالق الناطق أبوه يالبى قليبه
رائد:ارجعك اليوم للكويت لو تبي بس تطلعلي المدام
فارس:أتهبى الا أنت وين هادي منك ؟ والله لايسمعك أن يهون من العرس
رائد وهو يلاحظ ضيق عبدالمحسن الشديد :محيسن بيعنا بالسوق
عبدالمحسن:أبيع اللي يبيعك يابو خالد
رائد يلتفت الى عبدالمحسن القابع بالخلف ويهم لتقبيل أنفه:أسمح لي يامحسن أنا مرات أضيع مفتاح لساني
عبدالمحسن :ياأخوي لاتحاتيني أنا مبرمج نفسي ماأزعل أبد وش لي بالزعل العمر كله مره وحده ان راح بزعل
عشت عمري كله زعلان
شعوري يزداد ضيقا" لحظه تلو الأخرى:يالله جيب العواقب سليمه يارب
*******
*****
***
**
*
:هويديييييييي
هههههههههههه ضحكاته ملات المكان:أنتي ياالرادار وش لون عرفتيني؟؟
أعرف ثرى خطاك بالتراب ياالغالي تعال اقرب خلنا نتونس منذ مبطي عن سوالفك
هادي يجلس بالقرب من هيفا وهو يلتفت عليها:ياالنصابه توني تحت معكن ,الا قولوا لي وش عندكم فوق؟؟
منيره تسكب شاهي لأخيها وتمده له:والله رقيت أنا وحسون ولحقنا العواذل
خلود تقترب من هادي :ماعليك منها هدوي أصلا" وش نبي بوجهها الا قولي وش سالفة عمي خالد ماعاد شفناه
وأنت تقول توك محاكيه
هادي الذي يتذكر طلب عمه وهو يقرص خد أخته بل ابنته خلود:تعجبيني يابنت تدرين أني ساج من ذاالسالفه
هيفا:وش عنده عمي ؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك