رواية اعشقه وصعب أنساه لاني نسيت أنساه -8
البارت الثامن:
في وحده من اكـبر المجمعات وعلى مجموعه كراسي مخصصه لغـــير العائلات كانت مجموعه من بنات هذا الوقت مثل ما كان يسميهم المار و الجاي.. البنات كان لابسهم و صوتهم ملفت للانظار و خصوصا الشباب اللي كانوا يحمون حولهم..
البنات كانوا طبعا عباتهم مفتوحه و الشعر ثلاث ارباعه طالع غير الميك اب و الاكسسوارت الامعه..
لانا صـديقه فوزيه واللي كانت جالسه جنبها اشرت باصبعها على واحد كان يحرك لهم حواجبه و يبتسم: بيموت من القز فيك فوز..
فـوزيـه وهي تطلع نفس بدلع غصب: اففففففففف مـلل بصـراحه كل واحد ابشع من الثاني.. ماعاد قي وسيمين في الديره..
روز صديقتهم الثالثه: مافي الا نسافر و نشوف لنا من هذي الدول اللي بره احد على مستوى..
فوزيه: تنكتين مع هالوجه... اللي بره كلهم طمعانين فيك..
لانا: ماهو مهم طول ما انا مرتاحه خل يطمع لحد ما يشبع..
فوزيه رفعت حاجب و ركزت بعيونها على واحد من الماريين كان شكله غير عن كل الشباب في المجمع الخلل الوحيد فيه انه كانت في وحده بجانبه .. بدلت من وجهها نظرت القهر بنظره فرح ودلع: خــــــــــااااااااااااااااااااااااااااالد...
لانا و روز حركوا عيونهم على الشاب اللي التفت على الشخص اللي ناداه، تفاجـأ لما شاف فوزيه وبدأت ملامح الغضب على وجهه و هو يراقبها وهي تلوح له بكل ثقه..
الجـود اللي كانت جنب خالد رفعت حاجبها فوزيه كان لابسها اوفـر في نظر الجود صحيح الفرق ما كان كبير لكن فوزيه كانت متعمده ترفع رجلها علشان تبان من تحت العباه المفتوحه ..: من هذي؟
خالد بعصبيه سحب الجود و بعد عن المكان المشبوه في نظره واللي كان اغلبه شباب يتأملون البنات الملفتات..
فوزيه بعد ما شافته يبتعد نزلت يدها و لبست وجهه القهر من جديد، لانا رجعت لمحور حديثه الاصلي: صعب تلقين واحد مثله !
روز وهي تطلع نفس طويل: المشكله شفتي الشيفه اللي كانت معه!!..
فوزيه وهي ترفع حاجبها و تلوي وجهها: تظل احسن من الكئيبه خوله!!
لانا : هههههههه ايش جاب سيره هالارمله علشان تقارنينها في زوجه خالد..
فوزيه: اجل اسمعي هذي الصدمه، الكئيبه البشعه الارمله اللي كاسره خاطر الكل تزوجت!!
لانا وروز توسعت عيونهم و ينفس الوقت : ايييييييييييييييييش؟؟؟ تزوجت بعد فيصل وهي اللي تقول ان حياتها انتهت بانتهاء حياته؟؟؟
فوزيه: هههــ حصلت واحد يسوى فيصل و اهل فيصــــل... قطـعه من الجمال .. ما شفت مثلها في حياتي...
لانا: يااااااااااااااااااااا كبــر حظها!!!
روز: مالت على حظنا كل هذا الزين و كل هذي الكشخه و ما يخطبنا و يعاكسنا الا الدرجه السابعه!!
فوزيه بثقه : وتتوقعون هذا الوسيم يبقى مع حوووووووووووووووووله؟؟ (( انتبهو على اللقب به معنى بعدين))
روز: ايش قصدك.؟
فوزيه: راح تعرفين بعيدين... خل نمشي وراي اشياء كثيره اسويها.....
-
-
-
دخل خالد الكبينه مع الجود اللي من اول ما دخلوا انفجرت بالاسئله: من هذي اللي اشرت لك!!!!!؟؟؟
خالد جلس و سحب القائمه: وحده!!
الجود بغيـره واضحه: ادري انهااااااااا وحده... من هي ؟؟؟
خـالد: ممكن نسكر الموضوع.!!
الجود استخدمت سلاحها المعتاد وبدت تبكي: اه اهه اه تخوني يا خالد!! تخوني وانا لسى عروس....
خالد بدت طريقتها تزعجه حتى وان كانت حساسه لازم تصير قويه و توقف هذي التصرفات و الغيره الزايده: ما خنتك!! ولا يمكن اخونك يا الجود!!
الجود وهي تحاول تمسح دموعها: اجل ليش رافض تقول لي من البنت اللي نادتك وبكل وقاحه قدام الناس و هي تشوفني معك؟؟
خـالد تنهد وجاوب ببرود: وحده من قريباتنا!!
الجود: بس انا ما شفتها في عرسنا!!!!
خـالد: ببساطه مستحيل تحضر عرس الانسان اللي كانت ناويه تتزوجه و رفضها!!
الجود انصـدمت اول مره تسمع في هذا الموضوع وحده كانت راميه نفسها على خالد ورفضها بصراحه شيء مسلي و تقدر تستغله : حبيبي انا اسفه اني شكيت فيك..
خالد وهو اخيرا بدأ الحديث معاها يعجبه: لا تهتمين هي اصلا تعمدت هذي الحركه علشان تزعجك..
الجود بدلع : يعني مانت زعلان مني..
خـالد: اكيـد لا يا حياتي...
الجود ابتسمت وهي تحس بالنصر لكن ان كانت هذي البنت الوقحه قررت تبدي الحرب بهذي الحرب الجود بتنهيها و طبها مستحيل تنهيها من غير الفـــوز
-
-
بـعد اسـبوعين :
عيـونه كانت ملازمه لشاشه الابتوب لسـاعات من غيـر توقف، حتى لما كانت يمد يده لقطعه البسكويت او كوب القهوه الرابع او الخامس خلال ثلاث ساعات.. هذا حالها كان تقريبا من اكـثر من اسـبوع في اغلب الاوقات خوله كانت تنام وهو لسى على شغله و في الوقت الثاني كان ينام قبلها و لما تصحى تلقاه اما على لابتوبته او يراجع اوراق
خوله كانت تراقب يـوسف من زاويه جانبيه وهي تتظاهر انها تشاهد التلفيزيون اللي كان طبعا من غيـر صـوت..تأففت خـوله و مشت قريب لعنده، يوسف رفع حاجب لما شافها ماشيه لعنده صحيح هي ضايقته و شتت افكاره لما جابت له القهوه و البسكوت بس الحين مافي اي سبب يتركها تجي لعنده..
يـوسف بنفسيه: نعم؟؟
خوله وعلى وجهها نظره جاده: المـغرب اذن من زمان!
يـوسف تجاهلها و كمل طباعه: ادري..
خوله : الصلاه يا يوسف!!
يـوسف تأفف مره ثانيه: قـلت لك بعيدين!!!!!!!!!!1
خـوله وهي تحاول تتمالك اعصابها اللي ثارت في داخلها: اترك الشغل عنك العشـى قرب و ما راح يمديك تصلي الا اذا قمت معي الحيـن و بسـرعه ولا بيدخل العشى وانت ما صليت فرضك..
يوسف قام من مكانه و عطاها كف على وجهها طيحها على الارض: بتعلميني ديييييييييييين من هالوجه!!!!!!!!!
خوله نزلت دموعها قهر و حزن على حالها و حاله سحبت نفسها بثاقل و طلعت من الغرفه وهي معطيته ظهرها و خايفه تواجهه..يوسف التفتت للشاشه وكان بيكمل بس حس ان افكاره تشتت، دخل الحمام توضى و صلاه و بعد ما سلم بدقايق سمع صوت الاذان ( ساعه الاذان اللي موقتته خوله ) وهو يأذن.. حمد ربه ان خلص قبل لا يأذن صلى العشى بعد ما اكتمل الاذان علشان يتفرغ لشغله و رجع لجاهزه تفاجأ لما لقاه مفتوح صحفه جديده و مكتوب..
ما هو عزيـز القارىء حكم تأخير الصلاة بدون سبب ؟
الحمد لله والصلاة والسلام على رسول الله وعلى آله وصحبه أما بعد:
فإذا كان قصدك تأخيرها عن وقتها بحيث تكون قضاءً فهذا من أعظم المحرمات والوعيد فيه شديد ، فقد فسر العلماء قوله تعالى ( فخلف من بعدهم خلف أضاعوا الصلاة واتبعوا الشهوات فسوف يلقون غياً ). [ مريم : 59]. أقول : فسروا إضاعة الصلاة بتأخيرها عن أوقاتها . والله جل وعلا فرضها ، وفرض أن تؤدى في وقتها فقال :(إن الصلاة كانت على المؤمنين كتاباً موقوتاً ). [ النساء: 103].
وأما إذا كان قصدك تأخيرها عن أول وقتها فلا حرج عليك في ذلك وتكون قد فوت على نفسك فضيلة أول الوقت. هذا إذا كنت معذوراً في ترك الجماعة وإلا فإن الجماعة واجبة لقول النبي صلى الله عليه وسلم: " من سمع النداء فلم يأته فلا صلاة له إلا من عذر " رواه ابن حبان . والله أعلم.
يوسف توسعت عيونه و حس بخجل من نفسه، البنت كانت تبي تنقذه من ذنب يستحقه بكل جداره انسان كان الشغل و اثاره اعجاب ابوه فيه فوق كل شيء حتى دينه و فروضه، صحيح ما كان يفوت فرض لكن كان يتهاون فيه و يأجله احيانا لساعات كثـيره خصوصا انه و من صغره ما تعود على الالتزام في الصلاه و الفروض و خير قدوه له ابوه و زوجه ابوه ما كانوا الحريصين كل الحرص عليه ...
خــوله اللي ظن لانها من عائله متحرره راح تكون مثله وممكن اسوء انصدم فيها : بس فعلا قويه..
رغم الكف اللي اخذته منه استمرت في البحث عن طريقه علشان تبلغه فداحت خطأه..طلع يوسف نفس طويل و مشى لخزانته سحب له معطف مطري لان الجو كان ماطر و مشى يدور عليها في البيت اللي ما كان كبير، مثل ما توقع كانت في المطبخ تشغل نفسها عنه و عن اخطاءه، بنبره كان يحاول يخفي فيها خجله منه: ايش اللي قاعده تسوينه..
خوله بصوت مبحوح دليل انها كانت تبكي ومخفيه وجهها عنه: العـــشى...
يوسف حس بقلبه ينعصر لما سمع صوتها: تركيه عنك و امشي معي بنتعشى بره..
خوله نزلت راسها اللي كانت مستمره في اخفاءه و ردت عليه: مالي نفس اطلع لحالك...
يوسف صب من جديد ما كان عارف ليش كل كلمه منها تثيره و تصنع منه الحمل الوديع وحش كاسر.. مشى يوسف لجهتها و سحبها من يدها لجهته : لمــا أأأأأاكــلمك طـــــــــــــالــعيــــــــ..........
يـوسف انصدم لما شاف وجهها و حس بالكلام ما يطلع من فمه خوله كان عيونها حمرا من كثر البكي و خدها لونه بنفسجي ، شفايفها من جهة اليمين كانت تنزف . ... واضح من ضربته.. ما كان متوقع ان كل هذا بيصير في هذي المخلوقه من كفه.. صحيح وجهها اصفر و شاحب طول الوقت.. لكنه ما كان يعني ابدا انه ماهو رقيق ولا ناعم.. يوسف رفع يده و لمس خدها المتألم : اســف..
خوله بعدت وجهها عن يده : مافي داعي للاعتذار انا غلطت لما رفعت صوتي عليك...(رفعت يدها و حطتها على خدها) وهذا كان عقابي..
يوسف سحب يدها اللي كانت على خدها: بس انا كنت غلطان وانتي صححتي هذا الخطأ ...
خوله غمضت عيونها و من غير لا ناتج كلامها: سويت هذا وانا اعرف انا النقد اكره شيء عند الرجال خصوصا من أمرأه..
يوسف رفع حاجبه وهو يسمع كلامها مستحيل تكون تعلمت هذا الشيء من الكتب لان اغلب الكتاب الرجال يرفضون الاعتراف بهذا الشيء مع انه واضح وهم نفسهم يعرفونه: فيصـل قالك هذا الشيء!!
خوله عقدت حواجبها حزن من كلمته بتردد كذبت: لا...خـالد..
يوسف سكت وهو عارف من طريقه ردها انها تكذب عطاها ظهره و توجهه للباب: لا تطبخين.. بجيب عشى من بره..
خوله ظلت صامته لحد ما سمعت صوت الباب و ينغلق من وراه: يوسف...
خوله حست بكلام افراح يرجع لذاكرتها و مخيلتها من جديد..
-
قبــل اسبـوع:
خـــوله: افراح وعدتيني انك بتتحرين عن يوسف بطريقتك و ........
افراح قاطعتها بنفس وهي تكلمها على التيلفون: والله ما اعرف ايش اقول لك يا خـوله بصراحه وضعك معقد وصعب..
خوله بتعجب يتغلله الفضـول: ليش؟ ايش اللي عرفتيه..
افراح: بصراحه يا خوله اغلب معارفي في الرياض بلغوني انهم ما عندهم اي خلفيه او معلومات عن يـوسف الـ..... لانهم بالاساس ما كانوا يعرفون ان بو فـهد الـ عنده ولـد غيـر فـهد.. و بنـات..
خـوله توسـعت عيونها من الصدمه: ايش؟؟؟؟؟
افراح: خليني اكمـل.... بعد مده اكتشفت ان بنت خالتي جمانه صديقة أفنـان اخت عبدالرحمن زوج الجوهره اخت يوسف الكبيــره,,,
خوله بتوتر : افراح ارجوك اختصري وترتيني بكلامك...
افراح وهي تأنب نفسها: اسفـه ،، المهــم .. اللي فهمته من جمانه ان الجـوهره في حياتها ما جابت سيرة اخوها بالخيـر او مدحت قدام اهلها مع انه نائب ابوه في الشركه و المسؤول عن اغلب الشغل وذراع ابوه اليمين، وتمدح في فـهد اللي فتح له شـغل غيـر معروف بعيـد عن اهله..
خولـه: اذا كان يـوسف ناجح و متميز لهذي الدرجه ليـش ماهو معروف عند الناس؟
أفراح : اسمحيلي اكمل.. طبعا انا ما قدرت امنع نفسي من اني اسـال هذا السؤال لجمانه... ردت جمانه علي بعد ما سـالت امها و فهمت منها ان يـوسف هو ولد الزوجه الثانيه الغيـر معروفه لابو فـهد..
خولـه بصدمه: يـوسف اخ من جهة الاب بس؟
أفراح: ما هو بس هذا لان اللي فهمته ان ابو فهد تزوج هذي الزوجه بالسـر بهدف انجاب الولد ولما جابته بعد ما جابت ام فهد ولدها فهـد طلقها ابو فهد و عطاها مبلغ كبير و طلب منها تتنازل عن الطفل و طبعا ام يـوسف و بكل قسـوه لما شافت الفلوس باعت لحمها و تركته لزوجة ابوه تربيه و طبعا من المسلسلات و اللي سمعتيه مني اعتقد تقدرين تتوقيعين المعامله اللي عاشها طول عمره خصوصا انه في مثل عمر ولدها و متفوق عليه في جميع النواحي...
خوله نزلت راسها و ارتسمت ملامح كلها حزن و اسى على يـوسف... الحــين فهـمت سبب زواجه منها...: مشـكوره يا افراح... ما راح انسـى لك هذا المعروف..
افراح بابتسامه حزينه: خوله اما ما اعتقد اني الانسانه المناسبه علشان تنصحك لانك كنتي انتي صاحبه افضل نصيحه في مدرستنا كلها.... بس اللي اقدر اقوله اصـبري.. ومهما صار تذكري اللي قلته لك ....و ابحثي له عن الاعذار و انا متأكده انه راح يحبك خصوصا انك فنانه في جمع اكبر عدد من المعجبين...
خوله ابتسمت وهزت راسها وهي توعده: ان شاء الله..
-
في الوقت الحالي.
رجعت خوله الاطباق اللي كانت ناويه تطبخها لمكانها و توجهت لغرفته ترتبها من جديد و تغسل الملابس: كره اهلك هو سبب زواجك مني... وضعوا لك اخر عقبه في طريقه سعادتك مع اسره و زوجه... انا يستحيل ارضى لك بهذي الحياه او ارضى اكون جزء من هذا الشيء... لما نرجع من السفر راح اتركك..
-
-
في اليـوم الثاني
في مشـغل ام بدر..
بعد ما سلمت جمـيله بريد الصباح للسيده منيـره توجهت لمكتبها كانت مكتئبه و حزينه و الارهاق كان دليل قلت النوم بس الشيء اللي كان موجود مثل الضيف الغير مرغوب فيه على مكتبها كان كافي يصحيها من صدمتها مغلف اصفر كريه و ثقيل كان على مكتبها في انتظارها... اشرت للموضه المسؤوله عن استلام الطرود و جاوبتها ان واحد طلب منها تسلمه لها...
جميله اللي ما كان عندها استعداد تستفسر و تسـال قررت تجلس و تفتحه بهدوء.. ثواني قليله قبل لا تقفزم من مكتبها مثل المذعوره و تغطي فمها بيدها لتنمع نفسها من الصراخ باعلى صوت عندها... المغلف كان
عباره عن مجموعه كبيره من صور لها في امكان قذره و بين اشخاص مشبوهين و تصرفات يقشعر منها البدن... جميله حست بالدموع تنزل من عيونها و تسحب تتمت الموضوع شريط كامل مكتوبه عليه (الليله الاولى) و رسـاله..
راح تمرك سـياره مرسيدس سوداء بانتظارك.. اركبي فيها و بهدوء اذا ما تبين النسخ الباقيه من الصور و تصوير الليله الثانيه و الى العاشره ينشر بكرا في النت و كل مكان...
المرسـل: انتي عارفه من.
جميله انهارت على الارض من البكاء و الصياح كل الموظفين بما فيهم ام بدر تجمعوا عليها.. ام بدر نزلت لمستوى جميله و مسكت كتفها: ايش اللي صاير يا جميله...
جميله وكان كلام ام بدر ذكرها بالصور مدت يدها بسرعه و اخفته بس مو قبل لا تنتبه ام بدر ان صـور مع انها ما كانت واضحه هي اللي كانت داخل الملف: تـعبانه!!
ام بدر رفعت جسمها بعيد عن جميله و بعدت الموظفات اللي تجمعوا عليها: كل وحده على شغلها..جميله تقدرين ترجعين بيتكم..
جميله قامت من مكانها على الارض, اخفت الملف معها و لبست عباتها و غطاها و طلعت كانت مثل ما قال كانت السياره السوداء في انتظارها.. حست بالدموع تتجمع في عيونها بعدت عن الطريق لكن السياره استمرت في ملاحقتها لحد ما صارت ملاصقه لها انفتح الشباك و شافت وجهه المبتسم : اركبي..
جميله بصوت مبحوح: ارجوك يا فـهد اتركني في حالي!!
فـهد وهو رافع حاجب: مستحيـــل.... اصـعدي ولا تفضحين نفسك!
جميـله: فـهـ
فـهد فتح الباب : لا تجبريني اسحبك بالقـوه !!!!!
جميله استسلمت و ركبتت وهي ما تدري عن العـيون اللي كانت تراقبها...
فـــهد كان مبتسم وهي يراقب جسمها اللي كان يرجف: شلونك يا جميـله!!
جميله كانت تبكي و تبكي: حرام عليك يا فهـد انا الحيـن متزوجه وعندي عيال....
فهد حط رجل على رجل و يده تحت وجهه: انزيــن...
جميـله: ارحمنـــي كافي اللي اخذته مني .........في البدايه وعدتني بالوظيفه ... وعدت بنت قرويه يتيمه بالوظيفه الكبيـره المعتبره.. و مع الوقت مثلت علي دور العاشق و تركتني في لحظه ضعف اسلمك كل شي لما وعدتني بالزواج...... اخذتني لبيتك علشان اشوف امك لكن الحقيقه كانت العكس كنت تنتظرني انت و اصحابك!!!!!!!1 و بعد ما نسيت اللي صار و نسيت انك رميتني بعد ما اكتفيت....وبعد ما تعبت و تعبت لقيت الوظيفه الشريفه اللي تحفظني و تغنيني و تزوجت من ذاك الرجال المحترم المتسامح و عشت حياتي تبي ترجعني للحرام من جديد............ حراااااام عليك!!!!!!
فـهد كان يراقبها و هي شبه منهاره و ابتسامته الصفراء ما زات على وجهه: انا ما انكر اني احتفظت بالصـور يا جميله لاني كنت ناويه استعيدك في يوم من الايام...بس...
جميله : ايــش..
فـهد رفع حاجب و هو مبتسم : في شيء ابي احصـل عليه وانتي وحدك تقدرين تجبينه لي!!!
جميله بفرح قربت منه: ايش هو انا راضيه باي شيء..
فهد اطلق القنبله في وجهها ببرود: أم بــــدر!!
جميله توسعت عيونها من الصدمه: أأأأأأأأأأأأأأأأأأأأأاايش؟؟؟
ام بـدر رجعت بيتها بعد نهايه الدوام دخلت البيت و مخها كان مشغول ما بين جميله اللي وضعها ما كان ابدا مريح و خوله اللي ما تتصل الا اذا هي اتصلت و تقدر تعرف من صوتها انها غير مرتاحه..
فصخت عباتها وهي تراقب الباب كان السجاد جنب الباب ماهو مرتب الطريقه اللي هي مختارتها: سوووووولي!!!
ام بدر انتظرت وهي تمشي لعند الصاله الكبيـره: ســــــــــووووووووووولي!!!!
بعد دقيقه سمعت ام بدر سـولي وهي تركض من جهة الطابق الثااني : يس مدام
ام بدر رفعت حاجب وهي تراقب شكلها المتعب: وين كنتي؟
سولي وهي تبلع ريقها: انـااااااا كـــنننننت ......... اه كنت اتأكد من الشبابيك في ذباب دخل البيــت!!
ام بدر حست انها تموه و تغطي على شيء ما همتها اشرت لها على السجاد و على الطريقه اللي تتمناها...
مشت لعند غرفتها و قبل لا تدخل: مدام منيره!!
ام بدر التفتت لرئيسه الخدم عندها (جاسمين) : ايش في يا جاسمين؟
جاسيمن كانت تشتغل عند ام بدر من سنين وتثق فيها: مدام الجـود عطت سـولي فلوس في مقابل انها تشتغل لها!!
ام بدر تفاجأت و عصبت: ايش!!!
جاسيمن: سـولي تغسل ملابسها و تنظف جناحها و تجهز لها وجباتها ..
ام بدر عقدت حواجبها: كذااا...!! طيب يالجود......... استدعي لي كل الموظفات في البيـــت..
بعد دقايق ، ام بدر كانت جالسه في مكتبها و كل الموظفات ، من شغلات الى طباخات الى مسؤولي الحديقه و مرافقاتها و السواقين ، رئيسه الخدم جاسمين قررت تفتتح النقاش بما ان الشيء الوحيد الظاهر من سيدة البيت هو وجهها الغاضب: كل الموظفين و الموظفات موجودين سيدتي..
ام بدر رفعت حاجبها و بدت في الكلام: اولا و قبل كل شيء حابه اشكر البعض المخلص و المتفاني في العمل و ابلغهم ان مرتبهم راح يرتفع بنسبه 50 بالمئه..
اغلب الموجودين طاروا من الفرح و بدوا بشكر ام بدر و الدعاء لها، ام بدر رفعت يدها علشان يتوقفون و كملت بنبره احد من سابقتها: لكــــــــــــــــــــن... البعض اللي تجاوزوا حدودهم و فكـروا في عصـيان اوامـري.. راح يندمون اشد الندم!!!
واحد من اقدم الموظفين تكلم وهو يعرف ان سيدته ما تعصب الا من شيء كبيـر: من اللي عصاك يا سيده منيره!!
ام بدر حركت عيونها وبسرعه لسـولي اللي كانت متخفيه في الخلف: ســــــــــولي!!!! اعتقد ان القوانين اللي وضعتها كانت سهله و بسيطه!! انا سيدته هذا البيت و اوامري بس هي اللي تنفذ... و عطايتكم الاذن في الاستماع لاوامر خوله و خالد و بو بدر بس لما ما تتعارض مع قوانين البيت!! و ما اذكر ان خدمه الجود!! جزء من هذا الاتفاق..
سولي تفجرت الدموع من عيونها وهي حاسه ان نهايتها قربت : سيده منــــيره اناااااااااااا...
ام بدر حركت وجهها بعيد عنها: اخذ اغراضك و اطلعي من بيت!!!!!
سولي انهارت على الارض و قربت من ام بدر تبوس يدها: ارجوك يا سيده منيره لا تطرديني!! ارجوك!!!!!!!
ام بدر سحبت يدها بعيد و طلعت من الغرفه سولي استمرت في البكي لوقت طويل قبل ما يجبرها باقي الموظفين على المغادره...ام بدر كانت قاسيه قسوه شديده مع كل من يعترضها او يحاول يغير اي من مخططها قلبها حجر مع كل يخدع او يأذي ابناءها و الجود تخدع خالد ... ام بدر كان بالنسبه لها وتر حساس اعلن ابتداء من اليوم حرب شديده و كبيــره مع الجود..
بعد ساعتين:
صحت الاميـره النائمه الجود من غفوة بعد الظهر وحسـت بجوع فقررت تنادي سولي تجهز لها شيء خفيف تاكله طلعت من غرفتها طبعا لغرفه الجلوس تفاجأت لما شافت سله الغسيل في مكانها: هذي وينهاااااااا
مشت الجود لجهاز الانتركم و اتصلت على المطبخ: سولي وين؟؟؟
ردت عليها وحده من الموظفات: سولي مشت!!
الجود تفاجأت و سالت: ايش؟ ايش يعني مشت؟؟
الموظفه: السيده منيره مشتها!!
الجود وهي تتظاهر ان الموضوع ما اثر فيها مع انها كانت فعلا مستغربه لان سولي هي اللي مشتها ام بدر من بين الكل: انزين تعالي لغرفتي او ارسلي لي اي احد..
الموظفه بنبره بارده ووقحه: اسفه!! ماعندي استعداد انطرد مثل سولي!! و السيده منيره تقول اذا الجود ( انتبهوا من غير كلمه سيده) تبي شيء خل تجي تاخذه بنفسها!!!
وسكرت الموظفه الخط في وجه الجود اللي كان وجهها في قمه الصدمه: اهههههههههههههههههه مستحيل انا ماني شغاله عندها
قعدت على اعصابها وهي تفكر و تفكر بطريقه تقنع خالد يجيب لها شغاله، سحبت بعض ملابس خالد ورمتها على في حوض ماي في حمامها الخاص و صبت مااي حااااااااااااااار مغلي و و بدت تحركها بسكينه و شوكه .. لبست فستان قصير اصلا ما كان عاجبها و رمت عليه بعض من قطرات المبيض ( كلوركس) اللي خرب لونه وصار فيه بقع باهته و حطت كريم احمر على يدها و انتظرته بفارغ الصبر..
لما رجع خالد للبيت وعلى وجهه ابتسامه عريضه دخل وهو يغني اسمها: جووووودي حياااتي انتتتتتي وين؟؟
خالد تلفت حوله وما شافها.. على غير عادتها ما كانت جالسه تشاهد التلفزيون ولا في غرفه نومهم: جووودي؟؟
خالد بعد ثواني سمع صوت انين وشهقات من الحمام مشى لعندها و تفاجأ و هو يشوف على الارض شبه منهاره وتحضن بيدها ثوب من ثيابه: جوودي؟
الجود التفتت له وعلى وجهها نظرت حزن و بكاء طبعا كان مصطنع التفتت بعيد واشترت له يبقى مكانه: لا تقرب ارجوك!!
خالد تجاهل كلامها ومشى لعندها بسرعه: الجود ايش اللي صاير ليش تبكين
الجود وكانها كانت تنظر السؤال انفجرت بكاء و هي تعطيه المجال يشوف ثوبه التالف واللي تحول الى قطعه مهتريه: اسفه والله اسفه!!
خالد قرب منها و سحب الثوب و طبعا هذا الشيء عطاه المجال يشوف يدها الحمرا و البقع الباهته على ثوبها: ايش اللي صار تكلمي..
الجود: انا كنت ابي اغسل ملاابسك لان الشغالات ما رضوا يغسلونها بحجه انهم ينفذون اوامر خالتي بس و خالتي ما كانت موجوده ولا انا كنت بستأذنهاااا ... حاولت اغسل بس ما عرفت لان في حياتي ما غسلت ملابس وهذي النتيجه،، خالد انا اسفه لان افسدت ملابسك سامحني...
خالد انفجر غضب: بااااااااااااي حق ما يطيعووونك انا اعلم مكانهم الحـــين...
الجود مسكت طرف ثوبه علشان تمنعه وعلى وجهها نظرت انسانه جريحه: انا ما ابي شيء ارجوك سامحهم هذول مساكين ينفذون اوامر خالتي لا تقطع رزقهم ارجوك..
خالد تراجع بعد ما شاف دموعها وطلع نفس عميق: ويلموني فيك،، طيبه وحنونه حتى على الناس اللي ما تستاهل!!
الجود ابتسمت له وكملت: انا ما ابي اظلم احد بس بما اني مبتدأه حبيت اخذ وحده من الشغلات لحد ما اطلب ل
وحده خاصه ووعد ما ازعجهم مره ثانيه!!
خالد رفع حاجب: تطلبين وحده جديده..
الجود فاجأها كانت متوقعه انه بيركض على بره يجيب لها وحده: ليش؟؟
خالد : امي لها شروط معينه لاي موظف في البيت و ما اعتقد تقبل اني اطلب شغاله لي من غير اذنها..
الجود عصبت بس ما حبت تبين له مثلت الحزن و كملت مسرحيتها: خلاص يا خالد ما ابي شغاله.. لان ببساطه ما ابي اي مشاكل مع خالتي!!
خالد: ايش اللي ما تبين شغاله!! اليوم اتلفت ملابس و ملابسك و اذيت يدك بكرا ايش اللي بتسوينه .... انا الحين نازل اكلم امي...
بعد ما طلع خالد مسحت الجود دموعها و راح تغسل وتتجهز له في نظرها خالد يحتاج مكافئه..
في جناح ام بدر
كانت ام بدر جالسه مع بو بدر يشربون شاي حسب روتينهم المعتاد يكلمها عن الشغل و هي تناقشه في مواضيع
بو بدر طلع نفس عميق دليل حزن: مشتاق لخوله!!
ام بدر غمضت عيونها وهي تتذكر اخر حوار لها مع بنتها الوحيده: حتى انا!!
بو بدر: انا ان شاء الله ماني خايف عليها يوسف انسان محترم و مثقف و اتوقع انها بترتاح معه كثير لانه مثلها ..
ام بدر ما تدري ليش مرت صوره فهد في مخيلتها .. هل من الممكن ان يوسف يكون مثل فهد...
قطع حوارهم الهادئ دخول خالد المفاجأ، بوبدر نزل فنجانه و التفتت له: خاااااااالد شلون تدخل كذا من غير ما تطق الباب!!!
خـالد: اسف!!
بو بدر ابتسم وهو يغمز له: فرضنا و امك كنــا مشــــغووووووليــــــــــــــــــــــــــــــــــي ن
خالد عطاه نظرت احراج بس ام بدر كانت نظرتها غير مباليه: وكان هذا الشيء ممكن يصير يا عجوز..
بو بدر حس بالاحباط: انا عجوز!!
ام بدر تجاهلته و التفتت لخالد كانت عارفه هو جاي لايش .. ماتوقعته خفيف لهذي الدرجه: خـير يا خالد؟
خالد تذكر الموضوع اللي كان جاي علشان: انا بجيب شغاله للجود.. و حاب ابلغك ان...
ام بدر قاطعته و بسرعه: مرفوض!!!
خالد و ابو بدر فاجأهم ردها القوي و السريع: ليش!!!
ام بدر من غيـر ليـش: اوامري هي الوحيده اللي تتنفذ في هذا البيت و ماهي انا السيده منيره اللي ينحسب لها الف حساب تجي بزر بعد كهالسنين و تمشي كلامها علي!!!
خالد : بس الجود ما سوت شيء غلط حاولت و فشلت!! ومن حقها يكون لها شغاله خاصه خصوصا انها من عائله كبيره و محترمه..
ام بدر: لو انها محترمه ما رشت شغالتي علشان تقوم باعمالها و كانت النتيجه اني طردت الشغاله..
خالد فاجأه كلام امه، الجود ما قالت شي عن هذا معقوله يكون كلام امه تأليف: يمه ارجوك انا جيت استأذنك واسـالك عن الصفات اللي لازم تكو.......
ام بدر قامت من مكانها و بكل قوه: ما راح اعيد كلامي يا خالد الجود هي اللي بتقوم بمسؤولياتك غصبن عليها !!! ومافي شغاله خاصه!!
خالد بنبره عاليه: يمــــــه!!!
طرااااااااااااخ
خالد و بو بدر انصدموا لما صفحته ام بدر: ماهي انا يا خالد اللي ترفع صوتك في وجهي علشان حرمه!! وتذكر انا هذا البيت بيتي!! واذا كان كلامي ماهو عاجبك تقدر تطلع ولا توريني وجهك مره ثانيه..
ام بدر عطت خالد ظهرها و دخلت غرفتها النوم، خالد كان مصدوم وخجلان من اللي حصل.. ابوه قام من مكانه وحط يده على كتفه: هونها يا ولدي!! امك تحبك و انا تعلمت من خلال العمر اللي قضيته معها انها ما تسوي الا اللي فيه مصلحه لنا كلنا!! و لها نظره حكيمه في الامور..
خالد حس باحراجه من نفسه و من ابوه اللي شاف اللي صار، طلع من جناح ابوه كان ناوي يرجع جناحه بس لما تذكر الجود وانها في انتظار القرار حس بتردد هو الحين عالق بين خيارين صعبين يسمع لمن امه اللي ما كان عندها اي سبب منطقي في نظره ولا زوجته المسكينه اللي تحاول تخفي حزنها عنه..
طلع من البيت وهو مشغول البال،، طلع وهو ما يدري ان امـه اللي كان شاك في قراراتها كانت تراقبه من وراى شباك غرفتها، ام بدر حركت عيونها لصـوره كانت جنب سريرها كانت صوره لها وهي تحظن خالد وخوله على يمينها و يسارها: هل يا ترى ممكن في يوم تتغيرين علي انتي بعد ياخوله؟
-
-
في شـقه يـوسف في المدينه الضبابه كانت خوله واقفه وبهدوء قدام الفرن تجهز كيكه صغيره لها و ليـوسف اللي كان وما زال على لابتوبه في لحظات استنتجت خوله ان اغلب الشغل اذا مو كله كان عليه، و من خلال اللي سمعته من افراح استنتجت بعد ان ازواج خواته و اللي في نظر ابوه اهم و اقرب منه مستغلين يوسف ورامي شغلهم عليه...
كان يجلس لساعات متواصله ابتسمت بحزن لما حسـت بتغير مفاجأ فيه اتجاه الصلاه من بعد اللي صار وهو من يـأذن الاذان يتوضـأ و يتوجهه للمسجد اللي كان في مكان ماهو قريب من شقتهم، فرحت لما حسـت انه تطور نتيجه لها..
بعد ثواني سمعت صوت موبايله واستغربت رده: فـهد؟
خوله تفاجأت من الاسم من سافروا الشخصين الوحيد اللي اتصلوا فيه كانوا ابوه اللي يامره و يتحقق من الشغل بشكل مستمر من غير طبعا لا يسـال عنه او عن احواله، واخته اللي اسمها العنود واللي حست من خلال كلام يوسف معها و ابتسامته لما يشوف اسمها انها الاخت الوحيده اللي تعتبره اخ لها..
فـهد اللي كان في حاله فسـاد كعادته كانت جنبه وحده من صديقاته و هو يتصل على يـوسف: سلام يا العريس .. ما سمعت عنك شيء ....
يـوسف: صار لي اسبوعين ولسى عريس بنظرك؟
فهد انفجر ضحك: هههههههههههههه هالدرجة متملل؟
يـوسف: لا .. بس بنظري ان اللقب ما عاد يناسبني يا فـهد..
فـهد بكلمه كان يقصد شيء من خلالها وهو يحظن صديقته بحركه كان يرمز فيها بشي ثاني: يعني اجرب حظي و اكون عريس من جديد..
يوسف انعصر قلبه من كلمته و ابتسم: انت اصلا من زمان عريس ..
فـهد:ههههههههه وانت من زمان عجوز!!
يـوسف: اختصر يا فـهد ايش اللي تبيه؟
فـهد وهو يتأمل وحده من صور جميله اللي كانت مثوره على طاولته: ولا شيء فرحاااان وحبيت افرحك معي.
يـوسف رفع حاجب: انت طول عمرك فرحان يا فـهد..
فـهد ابتسم وهو فاهم قصـده وانه طول عمره ياخذ اللي كان يوسف دايما يتمناه: بس هذا الشيء غيـــر.. الشيء اللي قربت احصـل عليه غالي و مهم و صار لي مده طووووووويله وانا انتظره.... تقدر تتوقع ايش هو..
يـوسف حس بغصه، من كم يوم العنود كلمته انه راح يسمع خبر سعيد ان شاء الله عن فهد و فاتن، شيء يجمع فاتن و فهد يوسف و بكل حزن عرفه، شيء اخذ منه حبيبته والا الابـد: ما اعرف اتوقع،،، لاني بصراحه مشغول.. عموما مبروك مقدما ..
فـهد ابتسم وهو عارف ان يوسف و اللي كان وما زال يحب فاتن عرف قصـده اللي لمح له فيه: اتركك مع شـغلك.. اخ اقصـد مع زوجتك مع السلامه ... بالمناسبه لا تتأخر علشان نزوجهم بعض ههههههه
يوسف سكر الخط على ضحكت فـهد وهو مقهور ضغط على راسه و نزل على المكتب بحزن..فاتن راحت راااحت عليه..
حس انه غرقان غرقان في بحر اسود ما فيه نور.. غرق في عالم الحزن.. والى الابد.... بس...
ريحه غريبه .. لا مألوفه داعبت انفه فتح عيونه و شاف كيكه الشكولاه اللي صنعتها خوله قدامه و خوله واقفه جنبه وبيدها شيء غريب.. فنجان؟
خوله صبت قـهوه في الفنجان و مدته له: ســـم...
يوسف اخذ الفنجان الصغير من يدها و تأمله : سم الله عدوك............ بس شلون؟؟؟
خوله نزلت الدله والتفتت له: لما نزلنا نشتري اغراض البيت فكرت اشتري قهوه عربيه و دله ... بما انك تحب القهوه التركيه و الفرنسيه فكرت اغير و اسوي لك قهوه عربيه على الاقل هي ما تتعب المعده مثل الباقي..
يـوسف كان متفاجأ و بنفس الوقت فرحان انها فكرته فيه حتى وهو كان باله مشغول عنها ، شرب القهوه وابتسم: القهوه العربيه الوحيده اللي اشربها ،هي قهوه موظفي الشركه.. طعمها عادي مقارنه بهذي..
خوله مدت صحن الكيك اللي قطعته له و اخذت فنجانه تمليه من جديد: مشكور على الاطراء.. بابا علمني طريقه صنعها و تقدر تقول اني تلميذه مجتهده..
يـوسف استغرب من ردها ابوها اللي علمها: ليش ابوك اللي علمك، وامك؟؟
خوله وهي مبعده عيونها عنه و مركزه في الكيك: ماما عاشت اول عمرها في بريطانيا و ما تحب القهوه ابدا بس مدمنه شاي بشكل رهيب..بس طبعا ما انكر انها معلمتي الاولى و العظمى في كل شيء
يوسف قطع الكيكه و اخذ منها قطعه و هو يقول في نفسه: امها و ابوها يحبوونها و مدللينها ..
يوسف حرك عيونه على وجهه الاصفر، شعرها الاسود الغير مرتب و ملابسها اللي ما يخلو منها السواد، من غير تفكير طرح سؤاله بصوت عالي: انتي ليش دايما حزينه؟
خوله تفاجأت و طاحت السكين من يدها: ا ا أ أأأ أهـ انــااااا
يـوسف حس ان السؤال فاجأها اصلا هو ما كان ناوي اصلا يسـالها كنوع من التعديل: اللي اقصده انك انسانه متعافيه و عايشه بين اسره سعيده و مترابطه و مدلله لاقصى درجه ليش الحزن يا خوله...
خوله رجفت و قررت تبتعد بس سؤال يوسف الاخير كان كفيل يوقفها: انتي حزينه على فيــصل زوجك السابق صح!!!
خوله وقفت في مكانها اسئله يوسف كانت كلها اصعب و اقسى عليها من الثاني.... كان ودها ترد و تقول له اي ولا يمكن افتح حزني لكن ما قدرت يوسف سـأل من جديد لكن هذا السؤال كان في نظرها الاصعب و الاصعب انها تخفي جوابها..
يوسف وهو ماهو حاس باللي يقوله: انتي لسى تحبينه صح؟
خوله ومن غير تفكير وفي نفس الوقت اصرار انها تقول لانه ان اختفه راح تهضم حق فيـصل في حياتها: اكيــد ولا يمكن احب احد بعـده..
خوله بعد ما اعلنت و بكل جراه عن حبها الابدي لزوجها السابق قدام زوجها الحالي ركضت هاربه من اي رده فعل ممكن تصدر من زوجها متقبل المزاج..
يوسف اللي كان من المفروض يغضب و يضربها ظل صامت في مكانه، و هو يعيد التفكير في كلامها اكثر من مره: هل يا ترى لو كان زواجنا في ظروف غير هذي و ما كنتي ارمله يا خوله ،، هل كان ممكن تحبيني مثل ما حبيتي فيصل..
-
-
-
في اليـوم الثاني وقبل بدايه الدوام
جميـله دخلت المشـغل بمفتاحها الخاص، طبعا هي تملك نسخه عن كل المفاتيح المشغل بما انها اكثر شخص تثق فيه ام بدر ونعم الثقه، فتحت الباب للمكان الاساسي لقدومها مكتب مديره المشغل دخلت الرقم السري و المفتاح، مشت لجهة خزانه الكتب بعدت الكتب ولقت الخزنه خلاصها كان داخل الخزنه ضغطت الرقم السري و بكل دقه خوفا من جهاز الانذار و بعدها فتحت بالمفتاح اللي كانت تعرف وين تخبيه ام بدر و انفتحت الخزنه طبعا كانت خاليه من اي فلوس، الشيء الوحيد الموجود كان مجموعه من الملفات و علبه مخمليه كبيره تقريبا .. بحثت جميله وبعد بحث قصير لقت الملف اللي طلبه فــهد.. حريتها و شرفها في يدها ان عطته لفـهد راح تعيش مرتاحه رافع راسها بين الناس و حافظه زوجها و عيالها من وصمه عار تلحقهم لاخر يوم في حياتهم لكن في نفس الوقت راح تخسـر الانسـانه اللي وقفت معها و سحبتها الى بر الامان وظفتها و عطفت عليها في الوقت اللي كان الكل ينظر لها بنظرات كلها مصالح، سترت عليها و زوجتها و ووثقه فيها..: سااااااامحيني يا سيـده منــيره.... الموت عندي اهون من اني اخونك!!! بس...... بس.....
بـعد ساعات وفي احد الكبينات المغلقه في مطعم, فهد كان ينتظر بفارغ الصبـر موعد التسليم قرب المغلف الكبيـر اللي كان في نظره يحوي شرف جميله و مستقبلها في مقابل ملف ام بدر.. سيده الاعمال المشهوره و ام زوجه يوسف اخوه و زوج الـجود اختـه..: راح تصيرين خاتم في اصبعي يا ام بدر و راح تنفذين كل طلباتي من غيـر تردد...
انفتح باب الكبينه و دخلت متغطيه كعادتها من فوق لتحت ، ابتسم وهو يراقبها تقرب بتردد، اشر لها و ابتسامته الصفراء ما تفارق وجهه، جلست وهي ميته من الخوف قدامه و بعيد عنه قرب النادل منهم و معه دفتر الطلبات..
النادل: اقدر اخذ طلبك الحيـن يا سيـد فــهد!
فـهد ابتسم و هو يتامل القائمه و يراقبها بطرف عينه طبعا هي ما اخذت قائمتها: عطني الطبق المميز لليوم ايس كريم للتحليه طبعا المدام( وهو يـاشر عليها بغرور) طلبها مثلي بالضبط.. اخذوا كل الوقت اللي تحتاجونه و لا تنسى اتمنى محد يزعجنا..
ابتسم النادل و هو ينصرف، فهد تأمل يد جميله المغطيه وهي ترجف وممسكه بالمغلف الكبير: ممكن اشوفه...
مد فهد يده يمسكه بس جميله تراجعت، فهد حس بملل اخذ ملفه و رماه قدامه: انا وفيت بوعدي و اتمنى توفين بوعدك..
جميله اخذت الملف و تأكدت انها 9 اشرطه و مجموعه كبيره من الصور مع الصور السلبيه..
فـهد كان يقدر ينتزع الملف منها بقـوه لكن ما حب يبان صوتهم خصوصا انهم في مكان عام : اأكد لك انها الصور كامله من غير نسخ...
جميله وبعد ما تأملت الصـور استسلمت و دخلت يدها في المغلف و سحبت الشيء اللي كان داخله، فهد تفاجأ لما حس ان الشيء اللي كان داخل المغلف مختلف عن الشيء اللي طلبه: انتي ايش اللي جــــايبــــ
انفجرت عيونه من الصـدمه وهو يشوفها تطلع المسدس و بسرعه اطلقت النار عليه ......-
-
-
يتبــــــــــــع:
اكثر حاجه توجع في لحظه الفراق
حبيبك تلمحه ودموعه رافضه تطلع
وكانه حالا فاق على ايد بتذبحه
وكانه ده عادي لا اقل كمان من عادي
والوقت ده في عمره الواحد راح على الفاضي
ومابين لقاء وفراق كاننا في سباق
ده بيكي وهو مفارق
ده فارق وماهوش فارق
من فينا وفه بوعده ومخانش الاتفاق وتبقى بمطرحو
طريق مفتوح وباب وصوت طالع بخوف
بيعلق الاسباب ع شماعه الظروف
خلاص مافيش جراح خلاص الوقت فات
معقول فيه حد ما هتعرف تجرحو
-
-
التـــووووقعااااااااااااااااااات( لا تنســـوووها تراااها مهمه))
1- تصـرفات خـوله و يـوسف مع بعض هل هي دليل على محبه في المستقبل ام عذاب طويل و ابدي لهم اثنينهم.
2- ام بدر هل خسـرت ولدها خالد و للابـد
3- خـالد هل راح يستمر في الاستماع لزوجته على حساااب امه؟
4- ايش هي خطه الجود الجديده بعد المشكله اللي تسببت فيها ؟
5- جمــيله الـــى ايــــــن؟
6-
7-
8-
9-
10- هــــــل مـــــــــــــــــــــــــــــــــــــــــات فـهد فـعلا؟؟؟؟؟
-
-
هــلوووو حياااتووو قلبـوووو..
شلونكم
و شراايكم بالصدمه صح خخخخ انا برينسس كاريسااا سيده الصدمات لووول
المهم في انتظار افكاركم و توقعاااتكم الطـــويله لا تنسووون طويله
المهم تركت لكم 4 توقعاات على مزاجكم كان المفروض اليوم احط مقتطفات بس خلها الخميس احســن
يسلمووو كل اللي ردود و انتظر ردوكم
لا تنسوووووني بالدعاء
بتعدي في حته .. انا قلبي بيتكسر مية حته
افضل في مكاني .. انشاالله لسته الصبح بفكر فيه
تقابلني في سكه قصادي تفوت .. ببقى انا على تكه ومش مضبوط
حد يقولي اعمل ايه .. يحكمني عليه
ليه يا حبيبي من يوم ما قابلتك .. وانت في كوم والدنيا في كوم
ليه عمري اللي فات والماضي قبلك .. كان فاضي ومالوش ولا اي لزوم
عملتلي إيه يوصلني للي انا فيه .. الله يجازيك
لا في بينا لا عشره ولا معرفه .. وابصم بـالعشره
خلاص بـالشفا انا من دلوقتي ورايح .. مجنون بيك
هافضل ورا منك .. الف وادور
انشاالله ان روحت لمية دكتور .. يا حبيبي دوايا ان انا استنى عينك
ليه يا حبيبي من يوم ما قابلتك .. وانت في كوم والدنيا في كوم
ليه عمري اللي فات والماضي قبلك .. كان فاضي ومالوش ولا اي لزوم
عملتلي إيه يوصلني للي انا فيه .. الله يجازيك -
-
-
البارت التاسع:
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك