رواية على عتبات الماضي -7
فتاه تميل الى النحف مطأطأه رأسها
للأسفل تستمع لأخيها ,, ترتدي زي المدرسه وحجابا" على راسها ,,,
جميله ؟ --نوعا ما
لكن بها جاذبيه غريبه أحس بأنها كمغناطيس يجذبه نحوها ,, اقترب من مكان وقوفهما هنا انتبه فهد الى رائد تحدث مع أخته قليلا"
ومابدا واضحا" له بأنها خجله ولم تكن تريد أن ترافقه ,,ابتسم لشكلها الذائب حياءا" منه
ركبا بهدوء ثم توالت الأخبار بين رائد وفهد وكأن لا وجود لها لكنه يشعر بتوتر لا يعلم لما,,,
أهي قوة المغناطيس الجاذبه الصادره منها ماتوترني ؟
أوصلهما وتحرك عائدا" الى منزله لم يستطع فتح الكتاب يشعر بوجودها حوله,,
نعم يشعر بها وكأنها مازالت قربه,,,
*******
*****
***
*
تجلس بسكينه ممسكه مقص بيد وبيدها الأخرى صوره وألبوم عرسها أمامها مفتوح تقصص من الصور وترمي
أتتها من الخلف جلست على يد الصوفى وأمسكت كتفها برقه
:منور خليها عنج أنا بقطها بالزباله
منيره:لا علويه بقصصها عشان أضمن أن صوري محد يشوفها ماأدري لو حطيناها بالزباله يمكن يحصلها أحد
عليا:أنزين زحفي لي باساعدج أحب أنا أقصص
منيره :جيبي لج مقص وحياج صوري قصصيها بذوق وبترتيب ,, أما صوره قطي مقصج وقطعيها بايدج بهالشكل وأخذت تشق صورته بصوره
مضحكه
عليا:أفا عليج أنا رجلج خلقه ماأواطنه بنتف صوره تنتيف
أكملا عملهما باخلاص وتفاني وكأنهما يؤديان مهمه ,,قاطعت الصمت عليا بحذر
:منيره عادي عندج موضوع الطلاق؟؟
منيره بابتسامه:وليش لأ ؟ أنا أحس أني تحررت وأخيرا" بأعيش بدون تأنيب ضمير
عليا متسائله:لهالدرجه كان حقير ؟
منيره:أنا خذيته جاهل وهو متوقع ياخذ وحده فل اوبشين تجي على هواه أفكار غبيه
عليا:بس كان يموت فيج؟
منيره:كــان ,, بالماضي لين تزوجني وكأن هالزواج ذبح الحب اللي بداخله
عليا:بس الغريب أنه طلق بسهوله توقعت يكون عنده دم ويطالب أنه يردج؟
منيره:حبيبتي أنا قلت لهادي ماعاد أبي أرد فهدوي فديته طلب منه طلب تعجيزي يدري أنه ماراح ينفذه وبيفضل أنه يطلقني
على أنه يسويه
عليا:قصدج بيته اللي مأجره بهديه؟
منيره:عليج نور أنا ماأبيه ولا أبي منه شي بس كنت أبي أحسسه بعجز وأنه ماعاد هو بقادر يطولني عشان كذا طلبت هالطلب
التعجيزي خليه يتحرر من الجاهل اللي كان ماخذها
عليا:اي بس للحين ماجاب الورقه يعني فيه رجا يامنيره
منيره تلتفت على عليا وبابتسامه غريبه تعبرعن حزنها الساكن في عمق روحها:عليا خلاص وش رجاه اللي ترجينه منه
وش اكثر من انه قدر ينطقها بسهوله
عليا:بس منور مادام ماجات مابعد طلقتي,,يمكن قالها بلحظة غضب
منيره تعود لتقصيص الصور بهدوء كما ابتدت
اما عليا فاخذت تجمع بعض الصور اللتي تجمع منيره بمترك وتدسها بعيدا" عن مقص منيره
*******
*****
***
*
من بعد حديثها معه بالأمس لم تجده,,
ليست عادته الغياب عنها الا للضروره , أو للعمل,,
لكن أن يغيب عنها كل هذا الوقت؟؟
بكل تأكيد تحسس من تصريحي المباشر أمس,,
نعم تصريح,وهل هنالك غبية مثلي تعيش حاظرها بغصات ماضيها,,
أنا من أخترت مصاحبة حسنا الماضي لحسنا الحاظر,,
وهذا ماسيهدم حسنا ماضي وحاظر,,
لن يترك لي وجود لا مع ماتبقى من ذكريات جميله مع مشعل,,
ولا مع ماأعيشه من غرق ببحر هوى مشاري,,
غبيه -- غبيه -- غبيه --غبيه
لكن ماأعادها من وعيها لتغيب في اغماءه بحظن من تحب,,هو ؟؟
رفعت عينيها لتجد وجهها مدفون بصدره ,, بدأت بعويل وبكاء شديد ,,
رفعت عينيها لتقابل عيناه:مشاري
لكنه لم يسمح لها لتكمل حديثها:تحبيني ؟؟أدري وأنا أكثر ,,أنسي اللي صار أمس أنا ماجيت الا لأني نسفته ورا ظهري
حسنا أنا أدري أنج ماتبين منيره تمر بشعور أنتي بوقت من الأوقات مريتي فيه ,, صدقيني لو أقول أنه مر مرور الكرام عندي
أكون كذاااااااااااب ,, بس أنا مثل ماأنتي عشتي تجربه بحلوها ومرها أنا نفسج بالضبط لاتتوقعين أني ماتضايقت بيوم من الأيام
من طلاقي ,, بس أنا رجال شاريج وكل شي فات عندي مااات ماله أي وجود كله ورى ظهري لأنه ماضي انتهى
حسنا تعيد رأسها الى صدره وتتمسك بياقة ثوبه بتملك محب:وأنا ماأبي الا أنت ولا أحب الا أنت بس صدقني منيره كاسره خاطري
طلقها من غير سبب,,مالها ذنب الا أنها تلبيله سماعا" وطاعه وش جاه منها؟؟ وش قصرت فيه؟؟
هذا اللي مضايقني , وصعب على المره يامشاري تنعاف لو ماتحب رجلها عشان كذا ضقت وبكيت
مشاري بتفهم:وأنا قلت صحيح تضايقت بس قلبي الخبل كفته رجحت وعودت ماأشوف الدرب أبي بس أضمج لصدري شفتي الحب شو بيذل؟؟
حسنا تقف لتغير الموضوع وهي تضع يديها على خاصرتها:ايييييييه ليش ما قلت لي أن ريومه هني هاااااا؟
تفاجأت بليونه جايتني تقومني اليوم يالله قمت كني خبل أنط وأضفها فديييييييتها أموت بذاالبزر جعله يسقى على عيني
لاجبت بنوته حلوه مثلها
مشاري يتفحص ملامحها وبقايا الدموع تزين خدها بعذوبه تجرح وتداوي بنفس الوقت
*******
*****
***
:متى بتسافر ياوليدي؟
:ماأدري ياالغاليه يمكن بعد يومين أو ثلاثه بشوف أخوياي
:ماأدري يمك وضعك مهوب عاجبني
قالتها وهي تقترب من سرير ابنها لتجلس عليه بالقرب منه ,,
من مشعل المقرب الى قلبها من بين أبنائها كلهم,,
من تحسه هوى الى أسحق وأبعد أرض بعدما كان يعتلي هضبات الجبال بقوته,,,
أما هو فجلس احتراما لوالدته ,, يعلم بأنها تعاني ضعفه الحالي,,,
لكن ماالحل أماه؟؟
أنشدك الحل ؟؟ لأنني لم أجده بعد ,,,
ثم أردفت بحزن:شوف مانيب غاصبتك على عرس , ولا نيب جابرتك على شي أنت رجال وتعرف مصلحتك,,
أنا يمك أبيك تقول لي اللي مكدر خاطرك ,, اللي مغيرك على روحك قبل لاتتغير علينا يا أهلك ؟؟
سؤال صعب لم أستعد له أماه ,,!!
أمهليني وقتا" حتى أستطيع اجابتك ,,
فبعض الخبايا ظهورها للملأ موت لصاحبها ,,
ونهايه لروحه ,,
أجابها بعدما وقف :يمه خليها على الله أنا قريب ان الله كتب باعرس بس مهوب ألحين
وقفت بقربه وهي بالرغم من طولها الفارع الا أنها لاتصل الا لكتفه واقصر أيضا" بقليل,,ترفع يديها لتضم وجهه
و من قلب أم :جعل ربي ييسر لك ويوفقك يارب مادامك جبت طاري العرس أجل قلبي بيرتاح ذاألحين ,رح يمك الله يطمن
قليبك وتيسر روحك بقرب بنت الحلال اللي تحوفها وتحوفك باللي ترضاه وتتمنى
قبل يديها بحب:الله لايحرمني ذاالدعوه يارب
خرجت سعيده جدا" جدا",,
ألهذه الدرجه أشكل حملا" ثقيل على كاهلها هي ووالدي,,
أتحسبان الراحه بالزواج فقط,؟؟
لمجرد الارتباط؟؟
*******
*****
***
*
يضمها الى صدره فقد افتقدها كثيرا منذ عودتهما وهي ببيت أهلها لاتتعدى الفراش لثقلها بعدما كانت بغربتها لاتفارقه
حتى بالفراش
همست بحنان مصفى:حبيبي اشتقت لك
:وأنا أكثر الله يردج لحظني ولبيتج سالمه مع وليدنا اللي حارمني منج
:عزوز أخاف أحد يجينا فجأه خلنا نقعد عدل
عبدالعزيز يشد من احتظانها:آآآآسف أنا ماصدقت يهجون أهلج من البيت قلت فرصتي أجي أنط بحظنج
:من اللي قالك أني بروحي ؟
عيدالعزيز بغمزه:توأم روحج
معالي بحرج فهي بالرغم من أنها الكبرى وعلاقتها بهادي لاتتخللها رسميات أبدا" أو حرج فهما واحد الا أنها خجله
من فكرة أن هادي هو من خطط لما هي وحبيبها فيه
:يوووه فشله وش قالك بالضبط
عبدالعزيز بابتسامه:قال تبي تهجم على مرتك ترا البيت خالي أكلها هني وعافيه
معالي بضحكه:ماأصدقك هدوي لايمكن يقول كذا
عبدالعزيز يبعدها عنه قليلا ليرى عيناها:أنا اجل كذاب هاااا
معالي بمداعبه:حشى علي ماقلت كذا بس تبهر شوي الحكي,,الا ماقلت لي وش رسيت عليه بلون الغرفه؟
عبدالعزيز يقف وهو يعدل من وضعه وثوبه ويرفع شماغه لارتدائها:أولا" أنتي ماقلتيلي وش نوع البزر عشان أختار
فقولي وش بخاطرج,,ثانيا" كني سامع صوت سياره سافطه بروح أشوف من أوكي؟
معالي:خلاص حط سماوي بابتسامه رقيقه تشبهها
عبدالعزيز عاد ليجلس أمامها:صحيح؟؟ ولد؟
معالي بتحيز:ياربيييييي عليكم وش فينا ياالبنوتات؟؟
عبدالعزيز يعود للوقوف بسعاده:أنتوا الخير والبركه بس أنا بخاطري ولد يشل أسمي
ويكون عزوتي
معالي تقف برفقة عبدالعزيز لايصاله للباب:حبيبي الله لايخليني من الولد وأبوه قل آمين
هادي القادم من الخارج بضحكه:آميييييييييييين
معالي تتراجع بحرج وعبدالعزيز يهم لمحاولة تقبيل رأس هادي :حياالله أبو عبدالله على ذاالهديه اللي اليوم تستاهل حبة الراس
هادي يبتعد من عبدالعزيز احتراما":أنت تستاهل كل خير,بعدين أم كرش أزعجتني أشتقت لعزوز ,,جيب لي عزوز
قلت مافيه الا أني أصرف أهل البيت كلهم وأدق عليك تجي لشوقك
عبدالعزيز مودعا:ماتقصر ياابو عبدالله يلا أنا طالع تامريني بشي ياقلبي
هادي ممازحا":مايامر عليك عدو
:أنا قلت قلبي ماقلت النشبه اللي هو أنت؟
:أفااااا أنا نشبه اي معلييييييه ان عاد دقيت عليك تستفرد بأم كرش مانيب هادي
خرج عبدالعزيز لتعود معالي برفقة هادي الى غرفتها:وين أمي والبنات؟؟
هادي يجلس على سرير أخته:قطيتهم بمرح لاند وجيت
معالي وهي تجلس بجانبه:طيب عاجبك أن خواتك كل وحده تطلق من صوب وأنت ساكت؟
هادي بغضب:أنا يامعالي ساكت؟
معالي بغضب مشابه:قلي وش سويت هااا؟
عليا تطلقت بهدووووووووء وزوجتها عقب كم يوم,ومنيره طلقها ذاالمترك عشان ماردت بالوقت المحدد حشى هذا مغل يبي فرصه يطلق
ولا شفتك تحركت أو حاولت يرجعها,ولاتنسى حسنا قبل كم سنه يوم قطها ولد عمك ومطلق بالثلاث ماشفتك سويت شي
هادي المصعوق من رأي اخته الظالم لشخصه,,
:معالي أنتي بالذات ماتوقعت منج هالكلام والله لو وحده غيرج كان سنعتها بس الشرهه علي اللي حافظ لكل وحده حقها
بخصوصياتها وماجيت أهذر بحياة كل وحده للثانيه
:هادي ماطلبت تعطيني أسباب الطلاق ولو أن أحنا أهل المفروض نكون واضحين وصريحين مع بعض
أنا طلبت أشوفك تتحرك تقول أنا سويت كذا بفلان وقلت كذا موب تتصرف من غير شورنا حطنا بالصوره على الأقل
:أنا أكثر شخص أعرف شلون اتصرف اذا بغيت راي ومشوره طلبت ,, يلا انا رايح للمجلس بلغي الشغاله تزين لي قهوه
بيجي خويي خرج بغضب لينهي الجدال الغبي بينهما فمعالي بالذات آخر شخص توقع منه هذا الكلام المجحف لحقه
قسوت عليه ؟ نعم,,
لكن علينا بان نكون مرآه لبعضنا,,
لايحق له التصرف ونحن اخواته مغيبات لانعرف مجريات الاحداث اللتي تخصنا,,
*******
*****
***
*
:سلامتس يمتس ياويل قلبي ذبحها الوحم
حسنا تقدم الفنجان لام مشاري: الله يعينها هي دايم وحمها كذا؟
ام مشاري ترتشف قليلا من الفنجان:اي بالله الا كذا ماتشوفين بتال قطها وهج
حسنا بضحكه:تصدقين توني ادري ان الوحده تتوحم برجلها خواتي ولا وحده كذا
ريمه القادمه من دورة المياه بتعب:ماشالله تبارك الله صحيح حسنا؟
حسنا :ههههه الا صحيح انتي الغريبه اصلا
ام مشاري:لاتضحكين عليها يمتس انا كذا اتوحم على ابو مشاري الله يرحمه لين اولد يالله كنت اتعب تعب الله يواجرنا يارب
ريمه وهي تتخذ من رجل امها وساده لتريح راسها عليه:امييييين ويواجرني يارب
غلا الآتيه من الخارج:بنااااااات عينت سلحفاه بحوشنا
ورمت السلحفاه على السفره التي تضم القهوه والشاهي لتنهض حسنا بسرعه وبخوف تتبعها ريمه بقرف
اما ام مشاري فامسكت اقرب فنجان وحذفته على غلا:قوووومي لابارك الله فيتس ياالخريش اخذي ذاالخناز اللي ماادري من وين
جايتنا وخلي الخدامه تنطلها بالحوش
غلا تاخذ السلحفاه بضيق:هذا جزاي ابيكم تستانسون بالسلحفاه تراها عجيز شوفوا مااكبرها يمه تونسج ترا بالضحاوي
ام مشاري بنظره حاده :عنبوا مجناتس انتي ماتستحين؟ تحاكيني يمتس كذا؟؟
غلا:يوووووووه الواحد مايمزح بذاالبيت
ريمه:الله ياخذج اخذيها برى وعععععع انتي ماتدرين يمكنها ماره من مياه مجاري والا خنيز
حسنا بخوف:غلاوي فديتج ياصديع البيت اخذيها تراني مااحب الحيوانات كلهااااااا
غلا وهي تقرب السلحفاه من حسنا:هذا وانتي ياحظي مدرسة احياء
حسنا بقرف:ماالبلا اني مدرسة احياء اخذيها تكفين وبكره بجيب لج انا ومشاري انظف منها من السوق
غلا :آسفه انا وحده احب الحيوانات الوسخه اللي تحسين انها عانت بحياتها وواجهت الصعاب مهوب المدلعه المبقطه اللي من السوق
لتفاجا بيد مشاري تمسكها من ياقة ثوبها من الخلف:قطيها ياالمعفنه برى والا والله ان ماتشوفين مني خير
غلا بزعل وهي تضرب برجليها الارض:كيفي مابي مابي ابي هالسلحفاه عقب ماوالفتها ووالفتني تقول انطليها
مشاري بغضب:عندنا بنيات ريمه لايتحسسون من هالخناز قطيها واجيب لج غيرها والله لجيب لج ياالحتونه وحده انظف واصغر
عادت حسنا لتغيير السفره واحظار قهوه جديده لهم,,
مشاري احظر لينا ليلاعبها وهي تبادلها الضحكات البريئه,,
اما ريمه فعادت من دورة المياه بعدما استفرغت مابجوفها بوهن,,
وام مشاري تقترب من ابنها وبهمس:هايمك متى ان شالله بنفرح بظناك؟؟
مشاري يرى حسنا المنشغله بصب القهوه:يمه اجلي الموضوع لين تروح حسنا الغرفه
ام مشاري بهمس وهي تنظر لحسنا:مهيب حولنا مرتك لاهيه بمواعينها علمني اذا بتروح للمره اللي علمتك عنها
مشاري بغضب:يمه هذي دجاله تتعامل من الجن وانا لو اعيش عمري كله شفق على البزران لايمكن اروح لها
ام مشاري:يمك وش اسوي بكم ابيك تفرح وتفرح ذاالصايبه اللي مغير تشمشم ريحة البزران وهي ماجاها من ريحتها شي
مشاري منهيا الحوار:الله كريم يمه اللي كاتبه ربي بيصير,,حسون صبيلي من القهوه المسموره مهوب قهوتكم اللي كلها هيل
حسنا بحب:ابشر بروح ادفيها لانها بردت
نهضت وهي لاتعلم بمايتساسر به زوجها وامه ,,
انتبهت لهم لكنها ادعت الانشغال لياخذا حقهما من الخصوصيه,,
فهي ام وابنها ومابالي بينهم,,
لاتعلم بانها المعني الاول بهذا الحوار البسيط,,,,,
*******
*****
***
*
قلبي تولع بالرياض
0حبا"ورثته من الجدود
دخلوا الى الرياض لتتضح المملكه تتبعها الفيصليه
مدينة ساحره خصوصا" في المساء---آه ماأرق الرياض تالي الليل---
توقفوا عند فندق الهيلتون ونزلوا ليحجزوا غرفتان متجاورتان اثناء فترة اقامتهم
رائد يخلع قميصه ويتمدد على السرير بتعب:تصدق عامر احس اني متضايق من هالسفره
عامر يجلس على سريره المجاور لسرير رائد:افااااا ليش وأنا وأخوك؟؟
رائد يلتفت بوجهه فقط الى عامر:ماأدري أحس بيصير شي وأنا من حظي الحلو لاحسيت بشي صار
عامر باندهاش:وش تحس به لاتخوفني؟؟
رائد يعود بنظره الى السقف:ماأدري قلبي قابضني وبس, والله لو ماالرجال متعني بعرس مشاري وعايني ماتعنيت له
عامر باريحيه:هذي مجرد مشاعر وحدسك مهوب شرط يصدق يابو خالد
رائد يغطي جسده بالملحف استعدادا" للخلود الى سلطان النوم:يارب مايصدق,,تصبح على خير ياوجهه
عامر بابتسامه:وأنتي بخير ياوجه الخير
أما في الغرفه الاخرى
فارس المنشغل بجهازه البلاك بيري:عبدالمحسن ماتحس أن رائد متغير؟؟
عبدالمحسن الجالس أمام شاشة التلفاز:الا احسه صاير عصبي أكثر من أول,وحاولت أنشده بس ماعطاني وجه
فارس يقترب من عبدالمحسن:شوف محيسن هذي اللي اقولك عنها شوف محلاها
عبدالمحسن يلتقط جهاز صديقه:ياويليييييي هذي عندنا بديارنا فيه حسناوات كذا
فارس يشد جهازه من عبدالمحسن:عشان ماتلوموني لاقلت هذا الجهاز مصيبه وبتلحقه مصايب ماصدقت اقولها بشوفج صورة عمرها
عبدالمحسن بعدم اهتمام:هن اللي يجيبن لانفسهن الحكي والا وش تبي تضيف شباب انا خواتي كلهن عندهن هالجهاز ومن فضل الله
ملتزمات وماعندهن خرابيط
فارس:والله كان بيشتريه محمد اخوي لبنته وعييت عليه هذا الناقص
عبدالمحسن:فارس مهوب لأنك تشوف هالأشكال الخايسه تحسب أهلك كذا؟؟
فارس:بس أبعد عن الشر وغنيله,,بنت محمد مراهقه وأنا لو أضمنها ماأضمن رفايقها
يتسامران بجديه,,
أحاديث شيقه وأخرى رتيبه ممله,,
أما رائد فنزت عيناه من النوم لا يعلم لما يشعر بضيق يكبت على صدره كما الجاثوم لايستطيع ابعاده
*******
*****
***
*
ياشايل الظبي بين ايديك
ياشايل الظبي بين ايديك
يستاهل الظبي من شاله
بالهون بالهون يامغليك
بالهون بالهون يامغليك
معطيك ظبيا فلا حاله
على هذه النغمه خرج مصطحبا عروسه العذبه ,,
سعيدا جدا بها وسعيد بقربها ,,,
دخلا قسمهما الكبير في منزل أهله وتبعته بصمت ,,
جلست على أول كرسي صادفها وهو هم لخلع بشته جلس بكرسي مجاور,,,
ثم وقف أمامها وأمسكها من أناملها الرقيقه لتقف مجيبتا" لطلبه فذهبا الى غرفتهما أجلسها على السرير
وأخذ يقترب منها وهي تبتعد حتى وقفت وقالت بخجل:لو سمحت أبي أبي
:لا تخافين ياقلبي بأطلع وأخذي راحتج بس استعجلي عشان نصلي ونتعشى اوكي ختم ماقاله بمحاوله فاشله لتقبيل خدها ولكنها صدته
خرجت له ,,لتصعقه بمنظرها ,,
مسحت زينتها كامله ,, لم تترك لها اثر ,, وكانت ترتدي بيجامه رسم عليها صورة سنوبي--شخصيه كرتونيه--,,,!!
وشعرها لم تجففه بعد اكتفت بتسريحه
جميله ,, بل رائعه ,ولكن !!!
أنهيا صلاتهما ثم اقتربا من طاولة الطعام اللتي تحمل مالذ وطاب ,, جلسا يتناولان الطعام لتكسر هدوؤهما بمرحها تتحدث وكأنها
طفله بمرح عن مواقف صادفتها بيوم عمرهما ,,
شلت حواسه لم يبقى الا عقله ماهذه الفتاه ؟؟,,
طفله وجريئه ؟؟ ,, أين خجل العرائس ؟؟
ولم هي هكذا ؟؟
لم ارسم بمخيلتي الغبيه أن تكون محبوبتي بهذه الصوره,,
لم اكن أتمنى طفله أريدها ناضجه امرأه مكتملة الأنوثه,,,
أنهت عشاءها وسبقته الى الغرفه لتنام بأريحيه على السرير,,لحقها ليجدها تغط في نوم عميق,,!!
أمجنونه هي ؟ ,, كيف تنم قبل زوجها وفي ليلة عمرهما؟؟
بعد ذلك باسبوعين
:منييييييييييييره منووووووووووووور
منيره:لبيه,, قالتها وهي تلهث لأنها أتته على عجل تسابق الريح خوفا" من غضبه
مترك وهو يفتح دولاب ملابسها الخاصه ويمسك بقميص مكون من قطعتين
:أبي أفهم أنتي ليه شاريه ذاالملابس زييييينه؟ قالها بصرخه هزت جسدها الغظ
منيره:اه-- ها --اي أختي شرتها لي
مترك:وأختج ماقالت أنه لازم تلبسين هالخلاقين قدام المسكين رجلج اللي دافع حله وحلاله عليج عشان يستمتع بحلاله
منيره المندهشه من حديثه هو لايعرف يأنق حديثه,, لكن لاتصل الى هذه الدرجه ,, فهل أنا جاريه يشتريني بماله ليستمتع بي ؟؟
مترك:تكلمييييييييييي
منيره وبدات تنهمر منها الادمع كعادتها عندما ينهرها بقسوته اللتي اعتادتها:ا--انا--اس-س-تحييي
مترك بصوت أهدأ :أنتي تستحين من غيري ,, بس عندي يوقف هالحيا أنا رجال وأبي أشوف لبس سنع أحس أني متزوج مره
مهوب لبسج ولبس بنات أخوي محمد واحد ,,في ذمتج وين أقربج وأنتي تلبسين خلاقين بزران والله أني ماقدرت حرام عليج حسي
فيني
خرج وهو غاضب ,, خرج بعدما أطعمها المر بجرعات متتاليه
اتصلت على معالي فهي من سترشدني الى الصواب,,
اتتها معالي بعدما انهالت على أختها بالشتائم فما قامت به جرم بحقها
وبحق زوجها فالشرع لايرضى بذلك
وصلتها ونهرتها:أسمعيني ماأنتي ببزر كل البنات مروا باللي تمرين فيه لا أنتي أول ولا آخر ,,وعلى فكره كلنا نستحي
والا شايفتنا وجيهنا مغسله بمرق وأولنا أمج؟!
منيره:لا والله مهوب قصدي بس أستحي لاألبس ذا اللبس
معالي:شوفيني اليوم تلبسين هالقطعه ,, واليوم تسمعين اليووووووم تخلصون ,, والله لاأدري أنج تتمنعين ياالحياويه لاأسود عيشتج
وأعلم أمي وهادي
منيره باكيه:لا والله لاألبس بس أمانه أمي لاتدري ولاهادي تكفين بلا فضايح
تركتها منهاره لكن ان لم أشد عليها وأقسو فلن تتغير ,,
الغبيه هو رجل يبحث عن راحته ويريد أن تلبى رغباته ,,
وبامكانه أن يرميك كقطعه باليه لانفع منها ,,
ارتدت ماأمرتها أختها ونفذت تعليماتها بأن تكتفي بالقميص ولا ترتدي الروب القطعه العلويه فما أتاه يكفيه
فتح الباب ليجدها تجلس على الصوفى ,,,
رائعه ,, جميله ,, فاتنه ,, كم أحبكي يامنيره
اقترب منها وجلس بجانبها لكنها كانت ترتعش ,, ضمها اليه ليهدأ من روعها فلم تهدأ
:تكفى اليوم لأ
حملها وهو يشتعل غضبا" فهذه الطفله الحمقاء لاتستحق الرأفه,,
قسى عليها ماكانت خائفه منه حصل بعنف لم يرحمها ولم يرحم ضعفها,,
لتنطق بعد موجه من البكاء والعويل المتواصل:أكرهك,,,,
يجلس على طرف السرير يستمع الى بكائها الذي أتعبه ليست هي ماأريد,,
صورت لي بصورة امرأه عاقله واعيه,و
وهاأنا أقاسم فتاه لاتعيي ولا تفقه لشيء الفراش ,,
قطع حبل افكاره صوتها وهي تعلن كراهيتها له ابتسم بقهر,,
ذكرى راودت شخصان في نفس الوقت تقاسماها بمرها
هو تنام بحظنه منى لايعلم هل هي مايريد ويتمنى؟
وهي تحتظن اطفالها ماتبقى لها من ذكراه!!
البارت العاشر--وسامحوني على الخلل قبل شوي--
بعض الوجوه ملامحها تعكس صفاء الروح بداخل اصحابها,,
وبعض الوجوه تخفي ملامحهابشاعة روح من تستكين داخله,,
كيف نعرف الملامح الحقيقيه من تلك المزيفه؟؟
لكن وان قلت باننا نجمع هذه الملامح جميعا"!!
احيانا" لانخفي روح سوداء بل نخفي حزن من من نعاشرهم بسوداويتهم,,!
واحيانا نجهل كيف نتعامل بطبيعيه وبملامحنا البسيطه من تاثرنا بمن حولنا,,
البارت التاسع قراءه مسليه
*******
*****
***
**
*
:أسكت عني قسم بالله ماني طايق منك كلمه
:وأنا على كيفي تعرف أبوي اذا لزم على شي يصير ,حاولت أقنعه بس عيا
:أسكت حتى أمي حاولت فيه,وهو اللي مايرد لها طلب تعذر منها أنه مايقدر يجبر سارا تاخذ مطلق,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك