رواية عودتني كل يوم اسمع انا صوتك -7
سالم:الله يسمحج يأمي خليتيني ثور .........الحين أنت تقدرين تنامين وأبوي غضبان عليج ولا أنتي غضبانة عليه
أم محمد:لا
سالم:عيل خلاص
بو محمد:سالم الحين أنت خلصت دراستك ...ليش ما تتزوج وتكمل دينك
سالم:لا أنا ماراح أتزوج ألا اذا حصلت شغل وكونت نفسي زين
أم محمد:خير..... هذي يبالها عمر
سالم:لا... أن شاء الله بيهونها ربي ....
أم محمد:ترى العروس زاهبة ....بس أنت قول وأنا أجوزك....
سالم: أنا بختار العروس بنفسي
بو محمد:لا سالم .....أن شاء الله بتأخذ أنت العنود بنت عمك
سالم وهو قايم بيطلع من الصالة :ان شاء الله خير
راح سالم وركب سيارتة الرنج روفر الذهبية وقعد يحوط في الشوراع ...............
كان سالم مشغل أف أم وحطين أغنية حسين الجسمي .....
والله ما يسوى أعيش الدنيا دونك
لا ولا تسوى حياتي بها لوجود
دامك انت اللي راحلت وكيف بصبر
ع البعاد وكيف بنثر هالورود
ما وعدت أنك تقاسمني المحبة
وتبقى لي حب ولدروبي دليل
بس حسا فه الموت كان أقرب وأرحم
حسبي الله وحدة ونعم الوكيل
روح أنا راضي بغيابك يا حياتي
هذي قسمة لي وهذي لي نصيب
كنت شمعة تضوي وتشرق حياتي
أنطفيت ورحت في وقت المغيب
أتصل سالم على شوق بس شوق ما كانت ترد على أتصاله ......
راح وطرش مسج لشوق !!!!!
"في خاطري كلمة .....
ودي أقول ......
أنا ............
للآسف ......
ما أحبج ........
أنا ...........
أعشقج .......
أعشقج عشق ينبض في عروقي ""
**((الجزء السادس ))**
كانت شوق مسدوحة على السرير .....فتحت الرسالة وقرأتها ......
شوق في خاطرها :حتى أنا يا سالم أحبك و أمووووووووووووت فيك
راح سالم وطرش لشوق مسج ثاني .....................
تمر الساعات ....
أنتظر صوتك.....
وتمر الأيام .....
وأتمنى شوفك .....
ويمر عمري ......
وأنا أحبك ........
راحت شوق كتبت مسج وطرشته حق سالم ...................
ليتك تدش داخل القلــــــــــــــــب وتشوف
وشلـــــــــــون ترجف من غلاك الشرايين
في هذي اللحظة سالم وقف سيارته في الحوش.... وما نزل من السيارة ....وقعد يفكر في شوق و في علاقتهم......
و شوق كانت في حجرتها ودخلت عليها أمها ......
أم شوق: هاه حبيبتي أن شاء الله الحين أحسن
شوق :الحمد لله يمه
وشوي صاح تلفون شوق وكان سالم بس هي ما ردت عليه .......
أم شوق:شوق ليش ماتردين على التلفون
شوق وهي تغلق التلفون : هذي منال ما لي نفس أرد عليها ...
أم شوق:على راحتج ...بتنزلين عندي تحت ........
شوق:لا يمه ....سكري الليتات وراج برتاح شوي .....
أم شوق:أن شاء الله .......
شوق كان قلبها يتقطع وتقول في خاطرها ليش أنا أصد عن سالم.. هوه شو سوى لي علشان أجزيه بالصد..................
سالم كان مشغل *((ميحد حمد ))*..............
يا طيب القلب حكم قلبك الطيب
أخرت غيرك وبعدته وقربته
ليه تباعد مع أنك دايم قريب
من وين ما صد في عيوني تخيلتك
ليه أنت ناسي ؟وذكري عندك مغيب
تنسى وأنا أذكرك وأنسى أني تذكرتك
صارحتك بما يكن القلب يا حبيب
والظاهر أخطيت في ظني وصارحتك
وشوي يصيح تلفون سالم ..........رد سالم بسرعة ....
سالم:هلا وغلا ...
شوق:أهليين سالم...
سالم:وين راحتي من فترة وأنا أدقلج...
شوق:كنت عند أبوي ....
سالم:ليش زعلانة يا شوق مني
شوق :ماني زعلانة ....
سالم:قولي غير هذا الكلام والله أنج زعلانة .....
شوق:والله ما ني زعلانة ......
سالم:شو في خاطرج
شوق:سلامتك ....
سالم ((علشان يلفت أنتبها)) :أوكية أنا بسكر التلفون
شوق:ليش وين بتروح ...
سالم:أنا مضايق بروح افكك رأسي
شوق:أشكيلي شو فيك
سالم:ما أدري أحس نفسي بأختنق
شوق وهي تصيح : سلامتك .....تصدق يا سالم ما أقدر أصبر أكثر من جذي لازم تلقى حل لعلاقتنا
سالم:أمي رافضة فكرة الزواج من غير العايلة ..........
شوق:يعني شنو
سالم:والله ما أدري يا شوق
شوق :مع السلامة ................وسكرت في ويه سالم ...........
سالم كان يحس شيء في قلبه كبير... بس ما يقدر يخبر أمه بوضعه مع شوق والعلاقة اللي تربطهم مع بعض ..................
في هذي اللحظة دخل مبارك بسيارته الحوش وكان مطول على الأخر أغنية ميحد حمد .....
طير الحمامي هيد غرامي ....هايم هيامي والشــــوق غلاب
هزعت فني ياطير مني ......ولا كان ضني تطري لي أحباب
**************************
في حجرة سلامة ..........
سلامة:اليازية نزلي لاب توب تحت عشان ننشوف كلنا
اليازية:تقدمي علشان تشوفين زين يالعورى
الريم كانت تمشط شعرها :والله ما دريت تتشوفن شو ...يا بقر الكمبيوتر يديد مافيه غير أيقونة الزبالة ((Recycle Bin ))
اليازية:العنود ليش ما نزلتي برامج
العنود:أن شاء الله ..باجر بروح لهم في البريك علشان ينزلونهن حقي
سلامة:اليازية و أنتي متى بتشترين لاب توب
الريم:يوم بتتخرج ..أمكن يشترون لها وأمكن لا
سلامة:هههههههههههههه مسكينة ما هي مدعومة
اليازية:بتشوفين والله لا أشتريه وأنتي حمارة
الريم:والله أني فرحانة يوم بيكون يوم الاربعاء أجازة
سلامة:لازم نروح مكان
العنود:خلينا نقولهم يودونا البر
اليازية :يا ليت بقول لمبارك ...عشان يروحبنا
في الحوش ......
نزل مبارك من السيارة وراح سيارة سالم لأنه شافه مشغل الليت ......
مبارك وهو يدق على الدريشة :نحن هنا
سالم :أهليين مبارك .... راح يسلم عليه
مبارك:اشحالك
سالم:الحمد لله ..عايشين
مبارك:افاااااا بس عايشين .... قوم نروح الميلس أبا أسمع أخر أخبارك
سالم :يالله
مبارك وهو يصيح على محمدوه: محمدوه جيب القهوة والشاي في الميلس
محمدوه:زين بابا مبارك
وراحوا مبارك وسالم الميلس.. وقعدوا بعد ربع ساعة دخل محمدوه وحط الشاي والقهوة وراح عنهم .....
مبارك:مسرع ما خلصت يا محمدوه القهوة
محمدوه:أنا من شوي سوي هذا قهوة وشاي
مبارك:أنزين ...ويقول في خاطره أكيد دلال العصر
سالم تم يضحك على مبارك .......
مبارك كان على أحر من الجمر يريد يفتح موضوع البنت اللي عند سالم بس كان مستحي .............
مبارك:هاه أخبار دبي يا بو غنيم
سالم:يسرك حالها
مبارك :سالم أنا بدخل في صلب الموضوع ...ولا تلومني يأخوي لأني من سمعت صوت البنت اللي عندك وأنا ما قمت أنام زين
سالم وهو يضحك :شو تريد تعرف
مبارك:كل شيء
سالم:بس ما ابا أسمعها عند أحد أمانه
مبارك وهو يأشر على عيونه:من عيوني ...
سالم :هذي شوق
مبارك:كيف تعرفت عليها
سالم:الله يطول عمرك ...هذي شوق أمارتية... تعرفت عليها في لندن من 5 سنين....كانت تدرس هناك و أبوه رجال أعمال من هل دبي وأمها كويتية ....
مبارك:كم عمرها
سالم:23 سنة
مبارك :خيبة تحسبتها كبيرة ....خبرني أكثر والله تحمست للموضوع
سالم نزل رأسه :حبيتها من 5 سنين ... في السنتين الأول كان حبي عذري يعني من بعيد لبعيد (سلام وضحك وطلعات للمطاعم والسينما )...بس في السنوات الأخيرة تطورت العلاقة و قمت أسكن عندها في شقة بروحنا .....
مبارك كان مصدوم من سالم......
مبارك:وين أهلها عنها ....
سالم:أبوها كل يوم في بلاد بسبب شغله
مبارك:وأمها
سالم:قعدت فترة عندها بعدين راحت عند زوجها
مبارك:لا حول ولا قوة الا بالله
سالم:خلاص أرتحت
مبارك:بالعكس .....الحين مليون فكرة في رأسي
سالم كان ساكت ..............
مبارك:سالم ... استغفر الله
سالم: والله يا تقول شو في خاطرك
مبارك :كيف تطورت علاقتكم في السنوات الأخيرة
سالم كان ساكت أما مبارك كان يطالع سالم بجدية ...............
مبارك:هاه سالم مارديت علي
سالم:انسى أني خبرتك بالموضوع
مبارك:في الأحلام انسى
سالم:بخبرك بس لا تقول لحد لا أمي ولا أبوي ولا أي مخلوق في الأرض....
مبارك:أنزين
سالم:أنا وشـــــــوق متــــــــــــــــــــــــــــــــــــــــــــــــ زوجيـــــــــــــــــــــــــــــــــن بالــــــــــــــــــــــــــــــــــــسر ...................
مبارك وهو ماسك على رأسه :يا كبرها عند الله
سكت كل من سالم ومبارك .....
مبارك كان يكلم نفس كيف قدر يسويها .....اذا درت أمي شو راح يستوي فيها .................والعنود شو ذنبها تتظلم مع الإنسان اللي تحبه .....
مبارك:هلها يدرون
سالم:لا
مبارك:عيل كيف تزوجتوا و وين
سالم :تزوجنا في لندن ....
مبارك:والله أنك عنيد ...والحل شو
سالم: والله ما أدري يا مبارك كيف بحل هذي المشكلة
تموا قاعدين يرمسون في هذا الموضوع ..............
عقب صلاة العشاء
.....الكل قاعد في الخيمة .....ماعدا مبارك وسالم اللي قاعدين حتى الحين في الميلس يرمسون ...........
بو محمد:علوم الجامعة يا شابات؟؟؟؟؟؟
الريم:يسرك حالها ....
محمد:وش بغيتن بالجامعة .....معثرات عماركن من الفير تسرحن صوبها ...نامن وشبعن نوم .........
أم محمد:بالعكس الحين اللي ما عندها شهادة مالها مستقبل فهالدنيا ....
محمد:لا ....مستقبل البنت فالعرس !!!!
سلامة:خلاص ...أنا ماني داخله الجامعة دوروا حقي معرس من الحين
الريم:وأنا........... أن شاء الله باجر بسحب أوراقي من الجامعة .....
أم محمد عطت الريم وسلامة نظرة خلتهن يسكتن ...................
وشوي أن نيرة تربع عند أمها .....
نيرة:أميييييييييييييي ...لحقييييييييييني ...بيضربوووووووووني
أم محمد:بسم الله شو بلاج ؟؟؟
نيرة:سيفوه بيضربني
وأن سيف داخل عليهم ....
ومن شافته راحت واندست ورى أمها .....
سيف :تعالي هني !!!!!!
بو محمد:يالله بالستر تضرب أختك .......
سيف:تخبرها شو سوت
أم محمد : نيرة شو سويتي
نيرة:ما شيء
سيف:كذوب كابت الماي على شريط السوني اليديدة .......
محمد:خلها أنا بشتريلك شرايط يداد
أم محمد:اليازية وين العنود عنكن
اليازية:راحت البيت
أم محمد:ليش ما تعشت هني
اليازية:قالت دوم أتعشى هنيه
أم محمد :هذا بيتها
اليازية:يوم بتي خبريها انه هذا بيتها
وشوي أن سالم ومبارك طالعين من الميلس رايحين صوب الخيمة ...........
راح مبارك سيارته ...
سالم :وين رايح مبارك ما بتعشى هني
مبارك:افاااااا عليك بروح أشغل المسجل
وراح مبارك وشغل المسجل طول على الأخر أغنية عيضة المنهالي مالك عذر .....
سعيد من سمع المسجل ربع صوب مبارك .....
مبارك:هلا ....عاشوا
وتم مبارك مسوي في الحوش ربشة ويواله .....وبعد ربع ساعة سكر المسجل وراح صوب الخيمة .............
منيرة:حرام مبارك ليش سكرت المسجل
مبارك:روحي مني لا أعطيج طرااق على رأسج هذا الكبير
منيرة:بتشوف والله اذا طرشتني ما راح أطيعك
مبارك وهو يضحك :والله اللي يسمعج بيقول 24 ساعة تنفذين أوامري ...
وراح مبارك وعق سفرته وانسدح عند ريول الريم ......
الريم :ايه قوم عني
مبارك:حكي رأسي
الريم:ليش أحكه فيه قمل
مبارك:عنلاتج ....رأسي فيه شويه قشرة
الريم:خل اليازية تحكك
مبارك:حكي تبين تروحين عندي دبي
الريم:قول والله .......تمت الريم تحكى رأس مبارك بقوا.......
مبارك:الله لا يوفقج ........قطعتي شعري
الريم:انزين ....وتمت تحكى بشوي شوي ...
مبارك:الله تعجبيني ....أفكر أروحبج عندي لبنان
الريم وهي تحب مبارك على رأسه :يعني أفداك أنت يا شيخ الشباب
دخل هزاع ولد عمهم في الخيمة ....
هزاع :السلام عليكم
بو محمد:مرحبا الساع ....وقاموا الريال كلهم وسلموا على هزاع ....
محمد:قرب هزاع بتعشى
هزاع:ما تقصر تعشيت في البيت .....سيف وين شرايط السوني
سيف:في حجرة التلفزيون
هزاع:بروح بختار لي كم من شريط
وشوي يصيح تلفون مبارك .....حط مبارك تلفونه على السبيكر ..
مبارك:هلا وغلا بو شهاب
أحمد:مرحبا ملايين وين الخاين
في هذي اللحظة سلامة ما قدرت تتحرك يوم سمعت صوت أحمد .....صوته عــــــــذااااااااااب ....
مبارك:وين أنت يا لحبيب
أحمد:بنروح أنا والشباب العزبة بتروح عندنا
مبارك:افاااااا أنا بترول السيارة كيف ما أروح.... خطفوا عليه
أحمد:أن شاء الله ....وسكر عنه
مبارك:يا شابات الحين يوم أنتن بلا شغله ... وحدة منكن تروح تحطلي أغراضي الضرورية وهي كالتالي (فرشاة ومعجون وكندورتين ووزارين وفوانيل ثنتين وفوطة ) وشامبو و صابون بشتريه من الدكان
الريم:حشى ليش تشل كل هذا يوم ما شيء حمامات في البر
مبارك:بويه الا البر مالكم ما فيه حمامات ....البر اللي بنروح له .... فيه حتى المكيفات فيه
الريم:خلاص خلنا نروح عندك
مبارك:عنلاتج ...قومي سوي اللي أقولج عليه
سلامة:لا أنا بروح استريحي ريموه
مبارك:أن شاء الله بتروحين عندي دبي
الريم:وأنا وين رحت
مبارك:أنت قعدي في البيت
الريم:لا والله الحين تقول بتوديني دبي ولبنان
مبارك:يوم بتعرسين ..بعريس الغفلة خله يوديج...
الريم:كذوب
راح مبارك العزبة عند أحمد والشباب ......سالم راح عند ميلس خويه عبد الله علشان ينسى موضوع شوق شوي .......
الساعة 10 كانت اليازية تدخل كل شوي حجرة .....
سلامة:خذي شهيق وزفير وروحي صوب الحجرة اللي قدامج قولي طلبج بسرعة وتعالي ...
اليازية:أخاف أمي تردني
سلامة:أبوي عندها ........ الله نفسي أدخل الإنترنت كل يوم وتكلم عندي ربيعاتي في المسنجر.....
الريم:بخبر عليج مبارك أنج بتكلمين ربعج على المسنجر ....
سلامة:لازم تغثيني بمبارك
اليازية:سكتن خليني أركز شو راح أقولهم
راحت اليازية ...حجرة أمها وأبوها ودقت الباب ....
بو محمد: أدخل
دخلت اليازية وسكرت الباب وراها ....
الريم:يعلج الموت الحمر ياليازية ابا أسمع بوضوح ...
قعدن الريم وسلامة قدام الحجرة .....كانن حطات أذونهن على الباب علشان تسمعن كل شيء ...
راحت اليازية وقعدت عدال أبوها في السرير ......
بو محمد:شو عندج ياليازية ..
اليازية وهي تحبه أبوها على رأسه :أبوي طلبتك طلبه ولا تردني
بو محمد:تأمرين أمر شو تبين يا بنتي
اليازية وهي مرتبكة:أبا لاب توب
بو محمد:قلتلج أن شاء الله بشتريلج
اليازية:أريده بسرعة لان الاستاذ قاعد يشرح للبنات عليه وأنا حتى الحين ما عندي
في هذي اللحظة طلعت أم محمد من الحمام .....وشافت اليازية ...
أم محمد:خير اليازية عسى ما شر ..
اليازية:سلامتج أمي
بو محمد:اليازية تبيني أشتري لها كمبيوتر صغير
أم محمد:اللي يغازلون فيه والله ما يطيح بيتي
اليازية:أمي من قالج أنهم يغازلون فيه ...والله الجامعة طالبته منا
أم محمد:مبارك ما بيكذب عليه
بو محمد:أن شاء الله خير
اليازية:يعني شو بتشترولي ولا بسحب من الجامعة
بو محمد: خير أن شاء الله ............
راحت اليازية وطلعت من الحجرة وهي تصيح على أفكار أمها الغريبة .....
راحن وراها سلامة والريم ......
دخلت اليازية حجرتها وانسدحت في السرير وهي تبكي .............
سلامة:والله قطعتي قلبي ياليازية لا تبكين ..
الريم:لوم الا رخيصة دمعتج عندج ياليازية ...... لا تبكين والله أبوي بيشتريلج
اليازية:تعبت من كثر ما قولهم ابي لاب توب
سلامة:لحظة
دقت سلامة لمبارك .......صاح التلفون .....بس ما حد يرد ...... وبعد حشرة سلامة ....رد على التلفون
أحمد:آلوووووووووووووووو
سلامة:آهلين ...هذا تلفون مبارك
أحمد:ايوه ...بس مبارك ماهو موجود الحين ....
سلامة:أوكية ....مع السلامة
أحمد:بخليه يتصل فيج
سلامة وقلبها يدق بقوا :مشكور يالطيب ....مع السلامة
أحمد:في أمان الله
سكرت سلامة من أحمد وكان كل تفكيرها فيه .........
الريم:حوووووووووه ...من كلمج
سلامة انتبهت لكلام الريم:خويه ....مبارك ما هو هناك
وشوي أن تلفون اليازية يصيح .....
مبارك:آلوووووووو
سلامة:أهليين مبارك
مبارك:خلصيني ليش مسويه تلفون
سلامة:اليازية تصيح
مبارك:وأنا شو خصني
سلامة:أنت أساس البلاء
مبارك:تكلمي عدل لا أسكر في ويهج
سلامة:اليازية تبا لاب توب ...وأمي قالت ما راح تشتريلها لأنك أنت قلت لامي أنهم يغازلون فيه
مبارك وهو يضحك: هههههههه والله أنج رايقة
سلامة:حرام عليك مبارك اليازية محتاجة لها عليه وايد واجبات ما سوتهن
مبارك:وتكتب الواجبات أنا شو خصني
سلامة:الواجبات لازم تسويهن على الكمبيوتر
مبارك:خلاص يوم بيي من البر بكلم أمي ....مع السلامة .........وسكر في ويها
سلامة:سكر في ويهي
اليازية وهي تمسح دموعها :شو قالج
سلامة:يوم بيوصل من البر بيكلم أمي
الريم: أنا بروح أنام
سلامة:خذيني معاج
أما اليازية تمت تكمل الصياح .....والريم راحت في سابع نومه (( تموت على النوم )).....وسلامة بدلت ولبست بيجامه وفتحت دفتر الخواطر وراحت تكتب ...... وتقول في خاطرها اليوم سمعت صوته مرتين ليته يحس فيني .........عذاب هذا الانسان ..
كل الأصوات غابت وأنت صوتك بقى صوتك اللي على صمت ....الطريق اكتبه
اسأل الســــــــاعة متى ...نلـــــــتقي واسهل الوقت بغيابك يصير اصــــــــــعبه
سكرت سلامة دفتر الخواطر لانه عليها قومه من الصبح علشان تروح المدرسة .........................
****************************
الظهر كان سالم قاعد في الصالة وهو يشرب كابتشينو ما لها نفس حتى يتكلم .......
أم محمد:سالم عني أفداك ...تروح تيب العيال من المدارس والبنات من الجامعة
سالم :ومحي الدين وينه
أم محمد: راح العزبة
سالم:أن شاء الله ....
راح سالم وياب سيف ونيرة ومنيرة وسلامة من مدارسهم وراحوا الجامعة علشان يبون الريم واليازية والعنود ردت عند راشد أخوها .....
الريم:اتصلي بسالم أمكن وصلوا
اليازية:حشى غير زحمة اليوم .... واتصلت بسالم وقالهن انه هو برى ..............
وركبن السيارة .....
الريم بضحك :ليش ما تأخرتوا أكثر .....
اليازية:ايه خليلي مكان يوم الحين مأخذه المكان كله ريموه
سالم:والله يا الريم أنا ماني دريولج علشان تقولين لي.... ليش تأخرت
الريم:والله ما.....
سالم وهو يقطعها في الرمسة :سكتي.....لا الحين أنزلج في الشارع
الريم وشكلها بتصيح :نزلني عادي عندي
سالم:الريم لا تردين عليه في الرمسة
الريم:ياي بغيضة
اليازية وهي تشاور بالريم :سكتي عنه لا يضربج
الريم تمت تبكي لان أول مرة سالم يكلمها جذي .......
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك