رواية قل لها المجنون وصاني وهو يعنيك -7
<<<الجــــ السادس ــــزء>>>
ريوف :ايش فيها تصارخ
ريهام:مدري بس شوفيها شكلها خايفه ووجهها كلها عرق
ريوف:شوق ايش فيك اصحي اصحي
شوق فزت من نومها استوعبت ان اللي صار كله حلم لفت وجهها يمين يسار فجاءه بكت بصوت عالي وراحت تركض للحمام
البنات يدقوا باب الحمام
ريوف:ياشوق مايصير اللي تسوينه بنفسك
ريهام:شوق اطلعي
ماهر سمع اصواتهم جاهم من غرفته وام ناصر وشذى جو يركضون من تحت
ام ناصر:ايش فيكم تصارخون
ريهام:يمه شوق شكلها يخوف قامت من النوم تبكي وتصارخ ودخلت الحمام وهذا صوتها طالع تبكي المسكينه
ام ناصر:شوق حبيبتي استهدي بالله واطلعي وفهمينا ايش السالفه
شذى في نفسها ياكرهي لدلع كل ذا عشان حلم
علي:ماهر ماهر وينك
ماهر :هنا هنا عند غرفة البنات
علي جا يمشي تنحنح قبل مايوصل :ايش السالفه ليه متجمعين
ام ناصر:البنت شكلها مفجوعه من حلم حلمته اوشيء زي كذا
ريهام:وانا بعد اقول كذا بس اول مره اشوفها كذا
علي:هي مين بضبط
ريهام:شـــــــوق
علي :طيب شوي ريهام ابعدي
بعدت ريهام عصبت شذى
علي:شوق شوق فكي الباب
شوق:--------
علي:شوق يابنت العم غلط اللي تسوينه بنفسك اطلعي واستهدي بالله وصلي لك ركعتين
شذى نفذ صبرها:يـــــاربي كل ذا عشان حلم
ريهام:بليز شذى مو وقتك
علي:شوق لاتخوفينا عليك ومو حلو تطولين في الحمام وانتي مرعوبه يالله انا وماهر بنطلع خذي راحتك البيت بيتك بس لا تنسين صلي لك ركعتين واستعذي من الشيطان
شوق قاعده تكتم شهقاتها داخل الحمام لكن هي استشعرت لو الحلم ذا حقيقه وصلت السالفه لرجال ومشت السالفه بالمجالس الكل يقول شوق بنت ابراهيم تجاكر ولد عمها بدوام
راحوا ماهر وعلي
ماهر:ماشاء الله عليك واعظ
علي:كسرت خاطري حسيت بانيّنها داخل ماهانت عليّ
طلعت شوق وصلت لها ركعتين الكل حب يتركها لوحدها بعد ربع ساعه نزلت تحت تسولف مع البنات
وفي نفسها:حنون ياعلي واناماقصرت بغيت اهدم مستقبلك لاجل تفاهات بس الحل اني اتجنبك لاجل ما اظرك ويصبح الحلم واقع
في مجلس بيت ابوخالد الكل جالس يسولف ويضحك الا علي انيّنها عذبه فيي شيء بداخله يهمس له بشيء هو موفاهمه لكنه مثلها عنيد فجاءه ابتسم طلع جواله الثاني حق المقلب وارسل لها مسج
""""""لاغاب عني يظلم الدار والحي..وان غاب غيره ماعسرني غيابه
انا بدونه زهرة مالها ضــي ...بين الهشيم وتستغيث بسحابه """""""
رن مسج عند شوق شافتها من المزعج قراتها وانقهرت
في نفسها الله يستر هذا موتاركني براحتي
اتصل عليها اعطته مشغول اتصل مره ثاني رفضته{ المثل يقول اللي ببطنه ريح مايستريح}
هيام:شوق شوق تعالي ابيك
قامت شوق :هلا هيام
هيام:شوق ريهام عافسه الدنيا فوق تعالي شوفيها يمكن تفهميها
شوق:اوكي انا بروح لها انتي خليك عند شذى لان امك وريوف في المطبخ يعني عشان ماتشك
هيام:اوكي
نزلت هيام تحت رن جوالها وطلعت تكلم ونست شذى وطوايفها
رن جوال شوق وشذى حست من شكل شوق ان الرقم هذا مُوّترها
الرقم كان مكتوب بالمزعج ردت شذى وهي تتغنج:هلا والله بالغلا
علي وهو يغير صوته:كيفك شوق
شذى:تمام اخبارك ياعسل
علي حس ان الصوت موصوت شوق:وين صاحبة الجوال
شذى:ولو انا صاحبته انا شوق
عاد الحين عرف مين هي صاحبة الصوت علي:امم اجل قولي لها ان المتصل اخوها عبود حبيت اسوي لها مقلب من رقمي الجديد
شذى في نفسها اوف :اوكي عبود
جات ريوف وطفت شذى الجوال بسرعه لكن ريوف انتبهت لها
جلست ريوف تدردش مع شذى شوي
فوق بالغرفه
شوق:ايش اللي ضيعيته ياريهام فهميني
ريهام:ياربــــــــــــــــــــي ياشوق مو وقتك ابد
شوق:لي ساعه امشي وراك وانتي ولا معبرتني
ريهام:شوق بلــــــــيز
شوق:اوكي انا ابي اطلع لكن بصراحه حبيت اساعدك بس مافي فايده
ريهام:شــــوق بليز الشيء اللي ضاع يمكن اتدمر اذا احد شافه
شوق:مافهمت
ريهام:ولا ابيك تفهمي
طلعت شوق معصبه وراحت للبنات
لقت جايها مسج من المزعج
افى ياشوق تتركين احد يرد علي انا وانا اللي حبيتك انتي لوتعطيني من من يكون اعرفك ياشوق
بس انا قلت للي ردت علي انا اخوك عبود
قرات شوق المسج معقول احد رد بس يمكن بيستفزني وانا الغبيه المره اللي فاتت قلت له انت اخوي عبود
تغدوا البنات الا ريهام وجاء بدر واخذ اخته وراحوا
شوق:بنات في رقم اتصل عليّ ممكن اعرف ااحد رد عليه ولا لا
ريوف:معليش فيه احد رد بس ممكن اعرف من المتصل
شوق:واحد مزعج بس انا اللي ابي اعرفه من اللي رد
ريوف:ماراح اقولك انسي ان احد رد دامه مزعج
شوق:بليــــــــز ريوف اذا تعرفين من قولي لي
هيام:ليش تحبي تستري عليها تراها وحده ماتستاهل
ريوف:من تقصدي
هيام :في احد غيرها انا شفتها هي شذى وانا اكلم في الحوش مع طرف الباب فلا تخبي شوق بنت عمي واللي يضرها يضرنا
شوق:انت متأكده
هزت هيام براسها بمعنى اي
ريوف:بصراحه ما حبيت اقول لك بس انا سمعت المكالمه اللي دارت بينهم وبصراحه شذى كرهتني فيها تتغنج على المتصل وتعرف نفسها انها شوق وفي الاخير قالت اوكي عبود وشافتني وقفلت الجوال
وقفت شوق معصبه:الله ياخذها الخايسه فضحتني
ريوف:لاتناقشينها في الموضوع هذا حاولي تتجنبيها
شوق:ادري والله لوجادلتها بتقلب السالفه عليّ عن اذنكم ابي اروح الحين سلمو لي على ريهام وداروها ترى هي موعلى بعضها
هيام:اوكي بس لاتنسي يوم الاثنين ملكة ريوف لازم تجين من بدري
شوق:ولـــــــــو بس ماكنه استعجل
هيام:موبكيفه ولاّ كان اليوم مملك ضربتها ريوف
شوق:ههههههه حلووووووووووه
هيام:بصراحه هومن شأن زواج ناصر لان بعد شهرين اوثلاث بيكون العرس
شوق:والله انكم مستعجلين يالله في امان الله احمد ينتظرني تحت
نزلت شوق احمد كان ينتظرها شاف ضل يراقبه من الغرفه اللي في الدور العلوي
فتح احمد جيبه وطلع الورقه وفتحها وقراها وابتسم وخلاها مثل المهفّه
ريهام تطالع فيه من فوق معقول تكون نفس الورقه بس اشلون هوبيجيبها يمكن احد اعطاه اياها لالامستحيل
في كنـــــــــــــــــــــــــــــــــــداااااااااا
ياسر :حمدان الليله المحاظره لازم نكون على قد كلمتنا لازم نعلم الناس من هي ام المومنين
حمدان:اوكي باقي 6 ساعات تقريبا ياخوي ياني متحمس احس بنشوه غريبه
ياسر:الله يوفقنا
حمدان:هذا وينه السبال عمور وين سايير
ياسر:والله مدري عنه ,,, هذا هو جاي تشوفه هذا ايش اللي معه
حمدان:انت وينك
عمر:انا كنت عندابو جهاد
حمدان:ومنوه هذا ابو جهاد
عمر:لك هاد رجل اعمال اردني ساهم معنا في كزا ايشي مسلا ايجاب لنا كزا كرتون ماي صحه وعصيرات وهيك ايشي ولا كمان
ايجا واشرف على المكان ولا عجبوه وهلأ بدو يغيروا وكمان بدو يجيب لنا كزا قناه تنقل المحادره وكزا موقع بــــ نت موباشر
حمدان:وش هدفه ابوجهاد
عمر:عمل خيري وهو موبس هو كمان معه كزا واحد وهم ابيسندوه في اعمال الخير انا مابعرف الا هاد ابوجهاد وهويؤل بدو يرعى المحادره وفي الاخير بدو يكرمنا
ياسر:الله يجزاه خير اوكي انتظروني ثواني انا بروح واجي
حمدان:تعال انت في يوم مثل هذا وين بتروح
ياسر:قلت ثواني
حمدان:خبري بك تبي تروح لهلكأبه اللي بذيك الزوايا
ضحك ياسر وراح يكتب مثل هالذكرى ما اتوقع بيجي احلى منها الدفتر حق المذكرات مكانه وفي ورقه طايحه ومكتوب بالخط العريض
{ياسر انت شاب طموح شد حيلك شد الهمه ســــــــــــــــــــــــــــــراااااااااب}
جلس يفكر ياسر من ذي سراب لا وكاتبه عربي ماكان معه وقت يفكر اكثر مع انه استغرب حيل
كتب
{ولاول مره سألقي محاضره ولن تكون عاديه بل ستكون عن امي عن من خلدت التاريخ عن من اتهمت في شرفها انا لن ابرؤها بل برأها الله من عنده لذا فا ارجو من الله ان يوفقني ويسدد خطاي}
طلع من كوخه المعتاد واتصل على امه بعد ما عرف اسم القناه اللي بيتم العرض فيها كل العايله اليوم مفتخره بياسر لا موعشانه طيار عشانه في سن اقل من الـ27 وفكر في مثل هالفكره
وصل عند اصحابه
عمر:كتير متوتر اول مره بئدم محُادره
حمدان:اسكت زين اللي يشوفك يقول إنا انا ويسور لنا خبره
ياسر: الله يقوينا المهم كل واحد عارف ايش راح يقدم
حمدان:هيه ياعم افرح انت الوحيد اللي اكثر اللي بتقوله عربي مو احنا
عمر:كل واحد وافكاره هاد انا بدي اتكلم انجليز طول الؤءت
حمدان:لا وانا من زود الفلاحه اغلب وقتي اتكلم كندي
ياسر:وانا عندي فقرات كنديه كثيره بعد بس وين ابو جهاد طول انا اعصابي تلفت ابي اطلع اشوفه
طلع ياسر ورجع :اوووه انا ماعرف شكله
عمر :بدي اتصل عليه بشوفه
بعد ماخلص من عند ابو جهاد:بيؤل هلأ هو جاي
بعد ثواني جاهم ابو جهاد ومجموعه من رجال الاعمال ورجال من السفاره السعوديه والعربيه وجات كميرات القنوات اللي منسق معها ابو جهاد قبل اسبوع
في جده ام ماجد وبناتها ينتظرون البث على احر من الجمر وكل دقيقه ام ماجد تقول ليه تأخروا وينهم وليه وكيف
ابوخالد واهله عند ابو ناصر الحريم ينتظرون من جهه والرجال من جهه اخرى في بيت الشعر
وفي الرياض بدور وامها حيل متحمسات
في تمام الساعه التاسعه والنصف بداء البث
كان في مذيـع من طرف ابو جهاد قدم الشباب الثلاث عاد لما قال ياسر فهد خلاص ام ماجد تدورونها ماتلقونها من البكي وام محمد تأثرت حيل
قدموا المحاضره وكان في فقرات ترفهيه والشباب في البدايه مرتبكين بس بعد شوي جاء الحماس لدرجة انهم انشدوا مواييل حجازيه وشعبيه من ياسر وموال شامي من عمر وموال اماراتي من حمدان استمروا لثلاث ساعات
في آخر الحفله جاء ابو جهاد ومعاه اربعه من رجال الاعمال وكرموا الشباب
بعد انقطاع البث جوالاتهم الثلاثه ماوقفت من كثرت الاتصالات وخصوصا ابو اسامه اللي كان مبسوط باللي صار لياسر بعدماخلصوا جاء نفس الشاب اللي جاء ياسر يوم توززيع البطاقات
عادل:ياسر
ياسر:هلاا من انت
عادل:انا عادل وحبيت ابارك لك بالنجاح اللي صار والله ورفعت راسنا يالسعوديين
ياسر:السعوديين راسهم دوم مرفوع انت من وين تعرفني
عادل:بسلامتك بس قريت اسمك قبل فتره على لوحة التوقيع لنصرة شرف الرسول
ياسر:ويش لون تقول فرق بيني وبين اخوي
عادل:اللي تشوفه عيوني تقوله
ياسر:وانت ويش عرفك ماجد
عادل:انا والله ما اعرف ماجد انا اتكلم عن عيسى
ياسر:من عيسى
عادل:اخوك نفس اسمك الرباعي
ياسر:يمكن تشابه اسماء
عادل:ليه ما عندك اخ بنفس الاسم
ياسر:لا
عادل:طيب ابووك متزوج على امك
ياسر:اي قبل امي ولا زال عندها بس للاسف مانعرفها وصحيح انا اسمع ان عندي اخوان بس صراحه ما اعر فهم ومن زمان عن ابوي فمستحيل اعرف عيسى ذا
عادل:اها عشان كذا انا شايف الفرق
ياسر:اي فرق
عادل:التربيه انت اثبت قبل شوي ايش قد انت انسان محترم لكن عيسى لا طول عمره سكار وفي المراقص ومشهور بالبنات بصراحه ابد مايسرمنظره اي واحد غيور
ياسر:عادل تكفى ابي شوفه وابيك تساعدني لاجل اشوفه
عادل:اوكي هذا رقم جوالي بكره ابي اتصل عليك واوديك له للمرقص المشهور اللي يروح له دايم
ياسر:ماتقصرجزاك الله خير
في اليوم الثاني قاموا متأخرين راحوا على المحاضره لان قربت اختبارات الفاينل
داخلين الجامعه واغلب الشباب مستغرب من جرأتهم البارح
كل واحد راح لمحاضرته بعد شوي طلع ياسر وراح لمكانه المعتاد
اول ما دخل مكانه لقى ورقه مكتوب فيها {مثل ما تأكدت طول عمرك رافع الرأس عكسك اخوك عيسي ويشرفني اني ابارك لك النجاح اللي حصل لك البارح واقولك انطباع الناس فيكم البارح الكل يثني على اللي صار في المنتديات لذا اقول فعلن رفعت راس امك وابوك
ســـــــــــــــــــــــراااااب }
ياسر في نفسه من هذي سراب من عمري ماشفت احد يجي صوب ذا المكان ياربي ذي تلعب بالاعصاب بس انا لازم اوقف ذا المهزله والحل فكرشوي اي احلى حل اني اطنشها ويمكن تكون ولد ويمكن اووووه انا لازم اطنش
اتصل عليه عادل وراح معه للمرقص اول ما دخلو ما عرف منهو اخوه من بينهم
عادل:هذاك هوووووو
غمض ياسر عينه ابد ماتخيل في يوم من الايام يقولوا ذا سعودي لا ويقولوا اخوك مصيبه{شاب عمره28 سنه قد ماجد وصابغ شعره مخصل ثلجي وبني ولابس بروموده ابيض بدله ابيض مفتحه ازاريرها وفي سلسال واساور بالعربي الرجوله بجهه وهو في جهه}
ياسر:يمكن تشابه اسماء
عادل:تعال معي الرجال مو في وعييه لاهو ولا اللي معه
دخل يده في جيبه وطلع بوكه وشاف بطاقته انفجع طاحت صوره شالها ياسر شاف ابوه اللي ماحس منه معنى الابووه ياسر :عادل ساعدني فيه
عادل:ياخي ثقيل ما اقدر عليه
ياسر:وقفه معي نبي نسنده لحد ما نحذفه بسيارتي نبي نوديه لمكان بعيد
عادل:اوكي بس انا عندي مكان اضمن لك انك تستفيد منه
ياسر:وينهو الحقني فيه
عادل:في قرية بعيده من هنا وفيه ناس فقراء وانا بنفسي اتصرف بطريقتي
ياسر:بس اخاف من الفضيحه واسم ابوي بيلصق بالفضيحه
عادل:اول شي الناس هنا ماحد بيعرف ابوك عشان كذا لازم تراعي انك تفكر في اخوك اولا واخيرا وصحته
ياسر:ونعم الراي يالله مشينا به
طبعا اخذوا عيسى وراحوا للعايله اللي دل عادل عليه
دخل عادل بعد عشر دقايق جاء: دخله يا ياسر تكلمت معهم
ياسر: تضمنهم لي ياعادل
عادل:اكيد اضمنهم واحد منهم يداوم معي وهم عايله على قد حالهم وانا استاجرت عندهم غرفه لي انا وانت نبي نكون معه لحد مايصحي وبعدين نحاول نعالجه
ياسر:عادل مدري ايش لون اشكرك احس اني بدونك بضيع
عادل: ياسر احنا اخوان عيال بلد واحد وفي غربه احنا اخوان ياياسر
ياسر :طيب دخله معي
دخلوه وجلسوا معه وكل وحد سرح بأفكاره عادل:ياسر
ياسر:نعم
عادل:هونها ياخوي وتهون
ياسر:طيب لوصحى من ذا السم اللي شاربه ايش اسوي معه خصوصا انه مايعرفني
عادل:ياسر انت ماتعرف عني شي بس ابيك تثق فيني انا ابي اتوصى في اخوك
ياسر وعلامات التعجب ظهرت بوجهه:مافهمت
عادل:ابي اتوديه مستشفى خصوصي
ياسر:لالالالالالا مابي يروح لمستشفى
عادل:طيب اتركني اكمل كلامي انا ابي اوديه وبإسم مستعار بصراحه يا ياسر انا اعرف واحد طبعا جابوه من السعوديه ما طول اسبوع بس وهو مايطيق المخدرات اللي كان يبيع نفسه عشانها
ياسر:عادل صحيح توني ادري انه اخوي بس قلبي حن عليه ولاارضي انهم يعذبونه
عادل:ياسر افهمني مافيه اقوى من العذاب اللي هو فيه
ياسر:طيب انا ابي ارافق معه
عادل:عادي صدقني كذا انت تطمن عليه بنفسك بس حاسب حنا على اختبارات الفاينل
ياسر:لا خلاا ولاعدم يالغالي
عادل:اوووه بتتحسسني اني مسوي انجاز
ياسر:اروع انجاز اني تعرفت عليك
في الشركه رجع خالد وداوم عادي طبعا خالد صاريروح ويجي مع خواله بإستمرار وتعود عليهم
في بيت ام سامي
ابوسامي:ايش في بنت خالتك يوم ماتبيها
سامي:الزواج قسمه ونصيب ونصيبي مو معها
ام سامي:انت تحب تعاند لكن انت الخسران الوحيد
سامي:اكيد انا الخسران لو اخذتها
ام سامي:احترم نفسك وراح تاخذها يعني راح تاخذها وانا حلفت عليك من المره اللي فاتت
وطلعت وتركتهم
سامي:يبه ما ابيها ما ابيها تكفى يبه
ابو سامي:اناحاولت فيها البارح بس مافي فايده معنّدهٍِ وراكبه راسها
سامي:يبه نعرف بنت تنجبر على الزواج بس ولد ينجبر ماصارت واتوقع اني اول الضحايا
ابوسامي:ارض امك يا ولدي يرضى عليك الله
اليوم ملكة فواز وريوف
الكل يتجهز في بيت ابوناصر
ريهام نزلت تحت جاهزه لابسه فستان سكري نااعم ذيله شوي طويل ولابسه اكسسوارات لونها احمر جنان وحزام احمر عريض
ام ناصر:حصني نفسك ياريهام
ريهام:افى ينضلوني !!؟ اجل انت وين انتي
ام ناصر:اوووووه ولاّ زماني الحين زمانك انتي وجيلك
ريهام: يمه وين رنيم ماشفتها
ام ناصر:طلعت برا تلعب
ريهام:اووه يمه الناس بيجون مالبست
ام ناصر:لبسي اختك قبل لاحد يجي
طلعت من الباب الخلفي
ريهام:رنيم رنيم
رنيم:نعم
ريهام :وينك
رنيم:ايش رايك
ريهام:حلو من لبسك
رنيم:انا انا صرت كبيره
ريهام:طيب اسبقيني للبيت
رفعت ذيل الفستان بيدها
وقف احمد لا لاما اصدق كل هالجمال في هالبنت كل يوم وتحلوين بنظري
مرت ولا انتبهت له دخلت داخل
شوق جاتهم مع صلاة المغرب جاهزه من الى لابسه فستان زهري نعوم
شوق:واو تجننين ياريوف قمر قمر
ريوف ميته من الخجل:تسلمين
رنيم:ريهام ريهام خذي
ريهام فتحت الورقه نفسها:من وين لك
رنيم:احمد عطانيها
ريهام وهي تصك فم رنيم وتبتسم للحظور
انزفت ريوف دخلوا اخوانها مع خالهم وفواز صوروا وراحوالا علي ناوي يعصب بفوازشوي
دخل معهم في المجلس
فواز:هــي انت منت بطالع
علي وهو يعدل جلسته:اممممم خلني افكر
فواز:شكلك راعي طويله
علي:جبتها هههههه
فواز:يآخي خواتي بيجون يصورون معنا
علي:ههههه حتى انا جاي اصور وابي اطلع
ويطالع بالمصوره صوري صوري
تصور وطلع
فواز:مبروك ريوف
ريوف:الله يبارك فيك
فواز:قلت من صبر ضفر وهذا انا ضفرت فيك{نجحت اوفزت}
ابتسمت ريوف
الا ومع دخلت خواته
البنات:مبروك عليكم
فواز وريوف:الله يبارك فيكم
مها: عاد اليوم يافوازاحلى يوم
فواز:اكيد دام اخذت اقمر اللي عندي بيكون احلى يوم
مها:اكــــــــــــيد بس موعن كذا اتكلم اليوم حمودي ولدي اول حفله يحظرها ان شاء الله تتبارك
العنود:ههه احسب عندك سالفه اليوم ملكة الغالي
سوسو:يالله بنات نبي نتصور
تصوروا البنات وطلعوا والمصوره معهم
لف فواز وجهه لها نزلت ريوف عيونها
فواز:ريوف تصدقين انك قمر
ريوف:مشكور
فواز:ريوف تعشيتي
ناضرت ريوف بنظرات استغراب
فواز:اقصد ذاك الليله
ابتسمت ريوف وهزت راسها{ وفي نفسها تقول له عين يسأل بعد }
فواز:ههه اجل اليوم بعوضك بأحلى عشاء وبأرقى المطاعم بجده
سكتت ريوف
فواز:ايش قلتي
ريوف:ابي استشير اهلي مع اني عارفه انهم راح يرفضوا
فواز:ولو اني ولي امرك الحين بس اتركي الموضوع علي
اتصل فواز في ناصر وقال ناصر لابوه ولبست عبايتها وراحت معه
ركبوا السياره كان فواز صوته حلو حط الكاسيت بالمسجل بصوته هو وبدون موسيقى صوته ابداااع
ماعرفت اني على نفسي جنيت
ولاعرفت ان النواظر جارحات
يوم شفت الخل من شوفه ابتليت
يا الهي صرت مدرك ع الممات
في حياتي مثل شخصه ما رأيـت
ماكذبت ان قلت سيد السيدات
طار بي شوقي وعلى صوته انتشيت
قمت الحن على اوتار العازفات
طحت في بحر الغرام ولا نجيت
الله يستر من ايامي المقبلات
لف وجهه لها :ايش رايك بصوت
ريوف:احلى صوت من يوم كنت صغيره واالصوت هذا ساحرني
فواز:بس الصوت طيب وراعي الصوت
نزلت راسها وسكتت
فواز:افى
ريوف:فوااااااااز
فواز:عيون فواز
سكتت ريوف ونزلت راسها
فواز:اموت انا على الناس الخجوله
في المقهى
فيصل:خالد
خالد:هلا فيصل
فيصل:هــي انت تراني خالك احترمني وقل خالي
خالد:هههه انا والله ماني مقتنع انك خالي انت ومشعل عكس خالي عبدالعزيز وحمد في كل شيء
فيصل:يووووو بتقارني فيهم تراهم شياب
خالد:موبس كذا حتى مافي شبهه وبعدين حمد موشايب 46 سنه عمره
فيصل:لاتضيع السالفه كلنا اكبر منك انا عمري 28 ومشعل 27 يعني لاتحاول
خالد:هههه اجل ياخالي فيصل ايش عندك
فيصل:اي كذا حلو بصراحه انا نفسي اشوف اخوانك وشوق
خالد:صعبه
فيصل:موصعبه وبذات شوق موممرضه بسهوله امر عليها
خالد:كيف
فيصل:في الدوام بدون ماتعرفني
خالد:اللي ماتعرفه شوق محافظه ومتدينه يعني بتحطها في موقع محرج في دوامها وهي عصبيه حيل ويمكن تلاقي منها اسلوب مايريحك
فيصل: تصدق مشتاق اشوفها
خالد:وامي ماتبي تشوفها
فيصل نزل راسه فجاءه:بقولك شيء ياخالد انا ماحقدت على امك واللي ماتعرفه ان امك جتنا بعد وفاة امي بسنتين اوثلاث ماني فاكر للبيت طبعا انا اللي طردتها كان عمري وقتها 16 سنه قريب يعني قبل 12 سنه
خالد:ليه طردتها؟
فيصل:مدري ليه وقتها كنت كارهها وطردتها وبهذلتها صعبه ياخالد تكون لك اخت وتتبراء منك فجاءه يكون قلبها حن لاوالمصيبه ربوني حريم اغراب عني عطوني اللي ما اعطتنا اختنا من الحنان والتربيه اللي ماتعرفه حمد زوجته كانت عقيم بس الحين حملت بانابيب فرغت حياتها لنا وهي ومريم الله يرحمها
خالد:بس غلط اللي سويته
فيصل:صدقني ندمان واخواني زعلوا مني وانا احيانا اتصل على بيتكم بس عشان اسمع صوتها واقفل واللي بفاجئك فيه انا شفت عبدالعزيز قبلي يسوي الحركه ذي ويرتاح قلبه اذا سمع صوتها ويحمد الله انها بخير شفت الرقم وبحثت عنه الا وهورقمكم مااستغربت اعرف عبدالعزيز اشلون يحبها واحنا ما احقدنا عليها احنا شايلين في خاطرنا بس
خالد:آه لواقدر ارد السنين لورى ونلم الشمل مثل ماكان واحلى
فيصل:صدقني صعبه والحين بذات الشركات في تنافس
خالد:تبي تشوف شوق صادق
فيصل:اي وربي
خالد:ابي احاول بس ما اوعدك ياخالي فيصل
فيصل:اجل هيا معي تغدا عندنا
خالد:واحد يقول لا لأكل
خالتي منى
دخلوا خالد وفيصل للبيت راحت فجر ولبست عبايتها وحطت شيلتها على كتفها
فجر:هلا والله بخالد
فيصل:الترحيب بس لخالد
فجر:اي لخالد مافي مثله مومثلك انت ومشيعل
مشعل كان نازل مع الدرج مسكها مع اذنها :اش فيه مشيعل
فجر:ها لامافيك شيء
مشعل:ههه العبي غيرها
فجر:خاااالد
خالد:اتركها يامشعل عشاني
مشعل هز راسه بمعنى لا
خالد:اقوول اتركها وسحب فجر وتخبت ورى ظهره
فجر:اي يامشيعلوه انت نذل
مشعل وعيونه عليها:وشوووو؟
خالد:عفييه يافجوره ياقلبي نذل ووشوكمان
فجر:وشايف نفسه
مشعل:هــــــــــي انت وياها
فجرتمد لسانها له: هههههههه
الشغاله جايه تركض لهم:بابا فيصل مدام منى تعبان
فيصل:منى تعبانه روحي فجوره شوفيها على بال ما تصل في حمد
خالد:بشغل السياره خلوالشغلات يلحقونا فيها
راحت فجر وجابت عباية منى ولبست منى سندوها الشغالات وراحت معهم في سيارة خالد وفجر ووحده من الشغالات ركبوا معها
ومشعل وفيصل لحقوهم
ووصلوا اول مستشفى على طريقهم هونفس المستشفى اللي تشتغل فيه شوق وعلي
دخلوها قسم الطواريء وبعدها لقسم الولاده
جاء حمد يركض :بشروا شباب وين منى
مشعل:دخلت هنا
حمد رايح جاي متوترفي واحد ربّت على كتفه لف وجهه
خالد:تطمن ياخالي هي بخير اولا كانت معي في السياره طول وقتها تذكر الله
حمد:خايف عليها ياخالد هذي منى الغاليه لويصير لها شيء اموت
خالد:بعد عمر طويل ياخالي
بعد ساعه
شوق كانت ماره من عندهم
خالد:شوق تعالي
لفوا وجيههم كلهم شافوها كلهم نفسهم يشفونها بنت اختهم الوحيده كل واحد حس بنفس الشعور من حب وحنان لها البنت المحجبه من والى وتمشي وهي واثقه من خطواتها
خالد:وين رايحه الحين
شوق:خالد ايش فيك هنا دوامي وفيه حالات طارئه لازم ادخل لها
خالد:اي اي ايش اسم اللي انتي رايحه لها
شوق:مدري ايش اسمها هي حالات كثيره ناظرت فيه......خالد فيه شيء
خالد:اي فيه واحده هنا اسمها منى عامر طمنيني عليها
شوق:تعرفها انت
خالد:اي زوجة صاحبي هذا
حمد وهو يمسك يدها:طمنيني عليها واللي يرحم والدينك هذي زوجتي وهي بكريه
سحبت يدها مقدره الحاله اللي حمد فيها:اوكي
دخلت شوق .........حمد:ونعم التربيه يانوره والله وعرفتي تربين خالد وشوق
خالد:الله يطمنك عليها ياخالي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك