رواية ويبقى خالد -6
حلوه مثل هذي ،
ام عبدالعزيز : حيالله من يانا
ام عبدالله : الله يحييج
نزلت اسراء بخطوات بطيئه و بحيا كبير و بخوف ،
sweet memy
البارت الخامس :
ام عبدالله : ماشاء الله لا اله الا الله
كل الانظار كانت على اسراء ، و فاطمه و ريم انصدموا من جمالها و ابتسموا ،
سلمت اسراء على ام عبدالله و فاطمه و ريم ، و قعدت و نزلت راسها ، الحيا كان طاغي عليها
بيت بو احمد :
احمد : شهوود قومي بسرعه بقولج شي
شهد الي كانت تعبانه و نايمه وبصوت نعسان : خير شتبي ؟
احمد : سمعتي اخر خبر ؟
شهد : شنو اي خبر ؟
احمد : خالد
شهد انصدمت و خافت : شفيه خالد ؟
احمد : اليوم خطبته
شهد بصدمه : شنوووو !! خطبته !!
احمد بعصبيه حييل : اي ، هذا كفو احد يتعب علشانه ولا يحبه ؟ كاهو خلاج و راح خطب غيرج
شهد : احمدووو انت شتقول ؟! مستحيل خالد يخطب غيري !
احمد : والله مو مصدقه دقي عليه و قوليله
شهد ودمعتها نزلت من طرف عينها : خالد خطب ، لا مستحيييل خالد يحبني
احمد : يحبج باحلامج ، اصحي يا شهد ، خالد ما يحبج و لا بحبج ، خالد كان يلعب عليج
شهد بدت تبجي بغزاره : لا لا انت تجذب علي ، خالد يحبني
احمد خلاها بروحها و طلع ، خلا اخته تبجي وتعاني بروحها ، كانت تسترجع مع نفسها طلعاتها و كلام خالد لها ، و تقول من غير شعور احبك يا خالد
بيت بو عبدالعزيز :
الفرح كان مالي المكان و السوالف و الضحك متبادله بيناتهم
ام عبدالله : طبعا احنا يا ام عبدالعزيز يايين اليوم نخطب بنتكم اسراء لولدنا خالد
ام عبدالعزيز : هذي الساعه المباركه شرفتونا ، و انا موافقه و ماعندي مانع
ام عبدالله : يهمنا نسمع راي البنت
اسراء بحيا و كانت تتكلم و اهيا منزله راسها و بربكه : انا .. اانناا موافقه
قربت ام عبدالعزيز من اسراء و لمتها
ام عبدالعزيز : مبروك يمه مبروك
اسراء: الله يبارك فيج يمه
ام عبدالله : مبروك
اسراء : الله يبارك فيج
في الدوانيه :
عبدالله : عمي احنا يايين اليوم نخطب بنتك لولدنا خالد
بوعبدالعزيز : حياكم الله ، وين نلقى احسن من خالد ، وانا ما عندي اي مانع ، بس نسمع راي البنت بالاول ،
و راح عبدالعزيز عند الحريم و طلعتله اسيل و قالتله ان اسراء موافقه
ورد عبدالعزيز و بشرهم بالخبر الحلو
عبدالعزيز : البنت وافقت
خالد بفرح كبييييييييييييير و صوت مو مسموع : الحمدلله لك يا رب
بو عبدالعزيز : مبروك يا وليدي مبروك
خالد : الله يبارك فيك
و اسراء طبعا كانت تدري ان المعرس اهوه خالد ، حبته هالانسان فجأه ، وماتدري شلون حبته ، وافقت و حست انها بتعيش معاه حياه سعيده للابد ،،
رجع خالد البيت و كان حيل مستانس ، و مرتااااح ، بس تذكر شي كان لازم يسويه ، شهد ، شهد يا خالد ، لازم تقولها انك خطبت ، و انك خلاص بتنهي علاقتكم ، ماتردد و اتصل على شهد الي كانت مو مصدقه الخبر الي سمعته من اخوها ،،
شهد بصوت تعبان : الو
خالد : شلونج شهد ؟
شهد : الحمدلله
خالد : دوم ان شاء الله ،
سكت شهد و كانت تنطر خالد يقول شي ،
خالد : شهد ، خلاص انا فكرت بالموضوع
شهد : و شنو الي وصلتله له ؟
خالد : خلاص يا شهد ، روحي بحال سبيلج ، و تزوجي الي تقدم لج ، لاني انا خطبت
شهد ماصدقت كلام خالد و بصدمه كبيره و دموع: حرام عليك يا خالد حرام عليك ، ليش تسوي فيني جذي
خالد : خلاص شهد ، انا الحين خطبت و الي صار صار ، و انتي في واحد ينطر رايج ، وافقي يا شهد و الله يوفقج
شهد ينت : خالد انت مو من صجك ، انت تجذب علي صح ؟ قولي انك تلعب معاي
خالد : خلاص شهد ، هذا الواقع ،
شهد : خالد ، مافي احد تقدم لي ! هذي كانت خطه علشان اختبر حبك لي ، انا احبك يا خالد احبك !
خالد انصدم : خطه ! ( تنهد ) شوفي خططج وين ودتج ، ما اقدر اكلمج اكثر من جذي مع السلامه
شهد : لا مستحييل يا خالد مستحييل
خالد ما عطاها مجال و سكر التلفون ، تضايق شوي و نسى ، و بدا يفكر بحبيبته اليديده (اسراء) ،
طاحت شهد بنوبه بجي و تعبت حييل و اغمي عليها من الصدمه !
دخل احمد غرفه شهد و شاف شهد طايحه على الارض
احمد بصدمه : شهد !!!! شفيج شهد ! ردي علي شفيييج و خاف عليها حييل ،
سمعت ام احمد صوت احمد و ركضت بسرعه تشوف شصاير ، لقت بنتها طايحه على الارض و انصدمت ،
ام احمد : احمد !! شفيها اختك شصاير !!
احمد بخوف مادري يمه مادري ، امشي نوديها المستشفى بسرعه
ام احمد بخوف : يلا يلا ،،
و بسرعه خذوا شهد و طار احمد المستشفى و دخلوها الغرفه عن الدكتور ،
و كانت ام احمد مع احمد بره ينطرونها ، و بعد فتره قصيره طلع الدكتور ،
احمد راح حق الدكتور بسرعه : ها دكتور بشر ؟ شفيها ؟؟
الدكتور : مافيها الا العافيه ان شاء الله ، بس كانت يايتلها حاله اغماء ، و الواضح انها تعرضت حق صدمه ، تحتاج للراحه شوي
احمد : مشكور دكتور
ام احمد : يمه احمد شقال الدكتور ؟
احمد : يمه يقول الدكتور انها تعرضت حق صدمه و حاله اغماء
ام احمد و الدمعه نزلت من عينها : اسم الله عليها بنتي شصاير لها ، لا حول ولا قوه الا بالله ، يمه احمد قول للدكتور اني بدخل عندها
احمد : مايصير يمه خليها تحتاج راحه شوي
ام احمد تتوسل لـ احمد : احمد الله يخليك بدخل بشوفها
احمد شاف امه و انكسر خاطره و قال للدكتور و الدكتور وافق بس بشرط
من غير ازعاج .
دخلت ام احمد على شهد و شافتها نايمه ، قعدت يمها و نزلت دمعه منها ، قربت من شهد اكثر و مسحت على شعرها ، و احمد كان يمها و يطالعها و كان حاقد على خالد ، كان حاس ان خالد ورا طيحه شهد ،،
بيت بو عبدالعزيز :
ماقدرت اسراء تنام من الفرحه و السعاده الي فيها ، وافقت على زواجها من خالد ، خالد الي فجاه حبته ، و حست انها بتعيش معاه احلى ايام عمرها ، لان خالد يحبها و مستعد يسوي اي شي علشان ، هذا الي كانت تفكر فيه ،
بيت بو عبدالله :
نفس الحال مع المعرس خالد ، كان حييل مستانس و فرحان ، و ماغمضت له عين ، و كان يحلم بالمستقبل المشرق ،،
كليه الهندسه :
دلال : الف الف الف مبروووك
اسراء بحيا و بشعور من الفرح : الله يبارك فيج
دلال : بصراحه ، انا اخر شي كنت افكر فيه انج تتزوجين خالد
اسراء: ليش ؟
دلال : مادري ، كنتي تكرهينه ، ماتبين تشوفينه ، و من تصرفاته يعني ،
اسراء: انا بعد ، بس مادري شلون صدفه حبيته ،
دلال : ان شاء الله تعيشون حياه حلوه
اسراء بضحكه : آمييين ،
دلال : اوووه شوفي ، مو هذا خطيبج ؟
اسراء بحيا : اي هذا
دلال : ياعيني على الي تستحي
اسراء بحيا : دلووول بس عاد
دلال ضحكت : خلاص خلاص نوخر عنه لا يشوفج
بيت شهد :
طلعت شهد من المستشفى و كانت تعبانه ، ماكانت تفارق الفراش ، حالتها كسيفه ، الدموع و البجي ماكانت تفارقها ، و لاشعوريا قالت : اكرهك يا خالد ! اكرهك ! و ماراح تعيش معاها مرتاح دام انا موجوده !
بيت بو عبدالعزيز :
غرفه اسراء ،،
كانت مشغوله بالامتحانات و بالها مشغول بخالد ، و ماكانت تقدر تسيطر على الوضع ، حاولت تنسى خالد شوي و تدرس ، و قدرت تغطي صورته بمخها بمعلومات وكلام الكتاب الي جدامها ،،
و عقب ما خلصت فتره الامتحانات انشغلت بالتجهيز حق العرس ، اسماء و اسيل ماخلوها بروحها ، كانوا معاها 24 ساعه وماقصروا معاها بشي ،،
سمعت اسراء صوت التلفون ،
اسراء : هلا اسول
اسيل : اهلين ، شلونج ؟
اسراء: الحمدلله تمام
اسيل : يلا ترا الحين بيي علشان نروح الصالون
اسراء: والله تعبت ، سوق صالون ، خياط
اسيل : شتسوين بعد عروس
اسراء تتنهد : اوكي يلا انطرج ،
و عقب نص ساعه وصلت اسيل و طلعت مع اسراء و راحوا الصالون ،
كان عندها اسراء جلسه حمام ملكي للجسم ،
دخلت اسراء الغرفه و اسيل كانت تنطرها بره ، قضت الوقت بتصفح مجلات المكياج و الازياء
و عقب فتره طويله شوي خلصت اسراء ،،
اسيل : ها خلصتي ؟
اسراء بتعب : اي خلصت
اسيل : يلا نمشي ،،
و بالسياره :
اسراء : ذبحتني ، كسرت عظامي
اسيل : وااي الله يعينج
اسراء: وحسيت بالنوم ، والله مليت بروح احط راسي و انام
اسيل : نامي نامي حبيبتي ، باجر وراج دوره بالسوق
اسراء : بعد سووق !
اسيل : شفيج انتي انا اول مره اشوف عروس جذي ، لازم تكونين متحمسه و مستانسه مو تقولين تعبت ومالي خلق ؟
اسراء : يالله شسوي بعد بروح ، خصوصا ان ماباقي شي على العرس
اسيل : تعالي اتفقتوا على متى اي يوم ؟
اسراء : الخميس الياي
اسيل : و انتي ليلحينج ماخلصتي ،
اسراء : بخلص ان شاء الله
بيت بو عبدالله :
خالد : يمااا شقتي ليلحين ماخلصت ؟
ام عبدالله : خلصت يا يمه دوختني خلصت
خالد : اشوه ، الحمدلله
ام عبدالله : بس ناقص شي واحد
خالد بصدمه : شنو بعد !
خالد : يعيشون فيها احلى اثنين
خالد ارتاح قلبه و ابتسم
( خالد كان مجهز شقه كامله بالطابق العلوي ، و حب تكون مفاجاه و على ذوقه من غير ما يقول لـ خطيبته اسراء،، )
بيت بو عبدالعزيز :
وصلت اسراء البيت و من التعب ماحست بروحها و نامت على طول ، لكن صوت التلفون ماخلاها ترتاح ،
سمعت صوت اغنيه من اغاني عبدالمجيد و عرفت ان في احد متصل عليها ، مدت ايدها و سحبت التلفون و من غير ماتشوف الرقم ردت ،
اسراء بصوت حييل ناعم و نعسان : الو
خالد : شلونج حبيبتي
اسراء مو مستوعبه و ماتدري منو قاعده تكلم : الحمدلله
خالد حس انها نايمه : حبيبتي نايمه ؟
اسراء بصوت ناعم حيييل : اي
خالد ذاب من صوتها و حس انها تعبانه : اوكي حبيبتي نوم العوافي
اسراء ماتكلمت ولا كلمه
خالد : مع السلامه
اسراء : مع السلامه
سكرت الفون و حطته يمها و كملت نومتها و ماكانت حاسه بشي ، ولا تدري منو الي كلمها ،،
من صوب ثاني خالد ،
خالد : وااي فدييتها حبيبتي ، الظاهر تعبانه بعد عمري ،،
ودخلت فاطمه غرفه خالد ،
فاطمه بصوت عالي : منو الي تعبانه ؟؟
خالد : خرعتيني فطوم ! ماتعرفين تدشين بهدوء يعني !
فاطمه : والله دشيت بهدوء بس انت سرحان
خالد عصب شوي : مو سرحان ولا شي ، شتبين ؟
فاطمه : ماجاوبتني منو الي تعبانه ؟
خالد : و انتي شكو !!
فاطمه : اهااا حبيبه القلب هاا
خالد : اففف فطوم قومي طلعي و سكري الباب وراج
فاطمه : انزين انزين بس لا تعصب
و بعد ساعتين في بيت بو عبدالعزيز ، صحت اسراء من نومها ،
اسراء : أمبييه جني مساع يوم كنت نايمه كلمت احد ؟ ايي امبلا ، بس منو ؟؟
خذت اسراء فونها و جيكت على الرقم ،
اسراء: امبييه هذا خالد ! شلون كلمته و انا تعبانه و نايمه ؟ وييي امبيه حده فشله ، مسكين كان يبي يكلمني و لقاني نايمه ، اتصل ؟ ولا ما اتصل ؟ لا لا مابي اتصل ..
و عقب فتره قصيره خلصت اسراء كل شي و جهزت للعرس ، كانت حييل مستانسه و خايفه بنفس الوقت ، ان حياتها بتتغير و بتعيش حياه يديده مع شخص يديد ،،
و في يوم العرس ،،
الكل كان مشغول و الدنيا حوسه عندهم ، الكل كان مستانس و فرحان ، الا شخص واحد كان وااااايد حزييييييين و ما يبي هالعرس يحصل ! شهد ، كانت حالتها حاله ، تكونت بحيره من دموعها ، يسبح فيها الحزن و الغم ،،
بيت بو عبدالعزيز :
الكل كان متيمع في بيت بو عبدالعزيز ( اسماء و اسيل ) ،،
ام عبدالعزيز : يلا اسيل روحي مع اختج ترا وايد تأخرتوا
اسيل : ان شاء الله ان شاء الله يمه بس وينها اسراء ؟
ام عبدالعزيز : بغرفتها
اسماء : يلا يمه امشي الصالون الحين عشان نخلص بسرعه
ام عبدالعزيز : يلا امشي
خذت اسيل اسراء و راحت معاها الصالون ، كانت اسراء حييل خايفه و متوتره ، اسيل كانت تحاول تهديها و تريح اعصابها ، و بدت الكوافيره تسوي تسريحه العروس لـ أحلى عروس ، كانت حيييل حلوه و فخمه و ناعمه بنفس الوقت ، و عقب التسريحه بدت تحط لمسات المكياج ، كان مكياجها عباره عن مزيج وآآيد حلو من الألوآن الفاتحه و الغامجه ، طلع روعه مكياجها مع التسريحه ، و عقب المكياج لبست أحلى نفنوف ، كان مرصع بالشوارفسكي الناعم ، كان وايد حلو و كبير ، صكت اسراء على القمر بجمالها ،،
اسيل : ماشاء الله لا اله الا الله ، تهبلين قمر قمر
اسراء مستحيه و خايفه و منزله راسها : اسيل انا وايد خايفه
اسيل تحاول تخفف عنها الخوف : لا حبيبتي لاتخافين ولا تتوترين ، شوفي شكلج شحلاتج
اسراء تنهدت حييل و غمضت عيونها ،
اسيل : يا بخته خالد فيج ، بينصدم اليوم
ابتسمت اسراء ابتسامه صغيره ، و ردت حق الخوف و التوتر
في اكبر قاعه في فندق الرايه كان عرس احلى عروسين بالدنيا (اسراء و خالد )
صوت الاغاني العالي كان مالي المكان ، القاعه كانت مليانه بالناس ، الكل كان يبارك لـ ام العروسين و الكل كان فرحان و مستانس ،،
في بيت ام احمد :
ساره كانت مع شهد في البيت تواسيها و تنسيها خالد ،،
ساره : شهد حبيبتي خلاص ، ادعي لهم
شهد كان غرقانه بالدموع : شتقولين انتي يا ساره ! ادعي لهم ! ما يستاهل خالد مايستاهل
ساره ضاق خلقها : بس شهد خلاص ، هذا نصيبه و انتي لج نصيبج ان شاء الله
شهد : اكرهك يا خالد ! اكرهك انت و زوجتك !
ساره : خلاص بس اهيا مالها شغل ، ليش تدعين عليها
شهد و الدموع تنزل من عينها : اكرهها لانها خذت خالد مني
نزلت شهد راسها و دفنته بحضن ساره ، ساره مسحت على شعر شهد و باستها ،،
في صاله الرايه كان عرس الرياييل ، خالد كان اسعد انسان ، كان شكله روووعه و زوغه ، الدشداشه مخليته روعه و الجماغ الاحمر مزينه و البشت مخليه تكانه حيل ، الابتسامه ماكانت تفارق ويهه الحلو ابد ، خذا صوره جماعيه مع عبدالله و جاسم و بو عبدالعزيز و عبدالعزيز ، كان احلاهم بالصوره ، و بـ هالموقف تذكر فجاه شي واختفت الابتسامه و نزلت دمعه من عينه مسحها بحركه سريعه ،
خالد : الله يرحمك يا يبا ، كنت اتمنى تكون معاي بهاليوم ،،
شوي و نسى الموضوع و ردت ابتسامته الحلوه
و في الرايه عند الحريم ،
اسيل : دلال ترا الحين العروس بتدخل
دلال : اوكي اوكي الحين اقولهم
دلال : خالتي ترا الحين العروس بتدخل
ام عبدالعزيز كانت خايفه شوي : ان شاء الله
فجأه صارت القاعه ظلمه تمهيد لـ دخله العروس ، كانت هاديه القاعه و الكل ساكت ينطر الملاك الي بيدخل بعد دقايق ، فتحوا اضواء خفيفه ملونه جنها نجوم بالسما ، و على صوت السفير عبدالله رويشد اغنيه يا بنفسج دخلت احلى عروس ،،
دشت بهدوء حييل ، خطواتها بطيئة ، كانت رافعه راسها و ابتسامتها كانت مو طبيعيه ، تذوب الصخر .. جمالها كان ماينوصف ! كانت حيل جميلة بشكل يفوق الخيال ! رقتها جمالها نعومتها مشيتها ! غير !
الكل كان يشوفها بهدووء تام و و يقول لا اله الا الله لا شعوريا ، ام عبدالعزيز ما استحملت تشوف هالموقف و تسكت ، بدت دموعها تنزل و تبجي على بنتها ، اسماء كانت تمسح دموع امها و تهديها ..
اسيل كانت مع اسراء تعدل نفنوفها و تهديها ،خافت شوي اسراء من الحضور و ارتبكت اسيل : اسورة حبيبتي ابتسمي ولاتخافين
اسراء ابتسمت ابتسامه تذوب الصخر و خذت لها المصوره مجموعه من الصور الحلوه ، حست اسراء ان الطريج طويل على ما توصل للكوشه ، و انها مشت آلاف الاميال ، هذا كان شعورها ،،
و اخيرا وصلت للكوشه و قعدت ، عدلت اسيل نفنوف اسراء و شعرها ، قعدت اسراء و نست الخوف شوي ، و ابتسمت و خذت لها المصوره لقطات حلوه ،
قربت ام عبدالعزيز من اسراء و سلمت عليها ،
اسيل حاولت تعدل شكل اسراء و تهديها و تنسيها علشان ما يخترب شكلها و فعلا قدرت ،،
خذت المصوره لـ اسراء و ام عبدالعزيز و اسيل و اسماء صوره جماعيه حلوه ، الكل كان مبتسم بس ابتسامه اسراء كانت الاحلى ،
و على اغنيه راشد الماجد [ ما خبروك ] رقصت دلال و اسيل و اسراء كانت تشوفهم و كانت مبتسمه ،
و عقب اغاني ورقص انتشر خبر دخله المعرس ،،
الكل تغطى و تجهز و اسراء كانت حييل خايفه و متوتره ،
اسراء و الخوف مبين عليها : اسمااء انا خايفه
اسماء : ليش تخافين ماكو شي
اسراء بتوتر : خالد الحين بيدخل
اسماء : اي الحين ،يلا حبيبتي ابتسمي وريني ابتسامتج الحلوه
ابتسمت اسراء غصب عنها و حاولت تكون هاديه ،،
و على زفه المعرس [ يا معيريس ] دخل احلى معرس بالكون ( خالد )
دخل خالد و معاه عبدالله وجاسم بو عبدالعزيز و عبدالعزيز و يوسف ونواف و فهد ومحمد ،
تغطت العروس و نزلت راسها ، كان الحيا طاغي عليها ، وصل خالد للكوشه ، و اول ما وصل طبع بوسه على راس العروس ، حست اسراء ان الدم وقف في جسمها و انها ما تقدر تسوي اي شي ، خذوا صوره جماعيه حلوه و قعدوا ، اسراء كانت وااايد مستحيه و خالد كان مستانس و مبتسم على طول ، و قال في قلبه : قمر لا اله الا الله ، يا بختي فيج ،،
كل الناس كانت عيونهم على اسراء و خالد ، كانوا حييل لايقين على بعض ،
ام عبدالله و الدمعه نازله من عينها: الله يخليكم لبعض يا رب و يسعدكم ،،
وعقب فتره قصيره مسكت نور صندوق حييل حلو كان مغطى بالتور و مزين بالاحجار و الشوارفسكي داخله الشبكه ، مسكته شوي شوي لما وصلت عند العروسين ،،
خذا خالد الدبله شوي شوي و مدت اسراء ايدها و كانت خايفه و ايدها ترجف ، حاولت تسيطر على نفسها و قدرت ، و لبسها خالد الدبله و خذت لهم المصوره لقطه حلوه بالموقف ،،
و عقب فتره خذا المعرس العروس و كان ماسك ايدها ، توجهوا حق الكيكه ، كانت كيكه ولا احلى ، كبيره حيل و وايد حلوه ، كانت عباره عن 7 طوابق مزينه بورود حمرا ، مسك خالد ايد اسراء و قصوا الكيكه مع بعض ، اسراء كانت ترجف و خايفه و خالد كان حاس فيها ،،
و عقب الكيكه طلع معاها و لقى جدامه احلى مفاجاه من ام العروس و المعرس كانت عباره عن لوموزين ، فتح الريال الباب و دخلت اسراء و عقبها خالد ،،
اسراء كانت مستحيه حييل و انقلب لون ويهها لي الاحمر ، خالد شافها و ابتسم ،
اسراء نزلت راسها و بحيا كبييييييييييييييير ، و خالد كان يبي يبدي بالكلام ،
خالد : صايره قمر يا بعد عمري
اسراء بحيا كبير و حست بالربكه شوي و ماتدري شتقول ، و بصوت ناعم حيييل : تسلم
و عقب توجهوا للفندق ، كانت خايفه شوي لانها بروحها ، افتقدت امها و ابوها ، خصوصا انها كانت مدلعه ، حست انها كبيره الحين و لازم تهتم بنفسها و بريلها ،،
واول ما دخلوا الغرفه ،،
خالد : تفضلي يا عمري
اسراء بحيا كبيير : دام فضلك
و اول ما دخلت دخل معاها خالد و شافها و حط عينه بعينها استحت حيل و نزلت راسها ، بحركه خفيفه رفع خالد راسها و شاف عيونها مره ثانيه ،،
خالد : احلى من القمر والله
استحت اسراء و ظلت ساكته و نزلت راسها ،
وعقب هذا خذت لها شور سريع و ناموا احلى عروسين و كانت احلى ليله ،،
في بيت بو عبدالعزيز :
ام عبدالعزيز : اييه ، والله و رحتي عني و البيت صار هادي ، الله يوفقج حبيبتي
بيت بو عبدالله :
ام عبدالله : الله يوفقك يا خالد ، والله البيت ما يسوى شي بدونك ،
و ثاني يوم الصبح ،
الفندق عند احلى عروسين خالد و اسراء
صحى خالد من النوم وبصوت حلو : صباح الخير يا حياتي
اسراء بحيا و كانت توها قاعده من النوم و بصوت نعسان و حييل ناعم : صباح النور
ابتسم لها خالد ابتسامه عجيبه ، شافته اسراء و حبت ابتسامته ،،
خالد : يلا حبيبتي علشان لا نتأخر عن الطياره
اسراء انصدمت و ماكانت تدري عن هالسالفه ، و بصوت ناعم : اي طياره ؟
خالد : حياتي احنا راح نسافر الحين ، شهر العسل يا عسل
اسراء ماتدري شتقول و ماتدري شتسوي : اي بس ..
خالد : بس شنو ؟
اسراء بجد شوي : انا ما جهزت اغراضي ولا شي !
خالد ابتسم لها و ضحك ضحكه حلوه
استغربت اسراء من ابتسامته و ضحكته ،
خالد : لاتخافين ، مجهزين كل شي ، ما عليج الا تركبين الطياره ولا تحاتين شي
اسراء ارتاحت شوي يوم سمعت كلامه ، و قالت بحيا : ان شاء الله ،
قامت اسراء و لبست بدله حييل حلوه و راقيه و حطت لها مكياج حلو هادي و لبست دبلتها ولفت شيلتها و سحبت جنطتها و شافت خالد ،
خالد : خلصتي حبيبتي ؟
اسراء بحيا : اي خلصت
خالد : يلا حبي مشينا ،،
نزل خالد مع اسراء و كان ماسك ايدها و حست انها بتكون بخير و امان دام انها مع خالد ، و اول ما وصلوا عند السياره فتح لها خالد الباب و ركبت ، و ركب خالد الصوب الثاني و راحوا المطار ، تفاجات يوم شافت امها و ابوها و عبدالعزيز و اسيل و اسماء و ام عبدالله و عبدالله و ريم و فاطمه بالمطار ، بس استانس يوم شافت اهلها و نزلت دمعه منها مسحتها بسرعه ،
قربت اسراء من امها و لمتها حيييل ،،
اسراء و جنها صارلها سنه مو شايفه امها : يمه شلووونج شخبارج
ام عبدالعزيز بدموع الفرح : بخيير يمه الحمدلله ، انتي شلونج ؟
اسراء و الدمعه بطرف عينها : الحمدلله
بو عبدالعزيز : شلونج يبه
اسراء استانست حييل يوم شافت ابوها : بخييييرر يبه الحمدلله ، انت شلونك ، ولهت عليك والله
بوعبدالعزيز : انا اكثر يا بنيتي ،
و سلمت على خواتها و عبدالعزيز ، و بعدين سلمت على ام عبدالله و ريم و فاطمه ، و عقب فتره قصيره ،
خالد : يالله حبيبتي الحين بتطير الطياره
اسراء : ان شاء الله خالد
خالد : يلا حبي علشان لا نتاخر
اسراء سلمت على امها و ابوها و خواتها و اخوها و خالتها و ريم و فاطمه
ام عبدالعزيز : يمه ما اوصيج على نفسج و على ريلج
اسراء : ان شاء الله يمه
ام عبدالله : خالد حبيبي دير بالك على نفسك و على اسراء
خالد : اسراء بعيوني
ام عبدالله و الدمعه نزلت من عينها : الله يسعدكم ان شاء الله
مسك خالد اسراء و راح ، و الكل طلع من المطار و راح ،،
اسراء حست بالامان لانها كانت مع خالد ، و حست انها بتقضي شهر عسل حلوو مع انسان حبته فجاه و دخل قلبها ،،
و عقب ما ركبوا الطياره ،
خالد : حياتي شفيج ؟
اسراء : خايفه
خالد : من شنو خايفه ؟؟ من الطياره ؟
اسراء : اي ( لامست ايدها ايد خالد و مسكها خالد و قربها منه )
خالد ضحك : من صجج ؟
اسراء بخوف : اخاف منها اول ما تطير
خالد حاول ان يشيل هالخوف منها ولمها : لاتخافين حبيبتي ، انا معاج
اسراء بحيا : هذا الي مريحني ( و نزلت راسها )
خالد : بعد عمري والله
و طارت الطياره و خالد كان ماسك اسراء علشان تحس الامان ،
خالد : يلا طارت الطياره
اسراء : اي ، الحمدلله
خالد : الحين خايفه ؟ ولا راح الخوف ؟
اسراء بحيا : دام انا معاك ماراح اخاف
خالد : تسلميلي يا بعد عمري انتي ،،
وعقب فتره قصيره ،،
خالد : حبيبتي دختي ؟ تبين تنامين ؟
اسراء كان باين عليها النوم و الملل : اي والله احس اني تعبت
خالد : اسم الله عليج حبيبتي ، نامي يا قلبي نامي ،
اسراء : و انتا حبيبي ماراح تنام ؟
خالد ( قالت حبيبي ! يعني تحبني ) : و شلون انام و انتي نايمه ، انا هني حبيبتي علشان اشوفج ، اخاف انام و احد يسويلج شي ،
اسراء حست ان خالد وايد يحبها : اوكي حبيبي ، و حطت راسها على جتف خالد و نامت
خالد حس بسعاده مو طبيعيه ، و ظل يفكر بالايام اليايه ، و حس انه بكون وايد مستانس معاها
في الكويت و تحديدا عند شهد
شهد بعصبيه : انا لازم ادمر حياته ، مايصير جذي يتزوج و يخليني و يعيش مرتاح
احمد : صبري يا شهد ، حياته خاربه على ايدنا ، نطري بس
شهد : اي لي متى بصبر ! ما شفتك تحركت ولا سويت شي !
احمد غمز لها : نطري شوي ، اهما توهم متزوجين ، خليهم يستانسون شوي ، و شوفي بعدين عقل اخوج المدبر شبسوي ،
شهد تتنهد : بشوف ، بشوف تاليتها ،،
بيت بوعبدالعزيز :
كانت ام عبدالعزيز في غرفه اسراء و تبجي ،
عبدالعزيز : يمه خلاص ، مو زين تسوين في روحج جذي
ام عبدالعزيز : خلني يا يمه خلني
عبدالعزيز : لا حول ولا قوه الا بالله ، يمه خلاص من تزوجت و انتي كله حابسه نفسج بغرفتها و تبجين ، لي متى يعني ؟
ام عبدالعزيز : --
عبدالعزيز : يمه خلاص عاد ، مابي اشوف دموعج الغاليه تنزل ، يلا امشي معاي ، اسيل و اسماء ينطرونج تحت
ام عبدالعزيز و اهيا تمسح دموعها : ان شاء الله
اسماء : اسول وين امي ؟ ماشفتها ؟
اسيل : والله مادري ، علمي علمج
و نزلت ام عبدالعزيز مع عبدالعزيز ، عقب ما غسلت ويهها و راحت اثار الدموع ، بس كانت الضيقه ماتفارقها ،
اسماء قربت يم امها : شلونج يمه
ام عبدالعزيز : الحمدلله
اسماء : يمه شفيج ؟ شفيه صوتج متغير ؟ صاير شي ؟
ام عبدالعزيز : لا ماكو شي
عبدالعزيز : لا اكو شي ، من تزوجت اسراء و اهيا على هالحال ، بجي 24 ساعه
اسيل : يمه شدعوه ، اهيا ما ماتت اسم الله عليها علشان تسوين كل هذا
اسماء : يلا يمه قعدي معانا و انسي السالفه
نور : ماما وين خالتي اسلاء ؟ وين لاحت ؟
اسماء : خالتج الله يسلمج سافرت
نور انصدمت من كلام امها : سافلت !
اسماء : اي يمه سافرت
نور بدت تبجي ، ليش تسافل انا ابيها احبها
اسيل : وليييييه الحين يوم سكتنا امي بدت بنتج تبجي ، شهالحب
نور بصراخ : ابي خالتي اسلاء احبها بلوح عندها
اسماء : ان شاء الله لما تيي بتشوفينها و تقعدين معاها بعد بس سكتي صدعتي راسي بصراخج ،
في الطياره :
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك