رواية على عتبات الماضي -6
منى جهزتي أوراقج كلها ؟؟
بمر أبو عادل أربه يخلص الاجراءات بسرعه,,
منى:اي ياعمري أوراقي جاهزه , بموت وأشوف جنسيتي
:عن قريب يامنى ,أنا مادخلت وساطه الا عشانج أبيها تطلع بدري من حنتج
طرقات قويه على الباب ؟؟ ,, وفي وقت مبكر من الصباح ؟؟
لااحد يعرف بمكانه ؟؟ ,, لم يخبر أيا" كان بزواجه؟؟
من هذا المتطفل القادم هنا ؟؟ ,, وبوقت غير مناسب للزياره؟؟؟
----:منى أنتي تنطرين أحد؟
منى باستنكار مشابه له:لأ, ما أحد يدل شقتنا الا أمي وأختي سعادو ,,ولايمكن يجون مااتصلوا فيني
نهض ليفتح الباب بعدما طلب منها بأن تدخل الى الداخل لأنه لايعلم ان كانت امرأه أم رجل من يطرق الباب,,,
رغم ان هذه الطرقات لا تدل على نعومة الطارق ابدا,,,
فتح الباب ليتلقى ضربتا" قويه من يد لم تكن لتمتد عليه لولا فعلته الحمقاء!!
----:آه آآآه بس , , بس أذكر الله
تتوالى ضربات هادي العنيفه على وجه مترك بقسوه ,,
على مراى من منى بعدما خرجت واضعتا غطاء على راسها يغطي شعرها فقط :
ياجلب ياحيوان منو أنتى والله لاأتصل على الشرطه
مترك بصوت مخنوق :منى لاتدقين على أحد أدخلي داخل وبس
دخلت وهي تبكي برعب فلم تتوقع أن ترى مترك بهذا الوضع بالتأكيد أحد أهلها,,!!
لكن زواجنا لم يكن جرما يستحق عليه مترك العقاب ,,؟!
هادي يمسك بثوب مترك بقوه والآخر ملقي على الارض
:ياالخمام ياكلــــــب
مترك يضع يده فوق يد هادي:هادي الله يخليك أنا أعز أختك ولا طلقتها الا لأنها نرفزتني
هادي:جب ولا كلمه عطتك عذرها وش قومك ماجيت تاخذها ؟ ,,ولا غاط بالبصل مع خبلتك اللي هدفتها بالخشاشه؟
مترك:منى مالها دخل وأنا متزوجها من أربع شهور وماخذيتها الا منيره عندها خبر !!
هادي:الا مهددها ماتعلم أحد ,, شوف حسابك عندي بعدين ألحين أبيك تجي معي برضوه لمنيره قد مهرها بالضبط ,,
ســــامع مهر جديد وأكتب لها بيتك اللي بهديه وغير كذا ماعندي هذا ان كانك تبيها ؟؟ ,,
واذا ياالمره ماتبي تضم مرتك وعيالك وبتقعد على خبلك اللي مايندرى من وين مهدفها ؟؟
لاأشوف وجهك عندي ولا لك عيال تسممممممممع
تركه بصدمته ملقى على الارض ,, لايعلم بأي وجه سيقابل زوجته المرعوبه الآن فوضعه محرج بعدما تذوق التهزيئ على أصوله من صديق طفولته
جبان ؟؟ ,, نعم أنا أكبر جبان لاأستطيع مواجهه أحد ,,
من حقي أن أتزوج وأعيش بسعاده فمنيره لم تأتي على هواي ,,
لم تحقق أحلامي اللتي كونتها مخيلتي عنها ,,
&&& &&& &&&
----:الحمد لله على سلامتج هدى
هدى:الله يسلمج وين خالتي ودلول؟
سارا:امي راحت عندها موعد بالعدان ودلال راحت معها مع السايق
هدى:امس جيت ماحصلت احد ماني خابرتكم تنامون بدري
سارا:والله انتي جايه وحده وامي وراها موعد ودلال تنوم عيالها ونامت عشان تخاوي امي
هدى:وانتي بتقنعيني ياسارا انج نايمه والا ماتبين تواجهيني؟
سارا:هدى خلي عنج الحكي اللي ماله داعي انا ماني بمجبوره ابرر لج لو كنت قايمه اكيد بتحصليني وهذا انا قايمه بدري وانتي عارفه
ان نومي ثقيل فمعناها اني نايمه بعد بدري
هدى:والله لو ماكنتوا غالين علي ماتشرهت انا غصتني العبره يوم دخلت البيت كانه مهجور
سارا:والله انتي اللي تتسحبين ماجيتي مبكر ولوماانتي غاليه علينا مو كل شوي امي تدق عليج تشوف ليش تاخرتي
:صبحكن الله بالخير يابنيات
هدى:صبحج الله بالنور عمه--وقفت لتقبل راس ام ناصر بفوقيه -- ومن ثم تبعتها بالسلام على دلال اللتي كادت ان تفر منها الضحكه
على شكل هدى المبالغ به من الزينه واللباس المزركش وهم في ساعات النهار الاولى
دلال:هلا هدى الحمدلله على سلامتج
هدى:هلا بج زود اخبارج وش لونج عمه اخبار الموعد
ام ناصر اللتي وقفت لتستريح في غرفتها:خلي دلال تعطيتس علومي
دلال تساسر سارا بضحكه:العن يومها الاناقه وينهي غاديه
سارا ترد على اختها بضحكه مشابهه:اجل لو شايفتها امس وش قلتي؟
دلال:ليش امس قابلتيها موب اتفقنا نفشلها وننام عشان تحتر
سارا:لا يافهيمه طليت عليها داشه فل ميك اب وبدله كلها شوارفسكي ومكياج ولا مكياج حنان دشتي
دلال:هههههههه حنان دشتي بس حولا تحط الروج مكان الظل
هدى اللتي تضايقت من اسلوبهن الساخر ذهبت لشقتها لتشكيهن عند ناصر كعادتها
راى ورقه ,,
وياليته لم يلمحها,,
ورقه رايت من خلالها اول ابتسامه لها,,
ورقه ربطت اسمي باسمها,,
قلبي بقلبها,,
روحي بروحها,,
وايضا هذا الورقه نزعت من تجويف صدري قلبي بقسوه,,!!
وروحي بشراسه,,!!
--صوره من ورقة الملكه((ملكته على حسنا))--
قبل ثلاث سنوات ونصف
دخل الى منزل عمه ليعطي ام هادي صوره من ورقه الملكه لان حسنا تحتاجها ببعض الامور الرسميه
لعلمه بوقت دوام ابن عمه فدخل الى المجلس واخرج هاتفه ليتصل على ام هادي لتاتيه بالمجلس
فهو بطبعه يدخل المجلس دون استئذان لعلمه بخلوه من نساء البيت ولمكانته القريبه من جميع افراد هذا المنزل
كاد يتصل حتى اتاه محياها القادم من الداخل وهي تتسلل خائفه لتعيد مااخذته من سيديات لافلام تخص هادي
كعادتها تتسلى بها ثم تعيدها لمكانها دون علم من اخيها لمعرفتها رفضه مشاهدتهن للافلام بصوره عامه
ترتدي بلوزه قطنيه ضيقه وردية اللون تظهر تفاصيل جسدها العلويه مع تنوره جينز بفتحه قصيره من جانبها الايمن
وبانشغالها لاعادة هذه الافلام بترتيبها القديم بدقه فهادي اكثر شخص دقيق بترتيب حاجياته لم تعي وجود شخص ثاني
معها بالمجلس وهو يراقب بصمت ولانشغالها اقترب بهدوء ليرفعها من خاصرتها ويلفها اليه
وقع مابيدها من سيديات وهي تنظر الى هذا الرجل الضخم امامها رفعت يداها بعفويه لتغطي وجهها انزلها ثم رفع يديها
من وجهها برويه:يابنت عمي احد قالج ان شوفة الرجال لوجه مرته عيب؟؟
امسك عضدها بسرعه لمحاولتها الهروب من امامه:واحد قال اني غريب؟؟ انتي حلالي ياحسنا
حسنا بارتباك :مشعل الله يخليك باروح
وعيناها تسترقان النظر الى الخارج
امسكها وسحبها الى الباب احكم اغلاق الباب بجسدها الغض وهو يمسك بعضديها بخفه
قبل خدها اليمن برقه ثم نقل شفتيه الى خدها الايسر برقه اكثر ولوقت اطول
ثم اعاد النظر اليها ليراها مطأطأه راسها للاسفل يعتلي وجنتيها صبغه حمرا تصل لبدايةاذنيها
ابتسم ثم نقل يده من عضدها الى خدها:يازين السحى في ذمتي اني صادق طيب شوفيني؟
حسنا وقد اثقل عليها شعورها بالذنب لانها تعلم بان هادي لن يسمح بمثل هذا ماداما لم يقترنا بحفله
تعلن زواجهما لكنها سعيده بقربه ولاتريد الخلاص لذلك ماان طلب منها ان تراه حتى رفعت عينيها بحب
:لتتخاطب العيون بلغة العشق والهوى لم يقطع حدة النقاش الا صوت هاتفه اغلق الجهاز
:حسنا لاتتحركين باعطيج شي ماجيت الا عشانه
وقفت تنتظر ماسيناولها بقلق وهي تفرك يداها سويا
وبهمس:مشعل عجل
مشعل وهو يسحب صورة عقد القران من ملف يضم عدة اوراق وهو منحني على الطاوله رفع نظره لها بابتسامه ثم عاد
لعبث بالورق مدعيا البحث
:وش عجله عليه يابنت الحلال شوي
سكتت تنظر اليه ليقف وهو يلوح لها بالورقه
انزلت راسها بخجل من وضعهما الغريب والمخالف لمااعتادته بمجتمعها البسيط
اعطاها الورقه :هذي اغلى ورقه على قلبي فيها احلى اسمين
اخذتها لتتسلل ابتسامه شفافه نقيه الى شفتيها لتصل الى عيناها وخرجت
ابتسامه لم ولن انساها ماحييت
&&& &&& &&&
-----:وليه ماعندتس والي يوم انتس ساكته على النكد وصابره على الشين,,تخبرين ان اخوتس هو اللي بيوقفه عند حده ولاهو بمخليه
يلعب بتس
----:يمه وش تبين اغثكم موانتي اللي تقولين الوحده تحل مشاكلها مع رجالها ببيتها ولاتدخل احد خصوصا اخوانها
------:قلته لكن ان تعدى يمتس المشاكل ووصل لوجع القلب والمهانه لااهنا تقولين وتقولين ولا تسكتين
-----:خلاص يمه اللي فيني كافيني ,,,وعادت لتنتحب فهي كشفت وبانت الخبايا اللتي حاولت جاهده ان تركنها في دهاليز مظلمه
لايبصرها سواها ,,
لاتريد ان يرى احد المذله اللتي عانتها تمنت لو كانت معالي بهدوئها
وحكمتها تحل الامور,,
او هيفاء بذكائها الفذ وقوة شخصيتها تواجه الصعاب ,,
او حسناء بنعومتها ورقتها اللتي تاسر من امامها
فيقع في شباكها دون مقاومه,,
او علياء حسناء العائله اللتي تخرج من المشاكل كالشعره
من العجين,,
او حتى طفلتهم خلود اللتي لاتابه لشيء
ام هادي تمسح وجع الزمان من عينا فلذة كبدها لتسقيه روحها بمراره: جعلني ابكي زوله ماعليتس دواه هادي راح له وبيسنعه
هو والتسلبه اللي مهدفها
منيره بوجع:ومنى وش ذنبها مسكينه مااخذته الا عشان تاخذ الجنسيه انا ارحمها يمه
ام هادي بصدمه اكتسحت وجهها:منى وش ذي منى انتي تعرفينها؟
منيره بالم:ليه ماقال لج هادي انها رفيقتي منى اللي كانت مقاصرتنا في بيتنا القديم قبل الغزو
ام هادي:بنت فاطمه البدون؟
منيره:بشحمها ولحمها ولعلمج ماخذته الا عقب ماقلت لها اشبعي به ماعاد ابي الافرقاه ابيه ينشغل عني واسلم على عويلي
ام هادي ومازالت بصدمه وخيبة امل من جبن ابنتها اللتي دائما تتنازل عن ماهو حقا لها للغير,,
نعم انها غلطتي اراك منذ
الصغر كبش الفداء لاخواتك وللغير,,
ولم اعلمك كيف تتدافعين عن حقك وكيفية المحاربه من اجله,,
منذ نعومة اظفارك وانتي الاجبن بين ابنائي,,
ترضين بالقليل ولا تطالبين بشي تكتفين بالاشي,,
لم انهرك كبقيةاخواتك واعلمك ان الساكت عن الحق ماهو الاشيطان اخرس,,
وكانني اشجعكي على السكوت والصمت مما هو لك,,
اسفه بنيتي فانا اجني اخطائي الصغيره بتربيتي لكن ,,
وهاهي تكبر وتكبر امامي
&&& &&& &&&
----:ها فويرس جهزت السياره وغبرتها من قدام؟
----:اي غبرتها حشى بنروح الربع الخالي كلها الرياض مامن بعد
رائد الذي يرتب ملابسه بحقيبة فارس فسفرهما يومان لايحتمل اخذ العديد من الثياب
:الرياض قريبه يافويرس؟ يقولها وهو ينظر الى فارس ويغلق حقيبتهما بنفس الوقت
:فويرس بعينك عدل الفاظك
رائد ينفذ اكمامه استعدادا" للوضوء:فويـــرس اذن امش نصلي
انهيا صلاتهما بالمسجد القريب من المنزل وهما عائدان في طريقهما مشيا الى البيت
راى رائد اخته الكبرى ريمه تنزل من السياره تحمل ابنتها الصغرى لينا والكبرى تنزل بصحبة الخادمه
فاسرع بالمشي ليلحق على بتال المستعجل:ياروحي يابو ليان البيت مامن بعد وقالصتك المدام بالسياره
بتال بضحكه:افاااااا تقلقص اللي ودها هذي عيون المها ريمة قلبي
فارس اقترب ليلقي التحيه على ابنت عمه بعدما سلم على زوجها بتال:وش حالج ريمه بخير
ريمه بتعب :بخير فديتك ,,الا فارس علام اخوك طلق ام عويله؟؟
فارس يتلقى الخبر بصدمه اعتلت وجهه,,
فهو يشك بان ماسمعه صحيح,,,
قد تكون مخطئه؟؟
كيف تخطئ ولامترك بعائلتنا سواه,,
متركــــــ؟؟
ريمه بحرج:فارس مابغيت امغثك احسب ان عندك خبر الله يعين هذا نصيبهم
ودعته لتدخل الى المنزل,,
اما هو فتناول هاتفه واتصل على شقيقه,,
&&& &&& &&&
----:عمه وش فيج ماتكملين لعب وياي
عمه عميمه عمممممممممممممممممه
----:وصمه ان شالله اسمع صمخه انا؟
:انا ادري عنج ساعه اناديج انا مت الحين دورج
----:متي الله يرحمج ليه الموت تصفون له بالطابور؟
:عمه ههههههههه الله يقطع سوالفج بس بايخه ترا ماتضحك
----:انقلعي مني نويران ماني برايقه لج
النوري:وين اروح امي مسيره وابوي على النت وجده عندها عمال يصلحون مكيفها وعمامي فهد ومشعل رايحين يعزون ولد عم رفيق
عمي مشعل و
سارا:بببببببببببببببببس اسكتي يالرادو ماتملين من الحكي اعوذ بالله الواحد مايختلي بنفسه وافكاره شوي ,,فارقيني لغرفتج
ااقووووووووول النوري تعالي شوفي التلفزيون عندي بــس وانتي ساكته
النوري:فديت العمات اللي يعصبون ويردون يطخون
تسمع صوت النوري المحبب لقلبها فالنوري تصغر عمتها بتسع سنوات فقط وهي الوحيده التي تظهرها من همومها وضيقها لكن اليوم
عقلها مشغول مع ذكرى لاتستطيع الخلاص منها
صوته قوته جبروته اعرفه ليس بغريب لكن من هو؟
لم يتصل ويعيد الاتصال ؟
وهو مخطئ بالرقم؟؟
هل من اجلي او لغيري؟؟
تعيدها الذكرى الى ماقبل يوم
:الو
:الو
:مسا الخير
:مسا النور من معاي
:لو سمحتي بغيت اسال عن مساعد موجود او مسافر؟
:مساعد؟ من مساعد؟
:هذا مهوب ببيت مساعد ال
:لا اخوي غلطان بالرقم
:وش لون اغلط انا من كم يوم مكلمه على نفس الرقم
:قلت لك غلطان
:اسف اسمحيلي مع السلامه
اغلقت الهاتف وهي متاكده بانها سمعت هذا الصوت من قبل لكنه لم يكن مخطئ ؟؟؟
من يكن ؟؟
ولما يعاود الاتصال مدعيا بان المطلوب شخص مجهول عن هذا البيت ؟؟
عادت من ذكراها اللتي ارهقتها وهي تقرر ان تخبر اباها ليضع كاشفا لهم حتى تكتشف سر هذا الغريب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي مع على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حزين ومهموم فالموقف الذي تعرض له اليوم زاده ندما"
كيف لعقلي الناضج بان يتهور كعقل مراهق ؟؟
كيف لي بان اقطع حبل الوصل بيني وبين ابنائي وامهن بتسرعي الغبي؟؟
هل جننت حين نطقت بهذه الكلمه الموبوءه؟؟
ام ماذقته من شهدن بالقرب من منى انساني واجبي بالحفاظ على ماتبقى من روحي المتعلقه بهوى تلك المنيره؟؟
قطع تفكيره رقم فارس المنير لشاشة الجوال
ليرد بوهن:هلا بك
فارس بغضب:مترك اللي سمعته صحيح؟؟
مترك بحزن:خلاص وش لك بي يافارس هذا النصيب خلني بهمومي
فارس بتساؤل:بس ابي اعرف ليش؟ يعني معقوله مترك عشرة هالسنين تروح بكلمه؟؟
بين يوم وليل؟؟ بسبب تافه؟؟
مترك بارهاق وهو يلمح منى القابعه امام التلفاز وهي سارحه بفكرها:فارس مااقدر اجاوب ,,
اذا انا مالقيت سبب لهبالي,,بس صدقني منيره بتظل غاليه ولو اني تهورت بس هذا النصيب
فارس باستنكار:خلااااااص؟؟ نقطه على السطر يامترك؟؟
ماعاد فيها تراجع؟؟ تكفى يااخوي لاتعميك العصبيه اذا هي غلطت تنحل,بس عيالكم؟؟
اناوربي مااتصور البيت من غير حسهم ولا حس امهم,,حرام عقب مالقيت لي اخت قلبهاعلي تروح فجاه
فكروا باللي حولكم يامترك اذا هاينه عليكم العشره لااحنا ولا عيالكم تهون علينا
اغلق الهاتف بسرعه وعيناه مازالت تلمح صورة ابنه اللتي تزين شاشةالجوال وتظهر اناملها الرقيقه بطرف الصوره
رفعها لشفتيه وقبلها وكانه يهدئ من روع قلبه النازف من بعدها وكلمات هادي ترن امامه:معقوله تتوقع اني برخصها
وباغلي عليها البيت ؟
بس انا وياها ماعاد نقدر نكمل سوا خلاااااااااص
&&& &&& &&&
وهما بطريقهما يؤدي شله بصوته الرائع بصحبة رفاقه
اقبل يحرك خطوة الرجل برفوق
والقاع لمصافح خطاه يتشوق
مخلوق لكنه ماهو بأي مخلوق
على بنات آدم وحوى تفوق
عليه لبس ٍ يجمع الوسع والضوق
موسع ٍ بعضه .. وبعضه مضوق
مر .. وتعدا مابدا منه منطوق
الا انه بجيش المفاتن مطوق
خلاني امشي واقضب الدرب واتوق
ماني بتايق عقل لكن متوق
تقووول مرمي ٍ على الارض من فوق
والا من السم السقطري مذوق
يغمى علي شوي وشوي ٍ افوق
واقول لامن قمت والبال روق
مدام لامعوق ولا حقه عوق
وراه يمشي مثل مشي المعوق
اللي على حاله خطر من هل السوق
مفروض يمنع مايروح يتسوق
----:صح لسانك اجل انه بجيش المفاتن مطوق هاااااااا؟
----:هالله هالله بنت عبدالله مخلوق ولاهو باي مخلوق
----:اتعب انا على ذاالرومانسيه ولد عمك يافارس طب ولا احد سمى عليه
فارس المجاور لعبدالمحسن بالخلف:طب وبس ذي خطبها بيوم وملكوا ثاني يوم
رائد يضحك وهو يراهما من خلال المرايه الاماميه لسيارته:اقول ماودكم اصير السابقون وانتم اللاحقون
عبدالمحسن بضحكه:تهبى تبي تموت برجيلك بصرك قبرك عرسك ,, اما انا وصحيبي بنقعد عوانس بصرنا
عامر اخ عبدالمحسن ومن ضمن الشله:اقول رائد خلك منهم هم والله اللي قبرهم قدامهم والا انا وانت بنعرس ونفلح
عبدالمحسن يحدث خاله عبر الهاتف:والله ياخال يومين بالكثير انا فداك بنعس بالرياض ونعود
--------------------------
والا فيها منصانا اصلا شارع التحليه نحلي ببنات الرياض يآبنآت الرياض يآجوهرآت العمآيم .. أرحمو ذا القتيل اللي على البآب نآيم
-----------------------
المهم خل ولدك يشوف لها صرفه تتصلح لاعودنا ابي سيارتي اهبهب فيها مهوب مع ذاالخبل الديكتاتوري مغير مزعجنا
بشلاته وبصوته الامحق نبي نتنكس ولاهوب حاصل
فارس تقدم بخفه ليصبح بين القائد ومن بجانبه ليختار شريط ثم يضعه بالمسجله ليعود الى عبد المحسن ويرقصان سويا
على مااختاره من اغنيه رائد اكتفى بهز راسه وتركهما يستمتعان بطريقتهما
&&& &&& &&&
:حبيبتي لا اليوم الاحوال عال
ترتدي بلوزه قطنيه فوق بنطالها الجينز:الحمد لله على كل حال
اهم شي عندي منور ومرتاحه
ضحك بخفوت ثم رفع راسه لها وهي تسرح شعرها:حسنا تعتقدين انها مرتاحه؟
حسنا ترفع حاجبيها باستنكار:انا مستغربه مهوب من سؤالك لانه بديهي
مستغربه من ضحكتك؟؟
مشاري يتقدم منها وهي اما التسريحه ليضع يداه على التسريحه من خلفها ويقبل عنقها وهو ينظر اليها من المرآه
:انا اضحك عليج تتكلمين عن منيره وهو اقرب لج وانتي منتي بفاهمتها
حسنا تلتفت عليه ليبتعد قليلا ثم تحتظنه وتبكي بصمت
جلس على ركبتيه امامها واحتظنها بقوه فهو لم يقصد جرحها مابالها؟؟
هل اصبحت سهلة الخدش؟؟
هل من السهل ايلامها؟؟
مشاري وهو يحتظنها بكل مااوتي من قوه:حسنا ياقلبي بس
حسنا من بين شهقاتها المكتومه:ادري بها يامشاري وحاسه فيها اكثر من اي احد
ماتعرف المره لاانغبنت وانظلمت وش شعورها؟؟
ماتعرف المره لاحسسوها بالذنب وهي اخلص واصدق الناس وش شعورها؟؟
ماتعرف المره لاعافها رجلها من غير سبب وش شعورها؟؟
ختمت كلامها بجملتها الاخيره بصوت اعلى ونهضت لتذهب الى الحمام,,
اما هو فكانه لسع بجمره حارقه,,
ومن اعز واغلى الخلق,,
هل كانت موجوعه من فراقه,,بل ومازالت موجوعه؟؟
اي غبي انا انسف ماضيي بحلوه ومره من اجل عيناها,,
وهي مازالت تحترق من فراقه؟؟
البارت التاسع
لو لامست الاحرف حنايا القلب فهي بكل تاكيد ظهرت من القلب
قراءه ممتعه***********
*********
*******
*****
***
*
بطريقهم الى الرياض
:تصدق أبوي مايكن ببيته دايم بالبر ,, محاكيه ذا ألحين يقول أنه رايح له وبيمسي هناك
رائد:الله يخليه لنا يارب عمي الظاهر أن سره مقطوط بالبر
فارس:كنك تشوف حتى أمي يادلي مابدا البلاد--مقلدا لهجه والدته --
عامر في الخلف:يدلك والا مضيعك بعذره رجال يباري حلاله ان كانه بيهمله وبيتكل عليكم أنت وأخوانك الحظران ما أفلح
فارس ينظر الى عامر من المرآه الأماميه للسياره:اللي يشوفك يقول ماتعدى دبش أبوك ؟؟
عبدالمحسن المجاور لفارس في الأمام بعدما استدبلوا الأماكن وبمرح:فارس تصدق أني أتروع لارحت لأبوي يااااي وع
رائد من الخلف:خنزك في ذمتي أنت تروع بلد ,, المهم أنا رجال ماأبي وجع راس عند الأجناب لحد يفضحنا نحظر العرس ونعود
لاتستخفون دمكم وترقصون تراهم جايبين فرقه
عبد المحسن يلتفت على رائد:أحلف ؟ أجل أنسوني بدخل بلحالي متلطم وبارقص
فارس وهو يتوقف بالقرب من المحطه لتعبئة البنزين:هاهااااي عشان يلعن جدفك رائد
رائد بغضب:أنا بروح أعين الرجال مانيب بمطول ,, اللي يستخف دمه وقسم بالله لاأفشله هناك
عبدالمحسن يلطف الجو:تعينه هااااا؟ اي من قدك بتعرس عن قريب عشان كذا تعين وتعاون يعني ردوها لي هههههههههه
عامر يلتفت الى رائد:ماحددت العرس يابو خالد؟
رائد:متى ماخلصت امتحانات العروس حقت التيرم الأول بشوف مرة مشاري وعقب بحدد
عامر:أها وعلى وين الوجهه بشهرالعسل؟
رائد:الامارات بناخذ من أسبوع لأسبوعين تدري امكانياتي ماتسمح ببرا الخليج
عبدالمحسن:الله يتمم لك على خير أجل هذي اللي قاطعه قلبك ومهيب مخليتك تمسي الليل تحررت من جويبر وخذتك
قالها ممازحا لكنه لايعلم بأنها لم تكن في الخاطر أو على البال ,, فمن احتلت مكانا" في هواجيسي هي أخرى 0
قبل خمس سنوات 0
يشغل محرك السياره ليعود الى منزله بعدما أنهى اختبار نصف السنه للمرحله الاخيره له في الثانويه العامه
أتاه اتصال من صديقه ابتسم وهو يرد
:هلا فهيدان شكلك ذاالسنه ماأنت بمفلح وبتخيس بالثانويه
فهد:أسكت عني يارائد مانيب ناقصك والله ان الامتحان صعب حتى طلعت ماحليت الاسؤالين ,, الا أنت ألحين وينك؟
رائد:أبد توني مشغل السياره بمر أشتريلي حلوم وبرجع للبيت بنام
فهد:حلو أبيك تمر المتوسطه حقت البنات اللي قريبه من مدرستنا
رائد:وش عندك تغازل وتبي مساعده؟؟
فهد:ياليت الا رايح بجيب أختي وتعطلت السياره وخست من الحر والعيال أدق عليهم مهوم بحولي والسايق ماخذته حرم ناصر المصون
رائد:خمس دقايق أكون عندك
توجه لنداء صديقه ليقله وأخته لمنزلهما رأى فهد يقف بالقرب من سيارته المعطله ,, ومعه فتاه تميل الى النحف مطأطأه رأسها
للأسفل تستمع لأخيها ,, ترتدي زي المدرسه وحجابا" على راسها ,,,
جميله ؟ --نوعا ما
لكن بها جاذبيه غريبه أحس بأنها كمغناطيس يجذبه نحوها ,, اقترب من مكان وقوفهما هنا انتبه فهد الى رائد تحدث مع أخته قليلا"
ومابدا واضحا" له بأنها خجله ولم تكن تريد أن ترافقه ,,ابتسم لشكلها الذائب حياءا" منه
ركبا بهدوء ثم توالت الأخبار بين رائد وفهد وكأن لا وجود لها لكنه يشعر بتوتر لا يعلم لما,,,
أهي قوة المغناطيس الجاذبه الصادره منها ماتوترني ؟
أوصلهما وتحرك عائدا" الى منزله لم يستطع فتح الكتاب يشعر بوجودها حوله,,
نعم يشعر بها وكأنها مازالت قربه,,,
اللهم لك الحمد حتى ترضى وإذا رضيت وبعد الرضى ,,, اضف تعليقك