رواية صرت اغار انا منها عليها -5
بدر:اسمعني يبه طال عمرك ابي اكلمك في موضوع
ابو بدر:سم ياولدي
بدر:ابيك يالغالي اتقرب من سوسن كثير يعني اتدلعها....تسهر معها...لاتعاملها
ماعاملة انسانه كبيره لا عاملها كطفله ...حن عليها...حسسها انها
عايشه مع واحد شاب مو اكبرمنها
ابو بدر خاف من لهجة ولده:ليه هي شكت لك مني
بدر:لايايبه ....بس الي مثل سوسن المفروض تتزوج واحد
قريب من سنها...بس نصيبها كان معك...وانت تعرف فرق السن
الي بينكم
الي ابيه منك يبه انك تحاول اتقرب منها اكثر....
ابوبدر كان يسمع من ولده وهو يحس ان الي يتكلم قدامه واحد كبير
وحاس انه مقصر في حقوق سوسن
اما سوسن كانت واقفه في المطبخ وتسمع كلامهم ..وفرحانه بلمره
وتدعي ربي ....انه يسعدهم...وعيونها مليانه دموع
اما بنسبه للاشياء الخاصه...... الي بينكم ...اسمحلي اتدخل بهالشي
يبه
ابوبدر:عادي ياولدي تكلم
بدر:مشكور يبه على ثقتك.............ابيك تعامله في هالامور برومنسيه
وماتجبرها على شي ماتبيه...وتحاول تجذبهالك
البنت صغيره وتبي ال يحن عليها ويدلعها
لاتحسسها ان هالشي امر ضروري وواجب عليها تنفذه
حتى وهي ماترغب فيه حسسها بلحريه وبلامان والحب
ابو بدر بدا يتدارك اخطائه
ابو بدر:يعطيك العافيه ياولدي...ماتوقعت انت بذات ابتنصحني
هانصايح..خاصة اني تزوجتها بعد المرحومه امك
بدربحزن:امي الله يرحمها....ماتت وزواجك اوعدمه ماراح يردها
وانا مابي الاراحتك
شوي ودخلت عليهم سوسن وسكتو وبدت اتوزع عليهم القهوه
بدر:تسلمين مابي قهوه انا بطلع لشباب بخليكم تسهرون مع بعض
ابو بدر/سوسن:الله يستر عليك ...وناظرت سوسن بدر بنظرت شكر
بعد ماطلع بدررا ابو بدر لسوسن وشالها ابحضنه
ابوبدر:عذريني اذا قصرت في حقوقك
سوسن استحت:لا يالغالي مامنك قصور
باسها ابخدها :اوعدك لاتغير ..انا حسيت اليوم ان مقصر معك
ضمته وصارت تبكي :الله يخليك لي والله مالي بهاالدنيا الاانت اعتمد عليه
مسح ابو بدردموعها...وشالها لغرفة النوم
اما سوسن كانت حاطه راسها على صدر ابو بدر وماحست ابنفسها
الاعلى السرير
ابوبدر:اليوم راح اتعيشين احلى ايامك
وقرب منها وضمهاوباس شفايفها....وووووووو
عند منار وريان
وصلو الرياض وكان السواق كومار بنتظارهم
منار:اااه ياحبي لك ياالرياض ....اشتقتلك حيل
ريان:تري اغاربرجعك لمصر
منار:ههههه وانا مستحيل احب احد مثلك
كومار:بابا رياان تعال انا هنا
ريان راح وسلم على كومار
ريان:كومار مو كأن هذا البنطلون الاسود التيشيرت الاحمر الي
سافرت وانت لابسها.........هههه لاتقول انك لابسها من هذاااك اليوم
كومار:اسفيه بابا كلام.....هزا اليوم انا يلبس
منار:هههههه الله يخسك ياكومار هذا يمزح معك مايقصد
ريان طالع فيها بستغراب:لا......لا.........امانه روحي سلمي عليه
ابوجهه.....ولا اقول احسن بلأحضان...افا لاتنسين ان هذا اخونا من
الرضاعه.....ناسيه نفسك انتي
كومار موفاهم شي
منار الي افتشلت من نفسها:لاعادي
ريان ابنفسه ضحك عليها لما افتشلت وبصوت شوي مرتفع:يلا قدامي حريم ماتجي الابلعين الحمرا
بيت صقر
صقر دخل بيته ولقوه عياله ورنى بوسهم وشال فراس من حضن امه
صقر:عندي لكم مفاجئه
محمد ومنصورينقزون:اكيد بتروحنا للحديقه
صقر:لا ...خطا
رنى اتطالع فيهم وفرحانه بصقر وعيالها
طالع صقر فيها:وانتي ماتبين تعرفين المفاجئه
رنى :اكيد بس انتظرك اتقولها
صقر:المفااجئه ...............هي
محمد:ايوه
منصور يضرب راسه:يلا يبه قول
رنى:صقر تكلم حرام عليك...حمستنا
جلس منصورفي الصاله وسحب رنى جنبه ولمها بيدينه
محمد:والله يبه انك فاااضي....اتحمسنا...وبعدين اتسوي نفسك
رومنسي مع امي
رنى استحت:عيب ياولد
صقر مسك بذون محمد:لايلـ تعرف الرومنسيه
محمد:أي أي
صقر:لا وتقول عن ابوك فاضي....حره فيك انت الوحيد الي مراح
اقول له المفاجئه
منصوربصوت عالي:يبااااااااااااااه تكلم احرقت دمي
بيت ابو ريان
وصلو ريان ومناروكانت ام ريان وابوريان وتركي بنتظارهم
رحبو فيهم وجلسو يسولفون
ريان:استاذن ياجماعه احس بشوي ارهاق بطلع ارتاح شوي
وقامت معه منار
ابو ريان/وام ريان:اذنكم معكم
وطلعو لجناحهم كان عباره عن صاله وحمام وغرفة جلوس
ومطبخ تحضيري وغرفة كوي وغرفة نوم ابداخلهاغرفة ملابس
وحمام(الله يكرمكم)
وقفو عند باب الجناح ريان:حبيبي ادخلي برجلك اليمين
دخلت منار وبعدها ريان وكانت منار واقفه اتطالع في جناحهم
قرب لها ريان وضمها من ورا وغمضت عيونها:اتصدق ماقدر
اوصف لك فرحتي واني صرت معك في بيت واحد
لفها ريان تجاهه وضمها:وانا مومصدق اني احبك من كثر ماحبك
كل شوي يكبر ابقلبي
باسته على خده ومسكها ريان بيدها وراح يفرجها على جناحهم
منار:ريان كلمت اهلي قلتلهم انو وصلنا
ريان:لاوالله اكيد كومار بيقولهم
منار:حبيبي بروح اكلم امي حرام ابتزعل
ريان:خلاص وانا بروح اخذلي شور سريع
اتصلت منار على امها وردت سمر
سمر:الو
منار:هاي سمور
سمربدون نفس:هاي
منار:كيف حالك
سمر:طيبه
منار:اشفيك انتي زعلانه
سمر:لافكرتك منصور
منار:هههه لا يعني منصور بتفرحين له وانا لا
سمر:لاوالله كلكم احبكم بس منصور من فتره ماتصل
منار:ليش غريبه
سمر:مادري عنكم ....اكيد جومانه بتاخذه مني
منار استغربت:سمر شنو هالكلام الجديد...عيب فاهمه لااسمع هالكلام مره ثانيه....عطيني امي
سمر:جاتنا ام الاخلاق...امي موموجوده
منار:بنت شنو هالاسلوب...على العموم انا بتفاهم معاك بعدين
قولي لابوي وامي انو منار وريان وصلو اليوم من السفر
سمر:طيب ....باقي شي ....يلا باي ......وقفلت الخط
استغربت منار من طريقة سمر في الكلام بس ماهتمت وزاد
تفكيرها في جومانه,,,,,,,,,,,,,,,,,
صقريبي يرفع ضغط اولاده:خلاص ...خلاص ....انا بدخل ارتاح
شوي
رنى تضحك على شكل عيالها محمد جلس لوحده بزاويه ومبوز
ومنصورجلس في نفس مكانه الي كان واقف فيه منزل راسه ومسوي نفسه واحد متحطم
صقر وصل لعند باب الغرفه ثم طالع فيهم
صقر:رنى وش رايك اقولهم
محمد /منصور:أي أي قولهم
رنى:هههههههههههه خلاص ردوعليك بدالي
صقر:دامكم مومحترمين وماتخلون امكم اترد خلاص مراح ارد
عليكم ...وشال فراس وقام يبوسه
محمد/ منصور:لاااااااااااااااا
رنى:حبيبي قولهم حرام شوف اشكالهم اتقطع القلب
محمد نقز من مكانه:ايوه ياحبيبها قول لنا
رنى:هههههههههههههههههههه
صقر:ههههههههههههه حلوه...حلوه
صقر:خلاص بقول...ماماحامل
محمد منصور يناقزون من الفرحه ويضمون امهم حتى فراس
المسكين يلعب معهم وموعارف شي
اما رنى ماكانت مصدقه لانها تعبت في حملها في منصور(طبعا
سماه صقر على اسم صديقه واقرب انسان له منصور)
وكان حملها في بفراس بعد منصور بسرعه
وتعبت في ولادتها في فراس اكثر لدرجة انهم نقلوها للعنايه
المركزه
وبعد ماطلعت من العنايه خبرتها الدكتوره انها يمكن اتطول من
الحمل...ورضو صقر ورنى بقضاء الله وحمدو ربهم انه رزقهم
بمحمد ومنصور وفراس
راحت رنى وضمت صقروبكت وبصوت متقطع من
البكي:ص.ق.ر ....متاكد...لا.لا تفرحني على الفاضي
باس خدها صقر:والله متاكد
محمد:لا اله الا الله هيه لاتنسون انفسكم ترا فيه اطفال....واشر على فراس ومنصور
(محمدذكي وشقي وحبوب في رابع ابتدائي ومسوي نفسه كبير
اما منصور هادي في ثالث ابتدائي و يحب يقلد محمد
فراس صغير بس حبوب وحلو)
صقر ترك رنى وراح ركض ورا محمد الي راح يتخبى تحت سريره
صقر:وينك ياخواف تعال واجه الرجاجيل
محمد من تحت السرير:روح يادوووب انت اكبر مني تبي اتطقتي...وانتبه النفسه انه تكلم وحط يده على فمه
دخلت عليهم رنى وهي تضحك وتحمد ربي
اما صقرسحب محمد من تحت السير وصار بتضاربون كلهم
صقر ومحمد وفراس ومنصور
تسبحت منارولبست بيجامه وردي وراحت عند ريان الي كان
مسترخي عالسريرجلست جنبه
منار:حبي متى اخر مره كلمت منصور وجومانه
ريان:من يومين كلمت منصور بس قال ان جومانه تتسبح عاد انا
فشلته...وقلت ياكثر ماجومانه تتسبح...بس ماعطاني وجه وصرفني شكله ادخلت عليه ...هههه
منار:غريبه سمر تقول له فتره ماتصل عليهم
ريان:يابنت الحلال هذولا عرسان عايشين العسل مايبون يشغلون انفسم بأحد تبينهم مثلنا الي ازعجنا العالم بلاتصالات
منار:تعتقد ان هذا السبب
ريان ضمها ونومها علىصدره:اكيد حبيبتي انتي ارتاحي
بعد مرور 3 ايام
جومانه ماطلعت من غرفتها وكانت تطلب من سيرينا اتطلع اكلها
لغرفةالنوم.... ومنصورماشافته من هذاك اليوم
وكانت كل ماتذكرت الي صار تحضن نفسها وتلملم ارجولها وتبكي
قررت اليوم تنزل....عشان اتشوف العمه فضه لان لها فتره تبي
تشوفها ...بس حومانه تعتذر منها
نزلت جومانه وماكان بلبيت الاسيريانا
سريانا:كيف حال ماما
جومانه:الحمدلله ....سيريانا الله يخليك روحي للعمه فضه قولي لها
اني عازمتها للقهوه
سيريانا:انشاءالله ماما
دخلت جومانه المطبخ وجهزت القهوه والشاهي
سيريانا:ماما خلي انا سوي
جومانه:لاعادي ...اساسا انا طفشاانه
سيريانا جيبي طحين ابغى اسوي فطائر
جهزت سيرينا الطلبات ....وجومانه وجهزت حلى وبعدين الفطائر
جومانه:سريانا انتبهي للفطائر انا بغير ملابسي وارجع
طلعت جومانه ولبست فستان لنص الساق اصفر...لكن غيرته
بسرعه لما شافت الجروج الي برجولها بعد ماسحبها منصور بدرج
ولبست بنطلون اورنجي وبلوزه اورنجي فيها ورداصفرورشت عطر
وناضرت وجهها بلمرايه وكان الكدمات بدت اتخف اثارها...فرحت
لانها اذا اختفت الكدمات بيرجعون عند اهلهم على كلام منصور
بعدها نزلت تحت ولقت العمه فضه موجوده ورحبت فيها
وجلسو يسولفون
عندمشاري
اتصل على عبير(خطيبته)
مشاري:سلام ياقلبي
عبير:هلا..
مشاري:اخبارك ياحب حياتي
عبير:ماني طيبه
مشاري:عبير ردينا
عبير:ايه ردينا ....انا اقولك من الحين مستحيل اسكن مع اهلك
مشاري:الله يهداك ومنو اهلي امي وابوي الي يالله الوحد يشيل نفسه
يعني مافيه احد وخواتي متزوجات وخواني مشغولين
عبير:الحمدلله قلتها يااالله يشيلون انفسهم خل اخوانك يشيلونهم ولا مايتنازلون
مشاري:اخواني موبفاضين...وامي وابوي متعلقين فيني
مشاري:بس انا مستحيل اخلي امي وابوي الوحدهم وهم في هالسن
عبير:عندهم الشغاله والسايق
مشاري:وان شاالله تبين اخلي الخدم الي يراعون امي وابوي
عبير:لا انا الي تبيني اراعي هالشيااب
مشاري:ااذا اعذريني انا ماقدر اخذ وحده ماتبي امي وابوي
عبير:وانا مستحيل اتزوجك
مشاري:لاتفكرين بعد كلامك هذا اني راح ارجعلك او اسمحلك
ترجعيلي
عبير:اوك احسلي واحسلك ننفصل لانا ماراح انعيش مرتاحين
قفل منها مشاري واتصل على خالتها وفهمها انه ماعاد يبي عبير
وفهمها المشكله وهي قدرته لانها عارفه بنتها مغروره
(اعرفكم على عايلة مشاري ابو مشاري وام مشاري كبارفي السن
ويبيلهم اهتمام ومراعاه
سلطان الاخ الاكبروهذا في فرنسا طول عمره متزوج عليه بنت
وولد
نهى اخته متزوجه طيبوبه بس زوجها صعب التفاهم معه عليها
اثنين اولاد وبنت اتزور امها وابوها كل شهر مرتين هذا على
حسب اوامر زوجها الي صابره عليها عشان اولادها
تركي متزوج ساره عليهم ولد
فهدمتزوج هدى عليه بنت(ساره وهدى خوات)
مشاري اصغرهم وهو متحمل رعاية امه وابوه ومقدر انشغال
اخوانه اما ساره وهدى مايحبون ابوه وامه ومشترطين على
ازوجهم يعيشون في بيوت مستقله فمشاري مايبي يكرر خطا اخوانه
مره ثانيه ويتزوج وحده ماتحبهم وتعذبهم فقرر اليوم ينفصل من عبير)
عند جومانه
العمه فضه:يابنتي اصبري هذا نصيبك
جومانه ماقالت للعمه فضه عن الي صار بس هي حاسه فيها
جومانه:الله يعين
العمه فضه:يابنتي منصور ماشفناه من هذاك اليوم لدحين هو فين
استغربت جومانه يعني له ثلاث ايام مو موجود ولاحست بعدم وجوده
بس تذكرت انها ماسمعت له صوت ابدا الايام الي فاتت
العمه فضه:هوكلمك الايام الي فاتت
جومانه ارتبكت واضطرت تكذب:ايه كلمني ...قال فيه ضغوطات عنده بشغل ولازم يطلع برا الرياض عشان يحلها عاد انا قلت ابراحتك
كملو سواليفهم ومر اليوم بسرعه وماحست جومانه بعدم وجود منصور
بلعكس كانت فرحانه انه موموجود
نامت جومانه وهي مرتاحه ولما صحت الصباح
خذت لها شور سريع ولبست بدله رياضيه وطلعت من غرفتها
شدت انتبها هالغرفتين الي من يوم جات وهي مقفله
نادت سريانا جومانه وطلبتها المفاتيح بس قالت ان المفاتيح تكون مع
منصور والعمه فضه
وقالت لها تروح اتجيبها من العمه فضه
شوي وجات العمه فضه
جومانه:ابيك تعطيني المفاتيح حقت الغرف الي فوق
العمه فضه:بس منصور قال لاعطيهم احد
جومانه:مستحيل يقصد انك لاتعطيني اكيد قصده احد ثاني...وناضرت
في سريانا والعمه فهمت
شوي ودق جوال العمه فضه وكانو عيالها في مصر...حنت جومانه
لامها وابوه واخوانها الي حرمها منصور من اصواتهم وكانت تبي
تطلب العمه فضه جوالها عشان تكلمهم..بس خافت لاتقلقهم
وبنفسها هانت ياجومانه كلها ايام وتشوفينهم وترتاحين
قفلت العمه فضه من مكالمتها وراحت تجيب المفاتيح وعطتهم
جومانه
اخذت جومانه المفاتيح وكانت خايفه لايطب عليها منصور
فتخت الغرفه الاولى وكانت عباره عن غرفة نوم لكن خرابه كل
شي فيها مكسر خافت من هالمنضر وطلعت بسرعه من الغرفه
وقفلتها وقلبها يدق بسرعه
راحت الغرفه الثانيه وفتحتها .....وشهقت جومانه....وصارت
ادموعها تنزل....من الي شافته..............وصارت تمشي في
الغرفه مثل المجنونه........
***********************
توقعاتكم
منصور وين اختفى له ثلاث ايام
جومانه شنو شافت في الغرفه الثانيه
ليش غرفة نوم منصور شبه خرابه كل شي فيها مكسر
*************************
لكم ودي واحترامي
البارت الثامن
صحت منارالساعه تسع الصباح وراحت تتسبح وولبست فستان
مموج لنص الساق ولمت شعرها على فوق وسوت لها مكياج خفيف
ولبست جزمتها طالعت ريان وكان نايم على بطنه وفي سابع نومه
ابتسمت وحمدت ربي انه رزقها انسان نفس طبيعتها
نزلت عند عمتها ولقتها تتقهوي هي وعمها
منار:صباح الخير
ام ريان وابو ريان:صباح النور
منار:كيفكم ان شاء الله طيبين
ابوريان وام ريان:الحمدلله
شوي ودخل عليهم تركي وهو يفحس عيونه
ام ريان:هلا والله بقلبي
تركي:ماما ابي حليب
ام ريان:الحين اقول لنور اتجيب لك كم عندي تركي
منار:لا ياعمتي انا بفطره واجيب لي نسكافيه
ومسكت تركي من يده وكان مستحي
دخلو للمطبخ وجلس تركي على الكرسي
تركي:حليبي ابيه بارد
منار:هههه انت تأمر ياستاز من عنيي
تركي:ليش ماجات جومانه معكم اشتقت لها
منار:هي بتجي مراح يطولون
تركي:كلمتني مره بس من يوم تزوجت وبعد فصل الخط
منار:يمكن لان المكالمه دوليه
على العموم خلك من الكلام الكثير وخذحليبك برد وباسته على خده
ريان:انا ابي افهم
اخترعت منار والتفتت وراها بسرعه وبلا شعور:صباح الخير
ريان:انا ابي افهم مافيه شي خاص لي
منار مافهمت وتركي يطالعهم مستغرب ومستحي
منار:شنوتقصد
ريان:انتي بوستيني قبل تنزلين
منار استحت من تركي:ريان الله يستر عليك شنو هالكلام عيب
ريان:لاياشيخه عيب
وانت من صبح الله اتبوسين في هالبزر
تركي عصب:هيه لاتغلط بزر في عينك
يمكن حست اني احلى منك وباستني
ريان ابتسم من كلا م اخوه الصغير:لاياشيخ وش فيك احلا مني
تركي يقوم وهو ياشر على خده:شوف خدي ناعم مو مثلك خشن....
شال ريان ملعقه يبي يرمي تركي لاكنه هرب
فكر تركي ان ريان لحقه لكن ريان رجع لمنار وحط يده على
خصرها,,,,وباس خدها
ريان:حبيبي تبين اعطي بوستك هذي لاحد ثاني
بعدت منه منار:شنو هالحكي
ريان:قلبي انا مابيك تعطين بوستي احد ابداابيها لي لوحدي
وبوستك لك لوحدك
قربت منه منار,,,وضمته وباسته:انا لك كلي لك
شوي ودخلت عليهم نور
وتركو بعض ريان:ياربي ,,,ماحد يرتاح مع حبيبته
نزلت راسها ماريا وتفشلت
خرج ريان هو يطالع منار:جيبي لي الكوفي عند الوالد
نور:ماما والله انا مافي معلوم ان انت في هنا
ضحكت عليها منار:عادي ...ماعليك بس يمزح
عند جومانه
جومانه مومصدقه الي تشوفه
جومانه:معقوله....معقوله....منصور
وصارت تبكي ودموعها بسرعه تنزل
مومصدقه الي تشوفه
شالت اول صوره طاحت عليها عينها
كانت لمنصور مع بنت حلوه وكان ماسكها
كانت كل الغرفه مليانه بنفس صور البنت
وكل صوره مكتوب تحتها حبيبتي ......هيفاء
راحت جومانه للمكتب وصارت تفتح دروجه مثل المجنونه
اخر واحد كان فيه صندوق صغير فتحته
كان فيه رسايل كثير
وياين من شكلها انها رسايل حب
رفعت راسها تبي تمسح دموعها عشان تقدر تقراالرسايل
لاكنها شافت الي ادها وامر
شافت صوره لمنصور وهو حاضن يدين هيفاء على صدره لكن
مافكرت الافي ابتسامته الي اول مره اتشوفها
وكانها خنجر دخل ابصدرها لما شافتها
رجعت جومانه تقراالرسايل وكان كلها رسايل عشق
من هيفاء لمنصور
ومن منصور لهيفاء
وكان كل رساله من هيفاء مكتوب باخرها حبيبة منصور
ورسايل منصور باخرها مكتوب باخرها حبيبتي هيفاء
لفت انتباها ورقه بأخر الصندوق معفصه
فتحتها كانت الرساله الوحيهد الي مافيها أي شي في الاخير
يدل انها من منصور او من هيفاء
كان مكتوب يها
يموت من الطموح اول بداية رحلة المشوار
ولاترجع اماني صغار ماتت في بدايتها
انا والحض هالعاثر نهتنا قصة الاقدار
نفارق ناس وحضوضي عجزت افهم اشارتها
سالت البارح وقبله من الي جاب صورتها
انا ناسيها من مده وتاركها مع التذكار
لاني ماني متحمل اشوف اكبرخيانتها
رمت جومانه بلورقه بلارض وصارت تصرخ بصوت عالي
توجهت لصوره الي جذبتهاابتسامة منصور فيها وشالتها ورمتها على الارض
وكسرتها وداستها برجولها
وهي تصرخ:خاين ............خاين
مانتبهت جومانه على الي كان واقف على الباب
عند بدر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك