رواية على عتبات الماضي -59
تتافف بعدما ركبت السياره معه,,
فماان اخبرها هادي بحمل غلا حتى ضاقت بها الانفاس والاماكن’’’
تشعر بغيره تقتلها,,
تود وتتمنى ان تضم على صدرها ابن هادي’’’
لكن لاترتاح الروح الانانيه بالانسان الا اذا حركت مشاعر الغيره بقوه,,
ابتسم لها رائد معتقدا" انها ملت من الدراسه,,
لكنها بدت حزينه وغير متجدده كعادتها معه’’’
كل يوم تتلبس لون جديد واسلوب جديد,,
لكنها الآن بلباس الحزين تكتسي’’’
وبلون الضيق تبدو,,
فبادر بحب وهو يمسك يدها,,
:اذكري الله بدال ماتتاففين كل شوي
تبينا نطلع بدال مانعود البيت ؟؟
عليا بابتسامه وهي تنظر ليديها بين يديه,,
:يارييييييت احس ضايقه فيني الوسيعه
رائد بحب,,
:عشان حسنا ومشاري ياقلبي ؟؟
عليا تهز راسها بالرفض,,
:حسنا ومشاري موضوعهم محلول مااحاتيهم ابد
رائد بابتسامه,,
:اجل وش تحاتين ياالغلا ؟؟
عليا بدموع,,
:مستغربه ليش ماحملت للحين
رائد بضحكه جلجلت السياره,,
:الظاهر اني مانيب مثل هادي فحل
عليا تضربه على كتفه,,
:يعني احر ماعندي ابرد ماعندك
رائد بواقعيه,,
:وش اسوي ياقلبي هذا امر من الله بعدين تونا بسم الله متزوجين
على وش العجله ؟؟
عليا بضيق,,
:يمكن لان هادي وغلاوي معنا تضايقت ؟؟
رائد وهو يقبل يديها,,
:لاتحاتين بنشوف كم شهر ان الله ماكتب لنا نصيب رحنا نفحص اوكي ؟؟
عليا بحب,,
:اووكي
*******
*****
***
**
*
بعد شهر من الاحداث الاخيره
تراها بعين حزينه,,
لتجد وجه ذو ملامح تدل على راحه!!
لاتعلم اي غباااء يعتري شقيقها,,
بل واي تسرع اصاب والدها’’’
ماهي متاكده منه ان اليوم اصبحت وسميه زوجة فهد رسميا",,
وهذا ماشل تفكير الجميع’’’
عارض الكل بطريقته,,
بيت هادي,,
حسنا,,
:آخر شي توقعته توافق وسوم على ذاالبزر ؟؟
هادي بصوت يشبهه,,
:ليش بزر عشانها اكبر منه ؟؟
هذا امي اكبر من ابوي كله واحد وفهد رجال عليه متكل مهوب من مبزرة ذااليومين
هيفا بهجوم,,
:الا بزر وبزر وبزر
متى عقل فهد امس قبيله ؟؟
بعدين وسوم انت تعرفها عاااقله ومره يعني من سعود الله يرحمه الين فهد ؟؟
انا اشهد ان به فرق
ام هادي بصوت شديد اللهجه,,
:اقصرن الهرج مااااالكن الا انكن تباركن لوسوم ولفهد
غلا بعقلانيه,,
:ياجماعة الخير ترااا وسميه والله تمشي بسم الله عليها مع كبير وصغير
ماشالله شخصيتها حلوه وبتعرف لفهد صدقوني
خلود بضحكه,,
:عاد احس كانها ديمي مور مع رجلها ذاالبزر وش اسمه ؟؟
لينظر لها هادي بضحكه,,
:انتي فيوزج خلقه فاصله ترا كل اللي بين وسوم وفهد اربع سنين
:انا اخالفكم بصراحه رايكم
اصلا" انسب انسان لوسوم فهد ولد ماجرب الحياه قبلها
يموت بولدها وكلنا عارفين ذاالشي وشخصيته حلوه
ولاتنسون انها اصلا" ماخذه عليه وهو ماخذ عليها
وبعدين عند خالها وامي النوري الخير والبركه
احسن ماتروح لعرب يعزرون بولدها والا يحرمونها منه
هم اهل ودمك لحمك ان حبك والا رحمك
بيت جابر وريتاج,,
جابر بعصبيه,,
:ابي افهم ماعاد بقى من الرجاجيل الا فهد ؟؟
ريتاج باستنكار,,
:اي بس اللي اعرفه ان فهد ولد خالك اللي تحبه وتغليه
جابر بضيق,,
:كااااااان في الماضي
بعدين انتي وش عليج وش دخلج ؟؟
قال جملته الاخيره بعصبيه وبصوت عالي,,
لتقف ببكاء كعادتها,,
:خلاااااااص لاعاد تجيني تصب ضيقتك بقلبي وتزيد علي فوق همك هم
دخلت للداخل ليتبعها,,
محاولا" مراضاتها بطريقته,,
:ااا اا ريتاااج
بصوت حزين,,
:آمر ؟؟
جابر ,,
تكفين بغيت تدورين معي الريموت
ريتاج بابتسامه من بين دموعها,,
:مهوب هذا اللي بايدك ؟؟
جابر ينظر ليده بضحكه,,
:يووووه دايم اضيعه
خرج لتبتسم خلفه,,
وهي تتبع ظله’’’
غرفة ناصر وهدى,,
ناصر وهو يضع اذنه على بطن زوجته,,
:مااسمع صوت للحين كم لج شهر ؟؟
هدى وهي تلعب بشعره,,
:توني داخله الرابع
ناصر يقبل بطنها,,
:دريتي فهد خلاص تملك وسميه ؟؟
هدى برضا,,
:الله يوفقهم
ناصر بمرح,,
:هااا ماعاد تحاتين وسميه لااطمرها عليج ؟؟
هدى تضربه بخفه على يده,,
:ياويلك اصلا" اذبح واحطك مهوب باكياس لااا باشتري علب كشخه من سنتر بوينت تصير شفافه
تبين اللي تحتها واحط كل جزء منك فيها
واحطها بمعرض عبره لكل رجال عشان مايفكر حتى بالعرس
ناصر بحماس,,
:وناااااسه تكفين صوريني ابي اشوف نفسي اشهد اني بانشهر
هدى بضحكه,,
:الحمدلله ياربي خلاااص باصورك واحطك باليوتيوب والفيس بوك وبكل المواقع رضيت ؟؟
ناصر بهدوء,,
:بجد ياهدى ماتوقعت فهد يخطي هالخطوه
هدى بواقعيه,,
:هماه راضي ؟؟
بصره
ناصر وهو ينام على بطنه ويرى بقرب هدى,,
:هو بصره وبراحتك وبكيفه ادري
بس خايف يظلم وسومه معه لانها جربت تعيش مع سعود وسعود نقيض تماما" لفهد
سعود رجال كبير وكلمته موزونه وله هيبه
هدى وهي تميل اكثر لزوجها,,
:وخذته هي بتعرف تغيره
ويمكن هالسعود مع مرته شي غير معكم
او يمكن وسميه ترتاح وتحب اسلوب فهد اكثر
بسم الله عليه دمه عسل وحبوب وشقردي على قولتهم وجيد
وهي دمها خفيييييف وحبوبه
ناصر باريحيه,,
:الله يوفقهم يابنت الحلال ويهنيهم يارب
اما دلال ووسميه صوت الحاظر واليوم,,
:وسوم بذمتج مرتاحه ومقتنعه بقرارج ؟؟
وسميه تلتفت على دلال بتبلد,,
:وش تفرق يعني فهد حاله حال غيره
مسيري معرسه
يعني تحسبين امي والا اخواني بيرضو اقعد من غير عرس ؟؟
فسواء خذيت فهد والا غيره ماعاد تفرق عندي
نهاااااائي
دلال بصوت حزين,,
:بس انتي تحبين اخوه ؟؟
وسميه بغضب وهي تنظر للباب,,
:ايااااااني واياج تعيدين هالسالفه التافهه فااهمه
دلال بارتباك,,
:هدي وسوم ماراح اعيدها
بس ماابيج ترتبطين بفهد وانتي تشوفينه بزر
وسميه بمصارحه,,
:ومن قالج اني اشوف فهد بزر
بالعكس احترمه
صحيح امون عليه ويمون علي اكثر من الباقين
بس احترمه
دلال بواقعيه,,
:بس فهد انتي تجربته الاولى
وهو تجربتج الثانيه
يعني هو يمكن مايعرف يتصرف بالشكل اللي يرضيج او يريح
واخاف انتي تسوين مقارنات بينه وبين المرحوم
وسميه بابتسامه,,
:دلال لاتحاتين
مانيب بزر واعرف اتصرف
طول عمري اقاوم مشاعري بعقل وتفكير
ماوقفت هالمره على فهد
وصدقيني بما اني وافقت عليه معناها بعده زوج وان شالله يعدني زوجه ويحبني
وقفت لتمنع دلال من رؤية انسكاب ادمعها,,
فماذا تقول ؟؟
انها تخطئ بحق نفسها للمره الثانيه ولاتشعر ؟؟
البارت الجاي الاثنين مثل ماحددنا
نمضي برياح عاتيه
خريرين القوى
تسحبنا معها حيث تؤول
لامنقذ ولامرشد
ضعفنا بانفسنا
لالان الرياح قويه
متى يشتد عودنا لنصارعها ونعود كما كنا
باحكي حكايه صارت لي من وقت
مره يوم كنت بالابتدائي فيه بنت معلمه تكرهني
لااتسالوني ليش!!
فمره حطيت جنطتي بالطابور انتظر طابور الصباح
المهم البنت تشوفني بنظرات قااتله
وانا يوووم كنت صغيره كنت خجوله وضعيفة شخصيه بصوره ماتتخيلونها
الزبده
فنظرت لها نظره تحدي
ماكنت اتجرا اشوفها فيها من قبل
قلت ياانا ياهي
المهم البنت الحلوه العسوووله!!
قالت لامها واشتكت من نظرتي!!
وامها معلمه تربيه اسلاميه
ولو تبوني اوصف شكلها ولبسها ونظرتها واسمها ذكرته لكم--لان هالموقف ماثر فيني
فنادتني امها بحصة الدين
قدام كل كل البنات
وخلت بنتها تعطيني كف!!!!
رجعت للكرسي حطيت راسي على الطاوله وبكييييييت
ثاني يوم وللفاجاه الحلوه داومت
فاجاتها بجيتي
فاجاتها اني ابتسمت لها عااادي
انا ابتسمت لاني خايفه
اكتشفت ان ابتسامتي سلاح ضدها
خافت اني اتوعدها بهالابتسامه
او ورى هالابتسامه تهديد مبطن
هههه
مادرت اني من الذل ابتسمت
ولاعااااااااااد قالت لي حاجه عقبها
اكتشفت ان نظرتي القاسيه ضعف
وان ابتسامتي الحلوه العذبه قووه
يلا قدامي كلكم ابتسموا
وهذا البارت لعيونكم
البارت الثامن والثلاثون
*******
*****
***
**
*
تقلبات الاوضاع,,
تشنجات فكريه وتوتر داخلي عاصف’’’
اناس تتطلع للمضي بسكينه وسلام على وضعها المستتب,,
واخرى تنتظر اقرب فرصه لتنهي الوضع باعدامه’’’
يمشي رويدا" لغرفة اخته سارا,,
سحب جهازها المحمول وطبع ارقام ليحفظها’’’
اعاده مكانه وسارع الخطى للسطح,,
حيث ابعد مكان عن عيون واذان اهله’’’
واتصل
كانت تريح راسها بقرب ابنها,,
وعينيها تنهل بالمزيد من العطاء من دموعها القريبه’’’
تشعر بوخزات في قلبها كلما رات ابنها وتطلعت لمصيرها مع فهد!!
مالبثت الا وتسمع نغمات هاتفها تهتز,,
رات الرقم ولم تركز’’’
هل تعرفت عليه ام ماذا؟؟
لكنه قد مر عليها,,
فردت,,
وصلها صوت انفاس متوتره’’’
لكن لامجيب,,
لتعيد الكره,,
:الو نعم ؟؟
فرد بصوت متوتر البسه رداء المرح ليخفيه,,
:حيا الله ام رشود
عرفت الصوت سريعا",,
فهذا زوج المستقبل!!
زوج لم اتطلع اليه,,
ولااريد التطلع لمستقبلنا سويا"’’’
لكنها ردت بصوت سلس كعادتها,,
:حياك ربي يافهد
فهد بابتسامه,,
:تسمحين لي بنص ساعه من وقتج ؟؟
وسميه متعجبه,,
وراء طلبه المؤدب خبر!!
او مصيبه!!
ام ماذا بالضبط ؟؟
لتجيبه بادب خالص,,
:لك وقتي كله امر ؟؟
فهد براحه اولا" لانها لم تخلق حواجز ولم تكن كمن تدعي الحياء,,
ردت عليه كعادتها ولا يجد امامهما رسميات تحكمهما’’’
ثانيا" لانه يريد ان يضعها على بينه بما يختلج فؤاده وروحه,,
ويود ان يعلم قبل زواجهما وارتباطهما رسميا" هل تقبلت فكرت انه زوجها القادم ؟؟
فقال,,
:الله يريحج يابنت الحلال كنت احاتي تضيقين علي او تفهميني غلط
وسميه بابتسامه عذبه خالصه لصوته العذب,,
فبدى امامها صغير يخاف التوبيخ او العقاب’’’
وبدت هي الحاكم والمحكوم بنفس الوقت,,
تخاف على مشاعره منذ الصغر وهذا ماعرف عنهما’’’
وياللحظات القدر ان تعيد اهتمامها بشكل جدي ورسمي وواجب محتوم,,
ردت بابتسامه,,
:لاتحاتي ولاشي امرني ؟؟
فهد احس بنشوه دغدغت مشاعره,,
تطلب منه الامر لتلبي’’’
مرتان يسمعها بصوتها الحنون,,
بدت له اليوم وسميه اخرى’’’
تعنيه وتخصه,,
تلبي رغباته واوامره’’’
هذا مافكر به لوهله او مااحس به,,
فرد,,
:مايامر عليج ظالم
بسالج وافقتي مقتنعه او لا ؟؟
سؤاله بدى لها غبي,,
وغريب’’’
نحن الآن بعد القران ولسنا قبله,,
ايسالني الآن ؟؟
لو كان يهمه موافقتي لاخذها من لساني,,
قبل ان يضغط علي بوالده’’’
افكار داهمتها واغضبتها,,
لكنها اجابته بطيبتها المعتاده التي لاتجرح العدو فكيف بصديق ورفيق وقريب وبات اليوم زوج,,
:اكيد مقتنعه
اختصرت عليه عبارات كثيره,,
بجمله اراحت فكره المنشغل بها’’’
فاصرار والده على موافقتها باقتناع لم تريحه,,
اراد مرارا" وتكرارا" محادثتها ولو اضطره الامر سيلغي الفكره’’’
لكن الظروف لم تشأ,,
وهاهي اليوم تريحه بجوابها’’’
فتنهد براحه,,
:ريحتيني ياوسميه كنت احاتي انج موافقه عشان خاطر ابوي
انا اخترتج انتي لاني ابيج حليله
وابي رشود ولدي
ابيكم بحياتي ومع ذلك لو ماتبوني انتي ورشود مااقدر اضغط عليكم
وانا عارف انج متحسسه من موضوع رشود وخايفه عليه
وسميه ابتسمت وهي تنظر لابنها لاشعوريا",,
وقد تسللت مع كلامه طاقه مريحه لنواحي احاسيسها’’’
تجعلها ترتااااااح,,
فاكمل,,
:وتبين الصدق ياوسوم
ابيج تعرفين شي واحد وبس
اني مااقدمت على العرس الا عشاني ابيج انتي
ان شالله اقدر اسعدج ولااخيب امالج
صمت وصمتت معه,,
فوقع مناداته لها بتغنيجها لم تكن كما السابق’’’
بدت خاصه وذو نبره يعتريها الدلال والحب,,
لكنه لم يترك مجال لانفاسها تهدأ ليعود من جديد يشعلها,,
:ها وسوم تبين شي قبل اسكر ؟؟
وسميه بصوت مرتبك,,
:هممم لاا سلامتك
فهد بسعاده مفرطه,,
:المهر وبتجيبه بكره امي لكم
وانا احترمت رغبتج ولابه عرس وتبقط عشا وصلى الله وبارك
والشقه قدها جاهزه لعيونج
عشان كذا تجهزي على طلعة عبير من العده العرس عقبها بكم يوم
وحددي انتي التاريخ
وسميه بصدمه,,
:فهد انااا ابي وقت اتقضى فيه
فهد بسعاده لااتوصف,,
فهي تود التسوق لانها عروس بل لانها عروسه هو’’’
اذا" فله من تسوقها النصيب الاسد,,
رد بضحكه,,
:تقضي من اليوم وتبيني اوديج حاظرين للحلوين بس تاجيل اسمحيلي
وسميه بخجل,,
:خلاص حدد انت التاريخ
فهد بنبره مقصوده,,
:ابيه بكره وش رايج ؟؟
وسميه اغلقت الهاتف بخجل وغضب وهي تبتسم!!
اي متناقضات تمر عليها هذه المراه ؟؟
خجله من تلميحه
غاضبه من طريقته واسلوبه الجرئ
مبتسمه لانها بدات تتحمس مع قرب ارتباطهما!!
*******
*****
***
**
*
بدى اليوم له مقلق,,
فتلك متخبطه من جديد’’’
تعاني الغيره ولاعتب عليها,,
فهي كانت المتربعه على عرشي كله’’’
واليوم تشاركها اخرى,,
لكن مايريحه قليلا",,
توتر جم بينه وبين منى’’’
فهي تبدو كالمجنونه,,
تطالبه بمشاعر ليست لها’’’
بل وتصر على امور ليست من حقها,,
تريده دائما" معها,,
وبرفقتها’’’
حتى انه مل هذا الاسلوب والتشبث القاتل,,
يتحاشى احزانها فهي لاذنب لها بظلم مشاعري’’’
ولاينسى انها لاتملك سواااه هو ليكون لها سند وظهر تحتمي به,,
بصوت معاتب,,
:منى عاجبج هالحال ؟؟
منى بتعب,,
:مو عاجبني ولاعاجبتني قعدتك اربع وعشرين ساعه مجابلها
مترك بتهكم,,
:مقابل من منور ؟؟
تراها مرتي وام عيالي
لو هي ماتبي عيالي يبوني
منى بغيره,,
:شلووون يعني عشاني مايبت لك العيال ؟؟
مترك بتهدئه,,
:هدي يابنت الحلال العمر قدامنا وبتجيبين لي العيال وطيب الفال
منى بهدوء وهي تقترب منه,,
:يعني انت تبي مني عيال ؟؟
سؤال صعب,,
لم يستعد له’’’
تمر امامه جميع الكلمات الواجب ان توضع في خانة الجواب,,
لكنه لايستطيع وضعها’’’
لشيء بنفسه,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك