رواية هدمت حياتي بيديك وجاي تقول ندمت -50
متعب:لين وبعدين
لين:انت ليش صاير تصرخ علي كثير
متعب بعصبيه:لانك الى الان تحسبين نفسك بزر خلاص انتي تزوجتي صارت لك حياه خاصه عندك زوج يبيك تهتمين فيه
لين بطفوله:طيب لاتعصب
متعب:اوف لين خلاص قومي عني الحين
لين:اروح عند البنات
متعب:روحي بس فكيني منك
لين حز بخاطره كلمه متعب فكيني منك
وراحت الغرفه وجلست ع السرير"اوف ياربي شفيه قلب علي كذا مايبيني اقول شي يعني انا بزر الحين اوف بس"
انسدحت وتحاول تنام
ماقدرت
قامت وقفت عند المرايا وجلست تلعب بنفسها
حطت كحل وروج موفي
وشعرها مره ترفعه ومره تنزله ومره تبعثره وتضحك ع نفسها
...........تجنين بكل حالاتك
لفت لين وشافت متعب وتركت شعرها ومسحت روجها
والكحل وانسدحت
متعب ابتسم وقرب وانسدح جنبها وسحبها لحضنه
لين ابعدته وقامت
متعب:شفيك
لين:مو انا بزر شتبي فيني
متعب رفع حاجبه:عيدي ماسمعت
لين:خلاص متعب انا بجد مالي خلق اناقشك بشي
متعب:صبرك يارب شوفي يابنت الناس اسلوب البزرنه حقتك ابد مايعجبني ياتعدلين اسلوبك ياترجعين بيت اهلك
لين طيرت عيونها:ايش
متعب:مثل ماسمعتي
انقهرت لين وطلعت برا وجلست تبكي
متعب انسدح وحده منزعج من تصرفات لين اللي صارت تنرفزه
::
::
::
::
::
بغرفه عادل
منسدح وجنبه مجود
وسرحان بااماني وبولده
عبدالمجيد نفس الشي سارح بمرام
عادل:عبدالمجيد
عبدالمجيد:هاه
عادل:انت شناوي عليه
عبدالمجيد:بايش
عادل:بمرام ومنال
عبدالمجيد بحيره:عادل انا ضايع بمشاعري ناحيه الثنتين
عادل:بس انت لازم تعرف من تحب
عبدالمجيد:اه بس
عادل:نام الحين بس لازم تختار وحده منهم
عبدالمجيد:ان شالله
::
::
::
::
::
بغرفه
في وليان وهديل
في وليان نامو ع طول
هديل جالسه وتفكر برساله اسيل وتبكي
اخذت جوالها واتصلت باسيل
هديل:الو
اسيل:خير
هديل بصوت مخنوق:اسيل انا ببعد عن رائد بس لاتسوين له شي
اسيل بضحكه ساخره:ههههههه بعدتي او مابعدتي رائد حط راسه براسي وخل يتحمل اللي بيجيه
وقفلت
هديل رمت الجوال وانسدحت وتشاهق وتبكي
::
::
::
اليوم الثاني
عند البنات
قاموا البنات من النوم وهديل الى مانمت بسبب كلام اسيل
في:صباح الخير هدول
هديل بدون نفس:صباح الخير
في: هديل شفيك
هديل: ذا الحقيره اسيل امس ارسلتلي تقولي بتذبح رائد اهئ اهئ
في:هههههه من جدك هديل تبكين
هديل:ايه من جدي اجل تموته واجلس بحسرتي طول العمر
في: والله انها من جنبها ما عليك منها
ليان وهي تفتح عيونها:هديلوه لا تخافين قبل تسوي شي انا بوقف في وجهها
في: ليان وجع وش تسوي ما تقدر
ليان:وانا قلت غير كذا اقول انسوها والله ما عندها ما عند جدتي
هديل وفي :هههههه
هديل:فيوه اخوك جنني والله
في:فيوه بعينك
ليان: انتي وياها هدوء بنام
هديل:لايلاقومي خذي شوري بنستهبل اليوم اخر يوم بكره راجعين
في:ايه حسافه يلاليانوه قومي
ليان:طيب خلصوا وانا بعدكم
هديل وهي داخله التواليت>وانتم بكرامه>مو اطلع والقاك نايمه فاهمه
في:لا تخافين مارح اخليها
هديل:اخاف تأثر عليك بضاريوه
في:ضاريوه بعينك ما اسمحلك ترا ورمت على هديل المخده ودخلت هديل وقفلت الباب
وضحكوا ليان وفي على شكل هديل
::
::
::
::
عند متعب ولين
لين قامت من النوم وراحت تأخذ شور وطلعت راحت تمشط شعرها
..........:صباح الحب والعشق
لفت لين وبجفا:صباح الخير
متعب بعد عنها:شفيك
لين:مو انت ما تبي حركات مبزره بوريك حركات الكبار وراحت فتحت الدولاب وطلعت لها لبس
متعب حس انها زعلانه من كلامه امس:انا اسف حبيبتي والله ماكان قصدي بس كنت تعبان
لين بنعومتها المعهوده:حبيت اقولك شي يا متعب ان انا حركاتي الى انت تسميها حركات مبزره طبيعتي ومو يعني كذا ان انا ما عندي شخصيه لا عندي واعرف اقوم بحقوق زوجي واعرف واللي علي ووش الى لي
وانت من اول عارف ان هذي حركاتي وانت رضيت وانا ماجبرتك انك تتزوجني بس تدري وش ذنبي اني حبيتك بس وجلست تبكي
قرب متعب من عندها وحضنها:انا اسف والله بس انتي دلعك زايد بس خلاص انا راضي فيه وحتى البنات اذا تبين تروحين عندهم ما بمنعك بس لا اشوفك تبكين
لين مسحت دموعها:متعب
متعب:لالا قولي متعوبي احلا من زمان ماسمعتها
لين ضحكت ونزلت راسها
متعب:فديت الضحكه وصاحبتها
::
::
::
عند الشباب
قام عادل اول واحد من النوم وجلس يقوم فيهم ولا حياه لمن تنادي راح المطبخ وجاب ماي بارد ومن الخبث الزايد حط ثلج عليه
ودخل عليهم بشويش وكب عليهم الماي
قاموا كلهم مفزوعين من النوم
رائد:ياربي ذا السامج خير عادل تستهبل حضرتك
عادل:ساعه اقومكم ماقمتوا
ضاري: وكذا تقومنا وش تحس فيه انت
عبد المجيد:يحس اني بقوم اكفخه والله خرب الحلم
عادل: اقول قوموا يلا بكره بنمشي لازم اليوم نفلها
رائد : ايه صح وناظر ضاري وقاموا اثينهم للتواليت.>وانتم كرامه>
ضاري: وخر يارائد انا بدخل اول
رائد: لا يا شيخ اقول طس عن وجهي بس
وشوي اسمعوا الباب يقفل التفتوا
ضاري ورائد: عبد المجيد
عادل :ههههههه
ضاري: تضحك حضرتك
عادل: ماشفتوا اشكالكم ههههه
وراح رائد وضاري نطوا على عادل
::
::
عند البحر
البنات كلهم واقفين وكل واحده سارحه بخيلها مع حبيبها
وليان طبعا ما عندها ما عند جدتي
ليان:هيه انتم يلا نسوي شي فكروا فيهم اخر اليل مو الحين
مرام :طيب وش نسوي ياصاحبه الافكار المبدعه
ليان:لا الحين ما عندي شي
في: اجل انطمي
::
::
عند الشباب
رائد:شفوا البنات هناك وش رايكم نسوي لهم شي
الكل:موافقين
ضاري:شنسوي طيب
رائد:قربوا اقولكم
ضاري وهو يمثل البكاء:حرام عليكم اهئ اهئ
عبد المجيد: قلبك رهيف والله طالع على ليان
متعب:ايه ما طلع قاسي مثل لين
عادل: اخلصوا قبل يروحون
الكل:يلا
وراحو من وراء البنات وكل واحد شال حبييته بيرميها في الماي
..
عند مرام وعبد المجيد
مرام بصوت عالي:لالا تكفى عبد المجيد
عبد المجيد :وش اللي لا
مرام:لاترميني في الماي بغرق
عبد المجيد:لاتخافين انا معك
ورماها في الماي
::
::
عند اماني وعادل
اماني بصوت عالي:لا عادل انت عارف ما اعرف اسبح
عادل: بس انا اعرف
اماني:ياربي ياعادل نزلني
عادل:لا ورماها في الماي
::
::
عند متعب ولين
لين:متعوبي لا تكفى اخاف اغرق
متعب:وش بغرقك انا موجود ما بتركك
لين:لامتعب لا شوف الموج عالي لالا
متعب :مومشكله اركبك الموج عشان ماتقولين حارمك من شي
ورماها الماي
::
::
::
عند هديل ورائد
هديل: تستهبل يارائد نزلني
رائد:واذا قلت لا
هديل:اووف نزلني وش تبي انت
رائد:ابي بوسه وانزلك
هديل:اجل اغرق احسن لي
رائد:احسن بعد ورماها في الماي
::
::
::
عند في وضاري
في بصوت عالي :والله ياضاري اذا مانزلتني ماتلوم الا نفسك وتصارخ
ضاري:مارح انزلك
في:وجع ضاري نزلني
ضاري:ههههه اجل وجع ورماها في الماي
..
عند ليان
ليان تلتفت حولها:ياربي صرت لحالي اووف شكل الدلخ اللي بحبيه ويحبني مطول
وطلعوا البنات والشباب من الماي وراحوا عند ليان
ليان :اشالكم تحفه
مرام:انتي انرحمتي ماصارلك مثلنا
ضاري كان وراء ليان:من قال
وشالها ورماها مثلهم
رائد:حنا ماعندنا كلكم مثل بعض
ليان وهي تطلع من البحر:وجع ضاري مالت عليك خير ان شاء الله تمون حضرتك
عبد المجيد:يمه كلت الولد بقشوره اشوى ان هديل اختي
ليان: وحتى انت بعد معه وجع
الكل:هههههه
مرام :بنات وين بيشو ماشفتها
هديل:اتركوها لاحد يكلمها
وشوي وشافوها تتمشي وقربت عندهم
بشاير:هههه ورا اشكالكم كذا
عادل: انا بقولك ليه وشالها وسوى فيها مثلهم
بشاير:عادل وجع من سمحلك
عادل:لا بس كنت اجاوب على السؤال عملي
الكل:هههههههههههههه
ودخلوا عشان يبدلون
::
::
::
::
::
::
::
بعد المغرب والكل كان بغرفته
عند البناات
لياان:أقوول بناات وش رايكم نطلع مكاان
في وهي منسدحه :ويين نروح
لياان:أي مكاان
هديل:أقوول أهجدي بس سمعتهم تو يقولون بيمشون للرياض بعد العشاء يعني مافيه وقت
ليان :لاا عاد لا تقولينهاا
هديل:لو بكيفي ماقلتهاا أنا
في:ولا بعد يعني بنرووح المدرسه اوووف
ليان:اووفين بعد
هديل:يلاا هانت أخر سنه بعدين نرووح الجامعه
في وليان:الله يوفقنا ياارب
اندق باب غرفتهم
دخلت ام متعب :يلا يابنات جهزوا أغراضكم ترا بعد شوي بنمشي
البنات:إن شاء الله
رااحت أم متعب وجلست مع الجده
الجده:ياااحلوو البحر
ام متعب:ايه ياخاله حلو بس غدار
الجده بحزن:أم ضاري كانت تحب البحر حييل الله يرحمهاا
ام متعب:الله يرحمهاا بس تصدقين ورثت هالصفه لمرام تموت بالبحر
الجده:الا وين نوره ماتجي تجلس معنا وحابسه هالولد معها مسيكين
ام متعب:مادري عنهاا أحسها ماتحب الجمعات واجد
الجده:شكلهاا شريه وماتحب أحد
ام متعب:أحس فيهاا شي تخفيه بداخلها أحس فيهاا طيبه بس ليه ماتطلعها مادري
الجده بعدم اقتناع:الله يهديها بس
ام متعب:امين
دخل الجد وابو متعب وأبو عبد المجيد وأبوضاري وكملوا سوالف وضحك
::
::
::
::
::
::
عند نوره بالغرفه قاعده تناظر tv
وحمود يلعب بألعابه فجأه نوره مسكت راسها وقامت تصرخ بمحمد
حمود فز من مكانه وهو خايف منها لانه عارف حالتها ذي ماتخلص ألا لما تضربه
حمود ببكاء وترجي:ماما تكفين لاتضربيني أنا ماسويت شي والله كل اليوم عاقل
نوره تقرب منه وتضحك بضحكه استهار وهي مو بوعيها:أنت ماسويت شي بس أبوك مسوي أشياء وأنا لازم انتقم منه
حمود وهو مو فاهم شي وببرائه اطفال :ماما أنا بعد مثلك ما أحب بابا أنا أحبك ماما لا تضربيني تكفين
نوره قربت منه وصارت تضرب وتضرب فيه ومحمد يترجاها بس نوره كان الغضب معميها والحقد حتى من ملامح الأمومه والعطف
::
::
::
::
::
::
::
في الصاله
ابو ضاري :ههههه ايه أتذكر ياهي أيام ياحلوهاا
ابو عبد المجيد:ههههههه ولاتذكر يووم ابوي يعصب أمي يوم قال لها بتزوج هههههه
ابو متعب:ايه ايه هههههههه ولا كانت الوالده معصبه من جد
الجد مبتسم :............
ابو متعب:ولا بعد تصدق سويتها بأم متعب ههههه وعصبت هههه
ابو عبد المجيد وابو ضاري والجد:هههههههههه
الجده:الحين انتم مالقيتوا سالفه إلا حنا
ام متعب:إيه والله مالقوا لهم سالفه
الرجال:ههههههههه
الجده:لاشكل حالتهم مستعصيه
ام متعب:أجل أنا أروح أضف اغراضي بس
الجده:اجل خوذيني معك
وراااااحو
الجد:ياحليلهم عصبووا وش يراضي امكم الحين
الكل:ههههه الله يعينك
ابو ضاري:يلا عن اذنكم بأقول لنوره تضف اغراضنا
الكل:إذنك معك
::
::
::
::
::
::
عند نوره
حمود بترجي:ماما خلاص اهئ اهئ
نوره وهي تضربه وتبكي بس مو داريه وش فيها:.....
دخل أبو ضاري وشاف المنظر محمد كان بالزاويه طايح وململم نفسه ونوره ترفسه
أبو ضاري بصرااخ :نوووره بببببس
نوره وقفت عن الضرب ابعدت شوي عن محمد وجلست وقامت تبكي
ابو ضاري راح ركض عند حمود وشافه منسدح ومغمض عيونه ويوون
ابو ضاري:حراام عليك وش سويتي بولدك يانوره حرام هذا طفل
نوره :اللي سوااه فيني أبووه مو حراام
أبو ضاري بغضب:بس وش دخله هو يانوره
نوره بصرااخ:ذنبه انه ولده
ابو ضاري وهو يناظرها بكره:إلى وين حقدك وكرهك هذا بيوصلك
نوره وهي تضحك :هههههه لمايموت وارتاح منه بس أنا بأعذبه شوي
ابو ضااري بصرااااخ:وأنا ظنيتك الأم لعيالي بعد أمهم اثاريك حتى ماتعرفين الأمومه لولدك أصلاا
نوره وهي تضحك وهي مو بوعيهاا :أصلاا أنا كنت أضرب عيالك وأشغلهم بعد تحت رجلي وأنا خليتك تطرد ولدك ضاري ههههه وأنت كنت معي وين كانت الأبوه عندك ذاك الوقت
أبو ضاري مسك قلبه :ااه
بس تحمل عليه وقرب من عند نوره وجاء بيضربهاا
حمود بصعوبه:لاا ياابابا
أبو ضاري ترددت كلمه بابا علي مسامعه:شفتي شلون يدافع عنك
نوره و تناظر حمود
حمود:بابا ماما طيبه بس هي نست تجيب علاجهاا علشان كذا هي تضربني بس أنا أحبهاا وإذا كانت تضربني علشان تطيب خل تضربني كل يوم
أبو ضاري دمعت عينه من كلام حمود وجلس جنبه وضمه :تصدق من زمان كان ودي يصير عندي ولد ثاني ولا اسمه حمود
حمود ابتسم رغم الجروح والضربات اللي فيه:يعني عادي أقولك بابا
أبو ضاري يقرص أنفه:أكيد عادي ويابختي بولد زيك
حمود ناظر بأمه وأمه تناظر موقف حمود من يوم أبو ضاري جاء بيضربها وهو دافع عنها يوم قال أنا أحبها وخلها تضربني جلست على رجولها ونزلت راسهاا قرب حمود منهاا
حمود وهو يرفع راسهاا: ماما مو كنتي تقولين لي لا تنزل راسك ليه منزلته أنتي
نوره ضمت ولدهاا بحب :أنا أسفه حمود والله أنا أسفه بس والله مو بيدي والله مو بيدي غصب غصب عني وصارت تبكي
أبو ضاري ابتسم من شاف الموقف قرب لهم بس قلبه عوره حط إيده علي قلبه
ابو ضاري:ااااه
نوره فزت من مكانها:وش فيك يانظر عيني
أبو ضاري مسك إيد نوره :لا مافيني شي بس جيبي لي كأس مويه إذا ماعليك أمر وجيبي لي حبوبي
نوره جابت الماي ودواها وشربته
نوره:بالعافيه
ابو ضاري:يعافيك ربي
نوره بتحسف:أبو ضاري
ابو ضاري:سمي
نوره:أناا أسفه على كل اللي صار
أبو ضاري:اششش يانوره اللي صار صار وخلص
نوره:لا تكفى اسمعني خلني اببرر موقفي
أبو ضاري :طيب قولي
نوره:أنت تدري يابو ضاري اني كنت متزوجه قبلك
ابو ضاري:ايه
نوره:أنا يابو ضاري ضقت الويل وأنا صغيره امي ماتت وأنا بالشهور وما عمر أحد عطف علي وعشت عن جدتي بس جدتي ماتت وأنا عمري ثلاث سنين وبعدين رحت عند عمي صحيح كان طيب بس ساعات يقلب علي ويضربني بس كذا لانه أحيانا كان يجي وهو سكران ويحط حرته فيني بعد ماصار عمري ثلاث طعش سنه زوجني بأبو محمد وهو صديقه بس تدري ليه زوجني إيااه
ودمعت عينهاا
أبو ضاري:ليه
نوره نزلت دموعها:لانه كان يبي مخدرات منه ولا كان معه فلوس فزوجني إيااه مقابل حبه وبعد ماتزوجت قلت يمكن إن الله بيرحمني بهالزواجه بس حصل العكس كان ضرب عمي لي أرحم شفت العجب هنااك البيت مايفضى ولا بعد مو بس رجال وحتى معهم حريم تخيل هالموقف وربي أقفل على نفسي باب دوره المياه علشان ماحد يقرب لمي ومره من الأيام وأنا كنت بدوره الميااه سمعت أصواات ركض وأصوات صرااخ فادريت إن المباحث جت وبعدين عم الهدوء وشوي أسمع أحد يضرب علي الباب فاخفت ورجعت علي وراء بس بعد تهديد فتحت الباب وأنا ابكي واترجاهم أن مالي ذنب بس مافيه دليل كافي فدخلت السجن النسائي وأنا في السجن دريت اني حامل بحمود بس الحمد لله طلع لي خال مافيه أطيب منه حط لي محامي وطلعت برائه وبعدها رحت سكنت عنده وبعدها بسنتين توفى وصرت أراجع طبيب نفسي لاني ماكنت أتقبل حمود وبس أضربه وبعدين....
أبو ضاري ويده على قلبه:بس كافي يانوره أنا أصلا مسامحك من قبل ماتقولين
نوره وهي منزله راسهاا:.........
أبو ضاري حب يلطف الجو رفع راس نوره ويقلد صوت حمود:ماما مو تقولين لي لا تنزل راسك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك