رواية عندما تضئ الشموع بيد الحزن -4
الجزء الثامن
الخبر نزل عليها مثل الصاعقه أخر شي توقعته بالدنيا تسمع هـ الكلام من أمها الأن في أسوا حالاتها كانت تظن بتسمع شي زي كذا و هي على أبواب الثلاثين لكن تسمعه الأن و هي لسى ما وصلت العشرين...!!
أريج يمه أنتي وش تقولين ؟
أم أريج يمه مشعل ولد عمك و هو ما طلب شي حرام يبي يتزوجك على سنة الله و رسوله وش فيها ذي
أريج بس أنا ما أبي أتزوج
أم أريج وش إلي ناقصك ما تتزوجين هذا أنتي ما شاء الله بنت زي القمر و ولد عمك تارك البنات و جأيك
أريج جأيني شفقه قولوا له أريج ما تبي تتزوج من أي حد و مشكور لأنك فكرت فيها
أم أريج ما ظنيت بسمع منك هـ الكلمه يوم يا أريج أنتي منتي مقطوعه من شجرة عشان يشفق عليك
أريج يمه أنا أسفه ما هو قصدي إلي فهمتيه بس مشعل هذا من متى صار يفكر يتزوج و يبيني أنا من بين هـ الناس كذا فجأه
أم أريج و الله عاد هذا كلام أبوك أنتي فكري و لا تستعجلين برفضك يمكن ربي كاتب لك معه نصيب ما تدرين..
**************
في السياره تراقبها و هي شاكه أن فيها شئ من الصباح و هي تحس إن في عيونها كلام ما هي عارفه كيف تقوله
مها أنزلي معي
مرام لا والله تعبانه بروح أنام
مها نامي عندنا وش ورآك الإختبارات و خلصناها ؟
مرام عشان كذا بنام و ما أظمن متى بصحى
مها يالله عاد بلا حجج واهيه
مرام معليه مهاوي مالي نفس
مها يعني ما بتقولين وش فيك ؟
مرام ما فيني شئ
مها عيونك فيها كلام
مرام تتؤهمين
مها أتمنى يالله وصلت أكيد أمي تنتظرني عند الباب عادتها كل أخر أختبار و لو حسيتي أنك تبين تتكلمين تعرفين جوالي
نزلت مها لبيتهم و كملت مرام طريقها و كل تفكيرها في مها و خالتها لسمعوا بخبر خطبة مشعل شو بيصير لهم.....
***********
ألتفت له ماهو مستوعب صديقه وش يقول أكيد أنجن صحيح بنت عمه ما قلنا شئ بس هو كيف غير رأيه عن فكرة الزواج به السرعه و قرر الإرتباط بوحده ظروفها مختلفه
سلطان أنت متأكد أنك صاحي ؟
مشعل طبعا
سلطان ما أظن مع أحترامي يعني بس بنت عمك ما راح تريحك و يبي لها زوج بمواصفات خاصه ما تنطبق عليك
مشعل من قال أني أدور عندها راحه ؟
سلطان و ليش متزوجها لا تقولي الكلام إلي مسمعه عمك و أبوك ترى أن مشى عليهم ما يمشي علي
مشعل شوف الزواج هم و مسئوليه و حرمه تقعد لك على الرايحه و الجايه وين رايح؟ ليش تأخرت؟ لين متى بتسهر؟ ليش أتعب نفسي بكل هذا و بنت عمي فيه ما راح تفتح فمها بكلمه بتعيش حياتها في بيتها معززه مكرمه و بعيش أنا حياتي زي ما أبي و محد بيقولي يا مشعل أتزوج
سلطان توقعت منت خاطبها للـه بس عشان تسكتهم بس تخيل ما توافق
مشعل وين بتلقى مثلي
سلطان بدينا بالغرور عاد يا سيدي ربنا يهنيئك و يسلم المسكينه من شرك....
************
بغرفتها مندمجه بالمذاكره لإختبار بكره هـ الماده بالذات تكرها و ناقصها درجات كثير فيها عشان تنجح قطع عليها صوت الجوال أخذته بدون نفس و طالعت الشاشه و أبتسمت أخيرا
ريم أنت وين رحة حرام عليك كيف قدرت تسوي فيني كذا و ربي زعلانه
عادل أول شئ السلام عليكم و معك حق تزعلين بس أسمعيني و بعدين أحكمي
ريم شو ؟
عادل تذكري اليوم إلي قابلتك فيه بالمكتبه
ريم إيه
عادل أنا طلعت و صار لي حادث
ريم بخوف حااااادث
عادل و من يومها و أنا بالمستشفى أمس إلي طلعت
ريم يا روحي و ربي كنت حاسه فيك شي طيب ليش ما طمنتني من يومها و الحين أنت بخير فيه شئ يعورك ؟
عادل ما بغيت اقلقك و أنتي داخله على إختبارات و ما كان عندي جوال لأنه أتكسر و اليوم صديقي إلي طلع لي الشريحه
ريم أنا دقيت على رقم صديقك إلي عندي كمان مقفل
عادل تلعثم و كمل كذبته إيه هو كان معي بالسياره
ريم طيب أنت الأن بخير
عادل والله مكسر و تعبان بس سمعت صوتك سرت كأني حصان
ريم أيوه بكش علي
عادل افى حبي صار بكش بدل ما تجبرين بخاطري لجل الكسر إلي بيدي
هنا ريم صاحت كسر يعني عادل يتألم
عادل ريوم ليش الصياح حبيبي خلاص و الله أنا بخير
ريم كيف و أنت يدك مكسوره
عادل أسبوعين و أفتحها و كأنه ما صار شئ
ريم و ما راح تسوق و لا تطلع من البيت أسبوعين فاهم
عادل من عيوني حبيبي خلاص أنتي الأن ذاكري و أنا بنام شوي و بكره أكلمك
ريم طيب
سكرت ريم و هي تطبع بوسه على الجوال الأن فيها ترتاح بعد ما تطمنت عليه ... في الجهة الثانيه عند عادل أرتفع صوت الضحك
عمر صدقة
عادل أكيد
عمر تكفى عويدل عطنيها فترة شكلها صيده ما تعوض
عادل لا عاد هذي صيدتي الملكيه أنا أكلمها و بس
عمر مالت بس دبر لنا كم ألف من عندها خل نسافر نعيش الحياه
عادل أركد عاد تونا راجعين تبي أبوي يفتح لي قضيه على هـ الفلوس
عمر عادي قوله أعرف وحده فلوسها زايده بلا رقيب و لا حسيب..
مجتمعين على العشاء بإستثناء أريج إلي رافضه تأكل بحجة أن مالها نفس و جالسه بمرسمها من العصر لوحدها
أم عبدالله و ينها أريج ؟
أم أريج تقول ما تبى أكل هـ الحين يا خالتي
أم عبدالله و ليش ما تبي هي وين من العصر ما شفتها ؟
أم أريج بالمرسم برى
أم عبدالله روحي يا فجر هاتيها حنا ما تعودنا نجتمع على سفره ناقصين
أبو أريج ما عليه يمه خليها على راحتها هـ المره
فجر إيه جدتي خليها يمكن بتفكر براحتها
أم عبدالله تفكر بشنو حد يشاورها على قصاص هذا ولد عمها و يبيها زوجتن له
أبو أريج إيه يمه بس هي لها حق توافق و إلا ترفض خلوها تفكر براحتها لا أحد يضغط عليها أريج عاقله و تعرف مصلحة نفسها...
************
في المرسم كانت ترسم و تمزق رسوماتها بشكل عشواي و تفكير مشتت الغرفه كلها أوراق و ألوان على الأرض دخل و شاف حالها كيف مبهذل
أبو أريج أروجه يبه وشفيك قالبه الغرفه مزبله ؟
أريج هلا يبه لا بس ما أني قادره أرسم الأن أرتبها
أبو أريج جلس على الكنبه و أشر لأريج تعالي هنا عندي
أريج حركة كرسيها جهة أبوها نعم يبه
أبو أريج أظن أمك كلمتك في موضوع زواجك صح ؟
أريج أيه
أبو أريج أسمعيني يبه و فكري بكلامي زين أنا و أمك لا يمكن نغصبك على شئ ما تبينه حتى لو كنى نشوف فيه مصلحه لك
أريج أعرف يبه
أبو أريج لكنى نتمنى اليوم إلي نشوفك فيه في بيتك و عندك عيال يعزونك لأكبرتي
أريج بس
أبو أريج خليني أكمل يبه
أريج أسفه يبه
أبو أريج الواحد لاصار أب وإلا أم و شاف عياله يكبرون قدامه تكبر أحلامه معهم و أكبر حلم أنه يشوفهم متزوجين و يجيبون لهم أحفاد
أريج يبه فجر بتتزوج بعد كم سنه و تجيب لكم أنا ....
أبو أريج أنتي شو إلي ناقصك ما تجيبين يا يبه اليوم إلي أشوفك في بيتك هو أسعد يوم في حياتي لأني بكون مرتاح و متطمئن عليك قبل أموت
أريج لا يبه لا تقول كذا أن شاء الله يومي قبل يومك
أبو أريج أنتي عارفه أن الموت حق علينا جميع
أريج إيه يبه بس لا تفكر فيه الأن الله يخليك تبيني أتزوج مشعل أتزوجه بس لا تجيب طاري الموت
أبو أريج ما قول لك هـ الكلام أغصبك تتزوجين يبه بس أبيك تعرفين ما في شئ بيريحني زي يوم أشوفك مع رجال يحفظك و يصونك و مشعل ما هو غريب علينا نعرفه و من دمنا
أريج و ليش يباني إلا أنا ؟
أبو أريج وش قاصرك أنتي ما يبيك هذا النصيب
أريج ما أعرف شو أقول يبه
أبو أريج لا تقولين شئ فكري زي ما تبين و تعالي قوللي لقررتي....
****************
جالسه مع أمها و كل تفكيرها في مرام اليوم أبد ما كانت طبيعيه مها تعرف لها و تفهم عليها من وقت هم صغار دوم عيونها تفضحها
أم مها وشفيك أنتي اليوم سرحانه على طول ؟
مها أفكر في مرام اليوم مره ما كانت طبيعيه
أم مها سألتيها طيب ؟
مها تقول ما فيني شئ بس عيونها فاضحتها
أم مها غريب حتى خالتك اليوم ما جأتني زي العاده دقيت عليها تقول تعبانه
مها يعني فيهم شئ ؟
أم مها لا أن شاء الله ربي يستر
مها يمه قلبي ما هو مرتاح
أم مها تعوذي من أبليس ما فيهم إلا الخير
الجزء التاسع
رمت الروايه من يدها و صرخت بعجب هـ الإنسانه أكيد تخبلت و ما هي مستوعبه إلي تقوله
فجر صاحيه أنتي بتدقين عليه تقولين له بالله ليش بتتزوجني ؟
أريج هدي صوتك لأحد يسمعك
فجر خلهم يسمعون بنتهم العاقله وش بتسوي
أريج يعني إلي يطلبه هو عقل
فجر إيه عقل و ستين ألف عقل يبي يتزوجك تفهمين معنى زواج
أريج يعني حياه مشاركه في كل شئ و أنا ما عندي شئ أشارك فيه مشعل
فجر و بترفضين ؟
أريج أبوي قالي كلام نسيت بعده معنى الرفض
فجر كلامه صحيح أريج لا تعذبين أمي و أبوي يبون يشوفنك مرتاحه
أريج مدري
فجر وشو مدري بعدين تراك طولتي على الناس لك أسبوعين خلاص يا أختي قولي إيه و فكينا خليني أستمتع بالبيت شوي
أريج و هي ترمي المخده عليها سمعت خالتي تقول فجر خلصت ثانوي بنزوج ماجد هـ الصيفيه
فجر لسى ما طلعت النتيجه و هو خليه يخلص جامعه أول
أريج أستحي مستعجله على عرس و وجع رأس
فجر أحسن من بعض ناس موافقين و يتغلون يا ستي وين بتحصلين عريس زي مشعل و إلا عمه زي حصه
أريج مشعل ما أعرفه عشان أحكم عليه بس عمه سُكره
فجر خذي دروس من جدتي في كيفية قهرها قبل تروحين
أريج إلي يسمعك وافقت أنا عاد.....
*************
دخل البيت و هو مواصل و واصل حده تعب و طفش ماله نفس يكلم أحد و إلا حتى يشوف أحد
كانت طالعه من غرفتها و شافته مرام اوووه مراحب تصدق من أمس ما شفتك
مشعل عادي
مرام طبعا عادي
مشعل طيب وخري من خلقتي بنام
مرام شو هـ النفسيه العدم من مضايقك ؟
مشعل بدون نفس مواصل
مرام اهااا عبالي عشان أريج
مشعل ألتفت لها بنظره شو فيها أريج ؟
مرام لا بس مو تحسها طولتها
هو خلقه مقهور من هـ السالفه لأنها فعلا طولت مشعل براحتها
مرام مدري أحسها تتغلى و إلا وين بتحلم بواحد زيك
مشعل وهو معصب أطلعي من خلقتي لأسوي لك معلم بوجهك طول العمر......
**************
من اليوم إلي عرفة بخطبة مشعل و هي لا تأكل و لا تكلم أحد كل أحلامها ماتت قلبها أنجرح مشعل فضل عليها وحده معاقه شلي ناقصها هي قدام أريج هي أحلى منها هي جامعيه و مع كذا مشعل تركها و خطب أريج
أم مها مها يمه خلاص لا تعذبيني قومي كلي لك شئ
مها مالي نفس
أم مها يا يمه الزواج قسمه و نصيب بكرة يجيك إلي يسوى مشعل
مها و ينه يمه هااه حتى مشعل الأمل الوحيد راح أنا محد يبيني لأن أبوي خريج سجون
أم مها أنتي ألف وأحد يباك وش ناقصك جمال و تعليم بعدين أريج لسى ما وافقت خليه بكره بيجيك ندمان لعاش مع أريج و شافها كيف ما تقدر تريحه
مها بمكابره ما أبيه يرجع لي و خلي أريج تنفعه بكره يشوف من هي مها
أم مها خلاص يمه خلك أكبر منه إلي ما يبيك مره لا تبينه عشر.....
****************
يا كثر ما توصي أمها لبغت تطلع مكان تحس برأسها بينفجر كل كلمة تقولها صارت حافظتها عن ظهر قلب
أريج طيب فهمت يمه و الله حافظه كل إلي بتقولينه
فجر هههههههه و ربي معك حق
أم أريج هذي جزاة خوفي عليك يا يمه
أريج لا ياست الكل بس أنا جالسه مع جدتي و الشغاله يعني ما أني لوحدي ليش كل هـ القلق عليه
أم أريج و ذكر أن الذكرى تنفع المؤمنين
أريج حاضر كل إلي قلتيه بسويه بالحرف الواحد بس أنتي أنبسطي و لا تفكرين فيه
أم أريج لو بس الله يهديك و تروحين معنى
فجر يالله أريج عشان خاطر خالتي المره الأخيره لمن جأتنا وعدتيها تروحين لها
أريج معليه هـ المره حيل تعبانه و الطريق لين الجبيل طويل
أم أريج طيب أنتي هالحين حرارتك نزلت يوم نروح عنك
أخذة أريج يد أمها و حطتها على جبينها ألمسيني بنفسك و الله صرت زينه
أم أريج زين لو بغيتي شئ و إلا حسيتي إنك تعبانه أتصلي فيني على طول
أريج أبشري من عيوني
فجر اممم تبين أجلس معك ؟
أريج ضرابة العصر وين راحت عنك
فجر هههههههه زين يمه منك خلاص بروح
أريج طيب يالله يا حلوات أبوي مل بالسياره......
**************
هـ المره كابرت على إحساسها و دخلت بيتهم الكل عارف إن إنقطاعها عنهم بسبب خطبة مشعل لكنها اليوم قررت تقهر مشعل و تبين له إنه ما يعني لها شئ
في الحوش الكبير كانوا جالسات على العشب بين سوالف و ضحك ريم إلي من فتره ما خالطة حد
مها منتي طبيعيه اليوم ؟
ريم ليش إن شاء الله عادي الضحك ببلاش
مرام بس بسبب
ريم مبسوطة
مها من شو ؟
ريم سر
مها الله يهنيئك
ريم أكيد
مرام افف الجو حر تعالوا ندخل جوا
مها بالعكس حلو ملينى من جو البيت
ريم لي أول مره بحياتي بتفق معك يا مها الجو هنا و نااااسه
مرام لو رحنا مع أمي و خالتي السوق أبرك
مها يمكن لقينى مزيون يطير عقلك
مرام أنا يطير عقلي بسبب رجال ما جأبته أمه لسى
ريم معقده
مرام نعم شنو قلتي ؟
مها هههههه و هي صادقه يا ماما الحب شئ حلو بس محد يصونه
مرام يعني ليش أجرح قلبي بلا حب بلا هم
ريم مو كل حب نهايته تعيسه
مرام أيه حب الأفلام و بس
.
.
.
.
.
بالدور الثاني كان يتقلب بملل من وقت دخل الغرفه و تفكيره في هـ الأريج إلي ما جاء منها خبر خاطره يطلع يشغل سيارته و على بيت عمه على طول يشوف وش قضيتها معه رمى الفراش عنه بقهر ( مشعل لما يعصب تكون تصرفاته بدون تفكير و نتائجها سلبيه 100 100 ) بدل على السريع و نزل و هو معزم يروح يسأل عمه عن رأي أريج و ليش طولت كذا طلع و هو يسمع أصواتهم و ضحكهم بخاطره ماله أي نفس يشوف هـ المها أو يسمع كلام مرام إلي يقهره نأدى على ريم بصوت بأين فيه الغضب ريم أبي طريق لسياره
مها و بدون أي مبالأه رمت الشيله على شعرها و أعطت الباب ظهرها خليه يمر متغطيه
مرام متغطين خذ طريقك
مشعل كان يمشي لسيارته و بخاطرة لو يروح يكفخ مها كف يعلمها الأدب سيارته ما كانت بعيده عن جلستهم فقط كم متر يعني متأكد إنها تتفحصه بوقاحه هـ اللحظة رن جواله و أبتسم و هو يشوف المتصل أكيد معها البشاره مشعل هلا بالغاليه فديتها
للحظة تجهم وجه مشعل و أرتفع صوته أريج .... شو.. طيب طيب خلاص هدي أنا جأيك .. لا مسافة الطريق بس
هذا ألي سمعوه و بعدها صوت سيارة مشعل إلي أرتفع و كأنه يمشي بسرعة 190 بدون ما يفهمون شئ
مها أريج تكلم مشعل ؟؟
لحظة صمت
ريم لا مستحيل ما تسويها الظاهر فيهم شئ
مها سمعتيه بنفسك قال أريج
ريم بقهر منها قال أريج يعني مو شرط تكون هي إلي على الخط......
الجزء العاشر
في السياره كان يمشي بسرعه متجاوز كل السيارات بطريقه وهو يراقب جدته إلي بداء صوت أنينها يطلع صار خائف عليها هـ الحظة أكثر و خايف على أريج إلي بقت في البيت لوحدها و كيف كان باين في صوتها الخوف لمن كلمته يجي يشوف جدته و كيف كانت محرجه و هي تكلمه طلع جواله و أتصل على ريم
كانت لسى جالسه معهم و صوت ضحكاتها الهستيريه مسيطرة على المكان ريم هذا مشعل غريب
مرام ردي طيب
ريم هلا مشعل
مشعل ريم روحي لبيت عمي عند أريج تراها جالسه لوحدها جدتي تعبانه و أخذتها للمستشفى و هي حلفت إلا أخذ الشغاله معها تساعدها
ريم و وين أمها و فجر ؟
مشعل معصب راحوا الجبيل مو وقت تحقيق الأن روحي عندها البنت لوحدها
ريم طيب هـ الحين أروح بس طمني على جدتي
مشعل طيب
قفلت ريم و طالعة مها بإحتقار جدتي تعبانه و لما قال هلا بالغاليه أكيد لإنه رقمها و طلعت أريج تبيه يجي يشوفها
مرام ليش عمي وين ؟
ريم يقول مشعل طالعين الجبيل أنا بروح عند أريج البيت تروحين معي ؟
مرام لا روحي أنتي و بعدين أنا أروح أشوف جدتي......
**********
في البيت لوحدها سمعت الباب يدق بخاطرها ( معقول رجعوا بذي السرعه ) أخذت شيلتها إحتياط من مشعل
أريج مين ؟
ريم أنا ريم
أريج فتحت الباب و دخلتها هلا ريم تفضلي
ريم مشعل أتصل فيه أجي عندك
أريج ما قالك شئ عن جدتي ؟
ريم قال بيطمنى بعد مايشوفها الدكتور لا تخافين بإذن شئ بسيط
أريج يأرب لإني أعطيتها الحبوب و ضغطها مثل ما هو ما نزل و الله خفت عليها
ريم الله ييسرها
أريج صراحه ما عرفت شو أسوي محرجه من مشعل لكن أبوي في الجبيل يبيله وقت لين يؤصل و عمي جواله مقفل ما لقيت نفسي إلا داقه عليه تعرفين جدتي مالها أحد تكشف عليه
ريم لا ما عليك أصلا هو في البيت ما عنده شئ و أبوي تلقينه في إجتماع و مقفل جواله
أريج بس ممكن عنده شئ مهم ؟
ريم أقولك بس أنسي السالفه خليني أروح أصلي العشاء لسى ما صليته
أريج أوكيه خذي راحتك البيت فاضي
ريم أصلا حلاة بيتكم أنه فاضي من الأولاد
أريج ههههههه فجر تتمناهم لطق فرأسها مشوار
راحت ريم تصلي فرضها و بقت أريج بمكانها تدعي الله إن إرتفاع الضغط المفاجئي على جدتها يعدي على خير و ما يسبب لها مضاعفات..
**********
بالمستشفى و بعد ما تطمئن على جدته و إنها أزمة و عدت على خير و راح تطلع معه أول ما يخلص المغذي و الفضل بعد الله كله لأريج إلي كانت منتبهه لها و أعطتها الحبوب قبل يرتفع أكثر ضحك على نفسه كيف كان مرتبك قدامها و هو يأخذ جدته طلع جواله و أتصل على جوال جدته إلي متأكد إنه بيكون مع أريج هـ الحظة ..
في الجهة الثانيه كانت ماسكة الجوال و تنتظر أي شئ يطمنها على جدتها أول ما سمعته يدق و مكتوب بالشاشه (( مشعل )) نست أريج موضوع الخطبه نست إنها بتكلمه لثاني مره اليوم
أريج هلا
مشعل هلا أريج ريم جأت عندك ؟
أريج إيه تصلي طمني كيف جدتي ؟
مشعل الله يهديك خرعتيني و خرعتي نفسك جدتي بخير و الدكتور يقول لو أنتظرتوا بعد الحبه عشر دقائق و قستوا ضغطها بتشفون أنه بداء ينزل
قمة الإحراج و صلت لها أريج ذيك الحظة السموحه بس خفت عليها لأنه أول مره يرتفع عندها كذا و الوالد ما هو موجود
مشعل ما عليه أنا ما أني غريب خلاص هي الأن بخير بس أعطوها مغذي أول ما يخلص نرجع البيت
أريج تسلم والله ما قصرت
مشعل افى عليك جدتي هذي بعد بس عاد على الله يشفع لنا إلي سويناه عند بعض ناس
هي متأكده أنه يقصدها بكلامه و ما عندها أي جرأه ترد عليه في هذا الموضوع أحسن طريقه تغير السالفة و تهرب منها أريج السموحه التلفون يدق أكيد الوالده فمأن الله.....
**************
بعد إتصال ريم تطمنها على صحة جدتها و إنها بترجع البيت إذا تبى تجي تشوفها قامت و نفضت الغبار من ملابسها بقرف
مرام هذي ريم تقول جدتي بخير ورجعت البيت
مها كنت حاسه مدري ليه
مرام ممكن أريج خافت لإنها لوحدها
مها بس عاد ما هو تدق على مشعل صراحه مستغربه ليش ما دقت على أبوها أو أبوك أو حتى واحد من خوالها
مرام تعرفين خوالها كلهم بالجبيل و عمي عندهم اليوم و أبوي أكيد مارد أو جواله مقفل
مها مدري بس ما عجبني إنها تدق على مشعل و هو خاطبها و لسى ما ردت عليكم خبر
مرام يا ستي ما علينا شو رأيك نطلع نتعشى برى ؟
مها اوكيه يالله....
**************
دخلت معها الغرفه تسندها تمشي لين السرير نيمتها و غطتها
ريم هااه جدتي كيفك هـ الحين .؟
أم عبدالله الحمدلله يمه بخير
ريم خوفتينا عليك الله يهديك
أم عبدالله كله من هـ البنت تروح و تجي بجهاز الضغط هذا رفعته غصب إلا وينها هي ؟
ريم فـ غرفتها جدتي
أم عبدالله خل أشوفها بس
مشعل ما سوت كذا إلا لأنها خايفه عليك و الحمد لله تطمنى عليك هـ الحين
أم عبدالله الله يصلحها بس دخلتني المستشفيات و أنا ما أداني ريحتها
مشعل ههههههه شكلها مستقويه عليك جدتي
أم عبدالله مسيره البيت كله زي ما تبي هذي
مشعل الله يقويها زين جدتي أنا بروح هـ الحين تبين شئ ؟
أم عبدالله أجلس يمه تعشى معنى
مشعل الله يخليك جدتي والله مواصل و أبي أنام
أم عبدالله الله يحفظك يمه
مشعل و هو يكلم ريم بترجعين معي ؟
ريم مدري لسى بشوف أريج لو تبي شئ
أم عبدالله خلك يمه أنتي و أختك ما كن لكن جده قاطعاتني مره وحده
ريم خلاص أبشري بجلس عندكم كمان شوي
مشعل أجل تعالي شوفي لي طريق بطلع
أم عبدالله روح يمه البيت فاضي و أريج ما هي طالعه قبل ريم تناديها أبي ريم تشوف لي هـ العلاج كيف أخذه
مشعل سمع كلام جدته و طلع مشى بالممر بين غرفتين جمب بعض كان بداخله متأكد إن وحده منهم غرفة أريج و الثانيه لفجر كان بيغامر و يدق باب وحده منهم لكن الباب أنفتح قبل يلمسه و طلعت
سيلا مستر دقيقه يجيب قهوة
مشعل حس بداخله بالإحباط لا يبي يروح
سيلا و الي كانت واقفه على الباب و شوي منه مفتوح أريج قول لازم أشرب قهوة بعدين روح
مشعل أريج هنا ؟
سيلا يس مستر
مشعل رفع صوته لها ما عليه مره ثانيه نشرب قهوتك أعذريني مواصل والله يأدوب أشوف طريقي للبيت
أريج السموحه كلفة عليك
مشعل تمونين يالله أستاذنك و ترى لسى عندي لك حق ما وصلني....
***************
بعد ما تطمئن على أمه و إنها بخير طلع بعد ما تركها نائمه و مرتاحه في فراشها
أبو أريج كفو بنتي عرفت لجدتها توديها للمستشفى
أريج هههههههه تراها لسى متوعدتني خلوها تنسى لا تذكرونها
ريم أريج بغت تطمئن عليها ما قصرت
فجر و هي تغمز لها إيه متأكدين طبعا
أريج بلا حركات فجروه
ريم بضحكه و هي فاهمه لفجر لا حرام بعد هو ما قصر لو شفتي وجهه بعد الإتصال
أبو أريج فجر قومي بس عن أختك عاد
فجر أبشر عاد دلوعتك
ريم يالله أنا أستأذنكم بروح البيت
أبو أريج مع منو بتروحين يبه ؟
ريم السواق ينتظرني برى عمي
أبو أريج لا يبه بنتي ما تطلع هـ الوقت مع السواق خليه يروح و أنا أوصلك للبيت
ريم لا عمي ما أبي أتعبك و أنت جأي من الجبيل هو خلاص برى عادي بروح معه
أبو أريج لا يبه الوقت متأخر و أنا أخاف عليك
أم أريج إلي كانت جايه من المطبخ معه حق عمك يا ريم خلاص دقي عليه يروح و نامي الليلة عندنا ما وراك شئ
فجر جأبتها الشيخه هدى والله أحلى وناسة ننام مع بعض
ريم بإحراج من إهتمامهم الي بالأصل مفتقدته أخاف أثقل عليكم و ما قلت لأمي
أم أريج أتصلي فيها يمه ما أظن بتقولك لا هذا بيت عمك مو غريب
أريج بعدين شو تثقلين علينا غرفة فجر فاضيه
فجر شوفي البنت و غرفتك أكبر
أم أريج بس فضحتونا
ريم هههههه عادي خالتي أنام مع جدتي
أريج هههههه يا قلبي بتنامين معي
فجر و أنا بنت البطه السوداء لوحدي خلاص بنام معكم
أريج السرير ما يكفي إلا أثنين
فجر خليك أنتي على سريرك و أنا و ريم ننام تحت
ريم بهتت و طالعة فيها
اما أم أريج ضربتها بخفه على كتفها بتنيمين البنت على الأرض
فجر عادي إحساس جميل و جديد عليها صح يا ريم ؟
ريم هزت رأسها مبتسمه بمعنى إيه
فجر شفتي يمه
قامت و أخذة ريم من يدها وراها لغرفة أريج فجر إلحقينى يا حلوه لغرفتك
أريج بعد تدخلون غرفتي قبلي ؟
أم أريج و هي تمشي وراهم فجر أعقلي وش نومة الأرض الي طلعت لك اليوم
فجر إحساس حلو يمه بس للعزاب المتزوجات ممنوع
ريم ضحكة من قلبها وش عزاب إحنا مو شباب
فجر مدري عوانس أجل
أريج هههههههههههههه عوانس لسى ما وصلتوا العشرين كيف تجي ؟
فجر لا تعقدونها عاد خلوها تمشي
ريم طيب أنا أبى بيجامه
أريج الكبت مفتوح لك شيك بدون رصيد
فجر أخذة الفراش و عدلته على الأرض تتذكر هـ النومات قبل أريج تتعرض للحادث كانت بنت 12 سنه كل ما حست بالوحشه في غرفتها أخذة مخدتها و جأت غرفة أريج فرشوا الأرض و ناموا بهدوء.....
ريم مر عليها هـ اليوم بشكل مختلف كانت مبتسمه فيه طول وقتها عاشت معنى الأخوة و الحب و الترابط الأسري فكم ساعة عاشت تجربه جديده بإحساس مختلف لأول مرة في حياتها تنام على الأرض تحس بالصله الكبيرة بينها و بين التراب إحساس المساواة بين الغني و الفقير أبتسمت بسعاده و أخذة جوالها و كتبت رسالة لعادل إلي حست اليوم إنها ما هي محتاجه له مثل في بيتهم إنها ماراح تكلمه أخر الليل مثل ما وعدته.....
************
الجزء الحادي عشر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك