رواية امانة لا تطلع حرارة انفاسك بحضن غيري -4

رواية امانة لا تطلع حرارة انفاسك بحضن غيري - غرام

رواية امانة لا تطلع حرارة انفاسك بحضن غيري -4

هزيت راسي بنعم..وجلسوا يفطرون وجلست وياهم..

تركي بدون ميطالعني:انت بامر من تجلسي...

دانه(افف..حتى في الجلوس بستئذن.)وقفت من دون نقاش..

خذت ورقة من الطاولة..وقلم..

دانه بصوت مبحوح:وش تبي على الغداء؟؟

تركي بدون ميطالعني:وش تعرفين؟؟

دانه بنفس البحه:مشخول كبسة مرقوق بخاري و...

تركي قاطعني:سوي كبسة..

دانه بهدوء:ان شاء الله..

تركي:وسوي تبولة.."وناظر في الجوري" اصل جوجو تحب الكبسة مو التبولة..

دانه سجلت كلامه:انزين فيه شيء ثاني..

تركي:بنسبه للحلى سئلي حبيبه البابا عنها دائما..

دانه التفت لها:وش نوع الحلى تبين؟؟

الجوري:ابي تشيز كيك..

دانه(وربي احس اني غرسون عندهم..مع هالدفتر الغبي ألي ماسكته..افف بس..):ان شاء الله..

تركي التفت لها:ا.....

توقفت الكلمات لما شافها..طول الوقت كان يتجاهلها او ميناظرها زين بس احين تركز عيونه عليها..وهو يطالع فيها..يناظر عيونها وشفايفها وهي تعضهم..من حركتها عرف انها معصبه بس ساكته..

دانه كانت منزله عيونها لأنها كانت تكتب..ولا لاحظت بألي يطالع فيها...وبعد منتهت من الكتابه..رفعت عيونها..ولتقت عيونه بعيونها..مقدرت تنزل عيونها..من جماله..ذابت بعيونه العسلية الذباحة..ظلوا بها لحال لمده دقيقة وكم ثانية..

قاطع تاملهم صوت الجوري:يلا تعالي وياي عشان تمشطين شعري..

دانه بعباطه:ا..اي..

ورحت وياها..

تركي(جميلة وناعمة بربي..مشفت وحده زي جمالها..)

وبعد مسرحت شعرها الحرير ولبستها مريولها..وعطرتها ولبستها شنطتها..

الجوري بحقد:لاتسوين نفسك طيبه ومهتمه فيني..ترى انا اعرفك زين..

دانه بستغراب:تعرفيني؟؟

الجوري بنفس حقدها:انتي تبين تاخذين البابا مني..بس متقدرين..ان مخليت البابا يطلقك ماكون انا الجوري..

دانه انصدمت من كلامها:نعمممم...

الجوري رفعت حواجبها:كل مرت اب كذا..يسون زيك..بس لما يطلع بابا من البيت تطلع على حقيقتها..

دانه:وش هالكلام؟؟ من قال لك ان كل مرت اب قاسية وشريرة..

الجوري بحده:مبقى إلا انتي تعطيني دروس في الحياة..

وراحت..

بققت عيوني على كلامها..وحده بعمرها كيف تقول كلام زي كذا..

الجوري(9سنين..جميلة بالمرره..بيضاء..عيونها وساع على بوها..شعرها بني غامق لنصف كتفها..وعندها غره حلوه مناسب لرسمه وجها..شفايفها متوسطه..نحيفة بالمره..)

تركي بصوت عالي شوي:وينك؟؟

عرفت انه يقصدني وجيت له بسرعة:نعم..

تركي ماسك المفتاح بيده:انتبهي للبيت على منجي..ابي المكان يلمع من النظافة..

دانه:اوكي..

وطلع مع بنته..

التفت على طول للمطبخ ورحت اكل..من امس مكلت شيء..وبعد مخلصت من الاكل..صعدت فوق عشان ارتب..

......

عند الساعة 10:11 صباحا..

ام سعود بصوت عالي:يلا قومي بسرعة..

سحر ترجع تغطي اللحاف في وجها:بس دقيقة يمه..

ام سعود:ولا دقيقة..يلاا قومي عشان تساعديني في الترتيب..

سحر شالت اللحاف من وجها وناظرت امها بستغراب:اناا..اساعدك في الترتيب..وش حضره دانه..."وبتفكير"يوووه نسيت انها تزوجت خلاص..

ام سعود بحقد:الله لايوفقها وين ماتروح..حسبي الله عليها..احين من تزوجت المليونير بتنسانا خلاص..بتشوف حالها فوق..وتشوفين..

لطيفة بهمس:لامعتقد يمه..دانه طيبه بالمره..

ام سعود كشرت وجها:مالت بس..اي طيبة انتي بعد..هي لسه مورتك الوجه الحقيقي لها..وانتي يالغبية مطاوعتها في الطالعه والنازلة..

سحر:ولا بعد تساعدها في التقضيه لعرسها.."التفتت لها"لو انا منك كان اعطيها كف مع وجها..ولا اعطيها وجه بعد..

لطيفة:انا ابي اعرف وش سوت لكم هالمسكين...

سحر وام سعود يطالعون ببعض بستغراب:مسكينه..إلا سكينه..

لطيفة:حرام عليكم والله..لاتظلمونها..

ام سعود بملل من بنتها:اقوول يا سحر قومي بس..

سحر:اوكي يمه انتي روحي وانا وراك..

ام سعود:لاتتاخرين..

سحر:لا ماني متاخره..

وطلعت ام سعود من الغرفة..

سحر التفتت للطيفة:اقول بس خليها تولي عنك بنت الاردنيه..

لطيفة:وش فيهم الاردنيين..وبعدين انا ابي اعرف ليه انتي تكرهينها؟؟

سحر:لانها تدعي الطيبة..

لطيفة:لا هي ماتدعي الطيبة..تمت عندنا تعاني من قسوة امك وظلمها لمدة 3 سنين..

سحر:عدال ياامك..يعني هي مو امك انتي بعد..

لطيفة بحزن:انتي لو شفتي كيف امي تعاملها كان مقلتي ألي قلتيه احين..وربي ان حرام عليكم..

سحر:..........

لطيفة كملت:من جلست عندنا هنا ولا مرة طولت لسانها عليك ولا على امي..كلا حاضر وان شاء الله..تحملتكم كثير..ترى نفس دانه طووويل عليكم.. لو انا منها كان معشت معاكم لو تنطبق السماء ع الارض..

سحر بسخرية:يعني لوين كنتي بتروحين؟؟

لطيفة:اروح أي مكان بس ماكون معاكم..اصلا انا مستغربه انها تمت عندنا 3 سنوات..وهي تخدمكم...مصدقت على الله ان واحد جاها..تعرفين وش قالت..

لطيفة بفرح:مبرووك يادندون..

دانه بعباطه:على وش الف مبروك!!!

لطيفة بخبث:تسوين نفسك ماتدرين؟؟

دانه بجديه:وربي اني مدري..

لطيفة اقتربت منها:لكان اسمعي.تعرفين ام تركي..ألي جات ببيتنا من مده..

دانه بهم:أي اذكرها وكيف انساها وامك فشلتني عندهم بلبسي ألي مرقعتني فيه..المهم وش فيها؟؟

لطيفة بفرح:جات تخطبك لولدها تركي.."وبصراخ"المليونيرر..

دانه طاح المشط من يدها وبصدمه:كييف!!!

لطيفة:امي كانت معارضة بس ابوي وافق وغصبن عنها بعد..وعط الرجال كلمه..

دانه مش عارفه اوصف شعوري لما قالت لي:اناا بتزوج!!

لطيفة:أي يالخبلة..ومو أي واحد مليوونير..يعني راح تعيشين ملكه..والخدم والحشم يمك ويلبوون رغباتك...

دانه:.........

لطيفة كملت:انتي تعرفين من هو تركي ذه..

دانه وقفت:مو لازم اعرفه اهم شيء انه يحبني واحبه..

لطيفة بشاعريه:يعيني انا على الكلام الحلوو..المهم راح توافقين ولا..

دانه بضياع:مدري يالطيفة...

وسكتنا شوي

دانه التفت لها وبين دموعي:انا راح اخذه عشان افتك من تعذيب امك علي..لاغير وإلا انا ماتهمني الفلوس يالطيفة وانتي ادرى فيني..

لطيفة بحزن:ادري يادانه..انا اعرفك زين..بس مع مرور 3 سنين عرفتك زود..عرف انك صبورة بالمره والدليل لما مات ابوك الله يرحمه ماقلتي ان الدنيا وقفت ومدري وش..بل مشيتي ولا وقفتي..وصبرك لظلم امي وتعذيبها لك.."وبابتسامه"مقول إلا الله يسعدك يادانه..

قمت وحضنتها بقوة...

لطيفة:يعي هي متفكر بألي تفكرين فيه ياهانم..

سحر قامت من سريرها:أي معليه..يقول المثل لاتاخذ المعرس على ولد جدته لين تحور سنه...

نهااية الباررت..

البارت السابع

قمت وحضنتها بقوة...

لطيفة:يعي هي متفكر بألي تفكرين فيه ياهانم..

سحر قامت من سريرها:أي معليه..يقول المثل لاتاخذ المعرس على ولد جدته لين تحور سنه...

....

خذت دش سريع على ميجي هو وبنته ولايشفونها وافقه تستقبلهم..كنها خدامة مو زوجه له..

طلعت من الدش تبعها..ولبست لها بنطلون جنز على تي شيرت اصفر كريمي وفيها كتابات بلون الوردي.. لبست حلق لولو وردي وشبشب وردي..

فردت شعرها على اكتافها وحطت كحل وغلوس وردي وبس..وعطرت بعطرها المفضل..

صاير شكلها يذبح..

وراحت لغرفته عشان تعطرها زي مقال في بنده العشرين..انه تعطر غرفته بين فترة وفترة..

التفتت لصورة في الابجورة اقتربت منها ومسكتها..ابتسم بلا شعور وهي تشوف صورته..

دانه(يارربي عيون تجنن..احين ذي عيونه ولا عدسات..ههههه..وش هالكلام يادانه..اكيد عيونه مو عدسات..."وبشك"وليه لا..جايز لبس عدسات يسويها ياحظي)نزلت الصورة وشغلت التكييف..وطلعت من غرفته..

نزلت من الدرج وشافت تركي وباين عليه انه معصب..

اسرعت خطواتها واقتربت منه وشالت شنطته

بنسبه لتركي

كنت معصب لانها مستقبلتنا زي مقلت لها في البند التفت

لقيتها قدام وجهي بحلاوتها..اقتربت مني ومسكت شنطتي تبع

العمل.. ذبت بريحتها وحلاوتها..مقدرت انزل عيوني

منها..يجذبني شكلها الطفولي..انا مو مصدق انها في

الثلاثين..اتوقع انها اصغر من كذا بكثير..

الجوري:شيلي شنطتي وش تنتظرين؟؟

دانه انقهرت من طريقة كلامها بس مقدرت تقول شيء..وخذت شنطتها..

تركي:ببدل ثيابي واتوقع الغداء جاهز..

دانه هزت راسها بنعم..

الجوري بدون نفس:وانتي يلا معاي عشان تساعديني في لبسي..

انقهرت اكثر لما مارد عليها وهزئها على طريقتها في الكلام معي..

معليك إلا الصبر يادانه بس..

ورحت وياها ..

مسكت الفرشاة ومشطت شعرها..

الجوري:شوي شوي على شعري..

دانه:...........

الجوري تطالعني من المرايه:انتي صحيح انك جميلة بالمره..بس رغم كل ذه مراح يحبك ابوي ولا راح يعبرك بعد..

دانه(يعني انا ألي ميته عليه دحين)

الجوري كملت:ولاتظنين اني بحبك..بتظلين عدوتي اللدوده..وألي اكرها..تمتعي بالعز ألي انتي فيه لانك بعد كم شهر راح يختفي منك..

دانه بنفاذ صبر:انا ابي اعرف ليه انتي متحبيني انا وش سويت لك..

الجوري قامت من الكرسي ووقفت يم الباب:بتعرفين بس مو احين..لما نجلس بالحالنا..وطلعت..

دانه:افففف بس..الاقيها من ابوها ولا منها..مغرورين بالمرره..

ونزلت تحت وكبيت الغداء..وتناسيت البند الخامس عشر.. وجلست من دون اذنه..

التفتت علي وعطاني نظره خوفتني...قمت ع طول..ووقفت يمهم كني قرسون..

ولما خلصوا من الاكل التفت علي وبغرور:تقدرين احين تاكلين من بقايا اكلنا براحتك..

الجوري:أي تقدرين احين..وراحوا عني وانا كلي غيظ من تصرفاتهم وكلامهم لي...

رحت سويت له كوفي زي مقال لي في البند..

حطت الكوفي في طاولة مكتبه الخشبية المصنوعة من كالفورنيا..والمصممة باتقان..

ديكورات ومناظر تبرز كل زاوية من المكان..بلون البني والذهبي ولمسه رائع من البيج تزين سقف المكتب..

موقد نار في منتصف الغرفة..ورفوف من الكتب من الخشب الفاخر المنحوت باتقان..وبجانبه كراسي بلون البني الباهت وسط طاولة دائرية من الزجاج..يزينها آنيه مليئه بالورود بلون البرتقالي الهادئ..

التفت لفتحه الباب ودخل من دون مناظرني وجلس بالكرسي البني وولع سيجارته..شلت الكوفي من طاولة المكتب واقتربت منه وحطيت الكوفي في الطاولة..

جيت بطلع:لازم يعني اتكلم ياست دانه..

التفت له وبستغراب:.......

تركي من دون ميطالعني:مو المفروض ياخدامه انك تستئذنين قبل مطلعين..

دانه انفجعت من كلمه

ياخدامه

دانه بقهر:اناا مو خدامه..سامع.."وبسخرية"انا زوجتك يازوجي العزيز...

تركي حط رجل على رجل وبستفزاز:بس على الاوراق..

دانه بقوة تملكتني لما شفته يستفزني:والله عند الناس احنا متزوجين..وهذا الاهم..وجه نظر الناس مو وجهتك..

اقتربت من الباب والتفت عليه وبحده:واياني وياك تسميني خدامه..واسمع من اليوم ورايح انت تخدم نفسك..انت وبنتك ذي..شاطره بس تستقوى علي..

وطلعت من المكتب..

وصعدت الدرج والتفت لصوت يناديني

كانت جالسه بجنب التسريحه وهي تطالعني بالمراية:مشطي شعري بسرعه..معدلتيه لي من قبل..

دانه قهرني اسلوبها:وش هالطريقة ألي تتكلمين معي فيها..

الجوري حطت صبعها فوق اذانها:كيفي..انا حره باي طريقة اكلمك فيها..

دانه:صدق انك قليله الادب..

اقتربت منها ومسكتها من يدها..وربي اني مشديت عليه بس كان قصدي اني الفها قبالي..وفجائه شفتها تصارخ:آآآآآآآه..

استغربت من حركتها..وتمت تصارخ وتزيد وخذت خدها وقرصته بقوة لين صار احمر..

التفت لفتحه الباب..وعلامه الغضب كلها في وجها..سحبني من زندي لعنده حسيت ان يدي بتنخلع...

تركي بعصبيه:وش سويتي لها يا كلبه..

دانه بالم..خوف..توتر..رعب:ا..انا مسويت شيء؟؟

الجوري بصياح:كذابه...ضربتني يابابا..وعطتي كف قوي..

دانه شهقت:لاوالله..معطيتها كف حتى.....

محسيت بنفسي إلا وانا بالارض من قوة الكف ألي عطاني ياه..

تركي بقمه عصبيته:وتحلفين بعد..شوفي خدها ليه احمر..."ورفعني من الارض وبصراخ"شوفي كيف صاير خدها من الكف ألي معطتها اياها..

دانه بين دموعي:وربي اني مسويت لها شيء..

تركي شد على يدي اكثر:شب ولا كلمه..وحذفني ع الارض بقوة وطق خصري بالارض حسيت ان حوضي تكسر..جاني الم مو طبيعي..نزلت دموعي بغزارة..

تركي شالها وبحنان:خلاص بابا...خلاص..مصار شيء..ولمها بصدره وهي تدعي البكى..وطلعها من الغرفة..

مقدرت اقوم احس ان عظامي تكسرت..

حاولت اقوم بس ماقدرت..وبعد 3دقايق دخل علي ورفعني بقوة من الارض وبعصبيه:انتي باي حق تضربيتنها ياكلبه..

دانه حطيت يدي على خصري وبين دموعي:وربي اني مضربتها ولا سويت لها شيء..بس هي مدري وش فيها تصراخ..

تركي بحده:اسمعي يابنت الفقر..ان لمستي شعره من بنتي متلومين إلا نفسك..سامعه..

دانه بين دموعي:.........

تركي بعصبيه:سامعه..

دانه هزيت راسي وبنوحه:أي..

ودفعني بكل اشمئزاز..وطلع من الغرفة

طحت في نوبه بكى..

دانه(هذا من اولها وكذا..اجل لو اجلس في شهر..)مسحت دموعي بعنف..حقد..قهر..كره..الم..

دانه:مو انا ألي تبكي ياتركي.."وبقهر"انا اوريك ياتركي..انا اوريك..

........

ام تركي:انتي ليه متبطلين اكل؟؟

مياسه وهي تاكل:مقدر يمه؟؟

ام تركي بقرف:وجع..لاتتكلمين وانتي تاكلين؟؟

مياسا:وش اسوي يايمه..انتي ألي تجبرين الواحد على الكلام..

ام تركي التفتت لامينة:وانتي على وين ان شاء الله..

امينة وهي تلبس برقعها:على بيت اخوي..تدرين معنده خدامة واكيد البيت مزبلة..

ام تركي:طيب روحي اخذي واتي"الخدامة" معك..عشان تساعدك..

امينة:أي والله..تلقين البيت يبيله خدمات مو خدامة وحده..يلا سلام..

ام تركي:اخذي اجل معك ام الاكل ذي..

مياسه:انا اسفة..ماابي ارتب بيته..ذيك المره لما رتبت بيته وربي ان ظهري تكسر..بيته كبير يمه..

امينة:خلاص خلاص..اصلا انا مراح اوديك...

مياسه:احسن لك..

.......

كانت مستليقة على سريرها..

وحاطه يدها على خصرها..ودموعها تنزل بالم على خدها الناعم..

ناظرت بساعتها الوردية..وهي تعلن عن دخول الثامنة ليلا.. ولسى مجاء تركي ولا بنته الجوري..لما بكت ودها على طول لسوبر ماركت تشتري ألي تبيه..وودها للملاهي..وإلى الان مرجعوا..

قامت بصعوبة من سريرها..بطنها يصفر من الصبح مكلت إلى الان..نزلت شوي شوي من الدرج..

......

بنسبة لامينة

نزلت من السيارة وفتحت بيت اخوي بالمفتاح الاحتياطي ألي عطاني اياه من زمان..عشان انظف بيته كل اسبوع مره او مرتين..

فتحت الباب وانبعثت ريحه حلوة من البيت..ولعت الانوار الصفراء الهادئه..وشفت المكان نظيف بالمرره..

امينة بهمس:معقولة اخوي نظف..ولا جاب شغاله..بس هو مستحيل يجبي خدامه في بيته..

التفتت للملااك ألي نازل من الدرج..تمشي بحذر..بخفه كنها خايفه انها تطيح...

لاااا مهلاا..كنها طايحه..

اقتربت منها عشان اساعدها..سرحت في ملامحها الناعمه..البريئه ألي عمري مشفت زي برئتها..كنها سوريا على جمالها وبياضها..

امينة بذهول:انتي مين؟؟

رفعت ناظرها لفوق وعلامه الدهشه في وجها:نعم..عفوا انتي ألي مين؟؟

امينة:انا اخت صاحب البيت..

دانه تستوعب:أي انتي اخت تركي..

امينة بذهول:انتي مين؟؟

دانه نتزل شوي شوي من الدرج..

امينة اسندتها عليها:اساعدك..

ووصلتني للصاله وجلستني بالكنب..

امينة جلست:سلامتك وش فيك؟؟

دانه:.......

امينة كملت:طحتي..

دانه(لاماطحت بس اخوك ياجعل يده الكسر كسرني تكسر)بابتسامه:أي من اللويا..

امينة:هههه..انتبهي مره ثانية..

سكتنا شوي..

امينة:مجاوبتيني على سؤالي؟؟

دانه ببرائه:أي سؤال..

امينة:انتي مين؟؟

كانت بتجاوب..بس..

يم الباب:ذي خدامتي...

انتهى البارت..

البارت الثامن

يتبع ,,,,

👇👇👇