رواية اعشقه وصعب أنساه لاني نسيت أنساه -4
البارت الرابع:
بو بدر اخذ نفس طويل و لما سمع الطرق على بابه استغفر ربه و سمح للطارق يدخل: ادخلي!!
دخلت خوله بوجهها الخالي من المشاعر و مشت لجهته باست راسه و جلست قدامه: ناديتني؟
بو بدر ابتسم لها بحنان و هو يحرك عيونه ما بينها و مابين البوم الصور في حضنه: اي يا حبيبتي..
خوله حركت عيونها و كانها فاهمه من حركته انه يبيها تنتبه على الصور..: في شيء؟؟
بو بدر و هو عارف انها فاهمه مقصده قرر يدخل في الموضوع اللي رسمه: كنت اتفرج على الصور القديمه و لما شفت هذي الصوره قلت اناديك تشوفينها معي...
مد بو بدر الصوره لخوله و سمح لها تتاملها براحتها... الصوره كانت من 7 سنين كانت في الصوره مع اهلها لابسين قبعات من القش ومعهم صنارات صيد السمك..: هذي مسابقه الصيد.. نسيت..
بو بدر بابتسامه: و هذا يوم ينسي.... تهاوشت مع بدر و كسرت كلمته علشان ما تزعلين...
خوله و هي ترجع الصوره لمكانها: بدر كان رافض اشترك لان المسابقه كانت مختلطه .. و من حق خالد بس يشترك..
بو بدر: و كالعاده مشيت كلمتك على كلمتهم.. مو بس لانك دلوعتي.. لان ردك على بدر عجبني...
خوله وهي مسكره عيونها وكانها تحاول تعيش ذاك اليوم: قال ان خالد من حقه يشترك لانه رجال و انا مكاني وراه مهما صار... بس انا عاندته و رهنته اني افوز على خالد..
رد ابوها بابتسامه: واضفتي على هالكلام اقتباسك المفضل (كلمه مستحيل غير موجوده في قاموسي لنابليون بونابارت)
خوله حست ان ابوها مقصده شيء مهم من خلال كلامه و تذكيرها بالحادثه: كلامك صحيح... انا ما قلت اني بفوز لان الفوز ما كان هدفي... ولو كان هدفي كان حققته مهما بذلت جهد ... هدفي كان اني اثبت لبدر اني احسن من خالد و هذا اللي صار لما تاهلت للمرحله الثانيه و خسر خالد في الاولى...
بو بدر رجع الصوره للالبوم و فتح صور ثانيه كانت عباره عن مجموعه مميزه من اللقطات له و لخوله في اكثر من مكان مميز.. ركبوب البراشوت في ماليزيا.. التزلج على الثلج في النمسا، دراجات ناريه في لوس انجلوس..، الاهرامات في مصر..: هذا كان السبب اني صرت مرافقتك في كل رحلاتك..
بوبدر: انا يا خوله ما انولدت مليونير.. على العكس كنت من عايله عاديه و مع الوقت و الشغل المستمر وصلت للي وصلته ولاني احبك و اموت فيك ما حبيت احط اي شيء في خاطرك و اشوفك زعلانه لو لثانيه...
خوله: هذا موضوع انتهينا منه...
بو بدر باندفاع : انا ما عمري بديته علشان تنهينه... على عكس امك واخوانك انا ما فاتحتك بموضوع عزلتك و حزنك يا خوله لاني اعرف انتي قد ايش كنتي تحبين فيصل و قد ايش كان مهم في حياتك.. تركتك تعيشين في احزانك مده كافيه و اكثـر..لكـن انا مستحيل انتظر العمر كله!!!!
خوله وهي تحاول تسايره: انا راح اتغير...لكن ماهو الحين يا بابا...
بو بدر: لا!!! انا ماني بزر علشان تمشين كلامك هذا علي!!! مافي حل لمشكلتك هذي غير انك تتزوجين واحد ثاني ينسيك احزانك!!!
خوله وعيونها توسعت: اتزوج!!!! مســــــــتحيـ...........
بو بدر ابتسم لما قطعت خوله الكلمه : ظنيت كلمه مستحيل غير موجوده في قاموسك!!
خوله وهي ماهي عارفه ايش ترد عليه: بابا ارجوك شيل الموضوع من بالك..
بو بدر: لا!!... بعد ما طلعتي من العده و قبل ما تطلعين كانوا الخطاب كثار و مازالوا لكن انا كنت اردهم حتى من غير ما اشاورك او اشاور امك لانهم كلهم في نظري ماكانوا مناسبين لك... لكن هالمره... متقدمين لكن اثنين ... مااعتقد اردهم!!!
خوله : تبيني اتزوج اثنين؟؟؟
بو بدر وهو يضحك على رده: لا يا حبيبتي لازم تختارين واحد منهم علشان يكون عذر اتعذر فيه للثاني!!
خوله: بس يا بابا!!!
بو بدر : من غير بس... لا تتركيني اختار...لاني اختياري ممكن ما يعجبك!!
خوله وهي تتظاهر بالاستسلام و هدفها كان مسايرته: من المتقدمين..
بو بدر ابتسم و هو يحس انه حقق هدفه: يـوسف الـ اخو الجود مرت اخوك.... و مرزوق ولد زايد ولد عمي وانـا......ز
خوله بصدمه: مرزوق!!!!!!! لاااااااا انا لايمكن اتزوجه...
بو بدر: يعني موافقه على يوسف؟ عموما انا كنت موافق عليه و عاجبني انسان مثقف عنده دكتوراه و صاحب مركز عنه ابوه صحيح ما عمري شفته بس اسمع عنه كل خيـر...
خوله وهي تغمض عيونها بحزن: اللي تشوفه يا بابا..
ابتسم بو بدر و قرب منها يبوس خدها: الف مبروك يا حبيبتي...
طلعت خوله من عند ابوها و دخلت غرفتها.. انهارت على سريرها تبكي بقوه: فيصل..... كلمه مستحيل تدخل حياتي بس لما يتعلق الموضوع فيك... انا يا فيصل مستحيل احب غير.. انا مستحيل يلمسني احد غيرك ... انا مستحيل اسمح لاحد يعرف............مستحيل مستحيل...
-
-
-
بعد كم يوم :
الرياض:
نزل يـوسف من غرفته للصاله اللي كان فيها ابوه و زوجته و اخواته كلهم اضافه الى فهد و فاتن..: هلا يا يبه طالبني..
بو فهد بابتسامه: مبروك يا ولدي بو بدر وافق ..
يوسف باستغراب من كلام ابوه: على ايش؟؟
ام فهد ضحكت وكملت بنفس النبره: نسيت!!! يا يوسف خطبتك لبنتهم؟
يوسف بفرحه ناقصه بسبب الطريقه اللي خطبوها وانه ما تركوا له المجال يختار: الحمد لله..
بو فهد بطريقه تشاوريه يغلبها الامر: انا اقول خير البر عاجله نروح نهايه هالاسبوع نخطب رسمي...
الهنوف وهي ناويه تنهي فرحه يوسف الناقصه: وليش خطبه يا بابا..نخليها خطبه و ملكه ... اهي ارمـله وما اعتقد تحتاج وقت تشاور نفسها و تتجهز لعرس ولا لازم الارمـــــــــــــــــــــــــله تسوي عرس ثاني!!!
يوسف توسعت عيونه وهي يسمع كلام اخته الهنوف و يراقب ابتسامتها الخبيثه، ام فهد وهي تكمل: كلام الهنوف صح، نسوي حفله ملكه بسيطه و ناخذ مرتنا معنا ولا انت شرايك يا بوفهد..
بو فهد وكان كلام زوجته عجبه: اشوف بو بدر اول اذا وافق اخذنا مرتنا على طول.. و اذا قال غير هذا عطيناهم مهله و بعدها اخذناها وسوينا الحفله هنا..
يوسف وهو يحس صوته اختفى و بشي يخنقه: انتوا ايش اللي قاعدين تقولونه!!
بو فهد : لا تخاف يا يوسف كلامنا عن العروس و اهلها... انا ان شاء بسوي لك عرس يتكلم عن كل الرجال في المملكه..
ام فهد و بسرعه ردت: وليش تنفتح عيون الناس علينا!! توها بنتك متزوجه !! و تبي تزوج ولدك على طول.. تبي الناس تحسدنا؟؟؟ نخليها حفله صغيره بينا احسن!!!
يوسف وقهره يزيد في كل كلمه يسمعها انفجر: خاطبين لي ارمله!!!!!!!!!!!!!!!!!!!!!!1 ليش!!!!
ام فهد: و ليش ما نخطب لك ارمله!!!! تتوقع لو انها ماهي ارمله بتوافق على واحد مثلك!!!
يوسف: انا قااااااااااعد اكلم ابوي!!!!!!!
ام فهد استغلت اللحظه و انفجرت تبكي: شفت يا بو فهد.... شفت ولدك شلون يعاملني!!! ماكني اللي ربيته وهو صغير و اعتبرته واحد من عيالي!!!!
بو فهد وهو يلمها و يعطي يوسف نظرات غاضبه: احترم نفسك يا يوسف و كلم امك باحترام... ثم ايش فيها الارمله ماهي انسانه... ثانيا هي بنت صديق عمري تبيني افوت نسبه
يوسف: انت مناسبه من زماااااااان ولا ناسي!!!
بوفهد: وما دامك عارف انه نسيبنا لازم تكون عاقل و ما ترفض بنتهم بعد ما وافقوا!! اذا مو علشاني و علشان شغلنا علشان اختك هالمسكينه ايش ممكن يسوون فيها اذا عرفوا باللي ناوي تسويه..
يوسف حس ان دموعه بتنزل من القهر اللي ما عاد قادر يتحمله اكثر حس انهم نحجوا في وضع اخر خطوه في تدمير حياته، ان رفض راح يدمر حياة الجود وصداقه ابوه بمعنى ثاني راخ يخسر اي تعاطف او ود يكنه ابوه له....: اسف,, سو اللي تبيه..
عطاهم ظهره و صدع لغرفته كان محتاج لخلوه يطلع فيها كل اللي في قلبه، سكر الباب وراه و هي يسمع صوت ابوه يتكلم في الموبايل اكيد يبلغ ابو العروس و اي عروس بقراراتهم...
دموعه نزلت بغزاره و انهار على الارض: حرام عليهم،، والله حرام!!!!!!!!!!!!!!!
العنود لحقته : يوسف..
يوسف بقهر: كنتي تدرين؟؟
العنود: ايش؟؟
يوسف بانفجار: كنتي تدرين انها ارمله!!!!!!!!!!!!!
العنود نزلت راسها من خجلها....
يوسف: و انا اللي ظنيت انك غير عنهم...
العنود: يوسف صدقني حاولت امنعهم بس ...
يوسف: كاااااااااااان لازم تقوليييييييييين لي على الاقل قبل لا يخطبووونها و يورطوني!!!!
العنود: اسفه والله اسف يا اخوي!!!
يوسف: تقدرين تثبيتين اسفك و تجبين لي رقمها!!!
العنود: رقمها؟؟؟؟
يوسف: من الجود ... من اي احد!!!! المهم تجبينه...
العنود: ايش ناوي تسوي....
يوسف: بنقذ نفسي باي طريقه ممكنه!!! حتى لو كان باذيتها!!!
-
-
-
قدام شاشة الاب تتامل الرساله للمره الالف ماهي عارفه ايش تسوي ابدا ما كانت عارفه ايش تسوي...
-
الرساله: الى نادي العشاق..
عندي مشكله صعبه و مستحيل حـلها.... ابوي ناوي يزوجني لواحد ما اعرف عنه شيء و مصر على زواجي منه!! مع ان قلبي لانسان ثاني ارجوكم ساعدوني!!!!!!!!!!!!
-
خوله طلعت نفس عميق و رجعت تقرا الرساله مره ثانيه مشكله صعبه صعبه كثير!!!!!
و فجأه انفتح باب غرفتها،، بسرعه كبيره نزلت الصفحه،، كان اللي دخل خالد: السلااااااااام عليكم!!!
خوله و هي تصطنع الفرح: وعليكم السلام!! اهلا،، الحمد لله على السلامه!!
خالد وهو يضمها بقوه: الله يسلمك!! اخبارك؟
خوله وهي تخفي حزنها: الحمد لله وانت؟ اخبار السفر و شهر العسل؟
خالد بابتسامه: وناااااااااااسه الجود كل شيء عندها easy وماعندها تقول لا فشله اسوي هذا وهذاااا!!
خوله بتعجب من اخوها بس ما حبت تزعله لانها تعرف ان اخوها بريء وعلى نيته دايما: اهاا الحمد لله على كل حال..
خالد: تدرين ما كنت ناوي ارجع!! بس لما الوالد قالي عن الخبر المفرح قررت ارجع..
خوله وهي تحسد عمرها. الكل فرحان بخبر خطوبتها الا هي: اي خبر؟
خالد: ههههه مستحيه؟ خبر خطوبتك طبعا!!
خوله: اي صح..
خالد: عاد الجود تمدح اخوها يوسف كثييييير تقول انه حنون و وسييييييم بصراحه عريس لقطه على قولها..
خوله وهي تقول في نفسها: شيء طبيعي يا خالد انه تمدحه اخوهااااااااا...
خالد: الجود دخلت جناحها تبدل ملابسها و بتنزل عند امي تحت، تعالي سلمي عليها!!!
خوله باستغراب الجود بتنزل على طول يعني من غير ماي يعزمونها و لا شي.. حست لحظتها ان الجود مثل ما قال خالد كل شيء عندها عادي: يالله الحين نازله..
وهي تنزل مع خالد كانت تسمع رن موبايلها تجاهلته و نزلت اكيد سعاد مافي احد غيرها يتصل عليها باستمرار و تقدر تنتظر..
-
بعد يـوسف الموبايل عن اذنه بعصبيه و هو يلتفت على العنود الخايفه من تصرفاته: ما ترد!!
العنود و هي تحمد ربها ان خوله ما ردت: البنات ما يردون على الارقام الغريبه يا يوسف!!! تعوذ من ابليس و شيل هذي الفكره من بالك!
يوسف و عصبيته تزيد و انه بينفجر فتح رساله و بدا يكتب: ما ترد على الغريب، بس اكيد راح تقرا اي مسج يوصلها!!
العنود: وش ناوي تقول لها؟؟؟
يوسف تجاهلها مع انها كررت سؤالها اكثر من مره و استمر في الكتابه ارسل الرساله و انتظر ردها عليه...
-
السلام عليكم..
اختي خوله.. انا يـوسف الــ.... الشخص اللي طلب يدك من غير ما يعرف عنك اي شيء..
من غير زعل انا لما خطبتك ما كنت اعرف انك ارمله !! و الوالد ورطني في هذا الزواج لانه راغب في نسب
ابوك ( صديقه العزيز) و رافض افسخ الخطبه بعد ما عطيتونا الموافقه... اي بعد ما عرفت انك ارملـه..
و بالمختصر و اتمنى هذا الشيء ما يجرحك.. اقولك اني مستحيل اقبل فيك زوجه لي... و ما ابي اظلمك!!
و الحل الوحيد لهذي المساله هو انك تغيرين رايك!! الشيء اللي اتمناه من كل قلبي!!
فكري في الموضوع و اعرفي انه في النهايه في مصلحتك انتي اول و قبلي.. و لا تدمرين حياتك مع انسان رافضك بشكل مطلق...
و اتمنى هذا الحوار يظل بينا احنا الاثنين...
- - - - - - - - -
بعد دقايق وصل الرد ليـوسف اللي فتحه على عجل و قراه في نفسه من غير لا تنتبه العنود...
اخوي يوسف شكرا على توضيح موفقك.. ما راح اخيب ظنك استمر في كل الاجراءات و انا راح ارفض في اخر لحظه
منعا لاي ضغط ممكن يجينا من الاهل.. و بكذا مستحيل تتم الملكه..
- - - - - - - - -
يوسف ابتسم وهو يطلع نفس راحه طويل.. الموضوع كان اسهل بكثير من اللي تصوره الحمد لله ان خوله طلعت انسانه عاقله و حكيم و ماردت عليه بتهور مثل اللي سواه.. تقبلت الموضوع بكل بساطه و كانها كانت تتظر اي سبب يلغي الخطبه: الحمد لله.....
العنود بقلق التفتت لاخوها اللي تبدلت ملامحه: ايش اللي صار..
يوسف و ابتسامه خفيفه على وجهه: الله يرزقها و يوفقها مع اللي يستاهلها..
العنود توسعت عيونها من الصدمه..
-
-
-
كانت الجود جالسه بكامل زينتها في المجلس الكبير مع خوله و خالد و وفاء...خوله كانت صامته طول الوقت خالد كان يضحك و يعلق مع الجود بطلاقه مع وفاء.. اللي صدمتها حريه الجود وانها ماهي متوتره ولا مستحيه خصوصا انها لسى عروس.. كانت تتكلم عن اشياء تنحرج منها وفاء لكن ما حبت تترك الجلسه خصوصا ان خوله كانت موجود بجسمها و غايبه بعقلها...
الجود وهي تلتف لخوله: ليش ساكته يا مرت اخوي؟؟
خوله وكان الكلمه رجعتها للواقع: ايش؟؟ مرت اخوك؟
الجود وهي تضحك : هههههههه اي نستي انا مرت اخوي وانتي مرت اخوي... في القريب العاجل..
خوله: اهااا..
وفاء بابتسامه: قالت لي خالتي ... الف الف مبروك يا خوله والله انك تستاهلين كل خير..
خوله هزت راسها بهدوء..
الجود كملت: يوسف اخوي معجب في خالد وفيكم ولما عرف انك خالد عنده اخت ماهي متزوجه انهبل و قال مافي احد غيري ياخذها تصوري كان ناوي يخطبك يوم عرسنا بس انا قلت لا اخاف من العين .. نتركها بعد فتره..
خوله كملت هز راسها مع ان الكلام ابدا ما كان عاجبها...
دخلت ام بدر للمجلس نازله من غرفتها : السلام عليكم..
قامت الجود من مكانها من غبر ما تتحرك ام بدر ووفاء ما عجبتهم الحركه كانت وافقه في مكانها وكانها منظره ام بدر تجي لعندها و تسلم.. ام بدر ما عطتها مرادها و ظلت في مكانها.. الشيء اللي احرج الجود و اجبرها تجي تسلم: شلونك يا خاله؟
ام بدر وهي تتصرف ببرود: الحمد لله..
مشت وجلست جنب خولهو رجعت الجود اللي ما عجبتها خالتها و برودها لمكانها جنب خالد..
ام بدر: شلون كانت الرحله يا خالــــــــــــــــــــــــد!!
الجود مدت بوزها من تجاهل خالتها لها وهي تقول في نفسها"" هذي من اولها كذا،، الله يستر من اللي جاي""
وفــاء كانت مستغربه تصرفات ام بدر الاستفزازيه شيء كانت تشوفه لما بس تسوي غلط..
خالد بفكاهه يحاول يغير المود:كانت تجنن ... صح الجود؟
الجود ابتسمت من غير نفس و ردت عليه: اي.
خالد: لما رحـنا النمسـا قلـت خـ......
انقطع حوار الموجودين بدخول بدر للمجلس اللي طبعا ما كان يعرف ان خالد و زوجته وصلوا : السلامـ..
خـالد وهو بيقوم يسلم: وعليكم السلام هلاااا...
بدر ابتسم و سلم على اخوه بس لفت نظره شيء.. وحده غريبه كانت قاعده تنظر له قال في نفسه "" اعوذ بالله"" و نزل راسه..
ام بدر بسرعه فهمت اللي صار الجـود كانت لابسـه فستان بصلي ماسك على الجسم لتحت الركبه بشوي طبعا كان الكم طويل بس فتحت الصدر عريضه و شعرها كله مفتوح مموج و الميك اب فل.."" هي من عايله عايله متحرره اوكي لان احنا محنا المتشددين بس في حدود لازم تفهما خصوصا لما تطلع بهذا الشكل قدام اخو زوجها""
لما تزوج بدر من وفاء.. عانا كثير لحد ما فهمها ان عادي تجلس مع خالد مو لحالهم مع احد ثاني و انها تلبس بحتشام وتغطي راسها بس هذي كانت شيء خيالي..
بدر وهو منزل راسه: شلونك يا مرت اخوي..
الجود من غير نفس.. ماهي عاجبتها طريقته معها .. : بخيـر..
بدر حرك راسه لخوله: خوله ابوي يبيك في المكتب..
خوله وقلبها يدق بقوه من اليوم اللي بلغت ابوها بالموافقه و هي تتجنب تطلع من غرفتها.. خايفه يبلغها بشيء ما تبيه: ان شاء الله...
طلعت خوله من المجلس و راحت للمكتب ام بدر مسكت يد خالد و سحبته معها لمكان ثاني و بقت بس الجود و وفاء
الجود: خالتك دايما كذا؟
وفاء باستغراب انها وصفتها خالتك و ليس خالتي: ايش تقصدين؟
الجود: يعني دايما مغروره و ما يعجبها اللي قدامها؟؟
وفاء اعتبرت كلمة الجود وقاحه بس ما حبت تكبر السالفه لان اللي قدامها بزر ما تقدر كلامها: يظهر انك ما عرفتي خالتي هي اكيد تعبانه ولا في شيء مضايقه اليوم.. ولا في العاده دايما تضحك و تسولف معي عادي كانها صديقتي ماهي خالتي..
الجود بضحك: ههههههههههه صديقتك ليش انتي كم عمرك؟؟
وفاء صدمتها كلمتها "الحين انا محترمتها و جايه استقبلها و اسلم عليها لا و ادور لها الاعذار تقوم تكلمني بهالطريقه كاني زباله؟"
قامت وفاء من مكانها و سحبت عباتها اللي كانت جنبها، طبعا لبس وفاء كان غير كثير عن الجود وفاء كانت لابسه فستان طويل لاخر الرجل باكمام طويله و مغطيه شعرها بطرحه ملونه..: لا يكون زعلتي؟
وفاء من غير نفس ردت: لا بس عيالي اكيد صحوا بروح اتطمن عليهم..
الجود استغربت ان وفاء بتلبس عباتها: انتي مو ساكانه مو هنا؟
وفاء استغربت ان خالد ما بلغها ان وفاء و بدر ماهم عايشين معهم في نفس البيت: لا انا ساكنه في الفيلا اللي بظهر القصر بس نعتبر بيت واحد!!
الجود رفعت حاجب وهي تقول في نفسها:: الحين هذي العجوز ساكنه في بيت لحالها و انها يسكنوني هنا مع العجوز الثانيه؟""
طلعت وفاء و بعد دقايق رجع خالد و امه .. طبعا وجههم في نظر الجود ما كان يبشر بالخيـر..
خالد و ينظر للجود نظره مختلفه: الجود احس اني تعبان خل نرجع جناحنا..
الجود وهي تحرك نظرها منه الى خالتها و ترجعه له: ما قلت انك بتعزمني على غدا؟
خالد بتوتر: خليها بعدين احس نفسي تعبان..
الجود مدت بوزها من جديد و نظرت لخالتها اللي كانت نظرتها مشابهه.
صعدت الجود مع خالد لجناحهم و ام بدر تقول في نفسها: ما اكون السيده منيره اللي ينحسب لها الف حساب ان ما كسرت لك هالخشم اللي رافعته يا بنت هدى.
دخل خالد و قرر يبدي اول حوار جاد مع الجود: حبيبتي ممكن طلب.
الجود بتدلع : اكيد حياتي و عمري اطلب اللي تبي ... المهم يكون شيء اقدر اسويه..
خالد بابتسامه بعد ما رفعت معنوياته: حياتي ادري انك عقل و ثقل.. بخصوص لبسك انـا.........
الجود بانفجار: لبسي ايش فيه لبسي؟؟؟؟؟؟؟؟
خالد : مافيه شيء بس لو تخففين الـ........
الجود: اسمع زين يا خالد .. انا البس اللي ابيه ومالي دخل في احد.
خالد: انا ما قلت شيء.. بس لما يكون بدر هنا اتمنــى..
الجود وهي تمثل الدموع: حراام عليك توني عروس تسمعني هالكلام!!
خالد: اسف يا الجود سامحني.. بس...
الجود وهي متسمره في تمثيل البكاء: انا طول عمري البس كذا و ما كلمني احد حتى ابوي و اخواني .. حتى انت ما عمرك كلمتني بس اليوم!!!! امك اكيد زعلت لما دخل بدر و شافني و قارن بيني و بين زوجته العجوز!!
خالد ما عجبته كلمة العجوز: الجود احترمي نفسك.. وفاء ماهي عجوز .. وفاء وحده من خواتي!!
الجود: انا محترمه نفسي من زمان.. بس هي كانت تنظر لي نظرات خوفتني و كل شيء تقز فيه و تسالني من وين هذا و بكم هذا كانها ما شافت خير في حياتها؟؟
خالد بصدمه: وفاء سوت كذا؟
الجود: اكيد ما تبين لك.. انت اخو زوجها و مستحيل تدخل معك في حوارات مثل هذي بس انا... حتى اختك الله يعينها عليها اكيد مجننتها و اكيد هي وحده من الاسباب اللي تركتها في هذا الحال.. قالت طول ما انا كذا برتاح من اسئلتها !!
خالد تشتت افكاره من دخلت الجود خوله في الموضوع.. طبعا الجود اكتشفت من خلال الوقت ان خوله كانت خط احمر بالنسبه له و ان اي شيء يتعلق فيها يحول خالد لشيء ثاني..
الجود وهي تمسح دموعها :ما علي يا خالد انت زوجي و حبيب قلبي و حياتي اللي اعطيه اي شيء يبيه انا راح ادوس على نفسي و اتحمل اوامرك مع اني عارفه انها ماهي من قلبك و بلبس مثل زوجة اخوك بس ارجوك اذا زارونا هلي بلبس عادي ما ابيه يزعلون و يقولون دلوعتنا متعبينها.. ويبعدوني عنك.. انت تدري انا ابوي ما يرضىى علي بحرف..
خالد وهو يمسكها و يحضنها بقوه: انا مستحيل اسمح لاي شيء يبعدني عنك يا الجود!! ابدااا.. واذا على اللبس البسي اللي تبينه مستحيل يمشي كلام احد عليك.
وجهه الجود اللي ما كان باين لخالد ابتسم بخبث نجحت خطتها بكل مهاره ضمته بقوه وشكرته بطريقتها الخاصه..
-
-
-
بعد اسبوع ...
خوله كانت جالسه قدام المرايا التسريحه و سـعاد معها كليبسات و شبصات تمشط شعرها و تعمل لها تسريحه الابتسامه كانت كبيره على وجه سعاد و الصمت و الشرود كان على وجه خوله..
اليوم ملكه خوله الشيء اللي بلغه ابوها لها من اسبوع.. طبعا خوله حاولت تعترض لان اعتراضها كان الرد عليه بالتخيير مره ثانيه بين يوسف و مرزوق و هي طبعا مستحيل تتزوج مرزوق...
سعاد وهي تمشط و تبتسم: بسويك لك تسريحه يتكلم عنها الناس مليون مره .. اصلا انتي من غير ميك اب و شعر تدوخين الناس بس مع لمساتي الخارقه بتصرين احلى واحلى!!
خوله بكآبه راقبت وجه سعاد الخالي من المكياج في المرايا: فيـصل؟
سعاد ردت باستغراب: ايش؟
خوله: من غير ميك اب تشبهينه كثير..
سعاد غيرت الموضوع بسرعه شيء تعودت تسويه في كل مره كانت خوله تفتح موضوع فيصل: تدرين الحمل تعبني و ما اقدر احط ميك اب مثل قبل.. يتحسس وجهي
خوله و سعاد بنات خاله و هي اخت فيصل الصغير اصغر من خوله بسنه.. ماتت امهم و تزوج ابوهم وحده ثانيه الشيء اللي ترك خالتهم منيره تاخذهم و تربيهم مع عيالها هي وخوله كان يلبسون نفس الشيء .. خوله صحيح كانت قريبه مع سعاد كثيييييييير كانهم توام بس كانت قريبه من فيصل بعد وما تحب ترفض له طلب و تعلقها فيها حولها الى عاشقه متيمه فيه..
خوله: طبعا انتي بتموتين لانك ما تقدرين تحطين ميك اب... اقتلي البيبي لما ينولد..
سعاد: لا ليش اقتله بعطيك اياه تربينه و انا بعيش حياتي هههههههــ
خوله: عادي يا سعاد اللي تبينه بيصير انتي صديقة عمري و بنت خالتي و مستحيل اعز عنك شيء عطيني البيبي وعيشي حياتك..
سعاد و هي تتحول ملامحها للاعجاب بخوله: ليش يا خوله.. انا ما رديت الدين القديم... علشان احمل نفسي دين جديد!!
خوله وهي تتظاهر انها ماهي فاهمه: اي دين يا سعاد..
سعاد و هي تسكر عيونها من الم الذكرى عليها: لما انقذتي حياتي و شرفي يا خوله..
خوله سكرت عيونها بالم و مرت عليها الذكرى بكل تفاصيلها كانها كانت امس مع انها مر عليها ثلاث سنوات..
-
-
قبل ثلاث سنين _قبل يومين من زواج خوله و فيصل-
خوله كانت تحضن كل قميص بحب و تدخله في شطنتها الابتسامه كانت عريضه على وجهها و شعرها المموج كان يتحرك على لحن وكلمات حبك نار لعبدالحليم حافظ (ملاحظه من كاريسا: هالاغنيه عذااااااااااب عندي اقروهاااا و تحطموووا))
حبك نـــــــــــــــار .. بعدك نــــــــــــــــــار
قربك نــــــــــــــار .. وأكثر من نـــــــــــار
نار يا حبيبي نار
حبك نار مش عايز اطفيها ولا اخليهـــــــا
دقيقه تفوتني ما احسش بيهــــــــــــــــــا
نار يا حبيبي .. نار صحتني .. نار خلتنــي
احب الدنيا واعيش لياليهــــــــــــــــــــــــا
نار يا حبيبي نار
يا مذوبني بأحلى عـــــــــذاب
بابعثلك بعنيّه جــــــــــــــواب
مش لوم يا حبيبي ولا عتــاب
مش اكثر من كلمـــــــــــة آه
آه يا حبيبي بحبك
آه لو تعرف اللي انا فيــــــــه
والشوق اللي غلبت اداريــــه
كان قلبك يسهر لياليــــــــــــه
مع قلبي ويقول لــــــــــــه آه
آه يا حبيبي بحبك
نار يا حبيبي نار
سـعاد كان كالعاده ماهو عاجبها الوضع و حالة الرومانسيه اللي عايشتها صديقتها مع اخوها: احلى عذااااااااااااب هااا؟؟ و قابله انه يعذبك !!
خوله بابتسامه ارسلت بوسه بالهوا لصورته جنب سريرها: على قوله عبد الحليم حبك نار مش عايز اطفيها ولا اخليهـــــــا
دقيقه تفوتني ما احسش بيهــــــــــــــــــا
سعاد عصبت و رمتها بالمخده: ووووووووووواااي على ايش تحبينه.. مغرور .. عصبي.. كل شيء عنده لا .. دايما يطنش و ضااااااااااااابط ماهو مهندس ولا دكتور ولا رجل اعماااااااااااااااااااااااال..
خوله ضمت قميص له سارقته سعاد لها وطلعت نفس عمييييييييق بقوه : وووووووووووووووووووووووهـ فديته و فيدت عصبيته و فدية بدلته العسكريه.. اصلا ايش اللي فيه مو حلووو..
سعاد : اقولك كل شيء عنده لااااااااااااااااااااا يعني وحده دلوعه مثلك مستحيل تعيش معه!!!!
خوله: اصلا فصــوووووووولـــــي ما عمره قال لي لا!!
سعاد: هذااا لانه كنتي بالنسبه له مجرد بنت خاله!! الحين يتصيرين زوجته وكل شيء بيقوله لازم تسوينه..
خوله بهيام: اوكــي .. اصلا هو لو يطلب مني اقعد في البيت و ما اطلع للابد بوافق!! يكفي اشوف وجهه طول الوقت!!
سعاد وهي تجر شعرها بجنون: وااااااي هذي اللي بتجنني !! اقولك يخوووووووووووووووووف!!
خوله: عااادي انا ما اخاف الا من ربي !! عادي عندي!!
سعاد بتحدي: هههه لا!
خوله وهي فاهمه نبره التحدي في صوت سعاد: ايش قصدك!!
سعاد: لو قلت لك نطلع الحين بتوافقين؟؟ يا انسه كلمه مستحيل غير موجوده في قاموسي؟؟
خوله رفعت عيونها للساعه كانت متأخره كثير بالليل: الحين؟؟؟
سعاد: شفتي انك جبانه؟ انتي زواجك بكرا و تتصرفين كذا اجل لو تزوجتيه ايش اللي بيصير!
خوله باندفاع: قلت لك انا ما اخاف من شيء!!!
سعاد: اجل نطلع؟؟؟ وانتي تسوقين كالعاده!!
خوله: موافق.. هاتي مفتاح سياره فيصل!!
خوله و سعاد كانوا يطلعون دايما بسياره فيصل او السايق من سنه... خوله كانت تسوق لانها تسوق مرات لما تسافر مع ابوها و تسوق دبابه و دراجات!! سعاد كانت جبانه.. بو بدر كان يعرف بتصرفاتهم بس تاركهم لانهم ما عمرهم طلعوا متأخر دايما الظهر وداخل محيط البيت بس سعاد المتهوره كانت عندها فكره ثانيه!!!
خوله كالعاده لبست ثوب كبير لخالد و شماغه لفته عليها بطريقه مهمله و بدت تسوق.. سعاد كانت لابسه عباة راس معطيتها كبر..
خوله: هاا طلعنا نرجع الحين..
سعاد: تو الناس!! خل نتمشي بعد!!
خوله: بس احتمال فيصل و خالد يرجعون وانا ماني ناقصه مشاكل!!
فيصل و اخوان خوله كانوا معزومين على عشا عند واحد من اصدقاء بو بدر و قايلين انهم بيتأخرون الشيء اللي عطى سعاد الحريه انها تطلع خوله في هذا الوقت..
سعاد : خايفه؟
خوله: طبعا لا!!!
سعاد: اجل اشتري لي من باسكن روبنز!!
خوله توسعت عيونها من الخوف: ايش؟؟؟
سعاد: وعد مني يا خوله ما افتح موضوعك مع فيصل اخوي.. ولا اتحرش فيك ان سويتي هالشيء
خوله التفتت لمحل باسكن روبنز و قربت منه.. و بكذا تكون بعدت عن بيتهم اكثر من المعتاد. . الموافق كانت خاليه من اي اي احد ما عدا سيارتين بعاد عنهم و المحل فاضي وما كان فيه غير الموضفين و سايق مع اطفال صغار.. خوله فكرت في الموضوع و قالت ان الموضوع بسيط و في المقابل راح ترتاح من مضايقه سعاد لها و لفيصل..: اوكي..
وقفت خوله شوي بعيد عن المحل علشان تضمن محد يلاحظ سيارتهم في حالة وقف احد بعدها و دخل المحل.. و نزلت بعد ما تأكدت ان الثوب ماهو ماسك على جسمها و شماغها مخفي اغلب وجهها و شعرها: لا تصيرين ذكيه كثير و تفكرين تنزلين!!
سعاد بضحك: اوكي!!!!!
مشت خوله بخوف و دخلت باسكن روبنز و بدت تطلب وهي منزله وجهها و مثقله صوتها سعاد كانت تراقبها و تضحك..
سعاد بضحك نزلت غطوها و الدريشه تشم هوا.. وشغلت شريط راشد الماجد مطرب اخوها المفضل
القلب سلم لك أمـره ... في حالتـي إنت أدرى
ياللي حنانـك وطيبك ... تنحـط ع الجرح يبرى
شفـاف يانـورعينـي ... حـبـوب قلبك يبينـي
زهرة شبابـي وسنيني ... تفـداك ألفـيـن مـره
الله لـمـا تّـكـلـم ... كـنـك تغـنـي ترنـم
الورد منـك تعـلـم ... والشـاعر يضيع شِعـره
حنـون ربي يصونـك ... فـي طيبتـك في عيونك
دنيـاك حبـي وكونك ... ياطيب عمـري وعطـره
فديت صوتـك فديتـك ... شفتك عشقتـك هويتـك
ياليت تـدري ياليتـك ... غـلاك ياكـبـر قـدره
.........................: انا اشهد انك تنحطين على الجرح يبرى
سعاد كانت مستمتعه بالاغنيه لما صوت قريب منها قطع كل شيء ودخلها في حاله صدمه التفتت وشافت شاب واقف عند بابها و مدخل اغلب وجهه من الدريشه الفتوحه بخوف صرخت: بعد!!!
الشاب ضحك وظل يراقب ملامحها الخايفه: احد يشوف هذا الجمال و يبعد!!!
سعاد: واللي يسلمك بعد عني!! اخوي في الباسكن وان شافك بيذبحني و يبذحك!!
الشاب استمر بالضحك: متأكده اخوك؟؟ و طلعه معه هالحزه لحالكم؟ وانتي بهذا الزين!!
سعاد ما كانت متنبه ان عباتها طلعت عن كتفها و شعرها الملون بان مع وجهها المغطى بالمكياج: والله انــه...........
سعاد ما قدرت تكمل الحلف لان خوله في النهايه ماهي اختها ..و الشاب طبعا استغل توترها: شفتي يا حلوه كنت عارف........ انزلـــــي..
سعاد بصدمه: ايش؟؟؟؟؟؟؟؟؟؟؟؟ظ
الشاب فتح الباب و مسك يدها: راح اعطيك اللي خمس اضعاف اللي بيعطيك اياه... بس انزلي!!
سعاد كانت بتصرخ بس سكر فمها بيده و سحبها: ان صرختي راح يتجمعون الناس و انا راح اسوي شيء يخليك تندمين طول عمرك و تصيري كلمه على لسان الناس و عار على اهلك!!! ههه هذا اذا كان لك اهل!!!
سعاد نزلت دموعها و هو يسحبها و تفكر في اخوها!! الضابط المستقيم اللي ماله في الدنيا غيرها اللي عمره ما غلط على احد و لون بيكون موقفه و هو يشوف اخته دلوعته اللي يحبها و هي....... بكت و بكت بس الشاب طبعا كان من غير قلب سحبها لسيارته السبورت الغاليه....
خوله طلعت من الباسكن و مشت للسياره من بعيد سمعت صوت الاغنيه : اففففففف هالبنت ابدا ما تتعدل فتحت الباب وهي متوقعتها مسويه فيها مقلبه: سعااااااااااااااااااد
تفاجأت لما ما شافتها في السياره تلفتت و تلفتت و لمحتها ... سعاد كان يسحبها شاب.. طويل و عريض لسيارته و هي تتصرف وكانها ماهي قابله من غير تفكير.. فتح خوله علبه العده و سحبت الة رفع العجله و مشت لهم بسرعه: وخر عنها!!!!!!!!!!1
الشاب التفتت و تقابل وجهه بالقطعه الحديده .. طاح الشاب على الارض و تلقى ضربه ثانيه على ظهره: على السياره بســــــــرعه!!!!11
سعاد من الصدمه نفذت اللي قالته بنت خالته و ركضت للسيارة اخوها خوله بسرعه ركضت بعدها و حركت بالسياره بسرعه..كانت ليله مستحيل تنساها..
-
-
-
سعاد انتهت من شعر خوله و ابتسمت بحزن: رجعنا يومها قبل رجعت عمي و اخونا!! ولا كان صارت مصيبه حتى الحديده اللي ضربته فيها اخفيتها علشان ما يشوفها فيصل و يعرف باللي صار..كنتي شجاعه بشكل كبير.. يومها عرفت انك ما تخافين من شيء طول ما اللي تبينهم في مشكله او خطر... ليتني مثلك..
خوله بحزن: بس انا ما قدرت انقذ اكثر انسان حبيته في حياتي كلها
سعاد باست راس خوله من ورا وضمتها بقوه: خوله يا حياتي... انتي الحين بتبدين حياة جديده تمسكي فيها و ابحثي عن السعاده علشان السعاده تبحث عنك.. الله يوفقك و يفتح لك ابواب رزقه و يرزقك بالذريه الصالحه يا رب!!!!
خوله سكتت و غمضت عيونها ... سعاد لما ما لقت رد من خوله قررت تنسحب و تحضر حفله الملكه الصغيره حيل...
خوله راقبت وجهها في المرايا احمر الشفايف الفاتح الكحل الخفيف و شعرها المزين بنعومه و ابتسمت بسخره : الذريه؟ اكيد سعاد تضحك!!!
خوله سحبت خوله كليبسات الكريستال من شعرها كله و رجعته لوضعه القديم و مسحت احمر الشفايف و الكحل: انا زوجه فيصل بس!!!! و مستحيل اكــــوووون لغيــره مهما حصل!!!!!!!!!!!!!..
-
-
-
بدت حفله الملكه خوله كانت مثل الصدمه لامها و سعاد لما نزلت بشكلها العادي للناس بقت معهم لثواني و رجعت صعدت تبلس عباتها علشان بتروح فندق مع زوجها قبل لا يسافرون للرياض اليوم اللي بعده..
امها و سعاد انقهروا منها كثير بس ما حبوا يكبروا الموضوع علشان ما تزعل و تسوي اكثر,, ام بدر ابدا ما كانت مستبعده ان خوله ترفض اول ما يسالونها عن رايها و تسبب مشكله بس الغريب انها وافقت وبكل هدوء
يوسف من جهه ثانيه كان هادي و مبتسم طول الوقت لحد الساعه اللي دخلوا فيها يسالون خوله عن رايها و يعطونها الدفتر توقع.. انجرت الصدمه عنده لاقصى حد لما عرف انها مواقفه لا وموقعه بعد...
كان جالس بصمت كبير و قهر طول الوقت كانت عيونه تراقب خالد اللي يتكلم بصوت منخفض مع امه كان قادر يفهم من حركه شفايفه انه يقنعها بشيء هي ترد عليه بالنفي.. خالد قام من مكانه و همس في اذن ابوه اللي ارتبك و بعدها التفت لهم.. يوسف كان يتمنى يكون الرفض .. او اي شيء يوقف هذا الزواج الكئيب الخالي من الفرح..
بو بدر: العروس جاهزه للطلعه!!!!!!!!1
استنتج يوسف ان رفضها كان انها تجلس معه و تتصور معه و مع اهله شيء احرموه اهله و هي منه.. فرحه اي زوج في ليله عرسه..
مشى خال اللي يبسوق و يوسف للسياره و ركب خالد قادم و جلس يوسف جنبه شيء فاجا خالد،، بس تركه خالد يعدي بعد دقايق نزلت خوله و ركبت وراه في اللحظه اللي شافها يوسف فيها بالمرايا الجانبيه حس انه بينفجر و بيسحبها مع شعرها لبره.... خاينه خاااااااااااااااااااينه.... خدعته و تركته يعتمد عليها و يعطيها ثقته في الوقت اللي كانت هي فيه تخطط انها تورطه..
دخلوا الجناح اللي حجزه بو فهد لهم في الفندق وسط حاله من البرود و السكون التام و قرب خالد من خوله و باس راسها: الف مبروك يا الغاليه... الله يوقفك و يرزقك من خيره..
خوله نزلت راسها من غير ما ترفع غطوتها .. عطت خوله خالد فكره انها خجلانه و السبب انه يتركهم لحالهم.. قرب خالد من يوسف و حط يده على كتفه: ما اوصيك يا النسيب هذي اغلى شيء على قلبي!!!
يوسف حرك راسه ببرود.. خالد قرر يطلع مع انه قلبه ما كان مرتاح يوسف وجهه كان خالي من التعابير حتى انه ما ضحك ولا تكلم معه!!: معقوله يكون رافض هذا الزواج؟؟؟؟
-
-
يوسف مشى لعند خوله اللي جلست على السرير و رفعت غطوتها على وجهها .. عيونه تأملت وجهها الخالي من الزينه .. وجهها الذابل الاصفر.. و الخطوط السودا تحت عيونها و شعرهاا القصير الخالي كم الزينه مثل اي عروس...
يوسف بنبره كلها قهر: شيء طبعي تغدرين فيني و تقبلين هذا الزواج!! وحده مثلك مستحيل تتزوج شخص مثلي..
خوله قررت تبدي بتقطع: انا .........
يـوسف ما عطاها مجال انفجر و سحب شعرها : انتي ما عندك كرامه ... شلون تقبلين بانسان رافضك نهائيااااااااااا
خوله حست بالم و نزلت دموعها يوسف سحب يده و ابتعد عنها ابدا ما كان فاهم شلون سوى هالشيء: لانك تملك شيء ما يملكه غيرك..
يوسف : اللي هو؟؟
خوله حركت راسها لبعيد و رفضت الاجابه...يوسف راقب عيونها و حركتها و انقهر زياده .. رمى بشته و شماغه على الارض.. خوله توسعت عيونها و ماتت من الخوف وهي تشوفه يخلع ثوبه و يرميه على الارض جنب الاشياء الثانيه ..
غمضت عيونها و انفجرت بكاء: لااا لااااا لااا تكفى لا!!!!!!!!!!!!!!11
ما تلقت خوله رد من يوسف انتظرت مده و فتحت عيونها من جديد لقته يلبس ملابس سبورت و كاب على شعره و كانه متنكر....
التفت لها بنظره كلها حقد: لا تصيرين واثقه من نفسك و منغره في شكلك يا مداااااااااااااااام... انا لا يمكن المس قطعه مستعمله فاهمه...
فتح يوسف باب الجناح و طلع ... خوله فاجأها كلامه و حست بقليل من الفرح.. رمت نفسها على السرير و بدت تتأمل السقف : زوجه بالاسم !!! هههه ايش اتمنى اكثر من هذاااااااا!
-
-
-
في جناح ثاني من الفندق الكبيــر
فاتن و فهد:
كاتن فاتن تمشك شعرها و تمسح مكياجها بعد الحفله الكئيبه و الخاليه من الفرح.. فهد كان يطالع التلفيزون
فاتن: مسكين يوسف زوجته .... اعووذ بالله كانها داخله عزا ..
فهد: وليش مسكين انسانه مال و مال و مالل اهم شيء في الدنيا..
فاتن: و الحب؟
فهد: مافي شيء اسمه حب في الدنيا و لا انتي تصدقين كلام الافلام؟
فاتن: يعني انت ما تحبني؟؟؟؟؟
فهد حرك عيونه لها : انتي زوجتي!
فاتن: زوجتك بس تحبني؟؟؟
فهد: كنتي قدامي طول الوقت و ما عمري نظرتك كحيبيه يا فاتن لكن يوم قالت امي خطبت لك فاتن ما قدرت اقول لا...
فاتن انفجرت بالبكاء و ظلت تبكي و تنتظره يواسيها ، فهد اللي حس ان تصرفها سخيف مشى للسرير و نام كعادته العلاقه بينه و بينها صارت متوتره كثيره و قريبا احتمال تنتهي..
-
-
-
خـيـر إن شــاء الله وش الـلـي زعـلـلك مـنـي
خـيـر إن شــاء الله وش الـلـي غـيـرك عني
تــــرى مـاجـابـني الا انـــت ، وشــوقـي
يا أقرب الـخـلان .. انــا والله ابـد مـاخنت
ولا فـكـرت بـالـنسيان ..واذا تـقـوى أنا ما أقوى
تــرى الـدنـيا ولا تـسـوى .. خـير إن شـاء الله
أحس بـآهـتك نـبره .. وحـزن وشـي مـاعرفه
وأشـوف بـنظرتك عـبرة .. ضـوت بـالحيل مختلفة
عسى ماجيت في وقت لغيري .. وعسى ماجيت لك صدفه
ترى ما جابني إلا أنـت وشـوقي يـا أقرب الـخلان
أنــا والله أبــد مـاخـنت ولا فـكـرت بالنسيان
وإذا تـقـوى أنـا مـقوى تـرى الـدنيا ولا تـسوى
خير إن شـــــاء الله
حـنـيني غـصب يـدفعني .. ويـاخذني الـوله يمك
وأبــد مـاظـن تـمـنعني مـسـافات الـظما عـنك
تراك انت الـوحـيـد الــلـي بـقـالي
وهـمـي .. ولـيتني هـمك ! .. تـرى مـاجابني إلا
أنــت .. وشـوقـي يـا أقـرب الـخلان ..أنـا والله أبد
مـاخـنـت .. ولا فــكـرت بـالـنسيان
واذا تــقـوى أنــا مـقـوى .. تــرى الدنيا
ولا تــســوى .. و خــيــر إن شــــاء الله
يتـــبع:
التوقعاات:
1. شلون راح تكون حياة خوله مع يوسف بعد هذي البدايه؟
2. شلون راح تكون الجود مع خالد؟
3. الجود هل راح تترك وفاء في حالها؟
4. ام بدر هل راح تستسلم لدلع الجود و تترك ولدها خاتم باصبعها؟
5. خوله هل تقدر تنسى احزانها خصوصا ان يوسف رافضها؟
6. شلون راح يكون تعامل خوات يوسف مع خوله المكسوره؟
7. فاتن و فهد شلون بتكون حياتهم خصوصا في وجود زوجة يوسف الجديده في نفس البيت؟
8. فاتن شلون بتتعامل مع خوله؟
9.
10.
11.
انتظر ثلاث توقعااات منكم
البارت الخامس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك