رواية توأمي لكن انا غير ومالي مثيل وراسي عنيده -45
بعدها بثواني جات الخدامه وشهقت وبخوف:ماما ايس في ماما
رفعت راسها وصارت تضرب خدها بس ما في رد رفعت يدها وهي مليانه دم ونزلت راسها
وصارت تتلفت وبعدها قامت تركض ومسكت التلفون وهي تتصل وعينها على اللي طايحه في الارض ودمها سايح وخوف:الو اسعاف تعال هزا ماما موت
لهنا اوقف واترك لكم حرية التعليق
بسهر اليوم على اللي انمسح وبعيده وبكره باذن الله بنزله لكم واعتذر لو بيدي كان نزلته لكم كله
حبي وودي لكم
قلب امي وروحها
&&&&
توأم لكن انا غير ومالي مثيل وراسي عنيده
&
تابع
البارت السادس والعشرون
أتمنى ينال إعجابكم وقراءه ممتعه
جالسه جنبها وحاطه يدها على خدها وبملل:وبعدين يعني صار لنا ساعه على هالحال خلاص عاد سجوي فكيها شوي
سجيه وهي تطالع امجاد تنهدت:قلتي لبانه اننا نبغى نسافر باسرع وقت
امجاد وهي تعدل شعرها:لا
سجيه:ليه انتي رحتي علشان تقولين لها
امجاد بضيق:ايه بس صار شي خلاني انسى
سجيه باهتمام:وش صار
امجاد وهي تلف كل جسمها على سجيه:بقولك بس لا تدري بانه اني قايله لك ماشي
سجيه بفضول:ماشي بس قولي
امجاد:امها جات هنا
سجيه وهي متفاجاه:كذابه جات هنا وش تبغى
امجاد:اللي فهمته انها جايه تبغى ترجع كل شي
سجيه بفرح:زين الحمد لله
امجاد :بس بانه طردتها
سجيه وعيونها طالعه:طردت امها
امجاد:ايه
سجيه:يوووه وش فيها هذي استخفت ترى يا ويلها من ربها كيف جالها قلب تطرد امها
امجاد وهي تلف وجهها:والهت ما الومها
سجيه بعتب:لا تساعدينها على الغلط يا امجاد
امجاد بضيق:لو تحسين باللي تحسه كان تعذرينها انا اعرف احساسها بس الفرق اني ما املك شي وهي تملك اخت ذهبه
سجيه بزعل:وانا خيشة رز عندك
امجاد بضحك وتبغى تغير الجو:يا زينك من خيشه
سجيه وهي تضربها:هههه وجع ما تجاملين ابد...كملت وهي تطالعها بنص عين: الله يعين الاحباب عليك
امجاد وهي عاقده حواجبها:أي احباب انتي وش تخرفين
سجه وهي فيها الضحكه:اللي يقزونك في المرايه
امجاد اللي فهمت وقفت وهي معصبه:والله اني غلطانه يوم اجلس معاك صدق ما تنعطين وجه ابد
سجيه:هههههههه
عطتها نظرة حقد وطلعت تاركه وراها سجيه اللي تضحك وفي خاطرها:أن شاء الله يكون من نصيبك يارب
رفعت راسها لفوق وبهمس:يارب ارزقها باحسن رزقك يارب العالمين
في مكان قريب
غسلت وجهها علشان تروح لصقر اللي طلبها تروح لغرفته
طالعت وجهها في المرايه وتتاكد انه طبيعي وما فيه أي اثار للبكى ولا الدموع
طلعت من المكان وتوجهت لغرفته وبهمس قبل لا تطق الباب:غريبه وش فيه اليوم بالذات في البيت في العاده في بيت ام راكان وليه طالبني وفي غرفته بالتحديد
زفرت بتوتر وطقت الباب ودخلت لما سمعته ياذن لها
دخلت وشافته جالس بثوبه ومبين عليه التعب
قربت منه وبهمس:وش فيك
صقر بتعب:ولا شي بس تعب خفيف
بانه قربت وجلست جنبه وبهمس وصوت خايف:اكيد
صقر اللي ماحب نبرة الاهتمام في صوتها طالعها بحده:انتي وش رايك
بانه تنهدت ولفت وجهها وما عجبتها نبرة صوته وسكتت
صقر بامر:ابغاك تصكين لي ازرار ثوبي
بانه وهي ترجع تطالعه:طيب
قامت وجلست على الطاوله اللي قدامه وبدت تصك له الازرار
صقر صاريطالعها ويتاملها
يتامل عيونها اللي مبين عليها انها باكيه والحزن اللي فيهم وشعرها اللي صابغته
زفر وبهمس:وش كان لونه
رفعت نظرها له وبتوتر من نظراته لها:ها
صقر وهو يمد يده اللي ترجف ويمسك خصله من شعرها:شعرك
بانه وهي تبلع ريقها وتسوي روحها مركزه في الازرار اللي خلصت من صكها:اسود
ترك خصلة شعرها وهو يتخيل شكلها بالشعر الاسود وابتسم ابتسامه خفيفه ورفع يده الي ترجف ولمس خدها وبدا يمسح عليها ويحس بانهم صاروا حارين من الخجل
توترت وصارت تحس بدمها حار وان الجو حولها مكتوم
حست بتورت وانها لازم تقوم من مكانها
صقر اللي حس بتوترها نزل يدها بتعب وهي وقفت
صقر بصوت هادي:اجلسي
بانه وهي تشتت نظرها:ابغى امجاد بروح لها علشان...
صقر قاطعها:اجلسي
جلست بهدوء
صقر بهمس:مهما صار اللي سويتيه غلط
رفعت عيونها له وهي مو فاهمه
صقر وهو يكمل:ما كان المفروض تطردينها
بانه بشك:انت تقصد من
صقر:انتي عارفه انا اقصد من
بانه سكتت وهي مو متاكده اذا كان يقصد اللي في بالها ولا غيرها
صقر:اقصد امك
طالعته وباستغراب وتفاجا:انت وش عرفك
صقر:كنت راجع اخذ ملف وسمعتك
بانه نزلت نظرها وعيونها كلها حقد وكره
صقر:مهما سوت المفروض ما تطردينها ما تدرين أن الجنه تحت اقدام الامهات
بانه وقفت وبحقد:هذا اقل شي اسويه فيها
صقر بحزم:بانه وش هالكلام
بانه وهي تمشي وتلف على صقر وبعصبيه:انت قلت من قبل كل اللي بينا مصلحه اساعدك وتحقق لي الاشياء اللي ابغاها وبس فلا تتدخل باموري الخاصه
صقر بعصبيه وهو يوقف ويتسند على طرف الكنب:جربي عيدي هالكلام مره ثانيه صحيح ما بينا الا المصالح بس انا ما ارضى بالغلط ابد
بانه حست بحقد وكره لامها اكثر لانها قاعده تتهزا واللوم قاعد يجي عليها بسببها
صارت تهز رجلها بعصبيه وتحس أن العبره خانقتها وتبعى تطلع من المكان
رن جوال صقر اللي جلس ومسك الجوال ورد وهي لفت وطلعت وهي مولعه ومعصبه وتبغى تختلي بنفسها
صقر اللي فتح الخط:الو – هلا يوسف – الحمد لله – طالع الباب اللي طلعت منه بانه وبتفاجا:وش قلت - لا حول ولا قوة الا بالله ماشي – يعطيك العافيه – لاهنت يارب – في حفظ الله
صك الخط وعيونه على الباب ويهز راسها باسف ويزفر بضيق
&&&&
دخلو البيت وعلامات الحزن مرسومه على وجيهم
صافي وهو يصعد الدرج ومبين على وجهه التعب وبضيق:انا بصعد غرفتي ارتاح
لمياء بخوف:فيك شي
صافي :لا ما فيني شي بس راسي مصدع وبرتاح شوي
لمياء اللي صعدت الدرج ومسكته يده:يله بروح معك
صافي بابتسامه خفيفه:ربي ما يحرمني منك
صعدوا الدرج وباقي في الصاله لافي والاء ولولوه
لافي:والله شي ما يدخل العقل صدمه لنا وللكل
الاء بهمس:الله يكون بالعون
لولوه:دانه لو درت بتموت من الزعل
لافي:لا تقولون لها شي لا تخربين عليها وعلى نادر فرحتهم
لولوه:معاك حق
الاء تنهدت وسكتت
عند صافي في غرفته توه حاط راسه على المخده ويرن جواله
صافي وهو يجلس وياخذ الجوال :الو هلا يوسف – خير يا وليدي – وشو انا لله وانا اليه راجعون – ماشي يا وليدي - خلاص فمان الله
صك الخط وهو يترحم يكرر:انا لله وانا اليه راجعون
لمياء بخوف:وش فيك عسى ما شر
صافي وهو يطالعها:ام دانه وبانه
لمياء:وش فيها
صافي:عطتك عمرها
لمياء شهقت وحطت يدها على صدرها وبهمس:لا اله الا الله الله يرحمها كيف ماتت
صافي:مقتوله
لمياء وهي تحط يدها على فمها:مقتوله يارب سترك
صافي:والله مدري كيف بقول لها المسكينه
لمياء بحزن:يا عمري هالبنيه مالها حظ ابد
صافي وهو يهز راسه:الحمد لله على كل حال
سكتوا وحل الصمت وهم يفكرون كيف بيقولون لدانه
وقفت عند باب بيتها
قبل لا تنزل مسك يدها:يا غصون تعوذي من الشيطان
غصون بحقد:ما اخليها وهي اللي حاولت تحرمني منك وتهدم وتفرق بينا
سحبت يدها ونزلت ومعاذ يزفر بضيق وعدم رضى
رنت جرس والخدامه فتحت:نام
غصون بحقد:ماما غدير وين
الخدامه:داخل
دخلت غصون ولما وصلت الصاله وشافت غدير توها تنزل طالعتها بحقد وكره
غدير باستغراب:غصون
غصون بحقد:ايه غصون
غدير بابتسامه وهي تقرب تسلم:هلا وغلا
غصون دفتها بقوه:لا تقربين تقتلين القتيل وتمشين بجنازته
غدير باستغراب:وش هالكلام
غصون وصوتها يعلى:اقول اللي صاير انتي ما تستحين انا وش سويت لك علشان كل هذا ها ما ضريتك وكنت اعتبرك صديقتي واختي وفي الاخير تطعنيني بالظهر
الصوت العالي طلع سجيه وامجاد من غرفهم وصقر وبانه
غصون اللي ما اهتمت لاحد:وش هالكلام انتي ما تخافين ربك ها
بانه وهي تنزل الدرج وبهمس:غصون
غصون باستغراب:انتي وش تسوين هنا
بانه:انا زوجة اخوها
غدير طالعت بانه بحقد وغصون بانت على وجهها المفاجاه:زوجة اخوها
بانه:ايه وش صاير
غصون بعصبيه:اساليها
غدير بعصبيه:بس ولا كلمه
غصون:مو انتي اللي تسكتيني
صقر وهو ينزل الدرج:ممكن افهم وش صاير
غدير بخوف:ولاشي هذي وحده مجنونه
سجيه بهمس لامجاد:وش فيهم
امجاد وهي تهز اكتافها:علمي علمك بس اكيد مصيبه
غصون :انا مجنونه اذا انا مجنونه فانتي خرابة بيوت
صقر بعصبيه:لو سمحتي قولي وش اللي صاير وما له داعي الغلط
غصون بعصبيه:الغلط جاي منكم مو مني بنتكم غدير الماجد مرسله وحده على زوجي علشان اشك فيه واتطلق منه وهذا غير اللي تعرفهم وتروح لهم وتسهر وتهيت معاهم
صقر طالع غدير وعيونه طالعه
غدير وهي تاشر بيدها وبخوف:ما عليك منها صقر هي كذابه
صقر قرب وسحب شعرها وبصراخ:صدق هالكلام
غدير ببكاء:لا ككذابه انا والله...سكتت وهي ترجف
غصون:انا مو كذابه ولو كذابه اسال صديقتها بس من جد تربايه زباله
طلعت وتركت صقر اللي عطا غدير كف وطاحت في الارض وسحبها من شعرها وهو يوقفها ويعطيها كف ثاني وبصراخ:هذي اخر الثقه يا كلبه
غدير بين دموعها:اهئ اهئ مو صدق اللي قالته
صقر وهو يسحبها من شعرها:انا بربيك من جديد يا كلبه
سحبها على الدرج وهي تحيط ويسحبها وبانه حاطه يده على فمها وسجيه متخبيه وراء امجاد من منظر غدير اما امجاد فكانت متفرجه وتحس ان غدير تستاهل والابتسامه مرسومه على وجهها
صقر وهو يسحبها ويفتح باب غرفتها ويرميها على الارض وبعصبيه:راح تظلين في الغرفه ما تشوفين الدنيا ابد وكل شي بسحبه منك مو كفو ثقه ولا نعمه وانا اعلمك أن ما ربيتك من جديد
صك الباب بقوه وقفله ومشى ناحية امجاد وبعصبيه: ولا شي يدخل عليها غير الاكل والماء فاهمه
امجاد ببرود:فاهمه
مشى ونزل الدرج وطلع من البيت تارك وراه سجيه اللي تطالع امجاد بخوف وبانه اللي واقفه عند نهاية الدرج وامجاد اللي تبتسم بنذاله
&&&
في مكان بعيد كل البعد عن عائلة الزايد جالس في المزرعه لحاله
جاها الهندي اللي في المزرعه:بابا ابغى هاجه انا ابغى روح نوم
الجد وهو يزفر:لا
الهندي:جين بابا سلام
الجد هز راسه
طالع المكان بعد ما راح الهندي
شاف الغرفه البسيطه وبضيق:وين كنت ووين صرت يا خليفه الحلال ما عاد يفيدك تركوك كلهم ولا واحد منهم فكر يسال عليك هذا جزاة اللي يقسى على عياله ينفرون منه واول ما يطيح يبتعدون عنه
حس بالضيق ونزلت دمعه خانته وخانة هيبته وتعبر عن انكساره
سند راسه على يديه اللي متمسكه بالعصا وبضيق:الدنيا دواره طردت ولدي وجاي اليوم اللي انطرد فيه
تنهد وسكت وهو يفكر في الماضي اللي راح ولا فيه امل يرجع علشان يصلح الواحد اخطائه
في مكان ثاني جالسين وكل تركيزه على بنته وهي مو معبرها وهالشي احرجها خصوصا قدام اخته اللي ملاحظه هالشي
ام مبارك:اقول يا يامن
يامن:سمي يا ام مبارك
ام مبارك:اخذ هبه وراويها غرفتك وارتاحوا
يامن وهو ياشر لام مبارك:اخذيها انتي انا بقعد مع بنتي وفي طريقك جيبي معاك ولدي مشتاق له
هبه اللي تفشلت وطاح وجهها ما علقت وهي تحس انها رخيصه ومو مهمه وكانها قطعة اثاث
وطبعا ما فاتها ضحكة سوسن عليها
ام مبارك باحراج:ماشي
التفتت على هبه:يله
هبه وقفت وهي تتجاهل نظرات سوسن الساخره لها ونظرات يامن اللي لف وجهه يمكن سوالف مع بنته
صعدوا فوق وهبه انبهرت بالاثاث والمكان كان البيت يدل الذوق العالي لاصحاب البيت
وصلوا لغرفة يامن
ام مبارك وهي تفتح الباب:وهذي غرفة يامن وغرفتك الحين
دخلوا ولاحظت هبه جمال الغرفه والستارات المسدوله والاثاث الذوق
ام مبارك بحنيه:عسى عجبتك
هبه بابتسامه:حلوه
ام مبارك بتعاطف:تحمليه
هبه التفتت له وسكتت
ام مبارك تكمل:اللي مر فيه مو سهل
هبه باستغراب:قصدك زوجته
ام مبارك:ايه حسبي الله عليها بعد ما حبها خانته الله لا يوفقها فصار قاسي مع الكل باستثنائي انا وبنته وولده
هبه بحنيه:ليه خانته
ام مبارك بحقد:حسبي الله عليها ما قدرت النعمه وعينها فارغه
هبه سكتت وما عرفت وش ترد
ام مبارك:انا متاكده انك غير وبتغيرينه
هبه:ليه متاكده
ام مبارك بابتسامه:لاني حبيتك وارتحت لك
هبه بابتسامه:تسلمين
ام مبارك:انا الحين برجع لاهلي وبيتي وقلبي متطمن على يامن وعيال
هبه وهي تسلم عليها:تسلمين وبحفظ الله
طلعت ام مبارك وهي تاركه وراها هبه اللي تتفرج على الغرفه
في البيت الكبير
جالسه وبزعل:الله يرحمها وما عرفتو من اللي قتلها
يوسف وهو يجلس:الا عرفنا الخدامه تقول زوجها سعد
الجده:حسبي الله عليه وعسى يا وليدي بتجازونه
يوسف:اكيد بياخذ جزاه وبيقصونه
ام يوسف:اعوذ بالله ناس ما عنده قبل كيف تزهق روح
ام مقعد:يا عيني على هالدانه بتزعل ما ذاقت حنانها وهي صغيره ولا حتى وهي كبيره
الجده وهي توقف :ابغى اروح لبنيتي علشان لو قلتوا لها الخبر اكون موجوده
ام يوسف:ايه معاك حق خلينا نروح
ام سلطان:يله
قاموا وتوجهوا لبيت صافي اللي كان جالس في الصاله
في الدور العلوي من البيت
دق عليها غرفتها وهو مو عارف وش يقول لها
فتحت الباب وبهمس:نعم
نادر طالعها وما عرف وش يقول لف وجهه وبهمس:الكل موجودين تحت انزلي
مشى ولا حتى عطاها فرصه انها ترد عليه
دانه باستغراب:تحت توني جايه منهم غريبه انا ليه واقفه انزل واشوف
دخلت ولبست بشكل سريع ونزلت من الدرج
نزلت الدرج وهي تطالع الكل موجودين
الجده وام يوسف وام سلطان اللي في عيونها دموع والاء ولولوه واسير ومدى ورؤيه ورواء وروابي وصافي ولمياء ونادر كلهم وقفوا لما شافوها قدامهم
دانه وهي نازله شافت وجيهم وحست انه فيهم شي
لولوه:عظم الله اجرك
دانه اختفت ابتسامتها وبخف:وشو مين
الكل التفت على نادر
صافي بهمس:ما قلت لها
نادر وهو يزفر:لا
دانه وهي تقرب من جدتها وبخوف:مين مين اللي مات لا يكون اختي قولوا لي مين
الجده وهي تحظن دانه وتبكي
دانه وهي تبعد عن جدتها وبصوت خايف وبرجفه وقلب تسرع دقاته وبهمس:مين
صافي وهو يجلس:امك
دانه طالعته وطالعتهم وهزت راسها:لا لا مو امي لا اصلا انا ما بعد شفتها ما بعد حظنتني ومسحت على راسي
الجده قربت منها بس دانه بعدتها وهي تقول:لا انا بتصل عليها انا خذيت رقمها من جوال بانه بدون ما تدري وبتصل فيها وبتكلمني
لمياء وام يوسف وام سلطان صاروا يبكون على حال دانه
دانه وهي تصايح:لا انا ابغاها بقول لها اني ما زعلت منها ولا حقدت عليها بقولها اني دائما افكر فيها اني انتظر اليوم اللي تجي فيها وتاخذني بحظنها
الجده وهي تحظنها وتبكي
دانه وهي تبكي:اااه يا يمه لا تروحين مو قبل ما تقولين احبك والكل يعرف انك ما رميتيني اااااه اهئ اهئ اااه يا يمه مسامحتك والله مو زعلانه اااه اهئ اهئ
لولوه والبنات صاروا يبكون
لمياء وهيتبكي:لا اله الا الله
نادر حس انه مخنوق وتذكر موت حنان واخوها اللي كان اعز شخص على قلبه وطلع من المكان
تارك وراه دانه اللي ما امداها تتهنى بحياتها
رجع البيت وهو يلوم نفسه كيف نسى الموضوع
طلعت في وجهه امجاد
صقر:تعالي ابغاك في موضوع
امجاد باستغراب:وش صاير
صقر:ام بانه
امجاد وهي تميل فمها:وش فيها ذي بعد
صقر:عطتك عمرها
امجاد شهقت وعلامات المفاجاه انتشرت على وجهها:من جدك
صقربتنهيده:ايه
امجاد نزلت عيونها وبهمس:هي تدري
صقر:لا وابغاك تكونين موجوده علشان نقول لها
امجاد هزت راسها وصعدوا الدرج
امجاد لمحت سجيه واشرت لها:تعالي
سجيه وهي تقرب:خير
امجاد:ام بانه ماتت
سجيه وهي تشهق:رحمتك يارب لا حول ولا قوة الا بالله ما يبقى غير وجهه سبحانه
امجاد تنهدت :والنعم بالله
سجيه:بانه..
قاطعتها امجاد:لا ما عندها خبر والحين لازم نقولها
سجيه بحنيه:يا عمري يا بنبون
امجاد وهي تمسك يدها:تعالي معنا
سجيه وهي بتبكي:يله
دخلوا عليها المكتبه اللي كلها كتب وشافوها تقرا كتاب
بانه اللي شافت صقر وامجاد وسجيه اللي تبكي يطالعونها
صكت الكتاب ووقف وحاسه أن قلبها ناغزها وبهمس:وش فيكم
امجاد طالعت سجيه وسكتوا
صقر وهو يقرب وبهدوء:انتي عارفه أن الاعمار بيد الله
بانه بخوف من هالكلام:وش صاير يا صقر
صقر تنهد وسكت ما عرف وش يقول حس الموقف صعب وخايف من ردة فعلها
بانه وهي تمسك يده وبصوت مرتجف وخايف:قول يا صقر اختي فيها شي وش صاير
صقر:امك
بانه طالعت صقر بعيون تايهه:امي
صقر:عطتك عمرها
بانه وهي تطالعه وترجع تطالع امجاد وترجع تطالع صقر:كيف هي اليوم كانت عندي كيف هـ..هي كانت ....سكتت حست انها مو قادره تكمل
صقر وهو يرفع يده:يانه
بانه وهي تطالعه:انا طردتتها وقلت لها اطلعي من حياتنا بس ما ابغاها تموت وتروح عني
صقر وهو يمسك يدها:اذكري الله
بانه:ما ابغاها تروح مني يا صقر ما ابغاها تروح مني سمعتوا انا احبها والله احبها
صقر وهو ياخذها بحظنه وسكت
بانه وهي تتمسك فيه:اااه اهئ اهئ انا ما ابغاها تطلع من حياتي انا ما قصدت كنت مقهوره بس ما ابغاها تموت وما عاد اشوفها يممممممممه
سجيه صارت تبكي وامجاد لفت وجهها وهي تضغط على عيونها
بانه:اااه اهئ اهئ اااه يا يمه اااه
صقر وهو يشد عليها:اذكري ربك يا بانه كلنا بنموت
بانه وهي تخبي وجهها بصدر صقر:اااااااه اهئ يا يمه اه يا يمه
صقر وهو يعيد:قولي يا رب ارحمها ما يفيدها غير الرحمه
بانه حست انها مو قادره تنطق غير كلمه (يمه)
يا صعبه من احساس انك تفقد اعز ما عندك تفقد الحظن الحنون اللي يحتويك وتفقد الصوت اللي يرشدك
ربي ما يحرمني من قلبي وروحي (امي)
&&
نزلت من الدرج وتوها في نص الدرج ووقفت وهي تشوفه ماسك ولده ويلعبه وسون تتدلع عليه
سوسن اللي لمحت هبه:يبه
يامن:يا عيون ابوك
سوسن:من تحب اكثر انا ولا زوجتك
يامن:اكيد انتي ما في احد يحل محلك لاهي ولا غيرها
هبه وهي تتذكر ابوها اللي كان يضربهم ويتخبون في غرفهم تحت السرير
تذكرت لما كان سلطان يدافع عن امها وياكل الضرب بدالها ولما مقعد ينضرب بدالهم
حست روحها مخنوقه والدموع متجمعه في عيونها وحست انها تحسد سوسن واخوها على حنية يامن عليهم
لف وجهه ولمحها استغرب من الدموع المتحجره في عيونها
صعدت الدرج بسرعه وراحت لغرفتها واول ما دخلت جلست قدام التسريحه ورفعت جوالها
هو الوحيد اللي يحسسها أن عندها ابو وانها مو لحالها ولا ناقصه
شوي الا وصلها صوته:الو مقعد
مقعد:هلا وغلا
هبه بابتسامه وهي تمسح دموعها اللي نزلت غصب عنها:اخبارك
مقعد اللي حس أن في شي في صوتها:هبه فيك شي
هبه وهي تحس بمراره في حلقها:لا ابد ما يصير اكلمك
مقعد بخوف:هبه قولي وش فيك لا تكذبين
هبه وهي تبكي:تذكرت ابوي هو ليه كذا
مقعد باستغراب:وش ذكرك فيه ووشو اللي ليه
هبه:تذكرته لما شفت يامن مع عياله ليه ابونا ما كان ياخذنا بحظنه ليه كان يضربنا ليه حسسنا اننا غير عن الناس
مقعد بحنيه:هبوي الماضي خلاص راح المفروض ما تفكرين فيه فكري بالمستقبل وكيف تخلين عيالك ما يحسون باللي حسيتيه
هبه بسخريه:المستقبل
مقعد:ايه لازم الواحد ما يطالع اللي مو عنده بالعكس طالعي اللي تملكينه ولا يملكه غيرك علشان تعرفين النعمه اللي عندك
هبه بابتسمه:معاك حق كنت عارفه اني ما راح ارتاح الا لما اكلمك
مقعد براحه:دوم الراحه يارب
هبه:اخبار الكل
مقعد:والله الحال ما يبشر
هبه بخوف:ليه وش صاير
مقعد:ام دانه توفت
هب بشهقه:انا لله وانا اليه راجعون طيب ودانه عرفت
مقعد:عرفت وحالها ما يسر
هبه:يا عمري يا دندون انا باقرب وقت بجي
مقعد:ماشي
هبه:يله اخليك الحين
مقعد:فمان الله
هبه:فمان الله
صكرت جوالها وسرحت في دانه ومن قلب زعلت علشانها
وراء الباب كان واقف ويسمع لك كلمه والحين فهم سبب محبتهم القويه لمقعد وحب مقعد لهم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك