رواية هدمت حياتي بيديك وجاي تقول ندمت -42
رائد:تحبني كنت احسبها تحبني وانا خلاص هديل من واحنا بالمول طلعتها من قلبي
في:كذاب
رائد:في انا قلت لك لانك اختي وتفهميني
في قامت وحدها معصبه وطلعت
راحت غرفتها اتصلت بهديل وماردت وهالشي زاد من غضبها
::
::
::
::
::
ببيت ابو ضاري
نوره تسحب ايد لين:كنسي زين فاهمه
لين:فاهمه
ليان دخلت وبصراخ:انتي هيه شعندك مامدانا جينا من المول الا سحبتي لين تكنس اختي مو خدامه عندك
نوره:اقول صوتك لايعلي وانقلعي غسلي الصحون بالمطبخ
ليان:نعم نعم صدق وقحه
بدخلت ابو ضاري وبصراخ:لياااااااااااااااااان
ليان بخوف:يبه
ابو ضاري ضربها كف:انا كم مره حذرتك عن طوله لسانك ع نوره
ليان ببكاء:عاجبك يابابا انها مخليتنا خدم عندها عاجبك واحنا عندنا خدمتين
ابو ضاري:جب واي شي نوره تقوله تسوينه وانتي ساكته
مرام دخلت ومسكت ايدين خواتها وناظرت ابوها:بس تتزوج لين مابتلقانا انا وليان هنا وخل نوره تنفعك
ومشت هي وخواتها ترددت هالكلمه بمسمع ابو ضاري تنفعك تنفعك وبصراخ:مراااااااااااااااااام
نوره مسكت ايده:شفيك حبيبي اجلس ولاتزعل نفسك
ابو ضاري ع طول ابتسم لها ونسي انه معصب وحضنها:الله يخليك لي
نوره:ويخليك لي
::
::
::
بغرفه البنات
ليان جلسه تبكي
مرام:بس لاتبكين قريب بنرتاح من هالبيت
ليان:بابا صار بس يضربني عشان نوره
مرام:معليش حبيبتي تحملي شوي
لين:ليون كافي بكاء
انفتح الباب
ورفعت راسها ليان وابتسمت ودموعها تنزل:حمود
محمد قرب لليان وجلس يمسح دموعها:خلاص لاتبكين
ليان حضنته:طيب ماراح ابكي
محمد:انا ماحب ماما
ليان:لا حبيبي عيب هذي ماما
محمد مسح دموعها:تعالي نلعب
ليان:طيب
وطلعت معاه
لين ناظرت بمرام:شفتي كيف ضحكت من شافته
مرام:ايه ياحبي لمحمد
لين ابتسمت وردت مرام لها الابتسامه
::
::
::
::
ببيت ابو عبدالمجيد
هديل راحت لغرفه عادل واخذت فرح منه وجلست ترضعها
عادل شافها متضايقه:هديل شفيك
هديل:مافيني شي
عادل:حبيبتي هديل واضح عليك فضفضي قولي لي شفيك
هديل نزلت دموعها:قلت لك مافيني شي
عادل ماحب يضغط عليها خصوصا من شافها تبكي:طيب حبيبتي خلاص لاتبكين
هديل جلست ترضع فروحه ودموعها ماوقفت
::
::
::
::
بااااااااااالمستشفي
عبدالمجيد جالس عند منال
ماسك ايدها ويناظرها
حس بحركتها
ناظرها شافها ترمش تفتح عيونها
عبدالمجيد:روحي
منال بصوت مبحوح:ماي
عبدالمجيد:هاه
منال:ماي
عبدالمجيد قام:طيب
جاب لها ماي وشربها
وجلس
منال:تزوج مرام ياعبدالمجيد وخلها تربي بنتنا
عبدالمجيد بخوف:منال قلبي وش هالكلام بنتنا احنا بنربيها
منال:انا بموت ياعبدالمجيد
عبدالمجيد دموعه نزلت:لا ماراح تموتين وخلاص لاتكلمين انا بروح انادي الدكتور
منال شدت ع ايده:انا راح اموت خل مرام تربي بنتنا
وقفت عن الحركه
عبدالمجيد بصراخ:مناااااااااااااااااااااال
وانتهى البارات
توقعاتكم
ليان وقسوه ابوها عليها هي خصوصا؟
مرام وقولتها لابوها انهم عقب زواج لين بيتركون البيت هل فعلا بيطلعون؟وين ممكن يروحون؟
عادل واماني ؟
هديل وكلامها لرائد انها خاين وانه مايعرف الحب ياترى ايش السبب؟
رائد بينسى هديل؟
ياترى بيتزوج نفس ماقال لفي؟
ابو ضاري اللي يشوف نوره تخدم بناته وساكت ياترى ليه ساكت؟
تركي وبشاير وتجاوب بشاير مع تركي؟
ضاري وطلعته من البيت ولو خواته طلعو وش بيسوي؟
منال ايش صار لها هل خلاص ماتت؟
عبدالمجيد ايش بيسوي لماتت منال بينفذ وصيتها ويخلي مرام تربي بنتهم؟
انتظرونا الاربعاء
البارت الثاني والعشرون
::
::
::
::
::
بااااااااااالمستشفي
عبدالمجيد جالس عند منال
ماسك ايدها ويناظرها
حس بحركتها
ناظرها شافها ترمش تفتح عيونها
عبدالمجيد:روحي
منال بصوت مبحوح:ماي
عبدالمجيد:هاه
منال:ماي
عبدالمجيد قام:طيب
جاب لها ماي وشربها
وجلس
منال:تزوج مرام ياعبدالمجيد وخلها تربي بنتنا
عبدالمجيد بخوف:منال قلبي وش هالكلام بنتنا احنا بنربيها
منال:انا بموت ياعبدالمجيد
عبدالمجيد دموعه نزلت:لا ماراح تموتين وخلاص لاتكلمين انا بروح انادي الدكتور
منال شدت ع ايده:انا راح اموت خل مرام تربي بنتنا
وقفت عن الحركه
عبدالمجيد بصراخ:مناااااااااااااااااااااال
وفز من نومه
شاف منال نفس ماهي بغيبوبه ولاصحت ولاتحركت وانه كان يحلم
حمد ربه انه حلم مو حقيقه
قام وانحنى ع منال وطبع بوسه طويله ع راسها بوسه تعبر عن شوقه عن احاسيس اختلجت قلبه تجاه منال
وطلع
ركب سيارته وحرك رجع البيت
شاف هديل جالسه وفرح بحضنها نايمه
جلس جنبها وشال بنته وباسها
هديل:اخبارها
عبدالمجيد بحزن:نفس ماهي
هديل حطت ايدها ع كتفه:انت تحبها
عبدالمجيد:مادري بس احس اني اشتقت لها منال قالت لي اخر مره شفتها فيه انها تحبني تحبني وانا عذبتها اهنتها دست بكرامتها
هديل:وانا ظلمتها
عبدالمجيد تنهد بضيق وحضن بنته
هديل تركته وطلعت لغرفتها انسدحت
وتفكر برائد"الخاين كان يلعب فيني انا عنده مثلي مثل غيري انا بنت عمه لحمه ودمه يسوي فيني كذا"
اخذت جوالها شافت مكالمتين من في
اتصلت عليها
::
::
عند في جالسه تفكر بكلام رائد
قطع تفكيرها صوت جوالها
شافت هديل تتصل ردت
في:هلا هديل
هديل:هلا في شعندك متصله
في:هاه لا بس اشتقت لك
هديل:غيره
في:هدول قلبو شفيك
هديل:مافيني شي
في:اكيد
هديل:اكيد
في:طيب شصار بينك انتي ورائد بالمول
هديل:شصار ماصار شي
في:كان باين عليكم ان فيكم شي
هديل بنرفزه:شي مثل ايش يعني
في:شفيك تنرفزتي انا سالت ماقلت شي
هديل حست بنفسها:معليش في انا متوتره شوي
في:من ايش طيب
هديل:بعدين بقولك
في:اوكي باي
هديل:باي
في انسدحت وتفكر"ايش فيها ماتبي تقول لي عن اللي بينها هي ورائد بس انا مابوضح لها اني اعرف لين هي تقول بنفسها"
::
::
::
امااااااا هديل
فا انسدحت وجلست تشوف بجوالها الاشياء اللي حطمت قلبها كسرته لها
بتردد اتصلت ع الرقم
جاها صوت كله غنج:الو
هديل:الو
:.........هلا هديل
هديل خافت"هذي تعرفني":انتي مين
:...........انا اسيل
هديل:اسيل مين بعدين انتي شعرفك برائد
اسيل:رائد زوجي وانتي جايه بتخربين بيتنا
هديل انصدمت"زوجها اكيد انها تكذب":انتي كذابه ورائد مو زوجك وهو يحبني انا
اسيل:حقيره وخربت بيوت انا ارسلت لك صور لي وله وانتي ماتفهمين اطلعي من حياتنا يابنت الناس
هديل قفلت وانفجرت بالبكاء"كان يقص علي رائد كان يقص علي" وصوت بكاها يعلي
::
عادل كان طلع من غرفته وسمع صوت بكاء
راح غرفه هديل وفتح الباب:هديل
هديل قامت وركضت لحضن اخوها وتبكي
عادل:شفيك ياقلبي
هديل ببكاء وكلام مو مفهوم:الجذب قص علي متزوج ويقول يحبني طيب ليش انا بنت عمه ليش عادل ليش
عادل مو فاهم شي:مين هذا هديل شفيك اهدي
هديل ظلت تبكي فتره بعدها هدت وجلست ع سريرها وعادل جلس جنبها
عادل:هديل فهميني شصاير
هديل انسدحت وردت دموعها تنزل:ابي انام
عادل مسح ع شعرها:طيب حبيبتي نامي
هديل نامت ودموعها ماجفت
عادل يحاول يفهم شي من اللي قالته هديل بس مافهم شي
::
::
::
::
::
بعد مرور اسبوعين
منال لاتزال بغيبوبه
تركي وبشاير اوضاعهم تحسنت نوعا ما
ليان صارت تحشي نوره
عشان لاتخسر ابوها والسبب نوره
ضاري نفس ماهو يطمن ع خواته من بعيد لبعيد
رائد من اسبوعين ونفسيته زفت
بسبب اللي صار له مع هديل
هديل مو احسن منها منهاره ومنصدمه من اللي عرفته عن رائد
::
::
::
::
::
اليووووووم
سيتوجان اثنان من ابطالي
لين ومتعب
الجميع محتاسين
هديل نحفت بهالاسبوعين ولابسه فستان تركواز وسيع عليها لانها نحفانه وشعرها مسويته كيرلي
في لابسه فستان موفي
وشعرها مسيحته
ليان لابسه فستان اورنج
وشعرها ملفلفته كله
مرام لابسه فستان احمر
وشعرها تاركته ع طبيعته
وطالعه فاتنه
اماني لابسه فستان حوامل ابيض وشعرها رافعته وطالعه تجنن
::
::
نروح لعروستنا لين
جالسه بفستانها الابيض الناعم
والضيق ع جسمها الرشيق
وقفه قدام المرايا وتناظر نفسها باعجاب
انفتح الباب
التفت شافتهم الشله التي لاتقهر
ليان:فديت اختي طالعه تجننين
في:بينجن اخوي عليك
لين بحياء:تسلمون
هديل قربت وباست لين:مبروك حبيبتي
لين ناظرت بشكل هديل التعبان وجسمها النحفان:يبارك فيك هديل شفيك
هديل ببتسامه مصطنعه:سلامتك مافيني شي
في:هديل انتي حتى علي متغيره
هديل:اوك بنات انا بروح اشوف بيشو جت او لا وطلعت
في ناظرت بليان ولين بقهر:شفتو
ليان:اي والله مادري شفيها
دخلت مرام:ليون زفتك الحين طالعه تجنين
لين حست برجفه ودقات قلبها تزيد
دخلت ام متعب وباست لين وقرت عليها
وانزفت لين
وكانت ليان مضبطه زفت اختها
وطلعت هي وفي عشان يضبطون الزفه وكيف تدخل لين
طفو اضواء القاعه
وجابو اربع بنات لابسات مثل الحوريات فستاينهم بيضاء وشعورهم طويله من المكان اللي بتنزل منه لين كان جالسات مثل الحوريات وماسكين ايدين بعض
واشتغلت موسيقي بحريه
والبنات يمشون وهم ماسكين ايدين بعض ويحركونها مثل الارجوحه وصلو الكوشه وجلسو ع كرسي عروستنا
وجت حوريه خامسه بيدها صدفه كبيره
وانفتحت البوابه ودخلت لين وبيدها نجمه
وشغلو شعر اختارته مرام لاختها
حياك ربي ياضيا الحفل حياك
يا(لين) منتي مثل باقي الحور
قلوبنا ترقص ع دقه اخطاك
والملح كله والحلا فيك منثور
لك بسمه لامن بدت م شفاياك
يجبر بها الخاطر ليا صار مكسور
ولك ضحكه لاوخرت عن ثناياك
تسحر غلا قلبن من العام مسحور
ولك نظره لاصوتت للغلا جاك
لو دونك جبال ومسافات وبحور
اللي مدح لو قال ماقال مااوفاك
واللي تكلم فيك مسكين مقهور
وللحاسد اللي بالغرور يتبلاك
قولي طبيعي كل مزيون مغرور
مالوم شعر ماكمل في مزاياك
وبيت تعذر عن وصايفك معذور
و(متعب) اللي ينتظر يوم لقياك
دقايقه ساعات وايامه شهور
يفرح بشوفك يالغلا ويتحراك
فرحه ربيع باخر الوسم ممطور
له قلب مايدري وش الحب لولاك
وله عين يغنيهاوجودك عن النور
يفداك ياسيد المزايين يفداك
قلب تعلق فيك ما رد له شور
وجدالضرير اللي يبي شوفه النور
عسا(متعب)يقضي العمر وياك
يا(لين)في بيت بالحب مغمور
وصلت لين عند البنت اللي بيدها الصدفه وباستها واخذت المسكه حقتها اللي بداخل الصدفه وحطت النجمه
وكملت مشي والحوريات الاربعه
اللي كانو جالسات ع كوشتها
قامو وحده ورى الثانيه وكل وحده تبوسها وتروح
وظلت لين لحالها ع الكوشه
والمصوره تصورها
والجميع جو عندها وباسوها وباركو لها
دقائق ودخل متعب
وزادت دقات قلب لين ورعشتها
قرب متعب لين ومسك ايدها وباسها:مبروك ياملكه قلبي
لين:..............
متعب ابتسم ع شكلها الخجول اللي يزيد من ضربات قلبه
البنات والجميع قربو وباركو لهم والجده معاهم
شوي وتغطو الحضور ولين
ودخل ابو ضاري وضاري<اللي حضر زواج اختو
ورائد وابو متعب والجد
وباركو لهم
وضاري وابو ضاري وصى متعب ع لين
رائد كان يدور هديل بعيونه وشافها من طلعت ولحقها
في شافته من لاحقها وقالت يارب يتصالحون
رائد طلع وشافها تبكي عوره قلبه عليها قرب وحط ايده ع كتفها:هديل
هديل لفت بسرعه وابعدت:رائد
رائد:يا عذابه ليه ياهديل ليه سويتي كذا كسرتي قلبي وقلبك
هديل صارت تبكي:انا والا انت اللي كسرت قلبي ليه تسوي فيني كذا وانا بنت عمك ليه تخدع اهلك وتتزوج من وراهم
رائد منصدم:اتزوج من وراهم هديل انتي شجالسه تقولين
هديل بصراخ:تبي تكذب تبي تكذب عمري ماتوقعتك بهالحقاره بس طلعت حقير يا رائد حقير و
طرااااااااااااااااااااااااخ
حطت ايدها ع خدها وناظرته ومنصدمه:تضربني يارائد
رائد:حسافه وربي اني حبيتك
ومشي
هديل جلست بالارض وتبكي
طلعت بشاير وشافت هديل جالسه وتبكي
قربت لها وبخوف:هديل ليه تبكين
هديل مسحت دموعها وقامت:مافي شي بس راسي يعورني
بشاير بعدم تصديق:اكيد
هديل:ايه امشي ندخل
ودخلو
وانزفو متعب ولين
وليان ولين سوو مناحه وصياح
وطلعت لين وركبت مع متعب وبس تبكي
مسك ايدها متعب وشد عليها يهديها
وصلو الفندق ودخلو وراحو جناحهم ولين مازالت تبكي
متعب جلسها جنبه:لين بسك بكاء
لين بطفوله:الحين مين بينام مع ليان
متعب جلس يضحك:مرام بتنام معاها
لين سكتت ونزلت راسها
متعب حس قلبه يدق بقوه قرب لها اكثر ورفع راسها بيده وبهمس:ليونتي
لين ناظرت بعيونه وشافت الحب والشوق بعيونه
وزادت رجفتها
قرب متعب وباس شفايفها
لين مثل المخدره
حضنها متعب:احبك
لين بهمس:وانا احبك
متعب بتنهيده:آآآآه يالين ماتخيلين شكثر كنت اعد الايام والدقايق والثواني اللي اشوفك فيها عندي وملكي
لين دقات قلبها اللي تزيد ويحس فيها متعب كانت جوابها
ابعد متعب عن لين وصار يناظرها بفستانها الابيض بتفحص وبفتحت الصدر الصغيره نوعا ما
لين تحس نظراته تحرقها قامت ومسك ايدها متعب:وين
لين بخجل:ببدل
ضحك متعب وتركها
راحت لين الغرفه وحطت ايدها ع قلبها
وابتسمت
وراحت التواليت
::
::
::
::
::
بالقااااااااااعه
هديل وفي ومرام واماني يحاولون يهدون ليان
في:اوف منك ليان يكفي بكاء
ليان وهي تبكي:لانك مو متعوده عليها نفسي لين كل دنيتي ماتخيل اصحى ومالقيها
في:خلاص ولايهمك بكلم ضاري ونتزوج عقب يومين
واصير عندك
ليان ضحكت من بين دموعها:انطمي يالخبله
في صفقتها ع راسها:الخبله انتي
الكل:ههههههههههههههههههههه
في ناظرت بهديل اللي تشوفها كل شوي تنزل دموعها وتمسحهم ماتبي احد ينتبه لها
ومتضايقه عشانها
مرام:هدول اتصل بعبدالمجيد خل يجيب فروحه
ابتسمت هديل:ان شالله
واتصلت بعبدالمجيد وجابها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك