رواية توأمي لكن انا غير ومالي مثيل وراسي عنيده -42
في مكان كل البعد عن هالمكان
طلع من الحمام ينشف جسمه وشعره ومشى لحد ما وصل لنص الغرفه وهو يشوف ما فيها احد وباب الغرفه مفتوح وسمع صوت برا الغرفه مشى لبرا الغرفه ومعاه الفوطه ينشف شعره
طلع للصاله وسمع الصوت من المطبخ
انرسمت ابتسامة نصر ومشى لحد ما وصل لباب الطبخ وتسند عليه وهو يشوفها بالبجامه وهي تحط الاكل اللي ريحته تفتح النفس في الصحون
وقف يتأملها وهو يشوف البجامه الورديه اللي نص كم واللي مع انها وسيعه بس ما تخفي حلاوتها وجمالها وبهمس مكتوم:لا بسه وسيع وكأنها عارفه اللي بصير لها
بعد ما حطت الاكل في الصحون رفعت يدها لخدها وهي تتحسس مكان الكف وبقهر وهي بتبكي:ما عمر احد عطاني كف وينك يا مقعد
فلتت منها شهقه ومسحت دموعها بكفها والتفتت بتطلع بس تجمدت لما لقته واقف عند باب المطبخ ويتأملها
هبه وهي تلف وجهها وانعقد لسانها وما قدرت تقول شي
يامن قرب وهو يحط الفوطه على كتفه وهبه لما لمحته قرب بعدت بس يد يامن كانت اسرع قبل لا تتحرك وجرها له وهمس وهي تطالعه:لما اكلمك تنزلين عيونك فاهمه
هبه وهي تطالعه هزت راسها لما حست أن لسانها ما يساعدها وصوتها ما طلع من الخوف
يامن ظل يطالع عيونها اللي نزلتهم بسرعه
يامن وهو يطالع وجهها:طالعيني
هبه بخوف رفعت عيونها بتردد وهي تطالعه
يامن وهو يطالع عيونها السود والباقي من الكحل في عيونها رفع يده لخدها ومسح عليه وحس برجفتها وهي تطالعه بخوف
مسح بإبهامه على خدها وهو يطالع عيونها وحس كأنه مسحور
قرب منها وحط جبهته على جبهتها وقبل لا يقرب اكثر غمضت عيونها وهي كارهته وهمست بسرعه:انت قلت لو صرت خدامه ما تقرب
طالعها وكأنه رجع لواقعه ودفها بعيد والعصبيه مرسومه على وجهه وبسخريه:مفكره إني بهتم اطلع وحده مثلك اعتبرها خدامه
هبه طالعته بكره وقرف وهو انقهر وبعصبيه:نزلي عيونك احسن لك
هبه نزلت عيونه وهو مشى للطاوله وجلس وتوها بتطلع وصلها صوته:انا قلت اطلعي
هبه وهي تغمض عيونها اللي تجمعت فيه الدموع وبهمس:لا
يامن وهو يأشر على الكرسي جنبه:انطقي لحد ما اخلص أكل وبعدها افكر إذن لك تنقلعين ولا لا
هبه ضغطت على يدها وخذت نفس وهي تحس انها راح تموت من شدة الاهانات اللي يوجها لها ومشت وجلست جنبه وهي منزله عيونه وهو بدا ياكل وهو يحاول ما يطالعها ولا يهتم وفي نفسه :حلوين من برا ومن داخل زباله
عند القاعه وبالتحديد الباب المجلس الخارجي
حظنتها وهي تضحك:مبروك يا قلبي واخيرا صرتي منا
بانه اللي متفاجاه من شدة فرحه امجاد:هههه طيب خنقتيني
امجاد وهي تبعد:معيلش انفعلت
بانه:ههههه
امجاد:يله خلينا نرجع للقاعه
بانه:طيب
رجعوا للقاعه وبالتحديد لسجيه اللي لقوها تنتظرهم عند باب القاعه الداخليه وهي بتموت من الفضول
الكل جالس ويسولف وهم سارح بأفكاره
:خلاص تعبت من هالحال بكره بخلص الموضوع ما هيب حاله انا بمكان وهي بمكان تعبت من الشوق ومن الهجر
تنهد وهو يتذكر انه مر على الرسبشن وبمساعدة يوسف قدر يجيب عنوانها وبهمس:بكره بروح وغصون وبيبين كل شي
رفع نظره للسقف وبهمس:يارب سهل يارب
&&
في غرفتها
جالسه عند طرف السرير بفستان عرسها والكحل سايل على وجهها وماسكه الجوال وتتصل وبهمس:ردي بنبون ردي الله يخليك يا اختي لا تخليني جالسه لحالي
نزلت الجوال وظمت رجولها والكحل وسخ فستانها وصوت شهقاتها تعلى وبنحيب:يبااااه وينك يا يبه اااه اهئ اهئ ااااااااه يبه ليتك هنا ليتك تأخذني بحظنك مثل ما كنت تسوي وانا صغيره اشتقت لك اهئ اهئ اااه يا يبه اااه
رفعت راسها ومسكت جوالها ورجعت تتصل وبهمس:ردي بانه لا تخليني بروحي ردي
عند البنات وصلهم الخبر
رؤيه بتفاجا:ول عليهم وش هالحظ اللي عليهم مو احنا طايحين بكبود بعض
لولوه:ههههههههه تكلمي عن نفسك ههههههههه
رؤيه:وش هالحظ عليهم ثنتين بيوم واحد شكلي بقلب اسمي على خالي عبدالعزيز رحمة الله عليه كود اتزوج
رواء:وش عليه مستعجله
روابي:قطيعه تقطعها فاسخه الحياء هههههههههه
البنات:هههههههه
جالسه معاهم وتسمع وبعد ما عرفت أن بانه انكتب كتابها انرسمت الابتسامه والفرحه على وجهها وبهمس:الحمد لله افتكيت منها
الاء:يله بنات انا بروح البيت يله لولوه
لولوه وهي توقف:طيب بس بلبس عبايتي
الاء:انا بسبقك
مشت لحد الباب ووقفها صوت امها:الاء
الاء:سمي يمه
لمياء:يا بنيتي ترى يوسف هو اللي بيوصلنا
الاء باستغراب:ليه وين لافي ومعاذ وابوي
لمياء:ابوك ومعاذ عند الرجال وشكلهم بيطولون ولافي بيوصل عروسته
الاء بضحكه:وش هالحركات والله اخاف البنت تنجلط
لمياء:ههههه انتي بس اسكتي ولا راح يصير شي للبنت
الاء بضحك:اوكي
لمياء:يله يا بنتي
الاء:يله
مشوا لحد السياره بعد ما تغطوا وركبت الاء
لمياء وهي تفت باب السياره وتلاحظ أن قدام مافي احد وباستغراب:يو يا هجل امك ما بعد طلعت
يوسف:لا والله يا خاله ما بعد
لمياء:خلاص بروح اناديها وخواتك بيروحون معانا
يوسف:لا خواتي بيرجعون مع جدتي
لمياء:طيب
راحت وخلت الباب حق السياره مفتوح
الاء وهي تطالع يوسف من المرايه وبتردد وبهمس:مشكور
يوسف بابتسامه:على ايش
الاء براحه:لولا الله ثم انت ولا كان راحت فيها
يوسف:الحمد لله وبعدين انتي بريئه عمر الحق ما يجي له وقت الا يظهر
الاء:الحمد له بس بعد مشكور
يوسف بابتسامه:العفو
سكت لحظات بعد :انت تبغين تعرفين من المجرم ولا ما تبغين تعرفين
الاء بارتباك:ها الا اكيد
يوسف وهو يطالع عيونها اللي مبين عليها الارتباك:انت تعرفين من
الاء نزلت عيونها وسكتت
يوسف بشك:كنتي تعرفينها صح
الاء بهمس:كنت شاكه فيها
يوسف:وليه ما قلتي لي
الاء:ما اقدر اخونها
يوسف بعصبيه:ما تقدرين تخونينها وهي خانتك ولفقت لك التهمه
الاء بهدوء:يمكن هي خانتني بس ابوي رباني على اني اسوي بأصلي مهما كان الشخص اللي قدامي لو كل شخص عامل اللي قدامه بنفس طبعه كان الدنيا انتهت
يوسف زفرت بضيق وبهمس:صدق ترفعين الضغط
الاء ضحكت بخفه
يوسف بعصبيه:وش عليه تضحكين
الاء شافت شكله في المرايه معصب وما قدرت تمسك ضحكتها:هههههههههه
يوسف توه بيتكلم بس سكت لما شاف خالته لمياء مقربه وبتركب وسكتت الاء وهي كاتمه ضحكتها
شافت عيونها في المرايه والدموع المتجمعه فيها من الضحك ابتسم بخفه وكبرت بعينه الاء اكثر واكثر وفعلا كل مره تفاجاه بشغله تبهره فيها اكثر
&
واقفات عند الباب ويطالعون بعض
سجيه:افف لو رايحين مع صقور مو ابرك
امجاد وهي تطالعها من طرف عينها:صقور في عينك هو يصير لك ياللحجيه علشان تقطين الميانه
سجيه:هههه يا شيخه روقي
امجاد ابتسمت وسكتت
سجيه:افف وش هالسواق الغبي
امجاد:كل ما قلت بطرده ما اطرده بس هالمره ما راح اطرده الا راح ادفنه
سجيه:هههههههههه
لمحوا ام مقعد تطالعهم وتتجه لهم
سجيه بهمس ضاحك:جات
امجاد بعصبيه مكتومه:انكتمي
جات لهم ام مقعد:هوو يا بناتي ما رحتوا لحد الحين
امجاد:والله يا خاله لحد الحين السواق ما جاء
ام مقعد بحنيه:خلاص بوصلكم
امجاد بسرعه:لا لا ما له داعي
سجيه بنذاله:الا يا خاله تسوين خير والله تعبانين
ام مقعد:خلاص البسوا واطلعوا معاي
امجاد طالعت سجيه واشرت لها انها بتذبحها وتهددها وتتوعدها انها بتوريها
لبسوا عباياتهم وتلثموا وطلعوا مع ام مقعد وتوجهوا لسيارة مقعد وركبوا
مقعد اللي استغرب من اللي ركبوا وراء بس لما لمح عيونها المرايه ما صدق وابتسم
سجيه بنذاله وهي تراقب مقعد همست لامجاد:اموت على النظرات هههه
امجاد بحقد:موتي وريحين يا شيخه
سجيه بشهقه خفيفه:فال الله ولا فالك في عدويني أن شاء الله
امجاد عطتها نظره ولفت وجهها
مقعد:ها يالغاليه وشلون العرس
ام مقعد:والله انبسطنا والله يوفق المعاريس ويوفق بنيتي
مقعد من قلب:امين
ام مقعد:عقبالك يا وليدي
مقعد وهو يطالع المرايه:امين
ام مقعد ابتسمت وسكتت
عندها حاسه أن الجو حار وتحس بمشاعر اول مره تحس بها ولا تعرف حتى اسم لها المشاعر حست بالنغزه في خصرها ولفت على سجيه اللي تهمس لها:عقبالك ههههه
امجاد بقهر:والله لو ما انكتمتي لاذبحك
سجيه وهي تكتم ضحكتها:ههههههههه
شغل مقعد الرادبو
والله احبك احبك احبك
ويشهد الله علي
لما أشوفك ابتسم
صدقني ما هو بدي
لا حسد يقدر يبعدنا
انا وانت لو شوي
يالله احفظ حبي لك
يالله ربي يا قوي
ما في غيره سكن روحي
حبيبي وانا احبه
لو قالو تمنى
اتمنى عمري قربه
يعشقني يعشقني يعشقني
من قلبه وقال
انا ادري يحبني
بس شوي أتغلى عليه
وغلاتك وغلاتك وغلاتك
يا عمري تعال
لو يطلب عمري كله
والله عمري بين ايديه
تلقائيا بدون ما تحس رفعت عيونها للمرايه وشافته يطالعها ويبتسم بطيبه وهي لفت وجهها وتحاول تفكر بأشياء ثانيه
كانت كل هالحركات تصير قدام عيونها وبهمس:فهمت عليك وش تقصدين الحين يا بانه
ويارب يتحقق اللي قلتيه يارب
&&&&
بعد ما وصل زوجته الفندق وتطمن على أن كل شي تمام توجه لبيت جده
دخل وبعد لحظات علا صوت الصراخ بينهم
الجد:انت وش قصدك بالحركه يوم تصد بوجهك ها فشلتني وطيحت هيبتي عن الرجاجيل
حصين ببرود:الرجاجيل ما يدرون عن شي والكلام كان بيني وبينك
الجد:نفس الشي
حصين:لا مو نفس الشي
الجد:يا حيف وين المروه وين الرجوله ولا الغربه وبلاد الكفر خلتك مثلهم
حصين اللي انصدم من كلام جده رد بعصبيه:انا رجال من ظهر رجال يا يبه ما احد يقول لي غير هالكلام
الجد بصدمه:ترفع صوتك في وجهي
حصين وهو يعطيه ظهره:السموحه بس ما اسمح لاحد يشكك برجولتي ابد
الجد:الا اشكك ونص لو انا مكانك ما اخلي الغريب ياخذ بنت عمي وانا موجود بس وش اقول يا حسره وش اقول
حصين:بنت عمي الله يسهل لها وانا ما اقدر اتزوج وانا اصلا متزوج واموت في زوجتي
الجده بصدمه:وش قلت
&&&
الاغلبيه طلعوا من القاعه وكانت هي من الناس الاخيرين
طبع اخيرا رضت تروح معاه بعد الفلم الهندي اللي سوته لامها
طلعت وهو نزل وفتح لها الباب:تفضلي
حست بإحراج وبهمس:مشكور
ركبت وصكر الباب وركب من جهة السواق وبدا يسوق
صمت ساد في المكان وهي منزله عيونها
حب يقطع الصمت:شلون كان العرس استانستي يا اسير
اسير بهمس:ايه كثير
لافي بابتسامه:عساه دوم
اصير بابتسامه:تسلم
ساد الصمت مره ثانيه
فجاه وقف السياره وهي التفتت وباستغراب وخوف:وشفيك وقفت
لافي وهو يمد يده ويفتح الدرج واسير رجعت على وراء بخوف
لافي بضيق:بسك عاد ترى انا مو مأكلك
اسير بإحراج:اسفه ما اقصد
لافي طلعت كيسه وحطها بين يديها وصكر الدرج:هذي لك
اسير :بس..
قاطعها لافي:لا تفكرين ترفضينهم
سكتت وهي تمسك الكيس اللي بين يديها وحرك لافي السياره لحد ما وصل عند باب البيت وقف وهي فتحت الباب وقبل لا تنزل همست:اسفه
لافي طالعها وشافها متوتره وابتسم:تبغين ما ازعل
رفعت عيونها وهزت راسها بأيه
لافي:اتصل وتردين
اسير بلعت ريقها وسكتت وهي منحرجه
لافي بحزم:خلاص هونا
اسير بسرعه:لا لا خلاص برد
لافي ابتسم:خلاص اذا كذا انا رضيت
ابتسمت بخجل ونزلت بسرعه وظلت عيونه تتابعها لحد ما دخلت بيت الجد وبعدها حرك لافي السياره وهو يبتسم بسعاده
&&
لهنا أوقف واترك لكم حرية التعليق
ادري البارت مو طويل وتمنيت لو اطوله بس والله اليوم عندي عرس وعلشان كذا على السريع كتبته واتمنى يعجبكم يارب والبارت الجاي راح يكون اطول أن شاء الله
ودي وحبي لكم
قلب امي وروحها
قبل ما انزل البارت هذا لضي الدار واتمنى لها التوفيق من كل قلبي
والحين البارت بسم الله
&&&&
توأم لكن انا غير ومالي مثيل وراسي عنيده
&
البارت الخامس والعشرون
أتمنى ينال إعجابكم وقراءه ممتعه
فتح الباب وبعد علشان تدخل ودخلت ودخل بعدها وصك الباب
مشت وهي تطالع المكان وفكت اللثمه والتفتت له اول ما سمعته يتكلم :هذا هو الجناح الوحيد اللي حصلته فاضي لها اليوم واحنا راح نقعد فيه بس الليله
طالعته وبتوتر وهمست:مو مشكله
صقر وهو يأشر في المكان:من هنا المطبخ وهذي الصاله ومن هنا غرفة النوم وفيها دروة المياه(اكرمكم الله)
بانه وهي تطالع باب الغرفه وباستغراب:بس
صقر وهو يدخل المفتاح حق الجناح بجيبه:ايه بس
بانه بنظرات شك:بس انت قلت.
قاطعها صقر وهو يمشي ناحية الغرفه ويفتحها:عارف علشان كذا طلبت منهم يغيرون في الغرفه شوي
دخل ودخلت بانه وشافت الغرفه فيها سريرين وطالعت صقر ورجعت تطالع السريرين وما نطقت بولا حرف
صقر وهو يحط غترته على الكومنديه وتوجه للولاب اللي مرتبه فيه اغراضه
اخذ له بجامه وتوجه لدورة المياه (اكرمكم الله) تحت انظار بانه وقبل لا يدخل :على فكره ترى في شنطه فيها شوية ملابس لك تلاقينها عند الدولاب
ترك بانه واقفه في مكانها ودخل لدورة المياه (اكرمكم الله)
تنهدت وزفرت بتوتر وهي تشوف الغرفه وطرا على بالها سجيه وامجاد رفعت شنطتها اللي بين يديها وخذت منها الجوال وتوها بتتصل وتتفاجا بـ 9 مكالمات
بانه باستغراب:9 مكالمات غريبه
فتحت المكالمات وبهمس:دانه
رفعت جوالها تتصل على دانه وهي تفك الشيله وتحطها على الكومنديه وبدت تحس بالخوف لما شافت الجوال ما يرد
رجعت تتصل بسرعه وجلست على السرير وبهمس وخوف:دانه ردي أن شاء الله يارب ما فيها شي يارب
طلعت من دورة المياه (اكرمكم الله)بعد ما خذت شور هداها شوي وبدت تنشف شعرها وسمعت صوت الجوال يرن
تركت المنشفه على التسريحه واسرعت للجوال وردت بدون ما تشوف مين المتصل وسكتت تسمع صوت المتصل :الو
:الو دانه حبيبتي الو
دانه بهمس:الو
بانه بخوف:دانه حبيبتي فيك شي صاير شي
دانه بصوت باكي:لا ليش ما رديتي
بانه وهي تزفر بخوف:اوووف بغى قلبي يوقف اسفه يا عمري كنت حاطه على الصامت
دانه وهي تمسح دموعها:ما كان قصدي اخوفك بس كنت مختنقه وكنت محتاجه اسمع صوتك وكلماتك اللي تشجعني
بانه بابتسامه:ولا يهمك المهم انتي بخير وبعدين من قال انتي لحالك انا بظل معاك
دانه باستغراب:كيف وانتي بعيده عني
بانه بابتسامه:بظل معاك على الخط لحد ما تملين مني
دانه بابتسامه:ما امل منك ابد
بانه:حبيبتي لا تخليني اتاثر
دانه:هههههه
سكتوا ثنتينهم وحل الصمت لثواني قبل لا تتكلم:اقول بانه
بانه:يا روح بانه قولي
دانه بتردد:بغيت اسالك عن يعني هي ما جات
بانه اللي فهمت على اختها اختفت الابتسامه من وجهها وصارت تضغط على غطا السرير بيدها وكأنها تطلع كل الحقد والقهر وبغضب مكتوم:لا انسيها
دانه باستغراب:انساها لا ما راح انساها هذي ..كملت وهي تحس بالحسره:امي كيف انساها
بانه بحقد:ما تستاهل والله ما تساهل انسيها وحده مثلها ما عليها زعل
دانه المتفاجاه من كلام اختها:بانه انتي وش قاعده تقولين هذي امنا
بانه بحقد وعيونها فيها دموع لما تذكرت ابوها:ما تستاهل حتى هالكلمه انسيها وامسحيها من حياتك
دانه بحنيه:بانه حرام والله حرام
بانه بعصبيه:ومو حرام لما فرقتنا ومو حرام لما رمتك ولا سالت عنك ومو حرام لما خدعته
دانه المتفاجاه سكتت وهي تعض شفايفها وما عرفت وش ترد
بانه وهي تزفر:انسيها ما وراها خير صدقيني يا اختي انسيها
دانه بهمس:من اللي خدعته
بانه سكتت وما عرفت وش ترد
دانه:بانه من تقصدين
بانه بهمس وهي تفرك جبينها:لما اشوفك بعدين اقولك
دانه اللي ما حبت تضغط على اختها:على راحتك
بانه وهي تغير الجو:قولي لي عن دراستك وش سويتي
دانه:اسمعي..............
كان وارها وسمع كل اللي دار وهي مو حاسه بوجوده مشى بهدوء وطلع برا الغرفه ومشى لحد ما جلس على الكنب اللي في الصاله
سند نفسه على وراء وبهمس:أن شاء الله يكون اختياري صحيح ومو مثل ما قالت امجاد اكيد امجاد ما قالت اللي قالته الا علشان ما اخذها
تنهد وهو يكمل:نظرتي ما تخيب ...كمل وهو يرفع يده يطالعها:راح تكون لي العصا اللي تسندني وراح تكون العون بس أن شاء الله تكون مثل ما تصورتها
سند دقنه على كف يده وهو يفكر وسرح بأفكاره
&&&&
في مكان ثاني
دخلوا البيت وهي فالتها وتهز كتوفها وبطرب: ياهلي الروح تعبانه جيبوا لي دكتور نفسيه
امجاد اللي فيها الضحكه:بس يا خبله ترى روسنا مصدعه اهجدي عاد
التفتوا على صوتها وهي واقفه بأعلى الدرج وحاطه يدها على خصرها وبتحقير:هذي بيئه وش المفروض نتوقع منها
امجاد عصبت وتوها بترد الا مسكت سجيه ولفت على غدير وهزت كتوفها وبطرب ونشاز:قول عني ما تقول صوبي كم صعب الوصول واللي ما يطول العنب حامض عنه يقول
غدير بعصبيه:وع انا افكر اوصل لمواصيلك وش عليه يا ماما انا غدير الماجد مو بنت جايه من خرابه
سجيه وهي تهز كتوفها:جعل من لامني جعله حسير كسير جعله الله عليل ما يلقى دواه
امجاد وهي تضحك:عاشوا جعل من يفكر يلوم سجيه جعله مو كسير الا مرقد في المستشفى
غدير بقهر:اوريكم
مشت ودخلت غرفتها
امجاد وهي تضحك:كفك
ضربت كفها بكف سجيه اللي ميته ضحك
سجيه وهي تأخذ نفس:بنت عمك مسخره من جد
امجاد:ادري ما يحتاج تقولين
امجاد وسجيه:ههههههههههههه
صعدوا الدرج وهم ميتين ضحك على غدير اللي تفشلت قدام لسان سجيه
بعد ما خلصت من تنظيف الصحون
تنهدت وبغضب:الله يأخذك يا رب في وحده في ليلة عرسها تنظف الصحون يارب عيني على الايام الجايه
طلعت من المطبخ وتوها بتتوجه للغرفه بس رجعت على وراها وبهمس وبخوف:لا خلني بالصاله افضل ما ابغى أي احتكاك معاه
مشت وتوها بتجلس الا انفح باب الغرفه بقوه ونقزت من مكانها ووقفت
طلع وشافها واقفه وبجمود: شكلك بتجلسين
هبه وهي تنزل عيونها علشان لا يعصب:ايه ابغى اتفرج على التلفزيون
يامن وهو يتسند على حافة الباب:قولي والله تتفرجين اقول ترى بكره ورانا روحه لبيت اهلك يله على النوم
هبه وهي تطالعه وبخوف:يله وين
يامن وهو يوخر وباب الغرفه مفتوح:يله لا تخليني اعصب ويقفل مزاجي ويجيك شي ما يعجبك
هبه طالعته وبلعت ريقها ومشت ودخلت ووقفت بنص الغرفه ومشى من جنبها يامن ووصل للسرير وبعدها التفت لها وهو عاقد حواجبه:ليش وقفتي
هبه وهي تضغط على يديها:مافيني نوم
يامن بعصبيه:انتي شكلك يبغى لك كف ثاني علشان تفهمين اللي قلته قبل شوي
هبه بسرعه:لاخلاص خلاص
انسدح وتغطى وطفى الابجوره وهبه مشت لحد ما وقفت عند حافة السرير وهي محتاره
هبه:ياربي وش اسوي اطنش واعانده واحذ كفين وتهزيئه ولا انسدح واخمد وافت من شره
طالعت يامن اللي معطيها ظهره:ما اعتقد بيسوي لي شي هو معطيني ظهره احسن شي انسدح على الطرف وافتك من شره
رفعت الغطا على خفيف وانسدحت بالطرف وشوي وتطيح
عند يامن تظاهر انه نام وبعد ربع ساعه التفت وهو يحس بتنفسها منتظم
رفع يده وشغل الابجوره وهو يشوفها معطته ظهرها ونايمه
عدل نفسه وجلس وسند ظهره على وراء وهو يشوفها
يامن في نفسه:وش اللي ورطت نفسك فيه يا يامن انت كنت تظن انها عاديه واقل من عاديه ما توقعت أن الكلام اللي سمعته بيطلع من قمر مثلها
تذكر كلمتها:الرجال ما يوقف ويتكلم مع حريم خلق الله
طالعها ومد يده وحطه على شعرها اللي منثور على المخده وبدا يمسح على شعرها:هي مو غير هي مثل اللي قبلها جمال واناقه وذوق بس من تحت لتحت
رفع يده وعلامات التقزز على وجهه انسدح على ظهره ويديه وراء راسه والتفت على هبه اللي تتحرك وتهمس
عدل جلسته بسرعه وقرب يسمعها وسمعها تهمس:مقعد يا زفت اوريك
بدون ما يحس انرسمت ابتسامه على وجهه
شافها تتحرك وبتطيح من السرير لانها على الحافه مسكها وحركها على جهته علشان ما تطيح ورفع الغطا وغطاها
طالعها واستغرب من نفسه:وش فيك يا يامن من اولها كذا بتضعف قدامها وهذا ما صار لك يوم معاها هجل بعد اسبوع ولا شهر وش بتسوي لا ما هوب انا اللي اضعف قدام وحده صغيره وقمر
زفر بضيق وقام من مكانها وطالع هبه باحتقار وهو يذكر نفسه انكل الحريم سوا وطفى الابجوره وطلع من الغرفه بكبرها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك