رواية عودتني كل يوم اسمع انا صوتك -3
العنود:راحت عند قوم بويه البر
مبارك :أقول عنود اليوم ذكرتيني بشخصية عزيزة على قلبي يوم كنت صغير كنت وايد أحبه
عنود:منو
مبارك:اخاف تزعلين
العنود:لا ما راح أزعل قول من
سلامة :أنا عرفت
مبارك :من
سلامة : خدماتنا السيرلانكية((الكل نقع من الضحك على سلامة ))
مبارك :حرام عليج عنود أحلى عنها بشوي
العنود: يالله الي يسمعكم يقول واثقين ميه بالميه من جمالكم
مبارك:عن نفسي واثق... بس صدج ذكرتيني با بومبو السيارة الصفراء
العنود:شو
مبارك:والله ما قصدي شيء بس يوم شفت لون الكندورة ذكرتها قصدي شريف والله
راح مبارك عن البنات وقعدن يسولفن لين أذان المغرب ورحن وصلين فوق في غرفة اليازية بس الريم ما كانت عندهن كانت تشوف التلفزيون في الصالة التحتية ................
الساعة 7ونص راحت أم محمد تقعد سالم من الرقاد عشان يصلي صلاة المغرب وعشان ينام فالليل .....
دخلت غرفة سالم لقت الغرفة مظلمة وصايرة باردة مثل الثلاجة ولعت الليتات الصغار و وقفت عدال السرير .....
أم محمد: سالم بويه قوم آذن المغرب .....ما رد عليها سالم
أم محمد : سالم بسك نوم خل لليل شيء ... و ولعت الابجورة الي عدال السرير ...
انتبه سالم أنه حد فوق رأسه : خليني نام....( ولف على الطرف الثاني) : والله تعبان ....
أم محمد : صلى صلاة المغرب ورد نام ...
سالم :أنزين
طلعت وبعد نص ساعة قالت حق اليازية تروح تشوفه قام من الرقاد ،، علشان يصلي المغرب،، بس لقته نايم .................
دخلت اليازية الغرفة وراحت عدال السرير: سالم ....الصلاة بتفوتك
سالم بعصبية :لا حول و لاقوة ...
اليازية:صلى وبعدين كمل نومك ....
قام سالم من الفراش وراح وأخذ شاور وتوضأ وصلى صلاة المغرب وطلع من الغرفة((طار النومه )) شاف في الصالة العنود وسلامة قاعدات تشفن التلفزيون حاطات على قناة النجوم .....
سالم بأبتسامة عريضة :مساء الخير
العنود : مساء النور
سالم :شحالج العنود
العنود: يسرك الحال أنت شحالك
سالم :بخير الحمد لله
العنود :الحمد لله على السلامة
سالم :الله يسلمج أستريحي العنود
قعدت العنود عدال سلامة وكان مقابلها سالم يطالع التلفزيون ((اللي لابس كندورة كويتية وكان شعره شوي طويل مبلول بالماء وطالع غرام)) أما العنود كانت مركزة على سالم وتقول في خاطرها هذا الإنسان عـــــــــــــــــــــــــــــــــــــــذاب))
سالم التفت على العنود :أخبار الجامعة العنود
العنود: ما شي حالها
سلامة :سالم أنزل أكل من فوالة العنود تراها مسويه حقك محلــــى غرام
سالم : أذا عنود مسوته أكيد راح أنزل....وعلى فكرة سلامة الأغراض اللي تبينهن في الشنطة الخضراء راح تحصلينهن ولا تنسين تعطين عنود وعفراء هديتهن...
راح سالم يوم كان عند الباب وقف والتفت وراءه :صدج عنود وين عفراء
العنود: احيدها العصر راحت البر عند قوم أبوي ....
طلع سالم من الصالة نزل تحت حصل أمه وأبوه يلسين قعد عندهم وكل فوالة ......بعدين أذن العشاء وراح هو وأبوه المسجد وصلوا ورجعوا البيت ..
عند الرجعة اتصل سالم للمبارك ....
مبارك: مرحبا
سالم :مرحبتين وين أنته
مبارك :والله في الدار
سالم:تحديدا وين
مبارك :في الأمارات
سالم:أدري أنك في الأمارات
مبارك :أنا في منطقة العين وبالتحديد في فلج هزاع
سالم:خيبة ويش من شغل عندك هناك
مبارك:ما شيء شغله الا نتحوط أنا هزاع ...تدري هزاع لازم يشوف المنطقة مالته ويتفقد الرعيه
سالم:والله أنك رايق متى بتي البيت
مبارك:أن شاء الله قبل صلاة الصبح
سالم :لا شو قبل صلاة الصبح الحين تي
مبارك:خير شو في الخاطر
سالم:سلامتك الا مشتاقللك
مبارك: أن شاء الله
سالم :أكيد بتي
مبارك: ان شاء الله ..... مع السلامة
راح سالم وقعد في الخيمة اللي في الحوش يقلب في التلفون أن رسالة وصلت .... فتحها ،،،،،،،،،،،،
حبيبي((شوق)) :عسى الفرح دايــــــــــــــــــــــــم يغرد في دنياك
وعسى الحزن يمك يضيــــــــــــــــــــــــع طريقه
راح سالم وأرسل حق شوق : روحي تحبك والغلا ذابحني
ودي بشوفك يا حياتي ولا ماك
حب قديم في الضماير سكنــــي
داخل حنايا القلب رسمك وموطاك
أحـــــــــــــبــــــــــــــــــــــج
&((الجزء الثالث))&
الساعة 9 كانت الريم تصارخ على سيف علشان يبند السوني :سيفوه قسم بالله أذا ما بندتها لا أكسر الشريط اليديد...
سيف :عادي ....بشتري غيره
الريم:الله لا يوفق عدوك... الساعة 10 شغلها بس ساعة.. أشوف يوميات ستار أكاديمي
سيف :شوفي اليوميات فوق
الريم:خاطري أشوفها اهني
سيف :والله ما بندها .....
راحت الريم وبندت المحول وبعدين فكت الكهرباء عنه وكسرته قدام عيون سيف ...
سيف:بطرانه أنتي(( ومسك في كندورتها يريد يضربها )))
بس الريم كانت خفيفة راحت الطابق اللي فوق تربع ودخلت غرفتها وهي تلعن سيف وبعد ربع ساعة بطلت الباب وتمت تلتفت يمين ويسار تشوف حد في الليوان ما كان هناك حد ........راحت صالة سالم وتمت تطالع اليوميات عند قوم سلامة ....
الساعة 10 خلصت اليوميات نزلن تحت
سلامة:روح الخيمة عند قوم أبويه
وراحن الخيمة وكلن هناك سالم وأبوه وأمه ........
سالم:اليازية قومي سويلي شاي حليب ....
اليازية:أن شاء الله
وراحن اليازية والعنود المطبخ يسوين شاي
محمدوه:شو يريد أنته داخل مطبخ ...
اليازية:يريد سوي دلة شاي حليب
محمدوه: أنا الحين سوي تنظيف مطبخ ...برى
اليازية :شو يعني.... يا يبينك من الهند علشان تنظف....شغلتك هذي
محمدوه:ما يسوى زيادة قرقر ....وأشر بأيده طلعن برع
العنود: ههههههههههههه ....والله مهزلة ....محمدوه يروغنا
اليازية :أنت أطلع برع هندي خام و متحكم بعد
عصب عليهن محمدوه وشل المخمة ((المكنسة ))من ورى الباب
محمده :وهو يمشي صوبهن : يالله .....برى ...برى
وهن من شافن محمدوه شل المخمة نش من المطبخ يتربعن .....طلعن ومحمدوه اونه يروغهن.... فهاللحظة كان مبارك توه داخل البيت .....
مبارك وهو يشوف محمدوه يروغهن من المطبخ
مبارك: هههههههههههههههههه.....افا راغووو هن .... لا وبعد بالمخمه ........افاااااا افااااااااا..
اليازية:ما عليه ...بخلي أبويه يكنسل ويزته ,,,
محمدوه :انت سوي كنسل ويزه مال أنا .........((.وضحك بنقمة )) مشكلة هذا شيكوووو
اليازية:ما عليه محمدوة والله بخبر أبوي عليك
محمدوه:مافي مشكلة ...أنا بعدين مافي سوي شاي حليب ,,,ما يسوي براتا وما يسوي اصير ....
العنود:لا دخيلك محمدوه كله ولا البراتا
مبارك:لا لا لا لا لا ...اليازية تتكنسل ويزتها عادي ....الا محمدوه ...أذا محمدوه كنسلو ويزته أنا بودر البيت .....
محمدوه :بابا مبارك تمام ..... بيسوي مشان أنت حليب وبراتا
وراح عنهم المطبخ يسوي شاي حليب لانه ما يحب حد يدخل المطبخ وهو ينظيف علشان ما تخيسنه,,,,,,,,
ودخلو الخيمة وكان موجود سالم والريم وسلامة أما بومحمد دخل يشوف الأخبار و أم محمد راحت تنام لأنها تعبانة....
مبارك:السلام عليكم
سالم:وعليكم السلام وين الشاي
مبارك:محمدوه راغهن من المطبخ
سالم يضحك :ههههه ليش عاد
اليازية:يقول أنه يننظف المطبخ ما يريدنا نوسخه هو بيسوي الشاي
وبعد ربع ساعة حط الشاي عند باب الخيمة وراح ....راحت سلامة ويابت الدلة وصب على خوانها ((سالم ومبارك))....
ما عنكم سالفة ليش ما تتكلمون
سالم :عندك نكت ضحكنا
مبارك:أكيد..... (وطلع تلفونه يدور نكت في الرسايل ).... في سودانية ترضع ولدها شافها واحد قال ياحضة يشرب حليب بشكولاتة..سالم والبنات نقعوا من الضحك ...
الريم :غيرها..... مبارك
مبارك وهو يدور في التلفون :واحد اسود تزوج وحدة سوداء مثله لما يابوا ولد طلع أبيض سموه ......شو تتوقعون
سلامة :ما ندري
مبارك: سالم تدري
سالم :لا
مبارك: مش ممكن
الريم تضحك من الخاطر :هههههههههههههههههههه
سالم :ريموه ليش تضحكين
الريم وهي تضحك :على النكته
اليازية:بس مبارك ما قال اسمه
في هذي اللحظة ضحك مبارك والريم عليهم لانهم ما فهموا ؟؟
العنود: بايخة ...غيرها ..... أمانه مبارك
مبارك :تأمرين أمر .....واحد مجنون عمل باب زجاجي .....حط فيه عين سحرية
الكل يضحك .......العنود :أنا عندي وحدة ...اثنين مجانين ركبوا سيكل فصاروا يضاربون ليش ....
سالم:ليش يا حلوة
العنود مستحية من رد سالم :............... يضاربون من بيقعد على الدريشة....
سالم نقع من الضحك على نكته العنود ....أما العنود تقول في خاطرها عني افداء هذي الضحكه......
في هذي اللحظة صاح تلفون مبارك ...
مبارك يشوف الرقم:لازم أحط حد لهذي الانسانة
سالم:من مبارك
مبارك:وحدة بنت كارهتني حياتي تبيني بالغصب أكلمها...... دنيا العجب
لحظة صمت ....مبارك: سالم
سالم: لبيه
مبارك :لبيه حج ....أقول كلمها على أساس أنه تلفونك ..وإذا سالتك عني قول ماهو تلفون مبارك ...
سالم:مالي خص ما فيني على مشاكل
مبارك:لا مشاكل ولا هم يحزنون ...أمانه سالم طلبك طلبه
سالم :انزين لا تحن هات التلفون ............ورد على التلفون وهو حاط على السبيكر
سالم :آلـــــــــــــــــو
نورة :هلا حبيبي
سالم:السموحة من
نورة:هذا مو تلفون مبارك
سالم:لا غلطانة الشيخة مو تلفون مبارك
نورة:السموحة ....الطيب
سالم:لا عادي
نورة :مع السلامة
سالم:في أمان الله ......وسكر التلفون
مبارك: بنات ما تين الا بالعين الحمراء
سالم:أنت غلطان .... .....
مبارك:افا عليك أنــــــــــــا
وشوي وتوصل رسالة حق تلفون مبارك ....
يا روحي وينك ما عاد تنشاف
زعلان والا تبي القطـــــــاعه
في غيبتك قلنا عسى مابه اخلاف
حتى بصوتك باخلا في سماعه
وين العدالة في المحبة والوفا
يوم أنك تغيب أيام وطل ساعة
والعشرة اللي مالها أساس وأهداف
تضيع في لحظة زعل أو إشاعة
أنا أعرفك طيب القلب شفاف
جربنا نسأل عنك كاهن وعراف
ونشوف من غير علينا طابعك
*(( ولهــــــانة علـــــــــــيك ))*
مبارك:الله كل هذا أنا مسويه
سالم:من مبارك
مبارك :أقراء هذي الرسالة سالم
وسالم يقرأ الرسالة ويوزع ابتسامات : مانك هين يا مبارك .....
الريم: خلوني أقرا الرسالة
مبارك :عنلاتج ... ما قاصر الا هذا
سلامة : حرام عليكم قلبي يتقطع ....أبا إقراءها
مبارك: لو تموتين ماراح تقرينها
سالم يضحك على الريم يوم محتشره على الرسالة .....
قعدوا حتى الساعة 1ونص ..........
العنود:اليازية قومي وصليني البيت
اليازية:الحين أنا أوصلج ...بوقفلج عند السكة
طلعوا كلهم من الخيمة وقفت اليازية وسلامة عند الباب اللي فاتح في السكة علشان اطالعن العنود يوم أدخل البيت بس يوم كانت العنود في نص السكة .....
صاح مبارك عليها :العنود شوفي وراج اليني .....
في هذي اللحظة ربعن اليازية وسلامة وراء مبارك
العنود يوم قدها عند الباب قالت : ماعليه يالخايسات بكره بتشوفن دواكن عندي
وسكرت الباب ودخلت البيت وراحت غرفتها وغيرت ملابسها لبست بجامه وردية وانسدحت على الفراش... وكانت تفكير في سالم لين ما نامت .................................................. ............
راحوا كل واحد حجرته وناموا ....باليمعة ...متعودين كل يمعة الرييايل يتغدون في بيت بو راشد بحكم أنه هو الأخ الأكبر (وأصلا كانوا مسوين عزيمة حق سالم ))...قبل الصلاة خطف سالم عليهم علشان يسلم على عفراء((لانه يحسبها تعبانة بحكم انها حامل ))دخل البيت ....
سالم :هود
أم راشد:مرحبا سالم قرب
سالم :مرحبتين خالتيه أشحالج
أم راشد : بخير الحمد لله
(وقعد سالم في الكرسي وتقهوى ) سالم:خالتي وين عفراء أريد أسلم عليها من زمان ما شفتها
أم راشد :هنيه عني أفداك باقولها تي
وراحت أم راشد وخبرت عفراء تروح تسلم على ولد عمها
عفراء: السلام عليكم
سالم: وعليكم السلام
عفراء:اشحالك سالم عساك بخير،،،،
سالم :بخير الحمد لله ،،أنت اشحالج
عفراء :بخير الله يسلمك ،،الحمد لله على السلامة
سالم:الله يسلمج
عفراء : أستريح سالم
سالم : لا بروح المسيد ....أقول عفراء متى بيوصل ولي العهد
عفراء : قريب أن شاء الله
سالم:صدج شو مقعدنج هني
عفراء: خاطري ايلس عند هلي من زمان ما قعدت عندهم ....
سالم :لا يكون زعلانة من محمد
عفراء : أفا عليك محمد ولد عمي قبل لا يكون زوجي ...
سالم :يا حيج ...أنا بروح شيء في خاطرج
عفراء :لا سلامتك الله يطول عمرك ......
وراح المسيد وصلوا صلاة اليمعة وراحو بيت بو راشد وتغدوا ورد سالم البيت ............
راح سالم عند ربعه كانوا يالسين في ميلس واحد من الربع،،،، قاعدين على ضحك وسوالف ويلعبون ورقه ......
الساعة 2ونص في بيت بو محمد ....الريم وسلامة في صالة سالم مقافلات الباب ....ومطولات على الأخر على قناة ستار أكاديمي وتسوين رياضة عندهم ومرات ترقصن ....
وكل واحدة أطالع أحسن ما عندها في الرقص والرياضة ... وكاننا منتهزات الفرصة ماحد في الطابق الفوقي الا مبارك وكان نايم ......
سلامة : كذابة باقي خمس مرات ما سويتي بوش أب
ريموه: حرام والله تعبت ...
سلامة : خلاص مسموحة .....
وشوي تدق عليهن اليازية وكانت ويها العنود تبين تقعدن في الصالة علشان تحلين الواجبات ....العنود ماسكة الكتب ..أما اليازية ماسكة الصحن وكان فيه دلة النسكافية ودلة شاي الحليب وبسكوت وكواب ...
اليازية:الريم بطلي الباب
و لا حياة لمن تنادي......... اليازية:تصارخ ريموه بطلي الباب أيدي أنكسرت ...
سلامة: ريموة حد يدق الباب
الريم : يعلج الموت لا يكون محمد
سلامة :لا محمد في بوظبي
الريم :عيل منو
سلامة: مافي حد في البيت ريال الا مبارك وهو الحين نايم
الريم :اكيد قام من النوم كله منج
سلامة :انا شو سويت
الريم :صوتج طويل يوم تلعبين رياضة تصارخين يونج مثل أليسار (وتحاكيها وهي ترفع أيديها فوق)
....one ..two….three ….four ….go ..go
اليازية تزيد الدق
سلامة :من
الريم:ليش تقولين من يالسبالة .....أذا شافنا مبارك بالبنطلون والقميص راح يقتلنا
سلامة : مالي خص أنتي قالتيلي نسوي سبورت حد يسوي رياضة الظهر
اليازية : ريمـــــــــــــــــــــــــــــوه بطلي الباب
الريم :يعلج الموت ...
اليازية: الحين يوم قاعدة تدعين عليه ...ليش ما تبطلين الباب
الريم:شو تبين
اليازية :اريد أكتب الواجب داخل الصالة .............
سلامة:لا والله ليش ما تكتبين داخل غرفتج
اليازية:سلامة بطلي الباب عندي نسكافية وبسكوت
سلامة :قولي والله .....((وشوي تقرصها الريم)) ... سلامة :أي عورتيني
الريم: ما نباه نسوي رجيم ...
اليازية: شــــــــــــــو ..... الحين معبره الغداء ما خليتي في الصحن شيء
الريم : لحظة ..................(وراحت تفتح الباب ) ..................اليازية من عندج
اليازية : عندي عنود بس
الريم :لحظة ....وراحت وخذت شيلة من الكرسي اللي في الصالة وغطت أيدينها ....
فتحت الريم الباب ودخلن اليازية والعنود .......راحت اليازية وحطت الصحن واتجهت صوب الريم وضربتها بقوا على ظهرها
أما سلامة يوم شافت اليازية تضرب الريم قامت بتطلع برع صاحت عليها اليازية: مبارك توه قايم من النوم بيذبحج لو شافج بالبنطلون والقميص اللي مطلع كل شيء ................
سلامة: برد بس حرام عليج لا تضربيني بقوة .............وردت وقفلت الباب ورآها ....وراحت اليازية ومطت شعرها بشوي.....
سلامة :الله لا يوفقج هذا كله بسبت ريموه
اليازية: مانفعتج الريم الحين
العنود: الله مأحلى بنطلونج يالريم من وين اشتريته
الريم بغرور: من next اللي في العين موال
العنود :غرااااااااااااام بكم خذيته
الريم : 110
قعدن الريم وسلامة تسوين رياضة لين الساعة 3ونص .....
سلامة: الحين قريب بيأذن العصر شو نسوي ابا أطلع
الريم: اليوم يومنا ....أذا شافنا مبارك بيذبحنا
سلامة:يا ويلي على شيفت حجرتي
الريم: اليازية شو نسوي
اليازية:أنا بروح أشوف وين مبارك وبرجع ....أنزين
الريم :بسرعة ....الله يخليج..
طلعت اليازية وقعدت العنود تحرس الباب (أما الريم وسلامة قاعدات وراء الكرسي) وشوي ردت اليازية ودخلت وقفلت وراءها ..,طلعن الريم وسلامة من وراء الكرسي ................
الريم :هاه بشري
اليازية :مبارك قاعد يتغدى ويتكلم في التلفون
سلامة شكلها بتصيح : يا ويلي بعد عليه أمتحان عربي ما ذاكرت حتى الحين ......(وتضرب الريم على كتفها) كله منج .......
الريم : سكتي وأنا بعد عليه امتحان انجليزي أكيد بسقط
العنود:أنا عندي فكرة
الريم وسلامة:شـــــــــــــو هي
العنود: نروح أنا و اليازية و نيب حقكن ملابس ونرجع ......
سلامة:أوكية بس قفلن علينا الباب وخذين المفتاح عندكن أنزين
طلعن العنود واليازية وراحن غرفة سلامة والريم ويبن معهن ملابس .........
في هذي اللحظة قام مبارك بيتغسل في المغاسل اللي في صالة سالم فتح باب الصالة لقيها مقفولة دق ما حد رد عليه ,,,,,,,,
مبارك يدق الباب :من داخل
سلامة تتكلم بشوي شوي :اه يالقهر ....ما يا الا في هذا الوقت ....توبة ما سوي رياضة الا في حجرتي ....
الريم:قومي نروح غرفة سالم
وراحن غرفة سالم ودخلن في غرفة الملابس ........
دخل مبارك حجرته وراح الحمام يتغسل .... طلعن العنود واليازية من حجرة سلامة بشوي شوي وفتحن الباب وقفلن وراهن ...
العنود: وين رحن
اليازية: أكيد في حجرة سالم
العنود:ايه وينكن
سلامة :نحن هنيه وتأشر عليهن
الريم: أنا أول شيء بدخل الحمام
سلامة بغيض: أكرة كندورة عندي يايبات لي .............
طلع مبارك من الحمام ويقول في خاطرة :الا أعرف من الصالة .................راح ودق الباب
مبارك :اليازية بطلي الباب
البنات سمعن صوت مبارك ......الريم في الحمام وسلامة تتريا في القطعة بس يوم سمعت صوت مبارك تمت تدور في الحجرة وتقول :يارب يروح ......يارب ...يارب وراحت وقفلت باب الغرفة .....
مبارك: من داخل فتح الباب
اليازية : أنا والعنود شو تبغي
مبارك:بطلي الباب ...أبا اشوف
فتحت اليازية الباب .....دخل مبارك الصالة: شو تسوون
اليازية: ما شيء ...نكتب واجباتنا عندك مانع
مبارك:ليش من ساعة يوم أدق ما تفتحن ...........
اليازية: بس
مبارك:وين الريم وسلامة عنكن
اليازية: ......................ساكتة .............كل وحدة في غرفتها تذاكر لانه عليهن امتحانات باجر..........
مبارك: عنود أشحالج
العنود: توك ذكرت
مبارك: حرام عليج ....أصلا ليش اسلم عليج أمس عدي بج
العنود: السلام لله
مبارك وهو يضحك : خلاص ذاكرن زين علشان تاخذن أمتياز ....
اليازية: على طاري الامتياز ...مبارك عنود بتشتري لاب توب أشترلي واحد..... أمانة
مبارك: تأمرين أمر يا بنت محمد تبين من صدقج لاب توب ......
اليازية: ايوه
مبارك: انشاء الله
اليازية:الله يطول عمرك يأخي العزيز أنا قلت ماراح يشتريلي حد الا مبارك
مبارك يضحك : دقي رأسج في اليدااار ...أذا صب منج دم وايد أن شاء الله فالج طيب.... بشتريلج
اليازية تضربه على كتفه :أنزين أطلع برع ...خلنا نخلص
وطلع مبارك وهو يضحك : قالت لاب توب ههههههههههههههه......
طلعن الريم وسلامة من الحجرة .....
سلامة: أنا بروح أذاكر أحسن لي يوم بتلفت باجر في الامتحان محد راح ينفعني
الريم:صدقج ..خلينا نروح نذاكر شوي بعد فلم الرعب هذا .....
راحن البنات تذاكرن أما اليازية والعنود قعدن في الصالة ...............
كانت العنود واليازية منسدحات تحت التلفزيون مندمجات مع الأغاني ولا انتبهن اللي داخل عليهن ......وقف سالم .....وتم يطالعهن ...أول مرة يشوف العنود بدون شيله كان شعرها طويل و سود وسميك وهي بيضاء طالعة وكانت بس متكحلة ....ويقول في خاطرها وين كنت أنا عن كل هذا الجمال من زمااان ... في هاللحظة رن تلفون اليازية ....رد سالم وراء وطلع عشان ما ينتبهن أنه شافهن ونزل تحت وهو مدوخ من جمال العنود............................................ .......................
اليازية وهي تصلب عمرها واتشوف من أتصلبها .........
اليازية:أستاذ مصطفى راعي البحث ....
اليازية وهي ترد:آلو مرحبا السااااع ...........
الأستاذ: مرحبتين اليازية.......
اليازية :اهليين أستاذ ....
الأستاذ :كيف الحاااال..؟؟؟
اليازية :الحمد لله ....يالله يأستاذ ....عجيب البحث اللي كتبته حقي ...
الأستاذ :والله ....بس كان طويل ...
اليازية:هي طويل وايد بس الأستاذ مالنا يحب المواضيع الطويلة ......
الأستاذ:أنزين ودي الفلوس عند الدريول بسرعة
اليازية :أنشاء الله ,,والسموحة ما وديت الفلوس بسرعة
الأستاذ :ايوه ياليازية بسرعة علشان نشتري أغراض البيت ........
وسكرت اليازية من الأستاذ ...
بعدين طرشت اليازية الدريول علشان يودي الفلوس بيت أستاذ مصطفى ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك