رواية امانة لا تطلع حرارة انفاسك بحضن غيري -3
البارت الخامس
سحر:مافهمت يمه..إذ هو متزوج دانه عشان تصير خدامه لبنته..بعد بيتزوج بنت ام راشد عشان هالسبب..
ام سعود بحماس:لاا يالغبية..هو ماخذ دانه القبيحة عشان تربي بنته لاغيرر..
سحر بصدمه:يعني ما في شيء راح يكون بينهم..
ام سعود:ايوووا..وراح يتزوج بعد كم شهر بنت خالته..
سحر بتفكير:طيب يمه..هو معنده خدم..يعني هو يقدر يجيب خدامه..تخدمه وتخدم بنته..مو..
ام سعود هزت كتفها"مدري"
في غرفتها..جالسه يم سريرها..تفكر..تفكر بالعيشة ألي راح تعيشها مع تركي..ولاسيما أن مابغى شيء على الزواج..
دانه بابتسامه"راح أعيش حياة مليئة بالترف..والخدم والحشم..واااو..يعني بعيش ملكه..خخخ.."
وسكتت بعض الوقت ورجعت تفكر..
دانه"طيب هو كيف شكله..طويل ولا قصير متين ولا نحيف ولا..ولا.."
وجلست تفكر لين ما غلبها النوم..
وبعد خمس ايام..
في الشركه
ابو سعود بتردد:بس انت مقلت من قبل طال عمرك..
تركي حط رجل على رجل:مو مهم قلت ولا ما قلت...
ابو سعود:اقصد
لو انك قلت لنا كان جهزت نفسها..انت تدرين فستان العرس وال.......
تركي قاطعه:ومن قال ان فيه عرس..وبعدين انا ابيها من دون فستان..
ابو سعود:..........
تركي كمل:عند الساعة 9 بالضبط باخذها..واحين يلا روح لشغلك..
ابو سعود:ابشر طال عمرك..
تركي(عمره 28سنه مو مبين عليه ابدا...وسيم لابعد درجه..كلمه وسيم شويه عليه..عيونه وسيعه وعسليه..خشمه طويل سله سيف..شفايفه محدد بالسكسوكه..شعره اسود وطويل شوي..طويل وجسمه رياضي..عنده غميزه ع خده..رجل اعمال ناجح..عنده عده شريكات من خارج الدوله...تزوج سهى بنت عمه عن حب..وجاب منها الجوري..ماتت في حادث..من خمس سنين..مفكر انه يتزوج وحده غيرها..لو بيتزوج...عشان الجوري بنته وبس..)
......
راح للبيت وتوجه للمطبخ..لان دايم يشوفها في المطبخ تطبخ بهاذا الوقت..
دانه بصدمه:كيييف؟؟ بس انا لسى ماجهزت فستاني و.....
ابو سعود قاطعها:هو مراح يسوي عرس ولا شيء...هو قال لي انه ع الساعة 9 راح يجيك ويملك عليك..
دانه:بس عمي..هو قال بعد...."وسكت شوي"هو باقي اسبوع على العرس..ليه مستعجل...
ابو سعود تركها ومشي...
وفي الغرفه..
لطيفة:انا اقول لك..هو مستعجل على الزين..
دانه بابتسامه حيا:أي زين انتي بعد..
لطيفه باندفاع:اقول يادندون..مو متكلمينا لتزوجي من تركي..
دانه:..........
لطيفة بحماس:ترى هو عنده مزرعة خيول..واراضي شاسعه..وشريكات عده..والكل يتكلم عنا..وابوي يقول ان فلوسه متغطي البحر..
دانه:.........
لطيفة باندفاع:بس لرحتي مزرعة الخيول طلبتك لاتنسيني ابيك تمريني..اوك..مو تنسين..وربي خاطري اشوف مرزعة خيول من زمان..
دانه بضحكه:انتي يلا زينيني..
لطيفة:اوكي..
ومسكت فرشاة المكياج وبدعت فيها..وحطت لها ظل ناعم وغلوس احمر صريح..وبلاشر مشمشي.. وسيحت شعرها..ولبست الاكسسوارات..وصندلها العالي..
والتفت لحد يفتح الباب:نعم..
سحر انبهرت بشكلها بس ما بينت لها:نعامه...يقول لك ابوي يلا نزلي..
دانه:اوكي..
وقفت يم المرايه..وهي تشوف فستانها الفوشي بحمالات ضيق من الصدر والخصر ويوسع لتحت..وتميز الفستان قصه رائعة من اسفل الفستان..ولبست عدسات رمادية مما زاد من جمال عيونها..
جاب عمها الدفتر ووقعت عن رضى تام..ما انجبرت من أي احد..ظنت انها راح تعيش ملكه..لكن.....
ولبست عباياتها وشالت شنطتها..سلمت على لطيفة وع مرت عمها ألي معبرتها ولا اعطتها أي اهتمام...وشال عمها شنطتها وحطها ورى السيارة اما الاشناط الاصغار فحطهم قدام..
وركبت السيارة وعيوني تحت..
لاحظ توترها من تشابك يدها..التفت لها.. وكان السكوت سيد الموقف..
نزلت رجولي وشفت الفيلا..كانت بمنتها الجمال والروعه..مكانت كبيرة بالمره ولا صغيرة...دخلت داخل جذبني جمال الديكور تصميمه المتقن..صاله بكنبات جريئه اللون بلون الاورنج ووسادات متناثرة بلون الابيض يزيد من جمال الصاله..سطح الصاله بلون الاسود المميز..ونافذه كبير كما لو كانت باب..تطل على الحديقة العامه..النافذه كانت محاطه بإطار ابيض اللون..وبجانب النافذه رف للكتب باللون الاسود..وسجاده تركيه تميز وسط الصاله..وانيات تزين ركن الغرفة..
قاطع تفكيري وتاملي لديكور:تعالي..
ورحت وياها وصعدت الدرج وانا امسك سياجه..كان منحت بنحت رهيب..وشد انتباهي لحوض للاسماك بجانب الغرفة..ودخلت معه الغرفة..كان قمه قمه من الجمال..سرير باطار البني الفاخر..ومفارش باللون الاصفر الهادئ..وتناثر الوسادات عليه لتبهر الناظرين..وبجانب السرير جلسه مريحه..كنبات باللون الاصفر المخضر وطاولة من البني الفاخر وفوقها انيه فخمه..وسجاد تركي مربعه الشكل باللون البني الترابي..وستائر من الدانيل باللون الاصفر الكريمي..ودولاب بجانب الغرفة باللون البني الفاخر..وجمال التوليت لايقل عن جمال الديكور والاثاث في الغرفة...
منزل نظره لما فسخت عبايتها..
تركي(من هذه):........
انحرجت من نظراته لي ونزلت عيوني لتحت..اقترب مني وانا في قمه توتري..
انبره بجمالي واقترب اكثر حط يده على خدي وغمضت عيوني بقوة من خوفي..
تركي(ملكه جمال ذي..قالت لي انها سوده بس هي بيضها قالت لي انها متينه ومتنها فاحش وانا اشوف جسم عارض الازياء..قالت ان وجها شين حتى الواحد ميقدر يطالع فيها بس انا دحين مقدر انزل عيوني من جمالها..اكيد بدلوها مستحيل ذي دانه..)قال اسمي عشان يتاكد:دانه..
دانه(يارربي اسمي ع لسانه غيرر لها نغمه)وبصوت قريب للهمس:نعم..
تركي ابتعدت عني(اكيد ذه المكياج..الكياج يغير ألي مايتغير..)جلس على الكرسي واشر لي اني اجلس..
وجلست يمه وانا مازلت منزله عيوني وتمينا دقيقتين ولا تكلم..رفعت عيوني عليه..انبهرت بجمالها مقدرت انزل عيوني عليه.. توقعت انه عجوز بس تفاجئت من شكله.. تميت اطالع فيه واطالع تفاصيل وجهه ألي جذبتني له بقوة..
قاطع تفكيري:عجبتك..ولا اول مره تشوفين واحد حلو زيي..
نزلت عيوني ع طول..انقهرت من رده..
تركي بحده:راح يكون زواج بس في ورق..
دانه انصدمت من كلامه ورفعت عيوني لعيونه:........
تركي خذ سيجارته وولعها وحطها في فمه:يعني مراح يكون فيه شيء يجمعنا..حتى الغرفه ذي..انا راح انام بجناحي الخاص..
دانه(اكيد انا مسمع عدل..وش قاعد يقول ذه..)التزمت الصمت وانا اسمع كلامه..
تركي بحده:واحين يلا قومي عشان اعرفك بالمكان..
قمت معه من دون أي نقاش..ونزلت معه تحت وودني للمطبخ..
وش اقول عن المطبخ..كان مرره رووعه..ديكور وتراثه تراث فرنسي..مدموج باللون البني الخشبي والسكري..ونافذه كبيره تطل على الحديقة.. وامامها طاولة فخمه دائرية تكفي لخمس اشخاص..وكراسي متقنه الصنع..وفوق الطاولة قماش عنابي وانية باللون الذهبي..
التفت لها:هذا المطبخ..
دانه(الحمدلله والشكر ادري انه مطبخ..يحسبي مشوف):أي..
تركي من دون ميطالعني:ألي راح تطبخين فيه..
دانه (اطبخ فيه!!!)
تركي كمل:ألي سمعته من امي انك طباخه..ولا..
دانه بصدمه:أي..
تركي:حلوو..
ومد يده من الطاولة ومدها لي:خذي الورقة وسجلي..
دانه وعلامه الدهشه في وجهي:!!!!
اشر لي اني اجلس بالكرسي وجلست..
تركي:كتبي يومياتك لمده اسبوع..
دانه:أي يوميات..
تركي حط السيجارة في فمه وقام يتفنن فيه والتفت لي وع طول نزلت عيوني:يوميات شغلك..
البارت السادس
ومد يده من الطاولة ومده لي:خذي الورقة وسجلي..
دانه وعلامه الدهشه في وجهي:!!!!
اشر لي اني اجلس بالكرسي وجلست..
تركي:كتبي يومياتك لمده اسبوع..
دانه:أي يوميات..
تركي حط السيجارة في فمه وقام يتفنن فيه والتفت لي وع طول نزلت عيوني:يوميات شغلك..
دانه بصدمه:ي...يوميات شغلي!!
تركي بابتسامه سخريه:أي وش فيه متفاجئه..ليكون ع بالك انك راح تعيشين هنا ملكه..والخدم والحشم يمك..لا انتي غلطانه ياهانم..انتي هنا بس عشان تخدميني وتخدمين بنتي..
احس اني....مقدر اعبر عن رده فعلي..وش اقول.. والجمله ذي تردد في اذاني..
تخدميني وتخدمين بنتي
تخدميني وتخدمين بنتي
تخدميني وتخدمين بنتي
تخدميني وتخدمين بنتي
تخدميني وتخدمين بنتي
التفت لها وبكل غرور:انتي هنا خدامه يعني..
قاطعته بعصبيه:تخسي..
مسك زندي وشد عليه بقوة..تركي بحده:منو ألي يخسي ذه..
دانه بالم:نزل يدك عني..
تركي منزل يده عني وبنفس حدته:ان سمعتك تقولين لي هالكلام..كوفنتك هنا سامعه..
دانه بين دموعي:أي..
تركي بعد يده عني وحط السيجارة في فمه ورجع لتفننه بالتدخين..
وسكوتنا دام لدقيقتين..وبعدها تكلم..
تركي:اكتبي..الافطار بيكون الساعة 6 حكم.."وبحده"يعني ألاقي الفطور جاهز عند ست..
دانه احس ان القلم يتراقص بين يدي..
الدموع تجمعت من عيوني..:.......
تركي كمل:وللمعلوميه لااكثر..انا دقيق في مواعيدي...الغداء راح يكون عند الساعة وحده..بستثناء يوم الثلاثاء راح يكون 12 ...وبعد الغداء اتوقع كوب شاي يجيني لعند مكتبي..فاهمه..
دانه بصوت باكي:فاهمه..
تركي:وراح يكون العشاء عند الساعة 8 ونصف بالضبط.."وحط السيجارة في فمه وسحب له"وكل صباح تسأليني وش راح اتغداء.."بعصبيه"سامعه..
دانه بخوف:أي..
تركي بابتسامه غرور:أي صح..اي شيء تطلبه منك بنتي تسوينه لها من دون نقاش.."واقترب مني وبحده"وانا سمعت انك ضربتيها ولا صارختي عليها متلومين إلا نفسك..."وحط رجل على رجل"ولما ارجع من الشغل اتوقع المكان نظيف والريحة تفتح النفس..مو ريحه بصل ولاثوم..
وكل كلمه يقولها اسجلها..حرف بحرف..وهو يتابع من وراي كان سجلت النقطه ولا لا..
وبعد ما انهى تعليماته..التفت لي وبحده:اظن ان كل شيء مفهوم..
دانه:......
اقترب مني وشد شعري وبعصبيه:لما اطرح سؤال اتوقع جواب..
دانه بخوف:أي فاهمه..
تركي هد شعري:ع بالي بعد..واحين يلا روحي نامي..
وصعدت فوق ورميت نفسي بالسرير وبنوحه:آآآآآه يمه ليه مودتيني معك وريحتيني..ليييييش...اهئ...وانا مصدقت أني راح افتك من بيت عمي...وحرمته القاسية..يجي لي ذه..اهئ..
وغفت في اثناء بكيها..
........
امينة:ليكون بتزوجوها بس..
ام تركي:أي بعد اسبوع وكم يوم ان شاء الله..<<ميدرون انه تزوج وخلص..
امينة:بس يايمه هو مايبي يتزوج وحده غير المرحومه سهى..
ام تركي:........
امينة كملت:انتي نسيتي لما قلت له ياخذ ليان..قال لي غير المرحومه مافيه..ولا راح تملئ عيني غيرها.."بعدم تصديق"واحين تبين تقولين لي انه قرر يتزوج وفجئه بعد..الموضوع فيه إن...واخواتها بعد..
ام تركي:شوفي يااموون تبين تصدقيني كيفك..ماتبين طقي راسك بالطوفه..وراحت عنها..
امينة التفت لمياسا:وانتي ليه ساكته ان شاء الله..
مياسا وهي تاكل:وش تبيني اقول يعني..
امينة:مالت عليك بس..اقول اكلي بس..
مياسا:عشقي الاوريو..
امينة بتفكير(من سنين وانا احن على تركي انه يتزوج..ولما يقرر انه يتزوج يتزوج وحده متنشاف على قوله امي..ليه ياتركي؟؟ انا متاكده ان الموضوع فيه شيء وامي تدري عنه ولا تبي تقول لي..مردي راح اكتشفه)
ضربتها على كتفها:انتي هيي..وينك؟؟
امينة:هه..نعم وش كنتي تقولين؟؟
مياسا بابتسامه مكر:وش تفكرين فيه..
امينة وهي تشوف اسنان مياسا ألي كلهم فيهم اوريو:ووع..
مياسا ضحكت:ههههههه...اخلصي وش تفكرين فيه؟؟
امينة رجعت لتفكيرها:بتركي..
مياسا:خليه بس يولي..
امينه:وجع ذه اخوك الكبير..
مياسا:امحق..المهم وش فيه؟؟
امينة:احس انه وراه نيه..ونيته مو زينه..
امينة(عمرها 33 سنه..ألي يشوفها يقول انها بالعشرين من جمالها.. طيوبه بالمره..بيضاء بس مو حيل خشمها طويل وعيونها وسيعه على اخوها تركي..ارمله وعندها بنتين عبير عمرها 9 سنين..ومرح 7 سنين... تهتم بالازياء والاناقة لدرجة الهوس..جسمها حلو بالمره مو نحيفة بالمره ولاهي سمينه..شعرها اشقر بندقي لكتفها)
مياسا(الاخت الصغرى وعمرها 15سنه..مسترجله بالمره وعندها مقالب وحركات..نحيفة بالمره وقاصه شعرها فيكتوريا..لونه بني غزالي..بيضاء)
ام راشد:لاتخافين يابنتي..
ليان بين دموعها:انا من زمان انتظره..وبكل بساطه ياخذ وحده معندها اصل ولا فصل..
ام راشد بهدوء:يابنتي من قال ان معندها اصل ولا فصل..امها وابوها ماتوا ومبقى لها احد غير عمها..
ليان مسحت دموعها:شوفي كم صار عمري وانا انتظره..
ام راشد لمت بنتها بقوة:يابنتي خلاص لاتبكين تراك عورتي قلبي..وبعدين ألي ماخذها اكبر منك ومنه..انتي لسه صغيرة..
ليان ببحه:العمر يمشي بسرعه يايمه..
ام راشد:ألي يسمعك احين يقول ان عمرك في الثلاثين...
ليان بحقد:وش لقى فيها؟؟
ام راشد بضحكه:وش اقول لك يابنتي وربي انها متنشاف من سوادها..
ليان:........
ام راشد:انتي احلى منها بكثير..هي متينه وشينه وربي ان ع بالي انها خدامتهم..
ليان زادت بكى:اجل ليه ماخذها؟؟
ام راشد:وربي اني مدري حتى اختي ام تركي قالت له كذا بس هو قال انا ابيها وخلاص..ولا بعد كان شارط انها تكون شينه ومتينه وحالتها حاله..
ليان:........
ام راشد بابتسامه:وسمعت من خالتك ام تركي انه بيطلقها عن قريب..
ليان التفت لها بسرعه وبصدمه:اجل ليه بيتزوجها
ام راشد:مدرري..بس مردنى راح ندري..اليوم الخبر بفلوس وبكره ببلاش..
ليان(عمرها 27سنه..بنت حسب ونسب وعز..متعافيه ماهي متينه حيل ولا هي ضعيفة حيل...خشمها طويل ومدبدب..سمراء شوي شعرها لنص رقبتها بني محمر صابغته..سوت تجميل ونفخ لشفايفها..مغرورة وحقودة..تحسب نفسها ملكه جمال..واي شيء حرام تسويه بس اهم شيء انه راح يخليها حلوة بتسويه..تحب تركي لحد الجنون..بس مصار لها نصيب..)
.........
صحت الصبح على رنه المنبه..فتحت عيونها بكسل وراحت ع التوليت شافت وجها..نست انها ممسحت مكياجها صاير وجها عفسه..نضفت وجها وتوضت وراحت تصلي..بعدها غيرت فستانها وفتحت شنطتها..وطلعت لها بجامة حلوة بقطعتين بلوزة نصف كم بلون الوردي وفيها رسومات "تويتي" وسروال لنصف الساق وشبشب فيه ريش من قدام لونه وردي..وفردت شعرها البني..وتعطرت ونزلت تحت..اعدت الفطار لهم..وراحت تدور في الغرفة..
دانه(يارربي أي واحد فيهم غرفتها..اففف بس..)وتوجهت لاول باب..
ولعت الانوار كلهم..انبهرت بالغرفة..كبيرة بالمرة..ع جانب الغرفة سرير كنه العاب..بلون الاصفر المشرق وووسادات بلون الاصفر والوردي والاخصر والرمادي..وغطاء السرير بلون الرمادي..ولون جدار الغرفة بلون الرمادي..وفوق السرير في الجدار مرسوم علامات الموسيقية واسطوانات يمتد على الجدار الواحد كله بلون الاسود والبنفسجي والاخصر والوردي..وبجانب السرير نافذة مطلة على الحديقة السفلية..بستائر من الشيفون باللون الاصفر الكريمي..
وكرسي دائري الشكل بجانب النافذه..التفت للجهه الثانية من الغرفة..جلسه مريحه..بكنب مخمل دائري من الدباج.."كنه حق باربي" وكنب ثاني مزدوج يكفي لثلاث اشخاص باللون السكر..ووسط الجلسة سجاد دائري باللوان الطيف..
وفوقه طاولة دائرية باللون السكر..رفعت وجهي لاشوف ديكور قمه بالروعة كان السقف منحت الصنع بزخرفات مثالية..وثرية انيقة تزيد جمال واطلاله المكان..ونافذتين كبيرتين خلف الكنب السكري.. ووسط السرير والجلسه كان فيه مسافة كبيرة وكان وسطه باب..عرفت انه توليت..اقتربت منه وسمعت صوت صنبور الماي..عرفت انها جالسه تغسل..
انتظرتها لين تطلع..ودقايق..
طلعت والتفتت علي وناظرتني من تحت لفوق..
انهبلت بشكلها..جميلة بمعنى الكلمة..كانت لابسه بجامه نوم قصير باللون الاحمر..<<بعد علموها..
نزلت لمستوها لها ورسمت الابتسامة على ثغرها:هلاا حبيبتي..
الجوري بغرور:انتي زوجة البابا..
دانه ببرائه:أي..صباح الورد ياورد..
الجوري كشرت بوجها:انقلعي..
انصدمت من كلمتها..
دانه بصدمه:ايش قلتي؟؟
الجوري رفعت حواجبها:الظاهر ان بابا تزوج وحده صمخه..الله يعينك يا بابا ع مبتلاك..
فتحت فمي..كيف بنت صغيرة زيها تقول هالكلام..
انفتح الباب وهو حاط المنشفة ع رقبته:هلاا حبيبتي..
الجوري ركضت له ولمها بصدره بقوة..ومن دون ميطالعني:زين انك نفذتي كلامي..الفطور جاهز ولا..
دانه:أي جاهز..
تركي رفع حاجبه:حمدي ربك..
دانه(يعني مش عارف يقول شكرا..صدق انه مغرور)
وراح للمطبخ..والتفت ومشافني وبصوت شبه عالي:يا دانه..دانه ووجع...
سمعت صوته وانا ارتب سريرها:اففف بس..عاوز ايه تاني..
ورحت للمطبخ..وعلامة الغضب كله في وجها اقتربت منه:نعم بغيت شيء؟؟
تركي اتكى على الجدار وبحده:ان التفتت وماشفتك وراي ذبحتك سامعه..
دانه بسخريه:ليه انا كلب..عشان الحقك..
تركي:رحم الله امرئ عرف قدر نفسه..
دانه بقهر:اسمع زين انا مو حيوان..
تركي قاطعها:انتي ألي قلتي انك كلب مو انا..و..
دانه انقهرت زود من برودت اعصابه ورحت عنه..
تركي انقهر من حركتي وع طول اقترب مني وسحبني من زندي بقوة وبحده:لما اتكلم معك اتوقع انك تسمعيني مو تتركيني وتمشين...
دانه بالم:نزل يدك..
تركي بنفس حدته:لا تامرين علي..متى محبيت انزل يدك بنزلها..سامعه..
دانه نزلت دمعتي ع خدي وبالم:سامعه...
تركي:اسمعي يابنت الناس ان منفذتي أي كلمه اقول ولا تجاهلتي كلامي متلومين إلا نفسك..
هزيت راسي بنعم..وجلسوا يفطرون وجلست وياهم..
تركي بدون ميطالعني:انت بامر من تجلسي...
دانه(افف..حتى في الجلوس بستئذن.)وقفت من دون نقاش..
خذت ورقة من الطاولة..وقلم..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك