رواية توأمي لكن انا غير ومالي مثيل وراسي عنيده -3
سلطان باستغراب:خير وش رحلته تونا واصلين من ساعتين
جاسم:واحد من الطيارين صارت له ظروف وما حضر وحطونا مكانه لان ما في احد غيرنا
سلطان:لا حول ولا قوة إلا بالله و الرحله على وين
جاسم:على ألمانيا يا حلو يله قم بسرعه
سلطان وهو يقوم:يله هذاني قايم بس عطني 10 دقايق اخذ شور والبس
جاسم وهو طالع :انا بلبس وبنزل انتظرك تحت
سلطان وهو داخل الحمام(أكرمكم الله):طيب
دخل وخذا شور ولبس ونزل تحت لجاسم وتوجهوا للمطار علطول
&
جاء الوقت المحدد والكل تبلغ ان الجمعه عند الجد اليوم
الكل حضر وجلسوا في الصاله الكبير حقت الجمعه والجد يحب كل العايله مجتمعين مع بعض
في الصاله الكبيره الجد جالس مع الجده في الوسط والرجال والشباب على جهة اليمين والحريم والبنات على جهة اليسار وطبعا في مسافه كبيره بينهم لان الصاله كبيره
الكل حاضر إلا هي برا في الحديقه تنتظر وصول أختها على نار
وصلت السياره عند الباب المطلوب وصارت تطالع البيوت الثلاث
بانه:تقول البيت الوسطي والله وطلع هالشيبه بابا نويل مو سهل
نزلت من السياره ودخلت البيت الوسطي وصارت تمشي لحد ما لمحت وحده جالسه في الحديقه
عند دانه لما شافتها واقفه من بعيد عرفتها كيف ما تعرف توأمها قامت وصارت تسرع في مشيها لها وصارت شبه تركض لها وحضنتها بقوه وعيونها مليانه دموع
دانه وهي ضامه بانه:بانه حبيبتي وحشتيني
بانه:ههههههه ارحميني خنقتيني
دانه وهي تبعد:مو مصدقه أنتي عندي وفي بيتنا
بانه:لا صدقي
دانه وهي تمسك يد أختها:اشتقت لك
بانه:حتى انا اشتقت لك كثير
دانه وهي و تسحب يد أختها وتدخلها داخل البيت:تعالي الكل داخل خليني أعرفك عليهم وخليني اوريهم أختي اللي كله أتكلم عنها
بانه:ههههه يعني انا الحين مشهوره
انه:شي زي كذا
مشت وياها لحد ما دخلت البيت ودخلت الصاله الكبيره والكل صار يطالعها و يطالع عبايتها الكتف واللثمه اللي حاطتها عكس دانه اللي لابسه برقع وجلال
وهي صارت تطالع الكل وتقيمهم تقييم أولي مثل ما تعودت لما تشوف أي احد
&&&&
خلونا نتركهم ونروح للمطار
جالسين في أماكنهم ويستعدون للإقلاع وطلب من الركاب ربط أحزمة الأمان
وبعد لحظات جات المضيفه
(الكلام بالانجليزي بس انا بكتبه عربي)
المضيفه:عفوا كابتن
سلطان:نعم
المضيفه:هناك راكبه تسبب المشاكل فهي تطلب منا إنزال المدرج وتريد النزول وعندما رفضت طلبت مني إحضار كابتن الطائره
سلطان استغرب والتفت على جاسم
جاسم:رح شف يا أخي وش السالفه
سلطان:طيب
راح وراء المضيفه ولما وصل سمع للبنت تكلم المضيفه بلهجه سعوديه
البنت:ساعه ويا ذا الوجه تنادين اللي يسوق الطياره
المضيفه ما فهمت شي:عفوا
البنت:يا شين الثواره أقول
انتبهت البنت على سلطان:انت اللي تسوق الطياره
سلطان ضحك على طريقه كلامها في نفسه:عفوا شلون اقدر أخدمك
البنت:ابغى انزل الحين
سلطان:نعم وش بغيتي
البنت:انت اصمخ ما تسمع اقولك لك ابغى انزل
سلطان صار يطالع البنت كانت لابسه بلوزه سوداء وبنطلون اسود وحجابها اسود ونظارات دواوير بس هالاشياء ما أخفى جمالها
البنت:خير معجب تطالعني كذا و تبغى صوره
سلطان بدا يعصب:استغفر الله
البنت:ليه شايف جني قدامك
سلطان:يا أختي ليه تبغين تنزلين يعني خايفه من الطيران
البنت:وأنت وش دخلك ليه ابغى انزل لا يكون انت طرزان الشجاع اللي ينقذ الناس من الخوف خلصني ابغى انزل
سلطان في نفسه وجع وش طولت اللسان ذي:طيب ليه ركبتي يوم انك تبغين تنزلين
البنت:يا شين اللقافه وش دخل أمك انت
سلطان اللي عصب:احترمي نفسك واتركي عنك طولت اللسان
البنت:لا تكفى ما بقى إلا تضربني
سلطان:نزول ما فيه وما دامك ركبتي انطقي واربطي حزام الأمان وبسك سخافه صدق من قال ان لم تستحي فافعل ما تشاء
مشى وخلى البنت وراه وهي عيونها طالعها من محلها وبعد ما استوعب وش قال
البنت:مالت عليك اووووف يا ربي ابغى انزل انا الغبيه اللي اركب طيارات وآنا ما أحبها وعندي فوبيا من الارتفاع لو إني مسافره بطريقه ثانيه ابرك
رجع لجاسم وهو ينفخ وجاسم لاحظ عليه:وش فيك
سلطان:صدق قلة أدب
جاسم:وش صاير وآنا اخوك
سلطان قال له كل شي
جاسم:ههههههههههههههههه
سلطان:هالبنت عليها طولت لسان تقول منشار وعندها رد لكل شي وقلة حياء عجيبه
جاسم اللي دموعه طلعت:ههههههههههههههههه
سلطان:خير وش عندك تضحك
جاسم:انت طرزان ههههههههه تخيل بس ههههههههه
سلطان:أقول اسكت تراني ما نيب رايق لك
جاسم:ههههههههههه
طالعه سلطان بقهر وبدا يستعد للإقلاع
&
كان الكل حاضر إلا هم الاثنين متغيبين لأنهم تأخروا بأشغالهم
دخلت من الباب اللي بين بيتهم وبين بيت جدها وهي توها بتدخل تقابلت وياه عند الباب
جاء من شغله ووقف سيارته اليوم تأخر بالشغل وهو يعرف جده ما يحب احد يتأخر وصل عند الباب وشافها توها بتدخل
تلاقت عيونهم شافته يطالعها بسخريه واحتقار ولف عيونه عنها ودخل
آلاء:وش فيه هذا يطالعني كذا الحمد لله والشكر والله شكله من كثر ما يشوف مجرمين ما عاد يفرق بين أهله وبينهم عاد انا وش علي منه
دخلت البيت تلحق على الجمعه
&&&
بصوت عالي في الصاله الكبيره:هذي أختي بانه
الكل يطالعها وهي تنقل نظرات عيونها العسليه بين الكل وتركزت نظراتها على الرجال الكبير اللي قاعد بينهم في الوسط
الجد يطالعها وهي تواجهه بنظراتها وما نزلت عيونها
انقطع الصمت على صوت صالح:بتظلين واقفه ما تعرفين ان الأصول تقول المفروض تجين وتبوسينا على روسنا ولا ما تربيتي عليها
دانه التفتت لأختها وبدا الخوف يدب فيها لأنها تعرف ان أختها لسانها طويل وما تقدر احد
بانه بلهجة سخريه:أول خلني اعرف أهلي وبعدها أشوف اسلم ولا لا
صالح وقف وكأنه ما صدق انها تكلمت علشان يبرد حرت رفض أمها له:والله هذي من قلة التربيه
بانه:أكيد انت عمي صالح والله مثل ما وصفوك وما ألوم أمي يوم انها ما وافقت عليك
صالح فار دمه وزوجته بين عليها الضيق أما صافي فكان مرسوم على وجهه شبه ابتسامه وفي نفسه:والله وطلعت هالبنت عكس التوقعات وطلعت عكس دانه وأخيرا جاء احد يبرد الخاطر
صالح:أنتي يبغالك تربيه من أول وجديد وآنا اللي بربيك
بانه وهي تكتف يديها وتطالعه باستخفاف:باي صفه لا تقول عمي لاني من جد بضحك
صالح كان بيرد لان بانه قهرته بس صوت الجده سكته بعد ما شافت نظرات الرجاء في عيون دانه انها تتصرف:صالح وبعدين خلصنا البنت ضيفه عندنا
صالح:ما تشوفين وش تقول كيف تبغيني اسكت هذا بدال ما تعلمونها الأدب
بانه باستهزاء:الحمد لله والشكر يعني لازم انزل عيوني وما أدافع عن نفسي علشان اطلع مودبه
وصلها صوت من وراء:لا وأنتي الصادقه يبغى لك قص لسان ولا ينشال من عرقه علشان تعرفين وشلون تكلمين تاج راسك
بانه التفتت عليه بغرور وهي تطالع يوسف من فوق لتحت:انا بانه و مافي احد يوصل لراسي ابد
يوسف:أنتي...
قاطعهم الجد:خلاص ما عاد لي اعتبار ولا وشو
الكل سكت ويوسف راح له وباس رأسه:السموحه اعتبارك فوق روسنا...والتفت يطالع بانه اللي تطالعه بعدم اهتمام
دخلت آلاء وسلمت وجلست وهي تحس ان الجو مكهرب
الجد بعد لحظات:نفس النظره ونفس الغرور ونفس العناد و الوقفه
بانه:افتخر إني أشبهه
الجد: طالعه عليه
بانه:في احد ما يتشرف انه يشبه ابوه
الجد: كنت متأكد انك راح تكونين مثله
بانه:علشان كذا خليتني بعيد عن أختي
دانه وهي تقرب وتهمس:بانه تكفين خلاص علشان خاطري
بانه طالعت أختها وما ردت
الجد:الماضي راح وإحنا في اليوم وأنتي وحده منا
بانه طالعت عيونه وتأكدت انه يكذب بس مشتها وما علقت علشان أختها وهي في بالها أشياء كثيره
الجد:هذا عمك صالح ...........وبدا يعرفها على الكل
بعد فتره الجده:يله يا بنات قوموا نروح الصاله الثانيه نأخذ راحتنا
قاموا وقامت معاهم بانه ودانه ماسكه يدها وكأنها مو مصدقه ان أختها معاها
جلسوا بالصاله الثانيه وعلطول انطلق لسان مدى:والله وطلعت خطير يا جميل
بانه تطالعها وفيها الضحكه:من أنتي
مدى:انا مدى بنت عمتك نجود
بانه:اها
رواء بهمس لرؤيه:والله تخوف هالبنت شفتيها وش كثر قويه
رؤيه ترد بهمس:ايه والله انا الصراحه توقعت وحده تشبه دانه طيبه مو العكس
روابي:وش عندكم تتساسرون
رواء و رؤيه: ولا شي
لولوه لهبه:تتوقعين بيصير اكشن الأيام الجايه
هبه:انا متأكده بتصير مشاكل دام هذي هنا
لولوه:بس دانه مسكينه شوفيها وش كثر فرحانه فيها
هبه:ايه والله تكسر الخاطر وكأنها ما صدقت انها جات
ظلت تطالع أختها وش كثر متغيره من أخر مره شافتها كانت متوقعه مشاكل بس ما توقعت ان أختها تكلم اللي اكبر منها كذا
لاحظت انها تطالعه وسرحانه والتفتت عليها:دانه وش فيك تطالعيني كذا
دانه برجاء:بانه تكفين ما ابغى مشاكل ابغى الكل يحبك هنا مثل ما انا احبك
بانه بابتسامه:من عيوني
دانه وهي ترد الابتسامه:تسلم لي عيونك
&
لهنا أوقف واترك لكم حرية التعليق
&&&&
توأم لكن انا غير ومالي مثيل وراسي عنيده
&
ودي لكم
قلب أمي وروحها
البارت الرابع
&&&
نروح للجو وفوق الغيوم والسماء
في الطياره
جالسه في كرسيها ومعاها كيس و تستفرغ وتحس بان بطنها يعورها
البنت:حسبي الله عليك ياللي تسوق الطياره يا نحيس آه آه آه آه آه آه يا بطني يا جدتي آه يا عمي ياربي صرت أخربط
ضغطت الزر لاستدعاء المضيفه وجات:نعم كيف استطيع مساعدتك (طبعا بالانجليزي)
البنت:اووووف وش تقول ذي ابغى حبوب رأس
المضيفه وهي ما فهمت:نعم
البنت:يا دلخه اقولك حبوب رأس يا ربي وش هالبلشه ما تفهم
المضيفه:لم افهم
البنت صارت تتلفت يمكن تشوف وجه احد خليجي أو من العرب وانتبهت على اللي وراها:الاخو خليجي
الشاب اللي وراها دلوع طبعا ورقيق:نعم أمريني
البنت:قل لها ابغى حبوب رأس
الشاب الخليجي:من عيوني...وبدا يقول للمضيفه
البنت بهمس:جعل عيونك البط ...وصارت تطالع شكله كان الشعر سبايكي والبلوزه ورديه ومبين عليه انه ناعم
البنت:استغفر الله
الشاب:تأمرين شي ثاني يا عيوني
البنت:ما اخبر فوزيه الدريع عندنا هنا
الشاب:نعم وش قلتي
البنت:أقول اللي يعين أمك على اللي جات به
الشاب ما فهم بس بلقافه :عفوا أختي الاسم
البنت عصبت بروحها مصدعه والحاله زفت وحطت حرتها فيه:ليه الأخ بيخطبني وآنا ما ادري
الشاب استغرب من عربجتها:لا بس نتعرف
البنت:تعرفت عليك الجنانوه و السكون ما باقي إلا هذي انا أتعرف على مايع
الشاب:احترمي نفسك
البنت:انا سجيه بنت عليان تقولي احترمي نفسك والله هزلت الفير أند لفلي يعلمني الاحترام
جات المضيفه ومعاها الماء والبندول
وخذتهم سجيه وعطت الشاب نظره وتعدلت في جلستها وهي تتحلطم عليه
بعد ما طلعوا الحريم والبنات من الصاله استأذنوا الشباب وطلعوا الحديقه وأول ما جلسوا
يزن بحماس:شفتوها ههههههههه والله مب هينه
مازن:ايه والله احنا ظنيناها مثل دانه ما لها صوت
يوسف:إلا هذي يبغى لها تكفيخ بس طراقين و تتعدل
مقعد:ليه وش مسويه البنت
يوسف بعصبيه:ما شفت كيف تكلم عمي صالح وأبوي (يقصد الجد) تكلمهم كأنهم اصغر عيالها
لافي:يا أخي يعني وش تبغى منها لا تنسى انها عاشت عيشه غير عيشتنا يعني سلومها غير سلومنا
يوسف:ولو المفروض قدام الكبير تنطم وتنزل عيونها في الأرض
مقعد:يا أخي لا تحر عمرك ما له داعي هالكلام وبعدين احنا مالنا دخل جدي يعرف يتفاهم معاها وأنت سمعته لما قال بنبدا صفحه جديده
معاذ:هو صادق البنت مع جدها يتصافون احنا وش لنا بعوار الرأس
الكل كان يتكلم ويناقش إلا هو كان يطالع الكل وهو ساكت لأنه تعود على انه ما يدخل نفسه في أمورهم من هو أكيد نادر ما كان له أي صوت كان مجرد متفرج
&&
بعد ما جلسوا فتره مع الكل
دانه وقفت:يله عن أذنكم بطلع انا و بانه فوق نرتاح و نسولف شوي لحالنا
مدى:اييييييه من لقى أحبابه نسى أصحابه
أسير:و عطاهم اكبر طاف بعد
دانه بابتسامه:هذا أنتي قلتيها ...ومشت وهي ماسكه يد بانه وقبل ما يصعدون الدرج صادفوا يوسف اللي كان ناوي يصعد فوق يغير ملابس الشغل اللي لحد الحين ما غيرها وطبعا مثل ما قلت لكم من قبل يوسف عايش ببيت الجد بس هو وإخوانه وأمه دور لحالهم طالعته بانه باستخفاف من فوق لتحت بشكل سريع وصعدت مع أختها
أما يوسف كان النيران شابه عنده ويشتم ويسب
&&
نطلع من بيت الجد ونروح لبيت كبير ما يسكنه إلا ثلاثه
قاعد وراء مكتبه ويشتغل وسمع طق الباب
يامن:تفضل
دخلت بنته وهي مبين عليها الزعل
يامن:وش حبيبة أبوها زعلانه
سوسن:وش فيني في غيرها ذيك المعلمه الملعونه مكرهتني في الدراسه
يامن:قصدك معلمة الرياضيات
سوسن بكذب:يبه أصلا انا ما سويت لها شي هي وحده تتسبب على الكل
يامن:لا تقولين ما سويتي لها شي لاني أبوك وأعرفك
سوسن تورطت لان أبوها يعرفها عدل:بس انا رديت عليها لما هي غلطت علي
يامن:وبعدين مع هالمعلمه القلق خلاص انا أشوف وش اقدر أسوي وأتصرف
سوسن:يبه خلها تدخلني الحصه ولا ترى كذا برسب
يامن في نفسه:يعني اللي يسمعك يقول مقطعه الكتب وبابتسامه:خلاص يا عيون أبوك انا أتصرف مع معلمتك هذي
سوسن بابتسامه باست أبوها :تصبح على خير
يامن:وأنتي من أهل الخير
طلعت من المكتب مبسوطه وفي نفسها متوعده للاستاذه هبه انها طلع عيونها
بعد ثلاث ساعات خلص شغل وطلع من المكتب وصعد الدرج وراح على غرفة بنته يتطمن عليها انها نامت قبل ما يروح ينام وبعد ما تطمن عليها راح لغرفة ولده ثامر وبعد ما تطمن عليه راح لغرفته وهو يفكر في معلمة الرياضيات وكيف يتصرف معاها
دخل غرفته وخذا له شور وانسدح على سريره وتذكر زوجته وتذكر يوم راح لها المستشفى
دخل غرفتها ويطالعها بقرف:يقولون تعبانه هذاني اشوفك مثل الحصان ما فيك شي
ليلى:يامن
يامن:لا تنطقين اسمي على لسانك واخلصي ليش طالبه تشوفيني مو طلقتك وخلصنا
ليلى:يامن والله...
يامن:لا تحلفي وتقولين ما تعرفينه صورك يا الفاسقه جايه لمكتبي
وقرب ومسكها من يدها وهو راص على أسنانه:احمدي ربك ما ذبحتك واسمعيني زين لو اشوفك متصله على عيالي أو اسمع بس انك متواصله معاهم والله لأقطع خبرك فاهمه يا حيوانه
ليلى:إلا عيالي...
قاطعها يامن:أنتي وحده مو كفوا تكونين أم ويا ويلك لو اتصلتي مره ثانيه
وطلع وخلاها في نوبة البكاء والندم لأنها فرطت في بيتها وعيالها علشان شوية كلمات حب انقالت لها في وقت بعد فيها عنها زوجها بسبب أشغاله
رجع للحاضر وهو يحس بضيق :الله يأخذك كرهتيني في كل شي
وغمض عيونه ويحاول ينام
(أعرفكم بيامن:رجل معروف وعنده واسطات مطلق زوجته اللي خانته ومن بعدها كره الحريم وصارت نفسيته لا تطاق ويدلع عياله ويحاول ما يخلي احد يضايقهم علشان يعوضهم عن امهم
عياله
سوسن:تدرس في مدرسة هبه وهي بثاني متوسط بنت ما تحترم احد وتشوف الناس من طرف عين وشايفه نفسها
ثاني عياله ثامر ولد عمره سنتين )
&&&&
في مطار ألمانيا نزلت من الطياره وهي تتحلطم
وهي تمشي ضربت فيه رفعت راسها تعدل النظارات
جاسم:sorry
سجيه:سوري في عينك ول عليك جدار مو بني ادم
جاسم:الأخت عربيه
سجيه:لا فلسطينيه
جاسم:خلاص قلنا آسفين
التفت للصوت اللي يقرب منه:وين رحت
وطالع البنت اللي تكلم جاسم
سلطان:أنتي
سجيه:لا خيالها
سلطان:استغفر الله ياربي
سجيه:ليه شايف دراكولا قدامك
جاسم توه يفهم:لا يكون طرزان ههههه ههههههههه
سلطان تركهم ومشى والبنت طالعت جاسم اللي يضحك وتحمدت لربها وتركته يضحك وهو يحاول يلحق سلطان
طلع من البوابه ووقف تاكسي وجاسم جاه:هذي هي
سلطان:ايه هذي هي مو لسانها طويل
جاسم:ما شاء الله مجهزه الاسلحه على طول تطلقها
سلطان :أقول لك لسان منشار اللهم يا كافي
جاسم:ههههههههه
سلطان طالعه وتركه وركب التاكسي وجاسم ركب معاه ومشوا للفندق
&&&
في البيت الكبير
جالسه تتفرج على غرفة أختها
دانه:ها وش رايك
بانه:حلوه غرفتك هاديه مثلك
دانه:ههههههه فديتك والله يا أختي
جات بانه وجلست مقابله أختها
دانه:ليه صبغتي شعرك
بانه:مليت من الأسود
دانه:انا ما أفكر أغير لونه ابد بس تدرين الأشقر والبني حلو عليك
بانه بغرور:أصلا انا كل شي فيني حلو
دانه:هههه ما نقدر على المغرورين
بانه:تذكرين أيام قبل لما كنا مع بعض
دانه بحزن:ايه اذكر
بانه:قبل ما يتوفى أبوي ويفرقنا بابا نويل(تقصد الجد)
دانه:بانه والله ما ارضى عليه محد رباني غيره
بانه:أنتي ما ادري وشلون عقليتك تحبينه وهو اللي فرق بينا ولا نسيتي يوم كان عمرنا 7 سنوات ومات أبونا وجاء وكان بياخذنا احنا الثنتين من أمنا بس بعد ما هدته أمي انها بتعلم عليه انه متزوج على جدتك قرر انه يخلي وحده منا ويأخذ الثانيه وراح يخلي أمي تتزوج بدون ما يتدخل في حياتها ولا نسيتي
دانه سكتت ورجعت بذاكرتها لما كان عمرهم 7 سنوات بعد وفاة أبوهم وبعد ما طلعت امهم أيه من العده جاء الجد البيت
الجد وهو جالس في المجلس ومعاه صالح وصافي وأيه كانت متغطيه
الجد:انا جيت اخذ البنات وأربيهم في المكان اللي المفروض يتربون فيه
أيه وقفت بعصبيه:هذول بناتي انا وما راح اسمح لأي احد يأخذهم
الجد:عطيني البنات بطيب لاستخدم معاك أسلوب ما تحبينه
أيه:انت تهددني
الجد:ما قدامك إلا خيارين يا انك تعطيني البنات أو انك تتزوجين ولدي وبناتك يتربون وسط حضنك
أيه طلعت عيونها كيف يفكرون يزوجونها ولدهم وهي توها طالعه من العده صدق ناس ما ترحم
ايه:ممكن نقعد على انفراد
الجد:في شي قوليه ما له داعي الانفراد
أيه:لا انا متأكده ان له داعي ممكن
الجد التفت لعياله واشر لهم وهم طلعوا
الجد:قولي وش عندك
أيه:ما عندي غير إني راح ارفع سماعة التلفون واتصل على زوجتك وأقول لها عن السر الدفين
الجد تغير لون وجهه:وش قصدك
أيه:قصدي بناتي أنساهم وأنت عارف انا عن ايش أتكلم عن المصريه اللي متوجها على زوجتك
الجد:شلون عرفتي
أيه: وشلون عرفت هذا شي يخصني
الجد سكت يفكر هو يعرف أيه ويعرف نوعيتها من الناس
الجد:بأخذ وحده واخلي عندك وحده
أيه:وش اللي يخليني أعطيك وحده من بناتي ها
الجد:أكيد أنتي ما تحبين انك تظلين كذا طول عمرك من دون زواج و خاصه انك توك صغيره وحلوه يعني أكيد بتعيشين حياتك وآنا ما راح أتدخل في حياتك ولا في أي شي بتسوينه في المستقبل بشرط تعطيني وحده من التوأم
ايه بتفكيرها الأناني:بس..
الجد يقاطعها:لا بس ولا غيره ها اخذ وحده من البنات ولا عاد احد منا يشوف الثاني ولا تفضحيني وتصير مشاكل وآنا اخذ البنتين وأحرمك منهم ثنتينهم
أيه :انا موافقه
وفعلا اخذ الجد دانه وقطع كل وسائل الاتصال فيها بس عمرها ما نست أختها وكانت دائما تقول لجدتها انها تبغى تشوف أختها وكل ما تكبر تزيد إصرار في طلبها لحد ما جاء يوم وكانت دانه بثالث متوسط وجاتها الجده وعطتها التلفون ولما كلمت تفاجات بأنها بانه ومن ذاك اليوم ظلت متواصله معاها وصارت بانه تشوف دانه بأنها تجي لها في الثانويه في اجتماع الأمهات أو تزورها ولأنهم توأم كان التفريق بينهم صعب لحد اللحظه هذي
بانه:دانه وين رحتي
دانه وعيونها دموع:كلهم مشتركين مو بس جدي
بانه:ادري حتى أمنا المفروض تحمينا ضحت بوحده منا علشان تضمن انها تعيش براحه في المستقبل وتتزوج وتتمتع
دانه وهي تمسح دموعها:الماضي راح يا بانه والحين احنا في الحاضر
بانه:معاك حق بس الماضي اليم
دانه:مع بعض بيكون المستقبل أحلى
بانه بابتسامه:يا حبي لك إذا تكلمتي بتفاؤل والله اتفائل معاك
دانه:وهذا المطلوب
سكتوا بعدها
دانه:أقول بانه
بانه:همممممممم
دانه:أنتي بتسافرين بعد بكره
بانه:ايه لان الدراسه بعد ثلاث أيام ولازم أكون حاضره قبل الدراسه بيوم
دانه:اها بس...وسكتت
بانه باستغراب:بس ايش
دانه:انا بقول لك اللي سمعته
بانه باهتمام:ايش سمعتي
دانه:سمعت جدتي وعماتي يقولن ان جدي ناوي يخرب عليك ما يخليك تسافرين وهو يعني خلاني طعم علشان يجيبك هنا
بانه:اها انا قايله بابا نويل من متى عنده كرم ولا طيبه
دانه:انا أسفه والله ما ادري انهم ناوين يسوون فيك شي
بانه:لا تخافين انا أصلا توقعت والسفره بإذن الله ما راح تطوفني
دانه:شلون
بانه:كل شي بوقته حلو
دانه هزت راسها وسكتت والخبر اليوم بفلوس بكره ببلاش
&
أشرقت شمس الصباح
صباح الخير بسعادة عصفور أقصى امانية
ان يكون نهارا سعيدا مشمسا ليغرد بأحلى الأنغام
صباح الخير بعبير زهور في يوم مشرق حافل
صباح الخير بهدوء الريف الأخذ وبصخب المدينة الممتع
قامت وصلت الفجر وصارت تستعد علشان الشغل
أسير اللي قامت من إزعاج أختها:اووووف هبوه بسك إزعاج
هبه:يله قومي شوفي الساعه كم قومي صلي والبسي ولا ناسيه ان في مدرسه
أسير:اووووف منك
هبه:قومي لا اعلم أمي عليك
أسير:لا خلاص قمنا ...قامت ودخلت الحمام (أكرمكم الله) وهبه نزلت تحت
في دور ثاني وغرفه ثانيه
بانه بااااااانه يله قومي
بانه فتحت عيونها بكسل:همممممممممم وش تبغين
دانه:حبيبتي قومي الساعه 6 وربع يله قومي صلي ما صليتي وانزلي افطري الكل تحت
بانه:حرام عليك في احد يقوم 6 الصباح
دانه:ههههههههه ايه هذا النظام هنا يله
بانه وهي تقوم :طيب طيب بس علشان خاطر عيونك يا حلوه
دانه:ههههههههه لا انتي شكلك مضيعه ههههههه
بانه ابتسمت وراحت تتوضى
ودانه خافت تستناها وتتأخر على جدتها وعلى تصليح القهوه لها ولجدها فقالت بصوت عالي:بنو حبيبتي انا نازله وأنتي ألحقيني اوكي
بانه:وهي تطلع من الحمام(أكرمكم الله)و ليش ما تستنيني
دانه:لا جدتي تحت ولازم أكون معاها بالمطبخ
بانه:طيب بس إذا ضعت أنتي تحملي النتيجه
دانه:هههه لا ما راح تضيعين أنتي بس انزل الدرج و بتشوفين الصاله وعلى الجنب المطبخ
بانه:طيب
دانه قبل لا تطلع:ولا تنسين تتغطين
بانه:ليه
دانه:أنتي نسيتي ان عماتي وعيالها بالبيت
بانه:اها طيب ما شي
طلعت وخلت أختها تصلي
نزلت تحت ولقت جدتها زي العاده تصرخ على الخدم وهي تضحك عليها وعلى كلامها معاهم
&&&
في بيت الطيبه
معوذي معوذي
معاذ:ها حبيبتي
غصون:معوذي اصحي لا تتأخر على الشغل
معاذ طالعه زوجته وابتسم:يا حلو هالصباح والله
غصون:هههه اشوفك رايق
معاذ:كيف ما أروق وآنا مصبح على أحلى وجه
غصون:أقول قوم لا تتأخر بعدين عمي صافي يزعل
معاذ:بقول اعذرني يبه كنت اكلم الهواء اللي أتنفسه
غصون:لا تحط اللوم علي انا ما لي شغل
معاذ:ههههه انا أصلا كل ما تأخرت قلت لأبوي ان أنتي السبب
غصون شهقت وضربته على كتفه:يا ويلك من ربي ليه تكذب
معاذ يسوي روحه صغير:والله ما أعيدها بس أنتي لا تزعلين يا ماما
غصون:ههههههههههه والله انت مجنون
معاذ وهو يقرب:مجنون بحبك
انفتح الباب بقوه:ثباح الخيل
وجات تركض ونطت على أمها
غصون:هلا وغلا بميه بحبيبة أمها
مي:انت بعد هبيبتي
معاذ:بنتك تعرف تختار الأوقات الغلط
غصون:ههههههه تهبل بنتي
معاذ:أول مره أشوف بزران يصحون الصبح
غصون وهي تشيل بنتها وتطلع:خلينا نطلع لا ينضلك أبوك ويله ننتظرك على الفطور
معاذ بابتسامه:شوي وألحقكم
راح يأخذ شور ويتجهز علشان يروح الشغل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك