رواية عودتني كل يوم اسمع انا صوتك -38
نزلن تحت ويوم قدها سلامة بتفتح باب الصالة علشان تطلع ...سبقها أحمد وفتحه و اللي كان ياي من برع...أحمد من شاف سلامة أنصدم ...
أحمد وهو يطالع سلامة وفي عيونه فرحه :مرحبا مليار ...بحبيه هذا (وتم يأشر على قلبه) .....
سلامة:أهليين حمودي ....
أحمد وهو مستغرب :يا ويل حالي ما حلى كلمة حمودي على لسانج .....أاااااااه أحس أني راح أذوب من حلاتج .....
سلامة بدلع:أشحالك
أحمد:بخير يا روحي ....مدامج بخير.....
سلامة:أوكيه أنا أستأذن شيء في خاطرك يا شيخ الشباب ...
أحمد:سلامتج يا شيخة الشابات في وداعة الرحمن ...
سلامة وهي تسير وتلتفت كل شوي وراها وأطلع أحمد وتضحك ....
سارة واللي كانت تسير وراء سلامة:تحركي خلي عنج التلفيت ....
سلامة واللي تلبس نعاله:حاسدتني .....
أحمد تم يطالع سلامة يوم هي رايحة ....
سارة:أنا ...بالعكس ما حد مثلي فرحان لج ...
سلامة واللي تتقرب من سارة وتحبها على خدها وأطالع في أحمد ....
أحمد من شاف سلامة تحب سارة راح صوبها ....
أحمد وهو مقابل سلامة:لو سمحتي من قالج أنج تحبينها ....
سلامة تم تتبسم .......
سارة:وأنت ليش معصب ......
أحمد:كيفي ...أبا تخلي القبلات لي ......
سارة وهي مصدومة من رد أحمد:شو أستحي على ويهك يا أحمد ...
أحمد واللي يطالع سلامة واللي صاير ويها أحمر من المستحى ...
أحمد:خطيبتي وأنا حر ....
سارة:يوم راح تتزوجها هذيك الساعة يحقك لك ....يالله سلامة خلينا نروح ....
راحت سارة وحطت أيده على كتف سلامة ...وسلامة حطت أيدها على كتف سارة وتمين تسرن ...شرات البنات الصغار ...
أحمد وهو يصارخ :يا ويل حالي من الدلع ....الله يسامحج راح تموتين ....
سارة:لا تفترين وراج والله اذا التفتي راح أخبر مبارك عليج ...
سلامة:لا والله ...ماحد له خص فيني ...هذا خطيبي وبعد شهر راح يصير ريلي فلا تتدخلين في شيء ما لج خص ....
سارة:أوكيه على راحتج ....
راحت سارة هي والخدامة ووقفن للسلامة حتى دخلت البيت وبعد رجعن صوب بيتهم ....
في الخيمة بو محمد وأم محمد ومحمد يالسين و يرمسون ....
سلامة وهي تقول في خاطرها :أففففففف الحين محمد بيتخبرني وين راحتي ومن وين يايه ومن وصلج ....معقد أخوي ....
سلامة وهي واقفه عند باب الخيمة:السلام عليكم ....
الكل:وعليكم السلام ....
محمد:من وين يايه سلامة...
سلامة واللي تقول في خاطرها:أعرفه لازم يتخبرني عن كل شيء ....
سلامة:هااا ....راحت أطلع لسارة مجلة كانت تبيها ضروري ((الكذب بعينه ))
بو محمد:تعالي سلامة ...ليش واقفة
سلامة: عني أفداك أبوي ...بروح داخل اذا ما عندك مانع ....
بو محمد:على راحتج ...
سلامة:سعيد تعال حبيبي ...
وخذت سعيد عندها وراحت داخل .....
يوم قدها بتدخل حصلت سالم توه يبي يطلع....
سالم وهو يتبسم :أهليين بالحلوة... زعلانة
سلامة ما ردت على سالم وتمثل أنها معصبة ....
راح سالم وحبها على خدها:كذابة مو زعلانة أعرفج يوم تزعلين ......
سلامة: أنزين ....ليش ما خبرتوني .....
سالم:والله ما أدري عنج ....وأصلا كانت عندج سارة ....
سلامة:لا والله ...عادي بنروح عندكم ...
سالم واللي قده بيطلع :أمكن سارة تستحي مني ...
سلامة وهي تتنهد: خلاص في المرة الياية بروح عندكم ....
سالم وهو يتبسم :أن شاء الله.....
راح سالم صوب الخيمة ......
سالم:السلام عليكم ...
الكل:وعليكم السلام ...
وراح وسلم على أمه وأبوه وحب كل واحد منهم على رأسه ...وبعدين راح وسلم على محمد .....
أم محمد:بسم الله من نومك يا سالم أنت ومبارك
سالم:سهرانين الليل كله ... وما نمت حتى عقب صلاة الصبح ...
بو محمد:الله يعينكم من هالسهر .....ترى السهر مرض ...وأنتم الواحد فيكم اذا سهر حتى الصبح ...هو الريال في نظر عيونكم ...الله يهديكم يا عيالي ....
سالم تم يضحك ....وبعدين ما تكلم وتم لازم السكوت ويتقهوى ....
أم محمد:الحين مبارك نايم
سالم:هيه...
الكل تم ساكت وسالم مرتبك يبي يفتح الموضوع بس مستحي ....
وتم يقول في خاطرة:يا ليتك يا مبارك هني كانت عرفت كيف أتكلم أو على الأقل من أشوفك أرتاح وأعرف أرمس أمممممم..راح أتوكل على الله,,,
سالم وهو مرتبك وقلبه يدق بقوا:أبويه .....
بو محمد:عونه .....
سالم:أبا أقولك شيء الا أني ...أمممممم....... فيك تقول أني مستحي ...
بو محمد:افاااااا الريال ما يستحون ...
سالم:أدري......... بس مستحي منك ...
بو محمد:ليش ....
سالم وهو يتبسم بابتسامة خجولة:أمممممم ....ابا أكمل ديني ....
أم محمد تم أطالع في سالم و بتمووووت من الخوف لا يكون سالم يبي يتزوج بوحدة غير العنود .....
بو محمد:ألف مبروك ...والله أني فرحت لك من الخاطر ...بس ليش مستحي ...
سالم:من فترة وأنت تقول لي كمل دينك ...وأباك تستر على بنت عمك وأنا أرفض ...بس أنا فكرت في الموضوع ...وقررت..
بو محمد:هاه شو قررت يا بو غنيم .....
سالم:خلاص أنا ابا أعرس بالعنود ....
أم محمد من سمعت أن سالم يبي يتزوج العنود تمت تصيح ....
سالم وهو يطالع في أمه:أماااايه ليش تصيحين
أم محمد :من الفرحة يا سالم ...يالله يعلك تسعد سالم وتفرحه وتوفقه في حياته ...
الكل:آمين ....
سالم:حنا وياكم أن شاء الله ...
محمد:مبروك....يا سالم وتستاهل كل خير يا بوغنيم ....
سالم وهو يضحك:الله يبارك فيك يا بو حمد ...
بو محمد:والله أني فرحت لك يا سالم أكثر عن خوانك كلهم ....
راحت أم محمد صوب سالم وتمت تحبه ....و كانت بتموووت من الفرحة ....
أم محمد:يا ويلي عيالي كلهم بيعرسون في ليلة وحدة ....
سالم:لا أمايه أنا مبا أعرس الحين ...
بو محمد:لا يا سالم أنا أباك تتزوج عند خوانك ....وتخليني أفرح بكم كلكم ..
سالم:على راحتك .....والشور شورك يا بو محمد ....
الأيام وسالم خطب العنود و الكل استانس لسالم والعنود .....
وكلهن قررن أنهن توقفن هالكورس من الجامعة ..
سلامة كانت وايد حزينة لأنها ما راح تدخل الجامعة هالكورس ألا أنه كل شيء يهون علشان عيون أحمد ...
ورتبوا القسم اللي فوق كله لسالم ومبارك وخلو حجرتين لقوم اليازية اذا ين صوب هلهن ....
مبارك كل يوم يختار ديكور لحجرته وملعوز هل الديكور ....الا أنه في الاخير أستقر على لون البيج وكان شكلها غرام ومبارك ذوقه ما فيه حيله عجييييييييييييييييب ...وما خل حد يختار له شيء ...وكل مرة يروح دبي يأخذ أكسسوارت للحجرة مش طبيعيه من حلاتها ..
أما سالم ما تشرط واااايد فأختارن لهم الديكور والاثاث اليازية وسلامة والريم وكانت غرفتهم ذهبي مدموج بها لون العنابي ...كانت الحجرة في قمة الرومانسية والحلاة ....والاكسسورات واااايد حلوة ...
و قرب العرس الجماعي ..((واللي راح يتزوج مبارك بسارة وسالم بالعنود وأحمد الخييلي بسلامة ومحمد الكعبي باليازية )).. مبارك وأحمد أكثر شيء متحفزين والي يالسين على أعصابهم و يعدون الايام و الساعات و الدقايق ..........
مرن هالاسبوعين بسرعه .. و هذا الي كان مخلي سلامة وسارة مرتبشات أكثر شيء .. خلاص .. باقي كم من يوم على العرس ....
بالثلاثاء ...
سلامة وهي يالسه و اتشوف الحنى في اديها .. يــــــــــومين و بتكون حرمت أحمد صدج ..
سلامة واللي كانت تكلم سارة و بتموت من الفرحة :ياويلي حالي يا سارة ماني مصدجة أني يومين و راح أكون حرمت أحمد تصدقين بمووووت من الوناسة ...
سارة:والله أنج رايقة ...أقول حتى الحين ما يت الحناية شو أسوي
سلامة:اتصلي عليها الحين ....
سارة:ظنج ...
سلامة:هيه حشريها بالاتصالات .....
سارة:أوكيه ...مع السلامة ..
سلامة:في وداعة الرحمن ...
اليازية:ما خلصتي ...
سلامة:بعدنا..... خلصت من ريولي و توها تحني أيديها ........أمممممم ..حلو اليازية...
اليازية:غراااااام ...
سلامة بغرور:أصلن ريلي بيضاء وحلوة فأكيد راح يكون الحناء عليها حلو...
اليازية:يالله واثقة وايد من نفسج ....العنود خلصت الحنايه منها ...وأنا حتى الحين على الانتظار خليها تخلص منج بسرعة
سلامة: أن شاء الله ...
اليازية: أمممممم .... وايد بطيئة .... ياويلي يا سلامي تدرين منو تحت...
سلامة واللي أطالع في حناها:منو
اليازية:عمتيه ....وخالات محمد ...عني ماخلا منهن عسى ...
سلامة:والله أنج بتموتين من الفرحة ....
اليازية:لا والله ...أحسن عنج أنا على الاقل رزينة مو أول ما وصلوا هل أحمد نزلتي تسلمين عليهم ....ما تقول عروس ..
سلامة:أحبهم شو أسوي .... أقول وين ريموه...
اليازية:تحت تعابل الزهبة عند أمايه ....
سلامة:صدج تعبت الريم هاليومين ...وعفراء وينها عنهن
اليازية:عند العنود....
و بالاربعاء .. انترس بيت قوم حمد الكتبي وبيت قوم العنود .. و الصبح كانوا مسوين المقصاب في خيمة كبيرة كانت قدام بيتهم و غدو الحرمات .. و ما شاء الله يراتهن ما قصرن من الصبح عندهم .. و من عقب ما تغدن الحرمات .. روحن ..
و وايد الي يوهم من هلهم في دبي والعين .. و توزعوا من بين بيت قوم بو محمد و بيت بو راشد عشان العرس باجر ..
والشباب ظاربنهم حفوز مب طبيعي .. كل شوي يروحون من خيمة الحريم لخيمة الريال ....يعابلون....
الخــــمـــــــيــــــــــــس ...
كان الجو ربشه من الخاطر .. و ما شالله ما تم حد ما ياهم .. و من الساعه 4 العصر و الحوربيه ادق..واليويله ما تم حد منهم ما ياهم ...وتم الجو واااايد حلو ....والكل مستانس في هذا العرس ....والشباب المعاريس مرتبشين بشكل مش طبيعي ...
عند الريال الجو ربشة من الخاطر يوله وأغاني وشلات ..
مبارك واقف كأنه شيخ وما يتحرك ....
أحمد:مبارك شوي شوي على عمرك ترى بعدين ظهرك بيعورك ...
مبارك ويلتفت لأحمد بشوي شوي:هاه النسيب شو تقول ....
أحمد:أقول لا ترتكز وايد ظهرك بيعورك بعدين ...
مبارك:ايوه ...أقول أحمد ...سفرتيه عدله
أحمد وهو يطالع مبارك:هيه .....وأنا
مبارك وهو يضحك:غرام ....راح تذبح سلامة اليوم ....
أحمد:والله أنه فيني حفوز مش طبيعي ...
مبارك:لا تخبر...أنا أحس قلبي ينتفض من داخل ....من الفرحة ...
أحمد وهو يفتر صوب راعي الكيمرة ويكلمه:قرب .... قرب .... صورني....
مبارك:بسم الله فضحتنا ....خلك رزين ...والله أنهم راح يصورونك لأنك المعرس يا الغبي ...
أحمد وهو يبتسم للكيمره:ألف مبروك الغالية..أااااااه يا قلبي ...وتم يحرك شفا يفه ويقول أحبج .....(كأنه يكلم سلامة)
أحمد وهو يفتر صوب مبارك:والله يا طويل العمر أنا اليوم معرس وترى طلباتي أوامر ...
مبارك:صدجك ....
سالم ومحمد كانوا بيموتون من زود الفرحة .....
محمد:أففففففف وأخيرا صرت معرس ...
سالم وهو يضحك:ليش مبونك قاطع الأمل أخوي.....
محمد:لا والله ....بس كنت خايف أني ما أختار حرمة سبشل...
سالم:ياويل حالي .....الريال صار متخشع ...
محمد:يونك الحين أنت مب فرحان...
سالم:اذا تتكلم عن الفرحة ....تراها موصله عندي على أخر درجة ...و أظني اليوم أنا بعد ما أصور بروح صوب دبي ..ماراح أيلس حتى باجر ومناك بأخذ لي لف حول العالم مع عروستي ....
محمد:عيل أن شاء الله عندكم ...
سالم:لا حبيبي روح عند مبارك وأحمد بيرحون جزر المالديف ومناك ماليزيا ترى أجواهم شاعريه ورومانسية ...
محمد:شو ....لا والله هذيلا ميانين ...أنا ابا أروح عند واحد رزين وحشيم شراتك طال عمرك...وترى العنود ما تصبر من اليازية ولا اليازية تصبر عنها ....
سالم:خلاص رتب أمورك ...
محمد وهو يضحك:أمره فالك طيب ..
سالم:فالك ما يخيب ....
من خلصن العرس كل وحدة منهن أرتبشت عند المصورة مالتها ....
انحط العشى .. و من عقب ما تعشو الحرمات و الرياييل .. حدرو العروس سلامة وكان عندها مبارك ..وسارة وكان عندها أحمد .... بعد ما بندو الليتات وشغلوا الدخان و كان موجود ليت أبيض على كل عروس دخلن سلامة وسارة كل وحدة منهن طلعت من الدري اللي على طرف الكوشة ....أحمد كان عدال سارة ومقابلة في الطرف الثاني مبارك واللي عنده سلامة ...كان شكلهن رهيب من الخاطر ..وأحمد ومبارك كانوا في قمة الجمال و الكشخة .. كانت دخلتهن على غنية راشد الماجد " حد منكم شاف فالدنيا "
(حد منكم شاف فالدنيا بدر ..مقبل ٍ يمشي و من حوله بشر.. من حلاه ايزف لناظر ظيى ..ان ظهر لناس و الا ما ظهر و.. لا اله الا الله .. عالنبي محمد يله صلو عليه .. والله يا نور بهالدنيا نراه ..مستحيل ان نشوفه في بشر.. و التقت شمس الظهير بالقمر .. و في محياها بدى الصبح الضيى ..مشرق ٍو اخدودها واحة زهر ..و العيون الي كما عين المها تمتزج فيها البراءه بالسحر..الليله الليله محلاها الليله.. الليله الليله حلوه و جميله... و الا اله الا الله و على العروس اسم الله )
الكوشة كانت شكلها عجيييب كلها ورد جوري أحمر واللي أختارها سالم ...
كانت سلامة لابس فستان أبيض من تصميم وليد عطا لله كان شكله غرام وله طرحه طويل ...وحاطه مكياج وردي رهيييييييييييييب ...كانت تمشي بشوي شوي ....واللي يمشيها مبارك في ممر الكوشة ((مع أن قلب مبارك عند سارة))...
وأحمد وسارة واقفين مكانهم أحمد تخبل على سلامة ...كانت أعيونها تجذب الناظر لها...وحركاتها تزيدها حلاه ...
وعقب تمشت سارة وكان ماسكها أحمد ...سارة كانت غرااااااااااااااااااام ...صدج طالعة حلوة ...ولابسه فستان بعد من تصميم وليد عطا لله وبعد له طرحة طويلة بس كان فستانها بدون أيدين يعني عاري ..بس صدج حلو لأنها وايد بيضاء ومع الحناء طالع شكلها رهيييييييب وكانت حاطة مكياج فيه تردجات الوري ....وكان شعرها مفتوح ولونه مثل سواد الليل ...
مبارك من شافها تخبل ((مبارك وهو يتقرب من سلامة))
مبارك:سلامي
سلامة وبصوت واطي:هاه .....
مبارك:تبين الصدق حرمتي أحلى عنج ....بمليون مرة ...
سلامة ما ردت على مبارك ...بس عطته ابتسامة استهزاء ........
تمشت سارة ويوم كانت مقبله صوب سلامة ومبارك اللي يالسن في الكرسي ...قام مبارك من مكانه وراح وصوب سارة ....
مبارك واللي يتقرب من سارة ويمسك أيدها :ألف ألف مبروك يا قلبي وحبها على خدها ...سارة أستحت ونزلت رأسها .....
مبارك وهو يغمز لأحمد :أحمد حبيبه القلب تنتظرك ....
أحمد تبسم وراح صوب سلامة .....سلامة من شافت أحمد ياي صوبها قامت ...
أحمد واللي يتقرب من سلامة:ألف ألف مبروك سلامة ....
سلامة:الله يبارك فيك
راح أحمد و وحبها على رأسها ....سلامة مااااااتت من المستحى مع هذا كله كانت بتمووووت من الفرحة .....تموا يصورون عندهن ..وبعدين راح مبارك وخلهم يشغلون غنية حمد العامري ((أعذار))......
ليتني عرفتك بأول العمر بدري
وشبعت عيني بنظر من محياك
نادم على اللي راح من وقت عمري
اللي قضيته دون صوتك ونجواك
أشقيتني بمعانقة حب عذري
ليت الخيال اللي يلمك معي جاءك
الوقت يتحكم بعذرك وعذري
والشوق لي خذني بعشقتك وداك
أمسي وتفكيري مع الشوق يسري
يسري إلى جده متيم بروياك
أشغلتني و أشغلت قلبي وفكري
ولا أشوف فوق الكون غيرك ولا ألقاك
أحيا وأعيش العمر.. والعمر يجري
وأن كان فوقه عمر عشته برجواك
زاد الغرام وفاض في الحب نهري
أضما الضماير وأمدح الزين وأسقاك
تدري ولو ما تنظر الحال تدري
أن الهوى وأن طوال البعد هلاك
ليتني عرفتك بأول العمر بدري
وشبعت عيني بنظر من محياك
نادم على اللي راح من وقت عمري
اللي قضيته دون صوتك ونجواك
قاموا أحمد ومبارك وتم أيولون والحريم مرتبشات وتصفقن لهم ...مبارك وأحمد أرتبشوا أكثر عند التصفيق والتصفير ...
راح مبارك ومسك أيد أحمد وراحوا صوب سلامة وسارة اللي يالسات وتموا ايبسون جدامهن ...وهن الا تعطينهم أبتسامات وتموا ايولون حتى خلصت الغنية وبعدين نزلوا من الكوشة وطلعوا من القاعة....
بعدين راح مبارك ودخل اليازية لأنه سالم ما يقدر يدخلها وهذا لأن سارة عندهم فأكيد تستحي وبعدين لأبسها عاري وفضيحة سالم يدخل فقرر مبارك أنه هو اللي يدخلها لأنه (مو غريب على قولته ) ....بندو لليتات و دخلت اليازية كان شكله غراااااااااااام..
وايد متغيرة مع المكياج ..كانت لأبس فستان أبيض مثل المكسي وله طرحة طويل...كان جسمها غرام ... وحاطة مكياج
باللون الوردي وشوي من اللون الأزرق ...كل اللي شافها تم يتشهاد عليها من حلاته ....صدج طالعة غرام ....أنزفت على غنية راشد الماجد((حد منكم شاف فالدنيا)) اليازية كانت وايد مرتبكة الا أن وقوف مبارك عندها ساعدها شوي ... و كانت تظحك للكل .. و تتلفت يمين و يسار....وتمشت أكثر من مرة وبعدين يلست عند سلامة وسارة ......راح مبارك عنهن....
وبعد 15 دقيقة ....دخلت العنود على نفس الغنية ...وهي صالبه عمرها وكان شكلها عجيب وكانت تمشي بروحها ...وتضحك للكل وتمت تلتفت كل شوي على طرف و تبتسم ....الكل تخبل على رقة وجمال العنود ...كانت لأبسه فستان أبيض وفيه شوي من اللون الوردي كان شكله عجيب ....وكانت فاتحه شعرها ...وحاطة أكيد مكياج وردي لأنه هو اللون الوحيد اللي ينور بالعروس ....كانت العنود بتموت من الفرحة وتمشي وكلها ثقة ورقة و دلع .....أم محمد من شافت العنود تمت تصيح من زود الفرحة ....
وبعد ما تمشت العنود أكث من مرة يالست عند العرس ...
وبعدين أستوى الرقص .....و تمين البنات يرقصن و مشتلات في خيمة الحرمات....وبعدين الكل ركبوا الكوشة و تموا يتصورون عندهم ...وأخر شيء سوين العرس((اليازية والعنود وسلامة وسارة )) صورة جماعية وكان شكلهن يخبل من زود الدلع والحلاه ....بعد العرس ...
في حجرة اليازية الكل كان يالس عندها ....
اليازية كانت بتموت من زود الخوف والمستحى.......
خاله اليازية:هاه اليازية شو النفسية ....
اليازية: خالتي أحس أن قلبي راح يطيح في التراب من زود الخوف .....
المصورة وهي تضحك: حياتي لشو خايفة .....
اليازية:أقول سوزان تعالي شوي ...أباج ...
راحت المصورة صوبه:شو بدك حياتي
اليازية:أقولج من الحين ما أباج تقولين لي سوي حركات عند الريال ...خلي حركاتج من بعيد لبعيد ...
سوزان وفيها ضحكه:تكرم عينك .....
أم محمد ما كانت تدري تروح عند منو ...فقررت انها تيلس عند بناتها ....
فهاللحظة دخل محمد وكان شكله غرام و لأبس كل شيء أبيض ....
محمد:السلام عليكم ....
الكل:وعليكم السلام ....
الكل من شاف محمد دخل طلعوا من الحجرة وتموا محمد واليازية والمصورة بروحهم في الحجرة ...
سوزان:لو سمحت محمد بدي أياك تحط أيدك على خصرها ...وتبتسم ....
محمد كان يالس وراء اليازية .....
واليازية كانت مقابلتها المصورة تمت اليازية تغمز لها وتقول في خاطرها :يالله أنا بشو موصيتها ...الله يأخذج عسى .. ...
بس المصورة تمت تمثل أنها ما تشوفها ....
اليازية عصبت من الخاطر ......
يوم قده محمد بيحط أيدها على خصرها تمت تسعل اليازية من خاطرها .....
محمد:اليازية شو فيج ....
اليازية بصوت واطي :ما فيني شيء بس شوي تعبانة ...
محمد وهو يفتر صوب المصورة:لو سمحتي خذي كم من صورة على السريع ترى المدام تعبانة ...
اليازية تمت تتبسم ...وصورت المصورة لهم كم من صورة وطلعت عنهم ......
في حجرة سلامة ....
أحمد مأخذ راحته على الأخر وكل حركة تقول له المصورة .... يسويها وتم يبتكر حركات ....
سلامة كانت بتموت من زود الفرحة ...في نفس الوقت مقهورة على حركات أحمد الجريئة قدام الكيمرة .....
أحمد:خلصتي ..
المصورة:ايوه ...ألف ألف ألف مبروك ....
أحمد:الله يبارك فيج ...أقول أنتي متزوجة ...
الصورة:لسه ....
أحمد:عيل أن شاء الله الاسبوع الياي أسمعج أنج عروس ....
المصورة تمت تضحك على أحمد ومن طلعت عنهم ....ربع أحمد وقفل الباب وراها قفلتين ...
أحمد وهو يطالع سلامة:هاي حياتي!!!!!! ...
سلامة ما ردت عليه ...
أحمد: حبيبي شو فيج مستحيه ....ياويل حالي أنا على اللي يستحون .....
سلامة نزلت رأسها وتمت تضحك ...
راح أحمد صوب سلامة ووقف قدامها ...
أحمد وهو يتقرب من سلامة أكثر :أحبج ...
سلامة وهي أطالع أحمد وتقول بدلع :أنا ما أحبك...أنا أموووووووووووووووووت عليك ...
أحمد وهو يضرب على رأسها :والله أني مو مصدق أني ريلج الحين ....
وتم يشل لها قصيدة
لــــــي حبيب حيل حبيته.. وصار عمري وسيد خلانـــــي
أنســـــى همي لو انا يته..وفــــــــــز قلبي لو تلاقانــي
كــــم أنا من الحب عطيته..وكـــــــم ياهو كم تفدانــــي
وكــــــم أنا بالشوق خصيته..ذابحني بسود العــــــياني
حـــــــــــب غيره ما تمنيته... والله أني فيه هيمانــــي
ويــــــــل حالي يوم لاقيته..خزني بالعين وأرمانـــــــي
القلب والروح أهديتــــــــه..مثل ما هو حبه أهدانــــــي
وسلامة كانت فرحانة حيل .......
في حجرة العنود ....
سالم كان كشخة على الأخر والمصورة كل شوي وتأخذ له صورة بروحه ....((على قولتها الكيمرة حبت ويه ))
سالم وهو يضحك و يطالع العنود :يا ويل حالي عليج يالعنود ...لأبسه فستان وزنه طن ...حشى راح تموتين ...
العنود ما تكلمت .....
سالم:أقول مكياج مالج وايد حلو ...وترى عيونج سود وناعس ....أااااااااااه اليوم أنتي ملكة جمال العالم من حلاتج ...
العنود ما تكلمت...
سالم وهو يضحك:العنود ليش ما ترمسين ليكون بلعتي لسانج من زود الخوف ...
العنود تمت تضحك على سالم ...
سالم:يعله دوووووووم هالضحكة ....
العنود:وياك حبيبي ...
سالم وهو يضحك :وأخيرا طلع صوتج يا قلبي .....
في حجرة سارة .....
مبارك:لو سمحتي أباج تأخذين لي صورة وأنا أشلها ....
سارة:شوووووو
مبارك:حبيبتي أنتي اليوم بس شاهد عيان ...لا تتكلمين وايد بعدين الاحبال الصوتية راح تتعبنج ...ريحي ...
سارة بدلع:أخاف اطيحني ....
مبارك:افاااااا عليج ترى أزعل ...
سارة ما تكلمت ...
راح مبارك وشل سارة والي حطت أيدينها على جتف مبارك وكانت سارة بتموووت من الخوف لا يطيحها مبارك ......
مبارك وهو ينزل سارة:أقول قلبي ...
سارة وفيها ضحكه: شنو ....
مبارك :أحس أنج شوي ثقيلة ...
سارة نقعت من الضحك على مبارك ....
مبارك:خلص الفلم ولا بعده ...
المصورة وهي بتموت على سوالف مبارك:لا....
مبارك:أقول سارة ...شو يسوون بعد في الافلام عطيني حركات ...
سارة :ما أدري ....
المصورة:فيك أنت تجلس على الكرسي ...وهي تكون وراك وتحط أيدينها على كتوفك ...كتير حلو هالحركة ...
مبارك راح ويلس على الكرسي ...
وسارة ما تحركت من مكانها ....
مبارك:يالله سارة ترى ورانا درب ...
سارة:ليش وين بنروح
مبارك:بروح دبي ...
سارة ما تكلمت وسوت الحركة ....
مبارك كان بيموت من زود الفرحة حتى سارة كانت وايد فرحانة ومرتاحة وايد ....
في هذيك الليلة كلهم راحوا صوب دبي((سالم ومبارك وأحمد )) ...الا محمد اللي أستحى على باله اليازية تعبانة وما فيه على خط في نص الليل فقال أحسن نروح باجر .... .....سالم قرر أنه يخبر العنود بزوجة من شوق وذلك بعد فترة من زواجهم وما رضى أنه يخبرها اليوم علشان ما يعكر صفاء الجو وحلاته ....
وطول الطريق كان سالم مطول على غنية ((عودتني كل يوم أسمع أنا صوتك ...وعودتني لي ضاق صدري ماتخليني ))
سالم:العنود هذي الغنية أهاء خاص لج ....
العنود:مشكور ياقلبي ....
كلهم بدوا مشوار حياتهم في حلم وردي ما ينتهي .... وكلهم أمل وفرحة وسعادة وتفاؤل بالمستقبل اللي أمامهم ...
عودتني كل يوم اسمع انا صوتك
وعودتني لي ضاق صدري ماتخليني
والله وغيابك طال مدري وش اسبابه
وان غاب صوتك خيالك باقي ابعيني
ان كنت زعلان قلي شنهي اذنوبي
الكون يزعل ولا تزعل يامحبوبي
اظيع من دونك واظيع اجمل ادروبي
يخوفي تنساني وتنسى كل عناويني
عودتني كل يوم اسمع انا صوتك
وعودتني لي ضاق صدري ماتخليني
آه ه ه ه ه ه ه
بالحيل محتاجك تعال وقدر ظروفي
فيني هموم او مالقيت الي معي يوفي
وينك تعال ابعد همومي وظني وخوفي
وصوتك يا اجمل حب يا عمري يكفيني
عودتني كل يوم اسمع انا صوتك
وعودتني لي ضاق صدري ماتخليني
النـــــــــــــــــــــــهـــــــــــــــاية
تجميعي
اســـ(DANIA)ـــطورة !
اللهم لك الحمد حتى ترضى وإذا رضيت وبعد الرضى ,,, اضف تعليقك