رواية توأمي لكن انا غير ومالي مثيل وراسي عنيده -37
سجيه طالعته وهي مستغربه من رده ومرت ثواني قليله وهي تطالع عيونه وتحاول تفهم نظراته لها بس قاطع أفكارها وقوفه:انا بروح أجيب الكتب اللي نحتاجها علشان البحث وبعدها بجيب كوفي
سجيه لفت نظرها كلمه وحده:نحتاجها
حسن لف عليها وهو يبتسم:لأننا شركاء في البحث
مشى وخلاها تطالع خياله وأفكارها تتداخل ببعضها وتشوش عليها تفكيرها
&
دخل الشقه وهو معصب ورمى الشماغ على الكنب والتفت لها:كيف تتصرفين من راسك كيف
سميه:ما راح اسمح لها تأخذك مني
حصين بعصبيه:انا وش قلت لك قلت ماني موافق على السالفه كلها وأنتي بدل ما تعاونيني ضيعتي علي أشياء كثيره بتصرفك الغبي
سميه وهي تبكي:وش أسوي خفت تروح وتتركني
حصين طالعها وهز رأسه علامة الرفض وهو يزفر:غلطتي يا سميه وهي راح تستغل الغلط اللي أنتي غلطتيه
سميه وهي تقرب وتمسك يده:أسفه والله أسفه بس ما عرفت حسيت إني خايفه ومتلخبطه وأنت عارف أن مالي احد غيرك وخفت أفقدك مثل أبوي وتروح عني
حصين وهو يزفر بضيق وسحبها لحضنه وبهمس:خلاص خلاص هدي
سميه:ما قصدت أخرب عليك
حصين وهو يبعدها عن حضنه ويطالع وجهها:خلاص سموي ما صار شي انا بعرف أتصرف
سميه:بس هي شكلها مو سهله ابد مبين عليها خبيثه
حصين بقسوه:إذا هي خبيثه فانا أخبث منها
رجع حضن سميه وهو يهديها وفي باله:وش ناويه عليه يا بنت العم ووش وراء ضحكتك اللي ضحكتيها لي الله اعلم
جالسه مع جدتها وتسولف عليها عن الأغراض اللي شرتها وبعد ما طالعت جدتها لقتها سرحانه
دانه وهي تهز جدتها:يمه
الجده:ها يمه وش بغيتي
دانه:أنتي سرحانه
الجده:ها لا لا من قال
دانه:صار لي ساعه أسولف عليك ما تردين
الجده:لا وأنا أمك أسمعك كملي
دانه:أكمل ايش السالفه انتهت
الجده تنهدت وسكتت
دانه:يمه فيك شي
الجده:لا وأنا أمك بس أحس إني نعسانه شوي
دانه وهي تقوم:خلاص أخليك ترتاحين وبجيك وقت ثاني
الجده:زين وأنا أمك
طلعت دانه بعد ما باست رأسها ورجعت الجده تسرح في الكلام اللي قالته لها أم راكان وتفكر هل غلطت في ردها عليها ولا لا
&&&
جالس مع جابر في الكوفي ورن جواله
رفعه ورد:هلا بأخوي
وصله صوته وهو معصب:فواز تعال لي الشركه الحين
فواز اللي حس أن في مصيبه:ليه وش صاير
حصين وهو معصب:أقولك يا زفت تعال لي الشركه بسرعه
فواز:طيب الحين جايك
صكر الخط ووقف
جابر باستغراب:وش فيك
فواز:مدري بس حصين كلمني وهو معصب ويصارخ ويبغاني أروح له الشركه
جابر:هجل رح له بسرعه
فواز وهو يأخذ بوكه ونظارته:يله سلام
جابر بصوت عالي:اتصل طمني
فواز وهو يأشر بيده وهو طالع:طيب
طلع وركب سيارته وبعد ربع ساعه دخل للشركه وصعد لمكتب أخوه
أول ما وصل للسكرتير قال لهعلي:طويل العمر ينتظرك
فواز قرب من علي:أقول علي وش فيه
علي اللي مستحيل يتكلم:علمي علمك
فواز وهو يزفر:عاد صدق إني غبي ما لقيت إلا أسالك أنت ادخل أحسن لي
فتح الباب له علي وهو دخل وتوه بيتكلم بس وقفه اللي شافه وبهمس:ديانا
حصين وهو جالس على مكتبه وبعصبيه:أنتي قومي واطلعي برا في كلام لازم أتكلمه انا واخوي
ديانا وقفت وهي منقهره من تعامل حصين ومشت ولما قربت من فواز:مو انا اللي بينئال عني زباله يا روحي....وابتسمت بانتصار وهي تطلع
أما فواز ضغط على يده وهو حاس انه وده يذبحها بس لف وجهه لما سمع صوته:اجلس
فوزا مشى لحد الكراسي وجلس وبعدها قام له حصين ودار حول المكتب وبعد ثواني قال بصوت عصبي:يا غبي يا حيوان انا ما نبهتك
فواز توه بيتكلم إلا سكته حصين بصراخ:أنكتم ولا كلمه ما أبغى اسمع لك صوت ترجع على أول طياره للسعوديه وأنا حذرتك من قبل بس أنت ما سمعت
فواز وهو يوقف:ودراستي
حصين بسخرية ممزوجة بغضب:أي دراسه أنت وجهك مو وجه دراسه ابد
فواز:بس يا اخوي....
حصين يقاطعه:سمعتني وش قلت
فواز وهو يطالع حصين:انا ما سويت شي غلط انا تزوجتها
حصين وهو يقرب ويمسك يده:أنت تلعب على نفسك أنت هنا علشان تدرس وبس مو تسرح وتلعب
فواز:وأنت هنا بعد علشان تشتغل مو تتزوج ولا على قولتك تسرح وتلعب
حصين اللي تفاجأ من كلام فواز ومسكه من ياقة بدلته وبعصبيه:وش قلت
فواز:اللي سمعته
حصين:لو أسمعك تقول هالكلام مره ثانيه لا تلوم إلا نفسك
فواز:انا قلت هالكلام علشان تعرف إني مو انا الغلطان بروحي إذا كنت طبعا تعتبر الزواج غلط
حصين وهو يترك بدلة فواز وسكت وهو يلعب بالسبحه في يده وظل يطالع فواز بصمت
فواز تنهد:أوعدك أخر مره
حصين بهدوء:وإذا سويت أي غلطه
فواز:ذيك الساعه سفرني
حصين وهو يلف وجهه ويرجع ويجلس على مكتبه:ماشي أخر مره لك يا فواز وما راح أتستر عليك بعد كذا
فواز وهو يطالع حصين:وديانا
حصين:راح أتصرف معاها خل موضوعها علي
فواز :مشكور يا اخوي
حصين اشر لفواز على الباب وفواز عرف أن حصين يبغى منه يمشي
طلع فواز بسرعه من المكتب وحصين سند نفسه على الكرسي ورفع التلفون ووصله صوت ه:نعم طال عمرك
حصين:علي شوف لي ديانا أبغى اعرف عن أهلها كل شي فاهم
علي:تأمر
صك السماعه وسند رأسه على وراء :حتى فواز يا حصين يهددك وأكيد بنت عمك بتفضحك وبتعلم عليك خلاص راح يعرف الكل انك متزوج أصلا انا مو محتاج لأحد مدام أمنت نفسي مو مهم عندي الحين لو احد عرف
زفر بضيق وغمض عيونه ولما طرا على باله بانه وكلمتها: زوجي
زوجي
زوجي
بانه تتزوج صقر إذا تزوجته ما عاد احد يقدر يقول عليها شي والله وعرفتي تلعبينها صح يا بنت العم...ابتسم بخفه وهو سارح بأفكاره
لهنا أوقف واترك لكم حرية التعليق
&&&&
توأم لكن انا غير ومالي مثيل وراسي عنيده
&
بالنسبه للتنزيل ان شاء الله كل اسبوع ينزل بارت
ودي وحبي لكم
&&&&
توأم لكن انا غير ومالي مثيل وراسي عنيده
البارت الثاني والعشرون
أتمنى ينال إعجابكم وقراءه ممتعه
جالسه وهي تفكر ومبين انها لسرحانه
جات لها وقربت وعرفت انها سرحانه ابتسمت بنذاله وقربت من اذنها وبصراخ:سجيييييييييههه
فز من مكانها وهي تطالعها والخوف مرسوم على وجهها وبهمس:يمه خوفتيني يا حماره
امجاد:هههههههههههههه تستاهلين
سجيه وهي تجلس ويدها على قلبها:بغيت اموت وجع كنت سرحانه
امجاد وهي تجلس جنبها وماسكه مخده حقت الكنب:وش تفكرين فيه يا مخترعه الذره
سجيبه وهي تطالع امجاد بخوف لدرجه أن امجاد حست بالخوف مثلها:وش فيك
سجيه:الحين مو عرس اخت بانه بنروح له
امجاد وهي تطالعها:اعتقد بس ليش
سجيه:كيف اروح وانا قلت للشيبه ما راح ارجع
امجاد زفرت:مالت عليك وهذا هو اللي مخوفك انا لو منك افضحه
سجيه وهي عاقده حواجبها:كيف يعني
امجاد بنذاله:اعلم عليه الكل
سجيه وعيونها طالعه من مكانها: لا وش تقولين انتي
امجاد:انتي الحين مو محتاجته ولا نسيتي اللي كتبه لجدتك وانتي ورثتيه منها
سجيه وهي تعض على شفايفها:لا مانسيت
امجاد وهي توقف وتدخل يدها في جيوب بجامتها السوداء:خلاص هجل ما عليك منه
سجيه سكتت وهي تفكر وامجاد ابتسمت على جنب وتركت سجيه لافكارها اللي توديها وتجيبها
سهرانين ما جاهم النوم بعد كلام جدهم
يزن:مازن انت نمت
مازن تنهد:لا تصدق خلاص ما ابغى اتزوج
يزن جلس وهو منصدم:نعم وش قلت
مازن بضيق:كل ما نفتح باب يتصكر باب ثاني مليت والله مليت
يزن:والحب اللي حبيته للولوه من يوم احنا صغار تخليه يروح
مازن وهو لحد الحين منسدح سكت وما رد على يزن
يزن رجع انسدح وتنهد وزفر بضيق وهو يتمنى لو يريح قلب اخوه وقلبه بس مو عارف كيف
جالسه في غرفتها ومستغرقه بالتفكير وبعد ثواني وهي تمسك راسها:اوووف خلاص راسي بينفجر ايش اقول ايه ولا لا
تنهدت وهي تطلع الملف اللي عطاها اياه صقر من شنطتها
فتحته ورجعت بها الذاكره لما كانت جالسه معاها
بعد ما استاذنت امجاد
صقر وهو يعقد يديه ويسند ظهره على الكرسي:زين أمجاد قامت لان في أشياء لازم تعرفينها قبل لا تقررين وأنا كنت ناوي أقول لأمجاد تقول لك بس بما إننا الحين فيها راح أقول لك شوية شغلات قبل لا تقررين
بانه باستغراب وهمس:وش هي
صقر مسك الشنطه اللي حطها على الأرض واللي أول مره تنتبه له بانه من أول ما جاء صقر وطلع الملف ومده لها
بانه:وش ذا
صقر:إذا صار نصيب ابغاك تعرفين أن زواجنا ما راح يكون عادي
بانه:كيف يعني
صقر:أنه راح يكون مصلحه أكثر من انه زواج
بانه باستغراب:شلون يعني مصلحه
صقر:قصدي انه ما راح يكون زواج فعلي أنتي راح تكون لك مصلحه معاي وأنا راح تكون لي مصلحه معاك
بانه سكتت وهي تفكر بكلامه
عقد يديه على الطاوله وكمل:أنتي راح تستفيدين انك راح تدرسين وراح تكملين دراسه وراح تعيشين بمستوى أحسن حتى من المستوى اللي كنتي عايشه فيه وراح تسافرين السعوديه وترجعين بدون ما يكون لأحد كلمه عليك باستثنائي وأنا أكيد ما راح أمنعك من السفر ابد
بانه وهي تفكر حست أن لو هالشي صار راح تكسب الكثير بس تذكرت انه قال مصلحتي
طالعته وشافته يطالعه بتركيز وقالت له باستغراب وبشك:وش هي مصلحتك اللي تبغاها مني
صقر:مصلحتي في هالملف
بانه طالعت الملف بخوف فتحته وبدت تقرا
وبعد ما خلصت قرايه اللي في الملف رفعت راسها وتدور على وجهها علامات الاستفهام وبهمس:الرنح الدماغي مافهمت
صقر وهو يعقد يدينه على الطاوله ويطالعها بتركيز:انا عندي مرض اسمه الرنح الدماغي
بانه:اول مره اسمع هالمرض
صقر وهو يمد يده ويمسك الملعقه اللي على الطاوله والملعقه تطيح من يده:شفتي هذا هو الرنح الدماغي
بانه وهي تطالع الملعقه اللي تطيح من يد صقر:يعني ما تقدر تمسك الاشياء
صقر وهو يرجع يده على الطاوله ويطالع بانه:انا عندي مرض يخليني صعب احرك اطراف جسمي يعني يجي فترات ما اقدر حتى اصكر زراير بدلة الشغل ولا امسك ملعقه ولا قلم واحيانا ما امشي فهمتي الحين
بانه وهي متفاجاه ردت بهمس:فهمت
صقر:علشان كذا قلت مصلحه
بانه بشك:المطلوب مني أنـ...
قاطعها صقر:تشيليني واشيلك انتي تكونين معاي وتتاكدين أن ما يلزمني شي ووقت ما اتعب تكونين موجوده وترتبين اموري وانا بدوري بغرقك بالفلوس مره ثانيه وراح تنحل مشكلة دراستك واهل ابوك ما عاد لهم كلام عليك واختك تقدرين تسافرين لها باي وقت
بانه سكتت وهي تطالع يدين صقر الموجوده على الطاوله
صقر وهو يوقف:راح اخليك تفكرين ولما تقررين رقمي موجود عندك والملف خليه معك
توه بيمشي إلا وقفه صوت بانه اللي وقفت وهي تكلمه:ليه انا بالذات
صقر لف عليها وبهمس والابتسامه الخفيفه مرسومه على جنب شفايفه:لأنك غير
بانه باستغراب:غير
صقر ابتسم وعطاها ظهره وكمل مشي ولمحت بانه واحد وقف عند باب المطعم يستنى صقر اللي وصل له ومشى جنبه وهو يسنده لحد السياره
جلست وظلت تطالع الملف والأفكار تعصف برأسها عصف
رجعت لحاضرها وهي تزفر:اوووووف ها يا بانه
غمضت عيونها وهي محتاره وفتحتهم وهي تردد:ما راح اخسر شي ما راح اخسر شي
رفعت جوالها وتوها بتتصل بس ترددت وكتبت رساله وأرسلتها قبل لا تتردد اكثر وبعدها غمضت عيونها وهي تتنهد وتكرر:انا حسبتها صح
جالس في غرفة المكتب بشقته ومطفي النور ومشغل لمبة الابجوره سمع صوت جواله يعلن عن مسج مسك جواله وترك الاوراق وفتحه وقرا (انا موافقه)
ابتسم بخفه واتصل وبعد رنه رنتين وصله صوتها:الو
صقر:موافقه
بانه سكتت ما تدري ليه ما قدرت تقول ايه
صقر:انتي موافقه ولا حاسه انك مو مقتنعه
بانه بحزم وبهمس:الا موافقه بس اهلي
صقر:عرس اختك بعد بكره مثل ما قالت لي امجاد راح نسافر السعوديه كلنا وبعدها كل شي راح يكون تمام
بانه بهمس:ماشي
صقر:تامرين على شي
بانه:لا
صكت الخط وما سمعت منه أي شي ثاني وتنهدت وبهمس:انا ما غلطت انا صح
حطت يدها على قلبها اللي خايف من الخطوه القادمه وعادت كلامها وكانها تهديه وتطمنه:انا ما غلطت انا صح
&&
جالس في الكرسي ومو مصدق اللي يسمعه توقع أن اللي صار معاه بفعل ناس حاقدين عليه هو ما فكر أن الاذيه ممكن تجي من جهة ناس يعرفون زوجته
طالع باللي جالسه قدامه وفي عيونه الشك وبصوت هامس وغاضب:انتي متاكده لو كان اللي تقولينه كذاب والله....
قاطعته بخوف:والله صدق كل الكلام اللي قلته صدق
معاذ بحزم:ابغاك تقولين هالكلام لغصون
امل بخوف:لا غدير بتذبحني هي مهددتني...
قاطعها معاذ:انا قلت لك الامان
طالعته وبعدت عيونها عنه وهي محتاره وسكتت تفكر
معاذ:ها وش قلتي بتقولين لها
امل بتردد:طيب بس تضمن أن غدير ما تسوي لي شي انا لو احد من اهلى درو بيذبحوني وامي بتروح فيها وتموت بحسرتها
معاذ بثقه:لا تخافين ما راح يصير شي بس بكره راح اجيب غصون وتقولين لها كل شي فاهمه
امل بهمس خايف:فاهمه
وقف وطالعها باحتقار وطلع من الغرفه وهو يحس انه في كابوس معقوله في ناس تحقد لها الدرجه لدرجة الدمار
طرا على باله أن حبيبته وام بنته راح تعرف الحقيقه وحس انه مبسوط وطاير لانها اخيرا راح تعرف انه وفي لها ومخلص وعمره ما فكر يخونها بس بنفس الوقت حس انه منكسر من تصرفها لانه ما توقع بيوم انها تشك بوفائه لها
&&
قاعده في المكتبه وتحوس في هالكتب وتحاول تقرا وبعد عدة محاولات طفشت
:اوووف كله انجليزي انجليزي عاد انا ليه اتعب نفسي واحاول اقرا وابو قذيله عندي
صكت الكتاب وخذت باقي الكتب ومشت وهي ترتب الكتب فوق بعض وما انتبهت في اللي قدامها وضربت فيه لحد ما طاحوا كل الكتب
سجيه بعصبيه:يا مال الوجع والساحق ما فيك عيون ما...
سكتت وهي تشوفه قدامها وبهمس:انت
طالعها وانرسمت على شفايفه ابتسامه خفيفه:ايه انا وش فيك شايفه جني
سجيه بهمس مسموع:يركبونك أن شاء الله
سلطان بعصبيه:نعم وش قلتي
سجيه بقوات عين:ما اعيد كلامي مو مشكلتي انك اصمخ
سلطان وهو يتلفت علشان الناس اللي حولهم وبعصبيه:لا تتوقعين اني نسيت سالفة البيبسي بس مردوده
سجيه وهي تبلع ريقها:و..وش بـ..ـت.ـتسوي يعني
سلطان ابتسم بنذاله وصار يطالع وراها
سجيه التفتت على وراء وشافت حسن اللي جاهم:وش فيكم
سجيه وهي تطالع حسن:ولا شي
حسن طالع سلطان اللي طالعه لثواني وابتسم قبل لا يلف ويمشى
اما عند سجيه نزلت تشيل الكتب هي وحسن وهي تتحلطم:جعله كسر ول مو كتف جدار
حسن بهمس:تعرفينه
سجيه وهي تشل الكتب طالعت حسن اللي طالعها ونزلت عيونها ووقفت وبارتباك ما فات حسن:لا ما اعرفه
حسن وهو يطالعها بشك:بس شكله يعرفك
سجيه بعصبيه:وانا قلت ما اعرفه
مشت ومعاها نص الكتب ووقفها صوت حسن:انتي كذابه
سجيه التفتت عليه وهي معصبه:خير وش قلت
حسن اللي قرب:اقول كذابه
سجيه:وحتى لو اعرفه انت وش دخلك
حسن تنهد:صح انا مالي دخل
مشى وترك سجيه وراه اللي تطالع ظهره وهو يمشى وبعد ثواني مشت وراه لحد ما جلسوا على طاوله وفتح حسن الكتب وهي مسكت القلم وتلعب فيه بيديها وهي تشوف حسن ياشر في الكتب
حست انها غلطت عليه وهو اللي مورط نفسه معاها وحست بتانيب الضمير وقالت بهمس:ولد عمة بانه
حسن طالعها وصك الكتاب وينتظرها تكمل
سجيه وهي تطالع حسن:بس وش فيك تطالعني كذا
حسن وهو يرفع حاجب من حواجبه وساكت
سجيه تنهدت لانه كاشفها:والتقيت فيه صدفه مره
حسن وهو لحد الحين يطالعها بتركيز
سجيه بملل:خلاص اوف منك ايه اعرفه
حسن بهدوء:من وين عرفتيه
سجيه وهي تطالع القلم بيدها:التقيت فيه بطياره لان هو سواق طياره يعني كابتن وبعدها في المطار مرتين وبعدها في ملكة اخت دندون ومره بعد رحنا الحديقة انا وابو المجد وبانه وعائلته وبس
حسن نزل نظره ورجع فتح الكتاب وهو ساكت
سجيه وهي تصك كتابه:وش فيك
حسن بتنهيده:مافيني شي خلينا نخلص البحث لا انطرد
سجيه:لا فيك شي قول
حسن: أن كنت تعلم مصيبه و أن لم تكن تعلم فالمصيبه اكبر
رجع لكتابه وخلى سجيه حايره في الكلام اللي قاله وتحاول تفهم وش القصد من وراء اللي قاله
جالس في مكتبه وفسخ النظارات وهو يضغط على عينه لازم يخلص كل شي ويستغل الثقه اللي معطينها له علشان لما يجي الوقت المناسب يتكلم وهو مو خايف من شي ومضبط امور
حصين وهو يستند على وراء:اااااه
سمع صوت الباب يطق وبصوت عالي:ادخل يا علي
دخل علي وهو يطالع حصين ومد عليه ملف
حصين:وشو ذا
علي:الملف فيه كل شي عن ديانا
حصين وهو يعتدل في جلسته وياخذ الملف ويفتحه ويقراه وبعدها ابتسم بخفه وبهمس:حلو يعني البنت فقيره وعلشان كذا تزوجت اخوي الغبي
رفع نظره لعلي اللي فهم عليه
حصين:انت فاهم وش بتسوي
علي:ايه طالع عمرك
حصين:ما ابغى اشوف وجهها هنا مره ثانيه
علي:خل هالموضوع علي يا طويل العمر
حصين:زين
علي:عن اذنك
طلع علي ورجع سند حصين جسمه على الكرسي وهو يضحك وبهمس:راح اخليك تندمين يا حثاله لانك فكرتي مجرد تفكير تمسين احد من الزايد ههههههههههه
&&
جالسه في غرفتها ومالها خلق احد وطول الوقت عيونها على الملف وبهمس:انا صح ولا غلط لا يا بانه انتي ما غلطتي وراح تعيشين حره ومعاك فلوس واللي طلبه ماهوب صعب عليك
فاقت من سرحانها وافكارها على صوت الباب يطق
عدلت جلستها وبصوت مرتفع:تفضل
فتحت الباب ودخلت ومشت لحد ما وصلت لها:ممكن نتكلم
دانه وهي تلف وجهها:في ايش يا امجاد
امجاد وهي تحط يدها في جيوبها:انتي عارفه في ايش
بانه وهي تطالعها:عارفه ومو حابه اناقش لان الموضوع خلاص انتهى
امجاد بشك وهي تجلس جنبها:كيف يعني
بانه وهي تطالع قدامها:وافقت
امجاد بتفاجا:ايش انتي انهبلتي انتي عارفه انه....
قاطعتها بانه:ايه عارفه انه مريض
امجاد:وراضيه
بانه:عمر المرض ما كان عيب
امجاد وهي توقف:راح تندمين صدقيني بتندمين انتي ما تعرفين عن صقر وحياته الا القليل وراح تتعبين كثير
بانه بشك وخوف غير ظاهر:وش قصدك وش اللي ما اعرفه عن صقر
امجاد بابتسامه على جنب:وانا وش يعرفني مو انتي وافقتي وقررتي تحملي
بانه وهي توقف وتمسك يد امجاد:وش اللي ما اعرفه يا امجاد
امجاد :لما نروح السعوديه ولما تعيشين معاه راح تعرفين وش اقصد
بعدت يد بانه وقبل ما تطلع عطتها نظرة عدم رضا وطلعت تاركه بانه والشكوك من كلامها يجتاح تفكيرها
&&&&
جالسين في المكتبه ينهون اخر فقرات البحث المكلفين فيه
سجيه اللي كانت تكتب اللي ياشر عليه حسن تركت القلم ورجعت على وراء وبتعب:اااه تعبت
حسن طالعها بدون ما يرفع راسه من الكتب ورجع عيونه على الكتاب بدون ما يرد عليها
سجي وهي تطالعه:ما كنت عارفه انك بلبل ودافور كذا
ما شافت من حسن رد وطفشت منه وبملل:اااف صدق ممل...وكملت وهي عارفه انه ينقهر من هالكلمه:يا ابو قذيله
حسن رفع راسه وبعصبيه:اسمي حسن مو هالاسم الخايس اللي تقولينه لي
سجيه:ههههههههههه اخيرا كنت عارفه انك بترد علي
حسن رفع حواجبه وعلى وجهه طيف ابتسامه من حركتها
سجيه وهي تفسخ النظارات وتنظفها بمنديل وتلاحظ نظرات حسن لها:وش فيك تطالعني كذا
حسن بحيره:انتي ليه متناقضه
سجيه وهي تطالعه وتترك نظارتها على الطاوله وباستغراب:انا متناقضه
حسن:ايه احيانا احسك تحبين الخير لامجاد واحيانا احسك ناويه لها على نيه خبيثه
سجيه بتفاجا:انا انوي لامجاد نيه خبيثه انت من وين تجيب هالافكار
حسن:من اللي اشوفه واحلل من تصرفاتك
سجيه برود:أي تصرفات علشان سالت عنها قصدك
حسن وهو يعقد يديه على الطاوله:وش رايك نتكلم على بلاطه
سجيه اللي تغير لون وجهها وما عجبتها لهجته ولا كل اللي يصير:طيب
حسن ابتسم على خفه:انتي وش تفكرين فيه انا متاكد انك مو هبله ولا على نيتك مثل ما الكل يشوفك وامجاد تعرف هالشي بعد
سجيه طالعته ورفعت حاجب من حواجبها وابتسمت وهي تنتظره يكمل
حسن وهو يكمل:احسك تفكرين باشياء محد يتوقعها وانا ابغى اعرف هالاشياء
سجيه بصوت عالي:ههههههههههههههههههههههههه
حسن بهدوء:في شي يضحك
سجيه خذت نفس بعد الضحك:كلامك اللي يضحك
حسن يطالع عيونها وبهمس:انتي ما تضحكين على كلامي انتي تضحكين لانك تعرفين اني فاهمك
سجيه بنفس الهمس:معاك حق
حسن تفاجا وما توقع انها بتعترف أن كل الاوهام والظنون اللي يظنها من ناحيتها صحيحه
سجيه قربت من الطاوله وبهمس:تبغى تعرف وش افكر فيه
حسن سكت وينتظرها تكمل
سجيه بابتسامه:ابغى اخلي امجاد غير وابغى ابتز جد بانه والحين ابغى استفيد منك قد ما اقدر
حسن وعلى وجهه علامات الدهشه:نعم
سجيه وهي تطالعه:اللي سمعته
حسن:تستفيدين مني
سجيه ابتسمت:وش في وجهك راح لونه تراني امزح
وفجاه ضحكت بصوت عالي والكل التفت عليها وحسن لحد الحين يطالعها وهو مو فاهم هل الكلام اللي قالته صدق ولا مزح
سجيه وهي تطالعه:وش فيك لا يكون صدقت
حسن سكت وما عرف وش يرد عليها به
سجيه تنهدت ومسكت القلم وطالعت الاوراق اللي قدامها :لا يمكن افكر اضر احد يحبني انا ما صدقت لقيت احد يخاف علي تتوقع اني ممكن اضر امجاد اللي اعتبرها اختي وروحي وصديقتي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك