رواية عودتني كل يوم اسمع انا صوتك -36
فــــــــــــــــجــــــــــــــــــــــــــــــــ ـــــــــــأة....
يدخل عليهم مبارك وهو يصارخ :أماااااااااااااااااااااااايه ........
أم محمد:شعندك محتشر شوي شوي تكلم تراني أسمعك بعدني ما عيزت .....
مبارك وهو ييلس عدال أمه وفيه ضحكه ويقول بكل جرأة : أريد أعرس
أم محمد وهي تضحك:شوووووووووأنت صاحي .....
مبارك:هيه ...بكامل عقليتيه ...بس امايه أبا أعرس ....
أم محمد:من العروس ....
مبارك:أنا أخترت ولا تقولين لي لا ... اماااااااااااايه دخيلج .. اريد اخطبها اليوم .. دخيييييييييييييييييييييييييييلج ..
سلامة تمت تضحك على مبارك وحركاته .....
سالم تم يسمع الحوار اللي يدور بين أمه و مبارك ويتبسم .....
مبارك : ااااااه يا امااااااااايه .. قلبي يعورني .. و من قريب وصلني الدوى .. دخييييييييييييييلج دخييييييييييلج انج تخطبينها لي اليوم قبل ما تروح من أيديني ..
أم محمد:و منو تباني أخطبلك
مبارك ويضحك ويطالع سلامة:سارة بنت سيف ......
فهاللحظة دخل عليهم بو محمد و محمد.....
مبارك من شاف أبوه سكت وتم يطالع أمها اللي تضحك عليه ....
مبارك وهو يطالع في أبوه ويقول في خاطره :يالله أنا ليش ما أرمس أبويه ...بس أستحي ...أخاف يردني ...ما فيها شيء أكيد أبوي يوم كان يبا أمايه تم يصارخ على أبوه علشان يخطبها له ههههههه ....يالله أنا شو أقول أكيد ياني شيء في عقلي ...كله هذا من الحب ....بسم الله الرحمن الرحيم ....
مبارك وهو يتحنحن :أحم أحم ...
محمد:شعندك مبارك تتحنحن ......شو في الخاطر ...
مبارك وهو يطالع أبوه :أبويه ....
بو محمد:عونه ....
مبارك وهو منزل رأسه :أريد أعرس ....
بو محمد وفيه ضحكه :يعله مبروك عرس مبارك ....الا من هي العروس ...
مبارك ويضحك( أرتاح شوي) :بنت سيف الخييلي .....
بو محمد:ونعم الساع ....أسميك عرفت تختار ....
مبارك: يعني راح تخطبها لي!!!!!! ....
بومحمد:أمره فالك طيب ...أن شاء الله قريب بنروح صوبهم وبنخطبها لك ....
راح مبارك وحب رأس أبوه ....
مبارك:الله لا يحرمنا منك .....
محمد:ألف ألف ألف مبروك يا مبارك ....الفال لسالم ....
فهاللحظة قام سالم من عندهم وراح سيارته وطلع كيس وراح صوب البيت .......
راح سالم صوب حجرة اليازية وتم يدق عليها ....
اليازية:منو
بس سالم ما رد عليها .....
اليازية:منو ....ليش ما تتكلم ...عنووووود رمسي .....
سالم من سمع طاري العنود أحزن ...
اليازية وهي تفتح الباب:والله أن بيتنا توه منور ....
بس من شافت سالم قدامها ... سكتت ...فتحت الباب وراحت صوب التواليت ....
سالم وهو يسكر الباب وراه ....
سالم:أهليين باليازية ....شو زعلان الحلو حتى الحين
اليازية ماردت عليه ...
راح سالم وحط الكيس على التواليت وتم مقابل اليازية...
اليازية كانت منزله رأسها وتبكي .....
سالم رفع رأسها بأيده....شاف الدموع على خدود اليازية راح ومسح الدموع ...ومسكها من أيدها وخلها تيلس قدامه على السرير ........
سالم:أمممممم .....سامحيني ياليازية والله ما كان قصدي ...بس صدج انصدمت أن شمسة هي نفسها العنود ...اذا أنتي زعلانة عليه.... لأني زعلت العنود أمره فالج طيب الحين بروح بيتهم و براضيها .....هاه شو قلتي ....
اليازية وهي تمسح دموعها :تبي الصراحة
سالم:أكيد ....
اليازية:أنت غلطت في حقي ...بس أنا قلبي طيب وراح أسامحك ...
راح سالم وحضن اليازية وحبها على رأسها .....
اليازية:بس أنت صدج غلطان في حق العنود...تراها هي تعبت من كثر ما تبين لك أنها تحبك بس أنت متجاهلها ...و يت في بالنا فكره المسجات وتم ترسل لك ...أما أنها تكلمك ...فأنا قلت لها لا تكلمينه فقالت لي أنها ما تقدر تصبر أكثر من جذي ...تراه حضك اذا العنود تحبك ...
سالم:تصدقين ما فكرت أن شمسة بتكون العنود هي نفسها ...والله عندكن أفكار ....أقول اليازية
اليازية:شنو
سالم:شو الحل ظنج
اليازية:ما أدري ....
سالم:كلمتيها بعد هالسالفة
اليازية:لا ....وأصلا هي ما ترد على اتصالاتي .....
سالم:أكيد زعلانة ...لا حول ولا قوة الا بالله .....تدرين ...
اليازية:بشو
سالم:أن مبارك راح يخطب ...
اليازية وهي مستغربة :بمنو.....
سالم:بسارة ربيعت سلامة ....
اليازية:ألف مبروك ...ليش خطبها هي بالذات......... هو يحبها
سالم: شفيج أنتي ....الريال متخشع ....
اليازية:وأشوفه ميت في سلامة ثرها مرسال الحب والوئام من بينهم ....عجيب مبارك الله يهنيهم ....
سالم:أمين ....
راح سالم من عند اليازية .......
راحت اليازية وتلبست وتكشخت ونزلت تحت وحصلت مبارك وأمها وأبوها يالسين في الخيمة .....
اليازية:السلام عليكم ...
الكل:وعليكم السلام ...
وراحت وسلمت على أبوها وأمها ...
مبارك:وين رايح الحلو
اليازية وفيها ضحكه:بروح صوب العنود
أم محمد:صدج العنود هالاسبوع ما شافتها ...عسى ما هي مريضة
اليازية:ما فيها الا العافية ...الا تغلى ....
أم محمد: و ريموه مالها حس وينها ....
مبارك:ما تقدر تي صوبنا ....حرام ما تقدر تخلي البيبي بروحه (قصده راشد) ...
فهاللحظة سلامة واليازية ومبارك تموا يضحكون ....
اليازية:مبارك ...مبروك عليك الخطبة مقدما ...
مبارك والابتسامة شاقه حلقه :الله يبارك فيج ...الفال لج ...أن شاء الله ...بس من خبرج ...
اليازية وهي تطلع من باب الخيمة :العصفورة .....
مبارك وهو يصارخ :قصدج البومة الكبيرة ....هذا أكيد سالم خبرج ....
اليازية لبست نعالها وراحت صوب بيت عمها وهي تضحك على مبارك ....
اليازية حست أنه سالم ممكن قلبه يحن على العنود ...و يخطبها .......
دخلت اليازية... و أول ما دخلت الحوش ...... حصلت في الخيمة اللي مفتوح بابها ع باب السكة الريم وراشد ......
ومن شافت الريم وراشد ...تم تدعي من الخاطر ...
وأنتبهت أن الريم تأكل راشد فروالة .... وتضحك ...
اليازية وهي تكلم عمرها :وع ........ وع ....والله لو موته ما أكلته والله أنه ثور هالريال ...الحمد والشكر لك ياربي أن ما عرست براشد .....
اليازية وهي واقفة قدام الباب وتفسخ نعالها :السلام عليكم ....
الريم وهي تقوم لليازية:أهليين ....باليازية ....
راشد ما قام تم يالس مكانه :مرحبا اليازية ....
اليازية وهي تقول في خاطرها :يالله مستكثر الوقفة عليه ...والله أنك تصغر في عيني كل يوم أكثر يا رشود .....
الريم وهي تسلم على اليازية:أشحالج اليازية عساج بخير ...
اليازية بلا نفس وهي أطالع راشد:بخير حتى هاللحظة .....
راشد:لا والله .........
اليازية ما التفت لراشد وأطالع الريم:أقول ريموه ....ترى ما عندج حشمة ومعنى حشى امايه وأبويه ما سلمتي عليهم من كم من يوم ....يالسه ومقابله ريلج ...فضيحة أختي ....مهما كان هذيلا هلج ....
راشد بنقمة :أقول اليازية ....
اليازية وهي تفتر صوب راشد وبكل دلع : تفضل ....
راشد:ليش يايه بيتنا .....ما تستحين ...تقابليني عقب ما قلتي هذيك الرمسة .....
اليازية تمثل أنها ناسيه: أممممممممم ....أي رمسة طويل العمر ذكرني ......نسيت .....
راشد:لا تمثلين أنج ناسيه ....يوم قلتي لي أن عيني زايغه .....
اليازية:ايوه ....السموحة وأنا ما قلت الا الصدج .....وأصلا هذا مسجل ببيت عمي مو باسمك ..... والله أنك شرات اليهال ليش يايه بيتنا ........... وتمت تضحك ........أنا بروح الريم شي ء في خاطرج ....
الريم وهي مستغربة من جرأة اليازية :سلامتج .....
طلعت اليازية من الخيمة وهي بتمووووت من الضحك على شكل راشد ........
راشد:أفففففففففففففف .... هذي أختج لوعة جبد ....الله يلوع بجبدها عسى ....
الريم:تصد ق راشد ....أحس أن اليازية واااايد مستقوية عليك ....وصارت وايد جريئة ....
راشد:تبين الصدق ...
الريم:هيه ...
راشد:هذي اليازية .....بتمووووت من الغيرة منج ....لأني تزوجت بج وما تزوجت بها .....أعرفها اليازية خبز أيدي ....
الريم:حرام عليك تظن فيها جذي !!!!
راشد:دخيلج أنتي ما تدرين عن شيء ......
الريم ما تكلمت على نيتها المسكينة .....
راحت اليازية صوب حجرة العنود .....
راحت اليازية و فتحت الباب .....وحصلته مفتوح ...
شافت العنود يالسه على السرير وتشتغل على برنامج الفوتوشوب مندمجة من خاطرها .......
اليازية:عنووووووووود......
العنود وهي تفتر وراها حصلت اليازية واقفة :أهليين باليازية .....مرحبا ملالالالالالالايين ولا يسدن في ذمتيه ...
راحت العنود وسلمت على اليازية .....
اليازية:أشحالج القاطعة
العنود:بخير يسرج الحال .....أشحالج أنتي ...
اليازية:الحمد لله ....
اليازية:أمممممم ...الحلو زعلان حتى الحين
العنود:لا والله بس نومي ملخبط ....تصدقين حتى الحين ما نمت مواصلة من أمس ....
اليازية:أدري أنج ما تبين تشوفيني ....
العنود:حرام عليج اليازية والله أني ابا أشوفج بس أنتي أدرى بالحال
اليازية:سامحيني العنود ....بس مو أنا اللي خبرت ...بدون قصد سلامة خبرت بسالفة يوم كن في بيت عفراء ....
العنود و اللي خانقتها العبرة :توقعت مبارك خبر سالم
اليازية:لا مبارك ماله خص في السالفة .....
فهاللحظة انفجرت العنود بالبكاء ....واليازية تمت تصيح عندها .......
ميلس محمد الكعبي ....
سالم:علومك يا محمد
محمد:طيبة ....علومك أنت ....شو سويت في السالفة
سالم:حتى الحين ما أدري .....
محمد:شو ما تدري ....سالم ما راح تحصل شرات العنود ...أقولك
سالم واللي يصلب لعمره قهوة: هااا....
محمد وفيه ضحكه:اذا ما تبي العنود أنا راح أتزوجه ....
سالم لا اراديا ومن النبضة طاح الفنيال على كندورته .....
محمد نقع من الضحك :لا لا اذا لهدرجة تباه ....فخلاص أنا ما أريدها .....برخصها علشان عيونك بس .....
سالم وهو يقوم من مكانه علشان يمسح القهوة من كندورته:لا حول ولا قوة الا بالله .....الله يسامحك .....
محمد:سالم والله أنك تحبها العنود ...بس أنت تكابر ....
سالم:لا تحلف ....اذا أحبها راح أقولك ....
محمد:لا والله.... وتراك أنت تقول أنك تحب شمسة ....والحين شمسة هي نفسها العنود ...فيعني أنت تحبها ....
سالم:أحس أني أحب شمسة مو العنود....
محمد وهو يضحك:غبي أنت العنود هي نفسها شمسة ...بقولك
سالم:مشكلة يوم يكون عقلك على قد حالك ...
محمد:أنزين بتخبرك ....
سالم:تخبر ..مسكتك أنا ......
محمد:أفففففف .... بصراحة .....أنا ابا أتزوج ...
سالم وهو يضرب بأيده على رأسه :أستغفر الله ...شو اليوم هو اليوم العالمي للخطبة ولا شو
محمد:ليش منو خطب ....
سالم:مبارك بيخطب ....بنت سيف الخييلي ....
محمد:لا قوية ....خلاص اذا مبارك بيتزوج أنا بتزوج عنده ....
سالم وفيه ضحكه:من هي المنحوسة اللي راح تأخذك ....الله يعينها عليك ...
محمد:أحم أحم ....
سالم:بعد يتحنحن ...أسميها الا أمها ما دعت لها بالخير... اذا ضوت عليك ......
محمد:لا والله ...تراك زاهدني وايد يا سالم ....
سالم وهو يضحك :أمزح عندك .... أسميك تصدق أنت
محمد:أوكية .....خلنا نخبرك بزوجه المستقبل ....
سالم:تفضل يا طويل العمر ....
محمد:الصراحة ابا أتزوج بأختك اليازية.....
سالم وهو مصدوم:شووووووووووووو.....دخيلك يا محمد لا تقول لي أنك تكلمها ومن بينكم قصة حب ...
محمد واللي يمسح على ويه:أستغفر الله .... أستغفر الله.....ترى تفكيرك وايد معقد ....
سالم و فيه ضحكه :تراني معقد من قصص الحب والتلفون و المسجات ....
محمد:عوذ بالله أنا خويك لا تنسى .....
سالم: انزين........ ليش اخترتها هي بالذات ....
محمد: أحبكم شو أسوي .....
سالم بنقمة :ايوه يعني بينكم أعجاب ....
محمد:لا أنت فاهم السالفة غلط ....فيك تقول أني شفتها مرتين مرة في العين مول ومرة في بيتكم وبالتحديد في الخيمة يوم يتكم هذيك المرة تذكر ... عجبتني شخصيتها ليس الا ..... و ترى أنا لي الفخر أكون نسيبك ...
سالم بغرور :في هذي صدقتك يا محمدلك الفخر أني نسيبك ......
محمد:هاه شو قلت ....
سالم:أنا عن نفسي ما عندي مانع .....
محمد:عيل نش
سالم:وين
محمد:بروح بيتكم علشان نخطب ....
سالم:خلني أتخبرها أول شيء ....
محمد:مستحيل ....تشاورها قبل ....أول شيء برمس هلك وبعدين هم يأخذون رأيها ...
سالم:على راحتك ...بس الحين مستحيل نروح بيتنا ....ما فيني ....
محمد:والله يا تقوم الحين .....روح بيتكم وخل أبوك وخوانك يقعدون في الميلس وخبرهم أن ريال بيون صوبهم ....وأنا بتصل بأبوي وبقول له ....
سالم:ترى ما هو زين كله بسرعة سرعة ...ترى والله راح تندم !!!!!
محمد:اذا قصدك أبوي من أسبوع وأنا مخبره بالموضوع ....
سالم:على راحتك .....
بعد صلاة المغرب ....
راح محمد وأبوه صوب قوم حمد الكتبي ....
ورمسوا في السالفة وبو محمد وعدهم أن شاء الله بالخير ...أنهم راح يتشاورون ويردون عليهم بعد ما يأخذون رأي اليازية شخصيا وأمها ......
سرو محمد الكعبي وأبوه عند صلاة العشى...... وحلفوا أنهم ما يتعشون الا في المرة الياية ....
في الخيمة الكل كانوا يالسين بو محمد ومحمد وسالم ومبارك يتشاورون....
بو محمد:لا الريال شكله تمام ....مخاوي شماء ....
سالم:أبوي اقولكم محمد ريال ينشرى بفلووس .. و لا عليه قصور .. و اذا تبون رأيي .... محمد ما يتعوض والريال اللي شرات محمد نادر ما تحصل مثلهم .....
محمد:اذا أنت تعرف الريال وتمدحه ....ليش لا ...خلوه يعرس باليازية ...تتريا منو ما عندها عيال عم حتى يأخذونها ...
مبارك:هيه أبويه محمد ريال ما فيه حيله و ما عليه قصور ولد ناس حشام ولهم سمعة وأخلاق فووووق (ويرفع أيده فوق)....وترى سالم دارس عنده في لندن ....ومن زمان يعرفه ....
سالم: انا اشوف لو تشاورونها هي احسن من هالرمسه كلها ..
محمد : البنت مالها شور ..
بو محمد: لا لا يا بوحمد ... البنت شورها من عقب شورنا ..
محمد : بويه .. العرس ستره للبنت .. و اليازية ما بتظوي الي اخير عن محمد ..
بعد يومين ....
في الصالة أم محمد وبو محمد ....يالسين يتشاورون ....
فهاللحظة كانت اليازية خاطفة تبي تروح فوق ....
بو محمد:اليازية
اليازية واللي تفتر صوب أمها وأبوها:هلا أبوي ...
بو محمد:تعال هني ..(ويأشر لها أنها تيلس عداله)
اليازية:خير أبوي
بو محمد:الا الخير .....يا بنتي ....
بو محمد: اليازية عرب رمسوني عنج ..
اليازية: عني ..!!!!!!!.. شعنه ....
بو محمد: يبونج لولدهم ..
اليازية: شوووووووووووووووو ..... لا انا ماريد اعرس الحين ....
بو محمد: ليش يا بنتي .....
اليازية: ماريد .. لا لا ماريد اعرس ..
ام محمد: يالله بالستر ..
اليازية: امايه ماريد .. اريد اكمل دراستيه ..
بو محمد : شوفي .. الدراسة وأن شاء الله راح تكملينها .... وترى محمد ريال ما يعيبه شي .. و اللحين احنا ما نشاورج .. الا لان هالشيء في مصلحتج .. و لو نحيده مب ذاك الزود .. ما قربنابه فالاوليه يا بنتي ..
اليازية وهي مستغربة : أبويه .....منو محمد
بو محمد:خويي سالم ...محمد الكعبي ...
اليازية ما تكلمت وتمت ساكتة وفي نفس الوقت مصدومة .....
بو محمد:اليازية فكري بالموضوع زين ...وترى محمد الريال حشيييييييم .. و شارنج ..
اليازية وهي تقوم من مكانها:أن شاء الله يا بوي .......
ربعت اليازية حجرتها وتلبست وتكشخت ونزلت تحت ...وتمت تسير بشوي شوي
أم محمد:اليازية وين رايحه
اليازية:بروح صوب العنود تبيني بسرعة ....
أم محمد: روحي برايج .
...وراحت صوب العنود ......
دخلت اليازية الحوش وهي تربع ...وراحت ودخلت البيت حصلت راشد جدامها .....
اليازية وهي مستعيلة:السلام عليكم ....
راشد:مرحبا ملالالالالالالالالايين باليازية ....
اليازية ما ردت عليه وربعت فووق صوب حجرة العنود .......
اليازية وهي دق الباب بقوا :عنووووووووووود فتحي الباب
العنود:بسم الله شوي شوي لا تكسرين الباب.
اليازية:أنزين فتحي عندي خبر عجييييييييب ...
العنود وهي تفتح الباب:شنو
اليازية وهي تربع و تنسدح على السرير :أااااااااااااااااااه يالعنود شو أقولج
العنود وهي تقفل الباب وراها :حووووووووه شو فيج ..والله أنج خوفتيني .....
اليازية تعال سمعي دقات قلبي ....
راحت العنود وتمت تسمع دقات قلب اليازية ....
العنود وهي مستغربة:شو فيج لا يكون حد من الهنود الحارة ربع وراج وأنتي خفتي ....
اليازية وهي تتنهد :لا ....
العنود:عيل شو فيج ....
اليازية:أنخطبت ......
العنود وهي مصدومة:شووووووووووووو من خطبج ...
اليازية:راح تنصدمين لما راح أقولج ....
العنود وهي تفر اليازية بالمخدة:قولي تراج قطعتي قلبي ....
اليازية:محمد الكعبي ....
العنود من سمعت طاري محمد الكعبي طاحت على الأرض يونها مغمى عليها ......
اليازية وهي تسير صوبها :حووووووووه شو فيج مو مصدقة ...
العنود وهي تصلب عمرها:الحين صدج تتكلمين ....
اليازية:قسم بالله ما أكذب الحين أبوي خبرني بالموضوع وقالي فكري .......
العنود: ياويل حالي يريته خطبني أنا ولا أنتي ....
اليازية:أن شاء الله أنتي نصيبج عند سالم .....
العنود ما ردت عليها ...........
اليازية: العنوووود أنتي شو رايج
العنود واللي تضربها على كتفها :وافقي وأنتي مغمض ...والله أنج ما راح تحصلين شراته ......
اليازية:ظنج
العنود:مينونة أنتي ...أااااااااااااه يا محمد يا ليتك خطبتني ولا خطبت اليازية ....صدج أن حظج يكسر الصخر ....
اليازية:حرام عليج ...قولي ما شاء الله..
العنود:ما شاء الله ...
اليازية:تدرين منو سأل عنج اليوم ....
العنود وهي تدري أنه سالم اللي سأل عنها الا أنها تبي تعرف من اليازية أكثر .....
العنود:منو
اليازية:سالم ....وقال اذا العنود زعلانة مني الحين مستعد أروح بيتهم وأراضيها ....
العنود وبنقمة:هذا اللي قدر عليه ...
اليازية:حرام عليج ....والله أني أحس أن سالم راح يأخذج ....
العنود:اذا هو يبيني أنا ما أفكر فيه الحين ....
اليازية:كذابة تحبينه ...
العنود:لا ما أحبه ...
اليازية:أوكيه اذا ما تحبينها تقربي أبي أشوف عيونج ...ترها ما تكذب ...
العنود:مبا ...
اليازية:يعني تحبينه ...
العنود وهي تصارخ:ايوه ....أحبه ....وأمووووووووووووووووت عليه .....عندج مانع ...
اليازية:لا ما عندي مانع ....
المغرب مبارك محتشر على أبوه علشان يروحون صوب بيت سيف الخييلي ....
مبارك كان كاشخ على الاخر ...ولابس كندوره بيضاء وغترة وعقال كله يديد... ونعال يداد تقول معرس من الكشخة والأناقة و متسبح بالعطور ....
مبارك وهو يدخن:لا حول و لا قوة الحين منو المعرس أنا ولا أنت .
بو محمد اللي يتعطر :الله يسامحك يا مبارك خلني أتعطر ...
مبارك وهو يضحك:تعطر ...علشان حبيبه القلب تشمك .....(وتم يطالع أمه ويضحك )
أم محمد:مره هالريال ما يستحى ....حشم أنا أمك وهذا أبوك .....
مبارك:لي الفخر أنكم هلي .... يالله أبوي خلنا نروح ....
بو محمد:يالله ....
راحوا مبارك وأبوه صوب بيت سيف الخييلي ...
وراحوا صوب الميالس وكان بو أحمد وأحمد يالسين في الميلس ....
يالسوا الريال بعد ما سلموا ...و تقهووى .....
أحمد وهو يطالع مبارك بنص عين :أقول مبارك
مبارك وهو يتقرب منه :هلا النسيب ...
أحمد:تراك اليوم ..بس ياي تخطب مو راح تعرس ...
مبارك: أحم ....وأنت ليش معصب ....خلني على راحتي وترى هذا بداية الحياة الى القفص الذهبي ....
أحمد:ايوه ....توني فهمت ....تراني قلت لأبوي يفتح موضوعي اليوم ...أنا يالس على أعصابي ترى ...
مبارك:لو سمحت أجل موضوعك .... الحين ....أنا في دائرة الحدث ...
أحمد:جب ...المهم أنا راح أخطب اليوم ...
بو محمد:والله يا أخوي سيف أنا ياي أخطب اليوم عندكم ....
بو أحمد:مرحبا ملالالالالالالايين ..... طال عمرك حنا أهل ونرحب بكم في أي وقت ....و مرحبا يوم تعنيتوا تخطبون عندنا ..
بو محمد:... و نحن اليوم طالبين القرب منكم ...و أبي أخطب مبارك لبنتكم سارة ...
بو أحمد:البنت بنتكم ...وأن شاء الله ما يصير الا الخير .....
مبارك يوم كانوا يرمسون كان في هذيك اللحظات يوزع ابتسامات مو مصدق اللي يسمعه وأخيرا راح يتزوج بحبيه القلب سارة...
بو أحمد:أخوي بو محمد أنا عن نفسي موافق بس لازم أشاور البنت ...والله يكتب اللي فيه الخير ....
بو محمد:أن شاء الله ...
أحمد تم يغمز أبوه علشان يرمس في موضوعه ...
ألا أن بو أحمد كان مستحي وفي خاطره يقول لو نروح لهم في بيتهم ونخطب أحسن .....
الا أن أحمد مصر على هالشيء ....و يبي تكون خطبتهم هو مبارك في نفس اليوم .....
بو أحمد وهو يضحك:بو محمد ....
بو محمد:عونك ....
بو أحمد:ما دامكم عندنا ...ومدامنا نتكلم عن الخطبة ...أبا أخطب أحمد لبنتك سلامة ...اذا ما عندك مانع ...
بو محمد:اسميه مبروك ....وترى القرب منكم ينشرى بفلوس ....خلاص نحنا بنتشاور وبنرد لكم عقب أسبوع ....
بو أحمد:يعني سلامة ما حد محيرها ....
بو محمد: ما سمعت ....
بو أحمد:خلاص يا بو محمد ترى أحمد طفربي يقول يبي يعرس بوحدة من خوات مبارك ....
بو محمد:أمره ما يهمك ...ما بيصير الا اللي كاتبه الله ....وأحمد ريال ما عليه قصور ...وكلن يبي قربكم يا بو أحمد ...
تموا الريال يرمسون حتى العشاء وبعدين راحوا .....
مبارك أول ما طلع منهم طول المسجل على الاخر ...وتم ايوول(مو مصدق الريال) ....
بعد أسبوع تخابروا هل البيت كلهم بخطبة مبارك وسلامة واليازية... و وافقوا عليهم .....((لأن سلامة تحب أحمد فأكيد راح توافق عليه..... وسارة تمووووووت على مبارك طبعا راح توافق ...أما اليازية كانت مترددة شوي الا أن سالم أقنعها أنها تأخذه لانه ريال ما عليه قصور وهو خويه ويعرفه زين))....الكل كان فرحان الا شخص وحيد معزول عن العالم اللي عايش فيه ...
سالم وهو يرمس عمره :يالله كل سفينة أرست على بر الا أنا سفينتي غرقت أكثر من مرة ....يالله كلهم راح يعرسون الا أنا ...يارب شو أسوي ....أاااااااااااااااااااه .....
مبارك:حوووووووووووه سالم شعندك
سالم:هااا ....ما فيني شيء... الا سلامتك ....
مبارك وهي يطالع سالم بطرف عينه :موووت في غيضك وخلك يا حسود تشتعل في نار همك والعذاب ....
سالم:لمن هذا كله ...
مبارك وهو يضحك:لك ...
سالم:لا والله وأنا شو سويت بك ...علشان تكلمني جذي ....
مبارك:بس ابا أقهرك ...
سالم وهو يطالعه بنص عين :الله يسامحك يالخام ..مسكين هاليومين ما تنعطى ويه ....فيك ربشة الخطبة والعرس...
مبارك:أنا ....
سالم ما رد على مبارك ....
مبارك:سالم تراني أمزح عندك ...ابا أحرك المشاعر اللي في قلبك ...
سالم:أي مشاعر وأي خرابيط ....
مبارك:أباك تعزم
سالم وهو مستغرب:على شو ....
مبارك:على العرس ....
سالم:لا تحاول ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك