رواية عودتني كل يوم اسمع انا صوتك -35
سلامة تمت تضحك من الخاطر على مبارك وحركاته ....
تموا الكل ساكتين .......
وبعد ربع ساعة طلعت سلامة للدكان ويابت الاكل وتموا يأكلون و يسولفون .....
سالم تم ما هو في حاله يبي يعرف ليش شمسة مغلقه تلفونها ما هو بالعادة ...بس لازم تكون في هالوقت تتصل علي يالله شو فيها ....وتم سالم يتصل عليها بس يعطي مغلق ......
مبارك من كثر ما يفكر بموضوع العنود ....ومأخذ كل تفكيره قال لا اراديا : سالم ما ترد العــــــــــــنـــــــــــــــود عليك .....
سالم من سمع طاري العنود تغير ويه :هااا من العنود .....
مبارك ويه متغير و صاير مثل إشارات المرور :لا..... قصدي ....أممممممممممممم ....ما شيء أعتبرها زلة لسان.....
سلامة تمت تضحك على ارتباك مبارك اللي صار فجأة ......
سالم وهو يطالع سلامة :ليش تضحكين ....شو صاير ....
سلامة:ما صار شيء بس أضحك على مبارك .....
سالم:ليش مبارك شو فيه .....
مبارك:حووووووووه شعندك....زلة لسان يا ريال .....
سلامة:أنا أدري ليش مبارك مرتبك .......وتمت أطالع مبارك ........
سالم و يبي يعرف ليش مبارك طرى العنود على الرغم أنه يدري أنه هو يكلم شمسة :رمسي سلامة شعنده مبارك مرتبك .....
سلامة:راح أقولك شو صاير..... بس أنت لا ترمس .....
تم مبارك يغمز لسلامة علشان تسكت ...... بس هي تمت تضحك على حركته .....
سلامة تأشر لسالم علشان يلتفت لمبارك شو يسوي لها ....
سالم:شو ....
سلامة :طالعه يغمز بعينه علشان أسكت ......
مبارك: كذابة .... ما عليج يالبقرة بتشوفين......
سالم:ما عليج منه رمسي شو صاير ......
سلامة وهي تيلس عدال سالم :أممممممممم ...شو أقولك
سالم:سلامة تراج تلعبين بأعصابي .....تكلمي شو صاير .....
سلامة:أوكية راح أقول بس أنت لا تزعل ....
سالم يرد شعره على وراء :لا حول ولا قوة الا بالله ...
سلامة:العنود ....
سالم:شو فيها .....
سلامة:تحبك .....
سالم:أدري!!!!! .....
مبارك نقع من الضحك على سلامة :قديمة دوري على شيء يديد .....
سلامة وهي معصبة :أوكية ....سالم ....
سالم:شنوووووو
سلامة:يوم تدري........ ليش تتصل بالعنود و ترمسها من ورانا وتبين أنك ما تحبها قدامنا .........
مبارك كان ماسك غرشة البيبسي من سمع بهالرمسه طاحت من أيده الغرشة وتم يقول في خاطره :الله لا يوفقج يا سلامة كشفتي كل شيء ......
سالم تم مصدوم ....
وسلامة حست أنه سوت شيء غلط بس ما تدري شنو هو وتمت تقول في خاطرها : ... ليش مبارك أنصدم جذي وسالم ليش ما يتكلم ..... أمممممم.....يالله شو سويت أنا .....العنود اذا تدري بالسالفة راحت تزعل مني ....يالله ....ساعدني ....
فهاللحظة نشت سلامة تبي تقوم من مكانها علشان تطلع من الخيمة ...بس سالم مسكها من أيدها .....
سالم:وين رايحه تعالي خبريني بكل شيء ....
سلامة وهي مرتبكة :هاه ...ما أدري عن شيء .....
سالم وهو معصب :والله ما تروحين حتى تخبريني بكل شيء!!!!! ....
سلامة وهي خايفة :أوكية ....راح أقولك وأمري لله .......أنزين ...أنا مرة شفت رقم تلفونك عند العنود وكل ما سألتها ليش رقم سالم عندج تقول لي هذا رقم واحد مغلط ....بس أنا حسيت أن العنود تخبي سر هي واليازية أختي ...وكل مرة أسمع رسايل واااايد تين على تلفونها .... بس هي ما تخليني أشوف تلفونها وكل ما أقولها هاتي تلفونج ما ترضى ....وأنا أشك أنك أنت تكلم العنود ..هي كل السالفة ...ارتحت ....
سالم و بيمووووت من الغيض :شو ارتحت .... أقولج كم رقم العنود
سلامة تمت أطالع في مبارك اللي يمسح البيبسي بالكلينكس ..........
سالم:سلامي ....لا تتجاهلين سؤالي كم رقم العنود أقولج
سلامة وهي مرتبكة :هاه ....أممممممممممممم.....لحظة .....سلامة كانت حافظة رقم العنود ...بس من الخوف طلعت تلفونها وخبرته الرقم ....(نسته من الربكة والخوف)
سالم تم يطالع الرقم وشافه نفس الرقم اللي مخزنه باسم شمسة ............
سالم وهو ما يعرف شو يقول: يعني شمسة هي نفسها العنود ......
قام سالم من مكانه وطلع من الخيمة ...
مبارك وهو يأشر لسلامة:كله منج يالبقرة .....لو أنج صبرتي كان أنا خبرتها بالموضوع كله ....
سلامة وهي خايفة :منو شمسة يا مبارك
مبارك ما رد عليها .......
راح مبارك وراء سالم اللي دخل البيت وهو معصب من الخاطر على حركات العنود .......
مبارك وهو يسير وراء سالم :سالم لحظة أنا بخبرك بالموضوع
سالم وهو يفتر لمبارك:وخر عن طريقي يا مبارك مالك شغل فيني .....تراني موصل حدي من الغيض .....
مبارك ما تكلم وقف مكانه ......
....
راح سالم وتم يدق على حجرة اليازية .......
كانت اليازية يالسة على النت ...من سمعت الدق ربعت صوب الباب وفتحته .......
وحصلت سالم قدامها .....
اليازية وهي متروعة :سالم شو فيك ليش تدق جذي
راح سالم وضرب اليازية كف على خدها بكل قوته .....من قوا الصفعة طاحت على الأرض ....
اليازية تمت مصدومة وتقول في خاطرها :يالله أنا شو سويت .....ياربي ....ليش يضربني جذي لا يكون محمد ربيعه خبره بشيء ......والله ما شيء من بيننا ...حرام ليش يضربني ....وتمت يالسه على الأرض وتصيح ....
دخل سالم وسكر الباب وراه ......كان سالم معصب من الخاطر على اليازية ليش ما قالت له أن العنود هي اللي ترسل له المسجات وتتصل به .....
اليازية تمت بتمووووت من الخوف لما راح سالم وسكر الباب وقفل ........
اليازية وهي ترد على وراء وتبكي :والله أني ما سويت شيء .....حرام عليك ليش تضربني والله أني ما سويت شيء خاف ربك .......
سالم راح ويلس على السرير...........
اليازية تمت تبكي من الخاطر وتصارخ على سالم:أنا شو سويت علشان تضربني بكل قوتك ......صدج أنك ما تستحي ....
سالم وهو يتقرب من اليازية: اليازية خبريني بكل شيء .....
اليازية وهي خايفة:أقولك بشنوووووو
سالم:ليش ما خبرتيني أن شمسة هي نفسها العنود ......
اليازية وهي تبكي أكثر وفي نفس الوقت مصدومه :وأنا شو خصني ليش تضربني أنا .......أنا مالي خص ....
سالم و هو يغمض اعيونه بغيض : قسم بالله يا ان ما رمستي عدل .. لا يصيبج شي ما صاب كافر ...
حست اليازية ان السالفة عوده .. و ان سالم واصل حده من الغيض ..
سالم بصوت عالي و هو يصارخ عليها بعصبيه : رمسي اقووووولج ..
فهاللحظه كانت العنود توها داخله الصاله اللي فوق .. و سمعت صريخ....
هي سمعت الصريخ بس ماعرفت منو هذا الا يصارخ .. بس الصريخ من حجرة اليازية .. و هالشيء الي خوفها ..
جان تروح صوب مبارك اللي يالس في الصالة اللي تحت..
مبارك كان يالس ايشوف التلفزيون ..
العنود بخوف : مبارك لحق ..
فلخ مبارك و افتر صوبها ..
العنود وهي خايفة : اسمع صريخ فحجرة اليازية ..
من سمع مبارك رمستها نش يربع هذا اكيد سالم ..لأنه من شوي راح فوق ....
مبارك وهو يقول في خاطره :كله من تحت رأس السوسة .....الله لا يوفقج يا سلامي ....شو ذنبها اليازية ....في هذي السالفة كلها ....
راح مبارك وتم يدق على سالم اللي يالس عند اليازية في حجرتها و يصارخ عليها ((مسكينة ما لها خص في السالفة كلها))
مبارك وهو يزيد الدق:حووووووووه ..........سالم........ أفتح الباب لا أكسره الحين
راح سالم وفتح الباب ....
سالم أنصدم لما شاف العنود قدامه ....وتم يقول في خاطره :يالله.... لها ويه تي بيتنا بعد ....صدج أنج ما تستحين يالعنود .... خليتيني أعيش في جنة و ثرها النار بعينها ....الله يسامحج ....هدمتي حياتي ....
اليازية من شافت مبارك افترت صوبه و هي اتصيح و بعدها يالس عالارض ..
اليازية :والله ما سويت شيء ..... مالي خص .....قوله مباركأنا ما سويت شيء ...
رفع مبارك اعيونه صوب سالم .. الي كان ميت غيض .. الا غيض مبارك قد وصل حده من سالم ..
مبارك و بصوت واطي : طلع عنها ..
سالم و بصوت عالي : و الله ما طلع يلين اتقولي السالفة كلها ..
العنود وهي أطالع اليازية اللي تبكي :أي سالفة أنا بخبرك ......
مبارك أفتر صوب العنود :أنتي مالج خص في السالفة ....
سالم وهو يتقرب من العنود:أنتي سبب كل هالسالفة ....
العنود تمت مستغربة وتقول في خاطرها :يالله ....شو اللي قاعد يصير ....أمممممم ....لا يكون سالم درى بأني أنا شمسة وراح وفاك الغيض كله على اليازية ....حرام اليازية مالها خص .....
العنود وبكل شجاعة تتقرب من سالم وببرود أعصاب :خير سالم ليش معصب .....شو تبي تعرف ....أنا راح أخبرك بالسالفة من أولها لأخرها..وترى اليازية ما لها خص في الموضوع .....
راح سالم ويلس على الكرسي .....والعنود يلست على السرير ....واليازية يالسه مكانها على الأرض ....ومبارك واقف عند الباب...
مبارك من شاف الوضع صار هادى راح و طلع وسكر الباب عليهم ......
العنود تمت أطالع سالم وعيونها دموع .......
وسالم ما نزل اعيونه من العنود وقلبه ينتفض من الحزن والصدمة ....واليازية تبكي بدون صوت ....
العنود ودمعتها طايحه على خدها:شو تبي تعرف سالم أنا بخبرك بكل شيء ......
سالم:صدج أنج أنتي شمسة .
العنود وهي تغمض اعيونها والدموع تنزل على خدودها مثل اليمر :هيه .....ارتحت الحين ....
سالم وبحزن :أاااااااااااااااااااااااه .....ليش سويتي فيني جذي
العنود وهي تبكي :حاولت أبين لك بأي طريقة أني أحبك بس للأسف ما كنت تحس فيني ......
راح سالم وطلع من الحجرة ورقع الباب بكل قوته من الغيض ......
العنود تمت يالسه على السرير وتبكي من خاطرها على حالها اللي يكسر الخاطر ....
واليازية تمت تبكي مصدومه من سالم ...وقلبها يتقطع على العنود ....صدج أنج منحوسة يالعنود
نشت العنود وراحت صوب التواليت وتمت تمسح دموعها ......
وقامت بتطلع من الحجرة ....
اليازية وهي أطالع في العنود:وين رايحة عنوووووود
العنود وهي تصيح : ما أدري قلبي قال لي أنه فيج شيء ويت صوبكم..... سامحيني اليازية سببت المشاكل من بينكم والله ما كان قصدي
طلعت العنود من حجرة اليازية ....وحصلت سلامة واقفة قدام الباب وتصيح ......
العنود وهي تمسح دموعها:أهليين سلامي
سلامة ما تحركت و كانت واقفة مكانها وتبكي من خاطرها .....
العنود وهي تمسح دموع سلامة:حووووووووه شعندج سلامي تصيحين
سلامة وهي تلوي على العنود:سامحيني يالعنود أنا اللي خبرت سالم بسالفة .....سامحيني أنا اللي سببت المشاكل من بينكم...
حبتها العنود على خدها ونزلت تحت و راحت صوب بيتهم وهي كأنها طــــــيـــــــــــــــــر مكســـــــــور جـــنـــــاحاته ......
تم العنود تبكي من الخاطر وترمس عمرها:أنا الغلطانة أستاهل كل اللي صار لي .....صدج أني ما أستحي سببت المشاكل بين عيال عمي ....والله ما روح صوبهم مرة ثانية ...خلاص اللي صار لي كان تجربة و بحاول أنسى سالم بأي طريقة ...أحب واحد ما يحب شوفتي صدج أني مينونه ....
راحت ويوم قدها عند الباب الصغير ألتفت وراها و تم أطالع بيت عمها كأنها تودعهم...و أنها أخر مرة تشوفهم ....
فهاللحظة انهارت العنود وقعدت تحت وتم تبكي من خاطرها ....فشلت في أحلى تجربة حب كنت أحسبها ....ليش سالم تسوي فيني جذي ياليتني ما رحت صوبهم ....
شلت العنود جسمها التعبان ومسحت دموعها وراحت بيتهم وحصلت هلها كلها يالسين في الصالة ... بس ما راحت صوبهم ودخلت حجرتها وقفلت الباب ويلست فوق السرير وتمت تبكي .....
وبعد فترة ما هي بطويلة راحت وخذت تلفونها ومسحت كل رسايل سالم ورقمه .......
سالم كان يحوط في سيارته وما يدري وين يروح ....راح وشغل المسجل وكانت غنية عيضة المنهالي ...((مصدر جنوني))
وين يا من تسهر عيوني مت ولا حي يالغالي...
أذكر أنك مصدر جنوني وكل ما يطري على بالي ...
أن نسيت أنساك وتهوني في دقيقة ينقلب حــــالي...
كيف ترضى عايش بدوني وأنته بك تتعلق أمالي ...
ما تحمل تصدق ظنوني لو تغيب الناس تبقى لي...
غصب عن منهم يلوموني وكل عذالك وعذالي ...
هي خلاصة حب وشجوني وأنت دوم الكوكب العالي...
من سمع سالم الغنية وقف سيارته...وحط أيدينه على ويه ...
فهاللحظة تذكر شمسة اللي هي نفسها العنود تذكر أول مرة أتصلت به وشغلت له هذي الغنية ...صدج أنج يالعنود عيشتيني في أحلام ورديه ....بس ليش سويت جذي يا ليتج ما فكرتي بهالشيء ....يالله شو ذنبها اليازية ليش ضربتها ...بس كنت معصب ....وما كنت أدري شو أسوي علشان أعرف السالفة الله يسامحج يا سلامة كله منج ....
راح سالم ومسك تلفونه وأتصل بمحمد .......
سالم:ألوووووووووو....
محمد:أهليين بو غنيم ....عاش من سمع هالصوت ....
سالم:محمد .!.....وين أنت
محمد:والله أنا يالس عند الربع في ميلس سلطان ....
سالم:ابا أشوفك ......
محمد:خير سالم شو فيك
سالم بصوت تعبان :أاااااااااه يا محمد أحس أني مخنوق ....أبا أكلم حد فيني ضيقه .....
محمد:وين أنت الحين
سالم:أحوط ...في الشوارع
محمد:افاااااا تعال في بيتنا .....
راح سالم صوب ميلس محمد الكعبي ....وحصله يالس يترياه .....
في حجرة اليازية .....
سلامة وهي تصيح :خلاص اليازية ...ليش تصيحين
اليازية وهي تتلحف :خليني أصيح .....أطلع الحزن اللي في قلبي....
سلامة:سامحيني اليازية أنا اللي خبرت سالم أن العنود هي اللي تكلمه .....والله ما كنت أدري كل هذا راح يصير ....وتمت سلامة تصيح .......
اليازية :أنا ما أصيح لأن سالم صفعني .....أنا أصيح على حال العنود اللي كسر خاطري ....شو ذنبها ...الحين تلقينها زعلانة على مبارك تحسبه هو خبر سالم أنها هي شمسة ......
سلامة وهي تصيح :عني أفداء قلبها ....ما تستاهل كل هذا العنود ....ياربي سامحني ....
في ميلس محمد الكعبي .....
محمد:شو فيك يا سالم ليش لونك مخطوف
سالم:أااااااااااااه يا محمد عرفتها شمسة من هي ....
محمد وهو فرحان:مبروك ....ليش أنت زعلان جذي
سالم بحزن :تدري منو هي
محمد وهو مستغرب : منوووووووو
سالم وهو مغمض عيونه :العنود بنت عمي .....
محمد وهو يتبسم :صدج ....ألف ألف ألف ألف مبروك .....
سالم وهو يطالع محمد بنقمة :الحين من صدجك تبارك لي ....ما تدري أشكثر أنا محزن اليوم ....أنهدم أخر أمل عندي ....
محمد:افاااااا ليش ...بالعكس لازم تفرح أنها طلعت بنت عمك .....أنت تعرف أخلاقها ...وتراها هي تحبك وأنت لازم تقدر هالحب .....من زمان وهي تتريا هاللحظة اللي أنت تعلن عن حبك لها ....وأنت قطعت عليها هالفرحة ....وتراك مانك محصل شرات بنت عمك تحبك مثلها .. وداريك وترعاك .....لازم تفرح يا سالم .....
سالم:بس
محمد:شنو بس .....فكر بعقلك ....لا تفكر بقلبك .....هي الحين تدري أنك زعلان على هالسالفة ....
سالم:هيه ....دخلت علي يوم كنت أسأل اليازية عن الموضوع ....و أظني اليازية كسرت خاطرها فاضطرت أنها تخبرني أنها هي شمسة .......وحتى أختي سلامة عطتني رقم العنود وطلع نفس رقم شمسة وأكدت لي هالشيء ....أقول محمد .....
محمد:شنو
سالم:أنا متلوم
محمد:من منو
سالم:من أختي اليازية ضربتها بكف خلها أطيح على الأرض والله أن مو بيدي بس شنو أسوي كنت معصب من الخاطر لما عرفت ....
محمد:الله يسامح يا سالم ثرك اليوم فجرت البراكين اللي في قلبك .....
سالم:هيه ....
محمد:تبي الحل ....
سالم:هيه ....
محمد:وراح تأخذ بنصيحتي لك
سالم:اذا قدرت أن شاء الله بنفذها ....
محمد:لا ما شيء اذا قدرت أكيد أنت تقدر لها ولا ماراح أقول لك
سالم:خلاص ...راح أنفذ بس أنت أرمس .....
محمد: أول شيء تروح تتعذر من اليازية أختك وتأخذ لها هدية ..مسكينة مالها خص في السالفة ......
سالم:أوكيه هذي مقدور عليها ....
محمد:تروح باجر أنت وأبوك وتخطب العنود من هلها ....
سالم وهو مستغرب :شوووووو
محمد:سالم حرام عليك لا تنسى أنك حطمت قلبها هالمسكينة .....
سالم:راح فكر في الموضوع ....
محمد:ما يحتاي تفكير ... ياريال روح باجر وأخطبها وتوكل على الله .....
سالم ما رد على محمد وتم يفكر بالموضوع بعقله ..
أحمد ومبارك يالسين في ميلس حمد الكتبي (بو محمد).......
أحمد:مبارك ...بتخبرك عن شيء ...بس أخاف ما تعطيني اللي في خاطري
مبارك:افاااااا... أمره أنت تخبر....و ما راح يصير الا اللي في خاطرك .....
أحمد :والله بتخبرك عن موضوع أختك ....تراه مرت فترة وحتى الحين ما عطيتني رد ....
مبارك:السموحة يا أحمد والله أني كنت مشغول في الأيام اللي طافت .....
أحمد وهي معصب:خل الكذب عنك ....أي شغل وأي خرابيط اللي أنت تتكلم عنها ...ما كني مجابلك 24 ساعة ...قال مشغول....قال
مبارك تم يضحك على أحمد .....
أحمد وهو معصب:مبارك .....حووووووووه ...أكلمك أنا (وتم يغمز مبارك اللي يضحك عليه )
مبارك وهو يصلب عمره :تكلم أسمعك
أحمد:صدج..... اذا أختك ما تبيني راح أدور على وحدة غيرها ......(مو من الخاطر)
مبارك بلا اهتمام:دور يا أخوي عليك بالعافية ......
أحمد:مبارك ...تراك مسختها ....تخبرتها أختك و لا لا .........
مبارك:تبي الصدق ....
أحمد:هيه ...
مبارك:ما تخبرتها حتى الحين .....
أحمد:و ليش يا حظي ....
مبارك:أوكيه ....أنت أختك عطتك الرد ....
أحمد بغرور:هيه ...
مبارك:قول والله ......وافقت ولا لا ....
أحمد:والله ما خبرك ...حتى تتخبر أختك......
مبارك:أوكية ...بتخبرها وباجر بعطيك الرد ....
أحمد:مستحيل ...الحين تخبرها وخبرني .....
مبارك:ظنك ....لحظة .....
راح مبارك وأتصل بسلامة ...المرة الأولى صاح بس محد رد عليه ...رد وأتصل مرة ثانية وشلتها .....
مبارك:ألوووووووووو .....
سلامة وصوتها تعبان :أهليين مبارك ....
مبارك:هلا وغلا بشيخة الزين ....
سلامة بلا نفس :اذا تمدح فيني علشان أسوي لك شيء ....لا تفكر.... تراني تعبانه وقلبي متقطع من الحزن ....
مبارك تم يتبسم :افاااااا عليج يا سلامة ....من شو قلبج متقطع ....
أحمد من سمع أن سلامة قلبها متقطع تم يتحرقص مكانه يبي يعرف ليش مضايجه حبيبه قلبه .....
سلامة خانقتها العبرة :أنت تدري ....سالفة العنود
مبارك: ليش تعبين نفسج على الفاضي ....اللي أستوى أستوى ...أمممممم...سلامي بتخبرج
سلامة:شنووووو
مبارك:بموضوع أحمد الخييلي ....هاه شو قلتي ترى الريال ذبحني من كثر ما يتخبرني .....
سلامة والابتسامة على ويها على الرغم من الحزن :أممممممممممم ......
مبارك:هاه شو قلتي ...اذا ما تبينه قولي ...بيدور على وحدة غيرج
سلامة وهي مستغربة: اممممم ....ما أدري ....
مبارك بجدية :شو ما تدرين ....جواب نهائي موافقة أو لا .....
سلامة:أنت شو رايك .....
مبارك بعصبية :سلامي تراج ذبحتيني .....قول يس ولا نو .....
سلامة:....................
مبارك وفيه ضحكه :أوكية يعني مش موافقة ....خيرها في غيرها يا سلامي ....الله يوفقج
أحمد من سمع هالرمسة تم فاتح ثمه ويقول في خاطره :الله لا يوفقج يا سلامة....يعني الحين أنت مو موافقة عليه ...أااااااااااه يالقهر ....لا بس ممكن مبارك الثور هذا يبي يلعب بأعصابي الله يستر .............
سلامة:لا مو جذي
مبارك:عيل شنو .....
سلامة وفيها ضحكه:خلاص توكل على الله .....
مبارك :يعني شو
سلامة:أممممممممم.....
مبارك:سلامة موافقة ....
سلامة:هيه ...
مبارك:ألف ألف ألف ألف مبروك ......
سلامة:الله يبارك فيج ....
مبارك:برايج بروح أبشر أحمد ......
سكر في ويه سلامة .....
مبارك توه بيرمس ...ما شاف أحمد الا وهو يحضنه ويحبه على خده ......
مبارك وهو في حضن أحمد:حووووووووووووووووه أحمد الله لا يوفقك فكني تراك ذبحتني ......
أحمد وهو يفك مبارك :ألف ألف ألف ألف ألف ألف ألف ألف ألف مبروك يا مبارك ....
مبارك وهو يضحك :سارة موافقة .....
أحمد:هيه ....
مبارك قلب على قناة حواس وكانوا حاطين غنية عيضة المنهالي اليد يده سود العيون وطول على الأخر .....
وتم أيولون هو أحمد.....أحمد بيمووووت من الفرحة لأنه راح يأخذ سلامة ....ومبارك نفس الشيء .....
اليازية ما نامت من الحزن و الضيج اللي في صدرها ....حست بحزن ومعاناة العنود الحين ...تذكرت العنود ونظراتها يوم تشوف سالم كانت بتمووووت من الفرحة.... على الرغم أنه ما يبدلها نفس الإحساس ..... بس اليوم أنهدم هذا كله في لحظة يالله تقول اليوم حلم ....صدج لي قالوا ليس كل ما يتمنه المرء يدركه ....
(((فهاللحظة أنفتح باب الحجرة))) ...
اليازية من سمعت الباب ينفتح غمضت اعيونها يونها نايمه ....
سمعت حركة حد ياي صوبها ...كان سالم ...تم يطالع اليازية ....
سالم وهو يمسح على رأس اليازية:سامحيني ياليازية ما كان قصدي ...أعتبريها لحظة غضب ما قدرت أمسك عمري فيها ..تراه من حقي ...بس يا ليت العنود خبرتني من قبل أنها هي اللي تلعب بي ما كنت راح اجزيها بهالشيء ...
تنهد سالم وراح وحب اليازية على خدها .....وطلع من الحجرة بشوي شوي ....وسكر الباب وراه .....
اليازية من طلع سالم منها تم تبكي من خاطرها ...
اليازية :يا ترى الحين العنود شو تسوي عني أفداها ما تستاهل كل هذا ....أااااااااااااه ياليتني أنا ولا العنود .....
اليازية ما نامت تمت تبكي الليل كله وتتذكر سوالف العنود عن سالم ...يوم توعدها أن سالم راح يكون لها ...
أما العنود ما نامت من الحزن ...تبكي على حالها متندمة على كل الحب و الغلا اللي عطته سالم اللي كان ما يستاهله في نظر عينها..
سالم ما نام ذيج الليلة وقاعد يفكر الموضوع بجدية وبعقله .....و متلوم في العنود واليازية .....وتم يقول في خاطره :أنا من حقي ليش ما خبرني من البداية اللي كانت ترسل المسجات هي العنود ...صدج يوم كلمتني ما كان نفس صوت العنود ...كيف قدرت أنها تغير صوتها ...الله يسامحج يالعنود .... بس أنا مو متقبل فكرة أن العنود هي نفسها شمسة ....
مبارك وسلامة وأحمد وسارة ....الواحد منهم ما نام من الفرحة يبي الخطبة قد تمت ويا العرس على خير ....كل واحد منهم تم طول الليل عايش في أحلام وردية ...شو راح يسوون في الأيام المقبلة ...المهم كلهم ناموا على مخدة من الحرير معطرة بأجمل الأحلام الوردية ...اللي سافروا منها لأحلى أحلام حاسوا بها .. ......
((والله حاله ... منهم اللي مو قادر ينام من الفرحة ومنهم مو قادر ينام من الحزن والقهر و الضيج اللي في صدره ))
مر أسبوع .....
العنود ما راحت بيت عمها من أستوت السالفة ...واليازية تغيرت ما صارت تيلس عند هلها وااااااايد ... أكثر شيء تيلس في حجرتها ...سالم حاط اللوم على عمره وخاصا يوم لأحظ أن العنود ما قامت تي صوبهم شرات قبل واليازية ما تطلع من حجرتها ....سلامة من تشوف سالم تحاول أنها ما ترمسه وايد لأنها مستحيه وتقول أنها هي السبب في السالفة كلها ....
في الخيمة .....
أم محمد وسالم يالسين و يرمسون .....سلامة قاعدة عندهم بس ما ترمس يالسه أطالع .....
فــــــــــــــــجــــــــــــــــــــــــــــــــ ـــــــــــأة....
يدخل عليهم مبارك وهو يصارخ :أماااااااااااااااااااااااايه ........
أم محمد:شعندك محتشر شوي شوي تكلم تراني أسمعك بعدني ما عيزت .....
مبارك وهو ييلس عدال أمه وفيه ضحكه ويقول بكل جرأة : أريد أعرس
أم محمد وهي تضحك:شوووووووووأنت صاحي .....
مبارك:هيه ...بكامل عقليتيه ...بس امايه أبا أعرس ....
أم محمد:من العروس ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك