رواية على عتبات الماضي -34
بماكلها اخذي لتس صحنين
وسميه بانصياع,,
:ابشري يمه
مها بضيق,,
:يمه عادي تخلينهم ينامون ببيت عمي ؟؟
ام ناصر تنزع برقعها,,
:يويلي وش فيها بيت عمهم وهادي ممسي ويامريته بفندق ماهناك احد خليهن يستانسن
دلال تعود حامله حقيبه ,,
:مهاوي الشغاله نامت مع البزران وصيتها عليهم انا والسوري بنسهر مع البنات نشوف
شريط العرس ولجا الصبح بيجيبنا فهد للبيت هو سهران ببيت عمي مع مشاري وعبدالعزيز
مها بزعل,,
:افا وانا بروحي اقعدي انتي سولفي علي بسوالف العرس وبكره شوفي الشريط,بعدين ليش مسنترين
عندكم العيال ؟؟
دلال تمسح ماتبقى من مكياجها,,
:حبيبتي انا ابي التعليقات طازه ماابيها بايته نبي نستانس انا والبنات وانتي ارقدي وبكره
بجيب الشريط لج تشوفينه,والعيال بالمجلس لان هادي ممسي بالفندق مومعقوله بيمسن البنات بروحهم ببيت كبير وعريض
ولعلمج عمي خالد بينام عندهم طول فترة سفر هادي يلا قلبي بااااااااااااااااي
ودعت مها لتذهب برفقة فهد الى منزل عمها عبدالله اللذي يفصله عن بيتهم شارعان فقط
*******
*****
***
**
*
بجناح تفوح منه رائحه الفواحات الهادئه,,
وباجواء رومانسيه تليق بزوجين باول ليله من حياتهما’’’
حياه جديده مقبله بفرح وحزن,,
خير وشر’’’
وقف وهو سعيد بمامنه الله عليه من نعمه,,
ليتمم نصف دينه’’’
ويحظى بفتاة احلامه,,
بعد حلمه الطائش بمراهقته’’’
هاهو يجد نصفه الحقيقي,,
لانصف نسجه الخيال باحلامه ليختفي كسراب امامه’’’
وقف براحه وسعاده,,
:حبيبتي انا بدخل اتسبح اعطاها قبله سريعه
اماهي فتضم ركبتيها وتدفن راسها بينهما تبكي والخجل يعتريها ,,,
كيف حدث هذا ؟؟
لااستطيع تقبل فكرة قربه مني وتقبل ماحدث ؟؟
رغم ان اخواتي اطلعنني على كل شيئ قبل الزواج؟!!
لكنني اشعر بخجل شديد!,,
كيف سأراه بعد ماحدث؟؟؟
اتاها يلتف بالمنشفه حول خصره,,
ويجفف شعره بمنشفه اخرى صغيره,,
:حبيبتي منتي بقايمه تسبحين ؟؟
كيف انهض من الفراش امامك هكذا ؟؟
الا يراعي وضعي ؟؟
يراعي خجلي ؟؟
ثم تذكرت كلمات منيره المحذره,,
:اياااني واياج تسوين لي فيها المستحيه الميته من الذل كانه بياكلج
ترا الوضع عااادي لاتحاتين وهذي سنة الحياه
ثم كلمات حسنا الرقيقه,,
:حبيبتي رائد مهوب همجي وانتي لاتعقدين الامور وخلي الوضع عادي تكفين لاتخلين الربكه تخرب اول يوم عليج
ثم كلما معالي المهدد,,
:والله ثم والله ان شفتج مسويه فيها الشريفه اللي ماترضى بلمسه منه باذبحج لاتكررين اغلاط غيرج
عليا بخوف,,
:انزين خوفتيني شنو مافهمت عليج ؟؟
معالي تاخذ نفس فهي تخاف ان يتكرر ماحدث مع منيره,,
لكنها انتبهت لاسلوبها الهجومي والمفزع’’’
لتضحك وتحاول اضفاء الدعابه على الجو المشحون,,
:هههههههه بصراحه خايفه تسوين نفسي ياانااااا ذلين الرجال مذله
لين عاف حياته ماابيج تكررين هالغلطه عرفتي قلبي ؟؟
عليا وهي تهز راسها,,
:عرفت ياخايسه لاعاد تخانقيني
وتتذكر كلمات هيفا البسيطه والجميله ,,
:شوفي العروس حلاتها بحياها لكن مهوب تخورينها وراسج يصير بحظنج
لااااااا حراام هالميتين دينار اللي دافعتها على المكياج تروح هباء" لاااااازم يشوف كشختج
سوي نفسج تشوفين الغرفه تلفتي يعني حركات دلع وملاقة بنات كذا يعني
عليا بضحكه,,
:حركات دلع فهمناها ملاقة بنات ليييييش ؟؟
هيفا بابتسامه وهي تقترب من عليا,,
:خليج من الكلمه هذي خلينا بالاهم
رجلج مطوع يعني فرصتج سويله فيها البنت الخجوله واللي ماتفهم شي
يعني انج اؤطه مغمضه فهمتي ؟؟
عليا بحب,,
:فهمتي ياالعتوي
اما والدتها اكتفت بكلمه واحده,,
:جعل ربي يهنيتس واوقفتها الدموع عن اكمال ماكانت تؤول لقوله لتصمت وتتركها بصحبة دموعها
ابتسمت لهذه الذكرى العذبه,,
يجتمعون على حبي’’’
ونصحي,,
وارشادي’’’
لكن يختلفن بالآراء,,
وماعلي انا ان اتبع قلبي ومشاعري فقط
جلس بجانبها ,,
وكانه قرا مايجول بداخلها,,
:عليا شوفيني
لم تستطع ان ترفع عينيها بعينيه,,
مد يده ورفع بها وجهها’’’
ولفه ناحيته,,
:حبي ترا اللي صار عادي طبيعي لاغلطتي ولا انا غصبتج بشي خلي هالليله تمر حلوه
لااحد يخربها بالبكي اللي ماله داعي والسحى الماصخ
انا رجلج واللي بينا حلال والحمدلله انتي تعفيني من الغلط وانا كذلك ,,
بعدين هذي سنة الحياه ,,انتي لانها تجربه جديده تحسين كانها شي غلط
او عيب خصوصا ان اهالينا ربونا على كذا ,,عليا تراها مسالة وقت وبتتقبلين الوضع
عاااااادي يلا انا بالبس وبروح المسجد بياذن الفجر وانتي اخذي راحتج
خرج من الجناح بكبره ,,
به هاله من الضوء تنير وجهه’’’
وصوته مريييييح يدخل القلب بسهوله,,
لم تكلف نفسها عناء تقبله بل تقبلته باريحيه’’’
لاتنكر بان الخجل تحول لشعور بالراحه والسكينه بعد كلامه ,, ,,
*******
*****
***
**
يجتمعن بسعاده لامتناهيه,,
شعور جميع بان تلتفت بكل زاويه ببيتك’’’
وتجد من تحب حولك من اهل وخلان,,
:يلا خلود شغلي الشريط اخلصي علينا
خلود تحاول تركيب اسلاك الفيديو,,
:ااااففففففف طيب زهقتوني انتوا وحنتكم
ملتفات حول التلفاز ,,
بانتظار رؤية احداث الحفله مصوره بهذا الشريط’’’
معالي بضحكه,,
:اما اليوم ياانا ضحكت على ام مشاري ماشالله فرقة شعرها تلمع مع االاضاءه
حسنا وهي تتخصر,,
:لااااااااا ياحبيبتي ترا ماارضى على امي جمله
هيفا بدعابه,,
:تكفين انتي واماتج والا ام راشد حشى مصك طول بعرض غطت على العجيز اللي وراها بالاستقبال
الناس تسلم عليها ويروحون وراهم مادروا ان وراها العجايز خخخخخخخخخخخخخ
دلال تتناول الحب من يدي هيفا وتكمل بمرح,,
:من زينكم انتوا اسكتوا ياانا ضحكت على معالي تحسين ضيعت الرقص
كل شوي تسوي حركه جديده
هيفا تضرب يدي دلال بيديها ,,
:كفج والله انج جبتيها والا منيره ياحرام ماعاد تحركت بالعرس ماتبي تعرق والا كشختها تروح
لين يشوفها عريس الغفله
حسنا ضاحكه,,
:كله كوم ويوم ارقص مع ريمه باغنيه غزال طب وقولوا باسم الله المشكله ان احنا مكرشات ومحد رقص
الا انا واياها
سارا تاتيهم بعدما ارتدت بيجامتها,,
:بنات شفتوا عمة رجل عبير تراها نافخه براطمها
هيفا غير مصدقه,,
:احلفي ؟؟
سارا,,
:والله العظيم انا خابرتها مالها شفايف الحين تهبل
هيفا,,
:يووووووووه ياويلي على نفخ خدودي احس ذبلانه
معالي,,
:الحمدلله والشكر مايجوز ترا هذا تغيير بخلقه الله بعدين انتي تقولين بانفخ خدودي ؟؟
اجل وش تقول مهوي بنت عمي المعصقله
دلال ,,
:يالله يالله بنات اشتغل الشريط
اخذت اصواتهن تعلو بالتعليقات ,,
وترنو بالضحكات على احداث الحفله ’’’
خلود تقف مشيره الى فارس,,
:شوفووووووه الخبل وش مسوي
حسنا تقع على ظهرها من الضحك,,
:ههههههههه تكفووووووون عيدوا الشريط هذا فاصل
سارا,,
:الحمدلله والله انه مايضحك بصراحه يفشل صحيح رقصه حلو بس حركته انه متلطم ولابس هالنظارات سخيفه
خلود,,
:الا يهبللللللل ياويلي على مواجه خوياتي بالكليه اكيد بيموتون على حركاته ياحلوه
حسنا,,
:هو بصراحه حلو بس ماادري احس مترك احلى
هيفا ضاحكه,,
:ياحرااااام يامترك كاشخ ومترزز لمنور ياحليلهم
معالي تبتسم وهي تتذكر منيره بحب,,
:بابنت الحلال الله يصلح عطاه اللي يعطي
مادامه يبيها وبيردها الله يوفقهم ويضمون بزرانهم بينهم
وهكذا دارت السهره بينهن,,
لم يبقى نوع من المكسرات’’’
او الحلويات او حتى التسالي الا وشاركتهن السهره
*******
*****
***
**
*
وبمكان شفاااااااف كاصاحبه,,
اخذهم البعد لعالم الوله’’’
ليعودا بحنين لماضي دحراه سويا",,
ثم اعادا احياؤه بعشقهما السامي’’’
منيره ومترك وروح بجسدان,,
:له له له مااقدر على الزين كله
:الحين ماتقدر وانت رايح ومعرس لاوماخذ اقرب فرصه لك تطلق
جلس بالقرب منها ,,
مقترب جدا جدا لايفصلهما سوا انفاسهما,,
:ها وطلقت ؟؟
تبتعد وهي تشعر بضعف بقربه,,
لكن عليها ان تضع النقط فوق الحروف’’’
وان يعرف كل منهما غلطته لتفاديها وحلها,,
قبل فتح صفحه جديده ’’’
:مترك ابي اوضح لك اني بفترة مقعادي عند اهلي وانا افكر بمشكلتنا اللي لي يد فيها وانت بعد
بس مافكرت بالحل على اساس انك طلقت وانتهينا
لكن بما ان احنا عودنا على بعض لازم نتكلم بكل مشكله مرينا فيها ونحلها عشان ماعاد
يقترب منها وهي تتحدث,,
ويقترب وهو ينظراليها نظرة المحب ’’’
والعاشق الولهان ,,
وهومبتسم ’’’
-تجزم بانه لم يستمع الي كلامها بتاتا",,
تبتعد حتى كادت ان تقع من طرف السرير’’’
لولا ان امسكها من ظهرها وقربها اليه,,
:ابشري بكل اللي تبين انا اصلا مصفي النيه وفاتح صفحه بيضا مافيها الا هالاحمر اللي اشوفه قدام عيني
مووووووووت هالاحمر نقطة ضعف اي رجال تقولين ثيران ختمها بضحكته اللتي تحب لم تقاوم بل تركت مشاعرها
المشتاقه تسيرها كيف ماتشاء من حقها ان تحس بالسعاده ولو للحظه بسيطه
وبعدها ستعود بقوتها وبشروطها,,
لن تترك للتنافر مكان بينهما’’’
ولن تجعل البعد يزيد العلاقه فجوه,,
بل سيتعمق الحب بقربهما اكثر واكثر’’’
ليشاطر الدماء بعروقهما,,
ولامخرج من امتزاج دمهما سويا"’’’
الا فراق الموت لافراق غيره,,
*******
*****
***
**
*
:يوه تعبت بصراحه بالعرس بموت من رجولي الله يخليك نايف خلني اريح
:اقول اقصري الحكي وتعالي زيني لي عشا ماتعشيت اليوم
وقفت تبتسم فهي تعلم بانه ذو مقالب ثقيله,,
:ابشــــــر من عيوني الثنتين بزين لك توست بالجبن بصراحه يتعب
تبعها بسرعه قبل خدها الايمن,,
:افااا انا اخليج تروحين وتدخلين المطبخ بذاالكشخه اصير شيف انا ولا تخربين كشختج
عبير تمشي بدلع مصطنع,,
وقبل ان تصل الى الصوفى وقعت على مرأى زوجها العزيز’’’
:ههههههههاااااايييييي آه آه يابطني مااقدر بصراحه ياحلو الدلع حتى طيحتج بدلع
قامت لوحدها بزعل ,,
فهي خجله وموقفها المحرج مع زوجها اخجلها كثيرا’’’
فهي من اتته على --سنجة عشره--كما يقال ,,
وقعت بصوره مضحكه وامامه هو’’’
نايف يحاول كبت ضحكته فمنظرها كان مضحك,,
:حبيب 0هههههههههه
اسمعيني انا والله موقاصد اضحك بس ماادري انا خلقه عيار وانتي
بجد ونستيني الله يجزاج خير هههههههههههههه
عبير,,
:لاوالله هذا وانا اليوم ماسكه نفسي لااتنكس عند نديبه عشان اجيك مرتبه وانت تضحك علي من طيحه عفويه وخفيفه
نايف,,
:وش خفيفته الله يرضالي عليج انتي هبدتي على وجهج زين اللي ماتقطع ثوبج من الطيحه بس برضو تهبليين
وقت ماهو يحاول ارضاءها,,
وهي تكابر وتتزعل اعلن الهاتف عن اتصال قادم ’’’
:لحظه حبي بشوف من المليق اللي متصل الحين
:الو اخيرا رديت نويف انا ادق عليك من كم يوم وانت سافطني ؟؟
نايف,,
:هلا بك والله يابو هادي توني اشغل جهازي لاني سافرت اضطراري لدبي دوره مستعجله ورديت امس
امر بغيت شي ضروري ؟؟
عبدالعزيز,,
:اي بمرك ابيك بوضوع مهم فاضي والا ااجل جيتي ؟؟
نايف باحترام,,
:لا انا فداك فاضي حياك باي وقت البيت بيتك
ويوم السبت موعدنا باول لقاء,,
عفوي بسيط خفيف جميل بكل المقاييس
بين من كان اساس وهضبه تعلو عليها للاعلى نساء قصتنا
وبين فتاه جمعت التضاد بشخصيه واحده
ايعقل ان تكون سهره عاديه ؟؟
انتظروني وانا انتظر تعليقاتكم على احر من الجمر لو بحرف واااحد
احبـــــــــــــــــــــــــــــــــكم
يلتقــي صخــبي ك’ــآنثى بهــدوئك ك’ــرجل
فيمتزجــآن..
عندهــآ فقط’
اجهـل مآقيل عنـي في صبــآي..وتتنـآزل انت عن بعض صف’ــآتك المعهــوده..
فنحلــق مع’ــاً
~نختلــف لتدمـج ارواح’ـــنـآ ببعضهــآ
~فنــدمج لنختلــف
( انـآ انت و أنـت انـآ )
رغمــاً عن كل التوقعــآت والإخ’ـــتلآفــآت
:
/
*طاغية حس وشعور*
البارت القادم يوم السبت كالعاده وبنفس الوقت
اخليكم مع
البارت السادس والعشرون
****
**
*
ادخلها تمشي والخجل يتلبسها امامه,,
اقفل الباب ودخل بعدها’’’
يراها واقفه موجهه ظهرها له,,
قوام مذهل والواضح بانها مطأطئه رأسها للاسفل’’’
خلع البشت وعلقه,,
وتقدم ناحيتها حتى اصبح امامها’’’
رفع راسها لكن عينيها مازالت تنظر للارض,,
بصوت يحمل من اسمه الكثير,,
:حبيبتي استريحي ماتعبتي من الوقفه
تحاكي نفسها,,
:الله واكبر حبيبته مره وحده من متى ان شالله
قطع حبل افكارها انفاسه القريبه من اذنها وهو يهمس,,
:مبروك عليج انا
عادت لمحاكاة نفسها,,
:عشتواااااااا والله لاكان ماخذه الوليد بن طلال بالعازه
اجلسها وجلس بالقرب منها,,
:رفع راسها ووضع عينيه بعينيها ,,
:هاااااا وش قلت انا ؟؟
ردت بخوف,,
:مبروك عليج انا
كلمتها ورجفة عينيها جعلته يضحك بقوه,,
لتنزل راسها وتبتسم لغبائها’’’
ليقول بعدما هدأ من ضحكه القوي,,
:يالبى قليبج والله
ختمها وهو يقرص خداها كطفله صغيره,,
:الحمدلله بزر انا يقبص بخدودي
ليقطع حبل افكارها بصوته الهادئ,,
حبيبتي بدلي وتوضي خلينا نصلي سوا
:ويتامر بعد انزين انا علي الدوره وش لون بقوله مستحيه
هادي يخرج من الحمام ليجدها مكانك سر,,
:اقول تبين مساعده ؟؟
اشلج مثلا " ؟؟
افصخج ثوبج ؟؟
ختمها بغمزه من عيناه الاثنتان بطريقه مضحكه,,
تراه بدهشه,,
:وصخ وصخ وصخ ياربي وش هالادب الزايد شكله عنده فائض من الادب
اقترب وهو يمسح ذراعه من الماء,,
:ها غلاتي بجد تبين مساعده ؟؟
وقفت بحيا,,
:لا مشكور
هادي باستنكار,,
:ليش مكتمه انزين ؟؟
غلا بخجل,,
:ولا شي ممكن تدلني على الغرفه
هادي بمرح,,
:ابشري روحي يمين يسار فوق فوق تحت تحت هلااا قالها وهو يجلس وينظر لها واقفه من الاعلى الى الاسفل
تحاكي روحها الغائصه بالخجل,,
:سخيف وتافه وغبي يستخف بي هالمالق
ابدلت ملابسها بقميص راقي جدا ,,
بعدما استحمت واكتفت بتسديل شعرها ’’’
فهو ناعم ليس بالحرير ولكن يفي بالغرض ,,
ولا يحتاج لالات لتنعيمه’’’
ووضعت قلوس شفاف ليظهر لون شفتيها الطبيعي ,,
مع قليل من الماسكرا فقط’’’
وخرجت بعدما اشبعت نفسها من عطر مركز,,
وقف مرحبا,,
:هلا وغلا بالزين
هلا بش حي من عاكس اتجاه الريح وجابش هلا بش قدماسوى الوله فيني بغيابش
تقدمت وجلست على كرسي قريب منه,,
فاتاها وجلس على يدة الكرسي واكمل,,
:انا شلي بعيدهم والعيد شوفش 0الا جاك الهوى وسمحت ظروفش
تخافي ليش وش اسباب خوفش 0هاللحظه لنا والغيب لله
غلاتي وش فيش على وزن الاغنيه علامش ؟؟
:سخيف تافه ياربي مايحس اني بموت من قربه وهو لازق حشى لزقة عنزروت
اخذ يلعب بخصل شعرها ويشتم رائحته,,
: يلا غلاتي نقوم نصلي ؟؟
وقف لكنها لم تتحرك ,,
التفت اليها ومد يده ولم تقف,,
:اقول غلاتي بنصلي يلا
:هادي انا انا ----
هادي كتف يديه وهو فهم ماترنو اليه,,
لكن يحب ان يراها خجله تبدو اجمل بكثير’’’
خصوصا مع احمرار وجهها,,
:انتي وش ؟؟
لمحت حركة يديه وشكله,,
:ياربي غبي مايفهم
:هادي انا مااقدر اصلي
اهااااااااااا قولي كذا من الاول عليج ال 0هاااااااا
:اف اف اف منك بايخ
احضر العشاء وجلس واجلسها بجانبه على الارض,,
:ماتهنالي الوجبه الا على الارض في اعتراض اغير رايي على طول ؟؟
ابتسمت فهو يحب الضحك وروحه مرحه مثلها,,
اعاد جملته ,,
:اناماتهنالي الوجبه الا على الارض في اعتراض اغير ؟؟
نظرت اليه بتعجب فضحك,,
:تدرين وناسه من يوم ماجينا توني اشوف هالابتسامه قلت بعيد هالجمله وشكلي بخليها التحيه بينا
ضحكت له وضحك قلبها معها فهو دخله لامحاله وهي سعيده بذلك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فاصل إعلآني ^_^ / ..
لا احلل مسح اسمي مع على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
*******
*****
***
**
*
بمكان آخر,,
وبروح جديده امتزجت من امتزاج شخصين’’’
سيتشاطران الحياه القادمه,,
بروح واحده تجمعهما سويا"’’’
على حلو الايام ومرها,,
:عليا يلا قومي صلي الظهر انا رحت المسجد ورجعت وانتي عادج نايمه
صحت من نومها كسوله رفعت نظرها اليه فابتسمت,,
:صباح الخير
قبل رأسها,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك