رواية عودتني كل يوم اسمع انا صوتك -33
أحمد وفيه ضحكه :عنلالالالالاتك ....المشكلة أنك أنت تقرأ أفكاري ...المهم خبرتها ..
مبارك وهو يلعب بجهاز التلفزيون :هيه ....
أحمد: شو قلت لك
مبارك:ما قلت لي شيء
أحمد:ليش
مبارك وهو مستغرب :شوووووو
أحمد:قصدي ليش ما ردت عليك
مبارك:تقول تبي تفكر في الموضوع ....
أحمد:شكلها بتوافق أو لا ....
مبارك: شو دراني عن قلبها...
أحمد:أنت شو تقول راح توافق أو لا...
مبارك:تبي رأيي
أحمد:هيه ...
مبارك: تبي الصراحة .....وما راح تزعل علي ....
أحمد:تكلم خلصني ....
مبارك وهو يعلب بأعصاب أحمد :أممممممممممم
أحمد وهو يتكلم بجد:حرام عليك مبارك خلصني ...
مبارك :أن شاء الله بتوافق ....حاولت أقنعها أنك ريال حشيم ومصلي وأخلاقك عالية .........والرأي رأيها فالأول والأخير..
أحمد:لا والله ....
مبارك:شنو....
أحمد وهو ناقم مبارك :حاولت أنك تقنعها أني ريال حشيم وعندي أخلاق ومصلي .......عنلاتك يالخام ...اصلا هالصفات كلها فيه وأكثر
مبارك تم يضحك على أحمد......
أحمد بغرور:يا حظها أختك اذا تزوجت بي ......تحمد ربها ليل ونهار......
مبارك:معلومه يديدة أن شاء الله بوصلها هذي المعلومة ...
أحمد: والله أنك رايق ...ابي أعرف شنو فيك .....
مبارك ما تكلم (((بس كان واثق ميه بالميه ...أن سارة راح توافق عليه لانها خبرته بها لشيء .....عكس أحمد اللي ما قدر يكلم سلامة بها الموضوع )))
تموا أحمد ومبارك يسولفون ويلعبون ورقة .......
*&*((الجزء الواحد والعشرين))*&*
الساعة 12ونص ....
سالم يالس في فراشه وحالته النفسية تعبانه...... وما حصل سبب يخليه مهموم لهدرجة .....
سالم وهو يقول في خاطره ((ليش أنا بذات اللي مكتوب لي الشقي والحزن .....أستغفر الله أنا شو أقول ...أشهد أن لا أله الا الله وأن محمد رسول الله...خاطري أطلع من هالجو الحزين .....لا حول ليت كل اللي نبيه نحصله عندنا ... ليش ما أتصل بشمسة يمكن تروف بحالي والله أن حالتي تكسر خاطر اللي ما في قلبه رحمة ...))
سالم أتصل بالعنود .....
العنود كانت يالسه تكلم اليازية من شافت سالم على الخط الثاني تخبلت وكانت بتموووووووووووت من الفرحة ....
العنود وهي فرحانة :أوكيه اليازية بكلمج بعدين
اليازية:ليش شو عندج....
العنود:أقولج بعدين راح أكلمج ...وسكرت في ويه اليازية .....
العنود وهي ماسكة في أيدها التلفون واللي حتى الحين يرن ....
العنود:بسم الله الرحمن الرحيم ...
وراحت انسدحت على الفراش ....وهي تحاول بأي طريقة تغير صوتها ....
العنود بصوت كله نعومه ورقة :ألووووووو ...
سالم:مرحبا ملالالالالالالالالالالالايين ....
العنود:أهليين سالم ....اشحالك
سالم:لا تخبرين عن حالي .... امره ماني بخير ....
العنود:افاااا عسى ما شر من شو مضايج
سالم:من كل شيء .....يخطر على بالج ....
العنود: الحــــــــــين ...ما خطر على بالي شيء !!! ...قول شو فيك ....
سالم:شمسة ....أنا تعبت خلاص ما أقدر أستحمل أكثر من جذي ....لأن أهلي مصرين على أني أتزوج ببنت عمي ...وأنا والله العظيم أحبج ...وما أبيها .......و أحس بعمري أكرها من كثر ما يرمسون عنها ....ويقنعوني أتزوجها ....
العنود ما ردت عليه .... وتقول في خاطرها ((يالله كل هذا الكره في قلبك صوبي ....ليتك يا سالم تدري أن شمسة هي العنود ....أااااااااااااه والله أنك كل يوم تطعني طعنه في قلبي ....يا خسارة الحب و الغلا اللي كان لك من سنين )).....
سالم:شمسة .......حبيبي وين رحتي
العنود واللي تنزل دمعة من عينها اليمين :هاه سالم ....أنا أسمعك
سالم:شو رايج ...تخبريني منو أنتي
العنود تمت الدموع تنزل من عيونها .... وتقول في خاطرها [[ياليتني ما رمستك يا سالم والله أني مينونه أكلمك وأنت ما تحبني ....صدق أني حالتي تكسر الخاطر ]]...
سالم:شمسة ...
العنود وهي تمسح دموعها: هلا سالم أنا عندك ....
سالم:ليش ما تتكلمين .....ليش ساكتة
العنود: ما أدري ...أنته ترمس ....
سالم:أوكية ...منو أنتي يا شمسة خبريني تراني والله حالتي النفسية تعبانه ....وصدقيني..... صرت أتعلق فيج كل يوم أكثر عن الثاني بلـــــــيـــــــــــــز خـــــــــــــبـــــــريــــــــــــنــــــــي منو أنتي ....
العنود وقلبها يتقطع:أنت شو تبي تعرف عني
سالم:بنت منو أنتي
العنود:مش مهم تعرف أسم عايلتي .....المهم أنك عرفت أسمي ...
سالم:أوكية ...كم عمرج
العنود:تتوقع أنت كم
سالم:أمكن 20 ولا 21 سنة .....
العنود:صح
سالم بجدية:شو صح كم عمرج بالتحديد
العنود:الاول .....
سالم:يعني 20 ...
العنود:هيه
سالم:وين ساكنة
العنود:في دار بو خليفة ((الله يرحمه ))
سالم بشوي من العصبية:شمسة تراج أنتي تستهينين بأسئلتي .......
العنود: بالعكس أنا جوابت على كل سؤال تسألني أيه
سالم :لا والله باين يا شمسة .........
العنود:أوكيه ...سالم أنا بسكر ....أخوي وصل ....
سالم و يبي يعرفها بأي طريقة :من أسم أخوج
العنود: مع السلامة والله يحفظك ...وسكرت في ويه ......
سالم وهو ماسك التلفون في أيدها :والله لا أعرفج يا شمسة .......
العنود من سكرت من سالم وهي بتمووووووووت من الصياح ......
العنود وهي تضرب بأيديها على ويها :أنا الغلطانة........أنا البقرة اللي ذبحت نفسي بنفسي ....أأأأأأأأأأأأأأأأأأأأأأأأأأأأاه يالقهر صدج أن الحــــــــــــــــــــــب حلو بس وااااااااايد صعبة وأخرته حزينة ......
سالم كان يالس ويفكر ...(يالله ليش أنا قاسي عليها جذي ....حرام و الله أني غبي... أنا ما صدقت ألقي انسان أحبه ويحبني ويفكر فيني ويخاف عليه ...أاااااااااااااااااااااااه يا شمسة والله أني أموت فيج ) .....
سالم وهو يقلب في تلفونه على مسج علشان يطرشه لشمسة .........
"سامحيني لو قسا قلبي عليك
لو جرحتك ما ملا عيني سواك "
العنود من قرأت المسج ..
قالت في خاطرها (حتى لو أزعل منه والله أني أحبه ...يا ربي شو أسوي ...حبه تمسكن في قلبي ...وسلب مني قلبي وعقلي ...الله يكون في عوني ))
رد وطرش لها .....
"ما للخطأ في بعض الأحوال تفسير
أحيان نزعل ناس نشتري رضاهم "
.........**أحبج** ..........
العنود:الحمد لله يوم تدري أنك غلطان في حقي ....راحت العنود وأغلقت التلفون ...حتى ما يحشرها سالم بالأسئلة .....
سالم بعد ما طرش لها المسج أغلق تلفونه ...نام في سابع نومه بعد هذا التعب كله ...........
بالباجر العصر محمد الكعبي..... يتصل بسالم ....بس سالم كان مغلق تلفونه و نايم لأنه من كم من يوم وهو فيه إرهاق ما ينام زين ....
محمد:لا حول ولا قوة الا بالله وين هالريال... تراني تعبت من كثر ما أتصل عليه ....وليش ما راح الدوام اليوم والله حاله..
الحين شو أسوي ....أممممممممم ......بروح بيتهم و بسأل عنه ...لا لا لا فضيحة.... شو عليه ...ما فيها شيء بسأل عنه.
راح محمد صوب بيت قوم سالم .....وقف سيارته الاستيشن ... في المظلة اللي برع ودخل في الحوش ....
محمد وهو واقف قدام الدروازة و يرمس عمره :الحين وين بروح ...أستحي أروح البيت ....ممممممم.. بروح صوب الخيمة ممكن أحصل حد فيها ...وأساله عن سالم .....
تقدم صوب الخيمة... وحصل وحده مسدوحة على المخدة وطالع التلفزيون ......كانت فاتحة شعرها كله...
وهي كانت مسدوحة ومقابلة التلفزيون وباب الخيمة يعتبر وراها ......
محمد من شافها ضرب على رأسه ....
تخبل ((يالله ليش أنا بالذات يصير عندي هالموقف عند خوات سالم ...وتم يبتسم ويقول .......يكمن لأني ربيعه صدج خخخخخخخخخخخخ )) ........
راح محمد ووقف على طرف باب الخيمة ......
محمد وهو يتحنحن :أحم .....أحم... أحم ....
اليازية أفترت صوب الباب من سمعت حد يتحنحن .....وتم تطالع على الباب وهي في مكانه بس ما شافت حد ...فقالت في خاطرها أكيد هذا مبارك ولا سالم يلعب عليه بس والله ما أتحرك .......وردت تطالع التلفزيون .....
محمد تم واقف على طرف الخيمة ويقول في خاطره يالله هذي ما تسمع ....
محمد :والله ما تسمع من كثر ما هي مطوله على صوت التلفزيون....حشى على الاخر ....
محمد وهو يتحنحن مرة ثانية بصوت أطول :أحم ...
اليازية قامت من مكانه وهي تمثل أنها معصبة وطلعت بس أنصد مت .... يوم حصلت الريال اللي شافته في المول قدامها ....اليازية من شافته ربعت داخل الخيمة ...وشلت شيلتها ولابستها وتغشت .....كنت اليازية بتمووووت من الخوف ...
محمد كان مستصيب من اليازية ويقول في خاطره ((عنلالالالالالالاتها مطول شعرها ...ومحلى عيونها ...والله أنها غرام ...فيها جمال مش طبيعي ...بس... صدج لي قالوا ... أن الصدفة خير من ألف ميعاد ))...
اليازية :مرحبا السااااااع ....قرب أخوي
محمد وهو يبتسم :مرحبا ملالالالالايين ...أشحالج أختي...((شنو أختي والله أنج أحلى من خواتي بمليون مرة))
اليازية:بخير يسرك الحال ..ومن صوبك
محمد:الحمد لله ...
اليازية :تفضل البيت بيتك
محمد:السموحة أختي ...
اليازية وفيها ضحكة:افاااا عليك ....أنا الغلطانة حسبتك واحد من خواني يلعب عليه علشان أعصب ....
محمد وهو ييلس :والله ما تسوين شيء ....
اليازية:لا والله كله زاهب يا طويل العمر ....
محمد:تراني حلفت يالشيخة .....
راحت اليازية وخلت محمدوه يسوي شاي وقهوة وعصير بارد و يوديه للخيمة ......
اليازية راحت صوب الخيمة وهي متغشية :مرحبا السااااع ....
محمد يوم شاف اليازية يايه وقف لها ......
اليازية:أستريح طويل العمر ....
محمد:أقول الشيخة وين سالم ماله شيفه تراني أستهمت عليه... أدق له من الظهر بس ما يرد عليه .... و تخبرت عليه في الدوام فقالوا لي ما داوم اليوم......
اليازية:والله هو نايم الحين ....
محمد وهو يقوم من مكانه :أوكية ..خبريه أني يت أسال عليه ...وخليه يدق لي ...
اليازية:لا والله ما تروح حتى تقهوى ....أما سالم تلقه الحين قايم من النوم ....بروح أخبره أنك هني .....
محمد:مشكورة ....تعبنا ج ويانا ...
اليازية:افاااا عليك ...تعبك راحة يا طويل العمر .....
راحت اليازية عن محمد .....
أما محمد تم قلبه يرقص ويقول في خاطره ((يالله محلى منطوقها ...ومحلى سنعها أسميه بنت عرب غاليين على قلبي ....))
راحت اليازية صوب حجرة سالم .....وفتحت الباب وحصلت الحجرة باردة ..و ريحت الحجرة كلها سيجارة .....
اليازية:حشى كم سيجارة دخن أمس
اليازية راحت صوب الفراش وحصلت سالم نايم .....
اليازية :سالم ....سالم.... قوم الصلاة راح تفوتك
سالم وهو يطالع اليازية:صليت العصر خليني أنام ...من كم من يوم وأنا ما نمت....
اليازية:قوم ...خويك محمد في الخيمة ...يباك ....
سالم وهو نبضان:منوووووووووووو
اليازية:محمد الكعبي أظني .....
سالم وهو يقوم من الفراش :خلاص أنا بتسبح وبروح صوبه .....
اليازية:أوكيه ....
راحت اليازية حجرتها وتمت تطالع من الدريشة على الخيمة .......
أما محمد تم يتقهوى و يالس يطالع الفلم اللي كانت اليازية أتابعه ...يالله قطعت عليها الفلم ....بس أنا ما خسرت اليوم شيء والله أنها غرااااااااااااااااااااااااااااام أكيد هذي اليازية ...هيه هي نفسها اللي تلفونها طاح في العين مول ....عليه أنها ما فيها حيله ....
راح سالم وخذ له شاور ... وطلع وهو في قمة الجمال والأناقة كان حالق... ويه مــــــــنـــــور لانه نام وعوض عن الأيام اللي طافت... وما نام فيهن ....ولبس كندورة كويتية بيضاء وتسفر التسفيرة الحمدانية وتعطر ...وراح صوب الخيمة .......
سالم:السلام عليكم ...
محمد وهو يقوم من مكانه:وعليكم السلام ....
وراح محمد وسلم عليه ....
سالم:اشحالكمحمد
محمد:بخير الحمد ...أشحالك أنت ...عساك طيب!!! ...
سالم:الحمد لله...
محمد:لا ما شاء الله نمت زين أمس ...أشوف ويهك يشع نظارة وحيوية .....
سالم تم يضحك على محمد:هيه نمت أمس الحمد لله ....
محمد:الحمد لله ....أقول لك ليش مغلق تلفونك أمس ....
سالم:والله ما أدري ....
محمد:عنلالالالاتك زاااااد ...والله خفت ليكون صاير لك شيء .....
سالم:ما فيني على حشرة ...وأغلقته .......
راحوا سالم ومحمد صوب الميالس علشان يأخذون راحتهم على الاخر .....
أما اليازية من شافتهم رايحين صوب الميالس ....راحت صوب بيت عمها علشان تشوف العنود ليش ما يتهم حتى الحين ....
دخلت اليازية البيت وسمعت أصوات في الصالة ...
فقالت في خاطره بروح صوب حجرة العنود ما فيني على نظرات راشد السخيفة ...
فهاللحظة كان راشد طالع من الصالة ......و من شاف اليازية تركب الدري علشان تروح الطابق الفوقي تم يتبسم .....
راشد وهو يطالع اليازية:أهليين ....اليازية ... على ما أعتقد السلام لله
اليازية من سمعت صوت راشد أفترت صوبه .....
اليازية:مرحبا ...راشد ....أشحالك
راشد وهو يبتسم لها :بخير ...دامج بخير..... يالغالية ....
اليازية وبنقمة:لا والله ....
راشد بغرور :ليش ما تسلمين ...ولا ما فيج تشوفيني ويتقطع قلبج ....على حالج
اليازية وهي تضحك:هههههه ...... ضحكتني وأنا ما أريد أضحك ..... وااااااايد واثق من نفسك ....ترى اذا تفكر بهالشيء ....فقولك استريح ....أنت ما تستاهل نظرة مني ... وعلى فكرة ترى أختي على ذمتك ...وحرام عليك ...اللي تسويه فيها ....
راشد بثقة :أفففففففففف شو يعني أختج ... أنا حر بشو أفكر .....ما حد له خص فيني .
اليازية راحت وما ردت عليه ........ ...
وسارت لحجرة العنود وهي تدعي من الخاطر على حركات راشد البايخة لها ...
وتم تقول ((الحمد لله يوم أني ما عرست به ...صدج أنه ممل ....الحمد لله ...ربي يحبني يوم أني ما تزوجت هالثور ...الله يعينج يا ريموه عليه)).....
اليازية وهي دق الباب: عنوووووود فتحي الباب
بس العنود ما ردت عليها .....
اليازية:العنود فتحي بسرعة ابا أقولج شيء
العنود كانت تصلي ومن خلصت راحت صوب الباب وفتحت لليازية.....
العنود:أهليين اليازية ...
اليازية:ساعتين حتى تفتحين ......
العنود:حرام عليج كنت أصلي .....وراحت وسلمت عليها.......
اليازية وهي تيلس على الكرسي:سبحان الله نفس سالم ...توه قايم من النوم
العنود وهي تجفف شعرها :صدج ..
اليازية:هيه ...أقول العنود ...ترا أخوج كريه
العنود وهي أطالع اليازية:افاااا ليش شو سوا بج
اليازية:ما شيء بس حصلته طالع من الصالة وسلم عليه وقال السلام لله ....ويقول لي الغالية ...وشو بعد ....أمممممممم .....أيوه وقال ما تبين تسلمين عليه حتى قلبج ما يتقطع على حالج .... ((وهي تأشر على عمرها ))يعني الحين أنا حالي يكسر الخاطر ......
العنود:صدجه .....
اليازية:لا والله ....أنتي عند حزب أخوج
العنود:لا والله بس صح أنتي تأثرتي بزواجه من الريم .......
اليازية:قبل ...الحين الوضع أختلف .....
العنود:شو اللي أختلف ....
اليازية:خافي ربج العنود .....ألحين راشد متزوج من الريم ...وصح أنتي تأثرت في البداية ..بس الحين متزوج بأختي ..وريموه وايد فرحانة بس هو الخام تفكيره خايس ....
العنود:أوكيه ....
اليازية وهي أطالع العنود :عينه زايغه الحمد لله أني متزوجته ....
العنود:الحين عرفتي عيوبه ...أولا يوم أقولج راشد يطالع الحريم تقولين لي بالعكس من يشوف الحريم ينزل رأسه ....
اليازية:أااااااااااااااااااه ....صدج أن الحب أعمى ....أول كنت أشوفه مثل الملاك ......وعمره ما راح يخطي في حقي ..
العنود:خلي راشد في حاله .....
اليازية:راشد أنا مخلته في حاله ....بس قلبي عند ريموه المينونة الله يعينها على رشود هذا ....
العنود:خليهم بيتفاهمون روحهم ....
اليازية:اااااااااااااااه ....غير خواني .....ما يطلعون في الحريم !!!!...
العنود:جب ...جب ...بقول سالم ومحمد ما يطالعون بس مبارك عينه بتطلع من مكانها يوم يشوف حرمة خاطفة جدامه ....
اليازية تمت تضحك على العنود ......
اليازية:عنود قولي شفت منو اليوم
العنود وهي تتعطر :منوووووو....
اليازية: محمد.....
العنود :منو محمد
اليازية: محمد الكعبي...
العنود:منو هذا محمد الكعبي....
اليازية:أففففففف منج يالعنود راعي العين مول ....
العنود:وين شفتيه .....
اليازية:في بيتنا
العنود وهي مستغربة :بيتك ليش ياي
اليازية:يتخبر عن سالم ...اللي كان مغلق تلفونه و نايم وحتى أنه ما راح الدوام اليوم ....
العنود وهي مستهمة على سالم:ليش ما راح الدوام .....
اليازية:يقول أنه تعبان ...
العنود:عني أفداه .....أن شاء الله ما يشوف شر ...
اليازية:أن شاء الله ....يا ويل حالي محلى ابتسامة محمد ....ومحلى الغمزات يوم يضحك ....غراااام الله يخليه لأهله ....
العنود وهي طالع اليازية بنص عين :أمممممممم ...اليازية ما يكون قلبج دق ......
اليازية وفيها ضحكه:حرام عليج عنود.....هذا اللي أنتي تعرفين عدل تقولين عني جذي ....وين الناس اللي ما يعرفوني ..
العنود:لا بس أشوفج تمدحينه .....
اليازية:بسم الله منج ... الرحيم يمدحونه العرب ...ما فيها شيء
العنود ما ردت عليها .....
اليازية :يا ويلي محلى عيونه .....
العنود:أفففففففففف منج ياليازية خلاص فهمت أنه حلو الله يهنيه بجماله .......غيري الموضوع
اليازية:يالله ليش مضايجه أنتي.. ....
العنود وهي تيلس على الكرسي وخانقتها العبرة :خلاص اليازية ما أقدر أستحمل أكثر من جذي ....
اليازية:تستحملين شنو
العنود وهي مبوزة:سالم ....
اليازية:شو فيه سالم
العنود:كلمته أمس ....
اليازية:يا ويلي منج يالعنود ...شو تبينه
العنود واللي تنزل الدمعة من عينها :أحبه ....
اليازية:ما أختلفنا..... أنتي ليش تيصحين ....
العنود:قالي
اليازية:شنو قالج
العنود:أني لازم أعترف له منو أنا ....لأن هله يجبرونه أنه يتزوج من بنت عمه واللي هي أنا وهو مو راضي ...وقال لي ما تتصورين أشكثر أكرها من كثر ما يرمسوني عنها ويقنعوني أني أتزوجها ....فهاللحظة تمت العنود تبكي ...
راحت اليازية ولوت عليها علشان تهديها .......
اليازية: خلاص عنود ما يستاهل كل هالدموع
العنود:أشلون ما يستاهل و انسان أنتي تحبينه وتموتين على التراب اللي يسير عليه..ويقول لج أنه يكرهج شو تتوقعين ردة فعلي .......والله أني تعبت حاولت أبين له بأي طريقة بس هو ما يفهم عليه ...شو أسوي ....
اليازية:لا تكلمينه خليه ينسى شمسة ....وبعدين فالاول و الأخير راح يتزوج بج
العنود وهي تمسح دموعها :شو يعرس بي بالغصب ...والله أني أتمنى ما أعرس امره ولا أتزوجه وهو مغصوب عليه ...
اليازية:خلاص أنا بكلمه ولا بخبر مبارك
العنود:والله ما تقولين لحد ......واللي بيني وبينه أن شاء الله بنتفاهم عليه ...واللي كاتبه الله بيصير .....
اليازية:قومي غسلي ويهج .......وخلينا نروح بيتنا ....
العنود:ما أريد أروح بيتكم ....
اليازية:أفففففففففف قومي خلينا نروح ....ترى أنا ما أحب أجواء بيتكم .....
العنود:يرحم أيام زمان ...
اليازية:أمانة لا تذكريني ولا ترى بصيح ..
في بيت سيف الخييلي .....
في حجرة سارة....
سلامة وسارة الوحدة يالسة و طالع الثانية ..... من الضيج .......
سلامة:مليت كل يوم نفس الشيء ... ...
سارة:حتى أنا مليت ...ياربي متى بيي شهر تسع ....
سلامة:ياليتنا ندوام الحين والله ضيج .....
سارة:يا ليت ما تبني بيت .....
سلامة وهي طالع سارة:أقول سارة حد في بيتكم ....
سارة:لا ....ليش
سلامة:متأكدة ...
سارة:هيه ...
سلامة:يالله نشي ...خلينا نغير جـــــــــــــــــــــــــــــــو ....
سارة وهي مستغربة :وين بروح ....
سلامة:ما بروح مكان خلينا نشغل المسجل ونرقص....
سارة:ظنج .....
سلامة:هيه ...شوري أبرك من شورج ....
وراحت سارة وشغلت المسجل غنية عيضة المنهالي مصدر جنوني وطولت على الاخر .....
و تمين من غنية لأغنيه والبنات أرتبشن و قامن يرقصن...وكل وحده فجت شعرها و قامن ينعشن...
سلامة :تعيش حرمت أخوي
راحت سارة وتمت تيبس عدال سلامة:الله لا شلج يا سلامة ...هيه عااااااااااااااااشو ....
سارة بصوت عالي: والله إنا مخبل...
سلامة: براينا....خلينا ......نفكك رؤسنا ....
سارة:هيه صدقج.....
فهاللحظة كان أحمد يصلي صلاة العصر ومن سمع الربشة قال في خاطره أكيد هذي سارووووووه مستهويه ...
وراح وخذ له شاور وتلبس وتعطر وتكشخ على الاخر ......يوم طلع من حجرته سمع صراخ وتصفيق من حجرة سارة ...
أحمد وهو يسير صوب حجرة سارة و يكلم عمره (( شو هالتصفيق والصريخ كله... أمكن سارة مسويه حفلة في حجرتها ....وأنا ما أدري ))...
سارة وسلامة وهن بعدهن شالات البقعه بالأغاني.........
إلا ينفج باب الغرفة بقوه وكانت سلامة من حظها إنها مجابله الباب...حتى في هذيج اللحظه كانت تنعش وشعرها مغطي على ويها وما نتبهت إلا يوم شافت كندوره بيضى ... ورفعت رأسها بسرعة وطاحت عيونها بعيون أحمد إلي من شكله كان مستغرب منهن ...و تمت أطالعه وهو يطالعها في البدايه كان شكله منصدم...بس بعدين تم يضحك عليهن ...أما سارة فربعت بسرعة صوب المسجل وبندته...
أحمد وهو يتبسم :ليش بندتي المسجل كملن ....سارة شغلي المسجل أبا أشوفج يا سلامة وأنتي ترقصين ....
وسلامة على حالها ... بعدين أداركت الموضوع و انتبهت لوضعها فربعت بسرعة وشلت شيلتها وغطت شعرها ... كان ويه سلامة كل شوي يتغير بلون ....
سارة تمت ميته من الضحك على أشكلهن ....
أحمد:أسميه يا حظي يوم بكون ريلج يا سلامة ...
سلامة ما تكلمت ونزلت رأسها (يونها مستحية ).......
أحمد:سلامي ...
سلامة وهي ترفع رأسها ...وطالعه....
أحمد:أحبج ..أحبج ..أحبج ...أحبج ...
سلامة من سمعت يقول لها أحبج ربعت صوب الحمام وسكرت على عمرها وتمت تضحك بتمووووووت من الفرحة تقول أول مرة يقولها حقها .....
أحمد وهو يطلع :كملن رقصكن ....عليه أنكن غرااااااااااااااااااام ....
سارة:ضنك ....
أحمد:أه من الغزال اللي عندج ....
تمت سارة تضحك على أحمد ,,,,,وبعد ما راح أحمد عنهن ....
راحت سارة وقفلت الباب وراحت صوب حجرة الملابس وتمت واقفة قدام الحمام....
سارة وهي تضحك:فتحي سلالالامي
سلامة وهي تفتح الباب:والله أنه عجيب أحمد ....
سارة:أنزين طلعي ...
سلامة من فتحت الباب راحت صوب سارة وقرصتها بقوا على كتفها....
سارة:اييييييييييييييي عورتيني أنا شو سويت
سلامة:ليش ما قفلتي الباب وراج
سارة:نسيت ...
سلامة:اهااااا نسيتي والله أنج متعمدة هالشيء .... أنزين ليش ما قلتي أن أحمد موجود في البيت ....
سارة: ...أمممممممم ..... كان نايم ...
سلامة:يعني موجود في البيت ...
سارة:هيه ...بس من ينام ما يحس بلي حوليه ...
سلامة:بقرة ...
سارة:حقيرة ...
سلامة:نذلة ..
سارة:متوحشة ...
سلامة:حيوانة ...
سارة:أفففففففففففففففف خلاص والله أني مليت ...
سلامة:أنزين فتحي الانترنت خلينا نضيع وقتنا شوي ....
سارة:من عيوني ...
سلامة:تسلم عيونج ...يا حرمة أخوي ...
وتمين سارة وسلامة على سوالف وضحك ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك