رواية عندما تضئ الشموع بيد الحزن -30
الجزء الثامن و الخمسون
اليوم بالنسبه لها أسعد يوم بحياتها اليوم صارت في ظل الشخص الي حلمت فيه يحق لها تكلمه تشوفه متى ما تمنت و رغم الي تخفيه القلوب لكنها تشوف سعادتهم لها واضحه بعيونهم
مرام مبروك فجر الله يسعدكم
فجر امين و عقبالك
ريم بضحكه ما كنت بقول لك مبروك إلا بعد ما سمعتك تقولين للي يبارك لك عقبالك
فجر بنظره لاه وش رأيك تروحين أخر الصاله و أرمي عليك الورد
عاليه بأندفاع سحبت المسكه من يد فجر تحلمين الورد لي يمكن يجيني واحد أشقر
فجر بقهر رصة على أسنانها لأنها ما تقدر تتظارب معها و تخرب تسريحتها هاتي الورد
عاليه بغيض لا
فجر عاليه لا تقهريني لسى ما تصورت خربتيها لا تمسكيها من هنا
ريم أعطيها لا تصيح علينا و يخرب مكياجها
عاليه اممم بس بشرط
فجر أحلفي ترى بقول لماجد عنك
عاليه ههههههههه من أولها وافقي على شرطي
فجر و هي تبي الخلاص شو هو طيب ؟
عاليه أشوف هدية ماجد لك قبلك
ريم هههههههههههههه قويه.......
***********************
بزاوية من الصاله كانت جالسه بيدها كوب شاهي تتأمل الناس بصمت الكل مبسوط بحياته إلا هي تمثل الفرحه و المكابره على ألمها .. مشت ناحيتها مبتعده بزاويه عن الكل تفكيرهم صار واحد و كله في سؤال واحد وين أختفى مشعل ؟
أم مشعل ليش جالسه لوحدك يا أريج ؟
أريج أبتسمت بدهشه هلا خالتي لا أبد بس رأسي مصدع شوي
أم مشعل طيب أدخلي غرفتك أرتاحي
أريج شربت شاهي الحين بيخف
أم مشعل و كيفك مع الحمل تروحين مواعيدك كلها و إلا لا يكون أهملتيها
أريج لا أروح و كله بخير الحمد لله
أم مشعل أي الحمد لله المهم لا تهملين نفسك
أريج أن شاء الله
أم مشعل ما بتقولين لي شئ تريحني على ولدي ؟
أريج بزفرة يا ليت أعرف يا خالتي كان ريحة نفسي
أم مشعل زين ما أتصل من يوم سافر ؟
أريج والله يا خالتي حتى يوم أطلع أحول خط البيت على جوالي لكن مثل ما تشوفين لا حس و لا خبر
أم مشعل الله يعين و يطمنى عليه
أريج يارب..........
*******************
كل شئ حولها يتحرك تقاوم رغبه كبيره بالغثيان و قلبها كان أول شئ ممكن يطلع من جوفها الأصوات الي تقترب حولها مفزعه تحس أنها تدفع كل الدم الي في جسمها لوجهها [ أنا فجر أنا فجر وين قوتي ]
أبو أريج حياك يا ماجد تفضل
دخل ماجد و بهمس السلام عليكم
حاولت تنطق ترفع رأسها لكن يبدو كل شئ توقف عن الحركه
أبو أريج بضحكه يالله أنا أخليكم تأخذون راحتكم شوي وراجع
فجر كانت تصرخ بـ لا لكن صوتها ما أسعفها ذيك اللحظة
بالنسبه لماجد كانت هذي هي لحظة العمر فجر حلم حياته صارت ملكه لوحده لكنه ما يخفئ أرتباكه فـ مد يده يبي يصافحها يبارك لها أي شئ المهم يكسر حاجز الصمت بينهم بتطول يدي ممدوده لك ؟
فجر من الأساس ما كانت تشوف من جسمه إلا من الركبه و تحت و لا أسترجة ترفع عيونها أكثر مدت يدها بدون أي توجيه و مسكها ماجد جلس بجمبها و يدها لسى بين أصابعه و بفرح مبروك حياتي
فجر تمتمت فيها بدون شعور يبارك فيك
ماجد طيب أرفعي رأسك أبي أصدق أنك فجر
فجر رفعت رأسها طواعيه بدون أي كلمه
و بأغتها ماجد قبله على جبينها مين أكل لسانك عني اليوم أنا ما حبيت فجوره إلا للسانها الطويل الحلو......
*********************
ظربت رجلها بطرف الكرسي بقهر و بعد نفس عميق
عاليه يمه خلاص أنتم روحوا و أنا أرجع مع ماجد
أم ماجد خليه يقوم هو الثاني أمشي ورانا بكره طريق
عاليه ما هو لزق تقول ما شاف بعمره بنات
أم ماجد خليه يتهنى هو عليك
أريج بضحكه خالتي عاليه كأنها بدأت تغار
عاليه بنظره جب جب بس أنتِ تراهم ما يصدقون عليه باب
أم ماجد أقول بس أمشي أبوك له ساعه بالسياره
أم أريج بحنان خليها عندنا لين بكره لأمشيتوا تمرونا
عاليه يسلم لي المنطوق العسل يا ناس
أم ماجد تبينها من الله
عاليه يمه حبيبتي حياتي عمري تكفين لا تقولين لا
ريم ههههههه و قسم مصلحجيه
أم ماجد و الله أني عارفه ليش تبين تجلسين إلا عشان تنشفين ريق فجر بأسئلتك
أم أريج بضحكه ما عليه خليها تجلس مع البنات كلهم ينتظرون فجر
مرام و الله يعينها بس.......
دخل البيت بهدوء لأن الوقت متأخر و يخاف أنهم نائمين و يزعجهم مشى ناحية المطبخ دخل الأغراض و رتبها في الثلاجة
كانت واقفه تراقبه بصمت و أول ما ألتفت بيطلع قالتها بضحكه عبير و الله و طلعت شاطر خالي في الترتيب
سلطان لك ساعه تراقبين هاااااه
عبير أشوف مهارتك في شغل المطبخ
سلطان لا يا شيخه وش مسهرك ؟
عبير الي مسهرك
سلطان بزفره آآه يا قلبي على المسهرني وين بس
عبير بضحكه لا لا خالي عاشق ما أقدر أنا
سلطان أخذ تفاحه يغسلها أقول طسي بس أفكر في مشعل وين
عبير معقول ما أحد عرف عنه شئ ؟
سلطان لا و بديت أشك أنه قريب
عبير كيف يعني قريب ؟
سلطان يعني أحتمال ما يكون مسافر برى المملكه
عبير معقول
سلطان ليش لا......
*****************
أخذت عباتها و طلعت شافت أبوها واقف في الحوش و مرت تسلم عليه
أبو أريج على وين يبه ؟
أريج خلاص يبه بيأذن الفجر يأدوب أوصل بيتي
أبو أريج ما تنامين عندنا ليله
أريج أخذت نفس عميق ما بقدر أرتاح يبه شكل البنات مره مطولين
أبو أريج بحنان لا يكون أنك تعبتي يبه من الجلسه ؟
أريج لاه أبد
أبو أريج زين سواقك برى ؟
أريج أي برى
أبو أريج أجل أنتبهي على نفسك و قولي له لا يسرع
أريج أبشر فديتك
أبو أريج أريج يبه
أريج أمرني
أبو أريج ترى أنا ما أني راضي على الي صار لك لكن بخليك على ما ربيتك عليه لين يرجع مشعل و أساله بنفسي و ساعتها لي كلام ثاني.....
********************
له نصف ساعه يتأملها واقفه في البلكونه تراقب الشارع تحتها بصمت قرب منها و حط يده على كتفها بخوف
.... أنتِ بخير حبيبتي ؟
....بهدوء أي
.... طيب ما تعبتي من الوقفه
.... لا
.... تعالي نامي شوي تأخر الوقت
.... روح نام أنت أنا مو نعسانه
.... ما أرتاح و أنتِ كذا خلاص أنسي الي صار و ربي يعوضك
....بعبره مخنوقه كيف أنسى مستحيل
.... بس أنتِ مو أول وحده تفقد طفلها خلاص ربي ما كتب له حياه ليش تعترضين على حكم ربك
....بصراخ بس أنا خلاص معاد أقدر أحمل يعني مالي أي قيمه ليش ما تفهم
.... ما أبي أسمع هـ الكلام مره ثانيه أنا ما أبي عيال من الأصل
.... لأنه خلاص صار عندك لكن أنا محرومه من كلمة يمه يعني وحيده طول عمري وحيده
....أخذها لحضنه و بحنان آآش أنا معك و ما راح أخليك....
*****************
دخلت الصاله وعلى وجهها ملامح إستغراب لحالة الخجل الي حست بها مع ماجد ..أول ما شافتها ركضت ناحيتها وسحبت الكيس من يدها
فجر بسم الله هو أنتِ من وين طلعتي ؟
عاليه بضحكه من بطن أمي
فجر أحلفي بس
عاليه غريبه وش هـ الهدوء شوفي ترى هديتك معي
فجر بدون مبالاة عااادي
عاليه قربت منها بغرابه بنت وش فيك وجهك كذا؟
فجر مدري حسيت إني تغيرت
عاليه ليش اش الي صار
فجر تخيلي استحيت ماقدرت أنطق ولا كلمة
عاليه وااااااااااااااااو يالحماس لازم أتصل في أخوي أشوف شعوره
تركتها وراحت وكملت فجر طريقها للغرفة
ريم بنظرة ما بغيتي
فجر جلست على السرير بتعب أسكتي شوي وأحس بصيح
مرام بطنازة ليكون ما وافق على شروطك بس
فجر هوأنا قدرت أتكلم أصلا
في هـ الحظة رجعت عاليه نزلت الهدية على الطاولة وهي تضحك أجل ما صدق انك فجر
ريم ليش وش صار؟
عاليه تخيلي فجر كانت مستحيه لدرجه شك الرجال ان مدخلين عليه وحدة غير فجر
مرام ضحكت من قلبها مررره مو لايق ..........
************************************
في مكان ما من العالم وعلى طاولة إحدى المطاعم كان جالس وضام الكوب بيده يتأمله بصمت و يفكر في حياته من أول ما فتح عيونه على الدنيا الفلوس الأملاك الأسفار كلها تحت يده وهم السعاده مثل ما أكتشف كان يظن أنها مغنيته عن كل شئ لين دخلها هو بيده حياته و أنقلبت موازينه الفرق الي بينهم كبير في كل شئ الماده العمر التفكير تناقض كبير بينهم لكنها أسعد رغم قسوة الي ناقصها أسعد منه هو مجرد أناني فرض وجوده عليها و تذمر في الأخيربلا أي ذنب تتكبله للحظه إنعكست ملامحها على وجه القهوه { ياترى وش وضعك يا أريج ؟ }...
*********************
في الجهه الثانيه كانت نائمه بسلام في مكانه دفئه يغطيها و أحلامها تشاركه الوجود بكل حب يبقى لها قلب عرف معه معنى الحب و تبقى لها نظرة أن مشعل صادق في مشاعره معها لكنه شئ أكبر منه مخبيئه محتاج هو يقرر متى يكون الوقت المناسب الي يقدر يخبرها يقدر يتكلم بدون أي خوف لكن يضل كل الحلم أنها تعرف الحقيقه قبل فوات الأوان.....
*****************
الجزء التاسع و الخمسون
الأيام كانت تمضي في لمح البصر كل شئ بداء يتغير و يستمر الكل في نهج حياته إلا قلبين قلب الأم الفاقد لقطعه من جوفه و قلب الزوجه الي حبت بكل أحساسها و مستعده تترقب لأخر العمر... تأملت نفسها في المرايا طويل بدت ملامحها تتغير بطنها الي صار واضح بشكل كبير من أول ما دخلت السادس تحسسته بيدها و أبتسمت [ بكره تكبر و نعرف أنا و أنت ليش بابا عمل فينا كذا و بنسامحه أكيد بنسامحه حتى لو ما قدرت أنا سامحه أنت قوله ماما كانت تحبك لأخر يوم بحياتها......!!! ].....
*****************
دخلت عليها الغرفه بيدها صحن شوربه ثلاث أسابيع مرت عليها و هي حابسه نفسها في الفراش لا حركه و لا أكل إلا بالغصب و كل الوقت نائمه بالمهديئات و تهذي في مشعل
مرام يمه أصحي خلاص لك كم ساعه نائمه
أم مشعل بهمس مشعل رجع ؟
مرام بيرجع أن شاء الله بس قومي أكلي لك شئ عشان لأرجع ما يشوفك كذا
أم مشعل بحسره خليه يرجع يا مرام بس
مرام مرده بيرجع لا تقلقين
أم مشعل و ينه أبوك ؟
مرام راح الشركة
أم مشعل بصراخ بدل ما يروح يدور عليه يجري وراء فلوسه
مرام يمه الله يهديك أبوي ما خلى مكان ما دوره فيه وش بيده أكثر
أم مشعل يا حسرتي عليك يا مشعل يا حسرتي
مرام قولي لا إله إلا الله تعوذي من أبليس بأذن الله ما فيه إلا كل خير بس أنتِ أدعيله..........
****************
في داخله سؤال من أول ما مملك و بداء يكلمها يتراجع كل ما حاول ينطقه لكنه اليوم لأزم يسألها و يريح نفسه
ماجد فجوره
فجر هلا
ماجد بتردد اممم أبي أسالك سؤال
فجر بغرابه شو هو ؟
ماجد بس أول شئ توعديني أنك ما تتضايقين و تحسين أني بديت أتلقف
فجر بأستسلام وعد
ماجد وعد شو
فجر ما أتضايق
ماجد حلو بسألك عن ولد عمك مشعل هو.....
لكن فجر أنفعلت قبل يكمل ما أبي أسمع عنه شئ أنا أكرهه
ماجد طيب هدي أنا ما قلت فيه شئ و لا فاهم أصلا هو وش قصته
فجر قصته أنه واحد أناني ترك أريج في الوقت الي هي محتاجه له بدون أي رحمه
ماجد طيب هو ليش ما يبي عيال منها ؟
فجر بقهر نذل
ماجد إلا و قسم بالله ما هو رجال بس لو أشوفه لعلمه الأدب وش سوت له المسكينه يتركها كذا.....
****************
بتعب و ألم يخترق كل جزء في جسمها مدت يدها و رفعت الخط قبل يقفل و بخاطرها لو فصلته من الكابس أفضل
أريج بصوت مبحوح الوو
أم أريج بخوف من نبرة صوتها أريج يمه وشفيك ليش صوتك كذا ؟
أريج بكذبه نائمه
أم أريج و الموعد رحتي له ؟
أريج أي يمه
أم أريج و ليش طيب ما مريتيني ؟
أريج بضيق يمه خلاص الله يخليك قلت لك مئة مره مواعيد عاديه ما فيها شئ بروح لوحدي
أم أريج يا يبأسة رأسك صايره يا أريج زين وش قالت لك الدكتوره ؟
أريج بدون نفس كله بخير
أم أريج زين قومي غسلي وجهك و تعالي عندنا لك كم يوم ما شفتك
أريج يمه والله ما عاد أقدر أجلس دقيقة وحده من ظهري
أم أريج بخوف بسم الله عليك ليش ؟
أريج مدري
أم أريج زين ما قلتي لدكتوره اليوم
أريج بقلة صبر قلت لها بس وش الحل غير المسكنات و الحين ما أقدر أخذها.....
***********************
في الصاله شافتها جالسه ويدها على خدها سرحانه و تفكيرها لبعيد
ريم مرام وين وصلتي ؟
مرام بزفره حال أمي
ريم صدق ما هي عاجبتني لا أكل و لا نوم زي الناس
مرام و كله وين مشعل هاتوا لي مشعل
ريم الله يهديه ما يفكر فيها
مرام الي قاهرني أنها تموت قدامي و لا أقدر أسوي لها شئ
ريم أم و ربي ما تنلام أنا معاد أقدر أشوفها كذا
مرام بأندفاع أنا لازم أسوي شئ
ريم شو بتسوين ؟
مرام وقفت بدون أي تفكير بروح لعبير
ريم بغرابه الحين ؟؟
مرام أي خلك عند أمي لا تروحين مكان و لو سألت عني قولي نامت
ريم طيب وش تبين من عبير الحين ؟
مرام و هي رايحه لغرفتها مو مهم تعرفي روحي عند أمي يالله....
********************
طلعت من غرفتها و شافتها لابسه عباتها و واقفه عند الباب و كأنها تنتظر أحد
فجر يمه وين رايحه ؟
أم أريج بروح لآريج
فجر ليش فيها شئ
أم أريج تقول ظهرها يعورها تلقينها بس نائمه و لا تأكل
فجر ما راحت اليوم لدكتوره ؟
أم أريج بحسره راحت بس تعرفين لأزم تأخذ الحبوب حقتها و الحين حامل ما تقدر
فجر بغرابه بس هي خلصت كم شهر المفروض ما يأثر يمه
أم أريج لا يمه هذي الحبوب قويه مره لو أخذتها تجهض
فجر أعوذ بالله و لين متى بتتحمل الألم ؟
أم أريج لين الله يفرجها
فجر طيب أنتظري بروح معك
آم أريج لاه خلك في البيت عند جدتك و أبوك الحين يرجع حطي له عشاء بكره لطلعتي من الكليه روحي عندها
فجر و أنتِ مع منو بتروحين ؟
أم أريج قلت لها ترسل لي سواقها.......
**********************
بتردد مغلوب على أمره مدت يدها على جوالها و عينها على باب المطبخ نقلت الرقم بحذر و رجعت كل شئ مكانه
عبير و هي راجعه مو صدقه أنك جأيتني
مرام أدري الوقت متأخر بس البيت جوه صاير كثيب
عبير الله يعين بس و يطمنكم على مشعل و لا يهمك هذا بيتك الثاني
مرام تسلمين والله وين الوالده عنك ؟
عبير تصلي أكيد و بتجي
مرام تصدقين أنا كمان لسى ما صليت أول ما أذن طلعت
عبير عادي أجيب لك سجاده و صلي عندنا
مرام و هي توقف فيه أحد أبي أغسل يدي
عبير همسة بضحكه فيه طيوف اسبانيا
مرام شو قلتي ؟
عبير لا يا بنت ما فيه أحد إلا أنا و أمي
مرام غصب عنها أبتسمت هذيك المره برضوا قلتي ما فيه أحد
عبير هههههههههه لاه هـ المره صدق أمان.......
***********************
تتأمل ملامحها و هي أبد ما هي عاجبتها أثر التعب صار واضح تحت عيونها
أم أربج أريج أنتِ كنتِ تبكين قبل أجيك
أريج لا يمه
أم أريج و ليش عيونك حمر كذا
أريج من الصداع
أم أريج و تبيني أصدقك
أريج حبت تغيير الموضوع ليش فجر ما جت معك لا يكون عشان ملكة ما عاد تبي تطلع
أم أريج لا والله تو تقولي بروح معك بس قلت لها تجلس عند جدتك
أريج ليتك جبتيهم معك مره ما عاد حد يسأل عني و لا يمرني
أم أريج عمك ما عاد يمرك ؟
أريج مو زي أول أحسه مشغول حتى لو يجي ما يطول
أم أريج الله يعينه وش يستحمل ولده الي ما يدري وين و إلا زوجته و حالتها
أريج يمه خالتي مره تعبانه والله حتى صوتها صاير ضعيف
أم أريج بزفرة قلب الأم يمه الله يلؤم الي يلؤمها حالتها تصعب على العين
أريج بس لو يتصل مشعل يريح قلبي أنه حي
أم أريج بأذن الله يرجع......
********************
ساعتين له و هو واقف تحت المطر و البرد يدخن السيجارة الي صارت أربع و عشرين ساعه في يده تغيرة أطباعه بشكل جذري صار قاسي و لا يمكن يتفأهم إلا بالعصبيه و الصراخ يتأمل الشارع و الناس قدام العماره تقريبا له كم يوم حفظ كل شئ عنهم هم العرب الوحيدين هنا حفظ جدول خروجه و رجوعه للبيت مد يده لجيب الجاكيت و ضغط على ورقه كانت السبب في كل الي صار له و ظلم أريج معه [ راح تندمين و ربي راح تندمين على اليوم الي ولدتك فيه أمك ].....
********************
دخلت و قفلت الباب وراها أكثر من مره و كأنها تطمئن أن محد راح يشوفها تنفست بعمق طلعت جوالها و فتحت صندوق الرسائل الخطوة جريئة و ممكن تكون بدون جدوى لكن هذي أمها ما عاد تقدر تشوفها بهذا الوضع بأصابع مرتعشه كتبتها [ ترددت كثير قبل أرسلها لين فقدت معنى الصبر و أنا أشوف أمي تموت قدامي بذي الطريقه لفقد مشعل و تضل أنت الوحيد الي ممكن تقدر تريحها و تريحنا أرجوك ما تبخل بالشئ الي تعرفه عن مشعل....مرام ]
ذيك اللحظة سلطان كان متمدد بفراشه يغالب نومه لما سمع نغمة الرساله و فتحها بكسل و طاح الجوال من يده لقوة الصدمه و بزفره تأهت فيها معنى الأحاسيس ضغط زر الأتصال متناسي كل الحواجز.....
**********************
الجزء الستون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك