رواية ابغى تكون انت داري وانا دارك واوعدك ما اخذلك -2
جات مجد وجيهان ومع كل وحده باقه ورد مجد:الف مبرووك ياعرسان واعطتهم ابتسامه ممزوجه باللقافه
وليد:هههههه...الله يبارك فيك ياحلوه ...واعطوهم الباقات وراحوا يرقصون ومعهم لجين وجواد بنص الرقص مجد صرخت:صح ياخالو انا احلاهم
وليد طالع بهمس:ههههه
جاتهم بدور :الف الف مبروك وسلمت عليهم ..عند همس:منه المال ومنك العيال
همس ابتسمت لها(الله لايقوله)
في وحده تطالع في همس بحقد قامت ومشت لعندهم ومو لابسه شي يغطي شعرها ولبسها مره عريان لابسه فستان أخضر غاآآمق وصدرها باين والفستان فوق ركبها وتمشي بدلع ماصخ جت عند وليدومدت يدها وليد :!!!!!...وش تبين ؟
ملاك بدلع:ابي ابارك لك..ولا ممنوع؟
همس(منو هاذي ووش تبي!ليتها خذتك ياوليد وريحتني)
وليد لف عنها لجه همس سلمت على همس :وليد لي مو لك وتشوفين..واعطت وليد هديه ونزلت
بعد مانزلت وليد طالع في همس :هيا امشي ونزلوا سواهمس(حتى مافكر يببرر الي صار..جعلها تتهنى فيه وانا وش دخلني!!)
ودعت اهلها واهله ...
تفضــلوا البـــارت.... |
بالفندق
(نفسي بس اعرف منو هاذي!):وليد؟
وليد كان يتعشى طالع فيها:نعم؟
همس(نعامه ترفس ببطنك قول امين الواحد يقول لبيه آمري حبيبتي شي حلو مو نعم!)
:منهي الي جات وسلمت علينا واعطتك هديه؟!
وليد غمز:تغارين علي؟
همس:.........(امممحق ماعاد الاأنت اغار عليه)
وليد:هاذي بنت عمي ملاك تحبني وتبيني ولا ابيها
همس:اها(لاعاد ماحبت الا انت!)
قامت همس وراحت أخذت شاور و لبست بيجامه نوم لونها بيج فيها قلوب كبار وصغار لونها موف لحد ساقها وراحت تمشط شعرها وشافت السلسال الي كان هديه من عبدالله
(آه وينك الحين ياعبود...فرقوا بينا الله يسامحهم)
عند عبدالله ماقدر يجلس بالصاله اكثر وطلع يمشي بلا هدف(آآآه يارب تساعدني على فرقاها وتوفقها يارب ....همس والله أحبك )نزلت دمعه حاره على خده ومسحها وراح يمشي بسرعه جنونيه
.....
عند منار توها طالعه من الحمام ماخذه شاور طلعت تذكرت عبدالله على طول دقت عليه
عبدالله رد بالاخير لانها منار اخته:.....
منار:السلام عليكم
عبدالله :وعليكم السلام
منار:عبودي كيفك؟
عبدالله ماحب يبين حزنه :الحمدالله انتم كيفكم؟
منار :الحمدالله....وينك الحين؟
عبدالله :بالسياره رايح للشقه تبين شي؟!
منار:لاياحبيبي بس حبيت اتطمن عليك بعد الي صار
عبدالله:لاتخافين علي انا بخير وجبل ماتهزه ريح و انا راضي بقدري
منار فرحت بكلامه:الله يوفقك ويسير لك بنت الحلال الي تهنيك
عبدالله:انا دامني ماتزوجت همس عهد علي ماتزوج بدالها
منار :الله يصبرك ياأخوي...يالله مع السلامه وانتبه لنفسك زززيـــــن وكل ولا تيأس ترى الدنيا ماتسوى خلاص؟
عبدالله ابتسم:ابشري وقلت لك لاتخافين علي مع السلامه يالغلا
منار:في حفظ الله
......
وصل الشقه
فيصل:هلا والله بعبود
عبدالله ابتسم رغم جراحه:السلام عليكم
الكل:وعليكم السلام
فايز:تعال رفه عن نفسك شوي والعب بلوت ويانا
عبدالله:والله تعبان بروح انام
خالد:انسى الهموم والله يعوضك ...وابتسم له
عبدالله رد له الابتسامه وراح ينام
طبعا فيصل وفايز وخالد وعبدالله اصدقاء من هم صغار
وكلهم يفهمون بعضهم كانهم اربع ارواح بجسد واحد
فايز:والله وجه مايبشر بخير احسه ذبلان
فيصل:تلومه حلم طفولته بحضن واحد غيره
خالد:اي والله ... تذكرون كيف كان يحكي عنها وكمان بالمتوسط جمع مصروفه عشان يشتري لها سلسال
الله يكون بعونك ياعبود
فيصل وفايز:آمين
همس صحت طالعت وليد جنبها (هذا الشي الي عمري ماتمنيته يصير اني انام جنب واحد غير عبود !!آآه الله يكون بعوني)قامت و راحت وضت وصلت وليد لسى نايم جت عنده
:وليد قوم صل ..وش فيك الصلاه فاتتك
وليد فتح عيونه شوي وسكرها
همس بدت تعصب :ووليد وهزته
جلس ماصدقت راحت تشرب مويه رجعت رجع ينام !!
صرخت:ولـــــيد
هوقام مفجوع:بسم الله ماتعرفين تصحين بهدوء ...قام عشان يوضي
همس:وش اسوي لك مرره نومك ثقيل(وكلك على بعضك ثقيل )دخل وضا وصلى ونام
على 11 صحت همس نشيطه
(اووف مافيني نوم شبعت ابي افطر )راحت دقت وطلبت لهم فطور وراحت تصحي وليد:وليد
وليد لف للجه الثانيه
همس(يمـــــه منه نومه ثقــــــــــيل الله يصبرني عليه)
هزته:تبي فطور؟
وليد:.........
همس هزته اقوى من قبل:وليـــــد ؟!
وليد:همم
همس:تبي فطور؟
وليد:لا
همس(اخيرا مابغيت ترد يالدب)راحت تفطر لحالها
........
بعد صلاه الظهر حمد عزم وليد على الغداء
ببيت عائله همس...
جنى:هاه كيف كان البارح معاك ياهموسه؟
همس:الحمدالله بس وليد غثني نومه مره ثقيل
غنى:يمكن عشان امس تعب
همس:مااعتقد!
منار:وين بتروحون شهر العسل؟
همس:مادري ماقد حدد وليد
........
بعد العصر
همس تكلم وليد:الحين!خلها بكره
وليد:لا ماقدر اهلي بكره مسافرين وعازمينا على العشاء
همس بزعل:طيب خلاص باي وقفلت
طلعت من الغرفه زعـــــلانه
حازم:وش صاير ليش ماده البوز شبرين؟!
همس:الحين وليد بيمر ياخذني ونروح نتعشى عند اهله لانهم خلاص بكره مسافرين
حازم ابتسم:يالله خيرها بغيرها
همس ابتسمت وعلمت البنات وشوي دق وليد:الو...طيب..الحين طالعه...باي
:يالله وليد عند الباب سلمت عليهم وطلعت جات تفتح الباب اانصدمت عبدالله قدامها وباين عليه انه كان يبي يدق الباب
كان لابس ثوب بني وغتره ولابس نظاره شمسيه وشعره باين من جنب الغتره وسكسوكه
(آه يالفرق بينك وبين وليد)استوعبت انها تناظر فيه ونزلت عينها عبدالله(آه اخذك هالمعفن وليدوه ياحسرتي عليك)شاف النقش الي بيدها واعجبته يدها مـــــره ...بعد عنها عشان تمر..ركبت سياره وليد(كامري 2010)
.........
دخلت السياره ساااكته ووليد مو ملاحظ ان فيها شي وصلواعند اهل وليد استقبلهم جهاد:هلا والله بالعرسان اسفرت وانورت وسلم على اخوه
همس دخلت عند اهله وهي خايفه ناس ماتعرفهم فجاءه تكون من ضمنهم!سلمت عليهم وجلست على كنبه فرديه من كثره ارتباكها جلست بالعبايه!
ام وليد:وش فيك ماتفكين العبايه لا تخافين جهاد واسامه مو داخلين!
همس استحت وفكتها:لا ياخاله مو هذا قصدي
ام وليد:أجل شنو؟!
همس(رحت وطي من هالعمه مااكره من ولدها الا هي!):نسيتها ...لاني خجلانه منكم
بدور:لا تخجلي ياقمر انتي بين اهلك وابتسمت لها
همس:تسلمين
بدور:الله يسلم روحك
مجد وجلست جنب همس وتتأملها:الله انتي حلوه ماشاء الله كثير ياهموس..واعطتها بوسه
همس استحت وسكتت
بدور:مجد تعالي وعيب مره ثانيه قولي خاله طيب؟
مجد:لا هي صغيره ليش اقولها خاله باقولها همموس وطالعت بهمس
همس:خليها تقول الي تبي
بدور ابتسمت:لايغرك تريها شيطان يمشي فوق الأرض
همس:ههههه لاحرام عليك هاذي قمر ماشاء الله ومسحت على شعر مجد
جيهان شافتها وغارت:وانـــــا؟
همس ابتسمت :تعالي ياجوجو
جيهان جات تركض ورمت نفسها بحضن همس وصاروا يتضاربون مجد وجيهان على همس وهي استحت وتضحك عليهم امهم قامت وقرصت كل وحده:يالله ابعدوا..مجد وجيهان بكوا وراحوا
ام وليد:ليش يابدور تضربينهم؟خليهم عادي يجلسون مع همس
بدور:لا يمه ازعاج
ام وليد:لا عادي همس صغيره خليهم يلعبون وياها
همس(يعني انا بزره بنظرها!الله يسامحك)
همس مارضت انها تغلط عليها:خاله انا عمري 24مو10سنوات او اقل!
دخل وليد على كلام همس :السلام عليكم
الكل:وعليكم السلام
وليد طالع بهمس بعيون لوااامه:وش صاير ليش تتكلمتي على امي؟
همس مقهوره:هي...ماتركها تكمل:انتي من الحين امي تشلينها فوق راسك تسمعين؟ولما تقولك شي قولي تامرين آمر انا خدامه تحت رجلينك فاهمه؟
همس وقفت من عصبيتها:لا والله!هذا الي ناقصني تغلط علي امك بلا سبب واسكت اعذرني..وجت تبي تطلع من الغرفه بس مسكها وليد بعصبيه:همـــــس!
طالعت فيه:نعـــــم
جاها كف طيحها بالارض
همس الدنيا دارت فيها خلاص مو قادره تستوعب الي صاير وقفت وقفت الدمع قبل لاينزل
ام وليد مشت من عندها واعطتها نظره من فوق لتحت وراحت
بدور شهقت:وليد امي والله هي الي تكلمت على همس
وليد معصب:انتي نقطيني بسكوتك لو سمحتي..وطلع من عندهم بدور قفلت الباب ومع التقفيله طاحت همس وتبكي وتشاهق بدور حنت عليها مرا
همس تطالع فيها والدمع على وجها:ليش ليش حياتي كذا اول شي فرقوا بيني وبين حبيبي وصديقي من الطفوله وزوجوني بواحد يبيني اهتم لبيته وبس يعني خدامه لـــــه ومو مكفيني الا تجي امه وتزيد الطين بله آه ياربي بدور اخذتها بحضنها حتى هدت
:صدقيني ان الله يحبك والله اذا احب قوم ابتلاهم وماخذ الا ليعطيك ياهموس صح ولا انا غلطانه؟...وحطت عينها بعين همس الحزينه همس ابتسمت لهاورجعت بحضنها ..شوي يندق الباب مجد:ماما بدور هههه هيا العشاء وراحت ...همس وبدور ضحكوا
سافروا وليد وهمس بعد يومين بمكه...بالساحه بعد ماطلع وليد من عند الحلاق
:يالله امشي...همس مروقه وحاسه براحـــــه مره نص الطريق خلاص قدهم عند المواقف حقت السيارات
وليد:لحظه همس نسيت المفاتيح عند الحلاق...اسمعي تعرفين لوحه سيارتي؟
همس:ايوه
وليد:طيب يالله بروح لاتضيعين!....همس مشت ومشت وكانت واثقه انها تعرفهاشوي حستها انها ضاعت كل ماشافت كامري راحت لها وماتطلع هي خلاص الدمعه بعينها ....عند وليد وصل سيارته وكان يطالع بجواله :الحمد...رفع راسه(وين همس؟!)جلس يدورها....همس نست من خوفها ان معها جوال ...شوي سمعت صوت شباب وضحكهم وخااافت(وينك ياوليـــــد؟!)ونزلت دموعها شوي يدق جوالها شافت المتصل وليد:و..ل.يد وي..نك(صوتها يرجف من الخوف)
وليد:انتي الحين فينك؟
همس خلاص متوتره خايفه:مادري مادري..وبكت
وليد:اهدي واوصفي مكانك ..وصفت له بالغصب عرفت
وليد كان يمشي:ايوه..خلاص همس شفتك ومشى بسرعه همس لفت وراءها شافت وليد ركضت ورمت نفسها بحضن وليد..الشباب الي سمعتهم همس ناظروا فيهم باستغراب
وليد انحرج منهم:خلاص همس وابعدها عنه وراحوا ركبوا السياره وهمس بس تشاهق
وليد:خلاص همس
همس:...
......................
وليد وهمس رجعو الشقه وهي دخلت غرفة النوم وقفلت عليها وبكــــــــــت حتى نامت
وليد جالس بالصاله ويفكر كيف راح تكون حياته مع همس!
....................
عند جهاد وبدور
بدور وهي تطفي التلفزيون طالعت بجهاد الي ولده جالس بحضنه ويلعب بشعره وباس بجيبينه طالع:ليش طفيتي التلفزيون؟
بدور ابتسمت له:ابي اكلمك بموضوع....
جهاد :الله يستر من مواضيعك ..قولي وش عندك
بدور تاشر على جواد جهادضحك:حبيبي روح العب وقوم جواد من حضنه
جواد:طيب وراح يلعب مع مجد وجيهان
جهاد حنا ظهره وشبك يدينه ببعض:امري؟
بدور:بصراحه انا شفت وحده بزواج وليد علييها جمممال واخلاق والله ماتتفووت...وسكتت تبي تعرف ردة فعله
جهادابتسم ببرود داخلي:بدوره حبيبتي عارفه اني عانيت مع نوال ومااابي اعيد المعاناه وابي اربي ولدي وبس ....ووقف
وقفت معه
بدور:طيب انت جرب هالمره انت مطلقها من عمر جواد ثلاث سنوات ومعزب من ثلاث سنوات ونوال تزوجت وجابت لها اثنين ماشاء الله وانت على حطت يدي!!
جهادطالع فيها بسرحان وساكت:..............
بدور:افهم انك بتفكر؟
جهاد:طيب منو هالبنت الي ماتتفوت؟
بدور فرحت (بداية الخيير قطره اما انهبلت على غنوه مااكون بدور)
:اخت زوجة اخوك المصون ولود
جهاد:شو اسمها
بدور تغيرت ملامح وجها للفرح انه جالس يسألها ويستفسر
جهادمافاتته وهو باسساسه قوي ملاحظه:الله الله كل هذا فررحه توو قلت افكــــــر
بدور ابتسمت له:الله ييسر لك كل مافيه الخير....واسمها غنى
جهاد(الله اسمها مرره حلوو.....وش تفكر فيه ياجهاد ولدك الحين حياته مستقره وانت بعد ومرتاح بعد ماامه تخلته عنه وخلته لك تجي تدمر حياتكم؟!!ماينعرف هي هالبنيه تنحط على الجرح يبرا ولاتزيد الالآم الآم!!)
جهادابتسم لاخته:قلت افكر وطبطب على كتف اخته وطلع واخذ ولده معه وراح ينامون عشان وراء جهادداوام
جواد:بابا ويلمس عارض ابوه
جهادضمه لصدره:امرني
جواد:وين ماما؟
جهاد (حزن علييه كثيير ..صاير يسال بكثره عن امه وهو محتار وش يقول له ودايم يقوله ماما مسافره ويحسه مايقتنع!)
جهاد:مثل ما....ماخلااه يكمل وابعد عن حضن ابوه ودموع البراءه تنزل على خدوده:لالالاتكذب يابابا علي انا ترى بعدين اصير اكذب مثلك!!
جهادانصدم من ولده ومد له يده:طيب تعال لحضني...
جوادبصراخ:لاااااااا ونزل من السرير يركض وطراااخ باب الجناح
جهادتنهد بقووه(آآآه ياربي بيجنني هالولد!)وقام يشوف له
<طبعا جهادمررره حنون على ولده
طلع لقاه بغرفة العابه ويرمي باللعاب بالجدار بعصبية
انصــــدم وخاف على ولده وجاء عنده ونزل على ركبه وضمه جواد استسلم لحنان ابوه وبكــا بحضنه حتى نام
جهاد سااكت ويلمس على شعره وكان حاس بقوة ضمه جواد بدت تتلاشى عرف انه نام وشاله وحط على السرير وحط راسه وبباله فكرة لازم ينفذها ونام
...............
عند البيت الكئيب....
جنى:غنى حبيبتي وش فييك؟
غنى كانت متغطيه من فوق راسها وتعاصر الام بطنها ماقدرت ترد ولاتبي ترد على تؤامتها
جنى شالت اللحاف شهقت:غنوه حبي وش فيك بطنك؟
غنى من قوة الام تجلس وترجع وتبكي وتتكتم اللآهات بالمخده ودموعها ماوقفت
جنى خلاص موقادره قلبها تقطع على تؤامها ونصف الثاني وراحت جري دقت على غرفة حمد(حمد طبعا ماعنده دوام لانه مدرس ومخلص)
خافو منار وحمد من الدقة وقام بسرعه:اللهم اجعله خير يارب.....فتح جنى عيونها كلها دموع وخدودهـا
حمد تخرع:جنو وش فييه؟!!
جنى:غنى ..غنى تعبااانه مرره
حمد :طيب يالله لبسيها عباتها....(طبعا متعودين غنى كل شهر تمرض...ويودونها المستشفى)
مشوها وجبينها معرق من كثر الام الي تعانيه...رغم جسمها المرتوي الا انها دايم كذا من يوم بلغت...
وصلوها المستشفى وعطوها آبره ورجعو البيت بالصاله تحديدا الساعه 8 الصباح
حمد:لاموهاذي حاله كل مره اوديها وكل شهر ابره!!بتعدمها اعدااام
منار بنبره حزززن:والله ماترتاح الا اذا خذتها انت ماشفتها كيف تعتصر من الم؟
حمد:أي عارف والله عارف بس منور فكري بعقلك مو حل كل شهر ضاربينها ابره!!وقام راح يكمل نومته
وجنى ومنار طالعو ببعض وسكتو ...شوي قطع تفكيرهم صوت لجين:ماما وين تنتم؟(كنتم)
منار اخذتها بحضنها وباستها:رحنا مع عمة غنى لانها تعبانه
لجين تموووت بعماتها بس همس غييير...وراحت تركض وشافتها نااايمه وطلعت ورجعت لامها:ماما ليه عمة دايم تمرض وتروح المستشفى؟
منار:تتعب ببطنها...يالله نوم وبلا كثرة اسئله...طالعت بجنى المسرحه :جنو..جنو
جنى انتبهت:هلاقلبي؟
منار ابتسمت:روحي ريحي نفسسك من التفكير وانتي سهرانه ماقد نمتي يالله ...وكلن راح ينام الا جنى انسدحت مع اختها وتلمس على شعرها بحنيه وتفكر في كلام حمد حتى ماحست متى نامت...
................
عند همس ووليد الساعه10 بمكه
همس صارت ماتقدر تنام من الي جنبها والتفكير ماكل عقلها اكل
طالعت فيه(مالت على هالووجه كم اني اكره واكره الانسان الي داخله ...اكره بروده اكره بلاهته ...وينك ياعبوود وتشوف الي اشوفه وتعيش العيشه النننكد هاذي!)
صحا وليد وجالس تتامله بنظرات عجز يفسرها !:اخذتي نسخه خلاص؟
همس انحرجت :........واعطته ظهرها
وليد لفها لوجه:لما اكلمك تعطيني وجهك ...روحي سوي لي فطور
همس انهبلت منه(همه بطنه وروحه وبيته ولاالمشاعر عنده لا صدق كانه جهاز آلي مالت)
:ابشروراحت جهزت لهم الفطور ونادته
وليد جاء وكان لابسه بيجامه سبورت لون البنطلون ابيض وبلوزته سوداء ساده لحد ذراعه
جلس ياكل بصمت وهمس اكلت شوي وقفت تتطالع فيه وتتفكرر
وليد:وبعدين؟!
همس كان من اعطها طراق نزلت عينها فمهت انه مل من نظراتها
وليد:وراءك شي من هالنظرات خلصي وش تبين؟
همس :!!!...لاولاشي وقامت ...جاءها صوته الجهوري:شيلي الأكل وراح يغسل
همس وجع ولاخدامه عنده ..شالت الأكل جلست بالمطبخ تبيه ينام وتروح ...وليد مستحيل يخليها تنام على كنبه لازم كلهم على السرير
راحت طالعت شافها تطل مع الباب:تعالي وش فيك؟
همس لوت فمها يمين ويسار ودخلت تبتسم وانسدحت واعطته ظهرها<وهالعاده ماتفكها وليد لفها لصوبه بقووه حتى صارت قرريبه منه مره همس متقززه منه شافها معقده حواجبها ومسكره عيونها:خيير مقفله عيونك؟
همس:........حاولت تبعد عنه مسكها...موحبا فيها يبي يقهرها عارف انها تبعد عنه وتاخرت بالمطبخ حتى ينام وتجي
همس دفته ولاكانها.. كانها دفت جبل:ابعـــد
وليد:...........شوي دفها وابعد واعطاها ظهره:صدق خبيثه...!
همس طنشت ولفت هي بعد بس مانامت حتى الظهر تتذكر قربه منها وتنقهر ماتبببي تكرهه تكرهه!!
..............
الظهر عند جهاد رجع من دوامه دخل بيتهم:السسلام علييكم
امه واسامه:وعليكم السلام
جهاد:لاكارثه اسامه هنـا!
اسامه سفهه وجلس ياكل ويطالع بالتي في
جهاد :اخوي ماودك تتزوج؟
ام جهاد:الا انت ماودك تتزوج؟
اسامه:هههههاي انقلب السحر على الساحر
جهاد طالع فيه بنظره وطالع بمه:.......الا ان شاء الله
امه منذهله:من جد جهود؟
جهاد:وانتي عمرك شفتيني استهبل خاصه بهالمواضيع؟
ام جهاد:خلاص يعني اختار لك؟
جهاد تنهد:لايمه كلمي بدور وهي تفهمك...عن اذنكم بروح انام عشان بطلع العصر مع جوادي...
راح بدل ملابسه وجاء عند جواد:حبيبي تجي تنام معاي
جواد بعيونه العتاب:لا.
جهاد تضايق:ليش؟ومسك يدينه
جواد فكها ولف عن ابوه
جهاد(من حقه عمره مايذكر امه حتى لو بصوره الحق علي انا الي مانعه... بس مابيه يتعلق بسراب!امه مو مهتمه له اعلقه فيها ليش لاوافقت غنى باقول له انها امه)قام وتركه راح جناهم هو وجواد واخذ جواله وارسل لبدور
بدور كانت تروش مجد:مجد احسلك اجلسي
مجد تبكي:لالامابي وكملت بكا
امه اعطتها كف دخل زوجها رائد:افـــا يابدورتي ...
خجلت من رائد ومن نفسها
جاء وشال بنته ونشف جمسها ولبسها جت بدور مسكت بيدها تبي تاخذها سحبت يدها بقوة:مابيك ابي باباه
رائد:افـــا هاذي ماما هي غلطت يوم عطتك كف بس هي كانت معصبة ومامسكت نفسها تخاف تطيحين وتتعورنين وتجلس تبكي عليك
مجد طالعت بامها وجت ضمت رجولها بدور ابتسمت ونزلت لمستواها وكان رائدبنفس المستوى ابتسمت وضمت الاثنين
مجد:باباه ابعد انت كبير وانا ابي ماماه لحالي
رائد+بدور:هههههههههه
رائدقرصها بخدها على خفيف:ياشقيه وقام
شوي بدور تسمع نغمة الجوال اخذته لقت الرساله من جهاد ابتسمت فتحتها(بدوره حبي انا قلت لامي اني باتزوج انتي خبريها انها غنى طيب وضحي لها السالفه ويكون بعلمك اني باتزوجها عشان جوادي حبيبي زعلان مني عشان دايم اصرفه ان امه مسافره وماقام يصدق وباقوله ان غنى امه...(اذا وافقت)يالله بنام..)
بدور فرررحت ودقت على امها واتفقويخطبون غنى بس اولا يدقون عليهم ويسالون هي موافقه قبل لايجون لابها ويتعبون
...........
العصر تحديدا بابها عند التؤام وحمد وحازم ومنار ولجين الي جالسين بالحوش يتقهوون
حازم:ياحمد الله يخليك ودنا ابها الجديده
جنى:أي والله ...عشان نتسلى وتتسلى غنو
لجين مسكت يدين ابوها وتنطنط فيها:يالله يالله
حمد:انا مشغول وقام وطلع
الكل :!!!!مقهوورين
حازم:آآخ متى اكبر واتوظف اما رفهتكم مااكون حازم وقام
البنات تعودو على البيت وقعدتة وعلى اسلوب حمد الجاف والقاسي وجلسوا يسلفون شوي يدق التلفون
حازم:مرحبــا
ام جهاد:هذا بيت حمد؟
<طبعا خذت الرقم من عند همس وهمس مستغربه ليش دقت عليها واخذت رقم بيتهم!!
حازم:أي هذا بيته بغيتي شي اختي؟
ام جهاد:أي بغيت زوجته منار لو سمحت؟
حازم:طيب.....منــــار....منورر
جات :نعم حزوم؟
حازم بهمس:وحده تبيك
منار:!! عقدت حواجبها(يمكن جارتنا يالله اشوف منو!)
:هلا
ام جهاد:هلا فيك
.......................فاتحت معها الموضوع ومنار انصدمت لانه كبير ومعه ولد وغنى تو صغييره قالت لها بتشوف وترد لها بعد يومين
صرفت البنات وحازم وقالت انها جارتهم....
بالليل تحديدا بغرفة منار وحمد
منار جالسه تمشط شعر لجين:حمودي حبيبي
حمد انسدح تو بعد ماصلى الوتر:هلا
منار ضبطت شعر لجين:يالله ماماروحي لعماتك ولاحزوم والعبي معه ابي اجلس مع بابا ...
لجين:طيب وراحت تركض ومنار تلحقها بنظراتها حتى قفلت الباب جات عنده وابتسمت له وجلست تمسح على شعره بحنان(يالله يامنور كم انتي حنونه بس ادري اني قاسي...)(فاقد الشي مايعطيه)
:في موضوع مهم مررره
حمد:قولي!
منار:جو خطاب لغنى
حمد جلس:مين؟
منار:اخو وليد....جهاد
حمد سكت وجلس يتذكره :اوووه هذاك الي معه ولد ..جواد؟
منار:أي علييك نور هاه وش رايك<تبي تعرف رايه بلاول
حمد:عادي عندي واحسن منه مانلاقي
منار:بكره انت فاتح غنى بالموضوع
حمد:لاماني بفاتح انتي دقي وقولي موافقين وغنى امرها علي
منار:!!حمد تبي تعيد غلطتك الي سويتها مع هموس؟
حمد عصب:انا اعرف مصلحة اخواتي فيين انتي عليك تنفذين الي قلت مفهوم؟
منار بسم الله دايم مزاجي:ابششر
التزمت منار بالي قاله حمد وبعد يومين وصلت موافقتهم بلاحرى موافقة حمد...
حمد جاء عند غنى الي جالسه تلعب كورة مع حازم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك